Shri Surya Sahasranamastotram 1 Lyrics in Malayalam:
॥ ശ്രീസൂര്യസഹസ്രനാമസ്തോത്രം 1 ॥
സുമന്തുരുവാച
മാഘേ മാസി സിതേ പക്ഷേ സപ്തംയാങ്കുരുനന്ദന ।
നിരാഹാരോ രവിംഭക്ത്യാ പൂജയേദ്വിധിനാ നൃപ ॥ 1 ॥
പൂര്‍വോക്തേന ജപേജ്ജപ്യന്ദേവസ്യ പുരതഃ സ്ഥിതഃ ।
ശുദ്ധൈകാഗ്രമനാ രാജഞ്ജിതക്രോധോ ജിതേന്ദ്രിയഃ ॥ 2 ॥
ശതാനീക ഉവാച
കേന മന്ത്രേണ ജപ്തേന ദര്‍ശനം ഭഗവാന്വ്രജേത് ।
സ്തോത്രേണ വാപി സവിതാ തന്‍മേ കഥയ സുവ്രത ॥ 3 ॥
സുമന്തുരുവാച
സ്തുതോ നാമസഹസ്രേണ യദാ ഭക്തിമതാ മയാ ।
തദാ മേ ദര്‍ശനം യാതഃ സാക്ഷാദ് ദേവോ ദിവാകരഃ ॥ 4 ॥
ശതാനീക ഉവാച –
നാംനാം സഹസ്രം സവിതുഃ ശ്രോതുമിച്ചാമി ഹേ ദ്വിജ ।
യേന തേ ദര്‍ശനം യാതഃ സാക്ഷാദ്ദേവോ ദിവാകരഃ ॥ 1 ॥
സര്‍വമങ്ഗലമങ്ഗല്യം സര്‍വപാപപ്രണാശനം ।
സ്തോത്രമേതന്‍മഹാപുണ്യം സര്‍വോപദ്രവനാശനം ॥ 2 ॥
ന തദസ്തി ഭയം കിഞ്ചിദ്യദനേന ന നശ്യതി ।
ജ്വരാദ്യൈര്‍മുച്യതേ രാജന്‍ സ്തോത്രേഽസ്മിന്‍ പഠിതേ നരഃ ॥ 3 ॥
അന്യേ ച രോഗാഃ ശാംയന്തി പഠതഃ ശ‍ൃണ്വതസ്തഥാ ।
സമ്പദ്യന്തേ യഥാ കാമാഃ സര്‍വ ഏവ യഥേപ്സിതാഃ ॥ 4 ॥
യ ഏതദാദിതഃ ശ്രുത്വാ സങ്ഗ്രാമം പ്രവിശേന്നരഃ ।
സ ജിത്വാ സമരേ ശത്രൂനഭ്യേതി ഗൃഹമക്ഷതഃ ॥ 5 ॥
വന്ധ്യാനാം പുത്രജനനം ഭീതാനാം ഭയനാശനം ।
ഭൂതികാരി ദരിദ്രാണാം കുഷ്ഠിനാം പരമൌഷധം ॥ 6 ॥
ബാലാനാം ചൈവ സര്‍വേഷാം ഗ്രഹരക്ഷോനിവാരണം ।
പഠതേ സംയതോ രാജന്‍ സ ശ്രേയഃ പരമാപ്നുയാത് ॥ 7 ॥
സ സിദ്ധഃ സര്‍വസങ്കല്‍പഃ സുഖമത്യന്തമശ്നുതേ ।
ധര്‍മാര്‍ഥിഭിര്‍ധര്‍മലുബ്ധൈഃ സുഖായ ച സുഖാര്‍ഥിഭിഃ ॥ 8 ॥
രാജ്യായ രാജ്യകാമൈശ്ച പഠിതവ്യമിദം നരൈഃ ।
വിദ്യാവഹം തു വിപ്രാണാം ക്ഷത്രിയാണാം ജയാവഹം ॥ 9 ॥
പശ്വാവഹം തു വൈശ്യാനാം ശൂദ്രാണാം ധര്‍മവര്‍ധനം ।
പഠതാം ശ‍ൃണ്വതാമേതദ്ഭവതീതി ന സംശയഃ ॥ 10 ॥
തച്ചൃണുഷ്വ നൃപശ്രേഷ്ഠ പ്രയതാത്മാ ബ്രവീമി തേ ।
നാംനാം സഹസ്രം വിഖ്യാതം ദേവദേവസ്യ ധീമതഃ ॥ 11 ॥
ധ്യാനം –
ധ്യേയഃ സദാ സവിതൃമണ്ഡലമധ്യവര്‍തീ
നാരായണഃ സരസിജാസനസന്നിവിഷ്ടഃ ।
കേയൂരവാന്‍ മകരകുണ്ഡലവാന്‍ കിരീടീ
ഹാരീ ഹിരണ്‍മയവപുര്‍ധൃതശങ്ഖചക്രഃ ॥
