Shri Surya Sahasranamastotram 1 Lyrics in Kannada:
॥ ಶ್ರೀಸೂರ್ಯಸಹಸ್ರನಾಮಸ್ತೋತ್ರಮ್ 1 ॥
ಸುಮನ್ತುರುವಾಚ
ಮಾಘೇ ಮಾಸಿ ಸಿತೇ ಪಕ್ಷೇ ಸಪ್ತಮ್ಯಾಂಕುರುನನ್ದನ ।
ನಿರಾಹಾರೋ ರವಿಮ್ಭಕ್ತ್ಯಾ ಪೂಜಯೇದ್ವಿಧಿನಾ ನೃಪ ॥ 1 ॥
ಪೂರ್ವೋಕ್ತೇನ ಜಪೇಜ್ಜಪ್ಯನ್ದೇವಸ್ಯ ಪುರತಃ ಸ್ಥಿತಃ ।
ಶುದ್ಧೈಕಾಗ್ರಮನಾ ರಾಜಂಜಿತಕ್ರೋಧೋ ಜಿತೇನ್ದ್ರಿಯಃ ॥ 2 ॥
ಶತಾನೀಕ ಉವಾಚ
ಕೇನ ಮನ್ತ್ರೇಣ ಜಪ್ತೇನ ದರ್ಶನಂ ಭಗವಾನ್ವ್ರಜೇತ್ ।
ಸ್ತೋತ್ರೇಣ ವಾಪಿ ಸವಿತಾ ತನ್ಮೇ ಕಥಯ ಸುವ್ರತ ॥ 3 ॥
ಸುಮನ್ತುರುವಾಚ
ಸ್ತುತೋ ನಾಮಸಹಸ್ರೇಣ ಯದಾ ಭಕ್ತಿಮತಾ ಮಯಾ ।
ತದಾ ಮೇ ದರ್ಶನಂ ಯಾತಃ ಸಾಕ್ಷಾದ್ ದೇವೋ ದಿವಾಕರಃ ॥ 4 ॥
ಶತಾನೀಕ ಉವಾಚ –
ನಾಮ್ನಾಂ ಸಹಸ್ರಂ ಸವಿತುಃ ಶ್ರೋತುಮಿಚ್ಚಾಮಿ ಹೇ ದ್ವಿಜ ।
ಯೇನ ತೇ ದರ್ಶನಂ ಯಾತಃ ಸಾಕ್ಷಾದ್ದೇವೋ ದಿವಾಕರಃ ॥ 1 ॥
ಸರ್ವಮಂಗಲಮಂಗಲ್ಯಂ ಸರ್ವಪಾಪಪ್ರಣಾಶನಮ್ ।
ಸ್ತೋತ್ರಮೇತನ್ಮಹಾಪುಣ್ಯಂ ಸರ್ವೋಪದ್ರವನಾಶನಮ್ ॥ 2 ॥
ನ ತದಸ್ತಿ ಭಯಂ ಕಿಂಚಿದ್ಯದನೇನ ನ ನಶ್ಯತಿ ।
ಜ್ವರಾದ್ಯೈರ್ಮುಚ್ಯತೇ ರಾಜನ್ ಸ್ತೋತ್ರೇಽಸ್ಮಿನ್ ಪಠಿತೇ ನರಃ ॥ 3 ॥
ಅನ್ಯೇ ಚ ರೋಗಾಃ ಶಾಮ್ಯನ್ತಿ ಪಠತಃ ಶ‍ೃಣ್ವತಸ್ತಥಾ ।
ಸಮ್ಪದ್ಯನ್ತೇ ಯಥಾ ಕಾಮಾಃ ಸರ್ವ ಏವ ಯಥೇಪ್ಸಿತಾಃ ॥ 4 ॥
ಯ ಏತದಾದಿತಃ ಶ್ರುತ್ವಾ ಸಂಗ್ರಾಮಂ ಪ್ರವಿಶೇನ್ನರಃ ।
ಸ ಜಿತ್ವಾ ಸಮರೇ ಶತ್ರೂನಭ್ಯೇತಿ ಗೃಹಮಕ್ಷತಃ ॥ 5 ॥
ವನ್ಧ್ಯಾನಾಂ ಪುತ್ರಜನನಂ ಭೀತಾನಾಂ ಭಯನಾಶನಮ್ ।
ಭೂತಿಕಾರಿ ದರಿದ್ರಾಣಾಂ ಕುಷ್ಠಿನಾಂ ಪರಮೌಷಧಮ್ ॥ 6 ॥
ಬಾಲಾನಾಂ ಚೈವ ಸರ್ವೇಷಾಂ ಗ್ರಹರಕ್ಷೋನಿವಾರಣಮ್ ।
ಪಠತೇ ಸಂಯತೋ ರಾಜನ್ ಸ ಶ್ರೇಯಃ ಪರಮಾಪ್ನುಯಾತ್ ॥ 7 ॥
ಸ ಸಿದ್ಧಃ ಸರ್ವಸಂಕಲ್ಪಃ ಸುಖಮತ್ಯನ್ತಮಶ್ನುತೇ ।
ಧರ್ಮಾರ್ಥಿಭಿರ್ಧರ್ಮಲುಬ್ಧೈಃ ಸುಖಾಯ ಚ ಸುಖಾರ್ಥಿಭಿಃ ॥ 8 ॥
ರಾಜ್ಯಾಯ ರಾಜ್ಯಕಾಮೈಶ್ಚ ಪಠಿತವ್ಯಮಿದಂ ನರೈಃ ।
ವಿದ್ಯಾವಹಂ ತು ವಿಪ್ರಾಣಾಂ ಕ್ಷತ್ರಿಯಾಣಾಂ ಜಯಾವಹಮ್ ॥ 9 ॥
ಪಶ್ವಾವಹಂ ತು ವೈಶ್ಯಾನಾಂ ಶೂದ್ರಾಣಾಂ ಧರ್ಮವರ್ಧನಮ್ ।
ಪಠತಾಂ ಶ‍ೃಣ್ವತಾಮೇತದ್ಭವತೀತಿ ನ ಸಂಶಯಃ ॥ 10 ॥
ತಚ್ಚೃಣುಷ್ವ ನೃಪಶ್ರೇಷ್ಠ ಪ್ರಯತಾತ್ಮಾ ಬ್ರವೀಮಿ ತೇ ।
ನಾಮ್ನಾಂ ಸಹಸ್ರಂ ವಿಖ್ಯಾತಂ ದೇವದೇವಸ್ಯ ಧೀಮತಃ ॥ 11 ॥
ಧ್ಯಾನಮ್ –
ಧ್ಯೇಯಃ ಸದಾ ಸವಿತೃಮಂಡಲಮಧ್ಯವರ್ತೀ
ನಾರಾಯಣಃ ಸರಸಿಜಾಸನಸನ್ನಿವಿಷ್ಟಃ ।
ಕೇಯೂರವಾನ್ ಮಕರಕುಂಡಲವಾನ್ ಕಿರೀಟೀ
ಹಾರೀ ಹಿರಣ್ಮಯವಪುರ್ಧೃತಶಂಖಚಕ್ರಃ ॥
