Templesinindiainfo

Best Spiritual Website

1000 Names of Balarama | Sahasranama Stotram 2 Lyrics in Kannada

Bala Rama Sahasranamastotram 2 Lyrics in Kannada:

॥ ಬಾಲಾತ್ರಿಪುರಸುನ್ದರೀಸಹಸ್ರನಾಮಸ್ತೋತ್ರಮ್ 2 ॥

ಸಮಾಧ್ಯುಪರತಂ ಕಾಲೇ ಕದಾಚಿದ್ವಿಜನೇ ಮುದಾ ।
ಪರಮಾನನ್ದಸನ್ದೋಹಮುದಿತಂ ಪ್ರಾಹ ಪಾರ್ವತೀ ॥ 1 ॥

ಶ್ರೀದೇವ್ಯುವಾಚ –
ಶ್ರೀಮನ್ನಾಥ ತವಾನನ್ದಕಾರಣಂ ಬ್ರೂಹಿ ಶಂಕರ ।
ಯೋಗೀನ್ದ್ರೋಪಾಸ್ಯ ದೇವೇಶ ಪ್ರೇಮಪೂರ್ಣ ಸುಧಾನಿಧೇ ।
ಕೃಪಾಸ್ತಿ ಯದಿ ಮೇ ಶಮ್ಭೋ ಸುಗೋಪ್ಯಮಪಿ ಕಥ್ಯತಾಮ್ ॥ 2 ॥

ಶ್ರೀಭೈರವಃ
ನಿರ್ಭರಾನನ್ದಸನ್ದೋಹಃ ಶಕ್ತಿಭಾವೇನ ಜಾಯತೇ ।
ಲಾವಣ್ಯಸಿನ್ಧುಸ್ತತ್ರಾಸ್ತಿ ಬಾಲಾಯಾ ರಸಕನ್ದರಃ ॥ 3 ॥

ತಾಮೇವಾನುಕ್ಷಣಂ ದೇವೀಂ ಚಿನ್ತಯಾಮಿ ತತಃ ಶಿವಾಮ್ ।
ತಸ್ಯಾ ನಾಮಸಹಸ್ರಾಣಿ ಕಥಯಾಮಿ ತವ ಪ್ರಿಯೇ ॥ 4 ॥

ಸುಗೋಪ್ಯಾನ್ಯಪಿ ರಮ್ಭೋರು ಗಮ್ಭೀರಸ್ನೇಹವಿಭ್ರಮಾತ್ ।
ತಾಮೇವ ಸ್ತುವತೋ ದೇವಿ ಧ್ಯಾಯತೋಽನುಕ್ಷಣಂ ಮಮ ।
ಸುಖಸನ್ದೋಹಸಮ್ಭಾವೋ ಜ್ಞಾನಾನನ್ದಸ್ಯ ಕಾರಣಮ್ ॥ 5 ॥

ಅಸ್ಯ ಶ್ರೀಬಾಲಾತ್ರಿಪುರಸುನ್ದರೀ ಸಹಸ್ರನಾಮಸ್ತೋತ್ರಸ್ಯ ಶಂಕರ ಋಷಿಃ,
ಅನುಷ್ಟುಪ್ ಛನ್ದಃ । ಶ್ರೀಬಾಲಾತ್ರಿಪುರಾ ದೇವತಾ । ಐಂ ಬೀಜಮ್ । ಸೌಃ ಶಕ್ತಿಃ ।
ಕ್ಲೀಂ ಕೀಲಕಮ್ । ಶ್ರೀಬಾಲಾಪ್ರೀತ್ಯರ್ಥೇ ಸಮಸ್ತಪುರುಷಾರ್ಥಸಿದ್‍ಧ್ಯರ್ಥೇ
ಪಾರಾಯಣೇ ವಿನಿಯೋಗಃ ।
ಐಂ ಅಂಗುಷ್ಠಾಭ್ಯಾಂ ನಮಃ । ಕ್ಲೀಂ ತರ್ಜನೀಭ್ಯಾಂ ನಮಃ ।
ಸೌಃ ಮಧ್ಯಮಾಭ್ಯಾಂ ನಮಃ । ಐಂ ಅನಾಮಿಕಾಭ್ಯಾಂ ನಮಃ ।
ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ । ಸೌಃ ಕರತಲಕರಪೃಷ್ಠಾಭ್ಯಾಂ ನಮಃ ।
ಏವಂ ಹೃದಯಾದಿನ್ಯಾಸಃ ।
ಧ್ಯಾನಮ್ ।
ಅರುಣಕಿರಣಜಾಲೈ ರಂಜಿತಾಶಾವಕಾಶಾ
ವಿಧೃತಜಪವಟೀಕಾ ಪುಸ್ತಕಾಭೀತಿಹಸ್ತಾ ।
ಇತರವರಕರಾಢ್ಯಾ ಫುಲ್ಲಕಲ್ಹಾರ ಸಂಸ್ಥಾ
ನಿವಸತು ಹೃದಿ ಬಾಲಾ ನಿತ್ಯಕಲ್ಯಾಣಶೀಲಾ ॥

ರಕ್ತಾಮ್ಬರಾಂ ಚನ್ದ್ರಕಲಾವತಂಸಾಂ ಸಮುದ್ಯದಾದಿತ್ಯನಿಭಾಂ ತ್ರಿನೇತ್ರಾಮ್ ।
ವಿದ್ಯಾಕ್ಷಮಾಲಾಭಯದಾನಹಸ್ತಾಂ ಧ್ಯಾಯಾಮಿ ಬಾಲಾಮರುಣಾಮ್ಬುಜಸ್ಥಾಮ್ ॥

ಆನನ್ದಸಿನ್ಧುರಾನನ್ದಾಽಽನನ್ದಮೂರ್ತಿರ್ವಿನೋದಿನೀ ।
ತ್ರಿಪುರಾ ಸುನ್ದರೀ ಪ್ರೇಮಪಾಥೋನಿಧಿರನುತ್ತಮಾ ॥ 1 ॥

ವಾಮಾರ್ಧಗಹ್ವರಾ ಭೂತಿರ್ವಿಭೂತಿಃ ಶಂಕರೀ ಶಿವಾ ।
ಶೃಂಗಾರಮೂರ್ತಿರ್ವರದಾ ರಸಾ ಚ ಶುಭಗೋಚರಾ ॥ 2 ॥

ಪರಮಾನನ್ದಲಹರೀ ರತೀ ರಂಗವತೀ ಗತಿಃ ।
ರಂಗಮಾಲಾನಂಗಕಲಾ ಕೇಲೀ ಕೈವಲ್ಯದಾ ಕಲಾ ॥ 3 ॥

ರಸಕಲ್ಪಾ ಕಲ್ಪಲತಾ ಕುತೂಹಲವತೀ ಗತಿಃ ।
ವಿನೋದದಿಗ್ಧಾ ಸುಸ್ನಿಗ್ಧಾ ಮುಗ್ಧಮೂರ್ತಿರ್ಮನೋರಮಾ ॥ 4 ॥

ಬಾಲಾರ್ಕಕೋಟಿಕಿರಣಾ ಚನ್ದ್ರಕೋಟಿಸುಶೀತಲಾ ।
ಸ್ರವತ್ಪೀಯೂಷದಿಗ್ಧಾಂಗೀ ಸ್ವರ್ಗಾರ್ಥಪರಿಕಲ್ಪಿತಾ ॥ 5 ॥

ಕುರಂಗನಯನಾ ಕಾನ್ತಾ ಸುಗತಿಃ ಸುಖಸನ್ತತಿಃ ।
ರಾಜರಾಜೇಶ್ವರೀ ರಾಜ್ಞೀ ಮಹೇನ್ದ್ರಪರಿವನ್ದಿತಾ ॥ 6 ॥

ಪ್ರಪಂಚಗತಿರೀಶಾನೀ ಪ್ರಪಂಚಗತಿರುತ್ತಮಾ ।
ದುರ್ವಾಸಾ ದುಃಸಹಾ ಶಕ್ತಿಃ ಶಿಂಜತ್ಕನಕನೂಪುರಾ ॥ 7 ॥

ಮೇರುಮನ್ದರವಕ್ಷೋಜಾ ಸೃಣಿಪಾಶವರಾಯುಧಾ ।
ಶರಕೋದಂಡಸಂಸಕ್ತಪಾಣಿದ್ವಯವಿರಾಜಿತಾ ॥ 8 ॥

ಚನ್ದ್ರಬಿಮ್ಬಾನನಾ ಚಾರುಮುಕುಟೋತ್ತಂಸಚನ್ದ್ರಿಕಾ ।
ಸಿನ್ದೂರತಿಲಕಾ ಚಾರುಧಮ್ಮಿಲ್ಲಾಮಲಮಾಲಿಕಾ ॥ 9 ॥

ಮನ್ದಾರದಾಮಮುದಿತಾ ರತ್ನಮಾಲಾವಿಭೂಷಿತಾ ।
ಸುವರ್ಣಾಭರಣಪ್ರೀತಾ ಮುಕ್ತಾದಾಮಮನೋರಮಾ ॥ 10 ॥

ತಾಮ್ಬೂಲಪೂರ್ಣವದನಾ ಮದನಾನನ್ದಮಾನಸಾ ।
ಸುಖಾರಾಧ್ಯಾ ತಪಃ ಸಾರಾ ಕೃಪಾಪಾರಾ ವಿಧೀಶ್ವರೀ ॥ 11 ॥

ವಕ್ಷಃಸ್ಥಲಲಸದ್ರತ್ನಪ್ರಭಾ ಮಧುರಸೋನ್ಮದಾ ।
ಬಿನ್ದುನಾದಾತ್ಮಕೋಚ್ಚಾರರಹಿತಾ ತುರ್ಯರೂಪಿಣೀ ॥ 12 ॥

ಕಮನೀಯಾಕೃತಿರ್ಧನ್ಯಾ ಶಾಂಕರೀ ಪ್ರೀತಿಮಂಜರೀ ।
ಪ್ರಪಂಚಾ ಪಂಚಮೀ ಪೂರ್ಣಾ ಪೂರ್ಣಪೀಠನಿವಾಸಿನೀ ॥ 13 ॥

ರಾಜ್ಯಲಕ್ಷ್ಮೀಶ್ಚ ಶ್ರೀಲಕ್ಷ್ಮೀರ್ಮಹಾಲಕ್ಷ್ಮೀಃ ಸುರಾಜಿಕಾ ।
ಸನ್ತೋಷಸೀಮಾ ಸಮ್ಪತ್ತಿಃ ಶಾತಕೌಮ್ಭೀ 1 ತಥಾ ದ್ಯುತಿಃ ॥ 14 ॥

1 ಶಾತಕುಮ್ಭಪ್ರಿಯಾಕೃತಿಃ
ಪರಿಪೂರ್ಣಾ ಜಗದ್ಧಾತ್ರೀ ವಿಧಾತ್ರೀ ಬಲವರ್ಧಿನೀ ।
ಸಾರ್ವಭೌಮನೃಪಶ್ರೀಶ್ಚ ಸಾಮ್ರಾಜ್ಯಗತಿರಮ್ಬಿಕಾ ॥ 15 ॥

ಸರೋಜಾಕ್ಷೀ ದೀರ್ಘದೃಷ್ಟಿಃ ಸಾಚೀಕ್ಷಣವಿಚಕ್ಷಣಾ ।
ರಂಗಸ್ರವನ್ತೀ ರಸಿಕಾ (100) ಪ್ರಧಾನಾ ರಸರೂಪಿಣೀ ॥ 16 ॥

ರಸಸಿನ್ಧುಃ ಸುಗಾತ್ರೀ ಚ ಧೂಸರೀ ಮೈಥುನೋನ್ಮುಖಾ ।
ನಿರನ್ತರಗುಣಾಸಕ್ತಾ ಶಕ್ತಿರ್ನಿಧುವನಾತ್ಮಿಕಾ ॥ 17 ॥

ಕಾಮಾಕ್ಷೀ ಕಮನೀಯಾ ಚ ಕಾಮೇಶೀ ಭಗಮಂಗಲಾ ।
ಸುಭಗಾ ಭೋಗಿನೀ ಭೋಗ್ಯಾ ಭಗ್ಯದಾ ಸುಭಗಾ ಭಗಾ ॥ 18 ॥

ಭಗಲಿಂಗಾನನ್ದಕಲಾ ಭಗಮಧ್ಯನಿವಾಸಿನೀ ।
ಭಗರೂಪಾ ಭಗಮಯೀ ಭಗಯನ್ತ್ರಾ ಭಗೋತ್ತಮಾ ॥ 19 ॥

ಯೋನಿಮುದ್ರಾ ಕಾಮಕಲಾ ಕುಲಾಮೃತಪರಾಯಣಾ ।
ಕುಲಕುಂಡಾಲಯಾ ಸೂಕ್ಷ್ಮಾ ಜೀವಾತ್ಮಾ ಲಿಂಗರೂಪಿಣೀ ॥ 20 ॥

ಮೂಲಕ್ರಿಯಾ ಮೂಲರೂಪಾ ಮೂಲಾಕೃತಿಸ್ವರೂಪಿಣೀ ।
ಸೋತ್ಸುಕಾ ಕಮಲಾನನ್ದಾ ಚಿದ್ಭಾವಾಽಽತ್ಮಗತಿಃ ಶಿವಾ ॥ 21 ॥

ಶ್ವೇತಾರುಣಾ ಬಿನ್ದುರೂಪಾ ವೇದಯೋನಿರ್ಧ್ವನಿಕ್ಷಣಾ ।
ಘಂಟಾಕೋಟಿ ರವಾರಾವಾ ರವಿಬಿಮ್ಬೋತ್ಥಿತಾಽದ್ಭುತಾ ॥ 22 ॥

ನಾದಾನ್ತಲೀನಾ ಸಮ್ಪೂರ್ಣಾ ಪೂರ್ಣಸ್ಥಾ ಬಹುರೂಪಿಕಾ ।
ಭೃಂಗಾರಾವಾ ವಂಶಗತಿರ್ವಾದಿತ್ರಾ ಮುರಜಧ್ವನಿಃ ॥ 23 ॥

ವರ್ಣಮಾಲಾ ಸಿದ್ಧಿಕಲಾ ಷಟ್ ಚಕ್ರಕ್ರಮವಾಸಿನೀ ।
ಮೂಲಕೇಲೀರತಾ ಸ್ವಾಧಿಷ್ಠಾನಾ ತುರ್ಯನಿವಾಸಿನೀ ॥ 24 ॥

ಮಣಿಪೂರಸ್ಥಿತಿಃ ಸ್ನಿಗ್ಧಾ ಕೂರ್ಮಚಕ್ರಪರಾಯಣಾ ।
ಅನಾಹತಗತಿರ್ದೀಪಶಿಖಾ ಮಣಿಮಯಾಕೃತಿಃ ॥ 25 ॥

ವಿಶುದ್ಧಾ ಶಬ್ದಸಂಶುದ್ಧಾ ಜೀವಬೋಧಸ್ಥಲೀ ರವಾ ।
ಆಜ್ಞಾಚಕ್ರಾಬ್ಜಸಂಸ್ಥಾ ಚ ಸ್ಫುರನ್ತೀ ನಿಪುಣಾ ತ್ರಿವೃತ್ ॥ 26 ॥

ಚನ್ದ್ರಿಕಾ ಚನ್ದ್ರಕೋಟಿ ಶ್ರೀಃ ಸೂರ್ಯಕೋಟಿಪ್ರಭಾಮಯೀ ।
ಪದ್ಮರಾಗಾರುಣಚ್ಛಾಯಾ ನಿಶ್ಚಲಾಽಮೃತನನ್ದಿನೀ ।
ಕಾನ್ತಾಂಗಸಂಗಮುದಿತಾ ಸುಧಾಮಾಧುರ್ಯಸಮ್ಭೃತಾ ॥ 28 ॥

ಮಹಾಮಂಚಸ್ಥಿತಾಽಲಿಪ್ತಾ ತೃಪ್ತಾ ದೃಪ್ತಾ ಸುಸಮ್ಭೃತಿಃ ।
ಸ್ರವತ್ಪೀಯೂಷಸಂಸಿಕ್ತಾ ರಕ್ತಾರ್ಣವವಿವರ್ಧಿನೀ ॥ 29 ॥

ಸುರಕ್ತಾ ಪ್ರಿಯಸಂಸಿಕ್ತಾ ಶಶ್ವತ್ಕುಂಡಾಲಯಾಽಭಯಾ । (200) ।
ಶ್ರೇಯಃ ಶ್ರುತಿಶ್ಚ ಪ್ರತ್ಯೇಕಾನವಕೇಶಿಫಲಾವಲೀ ॥ 30 ॥

ಪ್ರೀತಾ ಶಿವಾ ಶಿವಪ್ರಿಯಾ ಶಾಂಕರೀ ಶಾಮ್ಭವೀ ವಿಭಾ ।
ಸ್ವಯಮ್ಭೂಃ ಸ್ವಪ್ರಿಯಾ ಸ್ವೀಯಾ ಸ್ವಕೀಯಾ ಜನಮಾತೃಕಾ ॥ 31 ॥

ಸ್ವಾರಾಮಾ ಸ್ವಾಶ್ರಯಾ ಸಾಧ್ವೀ ಸುಧಾಧಾರಾಽಧಿಕಾಧಿಕಾ ।
ಮಂಗಲೋಜ್ಜಯಿನೀ ಮಾನ್ಯಾ ಸರ್ವಮಂಗಲಸಂಗಿನೀ ॥ 32 ॥

ಭದ್ರಾ ಭದ್ರಾವಲೀ ಕನ್ಯಾ ಕಲಿತಾರ್ಧೇನ್ದುಬಿಮ್ಬಭಾಕ್ ।
ಕಲ್ಯಾಣಲತಿಕಾ ಕಾಮ್ಯಾ ಕುಕರ್ಮಾ ಕುಮತಿರ್ಮನುಃ ॥ 33 ॥

ಕುರಂಗಾಕ್ಷೀ ಕ್ಷೀಬನೇತ್ರಾ ಕ್ಷಾರಾ ರಸಮದೋನ್ಮದಾ ।
ವಾರುಣೀಪಾನಮುದಿತಾ ಮದಿರಾರಚಿತಾಶ್ರಯಾ ॥ 34 ॥

ಕಾದಮ್ಬರೀಪಾನರುಚಿರ್ವಿಪಾಶಾ ಪಾಶಭೀತಿನುತ್ ।
ಮುದಿತಾ ಮುದಿತಾಪಾಂಗಾ ದರದೋಲಿತದೀರ್ಘದೃಕ್ ॥ 35 ॥

ದೈತ್ಯಕುಲಾನಲಶಿಖಾ ಮನೋರಥಸುಧಾದ್ಯುತಿಃ ।
ಸುವಾಸಿನೀ ಪೀನಗಾತ್ರೀ ಪೀನಶ್ರೋಣಿಪಯೋಧರಾ ॥ 36 ॥

ಸುಚಾರುಕಬರೀ ದನ್ತದೀಧಿತಿದೀಪ್ರಮೌಕ್ತಿಕಾ ।
ಬಿಮ್ಬಾಧರಾ ದ್ಯುತಿಮುಖಾ ಪ್ರವಾಲೋತ್ತಮದೀಧಿತಿಃ ॥ 37 ॥

ತಿಲಪ್ರಸೂನನಾಸಾಗ್ರಾ ಹೇಮಕಕ್ಕೋಲಭಾಲಕಾ ।
ನಿಷ್ಕಲಂಕೇನ್ದುವದನಾ ಬಾಲೇನ್ದುಮುಕುಟೋಜ್ಜ್ವಲಾ ॥ 38 ॥

ನೃತ್ಯತ್ಖಂಜನನೇತ್ರಶ್ರೀರ್ವಿಸ್ಫುರತ್ಕರ್ಣಶಷ್ಕುಲೀ ।
ಬಾಲಚನ್ದ್ರಾತಪತ್ರಾರ್ಧಾ ಮಣಿಸೂರ್ಯಕಿರೀಟಿನೀ 1 ॥ 39 ॥

1 ಕೇಶೌಘಚಮ್ಪಕಾಸೇನಾಮಾಲತೀದಾಮಪಂಡಿತಾ – ಇತ್ಯಧಿಕಮ್ ।
ಹೇಮಮಾಣಿಕ್ಯತಾಟಂಕಾ ಮಣಿಕಾಂಚನಕುಂಡಲಾ ।
ಸುಚಾರುಚಿಬುಕಾ ಕಮ್ಬುಕಂಠೀ ಮಣಿಮನೋರಮಾ ॥ 40 ॥

ಗಂಗಾತರಂಗಹಾರೋರ್ಮಿರ್ಮತ್ತಕೋಕಿಲನಿಃಸ್ವನಾ ।
ಮೃಣಾಲವಿಲಸದ್ಬಾಹುಃ ಪಾಶಾಂಕುಶಧನುರ್ಧರಾ ॥ 41 ॥

ಕೇಯೂರಕಟಕಾಚ್ಛನ್ನಾ ನಾನಾರತ್ನಮನೋರಮಾ ।
ತಾಮ್ರಪಂಕಜಪಾಣಿಶ್ರೀರ್ನಖರತ್ನಪ್ರಭಾವತೀ ॥ 42 ॥

ಅಂಗುಲೀಯಮಣಿಶ್ರೇಣಿಚಂಚದಂಗುಲಿಸನ್ತತಿಃ ।
ಮನ್ದರದ್ವನ್ದ್ವಸುಕುಚಾ ರೋಮರಾಜೀಭುಜಂಗಕಾ ॥ 43 ॥

ಗಮ್ಭೀರನಾಭಿಸ್ತ್ರಿವಲೀವಲಯಾ ಚ ಸುಮಧ್ಯಮಾ ।
ರಣತ್ಕಾಂಚೀಗುಣೋನ್ನದ್ಧಾ ಪಟ್ಟಾಂಶುಕಸುನೀವಿಕಾ ॥ 44 ॥

ಮೇರುಗುಂಡೀನಿತಮ್ಬಾಢ್ಯಾ ಗಜಗಂಡೋರುಯುಗ್ಮಯುಕ್ ।
ಸುಜಾನುಮನ್ದರಾಸಕ್ತಲಸಜ್ಜಂಘಾದ್ವಯಾನ್ವಿತಾ ॥ 45 ॥

ಗೂಢಗುಲ್ಫಾ ಮಂಜುಶಿಂಜನ್ಮಣಿನೂಪುರಮಂಡಿತಾ 1 ।
1 ಪದದ್ವನ್ದ್ವಾ ರುಣಾಮ್ಭೋಜಾ ನಖಚನ್ದ್ರಾ ರವಿಪ್ರಭಾ ।
ಸುಸೋಮಪ್ರಪದಾ ರಾಜಹಂಸಾ ಮತ್ತೇಭಮನ್ದಗಾ ॥ ಇತ್ಯಧಿಕಮ್ (extra) ।
ಯೋಗಿಧ್ಯೇಯಪದದ್ವನ್ದ್ವಾ ಸುಧಾಮಾಽಮೃತಸಾರಿಣೀ ॥ 46 ॥

ಲಾವಣ್ಯಸಿನ್ಧುಃ ಸಿನ್ದೂರತಿಲಕಾ ಕುಟಿಲಾಲಕಾ ।
ಸಾಧುಸಿದ್ಧಾ ಸುಬುದ್ಧಾ ಚ ಬುಧಾ ವೃನ್ದಾರಕೋದಯಾ ॥ 47 ॥

ಬಾಲಾರ್ಕಕಿರಣಶ್ರೇಣೀಶೋಣಾ ಶ್ರೀಪ್ರೇಮಕಾಮಧುಕ್ ।
ರಸಗಮ್ಭೀರಸರಸೀ ಪದ್ಮಿನೀ (300) ರಸಸಾರಸಾ ॥ 48 ॥

ಪ್ರಸನ್ನಾಽಽಸನ್ನವರದಾ ಶಾರದಾ ಚ ಸುಭಾಗ್ಯದಾ ।
ನಟರಾಜಪ್ರಿಯಾ ವಿಶ್ವನಾಟ್ಯಾ ನರ್ತಕನರ್ತಕೀ ॥ 49 ॥

ವಿಚಿತ್ರಯನ್ತ್ರಾ ಚಿತ್ತನ್ತ್ರಾ ವಿದ್ಯಾವಲ್ಲೀ ಗತಿಃ ಶುಭಾ ।
ಕೂಟಾರಕೂಟಾ ಕೂಟಸ್ಥಾ ಪಂಚಕೂಟಾ ಚ ಪಂಚಮೀ ॥ 50 ॥

ಚತುಷ್ಕೂಟಾ ತ್ರಿಕೂಟಾದ್ಯಾ ಷಟ್ಕೂಟಾ ವೇದಪೂಜಿತಾ ।
ಕೂಟಷೋಡಶಸಮ್ಪನ್ನಾ ತುರೀಯಾ ಪರಮಾ ಕಲಾ ॥ 51 ॥

ಷೋಡಶೀ ಮನ್ತ್ರಯನ್ತ್ರಾಣಾಮೀಶ್ವರೀ ಮೇರುಮಂಡಲಾ ।
ಷೋಡಶಾರ್ಣಾ ತ್ರಿವರ್ಣಾ ಚ ಬಿನ್ದುನಾದಸ್ವರೂಪಿಣೀ ॥ 52 ॥

ವರ್ಣಾತೀತಾ ವರ್ಣಮಾತಾ ಶಬ್ದಬ್ರಹ್ಮಮಹಾಸುಖಾ ।
ಚೈತನ್ಯವಲ್ಲೀ ಕೂಟಾತ್ಮಾ ಕಾಮೇಶೀ ಸ್ವಪ್ರದೃಶ್ಯಗಾ ॥ 53 ॥

ಸ್ವಪ್ನಾವತೀ ಬೋಧಕರೀ ಜಾಗೃತಿರ್ಜಾಗರಾಶ್ರಯಾ ।
ಸ್ವಪ್ನಾಶ್ರಯಾ ಸುಷುಪ್ತಿಶ್ಚ ತನ್ದ್ರಾಮುಕ್ತಾ ಚ ಮಾಧವೀ ॥ 54 ॥

ಲೋಪಾಮುದ್ರಾ ಕಾಮರಾಜ್ಞೀ ಮಾನವೀ ವಿತ್ತಪಾರ್ಚಿತಾ ।
ಶಾಕಮ್ಭರೀ ನನ್ದಿವಿದ್ಯಾ ಭಾಸ್ವದ್ವಿದ್ಯೋತಮಾಲಿನೀ ॥ 55 ॥

ಮಾಹೇನ್ದ್ರೀ ಸ್ವರ್ಗಸಮ್ಪತ್ತಿರ್ದುರ್ವಾಸಃಸೇವಿತಾ ಶ್ರುತಿಃ ।
ಸಾಧಕೇನ್ದ್ರಗತಿಃ ಸಾಧ್ವೀ ಸುಲಭಾ ಸಿದ್ಧಿಕನ್ದರಾ ॥ 56 ॥

ಪುರತ್ರಯೇಶೀ ಪುರಜಿದರ್ಚಿತಾ ಪುರದೇವತಾ ।
ಪುಷ್ಟಿರ್ವಿಘ್ನಹರೀ ಭೂತಿರ್ವಿಗುಣಾ ಪೂಜ್ಯಕಾಮಧುಕ್ ॥ 57 ॥

ಹಿರಣ್ಯಮಾತಾ ಗಣಪಾ ಗುಹಮಾತಾ ನಿತಮ್ಬಿನೀ ।
ಸರ್ವಸೀಮನ್ತಿನೀ ಮೋಕ್ಷಾ ದೀಕ್ಷಾ ದೀಕ್ಷಿತಮಾತೃಕಾ ॥ 58 ॥

ಸಾಧಕಾಮ್ಬಾ ಸಿದ್ಧಮಾತಾ ಸಾಧಕೇನ್ದ್ರಾ ಮನೋರಮಾ ।
ಯೌವನೋನ್ಮಾದಿನೀ ತುಂಗಾ ಸುಶ್ರೋಣಿರ್ಮದಮನ್ಥರಾ ॥ 59 ॥

ಪದ್ಮರಕ್ತೋತ್ಪಲವತೀ ರಕ್ತಮಾಲ್ಯಾನುಲೇಪನಾ ।
ರಕ್ತಮಾಲಾರುಚಿಃ ಶಿಖಾಶಿಖಂಡಿನ್ಯತಿಸುನ್ದರೀ ॥ 60 ॥

ಶಿಖಂಡಿನೃತ್ತಸನ್ತುಷ್ಟಾ ಸೌರಭೇಯೀ ವಸುನ್ಧರಾ ।
ಸುರಭಿಃ ಕಾಮದಾ ಕಾಮ್ಯಾ ಕಮನೀಯಾರ್ಥಕಾಮದಾ ॥ 61 ॥

ನನ್ದಿನೀ ಲಕ್ಷಣವತೀ ವಸಿಷ್ಠಾಲಯದೇವತಾ ।
ಗೋಲೋಕದೇವೀ (400) ಲೋಕಶ್ರೀರ್ಗೋಲೋಕಪರಿಪಾಲಿಕಾ ॥ 62 ॥

ಹವಿರ್ಧಾನೀ ದೇವಮಾತಾ ವೃನ್ದಾರಕವರಾನುಯುಕ್ ।
ರುದ್ರಪತ್ನೀ ಭದ್ರಮಾತಾ ಸುಧಾಧಾರಾಽಮ್ಬುವಿಕ್ಷತಿಃ ॥ 63 ॥

ದಕ್ಷಿಣಾ ಯಜ್ಞಸಮ್ಮೂರ್ತಿಃ ಸುಬಾಲಾ ಧೀರನನ್ದಿನೀ ।
ಕ್ಷೀರಪೂರ್ಣಾರ್ಣವಗತಿಃ ಸುಧಾಯೋನಿಃ ಸುಲೋಚನಾ ॥ 64 ॥

ರಾಮಾನುಗಾ ಸುಸೇವ್ಯಾ ಚ ಸುಗನ್ಧಾಲಯವಾಸಗಾ ।
ಸುಚಾರಿತ್ರಾ ಸುತ್ರಿಪುರಾ ಸುಸ್ತನೀ ಸ್ತನವತ್ಸಲಾ ॥ 65 ॥

ರಜಸ್ವಲಾ ರಜೋಯುಕ್ತಾ ರಂಜಿಕಾ ರಂಗಮಾಲಿಕಾ ।
ರಕ್ತಪ್ರಿಯಾ ಸುರಕ್ತಾ ಚ ರತಿರಂಗಸ್ವರೂಪಿಣೀ ॥ 66 ॥

ರಜಃ ಶುಕ್ರಾಮ್ಬಿಕಾ ನಿಷ್ಠಾ ರತನಿಷ್ಠಾ ರತಿಸ್ಪೃಹಾ ।
ಹಾವಭಾವಾ ಕಾಮಕೇಲಿಸರ್ವಸ್ವಾ ಸುರಜೀವಿಕಾ ॥ 67 ॥

ಸ್ವಯಮ್ಭೂಕುಸುಮಾನನ್ದಾ ಸ್ವಯಮ್ಭೂಕುಸುಮಪ್ರಿಯಾ ।
ಸ್ವಯಮ್ಭೂಪ್ರೀತಿಸನ್ತುಷ್ಟಾ ಸ್ವಯಮ್ಭೂನಿನ್ದಕಾನ್ತಕೃತ್ ॥ 68 ॥

ಸ್ವಯಮ್ಭೂಸ್ಥಾ ಶಕ್ತಿಪುಟೀ ರತಿಸರ್ವಸ್ವಪೀಠಿಕಾ ।
ಅತ್ಯನ್ತಸಭಿಕಾ ದೂತೀ ವಿದಗ್ಧಾ ಪ್ರೀತಿಪೂಜಿತಾ ॥ 69 ॥

ಕುಲ್ಲಿಕಾ ಯನ್ತ್ರನಿಲಯಾ ಯೋಗಪೀಠಾಧಿವಾಸಿನೀ ।
ಸುಲಕ್ಷಣಾ ರಸರೂಪಾ ಸರ್ವಲಕ್ಷಣಲಕ್ಷಿತಾ ॥ 70 ॥

ನಾನಾಲಂಕಾರಸುಭಗಾ ಪಂಚಬಾಣಸಮರ್ಚಿತಾ ।
ಊರ್ಧ್ವತ್ರಿಕೋಣನಿಲಯಾ ಬಾಲಾ ಕಾಮೇಶ್ವರೀ ತಥಾ ॥ 71 ॥

ಗಣಾಧ್ಯಕ್ಷಾ ಕುಲಾಧ್ಯಕ್ಷಾ ಲಕ್ಷ್ಮೀಶ್ಚೈವ ಸರಸ್ವತೀ ।
ವಸನ್ತಸಮಯಪ್ರೀತಾ ಪ್ರೀತಿಃ ಕುಚಭರಾನತಾ ॥ 72 ॥

ಕಲಾಧರಮುಖಾಽಮೂರ್ಧಾ ಪಾದವೃದ್ಧಿಃ ಕಲಾವತೀ ।
ಪುಷ್ಪಪ್ರಿಯಾ ಧೃತಿಶ್ಚೈವ ರತಿಕಂಠೀ ಮನೋರಮಾ ॥ 73 ॥

ಮದನೋನ್ಮಾದಿನೀ ಚೈವ ಮೋಹಿನೀ ಪಾರ್ವಣೀಕಲಾ ।
ಶೋಷಿಣೀ ವಶಿನೀ ರಾಜಿನ್ಯತ್ಯನ್ತಸುಭಗಾ ಭಗಾ ॥ 74 ॥

ಪೂಷಾ ವಶಾ ಚ ಸುಮನಾ ರತಿಃ ಪ್ರೀತಿರ್ಧೃತಿಸ್ತಥಾ ।
ಋದ್ಧಿಃ ಸೌಮ್ಯಾ ಮರೀಚ್ಯಂಶುಮಾಲಾ ಪ್ರತ್ಯಂಗಿರಾ ತಥಾ ॥ 75 ॥

ಶಶಿನೀ ಚೈವ ಸುಚ್ಛಾಯಾ ಸಮ್ಪೂರ್ಣಮಂಡಲೋದಯಾ ।
ತುಷ್ಟಾ ಚಾಮೃತಪೂರ್ಣಾ ಚ ಭಗಯನ್ತ್ರನಿವಾಸಿನೀ ॥ 76 ॥

ಲಿಂಗಯನ್ತ್ರಾಲಯಾ (500) ಶಮ್ಭುರೂಪಾ ಸಂಯೋಗಯೋಗಿನೀ ।
ದ್ರಾವಿಣೀ ಬೀಜರೂಪಾ ಚ ಅಕ್ಷುಬ್ಧಾ ಸಾಧಕಪ್ರಿಯಾ ॥ 77 ॥

ರಾಜಬೀಜಮಯೀ ರಾಜ್ಯಸುಖದಾ ವಾಂಛಿತಪ್ರದಾ ।
ರಜಃ ಸಂವೀರ್ಯಶಕ್ತಿಶ್ಚ ಶುಕ್ರವಿಚ್ಛಿವರೂಪಿಣೀ ॥ 78 ॥

ಸರ್ವಸಾರಾ ಸಾರಮಯಾ ಶಿವಶಕ್ತಿಮಯೀ ಪ್ರಭಾ ।
ಸಂಯೋಗಾನನ್ದನಿಲಯಾ ಸಂಯೋಗಪ್ರೀತಿಮಾತೃಕಾ ॥ 79 ॥

ಸಂಯೋಗಕುಸುಮಾನನ್ದಾ ಸಂಯೋಗಾ ಯೋಗವರ್ಧಿನೀ ।
ಸಂಯೋಗಸುಖದಾರಸ್ಥಾ ಚಿದಾನನ್ದೈಕಸೇವಿತಾ ॥ 80 ॥

ಅರ್ಧ್ಯಪೂಜಕಸಮ್ಪತ್ತಿರರ್ಘ್ಯದ್ರವ್ಯಸ್ವರೂಪಿಣೀ ।
ಸಾಮರಸ್ಯಾ ಪರಾ ಪ್ರೀತಾ ಪ್ರಿಯಸಂಗಮರೂಪಿಣೀ ॥ 81 ॥

ಜ್ಞಾನದೂತೀ ಜ್ಞಾನಗಮ್ಯಾ ಜ್ಞಾನಯೋನಿಃ ಶಿವಾಲಯಾ ।
ಚಿತ್ಕಲಾ ಜ್ಞಾನಸಕಲಾ ಸಕುಲಾ ಸಕುಲಾತ್ಮಿಕಾ ॥ 82 ॥

ಕಲಾಚತುಷ್ಟಯೀ ಪದ್ಮಿನ್ಯತಿಸೂಕ್ಷ್ಮಾ ಪರಾತ್ಮಿಕಾ ।
ಹಂಸಕೇಲಿಸ್ಥಲೀ ಚ್ಛಾಯಾ ಹಂಸದ್ವಯವಿಕಾಸಿನೀ ॥ 83 ॥

ವಿರಾಗತಾ ಮೋಕ್ಷಕಲಾ ಪರಮಾತ್ಮಕಲಾವತೀ ।
ವಿದ್ಯಾಕಲಾನ್ತರಾತ್ಮಸ್ಥಾ ಚತುಷ್ಟಯಕಲಾವತೀ ॥ 84 ॥

ವಿದ್ಯಾಸನ್ತೋಷಿಣೀ ತೃಪ್ತಿಃ ಪರಬ್ರಹ್ಮಪ್ರಕಾಶಿಕಾ ।
ಪರಮಾತ್ಮಪರಾ ವಸ್ತುಲೀನಶಕ್ತಿಚತುಷ್ಟಯೀ ॥ 85 ॥

ಶಾನ್ತಿರ್ಬೋಧಕಲಾವಾಪ್ತಿಃ ಪರಜ್ಞಾನಾತ್ಮಿಕಾ ಕಲಾ ।
ಪಶ್ಯನ್ತೀ ಪರಮಾತ್ಮಸ್ಥಾ ಚಾನ್ತರಾತ್ಮಕಲಾಕುಲಾ ॥ 86 ॥

ಮಧ್ಯಮಾ ವೈಖರೀ ಚಾತ್ಮಕಲಾನನ್ದಾ ಕಲಾವತೀ ।
ತಾರಿಣೀ ತರಣೀ ತಾರಾ ಶಿವಲಿಂಗಾಲಯಾಽಽತ್ಮವಿತ್ ॥ 87 ॥

ಪರಸ್ಪರಶುಭಾಚಾರಾ ಬ್ರಹ್ಮಾನನ್ದವಿನೋದಿನೀ ।
ರಸಾಲಸಾ ದೂತರಾಸಾ ಸಾರ್ಥಾ ಸಾರ್ಥಪ್ರಿಯಾ ಹ್ಯುಮಾ ॥ 88 ॥

ಜಾತ್ಯಾದಿರಹಿತಾ ಯೋಗಿಯೋಗಿನ್ಯಾನನ್ದವರ್ಧಿನೀ । 1
1 ಕಾನ್ತಾ ಶಾನ್ತಾ ದಾನ್ತಗತಿರ್ವೇದಾದ್ಯುದ್ದಾಮಪದ್ಧತಿಃ – ಇತ್ಯಧಿಕಮ್ ।
ವೀರಭಾವಪ್ರದಾ ದಿವ್ಯಾ ವೀರಸೂರ್ವೀರಭಾವದಾ ॥ 89 ॥

ಪಶುತ್ವಾಭಿವೀರಗತಿರ್ವೀರಸಂಗಮಹೋದಯಾ ।
ಮೂರ್ಧಾಭಿಷಿಕ್ತ ರಾಜಶ್ರೀಃ ಕ್ಷತ್ರಿಯೋತ್ತಮಮಾತೃಕಾ ॥ 90 ॥

ಶಸ್ತ್ರಾಸ್ತ್ರಕುಶಲಾ ಶೋಭಾ ರಸಸ್ಥಾ ಯುದ್ಧಜೀವಿಕಾ ।
ವಿಜಯಾ ಯೋಗಿನೀ ಯಾತ್ರಾ ಪರಸೈನ್ಯವಿಮರ್ದಿನೀ ॥ 91 ॥

ಪೂರ್ಣಾ (600) ವಿತ್ತೈಷಿಣೀ ವಿತ್ತಾ ವಿತ್ತಸಂಚಯಶಾಲಿನೀ ।
ಭಾಂಡಾಗಾರಸ್ಥಿತಾ ರತ್ನಾ ರತ್ನಶ್ರೇಣ್ಯಧಿವಾಸಿನೀ ॥ 92 ॥

ಮಹಿಷೀ ರಾಜಭೋಗ್ಯಾ ಚ ಗಣಿಕಾ ಗಣಭೋಗಭೃತ್ ।
ಕರಿಣೀ ವಡವಾ ಯೋಗ್ಯಾ ಮಲ್ಲಸೇನಾ ಪದಾತಿಕಾ ॥ 93 ॥

ಸೈನ್ಯಶ್ರೇಣೀ ಶೌರ್ಯರತಾ ಪತಾಕಾಧ್ವಜವಾಸಿನೀ ।
ಸುಚ್ಛತ್ರಾ ಚಾಮ್ಬಿಕಾ ಚಾಮ್ಬಾ ಪ್ರಜಾಪಾಲನಸದ್ಗತಿಃ ॥ 94 ॥

ಸುರಭಿಃ ಪೂಜಕಾಚಾರಾ ರಾಜಕಾರ್ಯಪರಾಯಣಾ ।
ಬ್ರಹ್ಮಕ್ಷತ್ರಮಯೀ ಸೋಮಸೂರ್ಯಾನ್ತರ್ಯಾಮಿನೀ ಸ್ಥಿತಿಃ ॥ 95 ॥

ಪೌರೋಹಿತ್ಯಪ್ರಿಯಾ ಸಾಧ್ವೀ ಬ್ರಹ್ಮಾಣೀ ಯಜ್ಞಸನ್ತತಿಃ ।
ಸೋಮಪಾನಪರಾ ಪ್ರೀತಾ ಜನಾಢ್ಯಾ ತಪನಾ ಕ್ಷಮಾ ॥ 96 ॥

ಪ್ರತಿಗ್ರಹಪರಾ ದಾತ್ರೀ ಸೃಷ್ಟಾಜಾತಿಃ ಸತಾಂಗತಿಃ ।
ಗಾಯತ್ರೀ ವೇದಲಭ್ಯಾ ಚ ದೀಕ್ಷಾ ಸನ್ಧ್ಯಾಪರಾಯಣಾ ॥ 97 ॥

ರತ್ನಸದ್ದೀಧಿತಿರ್ವಿಶ್ವವಾಸನಾ ವಿಶ್ವಜೀವಿಕಾ ।
ಕೃಷಿವಾಣಿಜ್ಯಭೂತಿಶ್ಚ ವೃದ್ಧಿರ್ಧೀಶ್ಚ ಕುಸೀದಿಕಾ ॥ 98 ॥

ಕುಲಾಧಾರಾ ಸುಪ್ರಸಾರಾ ಮನೋನ್ಮನೀ ಪರಾಯಣಾ ।
ಶೂದ್ರಾ ವಿಪ್ರಗತಿಃ ಕರ್ಮಕರೀ ಕೌತುಕಪೂಜಿತಾ ॥ 99 ॥

ನಾನಾವಿಚಾರಚತುರಾ ಬಾಲಾ ಪ್ರೌಢಾ ಕಲಾಮಯೀ ।
ಸುಕರ್ಣಧಾರಾ ನೌಃ ಪಾರಾ ಸರ್ವಾಶಾ ದುರ್ಗಮೋಚನೀ ॥ 100 ॥

ದುರ್ಗಾ ವಿನ್ಧ್ಯವನಸ್ಥಾ ಚ ಕನ್ದರ್ಪನಯಪೂರಣೀ ।
ಭೂಭಾರಶಮನೀ ಕೃಷ್ಣಾ ರಕ್ಷಾರಾಧ್ಯಾ ರಸೋಲ್ಲಸಾ ॥ 101 ॥

ತ್ರಿವಿಧೋತ್ಪಾತಶಮನೀ ಸಮಗ್ರಸುಖಶೇವಧಿಃ ।
ಪಂಚಾವಯವವಾಕ್ಯಶ್ರೀಃ ಪ್ರಪಂಚೋದ್ಯಾನಚನ್ದ್ರಿಕಾ ॥ 102 ॥

ಸಿದ್ಧಸನ್ದೋಹಸುಖಿತಾ ಯೋಗಿನೀವೃನ್ದವನ್ದಿತಾ ।
ನಿತ್ಯಾಷೋಡಶಾರೂಪಾ ಚ ಕಾಮೇಶೀ ಭಗಮಾಲಿನೀ ॥ 103 ॥

ನಿತ್ಯಕ್ಲಿನ್ನಾ ಚ ಭೀ(ಭೇ) ರುಂಡಾ ವಹ್ನಿಮಂಡಲವಾಸಿನೀ ।
ಮಹಾವಿದ್ಯೇಶ್ವರೀ ನಿತ್ಯಾ ಶಿವದೂತೀತಿ ವಿಶ್ರುತಾ ॥ 104 ॥

ತ್ವರಿತಾ ಪ್ರಥಿತಾ ಖ್ಯಾತಾ ವಿಖ್ಯಾತಾ ಕುಲಸುನ್ದರೀ ।
ನಿತ್ಯಾ ನೀಲಪತಾಕಾ ಚ ವಿಜಯಾ ಸರ್ವಮಂಗಲಾ ॥ 105 ॥

ಜ್ವಾಲಾಮಾಲಾ(700) ವಿಚಿತ್ರಾ ಚ ಮಹಾತ್ರಿಪುರಸಿನ್ದರೀ ।
ಗುರುವೃನ್ದಾ ಪರಗುರುಃ ಪ್ರಕಾಶಾನನ್ದನಾಥಿನೀ ॥ 106 ॥

ಶಿವಾನನ್ದನಾಥರೂಪಾ ಶಕ್ತ್ಯಾನನ್ದಸ್ವರೂಪಿಣೀ ।
ದೇವ್ಯಾನನ್ದನಾಥಮಯೀ ಕೌಲೇಶಾನನ್ದನಾಥಿನೀ ॥ 107 ॥

ದಿವ್ಯೌಘಗುರುರೂಪಾ ಚ ಸಮಯಾನನ್ದನಾಥಿನೀ ।
ಶುಕ್ಲದೇವ್ಯಾನನ್ದನಾಥಾ ಕುಲೇಶಾನನ್ದನಾಥಿನೀ 1 ॥ 108 ॥

1 ಕಾಮೇಶ್ವರ್ಯಾನನ್ದನಾಥಮಯೀ ಶ್ರೀಗುರುರೂಪಿಣೀ – ಇತ್ಯಧಿಕಮ್ ।
ಕ್ಲಿನ್ನಾಂಗಾನನ್ದರೂಪಾ ಚ ಸಮಯಾನನ್ದನಾಥಿನೀ ।
ವೇದಾನನ್ದನಾಥಮಯೀ ಸಹಜಾನನ್ದನಾಥಿನೀ ॥ 109 ॥

ಸಿದ್ಧೌಘಗುರುರೂಪಾ ಚ ಅಪರಾಗುರುರೂಪಿಣೀ ।
ಗಗನಾನನ್ದನಾಥಾ ಚ ವಿಶ್ವಾನನ್ದಸ್ವನಾಥಿನೀ ॥ 110 ॥

ವಿಮಲಾನನ್ದನಾಥಾ ಚ ಮದನಾನನ್ದನಾಥಿನೀ ।
ಭುವನಾದ್ಯಾ ಚ ಲೀಲಾದ್ಯಾ ನನ್ದನಾನನ್ದನಾಥಿನೀ ॥ 111 ॥

ಸ್ವಾತ್ಮಾನನ್ದಾನನ್ದರೂಪಾ ಪ್ರಿಯಾದ್ಯಾನನ್ದನಾಥಿನೀ ।
ಮಾನವೌಘಗುರುಶ್ರೇಷ್ಠಾ ಪರಮೇಷ್ಠಿ ಗುರುಪ್ರಭಾ ॥ 112 ॥

ಪರಗುಹ್ಯಾ ಗುರುಶಕ್ತಿಃ ಸ್ವಗುರುಕೀರ್ತನಪ್ರಿಯಾ ।
ತ್ರೈಲೋಕ್ಯಮೋಹನಖ್ಯಾತಾ ಸರ್ವಾಶಾಪರಿಪೂರಕಾ ॥ 113 ॥

ಸರ್ವಸಂಕ್ಷೋಭಿಣೀ ಪೂರ್ವಾಮ್ನಾಯಪ್ರಥಿತವೈಭವಾ ।
ಶಿವಾಶಕ್ತಿಃ ಶಿವಶಕ್ತಿಃ ಶಿವಚಕ್ರತ್ರಯಾಲಯಾ ॥ 114 ॥

ಸರ್ವಸೌಭಾಗ್ಯದಾಖ್ಯಾ ಚ ಸರ್ವಾರ್ಥಸಾಧಿಕಾಹ್ವಯಾ ।
ಸರ್ವರಕ್ಷಾಕರಾಖ್ಯಾ ಚ ದಕ್ಷಿಣಾಮ್ನಾಯದೇವತಾ ॥ 115 ॥

ಮಧ್ಯಾರ್ಕಚಕ್ರನಿಲಯಾ ಪಶ್ಚಿಮಾಮ್ನಾಯದೇವತಾ ।
ನವಚಕ್ರಕೃತಾವಾಸಾ ಕೌಬೇರಾಮ್ನಾಯದೇವತಾ ॥ 116 ॥

ಕುಬೇರಪೂಜ್ಯಾ ಕುಲಜಾ ಕುಲಾಮ್ನಾಯಪ್ರವರ್ತಿನೀ ।
ಬಿನ್ದುಚಕ್ರಕೃತಾವಾಸಾ ಮಧ್ಯಸಿಂಹಾಸನೇಶ್ವರೀ ॥ 117 ॥

ಶ್ರೀವಿದ್ಯಾ ಚ ಮಹಾಲಕ್ಷ್ಮೀಃ ಲಕ್ಷ್ಮೀಃ ಶಕ್ತಿತ್ರಯಾತ್ಮಿಕಾ ।
ಸರ್ವಸಾಮ್ರಾಜ್ಯಲಕ್ಷ್ಮೀಶ್ಚ ಪಂಚಲಕ್ಷ್ಮೀತಿವಿಶ್ರುತಾ ॥ 118 ॥

ಶ್ರೀವಿದ್ಯಾ ಚ ಪರಂಜ್ಯೋತಿಃ ಪರನಿಷ್ಕಲಶಾಮ್ಭವೀ ।
ಮಾತೃಕಾ ಪಂಚಕೋಶೀ ಚ ಶ್ರೀವಿದ್ಯಾ ತ್ವರಿತಾ ತಥಾ ॥ 119 ॥

ಪಾರಿಜಾತೇಶ್ವರೀ ಚೈವ ತ್ರಿಕೂಟಾ ಪಂಚಬಾಣಗಾ ।
ಪಂಚಕಲ್ಪಲತಾ ಪಂಚವಿದ್ಯಾ ಚಾಮೃತಪೀಠಿಕಾ ॥ 120 ॥

ಸುಧಾಸೂ ರಮಣೇಶಾನಾ ಚಾನ್ನಪೂರ್ಣಾ ಚ ಕಾಮಧುಕ್ ।
ಶ್ರೀವಿದ್ಯಾ ಸಿದ್ಧಲಕ್ಷ್ಮೀಶ್ಚ ಮಾತಂಗೀ ಭುವನೇಶ್ವರೀ ॥ 121 ॥

ವಾರಾಹೀ ಪಂಚರತ್ನಾನಾಮೀಶ್ವರೀ ಮಾತೃವರ್ಣಗಾ ।
ಪರಾಂಜ್ಯೋತಿಃ ಕೋಶರೂಪಾ ಐನ್ದವೀ ಕಲಯಾ ಯುತಾ ॥ 122 ॥

ಪರಿತಃ ಸ್ವಾಮಿನೀ ಶಕ್ತಿದರ್ಶನಾ ರವಿಬಿನ್ದುಯುಕ್ ।
ಬ್ರಹ್ಮದರ್ಶನರೂಪಾ ಚ ಶಿವದರ್ಶನರೂಪಿಣೀ ॥ 123 ॥

ವಿಷ್ಣುದರ್ಶನರೂಪಾ ಚ ಸೃಷ್ಟಿಚಕ್ರನಿವಾಸಿನೀ ।
ಸೌರದರ್ಶನರೂಪಾ ಚ ಸ್ಥಿತಿಚಕ್ರಕೃತಾಲಯಾ ॥ 124 ॥

ಬೌದ್ಧದರ್ಶನರೂಪಾ ಚ ಮಹಾತ್ರಿಪುರಸುನ್ದರೀ ।
ತತ್ತ್ವಮುದ್ರಾಸ್ವರೂಪಾ ಚ ಪ್ರಸನ್ನಾ(800) ಜ್ಞಾನಮುದ್ರಿಕಾ ॥ 125 ॥

ಸರ್ವೋಪಚಾರಸನ್ತುಷ್ಟಾ ಹೃನ್ಮಯೀ ಶೀರ್ಷದೇವತಾ ।
ಶಿಖಾಸ್ಥಿತಾ ಬ್ರಹ್ಮಮಯೀ ನೇತ್ರತ್ರಯವಿಲಾಸಿನೀ ॥ 126 ॥

ಅಸ್ತ್ರಸ್ಥಾ ಚತುರಸ್ರಾ ಚ ದ್ವಾರಕಾದ್ವಾರವಾಸಿನೀ ।
ಅಣಿಮಾ ಪಶ್ಚಿಮಸ್ಥಾ ಚ ಲಘಿಮೋತ್ತರದೇವತಾ ॥ 127 ॥

ಪೂರ್ವಸ್ಥಾ ಮಹಿಮೇಶಿತ್ವಾ ದಕ್ಷಿಣದ್ವಾರದೇವತಾ ।
ವಶಿತ್ವಾ ವಾಯುಕೋಣಸ್ಥಾ ಪ್ರಾಕಾಮ್ಯೇಶಾನದೇವತಾ ॥ 128 ॥

ಅಗ್ನಿಕೋಣಸ್ಥಿತಾ ಭುಕ್ತಿರಿಚ್ಛಾ ನೈಋತವಾಸಿನೀ ।
ಪ್ರಾಪ್ತಿಸಿದ್ಧಿರವಸ್ಥಾ ಚ ಪ್ರಾಕಾಮ್ಯಾರ್ಧವಿಲಾಸಿನೀ ॥ 129 ॥

ಬ್ರಾಹ್ಮೀ ಮಾಹೇಶ್ವರೀ ಚೈವ ಕೌಮಾರೀ ವೈಷ್ಣವೀ ತಥಾ ।
ವಾರಾಹ್ಯೌನ್ದ್ರೀ ಚ ಚಾಮುಂಡಾ ಮಹಾಲಕ್ಷ್ಮೀರ್ದಿಶಾಂಗತಿಃ ॥ 130 ॥

ಕ್ಷೋಭಿಣೀ ದ್ರಾವಿಣೀ ಮುದ್ರಾಽಽಕರ್ಷೋನ್ಮಾದನಕಾರಿಣೀ ।
ಮಹಾಂಕುಶಾ ಖೇಚರೀ ಚ ಬೀಜಾಖ್ಯಾ ಯೋನಿಮುದ್ರಿಕಾ ॥ 131 ॥

ಸರ್ವಾಶಾಪೂರಚಕ್ರಸ್ಥಾ ಕಾರ್ಯಸಿದ್ಧಿಕರೀ ತಥಾ ।
ಕಾಮಾಕರ್ಷಿಣಿಕಾಶಕ್ತಿರ್ಬುದ್‍ಧ್ಯಾಕರ್ಷಣರೂಪಿಣೀ ॥ 132 ॥

ಅಹಂಕಾರಾಕರ್ಷಿಣೀ ಚ ಶಬ್ದಾಕರ್ಷಣರೂಪಿಣೀ ।
ಸ್ಪರ್ಶಾಕರ್ಷಣರೂಪಾ ಚ ರೂಪಾಕರ್ಷಣರೂಪಿಣೀ ॥ 133 ॥

ರಸಾಕರ್ಷಣರೂಪಾ ಚ ಗನ್ಧಾಕರ್ಷಣರೂಪಿಣೀ ।
ಚಿತ್ತಾಕರ್ಷಣರೂಪಾ ಚ ಧೈರ್ಯಾಕರ್ಷಣರೂಪಿಣೀ ॥ 134 ॥

ಸ್ಮೃತ್ಯಾಕರ್ಷಣರೂಪಾ ಚ ಬೀಜಾಕರ್ಷಣರೂಪಿಣೀ ।
ಅಮೃತಾಕರ್ಷಿಣೀ ಚೈವ ನಾಮಾಕರ್ಷಣರೂಪಿಣೀ ॥ 135 ॥

ಶರೀರಾಕರ್ಷಿಣೀದೇವೀ ಆತ್ಮಾಕರ್ಷಣರೂಪಿಣೀ ।
ಷೋಡಶಸ್ವರರೂಪಾ ಚ ಸ್ರವತ್ಪೀಯೂಷಮನ್ದಿರಾ ॥ 136 ॥

ತ್ರಿಪುರೇಶೀ ಸಿದ್ಧರೂಪಾ ಕಲಾದಲನಿವಾಸಿನೀ ।
ಸರ್ವಸಂಕ್ಷೋಭಚಕ್ರೇಶೀ ಶಕ್ತಿರ್ಗುಪ್ತತರಾಭಿಧಾ ॥ 137 ॥

ಅನಂಗಕುಸುಮಾಶಕ್ತಿರನಂಗಕಟಿಮೇಖಲಾ ।
ಅನಂಗಮದನಾಽನಂಗಮದನಾತುರರೂಪಿಣೀ ॥ 138 ॥

ಅನಂಗರೇಖಾ ಚಾನಂಗವೇಗಾನಂಗಾಂಕುಶಾಭಿಧಾ ।
ಅನಂಗಮಾಲಿನೀ ಶಕ್ತಿರಷ್ಟವರ್ಗದಿಗನ್ವಿತಾ ॥ 139 ॥

ವಸುಪತ್ರಕೃತಾವಾಸಾ ಶ್ರೀಮತ್ತ್ರಿಪುರಸುನ್ದರೀ ।
ಸರ್ವಸಾಮ್ರಾಜ್ಯಸುಖದಾ ಸರ್ವಸೌಭಾಗ್ಯದೇಶ್ವರೀ ॥ 140 ॥

ಸಮ್ಪ್ರದಾಯೇಶ್ವರೀ ಸರ್ವಸಂಕ್ಷೋಭಣಕರೀ ತಥಾ ।
ಸರ್ವವಿದ್ರಾವಿಣೀ ಸರ್ವಾಕರ್ಷಣಾಟೋಪಕಾರಿಣೀ ॥ 141 ॥

ಸರ್ವಾಹ್ಲಾದನಶಕ್ತಿಶ್ಚ ಸರ್ವಜೃಮ್ಭಣಕಾರಿಣೀ ।
ಸರ್ವಸ್ತಮ್ಭನ ಶಕ್ತಿಶ್ಚ ಸರ್ವಸಮ್ಮೋಹಿನೀ ತಥಾ ॥ 142 ॥

ಸರ್ವವಶ್ಯಕರೀಶಕ್ತಿಃ ಸರ್ವಸರ್ವಾನುರಂಜಿನೀ ।
ಸರ್ವೋನ್ಮಾದನಶಕ್ತಿಶ್ಚ ಸರ್ವಾರ್ಥಸಿದ್ಧಿಕಾರಿಣೀ ॥ 143 ॥

ಸರ್ವಸಮ್ಪತ್ತಿದಾ ಶಕ್ತಿಃ ಸರ್ವಮನ್ತ್ರಮಯೀ ತಥಾ ।
ಸರ್ವದ್ವನ್ದ್ವಕ್ಷಯಕರೀ(900) ಸಿದ್ಧಿಸ್ತ್ರಿಪುರವಾಸಿನೀ ॥ 144 ॥

ಸರ್ವಾರ್ಥಸಾಧಕೇಶೀ ಚ ಸರ್ವಕಾರ್ಯಾರ್ಥಸಿದ್ಧಿದಾ ।
ಚತುರ್ದಶಾರಚಕ್ರೇಶೀ ಕಲಾಯೋಗಸಮನ್ವಿತಾ ॥ 145 ॥

ಸರ್ವಸಿದ್ಧಿಪ್ರದಾ ದೇವೀ ಸರ್ವಸಮ್ಪತ್ಪ್ರದಾ ತಥಾ ।
ಸರ್ವಪ್ರಿಯಂಕರೀ ಶಕ್ತಿಃ ಸರ್ವಮಂಗಲಕಾರಿಣೀ ॥ 146 ॥

ಸರ್ವಕಾಮಪ್ರಪೂರ್ಣಾ ಚ ಸರ್ವದುಃಖಪ್ರಮೋಚಿನೀ ।
ಸರ್ವಮೃತ್ಯುಪ್ರಶಮನೀ ಸರ್ವವಿಘ್ನವಿನಾಶಿನೀ ॥ 147 ॥

ಸರ್ವಾಂಗಸುನ್ದರೀ ದೇವೀ ಸರ್ವಸೌಭಾಗ್ಯದಾಯಿನೀ ।
ತ್ರಿಪುರೇಶೀ ಸರ್ವಸಿದ್ಧಿಪ್ರದಾ ಚ ದಶಕೋಣಗಾ ॥ 148 ॥

ಸರ್ವರಕ್ಷಾಕರೇಶೀ ಚ ನಿಗರ್ಭಾ ಯೋಗಿನೀ ತಥಾ ।
ಸರ್ವಜ್ಞಾ ಸರ್ವಶಕ್ತಿಶ್ಚ ಸರ್ವೈಶ್ವರ್ಯಪ್ರದಾ ತಥಾ ॥ 149 ॥

ಸರ್ವಜ್ಞಾನಮಯೀದೇವೀ ಸರ್ವವ್ಯಾಧಿವಿನಾಶಿನೀ ।
ಸರ್ವಾಧಾರಸ್ವರೂಪಾ ಚ ಸರ್ವಪಾಪಹರಾ ತಥಾ ॥ 150 ॥

ಸರ್ವಾನನ್ದಮಯೀದೇವೀ ಸರ್ವರಕ್ಷಾಸ್ವರೂಪಿಣೀ ।
ಮಹಿಮಾಶಕ್ತಿದೇವೀ ಚ ದೇವೀ ಸರ್ವಸಮೃದ್ಧಿದಾ ॥ 151 ॥

ಅನ್ತರ್ದಶಾರಚಕ್ರೇಶೀ ದೇವೀ ತ್ರಿಪುರಮಾಲಿನೀ ।
ಸರ್ವರೋಗಹರೇಶೀ ಚ ರಹಸ್ಯಾ ಯೋಗಿನೀ ತಥಾ ॥ 152 ॥

ವಾಗ್ದೇವೀ ವಶಿನೀ ಚೈವ ದೇವೀಕಾಮೇಶ್ವರೀ ತಥಾ ।
ಮೋದಿನೀ ವಿಮಲಾ ಚೈವ ಅರುಣಾ ಜಯಿನೀ ತಥಾ ॥ 153 ॥

ಸರ್ವೇಶ್ವರೀ ಕೌಲಿನೀ ಚ ಹ್ಯಷ್ಟಾರಸರ್ವಸಿದ್ಧಿದಾ ।
ಸರ್ವಕಾಮಪ್ರದೇಶೀ ಚ ಪರಾಪರರಹಸ್ಯವಿತ್ ॥ 154 ॥

ತ್ರಿಕೋಣಚತುರಶ್ರಸ್ಥಾ ಸರ್ವೈಶ್ವರ್ಯಾಽಽಯುಧಾತ್ಮಿಕಾ ।
ಕಾಮೇಶ್ವರೀಬಾಣರೂಪಾ ಕಾಮೇಶೀಚಾಪರೂಪಿಣೀ ॥ 155 ॥

ಕಾಮೇಶೀಪಾಶರೂಪಾ ಚ ಕಾಮೇಶ್ಯಂಕುಶರೂಪಿಣೀ ।
ಕಾಮೇಶ್ವರೀನ್ದ್ರಶಕ್ತಿಶ್ಚ ಅಗ್ನಿಚಕ್ರಕೃತಾಲಯಾ ॥ 156 ॥

ಕಾಮಗಿರ್ಯಧಿದೇವೀ ಚ ತ್ರಿಕೋಣಸ್ಥಾಽಗ್ರಕೋಣಗಾ ।
ದಕ್ಷಕೋಣೇಶ್ವರೀ ವಿಷ್ಣುಶಕ್ತಿರ್ಜಾಲನ್ಧರಾಶ್ರಯಾ ॥ 157 ॥

ಸೂರ್ಯಚಕ್ರಾಲಯಾ ರುದ್ರಶಕ್ತಿರ್ವಾಮಾಂಗಕೋಣಗಾ ।
ಸೋಮಚಕ್ರಾ ಬ್ರಹ್ಮಶಕ್ತಿಃ ಪೂರ್ಣಗಿರ್ಯನುರಾಗಿಣೀ ॥ 158 ॥

ಶ್ರೀಮತ್ತ್ರಿಕೋಣಭುವನಾ ತ್ರಿಪುರಾತ್ಮಾ ಮಹೇಶ್ವರೀ ।
ಸರ್ವಾನನ್ದಮಯೇಶೀ ಚ ಬಿನ್ದುಗಾತಿರಹಸ್ಯಭೃತ್ ॥ 159 ॥

ಪರಬ್ರಹ್ಮಸ್ವರೂಪಾ ಚ ಮಹಾತ್ರಿಪುರಸುನ್ದರೀ ।
ಸರ್ವಚಕ್ರಾನ್ತರಸ್ಥಾ ಚ ಸಮಸ್ತಚಕ್ರನಾಯಿಕಾ ॥ 160 ॥

ಸರ್ವಚಕ್ರೇಶ್ವರೀ ಸರ್ವಮನ್ತ್ರಾಣಾಮೀಶ್ವರೀ ತಥಾ ।
ಸರ್ವವಿದ್ಯೇಶ್ವರೀ ಚೈವ ಸರ್ವವಾಗೀಶ್ವರೀ ತಥಾ ॥ 161 ॥

ಸರ್ವಯೋಗೀಶ್ವರೀ ಚೈವ ಪೀಠೇಶ್ವರ್ಯಖಿಲೇಶ್ವರೀ ।
ಸರ್ವಕಾಮೇಶ್ವರೀ ಸರ್ವತತ್ತ್ವೇಶ್ವರ್ಯಾಗಮೇಶ್ವರೀ ॥ 162 ॥

ಶಕ್ತಿಃ ಶಕ್ತಿಧೃಗುಲ್ಲಾಸಾ ನಿರ್ದ್ವನ್ದ್ವಾ ದ್ವೈತಗರ್ಭಿಣೀ ।
ನಿಷ್ಪ್ರಪಂಚಾ ಮಹಾಮಾಯಾ ಸಪ್ರಪಂಚಾ ಸುವಾಸಿನೀ ॥ 163 ॥

ಸರ್ವವಿಶ್ವೋತ್ಪತ್ತಿಧಾತ್ರೀ ಪರಮಾನನ್ದಸುನ್ದರೀ (1000) ।
ಇತ್ಯೇತತ್ಕಥಿತಂ ದಿವ್ಯಂ ಪರಮಾನನ್ದಕಾರಣಮ್ ॥ 164 ॥

ಲಾವಣ್ಯಸಿನ್ಧುಲಹರೀಬಾಲಾಯಾಸ್ತೋಷಮನ್ದಿರಮ್ ।
ಸಹಸ್ರನಾಮ ತನ್ತ್ರಾಣಾಂ ಸಾರಮಾಕೃಷ್ಯ ಪಾರ್ವತಿ ॥ 165 ॥

ಅನೇನ ಸ್ತುವತೋ ನಿತ್ಯಮರ್ಧರಾತ್ರೇ ನಿಶಾಮುಖೇ ।
ಪ್ರಾತಃ ಕಾಲೇ ಚ ಪೂಜಾಯಾಂ ಸರ್ವಕಾಲಮತಃ ಪ್ರಿಯೇ ॥ 166 ॥

ಸರ್ವಸಾಮ್ರಾಜ್ಯಸುಖದಾ ಬಾಲಾ ಚ ಪರಿತುಷ್ಯತಿ ।
ರತ್ನಾನಿ ವಿವಿಧಾನ್ಯಸ್ಯ ವಿತ್ತಾನಿ ಪ್ರಚುರಾಣಿ ಚ ॥ 167 ॥

ಮನೋರಥಪಥಸ್ಥಾನಿ ದದಾತಿ ಪರಮೇಶ್ವರೀ ।
ಪುತ್ರಾಃ ಪೌತ್ರಾಶ್ಚ ವರ್ಧನ್ತೇ ಸನ್ತತಿಃ ಸಾರ್ವಕಾಲಿಕೀ ॥ 168 ॥

ಶತ್ರವಸ್ತಸ್ಯ ನಶ್ಯನ್ತಿ ವರ್ಧನ್ತೇಽಸ್ಯ ಬಲಾನಿ ಚ ।
ವ್ಯಾಧಯಸ್ತಸ್ಯ ದೂರಸ್ಥಾಃ ಸಕಲಾನ್ಯೌಷಧಾನಿ ಚ ॥ 169 ॥

ಮನ್ದಿರಾಣಿ ವಿಚಿತ್ರಾಣಿ ರಾಜನ್ತೇ ತಸ್ಯ ಸರ್ವದಾ ।
ಕೃಷಿಃ ಫಲವತೀ ತಸ್ಯ ಭೂಮಿಃ ಕಾಮದುಘಾಽವ್ಯಯಾ ॥ 170 ॥

ಸ್ಫೀತೋ ಜನಪದಸ್ತಸ್ಯ ರಾಜ್ಯಂ ತಸ್ಯ ನಿರೀತಿಕಮ್ ।
ಮಾತಂಗಾಃ ಪಕ್ಷಿಣಸ್ತುಂಗಾಃ ಸಿಂಚನ್ತೋ ಮದವಾರಿಭಿಃ ॥ 171 ॥

ದ್ವಾರೇ ತಸ್ಯ ವಿರಾಜನ್ತೇ ಹೃಷ್ಟಾ ನಾಗತುರಂಗಮಾಃ ।
ಪ್ರಜಾಸ್ತಸ್ಯ ವಿರಾಜನ್ತೇ ನಿರ್ವಿವಾದಾಶ್ಚ ಮನ್ತ್ರಿಣಃ ॥ 172 ॥

ಜ್ಞಾತಯಸ್ತಸ್ಯ ತುಷ್ಯನ್ತಿ ಶೀಲಂ ತಸ್ಯಾತಿಸುನ್ದರಮ್ ।
ಲಕ್ಷ್ಮೀಸ್ತಸ್ಯ ವಶೇ ನಿತ್ಯಂ ಸ್ವಾಸನಾ ಚ ಮನೋರಮಾ ॥ 173 ॥

ಗದ್ಯಪದ್ಯಮಯೀ ವಾಣೀ ತಸ್ಯ ಗಂಗಾತರಂಗವತ್ ।
ನಾನಾಪದಪದಾರ್ಥಾನಾಂ ವಾದಚಾತುರ್ಯಸಮ್ಭೃತಾ ॥ 174 ॥

ಸಮಗ್ರರಸಸಮ್ಪತ್ತಿಶಾಲಿನೀ ಲಾಸ್ಯಮಾಲಿನೀ ।
ಅದೃಷ್ಟಾನ್ಯಪಿ ಶಾಸ್ತ್ರಾಣೀ ಪ್ರಕಾಶ್ಯನ್ತೇ ನಿರನ್ತರಮ್ ॥ 175 ॥

ನಿಗ್ರಹಃ ಪರವಾಕ್ಯಾನಾಂ ಸಭಾಯಾಂ ತಸ್ಯ ಜಾಯತೇ ।
ಸ್ತುವನ್ತಿ ವನ್ದಿನಸ್ತಂ ವೈ ರಾಜಾನೋ ದಾಸವತ್ತಥಾ ॥ 176 ॥

ಶಸ್ತ್ರಾಣ್ಯಸ್ತ್ರಾಣಿ ತದಂಗೇ ಜನಯನ್ತಿ ರುಜಾಂ ನ ಹಿ ।
ಮಹಿಲಾಸ್ತಸ್ಯ ವಶಗಾಃ ಸರ್ವಾವಸ್ಥಾ ಭವನ್ತಿ ವೈ ॥ 177 ॥

ವಿಷಂ ನಿರ್ವಿಷತಾಂ ಯಾತಿ ಪಾನೀಯಮಮೃತಂ ಭವೇತ್ ।
ಪರಪಕ್ಷಸ್ತಮ್ಭನಂ ಚ ಪ್ರತಿಪಕ್ಷಸ್ಯ ಜೃಮ್ಭಣಮ್ ॥ 178 ॥

ನವರಾತ್ರೇಣ ಜಾಯೇತ ಸ ತದಭ್ಯಾಸಯೋಗವಿತ್ ।
ಅಹೋರಾತ್ರಂ ಪಠೇದ್ಯಸ್ತು ನಿಸ್ತನ್ದ್ರಃ ಶಾನ್ತಮಾನಸಃ ॥ 179 ॥

ವಶೇ ತಸ್ಯ ಪ್ರಜಾ ಯಾತಿ ಸರ್ವೇ ಲೋಕಾಃ ಸುನಿಶ್ಚಿತಮ್ ।
ಷಣ್ಮಾಸಾಭ್ಯಾಸಯೋಗೇನ ಯೋಗಮಾಯಾತಿ ನಿಶ್ಚಿತಮ್ ॥ 180 ॥

ನಿತ್ಯಂ ಕಾಮಕಲಾಂ ಧ್ಯಾಯನ್ ಯಃ ಪಠೇತ್ ಸ್ತೋತ್ರಮುತ್ತಮಮ್ ।
ಮದನೋನ್ಮಾದಕಲಿತಾಃ ಪುರನ್ಘ್ರ್ಯಾಸ್ತದ್ವಶಾನುಗಾಃ ॥ 181 ॥

ಲಾವಣ್ಯಮದನಾಃ ಸಾಕ್ಷಾದ್ವೈದಗ್ಧ್ಯಮುದಿತೇಕ್ಷಣಾಃ ।
ಪ್ರೇಮಪೂರ್ಣಾಮಪಿ ವಶೇ ಹ್ಯುರ್ವಶೀಂ ಸ ಹಿ ವಿನ್ದತಿ ॥ 182 ॥

ಭೂರ್ಜಪತ್ರೇ ರೋಚನಯಾ ಕುಂಕುಮೇನ ಶುಭೇ ದಿನೇ ।
ಲಾಕ್ಷಾರಸದ್ರವೇಣಾಪಿ ಯಾವಕೈರ್ವಾ ವಿಶೇಷತಃ ॥ 183 ॥

ಧಾತುರಾಗೇಣ ವಾ ದೇವಿ ಲಿಖಿತಂ ಯನ್ತ್ರಮಂಚಿತಮ್ ।
ಸುವರ್ಣರೌಪ್ಯಗರ್ಭಸ್ಥಂ ಸುಸಮ್ಪೂತಂ ಸುಸಾಧಿತಮ್ ॥ 184 ॥

ಬಾಲಾಬುದ್‍ಧ್ಯಾ ಪೂಜಿತಂ ಚ ಪ್ರತಿಷ್ಠಿತಸಮೀರಣಮ್ ।
ಧಾರಯೇನ್ಮಸ್ತಕೇ ಕಂಠೇ ಬಾಹುಮೂಲೇ ತಥಾ ಹೃದಿ ॥ 185 ॥

ನಾಭೌ ವಾಪಿ ಧೃತಂ ಧನ್ಯಂ ಜಯದಂ ಸರ್ವಕಾಮದಮ್ ।
ರಕ್ಷಣಂ ನಾಪರಂ ಕಿಂಚಿದ್ವಿದ್ಯತೇ ಭುವನತ್ರಯೇ ॥ 186 ॥

ಗ್ರಹರೋಗಾದಿಭಯಹೃತ್ ಸುಖಕೃತ್ಯವಿವರ್ಧನಮ್ ।
ಬಲವೀರ್ಯಕರಂ ಕ್ರೂರಭೂತಶತ್ರುವಿನಾಶನಮ್ ॥ 187 ॥

ಪುತ್ರಪೌತ್ರಾನ್ ಗುಣಗಣೈರ್ವರ್ಧನಂ ಧನಧಾನ್ಯಕೃತ್ ।
ಧರಣ್ಯಾಂ ಸಾ ಪುರೀ ಧನ್ಯಾ ಯತ್ರಾಯಂ ಸಾಧಕೋತ್ತಮಃ ॥ 188 ॥

ಯದ್ಗೃಹೇ ಲಿಖಿತಂ ತಿಷ್ಠೇತ್ ಸ್ತೋತ್ರಮೇತದ್ವರಾನನೇ ।
ತತ್ರ ಚಾಹಂ ಶಿವೇ ನಿತ್ಯಂ ಹರಿಶ್ಚ ಕಮಲಾ ತಥಾ ॥ 189 ॥

ವಸಾಮಃ ಸರ್ವತೀರ್ಥಾನಾಮುತ್ಪತ್ತಿಸ್ತತ್ರ ಜಾಯತೇ ।
ಯೋ ವಾಪಿ ಪಾಠಯೇದ್ಭಕ್ತ್ಯಾ ಪಠೇದ್ವೈ ಸಾಧಕೋತ್ತಮಃ ॥ 190 ॥

ಜ್ಞಾನಾನನ್ದಕಲಾಯೋಗಾದೈಕ್ಯವೃತ್ತಿಂ ಸ ವಿನ್ದತಿ ।
ಸ್ತೋತ್ರೇಣಾನೇನ ದೇವೇಶಿ ತವ ಪೂಜಾಫಲಂ ಲಭೇತ್ ॥ 191 ॥

ಷೋಢಾನ್ಯಾಸತನುರ್ಭೂತ್ವಾ ಪಠಿತವ್ಯಂ ಪ್ರಯತ್ನತಃ ।
ಉತ್ತಮಾ ಸರ್ವತನ್ತ್ರಾಣಾಂ ಬಾಲಾಯಾಃ ಪೂಜನಸ್ರುತಿಃ ॥ 192 ॥

ತತ್ರೋತ್ತಮಾ ಷೋಡಶಾರ್ಣಾ ತತ್ರೇದಂ ಸ್ತೋತ್ರಮುತ್ತಮಮ್ ।
ನಾಶಿಷ್ಯಾಯ ಪ್ರದಾತವ್ಯಮಶುದ್ಧಾಯ ಶಠಾಯ ಚ ॥ 193 ॥

ಅಲಸಾಯಾಪ್ರಯತ್ನಾಯಾಶಿವಾಭಕ್ತಾಯ ಸುನ್ದರಿ ।
ಭಕ್ತಿಹೀನಾಯ ಮಲಿನೇ ಗುರುನಿನ್ದಾಪರಾಯ ಚ ॥ 194 ॥

ವಿಷ್ಣುಭಕ್ತಿವಿಹೀನಾಯ ವಿಕಲ್ಪಾವೃತಬುದ್ಧಯೇ ।
ದೇಯಂ ಭಕ್ತವರೇ ಮುಕ್ತೇಃ ಕಾರಣಂ ಭಕ್ತಿವರ್ಧನಮ್ ॥ 195 ॥

ಲತಾಯೋಗೇ ಪಠೇದ್ಯಸ್ತು ಸ್ತೋತ್ರಮೇತದ್ವರಾನನೇ ।
ಸೈವ ಕಲ್ಪಲತಾ ತಸ್ಯ ವಾಂಛಾಫಲಕರೀ ತಥಾ ॥ 196 ॥

ಪುಷ್ಪಿತಾಯಾ ಲತಾಯೋಗೇ ಕುರಂಗಮುಖಿ ಸಾಧಕಃ ।
ಅಕ್ಷುಬ್ಧಃ ಸನ್ ಪಠೇದ್ಯಸ್ತು ಶತಯಜ್ಞಸ್ಯ ಪುಣ್ಯಭಾಕ್ ॥ 197 ॥

ಬ್ರಹ್ಮಾದಯೋಽಪಿ ದೇವೇಶಿ ಪ್ರಾರ್ಥಯನ್ತಿ ಪದದ್ವಯಮ್ ।
ಸ್ವಯಂ ಶಿವಃ ಸ ವಿಜ್ಞೇಯೋ ಯೋ ಬಾಲಾಭಾವಲಮ್ಪಟಃ ॥ 198 ॥

ಬ್ರಹ್ಮಾನನ್ದಮಯೀ ಜ್ಯೋತ್ಸ್ನಾ ಸದಾಶಿವವಿಧೂದಿತಾ ।
ಆನನ್ದೋ ಯೋಽಪಿ ಯಂ ವೇದಾ ವದನ್ತ್ಯಸ್ಯಾ ವಶೇ ಸ್ಥಿತಾಃ ॥ 199 ॥

ಆಹ್ಲಾದನಂ ಬಾಲಾಧ್ಯಾನಾದ್ಬಾಲಾಯಾ ನಾಮಕೀರ್ತನಾತ್ ।
ಸದಾನನ್ದಾಭ್ಯಾಸಯೋಗಾತ್ ಸದಾನನ್ದಃ ಪ್ರಜಾಯತೇ ॥ 200 ॥

ಇತಿ ಶ್ರೀರುದ್ರಯಾಮಲೇ ತನ್ತ್ರೇ ಭೈರವಭೈರವೀಸಂವಾದೇ
ಶ್ರೀಬಾಲಾತ್ರಿಪುರಸುನ್ದರೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥

Also Read 1000 Names of Bala Rama :

1000 Names of Balarama | Sahasranama Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Balarama | Sahasranama Stotram 2 Lyrics in Kannada

Leave a Reply

Your email address will not be published. Required fields are marked *

Scroll to top