അഥ സ്തോത്രം –
ഓം വിശ്വവിദ്വിശ്വജിത്കര്‍താ വിശ്വാത്മാ വിശ്വതോമുഖഃ ।
വിശ്വേശ്വരോ വിശ്വയോനിര്‍നിയതാത്മാ ജിതേന്ദ്രിയഃ ॥ 1 ॥
കാലാശ്രയഃ കാലകര്‍താ കാലഹാ കാലനാശനഃ ।
മഹായോഗീ മഹാസിദ്ധിര്‍മഹാത്മാ സുമഹാബലഃ ॥ 2 ॥
പ്രഭുര്‍വിഭുര്‍ഭൂതനാഥോ ഭൂതാത്മാ ഭുവനേശ്വരഃ ।
ഭൂതഭവ്യോ ഭാവിതാത്മാ ഭൂതാന്തഃകരണം ശിവഃ ॥ 3 ॥
ശരണ്യഃ കമലാനന്ദോ നന്ദനോ നന്ദവര്‍ധനഃ ।
വരേണ്യോ വരദോ യോഗീ സുസംയുക്തഃ പ്രകാശകഃ ॥ 4 ॥
പ്രാപ്തയാനഃ പരപ്രാണഃ പൂതാത്മാ പ്രയതഃ പ്രിയഃ ।
നയഃ സഹസ്രപാത് സാധുര്‍ദിവ്യകുണ്ഡലമണ്ഡിതഃ ॥ 5 ॥
അവ്യങ്ഗധാരീ ധീരാത്മാ സവിതാ വായുവാഹനഃ ।
സമാഹിതമതിര്‍ദാതാ വിധാതാ കൃതമങ്ഗലഃ ॥ 6 ॥
കപര്‍ദീ കല്‍പപാദ്രുദ്രഃ സുമനാ ധര്‍മവത്സലഃ ।
സമായുക്തോ വിമുക്താത്മാ കൃതാത്മാ കൃതിനാം വരഃ ॥ 7 ॥
അവിചിന്ത്യവപുഃ ശ്രേഷ്ഠോ മഹായോഗീ മഹേശ്വരഃ ।
കാന്തഃ കാമാരിരാദിത്യോ നിയതാത്മാ നിരാകുലഃ ॥ 8 ॥
കാമഃ കാരുണികഃ കര്‍താ കമലാകരബോധനഃ ।
സപ്തസപ്തിരചിന്ത്യാത്മാ മഹാകാരുണികോത്തമഃ ॥ 9 ॥
സഞ്ജീവനോ ജീവനാഥോ ജയോ ജീവോ ജഗത്പതിഃ ।
അയുക്തോ വിശ്വനിലയഃ സംവിഭാഗീ വൃഷധ്വജഃ ॥ 10 ॥
വൃഷാകപിഃ കല്‍പകര്‍താ കല്‍പാന്തകരണോ രവിഃ ।
ഏകചക്രരഥോ മൌനീ സുരഥോ രഥിനാം വരഃ ॥ 11 ॥
സക്രോധനോ രശ്മിമാലീ തേജോരാശിര്‍വിഭാവസുഃ ।
ദിവ്യകൃദ്ദിനകൃദ്ദേവോ ദേവദേവോ ദിവസ്പതിഃ ॥ 12 ॥
ദീനനാഥോ ഹരോ ഹോതാ ദിവ്യബാഹുര്‍ദിവാകരഃ ।
യജ്ഞോ യജ്ഞപതിഃ പൂഷാ സ്വര്‍ണരേതാഃ പരാവരഃ ॥ 13 ॥
പരാപരജ്ഞസ്തരണിരംശുമാലീ മനോഹരഃ ।
പ്രാജ്ഞഃ പ്രാജ്ഞപതിഃ സൂര്യഃ സവിതാ വിഷ്ണുരംശുമാന്‍ ॥ 14 ॥
സദാഗതിര്‍ഗന്ധവഹോ വിഹിതോ വിധിരാശുഗഃ ।
പതങ്ഗഃ പതഗഃ സ്ഥാണുര്‍വിഹങ്ഗോ വിഹഗോ വരഃ ॥ 15 ॥
ഹര്യശ്വോ ഹരിതാശ്വശ്ച ഹരിദശ്വോ ജഗത്പ്രിയഃ ।
ത്ര്യംബകഃ സര്‍വദമനോ ഭാവിതാത്മാ ഭിഷഗ്വരഃ ॥ 16 ॥
ആലോകകൃല്ലോകനാഥോ ലോകാലോകനമസ്കൃതഃ ।
കാലഃ കല്‍പാന്തകോ വഹ്നിസ്തപനഃ സമ്പ്രതാപനഃ ॥ 17 ॥
വിരോചനോ വിരൂപാക്ഷഃ സഹസ്രാക്ഷഃ പുരന്ദരഃ ।
സഹസ്രരശ്മിര്‍മിഹിരോ വിവിധാംബരഭൂഷണഃ ॥ 18 ॥
ഖഗഃ പ്രതര്‍ദനോ ധന്യോ ഹയഗോ വാഗ്വിശാരദഃ ।