ಅಥ ಸ್ತೋತ್ರಮ್ –
ಓಂ ವಿಶ್ವವಿದ್ವಿಶ್ವಜಿತ್ಕರ್ತಾ ವಿಶ್ವಾತ್ಮಾ ವಿಶ್ವತೋಮುಖಃ ।
ವಿಶ್ವೇಶ್ವರೋ ವಿಶ್ವಯೋನಿರ್ನಿಯತಾತ್ಮಾ ಜಿತೇನ್ದ್ರಿಯಃ ॥ 1 ॥
ಕಾಲಾಶ್ರಯಃ ಕಾಲಕರ್ತಾ ಕಾಲಹಾ ಕಾಲನಾಶನಃ ।
ಮಹಾಯೋಗೀ ಮಹಾಸಿದ್ಧಿರ್ಮಹಾತ್ಮಾ ಸುಮಹಾಬಲಃ ॥ 2 ॥
ಪ್ರಭುರ್ವಿಭುರ್ಭೂತನಾಥೋ ಭೂತಾತ್ಮಾ ಭುವನೇಶ್ವರಃ ।
ಭೂತಭವ್ಯೋ ಭಾವಿತಾತ್ಮಾ ಭೂತಾನ್ತಃಕರಣಂ ಶಿವಃ ॥ 3 ॥
ಶರಣ್ಯಃ ಕಮಲಾನನ್ದೋ ನನ್ದನೋ ನನ್ದವರ್ಧನಃ ।
ವರೇಣ್ಯೋ ವರದೋ ಯೋಗೀ ಸುಸಂಯುಕ್ತಃ ಪ್ರಕಾಶಕಃ ॥ 4 ॥
ಪ್ರಾಪ್ತಯಾನಃ ಪರಪ್ರಾಣಃ ಪೂತಾತ್ಮಾ ಪ್ರಯತಃ ಪ್ರಿಯಃ ।
ನಯಃ ಸಹಸ್ರಪಾತ್ ಸಾಧುರ್ದಿವ್ಯಕುಂಡಲಮಂಡಿತಃ ॥ 5 ॥
ಅವ್ಯಂಗಧಾರೀ ಧೀರಾತ್ಮಾ ಸವಿತಾ ವಾಯುವಾಹನಃ ।
ಸಮಾಹಿತಮತಿರ್ದಾತಾ ವಿಧಾತಾ ಕೃತಮಂಗಲಃ ॥ 6 ॥
ಕಪರ್ದೀ ಕಲ್ಪಪಾದ್ರುದ್ರಃ ಸುಮನಾ ಧರ್ಮವತ್ಸಲಃ ।
ಸಮಾಯುಕ್ತೋ ವಿಮುಕ್ತಾತ್ಮಾ ಕೃತಾತ್ಮಾ ಕೃತಿನಾಂ ವರಃ ॥ 7 ॥
ಅವಿಚಿನ್ತ್ಯವಪುಃ ಶ್ರೇಷ್ಠೋ ಮಹಾಯೋಗೀ ಮಹೇಶ್ವರಃ ।
ಕಾನ್ತಃ ಕಾಮಾರಿರಾದಿತ್ಯೋ ನಿಯತಾತ್ಮಾ ನಿರಾಕುಲಃ ॥ 8 ॥
ಕಾಮಃ ಕಾರುಣಿಕಃ ಕರ್ತಾ ಕಮಲಾಕರಬೋಧನಃ ।
ಸಪ್ತಸಪ್ತಿರಚಿನ್ತ್ಯಾತ್ಮಾ ಮಹಾಕಾರುಣಿಕೋತ್ತಮಃ ॥ 9 ॥
ಸಂಜೀವನೋ ಜೀವನಾಥೋ ಜಯೋ ಜೀವೋ ಜಗತ್ಪತಿಃ ।
ಅಯುಕ್ತೋ ವಿಶ್ವನಿಲಯಃ ಸಂವಿಭಾಗೀ ವೃಷಧ್ವಜಃ ॥ 10 ॥
ವೃಷಾಕಪಿಃ ಕಲ್ಪಕರ್ತಾ ಕಲ್ಪಾನ್ತಕರಣೋ ರವಿಃ ।
ಏಕಚಕ್ರರಥೋ ಮೌನೀ ಸುರಥೋ ರಥಿನಾಂ ವರಃ ॥ 11 ॥
ಸಕ್ರೋಧನೋ ರಶ್ಮಿಮಾಲೀ ತೇಜೋರಾಶಿರ್ವಿಭಾವಸುಃ ।
ದಿವ್ಯಕೃದ್ದಿನಕೃದ್ದೇವೋ ದೇವದೇವೋ ದಿವಸ್ಪತಿಃ ॥ 12 ॥
ದೀನನಾಥೋ ಹರೋ ಹೋತಾ ದಿವ್ಯಬಾಹುರ್ದಿವಾಕರಃ ।
ಯಜ್ಞೋ ಯಜ್ಞಪತಿಃ ಪೂಷಾ ಸ್ವರ್ಣರೇತಾಃ ಪರಾವರಃ ॥ 13 ॥
ಪರಾಪರಜ್ಞಸ್ತರಣಿರಂಶುಮಾಲೀ ಮನೋಹರಃ ।
ಪ್ರಾಜ್ಞಃ ಪ್ರಾಜ್ಞಪತಿಃ ಸೂರ್ಯಃ ಸವಿತಾ ವಿಷ್ಣುರಂಶುಮಾನ್ ॥ 14 ॥
ಸದಾಗತಿರ್ಗನ್ಧವಹೋ ವಿಹಿತೋ ವಿಧಿರಾಶುಗಃ ।
ಪತಂಗಃ ಪತಗಃ ಸ್ಥಾಣುರ್ವಿಹಂಗೋ ವಿಹಗೋ ವರಃ ॥ 15 ॥
ಹರ್ಯಶ್ವೋ ಹರಿತಾಶ್ವಶ್ಚ ಹರಿದಶ್ವೋ ಜಗತ್ಪ್ರಿಯಃ ।
ತ್ರ್ಯಮ್ಬಕಃ ಸರ್ವದಮನೋ ಭಾವಿತಾತ್ಮಾ ಭಿಷಗ್ವರಃ ॥ 16 ॥
ಆಲೋಕಕೃಲ್ಲೋಕನಾಥೋ ಲೋಕಾಲೋಕನಮಸ್ಕೃತಃ ।
ಕಾಲಃ ಕಲ್ಪಾನ್ತಕೋ ವಹ್ನಿಸ್ತಪನಃ ಸಂಪ್ರತಾಪನಃ ॥ 17 ॥
ವಿರೋಚನೋ ವಿರೂಪಾಕ್ಷಃ ಸಹಸ್ರಾಕ್ಷಃ ಪುರನ್ದರಃ ।
ಸಹಸ್ರರಶ್ಮಿರ್ಮಿಹಿರೋ ವಿವಿಧಾಮ್ಬರಭೂಷಣಃ ॥ 18 ॥
ಖಗಃ ಪ್ರತರ್ದನೋ ಧನ್ಯೋ ಹಯಗೋ ವಾಗ್ವಿಶಾರದಃ ।
ಶ್ರೀಮಾನಶಿಶಿರೋ ವಾಗ್ಮೀ ಶ್ರೀಪತಿಃ ಶ್ರೀನಿಕೇತನಃ ॥ 19 ॥
ಶ್ರೀಕಂಠಃ ಶ್ರೀಧರಃ ಶ್ರೀಮಾನ್ ಶ್ರೀನಿವಾಸೋ ವಸುಪ್ರದಃ ।
ಕಾಮಚಾರೀ ಮಹಾಮಾಯೋ ಮಹೋಗ್ರೋಽವಿದಿತಾಮಯಃ ॥ 20 ॥
ತೀರ್ಥಕ್ರಿಯಾವಾನ್ ಸುನಯೋ ವಿಭಕ್ತೋ ಭಕ್ತವತ್ಸಲಃ ।
ಕೀರ್ತಿಃ ಕೀರ್ತಿಕರೋ ನಿತ್ಯಃ ಕುಂಡಲೀ ಕವಚೀ ರಥೀ ॥ 21 ॥
ಹಿರಣ್ಯರೇತಾಃ ಸಪ್ತಾಶ್ವಃ ಪ್ರಯತಾತ್ಮಾ ಪರನ್ತಪಃ ।
ಬುದ್ಧಿಮಾನಮರಶ್ರೇಷ್ಠೋ ರೋಚಿಷ್ಣುಃ ಪಾಕಶಾಸನಃ ॥ 22 ॥
ಸಮುದ್ರೋ ಧನದೋ ಧಾತಾ ಮಾನ್ಧಾತಾ ಕಶ್ಮಲಾಪಹಃ ।
ತಮೋಘ್ನೋ ಧ್ವಾನ್ತಹಾ ವಹ್ನಿರ್ಹೋತಾಽನ್ತಃಕರಣೋ ಗುಹಃ ॥ 23 ॥
ಪಶುಮಾನ್ ಪ್ರಯತಾನನ್ದೋ ಭೂತೇಶಃ ಶ್ರೀಮತಾಂ ವರಃ ।
ನಿತ್ಯೋಽದಿತೋ ನಿತ್ಯರಥಃ ಸುರೇಶಃ ಸುರಪೂಜಿತಃ ॥ 24 ॥
ಅಜಿತೋ ವಿಜಿತೋ ಜೇತಾ ಜಂಗಮಸ್ಥಾವರಾತ್ಮಕಃ ।
ಜೀವಾನನ್ದೋ ನಿತ್ಯಗಾಮೀ ವಿಜೇತಾ ವಿಜಯಪ್ರದಃ ॥ 25 ॥
ಪರ್ಜನ್ಯೋಽಗ್ನಿಃ ಸ್ಥಿತಿಃ ಸ್ಥೇಯಃ ಸ್ಥವಿರೋಽಥ ನಿರಂಜನಃ ।
ಪ್ರದ್ಯೋತನೋ ರಥಾರೂಢಃ ಸರ್ವಲೋಕಪ್ರಕಾಶಕಃ ॥ 26 ॥
ಧ್ರುವೋ ಮೇಷೀ ಮಹಾವೀರ್ಯೋ ಹಂಸಃ ಸಂಸಾರತಾರಕಃ ।
ಸೃಷ್ಟಿಕರ್ತಾ ಕ್ರಿಯಾಹೇತುರ್ಮಾರ್ತಂಡೋ ಮರುತಾಂ ಪತಿಃ ॥ 27 ॥
ಮರುತ್ವಾನ್ ದಹನಸ್ತ್ವಷ್ಟಾ ಭಗೋ ಭರ್ಗೋಽರ್ಯಮಾ ಕಪಿಃ ।
ವರುಣೇಶೋ ಜಗನ್ನಾಥಃ ಕೃತಕೃತ್ಯಃ ಸುಲೋಚನಃ ॥ 28 ॥
ವಿವಸ್ವಾನ್ ಭಾನುಮಾನ್ ಕಾರ್ಯಃ ಕಾರಣಸ್ತೇಜಸಾಂ ನಿಧಿಃ ।
ಅಸಂಗಗಾಮೀ ತಿಗ್ಮಾಂಶುರ್ಘರ್ಮಾಂಶುರ್ದೀಪ್ತದೀಧಿತಿಃ ॥ 29 ॥
ಸಹಸ್ರದೀಧಿತಿರ್ಬ್ರಧ್ನಃ ಸಹಸ್ರಾಂಶುರ್ದಿವಾಕರಃ ।
ಗಭಸ್ತಿಮಾನ್ ದೀಧಿತಿಮಾನ್ ಸ್ರಗ್ವೀ ಮಣಿಕುಲದ್ಯುತಿಃ ॥ 30 ॥
ಭಾಸ್ಕರಃ ಸುರಕಾರ್ಯಜ್ಞಃ ಸರ್ವಜ್ಞಸ್ತೀಕ್ಷ್ಣದೀಧಿತಿಃ ।
ಸುರಜ್ಯೇಷ್ಠಃ ಸುರಪತಿರ್ಬಹುಜ್ಞೋ ವಚಸಾಂ ಪತಿಃ ॥ 31 ॥
ತೇಜೋನಿಧಿರ್ಬೃಹತ್ತೇಜಾ ಬೃಹತ್ಕೀರ್ತಿರ್ಬೃಹಸ್ಪತಿಃ ।
ಅಹಿಮಾನೂರ್ಜಿತೋ ಧೀಮಾನಾಮುಕ್ತಃ ಕೀರ್ತಿವರ್ಧನಃ ॥ 32 ॥
ಮಹಾವೈದ್ಯೋ ಗಣಪತಿರ್ಧನೇಶೋ ಗಣನಾಯಕಃ ।
ತೀವ್ರಪ್ರತಾಪನಸ್ತಾಪೀ ತಾಪನೋ ವಿಶ್ವತಾಪನಃ ॥ 33 ॥
ಕಾರ್ತಸ್ವರೋ ಹೃಷೀಕೇಶಃ ಪದ್ಮಾನನ್ದೋಽತಿನನ್ದಿತಃ ।
ಪದ್ಮನಾಭೋಽಮೃತಾಹಾರಃ ಸ್ಥಿತಿಮಾನ್ ಕೇತುಮಾನ್ ನಭಃ ॥ 34 ॥
ಅನಾದ್ಯನ್ತೋಽಚ್ಯುತೋ ವಿಶ್ವೋ ವಿಶ್ವಾಮಿತ್ರೋ ಘೃಣಿರ್ವಿರಾಟ್ ।
ಆಮುಕ್ತಕವಚೋ ವಾಗ್ಮೀ ಕಂಚುಕೀ ವಿಶ್ವಭಾವನಃ ॥ 35 ॥
ಅನಿಮಿತ್ತಗತಿಃ ಶ್ರೇಷ್ಠಃ ಶರಣ್ಯಃ ಸರ್ವತೋಮುಖಃ ।
ವಿಗಾಹೀ ವೇಣುರಸಹಃ ಸಮಾಯುಕ್ತಃ ಸಮಾಕ್ರತುಃ ॥ 36 ॥
ಧರ್ಮಕೇತುರ್ಧರ್ಮರತಿಃ ಸಂಹರ್ತಾ ಸಂಯಮೋ ಯಮಃ ।
ಪ್ರಣತಾರ್ತಿಹರೋ ವಾಯುಃ ಸಿದ್ಧಕಾರ್ಯೋ ಜನೇಶ್ವರಃ ॥ 37 ॥
ನಭೋ ವಿಗಾಹನಃ ಸತ್ಯಃ ಸವಿತಾತ್ಮಾ ಮನೋಹರಃ ।
ಹಾರೀ ಹರಿರ್ಹರೋ ವಾಯುರ್ಋತುಃ ಕಾಲಾನಲದ್ಯುತಿಃ ॥ 38 ॥
ಸುಖಸೇವ್ಯೋ ಮಹಾತೇಜಾ ಜಗತಾಮೇಕಕಾರಣಮ್ ।
ಮಹೇನ್ದ್ರೋ ವಿಷ್ಟುತಃ ಸ್ತೋತ್ರಂ ಸ್ತುತಿಹೇತುಃ ಪ್ರಭಾಕರಃ ॥ 39 ॥
ಸಹಸ್ರಕರ ಆಯುಷ್ಮಾನ್ ಅರೋಷಃ ಸುಖದಃ ಸುಖೀ ।
ವ್ಯಾಧಿಹಾ ಸುಖದಃ ಸೌಖ್ಯಂ ಕಲ್ಯಾಣಃ ಕಲತಾಂ ವರಃ ॥ 40 ॥
ಆರೋಗ್ಯಕಾರಣಂ ಸಿದ್ಧಿರ್ಋದ್ಧಿರ್ವೃದ್ಧಿರ್ಬೃಹಸ್ಪತಿಃ ।
ಹಿರಣ್ಯರೇತಾ ಆರೋಗ್ಯಂ ವಿದ್ವಾನ್ ಬ್ರಧ್ನೋ ಬುಧೋ ಮಹಾನ್ ॥ 41 ॥
ಪ್ರಾಣವಾನ್ ಧೃತಿಮಾನ್ ಘರ್ಮೋ ಘರ್ಮಕರ್ತಾ ರುಚಿಪ್ರದಃ ।
ಸರ್ವಪ್ರಿಯಃ ಸರ್ವಸಹಃ ಸರ್ವಶತ್ರುವಿನಾಶನಃ ॥ 42 ॥
ಪ್ರಾಂಶುರ್ವಿದ್ಯೋತನೋ ದ್ಯೋತಃ ಸಹಸ್ರಕಿರಣಃ ಕೃತೀ ।
ಕೇಯೂರೀ ಭೂಷಣೋದ್ಭಾಸೀ ಭಾಸಿತೋ ಭಾಸನೋಽನಲಃ ॥ 43 ॥
ಶರಣ್ಯಾರ್ತಿಹರೋ ಹೋತಾ ಖದ್ಯೋತಃ ಖಗಸತ್ತಮಃ ।
ಸರ್ವದ್ಯೋತೋ ಭವದ್ಯೋತಃ ಸರ್ವದ್ಯುತಿಕರೋ ಮತಃ ॥ 44 ॥
ಕಲ್ಯಾಣಃ ಕಲ್ಯಾಣಕರಃ ಕಲ್ಯಃ ಕಲ್ಯಕರಃ ಕವಿಃ ।
ಕಲ್ಯಾಣಕೃತ್ ಕಲ್ಯವಪುಃ ಸರ್ವಕಲ್ಯಾಣಭಾಜನಮ್ ॥ 45 ॥
ಶಾನ್ತಿಪ್ರಿಯಃ ಪ್ರಸನ್ನಾತ್ಮಾ ಪ್ರಶಾನ್ತಃ ಪ್ರಶಮಪ್ರಿಯಃ ।
ಉದಾರಕರ್ಮಾ ಸುನಯಃ ಸುವರ್ಚಾ ವರ್ಚಸೋಜ್ಜ್ವಲಃ ॥ 46 ॥
ವರ್ಚಸ್ವೀ ವರ್ಚಸಾಮೀಶಸ್ತ್ರೈಲೋಕ್ಯೇಶೋ ವಶಾನುಗಃ ।
ತೇಜಸ್ವೀ ಸುಯಶಾ ವರ್ಷ್ಮೀ ವರ್ಣಾಧ್ಯಕ್ಷೋ ಬಲಿಪ್ರಿಯಃ ॥ 47 ॥
ಯಶಸ್ವೀ ತೇಜೋನಿಲಯಸ್ತೇಜಸ್ವೀ ಪ್ರಕೃತಿಸ್ಥಿತಃ ।
ಆಕಾಶಗಃ ಶೀಘ್ರಗತಿರಾಶುಗೋ ಗತಿಮಾನ್ ಖಗಃ ॥ 48 ॥
ಗೋಪತಿರ್ಗ್ರಹದೇವೇಶೋ ಗೋಮಾನೇಕಃ ಪ್ರಭಂಜನಃ ।
ಜನಿತಾ ಪ್ರಜನೋ ಜೀವೋ ದೀಪಃ ಸರ್ವಪ್ರಕಾಶಕಃ ॥ 49 ॥
ಸರ್ವಸಾಕ್ಷೀ ಯೋಗನಿತ್ಯೋ ನಭಸ್ವಾನಸುರಾನ್ತಕಃ ।
ರಕ್ಷೋಘ್ನೋ ವಿಘ್ನಶಮನಃ ಕಿರೀಟೀ ಸುಮನಃಪ್ರಿಯಃ ॥ 50 ॥
ಮರೀಚಿಮಾಲೀ ಸುಮತಿಃ ಕೃತಾಭಿಖ್ಯವಿಶೇಷಕಃ ।
ಶಿಷ್ಟಾಚಾರಃ ಶುಭಾಕಾರಃ ಸ್ವಚಾರಾಚಾರತತ್ಪರಃ ॥ 51 ॥
ಮನ್ದಾರೋ ಮಾಠರೋ ವೇಣುಃ ಕ್ಷುಧಾಪಃ ಕ್ಷ್ಮಾಪತಿರ್ಗುರುಃ ।
ಸುವಿಶಿಷ್ಟೋ ವಿಶಿಷ್ಟಾತ್ಮಾ ವಿಧೇಯೋ ಜ್ಞಾನಶೋಭನಃ ॥ 52 ॥
ಮಹಾಶ್ವೇತಃ ಪ್ರಿಯೋ ಜ್ಞೇಯಃ ಸಾಮಗೋ ಮೋಕ್ಷದಾಯಕಃ ।
ಸರ್ವವೇದಪ್ರಗೀತಾತ್ಮಾ ಸರ್ವವೇದಲಯೋ ಮಹಾನ್ ॥ 53 ॥
ವೇದಮೂರ್ತಿಶ್ಚತುರ್ವೇದೋ ವೇದಭೃದ್ವೇದಪಾರಗಃ ।
ಕ್ರಿಯಾವಾನಸಿತೋ ಜಿಷ್ಣುರ್ವರೀಯಾಂಶುರ್ವರಪ್ರದಃ ॥ 54 ॥
ವ್ರತಚಾರೀ ವ್ರತಧರೋ ಲೋಕಬನ್ಧುರಲಂಕೃತಃ ।
ಅಲಂಕಾರಾಕ್ಷರೋ ವೇದ್ಯೋ ವಿದ್ಯಾವಾನ್ ವಿದಿತಾಶಯಃ ॥ 55 ॥
ಆಕಾರೋ ಭೂಷಣೋ ಭೂಷ್ಯೋ ಭೂಷ್ಣುರ್ಭುವನಪೂಜಿತಃ ।
ಚಕ್ರಪಾಣಿರ್ಧ್ವಜಧರಃ ಸುರೇಶೋ ಲೋಕವತ್ಸಲಃ ॥ 56 ॥
ವಾಗ್ಮಿಪತಿರ್ಮಹಾಬಾಹುಃ ಪ್ರಕೃತಿರ್ವಿಕೃತಿರ್ಗುಣಃ ।
ಅನ್ಧಕಾರಾಪಹಃ ಶ್ರೇಷ್ಠೋ ಯುಗಾವರ್ತೋ ಯುಗಾದಿಕೃತ್ ॥ 57 ॥
ಅಪ್ರಮೇಯಃ ಸದಾಯೋಗೀ ನಿರಹಂಕಾರ ಈಶ್ವರಃ ।
ಶುಭಪ್ರದಃ ಶುಭಃ ಶಾಸ್ತಾ ಶುಭಕರ್ಮಾ ಶುಭಪ್ರದಃ ॥ 58 ॥
ಸತ್ಯವಾನ್ ಶ್ರುತಿಮಾನುಚ್ಚೈರ್ನಕಾರೋ ವೃದ್ಧಿದೋಽನಲಃ ।
ಬಲಭೃದ್ಬಲದೋ ಬನ್ಧುರ್ಮತಿಮಾನ್ ಬಲಿನಾಂ ವರಃ ॥ 59 ॥
ಅನಂಗೋ ನಾಗರಾಜೇನ್ದ್ರಃ ಪದ್ಮಯೋನಿರ್ಗಣೇಶ್ವರಃ ।
ಸಂವತ್ಸರ ಋತುರ್ನೇತಾ ಕಾಲಚಕ್ರಪ್ರವರ್ತಕಃ ॥ 60 ॥
ಪದ್ಮೇಕ್ಷಣಃ ಪದ್ಮಯೋನಿಃ ಪ್ರಭಾವಾನಮರಃ ಪ್ರಭುಃ ।
ಸುಮೂರ್ತಿಃ ಸುಮತಿಃ ಸೋಮೋ ಗೋವಿನ್ದೋ ಜಗದಾದಿಜಃ ॥ 61 ॥
ಪೀತವಾಸಾಃ ಕೃಷ್ಣವಾಸಾ ದಿಗ್ವಾಸಾಸ್ತ್ವಿನ್ದ್ರಿಯಾತಿಗಃ ।
ಅತೀನ್ದ್ರಿಯೋಽನೇಕರೂಪಃ ಸ್ಕನ್ದಃ ಪರಪುರಂಜಯಃ ॥ 62 ॥
ಶಕ್ತಿಮಾಂಜಲಧೃಗ್ಭಾಸ್ವಾನ್ ಮೋಕ್ಷಹೇತುರಯೋನಿಜಃ ।
ಸರ್ವದರ್ಶೀ ಜಿತಾದರ್ಶೋ ದುಃಸ್ವಪ್ನಾಶುಭನಾಶನಃ ॥ 63 ॥
ಮಾಂಗಲ್ಯಕರ್ತಾ ತರಣಿರ್ವೇಗವಾನ್ ಕಶ್ಮಲಾಪಹಃ ।
ಸ್ಪಷ್ಟಾಕ್ಷರೋ ಮಹಾಮನ್ತ್ರೋ ವಿಶಾಖೋ ಯಜನಪ್ರಿಯಃ ॥ 64 ॥
ವಿಶ್ವಕರ್ಮಾ ಮಹಾಶಕ್ತಿರ್ದ್ಯುತಿರೀಶೋ ವಿಹಂಗಮಃ ।
ವಿಚಕ್ಷಣೋ ದಕ್ಷ ಇನ್ದ್ರಃ ಪ್ರತ್ಯೂಷಃ ಪ್ರಿಯದರ್ಶನಃ ॥ 65 ॥
ಅಖಿನ್ನೋ ವೇದನಿಲಯೋ ವೇದವಿದ್ವಿದಿತಾಶಯಃ ।
ಪ್ರಭಾಕರೋ ಜಿತರಿಪುಃ ಸುಜನೋಽರುಣಸಾರಥಿಃ ॥ 66 ॥
ಕುನಾಶೀ ಸುರತಃ ಸ್ಕನ್ದೋ ಮಹಿತೋಽಭಿಮತೋ ಗುರುಃ ।
ಗ್ರಹರಾಜೋ ಗ್ರಹಪತಿರ್ಗ್ರಹನಕ್ಷತ್ರಮಂಡಲಃ ॥ 67 ॥
ಭಾಸ್ಕರಃ ಸತತಾನನ್ದೋ ನನ್ದನೋ ನರವಾಹನಃ ।
ಮಂಗಲೋಽಥ ಮಂಗಲವಾನ್ ಮಾಂಗಲ್ಯೋ ಮಂಗಲಾವಹಃ ॥ 68 ॥
ಮಂಗಲ್ಯಚಾರುಚರಿತಃ ಶೀರ್ಣಃ ಸರ್ವವ್ರತೋ ವ್ರತೀ ।
ಚತುರ್ಮುಖಃ ಪದ್ಮಮಾಲೀ ಪೂತಾತ್ಮಾ ಪ್ರಣತಾರ್ತಿಹಾ ॥ 69 ॥
ಅಕಿಂಚನಃ ಸತಾಮೀಶೋ ನಿರ್ಗುಣೋ ಗುಣವಾಂಚುಚಿಃ ।
ಸಮ್ಪೂರ್ಣಃ ಪುಂಡರೀಕಾಕ್ಷೋ ವಿಧೇಯೋ ಯೋಗತತ್ಪರಃ ॥ 70 ॥
ಸಹಸ್ರಾಂಶುಃ ಕ್ರತುಮತಿಃ ಸರ್ವಜ್ಞಃ ಸುಮತಿಃ ಸುವಾಕ್ ।
ಸುವಾಹನೋ ಮಾಲ್ಯದಾಮಾ ಕೃತಾಹಾರೋ ಹರಿಪ್ರಿಯಃ ॥ 71 ॥
ಬ್ರಹ್ಮಾ ಪ್ರಚೇತಾಃ ಪ್ರಥಿತಃ ಪ್ರಯತಾತ್ಮಾ ಸ್ಥಿರಾತ್ಮಕಃ ।
ಶತವಿನ್ದುಃ ಶತಮುಖೋ ಗರೀಯಾನನಲಪ್ರಭಃ ॥ 72 ॥
ಧೀರೋ ಮಹತ್ತರೋ ವಿಪ್ರಃ ಪುರಾಣಪುರುಷೋತ್ತಮಃ ।
ವಿದ್ಯಾರಾಜಾಧಿರಾಜೋ ಹಿ ವಿದ್ಯಾವಾನ್ ಭೂತಿದಃ ಸ್ಥಿತಃ ॥ 73 ॥
ಅನಿರ್ದೇಶ್ಯವಪುಃ ಶ್ರೀಮಾನ್ ವಿಪಾಪ್ಮಾ ಬಹುಮಂಗಲಃ ।
ಸ್ವಃಸ್ಥಿತಃ ಸುರಥಃ ಸ್ವರ್ಣೋ ಮೋಕ್ಷದೋ ಬಲಿಕೇತನಃ ॥ 74 ॥
ನಿರ್ದ್ವನ್ದ್ವೋ ದ್ವನ್ದ್ವಹಾ ಸರ್ಗಃ ಸರ್ವಗಃ ಸಂಪ್ರಕಾಶಕಃ ।
ದಯಾಲುಃ ಸೂಕ್ಷ್ಮಧೀಃ ಕ್ಷಾನ್ತಿಃ ಕ್ಷೇಮಾಕ್ಷೇಮಸ್ಥಿತಿಪ್ರಿಯಃ ॥ 75 ॥
ಭೂಧರೋ ಭೂಪತಿರ್ವಕ್ತಾ ಪವಿತ್ರಾತ್ಮಾ ತ್ರಿಲೋಚನಃ ।
ಮಹಾವರಾಹಃ ಪ್ರಿಯಕೃದ್ದಾತಾ ಭೋಕ್ತಾಽಭಯಪ್ರದಃ ॥ 76 ॥
ಚಕ್ರವರ್ತೀ ಧೃತಿಕರಃ ಸಮ್ಪೂರ್ಣೋಽಥ ಮಹೇಶ್ವರಃ ।
ಚತುರ್ವೇದಧರೋಽಚಿನ್ತ್ಯೋ ವಿನಿನ್ದ್ಯೋ ವಿವಿಧಾಶನಃ ॥ 77 ॥
ವಿಚಿತ್ರರಥ ಏಕಾಕೀ ಸಪ್ತಸಪ್ತಿಃ ಪರಾತ್ಪರಃ ।
ಸರ್ವೋದಧಿಸ್ಥಿತಿಕರಃ ಸ್ಥಿತಿಸ್ಥೇಯಃ ಸ್ಥಿತಿಪ್ರಿಯಃ ॥ 78 ॥
ನಿಷ್ಕಲಃ ಪುಷ್ಕಲೋ ವಿಭುರ್ವಸುಮಾನ್ ವಾಸವಪ್ರಿಯಃ ।
ಪಶುಮಾನ್ ವಾಸವಸ್ವಾಮೀ ವಸುಧಾಮಾ ವಸುಪ್ರದಃ ॥ 79 ॥
ಬಲವಾನ್ ಜ್ಞಾನವಾಂಸ್ತತ್ತ್ವಮೋಂಕಾರಸ್ತ್ರಿಷು ಸಂಸ್ಥಿತಃ ।
ಸಂಕಲ್ಪಯೋನಿರ್ದಿನಕೃದ್ಭಗವಾನ್ ಕಾರಣಾಪಹಃ ॥ 80 ॥
ನೀಲಕಂಠೋ ಧನಾಧ್ಯಕ್ಷಶ್ಚತುರ್ವೇದಪ್ರಿಯಂವದಃ ।
ವಷಟ್ಕಾರೋದ್ಗಾತಾ ಹೋತಾ ಸ್ವಾಹಾಕಾರೋ ಹುತಾಹುತಿಃ ॥ 81 ॥
ಜನಾರ್ದನೋ ಜನಾನನ್ದೋ ನರೋ ನಾರಾಯಣೋಽಮ್ಬುದಃ ।
ಸನ್ದೇಹನಾಶನೋ ವಾಯುರ್ಧನ್ವೀ ಸುರನಮಸ್ಕೃತಃ ॥ 82 ॥
ವಿಗ್ರಹೀ ವಿಮಲೋ ವಿನ್ದುರ್ವಿಶೋಕೋ ವಿಮಲದ್ಯುತಿಃ ।
ದ್ಯುತಿಮಾನ್ ದ್ಯೋತನೋ ವಿದ್ಯುದ್ವಿದ್ಯಾವಾನ್ ವಿದಿತೋ ಬಲೀ ॥ 83 ॥
ಘರ್ಮದೋ ಹಿಮದೋ ಹಾಸಃ ಕೃಷ್ಣವರ್ತ್ಮಾ ಸುತಾಜಿತಃ ।
ಸಾವಿತ್ರೀಭಾವಿತೋ ರಾಜಾ ವಿಶ್ವಾಮಿತ್ರೋ ಘೃಣಿರ್ವಿರಾಟ್ ॥ 84 ॥
ಸಪ್ತಾರ್ಚಿಃ ಸಪ್ತತುರಗಃ ಸಪ್ತಲೋಕನಮಸ್ಕೃತಃ ।
ಸಮ್ಪೂರ್ಣೋಽಥ ಜಗನ್ನಾಥಃ ಸುಮನಾಃ ಶೋಭನಪ್ರಿಯಃ ॥ 85 ॥
ಸರ್ವಾತ್ಮಾ ಸರ್ವಕೃತ್ ಸೃಷ್ಟಿಃ ಸಪ್ತಿಮಾನ್ ಸಪ್ತಮೀಪ್ರಿಯಃ ।
ಸುಮೇಧಾ ಮೇಧಿಕೋ ಮೇಧ್ಯೋ ಮೇಧಾವೀ ಮಧುಸೂದನಃ ॥ 86 ॥
ಅಂಗಿರಃಪತಿಃ ಕಾಲಜ್ಞೋ ಧೂಮಕೇತುಃ ಸುಕೇತನಃ ।
ಸುಖೀ ಸುಖಪ್ರದಃ ಸೌಖ್ಯಂ ಕಾಮೀ ಕಾನ್ತಿಪ್ರಿಯೋ ಮುನಿಃ ॥ 87 ॥
ಸನ್ತಾಪನಃ ಸನ್ತಪನ ಆತಪಸ್ತಪಸಾಂ ಪತಿಃ ।
ಉಮಾಪತಿಃ ಸಹಸ್ರಾಂಶುಃ ಪ್ರಿಯಕಾರೀ ಪ್ರಿಯಂಕರಃ ॥ 88 ॥
ಪ್ರೀತಿರ್ವಿಮನ್ಯುರಮ್ಭೋತ್ಥಃ ಖಂಜನೋ ಜಗತಾಂ ಪತಿಃ ।
ಜಗತ್ಪಿತಾ ಪ್ರೀತಮನಾಃ ಸರ್ವಃ ಖರ್ವೋ ಗುಹೋಽಚಲಃ ॥ 89 ॥
ಸರ್ವಗೋ ಜಗದಾನನ್ದೋ ಜಗನ್ನೇತಾ ಸುರಾರಿಹಾ ।
ಶ್ರೇಯಃ ಶ್ರೇಯಸ್ಕರೋ ಜ್ಯಾಯಾನ್ ಮಹಾನುತ್ತಮ ಉದ್ಭವಃ ॥ 90 ॥
ಉತ್ತಮೋ ಮೇರುಮೇಯೋಽಥ ಧರಣೋ ಧರಣೀಧರಃ ।
ಧರಾಧ್ಯಕ್ಷೋ ಧರ್ಮರಾಜೋ ಧರ್ಮಾಧರ್ಮಪ್ರವರ್ತಕಃ ॥ 91 ॥
ರಥಾಧ್ಯಕ್ಷೋ ರಥಗತಿಸ್ತರುಣಸ್ತನಿತೋಽನಲಃ ।
ಉತ್ತರೋಽನುತ್ತರಸ್ತಾಪೀ ಅವಾಕ್ಪತಿರಪಾಂ ಪತಿಃ ॥ 92 ॥
ಪುಣ್ಯಸಂಕೀರ್ತನಃ ಪುಣ್ಯೋ ಹೇತುರ್ಲೋಕತ್ರಯಾಶ್ರಯಃ ।
ಸ್ವರ್ಭಾನುರ್ವಿಗತಾನನ್ದೋ ವಿಶಿಷ್ಟೋತ್ಕೃಷ್ಟಕರ್ಮಕೃತ್ ॥ 93 ॥
ವ್ಯಾಧಿಪ್ರಣಾಶನಃ ಕ್ಷೇಮಃ ಶೂರಃ ಸರ್ವಜಿತಾಂ ವರಃ ।
ಏಕರಥೋ ರಥಾಧೀಶಃ ಪಿತಾ ಶನೈಶ್ಚರಸ್ಯ ಹಿ ॥ 94 ॥
ವೈವಸ್ವತಗುರುರ್ಮೃತ್ಯುರ್ಧರ್ಮನಿತ್ಯೋ ಮಹಾವ್ರತಃ ।
ಪ್ರಲಮ್ಬಹಾರಸಂಚಾರೀ ಪ್ರದ್ಯೋತೋ ದ್ಯೋತಿತಾನಲಃ ॥ 95 ॥
ಸನ್ತಾಪಹೃತ್ ಪರೋ ಮನ್ತ್ರೋ ಮನ್ತ್ರಮೂರ್ತಿರ್ಮಹಾಬಲಃ ।
ಶ್ರೇಷ್ಠಾತ್ಮಾ ಸುಪ್ರಿಯಃ ಶಮ್ಭುರ್ಮರುತಾಮೀಶ್ವರೇಶ್ವರಃ ॥ 96 ॥
ಸಂಸಾರಗತಿವಿಚ್ಚೇತ್ತಾ ಸಂಸಾರಾರ್ಣವತಾರಕಃ ।
ಸಪ್ತಜಿಹ್ವಃ ಸಹಸ್ರಾರ್ಚೀ ರತ್ನಗರ್ಭೋಽಪರಾಜಿತಃ ॥ 97 ॥
ಧರ್ಮಕೇತುರಮೇಯಾತ್ಮಾ ಧರ್ಮಾಧರ್ಮವರಪ್ರದಃ ।
ಲೋಕಸಾಕ್ಷೀ ಲೋಕಗುರುರ್ಲೋಕೇಶಶ್ಚಂಡವಾಹನಃ ॥ 98 ॥
ಧರ್ಮಯೂಪೋ ಯೂಪವೃಕ್ಷೋ ಧನುಷ್ಪಾಣಿರ್ಧನುರ್ಧರಃ ।
ಪಿನಾಕಧೃಙ್ಮಹೋತ್ಸಾಹೋ ಮಹಾಮಾಯೋ ಮಹಾಶನಃ ॥ 99 ॥
ವೀರಃ ಶಕ್ತಿಮತಾಂ ಶ್ರೇಷ್ಠಃ ಸರ್ವಶಸ್ತ್ರಭೃತಾಂ ವರಃ ।
ಜ್ಞಾನಗಮ್ಯೋ ದುರಾರಾಧ್ಯೋ ಲೋಹಿತಾಂಗೋ ವಿವರ್ಧನಃ ॥ 100 ॥
ಖಗೋಽನ್ಧೋ ಧರ್ಮದೋ ನಿತ್ಯೋ ಧರ್ಮಕೃಚ್ಚಿತ್ರವಿಕ್ರಮಃ ।
ಭಗವಾನಾತ್ಮವಾನ್ ಮನ್ತ್ರಸ್ತ್ರ್ಯಕ್ಷರೋ ನೀಲಲೋಹಿತಃ ॥ 101 ॥
ಏಕೋಽನೇಕಸ್ತ್ರಯೀ ಕಾಲಃ ಸವಿತಾ ಸಮಿತಿಂಜಯಃ ।
ಶಾರ್ಂಗಧನ್ವಾಽನಲೋ ಭೀಮಃ ಸರ್ವಪ್ರಹರಣಾಯುಧಃ ॥ 102 ॥
ಸುಕರ್ಮಾ ಪರಮೇಷ್ಠೀ ಚ ನಾಕಪಾಲೀ ದಿವಿಸ್ಥಿತಃ ।
ವದಾನ್ಯೋ ವಾಸುಕಿರ್ವೈದ್ಯ ಆತ್ರೇಯೋಽಥ ಪರಾಕ್ರಮಃ ॥ 103 ॥
ದ್ವಾಪರಃ ಪರಮೋದಾರಃ ಪರಮೋ ಬ್ರಹ್ಮಚರ್ಯವಾನ್ ।
ಉದೀಚ್ಯವೇಷೋ ಮುಕುಟೀ ಪದ್ಮಹಸ್ತೋ ಹಿಮಾಂಶುಭೃತ್ ॥ 104 ॥
ಸಿತಃ ಪ್ರಸನ್ನವದನಃ ಪದ್ಮೋದರನಿಭಾನನಃ ।
ಸಾಯಂ ದಿವಾ ದಿವ್ಯವಪುರನಿರ್ದೇಶ್ಯೋ ಮಹಾಲಯಃ ॥ 105 ॥
ಮಹಾರಥೋ ಮಹಾನೀಶಃ ಶೇಷಃ ಸತ್ತ್ವರಜಸ್ತಮಃ ।
ಧೃತಾತಪತ್ರಪ್ರತಿಮೋ ವಿಮರ್ಷೀ ನಿರ್ಣಯಃ ಸ್ಥಿತಃ ॥ 106 ॥
ಅಹಿಂಸಕಃ ಶುದ್ಧಮತಿರದ್ವಿತೀಯೋ ವಿವರ್ಧನಃ ।
ಸರ್ವದೋ ಧನದೋ ಮೋಕ್ಷೋ ವಿಹಾರೀ ಬಹುದಾಯಕಃ ॥ 107 ॥
ಚಾರುರಾತ್ರಿಹರೋ ನಾಥೋ ಭಗವಾನ್ ಸರ್ವಗೋಽವ್ಯಯಃ ।
ಮನೋಹರವಪುಃ ಶುಭ್ರಃ ಶೋಭನಃ ಸುಪ್ರಭಾವನಃ ॥ 108 ॥
ಸುಪ್ರಭಾವಃ ಸುಪ್ರತಾಪಃ ಸುನೇತ್ರೋ ದಿಗ್ವಿದಿಕ್ಪತಿಃ ।
ರಾಜ್ಞೀಪ್ರಿಯಃ ಶಬ್ದಕರೋ ಗ್ರಹೇಶಸ್ತಿಮಿರಾಪಹಃ ॥ 109 ॥
ಸೈಂಹಿಕೇಯರಿಪುರ್ದೇವೋ ವರದೋ ವರನಾಯಕಃ ।
ಚತುರ್ಭುಜೋ ಮಹಾಯೋಗೀ ಯೋಗೀಶ್ವರಪತಿಸ್ತಥಾ ॥ 110 ॥
ಅನಾದಿರೂಪೋಽದಿತಿಜೋ ರತ್ನಕಾನ್ತಿಃ ಪ್ರಭಾಮಯಃ ।
ಜಗತ್ಪ್ರದೀಪೋ ವಿಸ್ತೀರ್ಣೋ ಮಹಾವಿಸ್ತೀರ್ಣಮಂಡಲಃ ॥ 111 ॥
ಏಕಚಕ್ರರಥಃ ಸ್ವರ್ಣರಥಃ ಸ್ವರ್ಣಶರೀರಧೃಕ್ ।
ನಿರಾಲಮ್ಬೋ ಗಗನಗೋ ಧರ್ಮಕರ್ಮಪ್ರಭಾವಕೃತ್ ॥ 112 ॥
ಧರ್ಮಾತ್ಮಾ ಕರ್ಮಣಾಂ ಸಾಕ್ಷೀ ಪ್ರತ್ಯಕ್ಷಃ ಪರಮೇಶ್ವರಃ ।
ಮೇರುಸೇವೀ ಸುಮೇಧಾವೀ ಮೇರುರಕ್ಷಾಕರೋ ಮಹಾನ್ ॥ 113 ॥
ಆಧಾರಭೂತೋ ರತಿಮಾಂಸ್ತಥಾ ಚ ಧನಧಾನ್ಯಕೃತ್ ।
ಪಾಪಸನ್ತಾಪಹರ್ತಾ ಚ ಮನೋವಾಂಚಿತದಾಯಕಃ ॥ 114 ॥
ರೋಗಹರ್ತಾ ರಾಜ್ಯದಾಯೀ ರಮಣೀಯಗುಣೋಽನೃಣೀ ।
ಕಾಲತ್ರಯಾನನ್ತರೂಪೋ ಮುನಿವೃನ್ದನಮಸ್ಕೃತಃ ॥ 115 ॥
ಸನ್ಧ್ಯಾರಾಗಕರಃ ಸಿದ್ಧಃ ಸನ್ಧ್ಯಾವನ್ದನವನ್ದಿತಃ ।
ಸಾಮ್ರಾಜ್ಯದಾನನಿರತಃ ಸಮಾರಾಧನತೋಷವಾನ್ ॥ 116 ॥
ಭಕ್ತದುಃಖಕ್ಷಯಕರೋ ಭವಸಾಗರತಾರಕಃ
ಭಯಾಪಹರ್ತಾ ಭಗವಾನಪ್ರಮೇಯಪರಾಕ್ರಮಃ ।
ಮನುಸ್ವಾಮೀ ಮನುಪತಿರ್ಮಾನ್ಯೋ ಮನ್ವನ್ತರಾಧಿಪಃ ॥ 117 ॥
ಫಲಶ್ರುತಿಃ
ಏತತ್ತೇ ಸರ್ವಮಾಖ್ಯಾತಂ ಯನ್ಮಾಂ ತ್ವಂ ಪರಿಪೃಚ್ಚಸಿ ।
ನಾಮ್ನಾಂ ಸಹಸ್ರಂ ಸವಿತುಃ ಪಾರಾಶರ್ಯೋ ಯದಾಹ ಮೇ ॥ 1 ॥
ಧನ್ಯಂ ಯಶಸ್ಯಮಾಯುಷ್ಯಂ ದುಃಖದುಃಸ್ವಪ್ನನಾಶನಮ್ ।
ಬನ್ಧಮೋಕ್ಷಕರಂ ಚೈವ ಭಾನೋರ್ನಾಮಾನುಕೀರ್ತನಾತ್ ॥ 2 ॥
ಯಸ್ತ್ವಿದಂ ಶ‍ೃಣುಯಾನ್ನಿತ್ಯಂ ಪಠೇದ್ವಾ ಪ್ರಯತೋ ನರಃ ।
ಅಕ್ಷಯಂ ಸುಖಮನ್ನಾದ್ಯಂ ಭವೇತ್ತಸ್ಯೋಪಸಾಧಿತಮ್ ॥ 3 ॥
ನೃಪಾಗ್ನಿತಸ್ಕರಭಯಂ ವ್ಯಾಧಿತೋ ನ ಭಯಂ ಭವೇತ್ ।
ವಿಜಯೀ ಚ ಭವೇನ್ನಿತ್ಯಮಾಶ್ರಯಂ ಪರಮಾಪ್ನುಯಾತ್ ॥ 4 ॥
ಕೀರ್ತಿಮಾನ್ ಸುಭಗೋ ವಿದ್ವಾನ್ ಸ ಸುಖೀ ಪ್ರಿಯದರ್ಶನಃ ।
ಜೀವೇದ್ವರ್ಷಶತಾಯುಶ್ಚ ಸರ್ವವ್ಯಾಧಿವಿವರ್ಜಿತಃ ॥ 5 ॥
ನಾಮ್ನಾಂ ಸಹಸ್ರಮಿದಮಂಶುಮತಃ ಪಠೇದ್ಯಃ
ಪ್ರಾತಃ ಶುಚಿರ್ನಿಯಮವಾನ್ ಸುಸಮೃದ್ಧಿಯುಕ್ತಃ ।
ದೂರೇಣ ತಂ ಪರಿಹರನ್ತಿ ಸದೈವ ರೋಗಾಃ
ಭೂತಾಃ ಸುಪರ್ಣಮಿವ ಸರ್ವಮಹೋರಗೇನ್ದ್ರಾಃ ॥ 6 ॥
॥ ಇತಿ ಶ್ರೀ ಭವಿಷ್ಯಪುರಾಣೇ ಸಪ್ತಮಕಲ್ಪೇ
ಶ್ರೀಭಗವತ್ಸೂರ್ಯಸ್ಯ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
Also Read 1000 Names of Shri Surya 1:
1000 Names of Sri Surya | Sahasranama Stotram 1 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil