Ashtaka

Svasvamiyugala Ashtakam Lyrics in Telugu

Svasva Yugala Ashtakam Lyrics in Telugu:

స్వస్వామియుగలాష్టకమ్

ఆసాతామేకశరణే విహితాకరణే హృది ।
స్వామినౌ వల్లభాధీశవిఠ్ఠలేశాభిధౌ సదా ॥ ౧ ॥

కృపాం ప్రకురుతాం దీనే స్వత ఏక కృపాకరౌ ।
స్వామినౌ వల్లభాధీశవిఠ్ఠలేశాభిధౌ సదా ॥ ౨ ॥

ప్రసీదేతాం మయి శ్రీమద్వ్రజేశచరణాశ్రయే ।
స్వామినౌ వల్లభాధీశవిఠ్ఠలేశాభిధౌ సదా ॥ ౩ ॥

దాస్యం ప్రయచ్ఛతాం మహ్యం సమస్తఫలమూర్ధగమ్ ।
స్వామినౌ వల్లభాధీశవిఠ్ఠలేశాభిధౌ సదా ॥ ౪ ॥

కదాఽపి మామనన్యం మా త్యజేతాం నిజసేవకమ్ ।
స్వామినౌ వల్లభాధీశవిఠ్ఠలేశాభిధౌ సదా ॥ ౫ ॥

ప్రమేయబలమాత్రేణ గృహ్ణీతాం మత్కరం దృఢమ్ ।
స్వామినౌ వల్లభాధీశవిఠ్ఠలేశాభిధౌ సదా ॥ ౬ ॥

ఆర్తిం నివారయేతాం మే మస్తకే హస్తధారణైః ।
స్వామినౌ వల్లభాధీశవిఠ్ఠలేశాభిధౌ సదా ॥ ౭ ॥

మన్మూర్ధని విరాజేతాం ప్రభూ లోకవిలక్షణౌ ।
స్వామినౌ వల్లభాధీశావిఠ్ఠలేశాభిధౌ మమ ॥ ౮ ॥

ఇతి శ్రీమద్ధరిదాసోదితం స్వస్వామియుగలాష్టకం సమ్పూర్ణమ్ ।

Add Comment

Click here to post a comment