ശ്രീമാനശിശിരോ വാഗ്മീ ശ്രീപതിഃ ശ്രീനികേതനഃ ॥ 19 ॥
ശ്രീകണ്ഠഃ ശ്രീധരഃ ശ്രീമാന്‍ ശ്രീനിവാസോ വസുപ്രദഃ ।
കാമചാരീ മഹാമായോ മഹോഗ്രോഽവിദിതാമയഃ ॥ 20 ॥
തീര്‍ഥക്രിയാവാന്‍ സുനയോ വിഭക്തോ ഭക്തവത്സലഃ ।
കീര്‍തിഃ കീര്‍തികരോ നിത്യഃ കുണ്ഡലീ കവചീ രഥീ ॥ 21 ॥
ഹിരണ്യരേതാഃ സപ്താശ്വഃ പ്രയതാത്മാ പരന്തപഃ ।
ബുദ്ധിമാനമരശ്രേഷ്ഠോ രോചിഷ്ണുഃ പാകശാസനഃ ॥ 22 ॥
സമുദ്രോ ധനദോ ധാതാ മാന്ധാതാ കശ്മലാപഹഃ ।
തമോഘ്നോ ധ്വാന്തഹാ വഹ്നിര്‍ഹോതാഽന്തഃകരണോ ഗുഹഃ ॥ 23 ॥
പശുമാന്‍ പ്രയതാനന്ദോ ഭൂതേശഃ ശ്രീമതാം വരഃ ।
നിത്യോഽദിതോ നിത്യരഥഃ സുരേശഃ സുരപൂജിതഃ ॥ 24 ॥
അജിതോ വിജിതോ ജേതാ ജങ്ഗമസ്ഥാവരാത്മകഃ ।
ജീവാനന്ദോ നിത്യഗാമീ വിജേതാ വിജയപ്രദഃ ॥ 25 ॥
പര്‍ജന്യോഽഗ്നിഃ സ്ഥിതിഃ സ്ഥേയഃ സ്ഥവിരോഽഥ നിരഞ്ജനഃ ।
പ്രദ്യോതനോ രഥാരൂഢഃ സര്‍വലോകപ്രകാശകഃ ॥ 26 ॥
ധ്രുവോ മേഷീ മഹാവീര്യോ ഹംസഃ സംസാരതാരകഃ ।
സൃഷ്ടികര്‍താ ക്രിയാഹേതുര്‍മാര്‍തണ്ഡോ മരുതാം പതിഃ ॥ 27 ॥
മരുത്വാന്‍ ദഹനസ്ത്വഷ്ടാ ഭഗോ ഭര്‍ഗോഽര്യമാ കപിഃ ।
വരുണേശോ ജഗന്നാഥഃ കൃതകൃത്യഃ സുലോചനഃ ॥ 28 ॥
വിവസ്വാന്‍ ഭാനുമാന്‍ കാര്യഃ കാരണസ്തേജസാം നിധിഃ ।
അസങ്ഗഗാമീ തിഗ്മാംശുര്‍ഘര്‍മാംശുര്‍ദീപ്തദീധിതിഃ ॥ 29 ॥
സഹസ്രദീധിതിര്‍ബ്രധ്നഃ സഹസ്രാംശുര്‍ദിവാകരഃ ।
ഗഭസ്തിമാന്‍ ദീധിതിമാന്‍ സ്രഗ്വീ മണികുലദ്യുതിഃ ॥ 30 ॥
ഭാസ്കരഃ സുരകാര്യജ്ഞഃ സര്‍വജ്ഞസ്തീക്ഷ്ണദീധിതിഃ ।
സുരജ്യേഷ്ഠഃ സുരപതിര്‍ബഹുജ്ഞോ വചസാം പതിഃ ॥ 31 ॥
തേജോനിധിര്‍ബൃഹത്തേജാ ബൃഹത്കീര്‍തിര്‍ബൃഹസ്പതിഃ ।
അഹിമാനൂര്‍ജിതോ ധീമാനാമുക്തഃ കീര്‍തിവര്‍ധനഃ ॥ 32 ॥
മഹാവൈദ്യോ ഗണപതിര്‍ധനേശോ ഗണനായകഃ ।
തീവ്രപ്രതാപനസ്താപീ താപനോ വിശ്വതാപനഃ ॥ 33 ॥
കാര്‍തസ്വരോ ഹൃഷീകേശഃ പദ്മാനന്ദോഽതിനന്ദിതഃ ।
പദ്മനാഭോഽമൃതാഹാരഃ സ്ഥിതിമാന്‍ കേതുമാന്‍ നഭഃ ॥ 34 ॥
അനാദ്യന്തോഽച്യുതോ വിശ്വോ വിശ്വാമിത്രോ ഘൃണിര്‍വിരാട് ।
ആമുക്തകവചോ വാഗ്മീ കഞ്ചുകീ വിശ്വഭാവനഃ ॥ 35 ॥
അനിമിത്തഗതിഃ ശ്രേഷ്ഠഃ ശരണ്യഃ സര്‍വതോമുഖഃ ।
വിഗാഹീ വേണുരസഹഃ സമായുക്തഃ സമാക്രതുഃ ॥ 36 ॥
ധര്‍മകേതുര്‍ധര്‍മരതിഃ സംഹര്‍താ സംയമോ യമഃ ।
പ്രണതാര്‍തിഹരോ വായുഃ സിദ്ധകാര്യോ ജനേശ്വരഃ ॥ 37 ॥
നഭോ വിഗാഹനഃ സത്യഃ സവിതാത്മാ മനോഹരഃ ।
ഹാരീ ഹരിര്‍ഹരോ വായുര്‍ഋതുഃ കാലാനലദ്യുതിഃ ॥ 38 ॥
സുഖസേവ്യോ മഹാതേജാ ജഗതാമേകകാരണം ।
മഹേന്ദ്രോ വിഷ്ടുതഃ സ്തോത്രം സ്തുതിഹേതുഃ പ്രഭാകരഃ ॥ 39 ॥
സഹസ്രകര ആയുഷ്മാന്‍ അരോഷഃ സുഖദഃ സുഖീ ।
വ്യാധിഹാ സുഖദഃ സൌഖ്യം കല്യാണഃ കലതാം വരഃ ॥ 40 ॥
ആരോഗ്യകാരണം സിദ്ധിര്‍ഋദ്ധിര്‍വൃദ്ധിര്‍ബൃഹസ്പതിഃ ।
ഹിരണ്യരേതാ ആരോഗ്യം വിദ്വാന്‍ ബ്രധ്നോ ബുധോ മഹാന്‍ ॥ 41 ॥
പ്രാണവാന്‍ ധൃതിമാന്‍ ഘര്‍മോ ഘര്‍മകര്‍താ രുചിപ്രദഃ ।
സര്‍വപ്രിയഃ സര്‍വസഹഃ സര്‍വശത്രുവിനാശനഃ ॥ 42 ॥
പ്രാംശുര്‍വിദ്യോതനോ ദ്യോതഃ സഹസ്രകിരണഃ കൃതീ ।
കേയൂരീ ഭൂഷണോദ്ഭാസീ ഭാസിതോ ഭാസനോഽനലഃ ॥ 43 ॥
ശരണ്യാര്‍തിഹരോ ഹോതാ ഖദ്യോതഃ ഖഗസത്തമഃ ।
സര്‍വദ്യോതോ ഭവദ്യോതഃ സര്‍വദ്യുതികരോ മതഃ ॥ 44 ॥
കല്യാണഃ കല്യാണകരഃ കല്യഃ കല്യകരഃ കവിഃ ।
കല്യാണകൃത് കല്യവപുഃ സര്‍വകല്യാണഭാജനം ॥ 45 ॥
ശാന്തിപ്രിയഃ പ്രസന്നാത്മാ പ്രശാന്തഃ പ്രശമപ്രിയഃ ।
ഉദാരകര്‍മാ സുനയഃ സുവര്‍ചാ വര്‍ചസോജ്ജ്വലഃ ॥ 46 ॥
വര്‍ചസ്വീ വര്‍ചസാമീശസ്ത്രൈലോക്യേശോ വശാനുഗഃ ।
തേജസ്വീ സുയശാ വര്‍ഷ്മീ വര്‍ണാധ്യക്ഷോ ബലിപ്രിയഃ ॥ 47 ॥
യശസ്വീ തേജോനിലയസ്തേജസ്വീ പ്രകൃതിസ്ഥിതഃ ।
ആകാശഗഃ ശീഘ്രഗതിരാശുഗോ ഗതിമാന്‍ ഖഗഃ ॥ 48 ॥
ഗോപതിര്‍ഗ്രഹദേവേശോ ഗോമാനേകഃ പ്രഭഞ്ജനഃ ।
ജനിതാ പ്രജനോ ജീവോ ദീപഃ സര്‍വപ്രകാശകഃ ॥ 49 ॥
സര്‍വസാക്ഷീ യോഗനിത്യോ നഭസ്വാനസുരാന്തകഃ ।
രക്ഷോഘ്നോ വിഘ്നശമനഃ കിരീടീ സുമനഃപ്രിയഃ ॥ 50 ॥
മരീചിമാലീ സുമതിഃ കൃതാഭിഖ്യവിശേഷകഃ ।
ശിഷ്ടാചാരഃ ശുഭാകാരഃ സ്വചാരാചാരതത്പരഃ ॥ 51 ॥
മന്ദാരോ മാഠരോ വേണുഃ ക്ഷുധാപഃ ക്ഷ്മാപതിര്‍ഗുരുഃ ।
സുവിശിഷ്ടോ വിശിഷ്ടാത്മാ വിധേയോ ജ്ഞാനശോഭനഃ ॥ 52 ॥
മഹാശ്വേതഃ പ്രിയോ ജ്ഞേയഃ സാമഗോ മോക്ഷദായകഃ ।
സര്‍വവേദപ്രഗീതാത്മാ സര്‍വവേദലയോ മഹാന്‍ ॥ 53 ॥
വേദമൂര്‍തിശ്ചതുര്‍വേദോ വേദഭൃദ്വേദപാരഗഃ ।
ക്രിയാവാനസിതോ ജിഷ്ണുര്‍വരീയാംശുര്‍വരപ്രദഃ ॥ 54 ॥
വ്രതചാരീ വ്രതധരോ ലോകബന്ധുരലങ്കൃതഃ ।
അലങ്കാരാക്ഷരോ വേദ്യോ വിദ്യാവാന്‍ വിദിതാശയഃ ॥ 55 ॥
ആകാരോ ഭൂഷണോ ഭൂഷ്യോ ഭൂഷ്ണുര്‍ഭുവനപൂജിതഃ ।
ചക്രപാണിര്‍ധ്വജധരഃ സുരേശോ ലോകവത്സലഃ ॥ 56 ॥
വാഗ്മിപതിര്‍മഹാബാഹുഃ പ്രകൃതിര്‍വികൃതിര്‍ഗുണഃ ।
അന്ധകാരാപഹഃ ശ്രേഷ്ഠോ യുഗാവര്‍തോ യുഗാദികൃത് ॥ 57 ॥
അപ്രമേയഃ സദായോഗീ നിരഹങ്കാര ഈശ്വരഃ ।
ശുഭപ്രദഃ ശുഭഃ ശാസ്താ ശുഭകര്‍മാ ശുഭപ്രദഃ ॥ 58 ॥
സത്യവാന്‍ ശ്രുതിമാനുച്ചൈര്‍നകാരോ വൃദ്ധിദോഽനലഃ ।
ബലഭൃദ്ബലദോ ബന്ധുര്‍മതിമാന്‍ ബലിനാം വരഃ ॥ 59 ॥
അനങ്ഗോ നാഗരാജേന്ദ്രഃ പദ്മയോനിര്‍ഗണേശ്വരഃ ।
സംവത്സര ഋതുര്‍നേതാ കാലചക്രപ്രവര്‍തകഃ ॥ 60 ॥
പദ്മേക്ഷണഃ പദ്മയോനിഃ പ്രഭാവാനമരഃ പ്രഭുഃ ।
സുമൂര്‍തിഃ സുമതിഃ സോമോ ഗോവിന്ദോ ജഗദാദിജഃ ॥ 61 ॥
പീതവാസാഃ കൃഷ്ണവാസാ ദിഗ്വാസാസ്ത്വിന്ദ്രിയാതിഗഃ ।
അതീന്ദ്രിയോഽനേകരൂപഃ സ്കന്ദഃ പരപുരഞ്ജയഃ ॥ 62 ॥
ശക്തിമാഞ്ജലധൃഗ്ഭാസ്വാന്‍ മോക്ഷഹേതുരയോനിജഃ ।
സര്‍വദര്‍ശീ ജിതാദര്‍ശോ ദുഃസ്വപ്നാശുഭനാശനഃ ॥ 63 ॥
മാങ്ഗല്യകര്‍താ തരണിര്‍വേഗവാന്‍ കശ്മലാപഹഃ ।
സ്പഷ്ടാക്ഷരോ മഹാമന്ത്രോ വിശാഖോ യജനപ്രിയഃ ॥ 64 ॥
വിശ്വകര്‍മാ മഹാശക്തിര്‍ദ്യുതിരീശോ വിഹങ്ഗമഃ ।
വിചക്ഷണോ ദക്ഷ ഇന്ദ്രഃ പ്രത്യൂഷഃ പ്രിയദര്‍ശനഃ ॥ 65 ॥
അഖിന്നോ വേദനിലയോ വേദവിദ്വിദിതാശയഃ ।
പ്രഭാകരോ ജിതരിപുഃ സുജനോഽരുണസാരഥിഃ ॥ 66 ॥
കുനാശീ സുരതഃ സ്കന്ദോ മഹിതോഽഭിമതോ ഗുരുഃ ।
ഗ്രഹരാജോ ഗ്രഹപതിര്‍ഗ്രഹനക്ഷത്രമണ്ഡലഃ ॥ 67 ॥
ഭാസ്കരഃ സതതാനന്ദോ നന്ദനോ നരവാഹനഃ ।
മങ്ഗലോഽഥ മങ്ഗലവാന്‍ മാങ്ഗല്യോ മങ്ഗലാവഹഃ ॥ 68 ॥
മങ്ഗല്യചാരുചരിതഃ ശീര്‍ണഃ സര്‍വവ്രതോ വ്രതീ ।
ചതുര്‍മുഖഃ പദ്മമാലീ പൂതാത്മാ പ്രണതാര്‍തിഹാ ॥ 69 ॥
അകിഞ്ചനഃ സതാമീശോ നിര്‍ഗുണോ ഗുണവാഞ്ചുചിഃ ।
സമ്പൂര്‍ണഃ പുണ്ഡരീകാക്ഷോ വിധേയോ യോഗതത്പരഃ ॥ 70 ॥
സഹസ്രാംശുഃ ക്രതുമതിഃ സര്‍വജ്ഞഃ സുമതിഃ സുവാക് ।
സുവാഹനോ മാല്യദാമാ കൃതാഹാരോ ഹരിപ്രിയഃ ॥ 71 ॥
ബ്രഹ്മാ പ്രചേതാഃ പ്രഥിതഃ പ്രയതാത്മാ സ്ഥിരാത്മകഃ ।
ശതവിന്ദുഃ ശതമുഖോ ഗരീയാനനലപ്രഭഃ ॥ 72 ॥
ധീരോ മഹത്തരോ വിപ്രഃ പുരാണപുരുഷോത്തമഃ ।
വിദ്യാരാജാധിരാജോ ഹി വിദ്യാവാന്‍ ഭൂതിദഃ സ്ഥിതഃ ॥ 73 ॥
അനിര്‍ദേശ്യവപുഃ ശ്രീമാന്‍ വിപാപ്മാ ബഹുമങ്ഗലഃ ।
സ്വഃസ്ഥിതഃ സുരഥഃ സ്വര്‍ണോ മോക്ഷദോ ബലികേതനഃ ॥ 74 ॥
നിര്‍ദ്വന്ദ്വോ ദ്വന്ദ്വഹാ സര്‍ഗഃ സര്‍വഗഃ സമ്പ്രകാശകഃ ।
ദയാലുഃ സൂക്ഷ്മധീഃ ക്ഷാന്തിഃ ക്ഷേമാക്ഷേമസ്ഥിതിപ്രിയഃ ॥ 75 ॥
ഭൂധരോ ഭൂപതിര്‍വക്താ പവിത്രാത്മാ ത്രിലോചനഃ ।
മഹാവരാഹഃ പ്രിയകൃദ്ദാതാ ഭോക്താഽഭയപ്രദഃ ॥ 76 ॥
ചക്രവര്‍തീ ധൃതികരഃ സമ്പൂര്‍ണോഽഥ മഹേശ്വരഃ ।
ചതുര്‍വേദധരോഽചിന്ത്യോ വിനിന്ദ്യോ വിവിധാശനഃ ॥ 77 ॥
വിചിത്രരഥ ഏകാകീ സപ്തസപ്തിഃ പരാത്പരഃ ।
സര്‍വോദധിസ്ഥിതികരഃ സ്ഥിതിസ്ഥേയഃ സ്ഥിതിപ്രിയഃ ॥ 78 ॥
നിഷ്കലഃ പുഷ്കലോ വിഭുര്‍വസുമാന്‍ വാസവപ്രിയഃ ।
പശുമാന്‍ വാസവസ്വാമീ വസുധാമാ വസുപ്രദഃ ॥ 79 ॥
ബലവാന്‍ ജ്ഞാനവാംസ്തത്ത്വമോങ്കാരസ്ത്രിഷു സംസ്ഥിതഃ ।
സങ്കല്‍പയോനിര്‍ദിനകൃദ്ഭഗവാന്‍ കാരണാപഹഃ ॥ 80 ॥
നീലകണ്ഠോ ധനാധ്യക്ഷശ്ചതുര്‍വേദപ്രിയംവദഃ ।
വഷട്കാരോദ്ഗാതാ ഹോതാ സ്വാഹാകാരോ ഹുതാഹുതിഃ ॥ 81 ॥
ജനാര്‍ദനോ ജനാനന്ദോ നരോ നാരായണോഽംബുദഃ ।
സന്ദേഹനാശനോ വായുര്‍ധന്വീ സുരനമസ്കൃതഃ ॥ 82 ॥
വിഗ്രഹീ വിമലോ വിന്ദുര്‍വിശോകോ വിമലദ്യുതിഃ ।
ദ്യുതിമാന്‍ ദ്യോതനോ വിദ്യുദ്വിദ്യാവാന്‍ വിദിതോ ബലീ ॥ 83 ॥
ഘര്‍മദോ ഹിമദോ ഹാസഃ കൃഷ്ണവര്‍ത്മാ സുതാജിതഃ ।
സാവിത്രീഭാവിതോ രാജാ വിശ്വാമിത്രോ ഘൃണിര്‍വിരാട് ॥ 84 ॥
സപ്താര്‍ചിഃ സപ്തതുരഗഃ സപ്തലോകനമസ്കൃതഃ ।
സമ്പൂര്‍ണോഽഥ ജഗന്നാഥഃ സുമനാഃ ശോഭനപ്രിയഃ ॥ 85 ॥
സര്‍വാത്മാ സര്‍വകൃത് സൃഷ്ടിഃ സപ്തിമാന്‍ സപ്തമീപ്രിയഃ ।
സുമേധാ മേധികോ മേധ്യോ മേധാവീ മധുസൂദനഃ ॥ 86 ॥
അങ്ഗിരഃപതിഃ കാലജ്ഞോ ധൂമകേതുഃ സുകേതനഃ ।
സുഖീ സുഖപ്രദഃ സൌഖ്യം കാമീ കാന്തിപ്രിയോ മുനിഃ ॥ 87 ॥
സന്താപനഃ സന്തപന ആതപസ്തപസാം പതിഃ ।
ഉമാപതിഃ സഹസ്രാംശുഃ പ്രിയകാരീ പ്രിയങ്കരഃ ॥ 88 ॥
പ്രീതിര്‍വിമന്യുരംഭോത്ഥഃ ഖഞ്ജനോ ജഗതാം പതിഃ ।
ജഗത്പിതാ പ്രീതമനാഃ സര്‍വഃ ഖര്‍വോ ഗുഹോഽചലഃ ॥ 89 ॥
സര്‍വഗോ ജഗദാനന്ദോ ജഗന്നേതാ സുരാരിഹാ ।
ശ്രേയഃ ശ്രേയസ്കരോ ജ്യായാന്‍ മഹാനുത്തമ ഉദ്ഭവഃ ॥ 90 ॥
ഉത്തമോ മേരുമേയോഽഥ ധരണോ ധരണീധരഃ ।
ധരാധ്യക്ഷോ ധര്‍മരാജോ ധര്‍മാധര്‍മപ്രവര്‍തകഃ ॥ 91 ॥
രഥാധ്യക്ഷോ രഥഗതിസ്തരുണസ്തനിതോഽനലഃ ।
ഉത്തരോഽനുത്തരസ്താപീ അവാക്പതിരപാം പതിഃ ॥ 92 ॥
പുണ്യസങ്കീര്‍തനഃ പുണ്യോ ഹേതുര്ലോകത്രയാശ്രയഃ ।
സ്വര്‍ഭാനുര്‍വിഗതാനന്ദോ വിശിഷ്ടോത്കൃഷ്ടകര്‍മകൃത് ॥ 93 ॥
വ്യാധിപ്രണാശനഃ ക്ഷേമഃ ശൂരഃ സര്‍വജിതാം വരഃ ।
ഏകരഥോ രഥാധീശഃ പിതാ ശനൈശ്ചരസ്യ ഹി ॥ 94 ॥
വൈവസ്വതഗുരുര്‍മൃത്യുര്‍ധര്‍മനിത്യോ മഹാവ്രതഃ ।
പ്രലംബഹാരസഞ്ചാരീ പ്രദ്യോതോ ദ്യോതിതാനലഃ ॥ 95 ॥
സന്താപഹൃത് പരോ മന്ത്രോ മന്ത്രമൂര്‍തിര്‍മഹാബലഃ ।
ശ്രേഷ്ഠാത്മാ സുപ്രിയഃ ശംഭുര്‍മരുതാമീശ്വരേശ്വരഃ ॥ 96 ॥
സംസാരഗതിവിച്ചേത്താ സംസാരാര്‍ണവതാരകഃ ।
സപ്തജിഹ്വഃ സഹസ്രാര്‍ചീ രത്നഗര്‍ഭോഽപരാജിതഃ ॥ 97 ॥
ധര്‍മകേതുരമേയാത്മാ ധര്‍മാധര്‍മവരപ്രദഃ ।
ലോകസാക്ഷീ ലോകഗുരുര്ലോകേശശ്ചണ്ഡവാഹനഃ ॥ 98 ॥
ധര്‍മയൂപോ യൂപവൃക്ഷോ ധനുഷ്പാണിര്‍ധനുര്‍ധരഃ ।
പിനാകധൃങ്മഹോത്സാഹോ മഹാമായോ മഹാശനഃ ॥ 99 ॥
വീരഃ ശക്തിമതാം ശ്രേഷ്ഠഃ സര്‍വശസ്ത്രഭൃതാം വരഃ ।
ജ്ഞാനഗംയോ ദുരാരാധ്യോ ലോഹിതാങ്ഗോ വിവര്‍ധനഃ ॥ 100 ॥
ഖഗോഽന്ധോ ധര്‍മദോ നിത്യോ ധര്‍മകൃച്ചിത്രവിക്രമഃ ।
ഭഗവാനാത്മവാന്‍ മന്ത്രസ്ത്ര്യക്ഷരോ നീലലോഹിതഃ ॥ 101 ॥
ഏകോഽനേകസ്ത്രയീ കാലഃ സവിതാ സമിതിഞ്ജയഃ ।
ശാര്‍ങ്ഗധന്വാഽനലോ ഭീമഃ സര്‍വപ്രഹരണായുധഃ ॥ 102 ॥
സുകര്‍മാ പരമേഷ്ഠീ ച നാകപാലീ ദിവിസ്ഥിതഃ ।
വദാന്യോ വാസുകിര്‍വൈദ്യ ആത്രേയോഽഥ പരാക്രമഃ ॥ 103 ॥
ദ്വാപരഃ പരമോദാരഃ പരമോ ബ്രഹ്മചര്യവാന്‍ ।
ഉദീച്യവേഷോ മുകുടീ പദ്മഹസ്തോ ഹിമാംശുഭൃത് ॥ 104 ॥
സിതഃ പ്രസന്നവദനഃ പദ്മോദരനിഭാനനഃ ।
സായം ദിവാ ദിവ്യവപുരനിര്‍ദേശ്യോ മഹാലയഃ ॥ 105 ॥
മഹാരഥോ മഹാനീശഃ ശേഷഃ സത്ത്വരജസ്തമഃ ।
ധൃതാതപത്രപ്രതിമോ വിമര്‍ഷീ നിര്‍ണയഃ സ്ഥിതഃ ॥ 106 ॥
അഹിംസകഃ ശുദ്ധമതിരദ്വിതീയോ വിവര്‍ധനഃ ।
സര്‍വദോ ധനദോ മോക്ഷോ വിഹാരീ ബഹുദായകഃ ॥ 107 ॥
ചാരുരാത്രിഹരോ നാഥോ ഭഗവാന്‍ സര്‍വഗോഽവ്യയഃ ।
മനോഹരവപുഃ ശുഭ്രഃ ശോഭനഃ സുപ്രഭാവനഃ ॥ 108 ॥
സുപ്രഭാവഃ സുപ്രതാപഃ സുനേത്രോ ദിഗ്വിദിക്പതിഃ ।
രാജ്ഞീപ്രിയഃ ശബ്ദകരോ ഗ്രഹേശസ്തിമിരാപഹഃ ॥ 109 ॥
സൈംഹികേയരിപുര്‍ദേവോ വരദോ വരനായകഃ ।
ചതുര്‍ഭുജോ മഹായോഗീ യോഗീശ്വരപതിസ്തഥാ ॥ 110 ॥
അനാദിരൂപോഽദിതിജോ രത്നകാന്തിഃ പ്രഭാമയഃ ।
ജഗത്പ്രദീപോ വിസ്തീര്‍ണോ മഹാവിസ്തീര്‍ണമണ്ഡലഃ ॥ 111 ॥
ഏകചക്രരഥഃ സ്വര്‍ണരഥഃ സ്വര്‍ണശരീരധൃക് ।
നിരാലംബോ ഗഗനഗോ ധര്‍മകര്‍മപ്രഭാവകൃത് ॥ 112 ॥
ധര്‍മാത്മാ കര്‍മണാം സാക്ഷീ പ്രത്യക്ഷഃ പരമേശ്വരഃ ।
മേരുസേവീ സുമേധാവീ മേരുരക്ഷാകരോ മഹാന്‍ ॥ 113 ॥
ആധാരഭൂതോ രതിമാംസ്തഥാ ച ധനധാന്യകൃത് ।
പാപസന്താപഹര്‍താ ച മനോവാഞ്ചിതദായകഃ ॥ 114 ॥
രോഗഹര്‍താ രാജ്യദായീ രമണീയഗുണോഽനൃണീ ।
കാലത്രയാനന്തരൂപോ മുനിവൃന്ദനമസ്കൃതഃ ॥ 115 ॥
സന്ധ്യാരാഗകരഃ സിദ്ധഃ സന്ധ്യാവന്ദനവന്ദിതഃ ।
സാംരാജ്യദാനനിരതഃ സമാരാധനതോഷവാന്‍ ॥ 116 ॥
ഭക്തദുഃഖക്ഷയകരോ ഭവസാഗരതാരകഃ
ഭയാപഹര്‍താ ഭഗവാനപ്രമേയപരാക്രമഃ ।
മനുസ്വാമീ മനുപതിര്‍മാന്യോ മന്വന്തരാധിപഃ ॥ 117 ॥
ഫലശ്രുതിഃ
ഏതത്തേ സര്‍വമാഖ്യാതം യന്‍മാം ത്വം പരിപൃച്ചസി ।
നാംനാം സഹസ്രം സവിതുഃ പാരാശര്യോ യദാഹ മേ ॥ 1 ॥
ധന്യം യശസ്യമായുഷ്യം ദുഃഖദുഃസ്വപ്നനാശനം ।
ബന്ധമോക്ഷകരം ചൈവ ഭാനോര്‍നാമാനുകീര്‍തനാത് ॥ 2 ॥
യസ്ത്വിദം ശ‍ൃണുയാന്നിത്യം പഠേദ്വാ പ്രയതോ നരഃ ।
അക്ഷയം സുഖമന്നാദ്യം ഭവേത്തസ്യോപസാധിതം ॥ 3 ॥
നൃപാഗ്നിതസ്കരഭയം വ്യാധിതോ ന ഭയം ഭവേത് ।
വിജയീ ച ഭവേന്നിത്യമാശ്രയം പരമാപ്നുയാത് ॥ 4 ॥
കീര്‍തിമാന്‍ സുഭഗോ വിദ്വാന്‍ സ സുഖീ പ്രിയദര്‍ശനഃ ।
ജീവേദ്വര്‍ഷശതായുശ്ച സര്‍വവ്യാധിവിവര്‍ജിതഃ ॥ 5 ॥
നാംനാം സഹസ്രമിദമംശുമതഃ പഠേദ്യഃ
പ്രാതഃ ശുചിര്‍നിയമവാന്‍ സുസമൃദ്ധിയുക്തഃ ।
ദൂരേണ തം പരിഹരന്തി സദൈവ രോഗാഃ
ഭൂതാഃ സുപര്‍ണമിവ സര്‍വമഹോരഗേന്ദ്രാഃ ॥ 6 ॥
॥ ഇതി ശ്രീ ഭവിഷ്യപുരാണേ സപ്തമകല്‍പേ
ശ്രീഭഗവത്സൂര്യസ്യ സഹസ്രനാമസ്തോത്രം സമ്പൂര്‍ണം ॥
Also Read 1000 Names of Shri Surya 1:
1000 Names of Sri Surya | Sahasranama Stotram 1 Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil