Templesinindiainfo

Best Spiritual Website

1000 Names of Sri Bala | Sahasranamavali Stotram Lyrics in Bengali

Shri Balasahasranamavali Lyrics in Bengali:

॥ শ্রীবালাসহস্রনামস্তোত্রম্ ৩ ॥
শৌনক উবাচ –
কৈলাসশিখরে রম্যে নানাপুয়্ষ্পোপশোভিতে ।
কল্পপাদপমধ্যস্থে গন্ধর্বগণসেবিতে ॥ ১ ॥

মণিমণ্ডপমধ্যস্থে নানারত্নোপশোভিতে ।
তং কদাচিত্ সুখাসীনং ভগবন্তং জগদ্গুরুম্ ॥ ২ ॥

কপালখট্বাঙ্গধরং চন্দ্রার্ধকৃতশেখরম্ ।
ত্রিশূলডমরুধরং মহাবৃষভবাহনম্ ॥ ৩ ॥

জটাজূটধরং দেবং বাসুকিকণ্ঠভূষণম্ ।
বিভূতিভূষণং দেবং নীলকণ্ঠং ত্রিলোচনম্ ॥ ৪ ॥

দ্বীপিচর্মপরীধানং শুদ্ধস্ফটিকসন্নিভম্ ।
সহস্রাদিত্যসঙ্কাশং গিরিজার্ধাঙ্গভূষণম্ ॥ ৫ ॥

প্রণম্য শিরসা নাথং কারণং বিশ্বরূপিণম্ ।
কৃতাঞ্জলিপুটো ভূত্বা প্রাহ তং শিখিবাহনঃ ॥ ৬ ॥

কার্তিকেয় উবাচ –
দেবদেব মহাদেব ! সৃষ্টিস্থিত্যন্তকারক ! ।
ত্বং গতিঃ সর্বদেবানাং ত্বং গতিঃ সর্বদেহিনাম্ ॥ ৭ ॥

ত্বং গতিঃ সর্বদেবানাং সর্বেষাং ত্বং গতির্বিভো ! ।
ত্বমেব জগদাধারস্ত্বমেব বিশ্বকারণম্ ॥ ৮ ॥

ত্বমেব পূজ্যঃ সর্বেষাং ত্বদন্যো নাস্তি মে গতিঃ ।
কিং গুহ্যং পরমং লোকে কিমেকং সর্বসিদ্ধিদম্ ॥ ৯ ॥

কিমেকং পরমং সৃষ্টিঃ কিং ভৌমৈশ্বর্যমোক্ষদম্ ।
বিনা তীর্থেন তপসা বিনা বেদৈর্বিনা মখৈঃ ॥ ১০ ॥

বিনা জাপ্যেন ধ্যানেন কথং সিদ্ধিমবাপ্নুয়াত্ ।
কস্মাদুত্পদ্যতে সৃষ্টিঃ কস্মিংশ্চ বিলয়ো ভবেত্ ॥ ১১ ॥

কস্মাদুত্তীর্যতে দেব ! সংসারার্ণবসঙ্কটাত্ ।
তদহং শ্রোতুমিচ্ছামি কথয়স্ব মহেশ্বর ! ॥ ১২ ॥

শ্রীমহাদেব উবাচ –
সাধু সাধু ত্বয়া পৃষ্টোঽস্ম্যহং পার্বতীনন্দন ! ।
অস্তি গুহ্যতমং পুত্র ! কথয়িষ্যাম্যসংশয়ম্ ॥ ১৩ ॥

সত্ত্বং রজস্তমশ্চৈব ব্রহ্মবিষ্ণুশিবাদয়ঃ ।
য়ে চান্যে বহবো ভূতাঃ সর্বে প্রকৃতিসম্ভবাঃ ॥ ১৪ ॥

সৈব দেবী পরাশক্তির্মহাত্রিপুরসুন্দরী ।
সৈব সংহরতে বিশ্বং জগদেতচ্চরাচরম্ ॥ ১৫ ॥

আধারং সর্বভূতানাং সৈব রোগার্তিহারিণী ।
ইচ্ছাশক্তিঃ ক্রিয়ারূপা ব্রহ্মবিষ্ণুশিবাত্মিকা ॥ ১৬ ॥

ত্রিধা শক্তিস্বরূপেণ সৃষ্টিস্থিতিবিনাশিনী ।
সৃজতি ব্রহ্মরূপেণ বিষ্ণুরূপেণ রক্ষতি ॥ ১৭ ॥

হরতে রুদ্ররূপেণ জগদেতচ্চরাচরম্ ।
য়স্য য়োনৌ জগত্সর্বমদ্যাপি বর্ততেঽখিলম্ ॥ ১৮ ॥

য়স্যাং প্রলীয়তে চান্তে য়স্যাং চ জায়তে পুনঃ ।
য়াং সমারাধ্য ত্রৈলোক্যে সম্প্রাপ্তং পদমুত্তমম্ ।
তস্যা নামসহস্রং তে কথয়ামি শৃণুষ্ব তত্ ॥ ১৯ ॥

ওঁ অস্য শ্রীবালাসহস্রনামস্তোত্রমন্ত্রস্য, ভগবান্ দক্ষিণামুর্তির্বামদেবঃ ঋষিঃ,
গায়ত্রী ছন্দঃ, প্রকটগুপ্তগুপ্ততরসম্প্রদায় কুলকৌলোত্তীর্ণানিগর্ভরহস্যাতিরহস্য
পরাপররহস্যা চিন্ত্যা বর্তিনী বালা দেবতা ।
আং বীজং, হ্রীং শক্তিঃ, ক্লীং কীলকম্, শ্রী বালাপ্রীত্যর্থে পারায়ণে বিনিয়োগঃ ।

ধ্যানং
আধারে তরুণার্কবিম্বসদৃশং হেমপ্রভং বাগ্ভবং
বীজং মান্মথমিন্দ্রগোপসদৃশং হৃত্পঙ্কজে সংস্থিতম্ ।
চক্রং ভালময়ং শশাঙ্করুচিরং বীজং তু তার্তীয়কং
য়ে ধ্যায়ন্তি পদত্রয়ং তব শিবে তে য়ান্তি সূক্ষ্মাং গতিম্ ॥

কল্যাণী কমলা কালী করালী কামরূপিণী ।
কামাক্ষা কামদা কাম্যা কামনা কামচারিণী ॥ ২২ ॥

কৌমারী করুণামূর্তিঃ কলিকল্মষনাশিনী ।
কাত্যায়নী কলাধারা কৌমুদী কমলপ্রিয়া ॥ ২৩ ॥

কীর্তিদা বুদ্ধিদা মেধা নীতিজ্ঞা নীতিবত্সলা ।
মাহেশ্বরী মহামায়া মহাতেজা মহেশ্বরী ॥ ২৪ ॥

মহামোহান্ধকারঘ্নী মহামোক্ষপ্রদয়িনী ।
মহাদারিদ্র্যরাশিঘ্নী মহাশত্রুবিমর্দিনী ॥ ২৬ ॥

মহাশক্তির্মহাজ্যোতির্মহাসুরবিমর্দিনী ।
মহাকায়া মহাবীজা মহাপাতকনাশিনী ॥ ২৭ ॥

মহামখা মন্ত্রময়ী মণিপুরনিবাসিনী ।
মানসী মানদা মান্যা মনশ্চক্ষুরগোচরা ॥ ২৮ ॥

গণমাতা চ গায়ত্রী গণগন্ধর্বসেবিতা ।
গিরিজা গিরিশা সাধ্বী গিরিসূর্গিরিসম্ভবা ॥ ২৯ ॥

চণ্ডেশ্বরী চন্দ্ররূপা প্রচণ্ডা চণ্ডমালিনী ।
চর্চিকা চর্চিতাকারা চণ্ডিকা চারুরূপিণী ॥ ৩০ ॥

য়জ্ঞেশ্বরী য়জ্ঞরূপা জপয়জ্ঞপরায়ণা ।
য়জ্ঞমাতা য়জ্ঞগোপ্ত্রী য়জ্ঞেশী য়জ্ঞসম্ভবা ॥ ৩১ ॥

য়জ্ঞসিদ্ধিঃ ক্রিয়াসিদ্ধির্যজ্ঞাঙ্গী য়জ্ঞরক্ষকা ।
য়জ্ঞপ্রিয়া য়জ্ঞরূপা য়াজ্ঞী য়জ্ঞকৃপালয়া ॥ ৩২ ॥

জালন্ধরী জগন্মাতা জাতবেদা জগত্প্রিয়া ।
জিতেন্দ্রিয়া জিতক্রোধা জননী জন্মদায়িনী ॥ ৩৩ ॥

গঙ্গা গোদাবরী গৌরী গৌতভী চ শতহ্রদা ।
ঘুর্ঘুরা বেদগর্ভা চ রেবিকা করসম্ভবা ॥ ৩৪ ॥

সিন্ধুর্মন্দাকিনী ক্ষিপ্রা য়মুনা চ সরস্বতী ।
চন্দ্রভাগা বিপাশা চ গণ্ডকী বিন্ধ্যবাসিনী ॥ ৩৫ ॥

নর্মদা কহ্নকাবেরী বেত্রবত্যা চ কৌশিকী ।
মহোনতনয়া চৈব অহল্যা চম্পকাবতী ॥ ৩৬ ॥

অয়োধ্যা মথুরা মায়া কাশী কাঞ্চী অবন্তিকা ।
দ্বারাবতী চ তীর্থেশী মহাকিল্বিষনাশিনী ॥ ৩৭ ॥

পদ্মিনী পদ্মমধ্যস্থা পদ্মকিঞ্জল্কবাসিনী ।
পদ্মবক্ত্রা চ পদ্মাক্ষী পদ্মস্থা পদ্মসম্ভবা ॥ ৩৮ ॥

হ্রীঙ্কারী কুণ্ডলী ধাত্রী হৃত্পদ্মথা সুলোচনা ।
শ্রীঙ্কারী ভূষণা লক্ষ্মীঃ ক্লীঙ্কারী ক্লেশনাশিনী ॥ ৩৯ ॥

হরিপ্রিয়া হরের্মূর্তির্হরিনেত্রকৃতালয়া ।
হরিবক্ত্রোদ্ভবা শান্তা হরিবক্ষঃস্থিতালয়া ॥ ৪০ ॥

বৈষ্ণবী বিষ্ণুরূপা চ বিষ্ণুমাতৃস্বরূপিণী ।
বিষ্ণুমায়া বিশালাক্ষী বিশালনয়নোজ্জ্বলা ॥ ৪১ ॥

বিশ্বেশ্বরী চ বিশ্বাত্মা বিশ্বেশী বিশ্বরূপিণী ।
বিশ্বেশ্বরী শিবাধারা শিবনাথা শিবপ্রিয়া ॥ ৪২ ॥

শিবমাতা শিবাক্ষী চ শিবদা শিবরূপিণী ।
ভবেশ্বরী ভবারাধ্যা ভবেশী ভবনায়িকা ॥ ৪৩ ॥

ভবমাতা ভবাগম্যা ভবকণ্টকনাশিনী ।
ভবপ্রিয়া ভবানন্দা ভবানী ভবমোচিনী ॥ ৪৪ ॥

গীতির্বরেণ্যা সাবিত্রী ব্রহ্মাণী ব্রহ্মরূপিণী ।
ব্রহ্মেশী ব্রহ্মদা ব্রাহ্মী ব্রহ্মাণী ব্রহ্মবাদিনী ॥ ৪৫ ॥

দুর্গস্থা দুর্গরূপা চ দুর্গা দুর্গার্তিনাশিনী ।
ত্রয়ীদা ব্রহ্মদা ব্রাহ্মী ব্রহ্মাণী ব্রহ্মবাদিনী ॥ ৪৬ ॥

ত্বক্স্থা তথা চ ত্বগ্রূপা ত্বগ্গা ত্বগার্তিহারিণী ।
স্বগমা নির্গমা দাত্রী দায়া দোগ্ধ্রী দুরাপহা ॥ ৪৭ ॥

দূরঘ্নী চ দুরারাধ্যা দূরদুষ্কৃতনাশিনী ।
পঞ্চস্থা পঞ্চমী পূর্ণা পূর্ণাপীঠ নিবাসিনী ॥ ৪৮ ॥

সত্ত্বস্থা সত্ত্বরূপা চ সত্ত্বদা সত্ত্বসম্ভবা ।
রজঃস্থা চ রজোতূপা রজোগুণসমুদ্ভবা ॥ ৪৯ ॥

তামসী চ তমোরূপা তামসী তমসঃ প্রিয়া ।
তমোগুণসমুদ্ভূতা সাত্ত্বিকী রাজসী তমী ॥ ৫০ ॥

কলা কাষ্ঠা নিমেষা চ স্বকৃতা তদনন্তরা ।
অর্ধমাসা চ মাসা চ সংবত্সরস্বরূপিণী ॥ ৫১ ॥

য়ুগস্থা য়ুগরূপা চ কল্পস্থা কল্পরূপিণী ।
নানারত্নবিচিত্রাঙ্গী নানাভরণমণ্ডিতা ॥ ৫২ ॥

বিশ্বাত্মিকা বিশ্বমাতা বিশ্বপাশা বিধায়িনী ।
বিশ্বাসকারিণী বিশ্বা বিশ্বশক্তির্বিচক্ষণা ॥ ৫৩ ॥

জপাকুসুমসঙ্কাশা দাডিমীকুসুমোপমা ।
চতুরঙ্গা চতুর্বাহুশ্চতুরা চারুহাসিনী ॥ ৫৪ ॥

সর্বেশী সর্বদা সর্বা সর্বজ্ঞা সর্বদায়িনী ।
সর্বেশ্বরী সর্ববিদ্যা শর্বাণী সর্বমঙ্গলা ॥ ৫৫ ॥

নলিনী নন্দিনী নন্দা আনন্দানন্দবর্ধিনী ।
ব্যাপিনী সর্বভূতেষু ভবভারবিনাশিনী ॥ ৫৬ ॥

কুলীনা কুলমধ্যস্থা কুলধর্মোপদেশিনী ।
সর্বশৃঙ্গারবেশাঢ্যা পাশাঙ্কুশকরোদ্যতা ॥ ৫৭ ॥

সূর্যকোটিসহস্রভা চন্দ্রকোটিনিভাননা ।
গণেশকোটিলাবণ্যা বিষ্ণুকোট্যরিমর্দিনী ॥ ৫৮ ॥

দাবাগ্নিকোটিজ্বলিনী রুদ্রকোট্যুগ্ররূপিণী
সমুদ্রকোটিগম্ভীরা বায়ুকোটিমহাবলা ॥ ৫৯ ॥

আকাশকোটিবিস্তারা য়মকোটিভয়ঙ্করা ।
মেরুকোটিসমুঞ্চ্ছ্রা য়া গুণকোটিসমৃদ্ধিদা ॥ ৬০ ॥

নিষ্কলঙ্কা নিরাধারা নির্গুণা গুণবর্জিতা ।
অশোকা শোকরহিতা তাপত্রয়বিবর্জিতা ॥ ৬১ ॥

বিশিষ্টা বিশ্বজননী বিশ্বমোহবিধারিণী ।
চিত্রা বিচিত্রা চিত্রাশী হেতুগর্ভা কুলেশ্বরী ॥ ৬২ ॥

ইচ্ছাশাক্তিঃ জ্ঞানশক্তিঃ ক্রিয়াশক্তিঃ শুচিস্মিতা ।
শ্রুতিস্মৃতিময়ী সত্যা শ্রুতিরূপা শ্রুতিপ্রিয়া ॥ ৬৩ ॥

শ্রুতিপ্রজ্ঞা মহাসত্যা পঞ্চতত্ত্বোপরিস্থিতা ।
পার্বতী হিমবত্পুত্রী পাশস্থা পাশরূপিণী ॥ ৬৪ ॥

জয়ন্তী ভদ্রকালী চ অহল্যা কুলনায়িকা ।
ভূতধাত্রী চ ভূতেশী ভূতস্থা ভূতভাবিনী ॥ ৬৫ ॥

মহাকুণ্ডলিনীশক্তির্মহাবিভববর্ধিনী ।
হংসাক্ষী হংসরূপা চ হংসস্থা হংসরূপিণী ॥ ৬৬ ॥

সোমসূর্যাগ্নিমধ্যস্থা মণিপূরকবাসিনী ।
ষট্ পত্রাম্ভোজমধ্যস্থা মণিপূরনিবাসিনী ॥ ৬৭ ॥

দ্বাদশারসরোজস্থা সূর্যমণ্ডলবাসিনী ।
অকলঙ্কা শশাঙ্কাভা ষোডশারনিবাসিনী ॥ ৬৮ ॥

দ্বিপত্রদলমধ্যস্থা ললাটতলবাসিনী ।
ডাকিনী শাকিনী চৈব লাকিনী কাকিনী তথা ॥ ৬৯ ॥

রাকিণী হাকিনী চৈব ষট্চক্রক্রমবাসিনী ।
সৃষ্টিস্থিতিবিনাশা চ সৃষ্টিস্থিত্যন্তকারিণী ॥ ৭০ ॥

শ্রীকণ্ঠা শ্রীপ্রিয়া কণ্ঠনাদাখ্যা বিন্দুমালিনী ।
চতুঃষষ্টিকলাধারা মেরুদণ্ডসমাশ্রয়া ॥ ৭১ ॥

মহাকালী দ্যুতির্মেধা স্বধা তুষ্টির্মহাদ্যুতিঃ ।
হিঙ্গুলা মঙ্গলশিবা সুষুম্ণামধ্যগামিনী ॥ ৭২ ॥

পরা ঘোরা করালাক্ষী বিজয়া জয়শালিনী ।
হৃত্পদ্মনিলয়া দেবী ভীমা ভৈরবনাদিনী ॥ ৭৩ ॥

আকাশলিঙ্গভূতা চ ভুবনোদ্যানবাসিনী ।
মহাসূক্ষ্মাঽভয়া কালী ভীমরূপা মহাবলা ॥ ৭৪ ॥

মেনকাগর্ভসম্ভূতা তপ্তকাঞ্চনসন্নিভা ।
অন্তঃস্থা কূটবীজা চ ত্রিকূটাচলবাসিনী ॥ ৭৫ ॥

বর্ণাক্ষা বর্ণরহিতা পঞ্চাশদ্বর্ণভেদিনী ।
বিদ্যাধরী লোকধাত্রী অপ্সরা অপ্সরঃপ্রিয়া ॥ ৭৬ ॥

দক্ষা দাক্ষায়ণী দীক্ষা দক্ষয়জ্ঞবিনাশিনী ।
য়শস্বিনী য়শঃপূর্ণা য়শোদাগর্ভসম্ভবা ॥ ৭৭ ॥

দেবকী দেবমাতা চ রাধিকা কৃষ্ণবল্লভা ।
অরুন্ধতী শচীন্দ্রাণী গান্ধারী গন্ধমোদিনী ॥ ৭৮ ॥

ধ্যানাতীতা ধ্যানগম্যা ধ্যানা ধ্যানাবধারিণী ।
লম্বোদরী চ লম্বোষ্ঠা জাম্ববতী জলোদরী ॥ ৭৯ ॥

মহোদরী মুক্তকেশী মুক্তিকামার্থসিদ্ধিদা ।
তপস্বিনী তপোনিষ্ঠা চাপর্ণা পর্ণভক্ষিণী ॥ ৮০ ॥

বাণচাপধরা বীরা পাঞ্চালী পঞ্চমপ্রিয়া ।
গুহ্যা গভীরা গহনা গুহ্যতত্ত্বা নিরঞ্জনা ॥ ৮১ ॥

অশরীরা শরীরস্থা সংসারার্ণবতারিণী ।
অমৃতা নিষ্কলা ভদ্রা সকলা কৃষ্ণপিঙ্গলা ॥ ৮২ ॥

চক্রেশ্বরী চক্রহস্তা পাশচক্রনিবাসিনী ।
পদ্মরাগপ্রতীকাশা নির্মলাকাশসন্নিভা ॥ ৮৩ ॥

ঊর্ধ্বস্থা ঊর্ধ্বরূপা চ ঊর্ধ্বপদ্মনিবাসিনী ।
কার্যকারণকর্ত্রী চ পর্বাখ্যা রূপসংস্থিতা ॥ ৮৪ ॥

রসজ্ঞা রসমধ্যস্থা গন্ধজ্ঞা গন্ধরূপিণী ।
পরব্রহ্মস্বরূপা চ পরব্রহ্মনিবাসিনী ॥ ৮৫ ॥

শব্দব্রহ্মস্বরূপা চ শব্দস্থা শব্দবর্জিতা ।
সিদ্ধির্বৃদ্ধিপরা বৃদ্ধিঃ সকীর্তির্দীপ্তিসংস্থিতা ॥ ৮৬ ॥

স্বগুহ্যা শাম্ভবীশক্তিস্তত্ত্বজ্ঞা তত্ত্বরূপিণী ।
সরস্বতী ভূতমাতা মহাভূতাধিপপ্রিয়া ॥ ৮৭ ॥

শ্রুতিপ্রজ্ঞাদিমা সিদ্ধিঃ দক্ষকন্যাঽপরাজিতা ।
কামসন্দীপনী কামা সদাকামা কুতূহলা ॥ ৮৮ ॥

ভোগোপচারকুশলা অমলা হ্যমলাননা ।
ভক্তানুকম্পিনী মৈত্রী শরণাগতবত্সলা ॥ ৮৯ ॥

সহস্রভুজা চিচ্ছক্তিঃ সহস্রাক্ষা শতানন ।
সিদ্ধলক্ষ্মীর্মহালক্ষ্মীর্বেদলক্ষ্মীঃ সুলক্ষণা ॥ ৯০ ॥

য়জ্ঞসারা তপস্সারা ধর্মসারা জনেশ্বরী ।
বিশ্বোদরী বিশ্বসৃষ্টা বিশ্বাখ্যা বিশ্বতোমুখী ॥ ৯১ ॥

বিশ্বাস্যশ্রবণঘ্রাণা বিশ্বমালা পরাত্মিকা ।
তরুণাদিত্যসঙ্কাশা করণানেকসঙ্কুলা ॥ ৯২ ॥

ক্ষোভিণী মোহিনী চৈব স্তম্ভিনী জৃম্ভিনী তথা ।
রথিনী ধ্বজিনী সেনা সর্বমন্ত্রময়ী ত্রয়ী ॥ ৯৩ ॥

জ্ঞানমুদ্রা মহামুদ্রা জপমুদ্রা মহোত্সবা ।
জটাজূট ধরা মুক্তা সূক্ষ্মশান্তির্বিভীষণা ॥ ৯৪ ॥

দ্বীপিচর্মপরীধানা চীরবল্কলধারিণী ।
ত্রিশূলডমরুধরা নরমালাবিভূষিণী ॥ ৯৫ ॥

অত্যুগ্ররূপিণী চোগ্রা কল্পান্তদহনোপমা ।
ত্রৈলোক্যসাধিনী সাধ্যা সিদ্ধসাধকবত্সলা ॥ ৯৬ ॥

সর্ববিদ্যাময়ী সারা অসুরাম্বুধিধারিণী ।
সুভগা সুমুখী সৌম্যা সুশূরা সোমভূষণা ॥ ৯৭ ॥

শুদ্ধস্ফটিকসঙ্কশা মহাবৃষভবাহিনী ।
মহিষী মহিষারূঢা মহিষাসুরঘাতিনী ॥ ৯৮ ॥

দমিনী দামিনী দান্তা দয়া দোগ্ধ্রী দুরাপহা ।
অগ্নিজিহ্বা মহাঘোরাঽঘোরা ঘোরতরাননা ॥ ৯৯ ॥

নারায়ণী নারসিংহী নৃসিংহহৃদয়স্থিতা ।
য়োগেশ্বরী য়োগরূপা য়োগমালা চ য়োগিনী ॥ ১০০ ॥

খেচরী ভূচরী খেলা নির্বাণপদসংশ্রয়া ।
নাগিনী নাগকন্যা চ সুবেগা নাগনায়িকা ॥ ১০১ ॥

বিষজ্বালাবতী দীপ্তা কলাশতবিভূষণা ।
ভীমবক্ত্রা মহাবক্ত্রা বক্ত্রাণাং কোটিধারিণী ॥ ১০২ ॥

মহদাত্মা চ ধর্মজ্ঞা ধর্মাতিসুখদায়িনী ।
কৃষ্ণমূর্তির্মহামূর্তির্ঘোরমূর্তির্বরাননা ॥ ১০৩ ॥

সর্বেন্দ্রিয়মনোন্মত্তা সর্বেন্দ্রিয়মনোময়ী ।
সর্বসঙ্গ্রামজয়দা সর্বপ্রহরণোদ্যতা ॥ ১০৪ ॥

সর্বপীডোপশমনী সর্বারিষ্টবিনাশিনী ।
সর্বৈশ্বর্যসমুত্পত্তিঃ সর্বগ্রহবিনাশিনী ॥ ১০৫ ॥

ভীতিঘ্নী ভক্তিগম্যা চ ভক্তানামার্তিনাশিনী ।
মাতঙ্গী মত্তমাতঙ্গী মাতঙ্গগণমণ্ডিতা ॥ ১০৬ ॥

অমৃতোদধিমধ্যস্থা কটিসূত্রৈরলঙ্কৃতা ।
অমৃতদ্বীপমধ্যস্থা প্রবলা বত্সলোজ্জ্বলা ॥ ১০৭ ॥

মণিমণ্ডপমধ্যস্থা রত্নসিংহাসনস্থিতা ।
পরমানন্দমুদিতা ঈষত্প্রহসিতাননা ॥ ১০৮ ॥

কুমুদা ললিতা লোলা লাক্ষা লোহিতলোচনা ।
দিগ্বাসা দেবদূতী চ দেবদেবাদিদেবতা ॥ ১০৯ ॥

সিংহোপরিসমারূঢা হিমাচলনিবাসিনী ।
অট্টাট্টহাসিনী ঘোরা ঘোরদৈত্যবিনাশিনী ॥ ১১০ ॥

অত্যুগ্রা রক্তবসনা নাগকেয়ূরমণ্ডিতা ।
মুক্তাহারস্তনোপেতা তুঙ্গপীনপয়োধরা ॥ ১১১ ॥

রক্তোত্পলদলাকারা মদাঘূর্ণিতলোচনা ।
গণ্ডমণ্ডিততাটঙ্কা গুঞ্জাহারবিভূষণা ॥ ১১২ ॥

সঙ্গীতরঙ্গরসনা বীণাবাদ্যকুতূহলা ।
সমস্তদেবমূর্তিশ্চ হ্যসুরক্ষয়কারিণী ॥ ১১৩ ॥

খড্গিনী শূলহস্তা চ চক্রিণী চাক্ষমালিনী ।
পাশিনী চক্রিণী দান্তা বজ্রিণী বজ্রদণ্ডিনী ॥ ১১৪ ॥

আনন্দোদধিমধ্যস্থা কটিসূত্রৈরলঙ্কৃতা ।
নানাভরণদীপ্তাঙ্গী নানামণিবিভূষণা ॥ ১১৫ ॥

জগদানন্দসম্ভূতিশ্চিন্তামণিগুণাকরা ।
ত্রৈলোক্যনমিতা পূজ্যা চিন্ময়াঽঽনন্দরূপিণী ॥ ১১৬ ॥

ত্রৈলোক্যনন্দিনী দেবী দুঃখদুঃস্বপ্ননাশিনী ।
ঘোরাগ্নিদাহশমনী রাজদৈবাদিশালিনী ॥ ১১৭ ॥

মহাঽপরাধরাশিঘ্নী মহাবৈরিভয়াপহা ।
রাগাদিদোষরহিতা জরামরণবর্জিতা ॥ ১১৮ ॥

চন্দ্রমণ্ডলমধ্যস্থা পীয়ূষার্ণবসম্ভবা ।
সর্বদেবৈঃ স্তুতা দেবী সর্বসিদ্ধিনমস্কৃতা ॥ ১১৯ ॥

অচিন্ত্যশক্তিরূপা চ মণিমন্ত্রমহৌষধী ।
স্বস্তিঃ স্বস্তিমতী বালা মলয়াচলসংস্থিতা ॥ ১২০ ॥

ধাত্রী বিধাত্রী সংহারা রতিজ্ঞা রতিদায়িনী ।
রুদ্রাণী রুদ্ররূপা চ রৌদ্রী রৌদ্রার্তিহারিণী ॥ ১২১ ॥

সর্বজ্ঞা চৌরধর্মজ্ঞা রসজ্ঞা দীনবত্সলা ।
অনাহতা ত্রিনয়না নির্ভরা নির্বৃতিঃ পরা ॥ ১২২ ॥

পরা ঘোরকরালাক্ষী স্বমাতা প্রিয়দায়িনী ।
মন্ত্রাত্মিকা মন্ত্রগম্যা মন্ত্রমাতা সমন্ত্রিণী ॥ ১২৩ ॥

শুদ্ধানন্দা মহাভদ্রা নির্দ্বন্দ্বা নির্গুণাত্মিকা ।
ধরণী ধারিণী পৃথ্বী ধরা ধাত্রী বসুন্ধরা ॥ ১২৪ ॥

মেরুমন্দিরমধ্যস্থা শিবা শঙ্করবল্লভা ।
শ্রীগতিঃ শ্রীমতী শ্রেষ্ঠা শ্রীকরী শ্রীবিভাবনী ॥ ১২৫ ॥

শ্রীদা শ্রীমা শ্রীনিবাসা শ্রীমতী শ্রীমতাং গতিঃ ।
উমা শারঙ্গিণী কৃষ্ণা কুটিলা কুটিলালকা ॥ ১২৬ ॥

ত্রিলোচনা ত্রিলোকাত্মা পুণ্যদা পুণ্যকীর্তিদা ।
অমৃতা সত্যসঙ্কল্পা সত্যাশা গ্রন্থিভেদিনী ॥ ১২৭ ॥

পরেশা পরমা বিদ্যা পরাবিদ্যা পরাত্পরা ।
সুন্দরাঙ্গী সুবর্ণাভা সুরাসুরনমস্কৃতা ॥ ১২৮ ॥

প্রজা প্রজাবতী ধন্যা ধনধান্যসমৃদ্ধিদা ।
ঈশানী ভুবনেশানী ভুবনা ভুবনেশ্বরী ॥ ১২৯ ॥

অনন্তানন্তমহিমা জগত্সারা জগদ্ভবা ।
অচিন্ত্যশক্তিমহিমা চিন্ত্যাচিন্ত্যস্বরূপিণী ॥ ১৩০ ॥

জ্ঞানগম্যা জ্ঞানমূর্তির্জ্ঞানদা জ্ঞানশালিনী ।
অমিতা ঘোররূপা চ সুধাধারা সুধাবহা ॥ ১৩১ ॥

ভাস্করী ভাসুরী ভাতী ভাস্বদুত্তানশায়িনী ।
অনসূয়া ক্ষমা লজ্জা দুর্লভা ভুবনান্তিকা ॥ ১৩২ ॥

বিশ্ববন্দ্যা বিশ্ববীজা বিশ্বধীর্বিশ্বসংস্থিতা ।
শীলস্থা শীলরূপা চ শীলা শীলপ্রদায়িনী ॥ ১৩৩ ॥

বোধিনী বোধকুশলা রোধিনী বাধিনী তথা ।
বিদ্যোতিনী বিচিত্রাত্মা বিদ্যুত্পটলসন্নিভা ॥ ১৩৪ ॥

বিশ্বয়োনির্মহায়োনিঃ কর্ময়োনিঃ প্রিয়ংবদা ।
রোগিণী রোগশমনী মহারোগভয়াবহা ॥ ১৩৫ ॥

বরদা পুষ্টিদা দেবী মানদা মানবপ্রিয়া ।
কৃষ্ণাঙ্গবাহিনী চৈব কৃষ্ণা কৃষ্ণসহোদরী ॥ ১৩৬ ॥

শাম্ভবী শম্ভুরূপা চ তথৈব শম্ভুসম্ভবা ।
বিশ্বোদরী বিশ্বমাতা য়োগমুদ্রা চ য়োগিনী ॥ ১৩৭ ॥

বাগীশ্বরী য়োগমুদ্রা য়োগিনীকোটিসেবিতা ।
কৌলিকানন্দকন্যা চ শৃঙ্গারপীঠবাসিনী ॥ ১৩৮ ॥

ক্ষেমঙ্করী সর্বরূপা দিব্যরূপা দিগম্বরা ।
ধূম্রবক্ত্রা ধূম্রনেত্রা ধূম্রকেশী চ ধূসরা ॥ ১৩৯ ॥

পিনাকী রুদ্রবেতালী মহাবেতালরূপিণী ।
তপনী তাপিনী দক্ষা বিষ্ণুবিদ্যা ত্বনাথিতা ॥ ১৪০ ॥

অঙ্কুরা জঠরা তীব্রা অগ্নিজিহ্বা ভয়াপহা ।
পশুঘ্নী পশুরূপা চ পশুদা পশুবাহিনী ॥ ১৪১ ॥

পিতা মাতা চ ভ্রাতা চ পশুপাশবিনাশিনী ।
চন্দ্রমা চন্দ্ররেখা চ চন্দ্রকান্তিবিভূষণা ॥ ১৪২ ॥

কুঙ্কুমাঙ্কিতসর্বাঙ্গী সুধীর্বুদ্বুদলোচনা ।
শুক্লাম্বরধরা দেবী বীণাপুস্তকধারিণী ॥ ১৪৩ ॥

শ্বেতবস্ত্রধরা দেবী শ্বেতপদ্মাসনস্থিতা ।
রক্তাম্বরা চ রক্তাঙ্গী রক্তপদ্মবিলোচনা ॥ ১৪৪ ॥

নিষ্ঠুরা ক্রূরহৃদয়া অক্রূরা মিতভাষিণী ।
আকাশলিঙ্গসম্ভূতা ভুবনোদ্যানবাসিনী ॥ ১৪৫ ॥

মহাসূক্ষ্মা চ কঙ্কালী ভীমরূপা মহাবলা ।
অনৌপম্যগুণোপেতা সদা মধুরভাষিণী ॥ ১৪৬ ॥

বিরূপাক্ষী সহস্রাক্ষী শতাক্ষী বহুলোচনা ।
দুস্তরী তারিণী তারা তরুণী তাররূপিণী ॥ ১৪৭ ॥

সুধাধারা চ ধর্মজ্ঞা ধর্ময়োগোপদেশিনী ।
ভগেশ্বরী ভগারাধ্যা ভগিনী ভগিনীপ্রিয়া ॥ ১৪৮ ॥

ভগবিশ্বা ভগক্লিন্না ভগয়োনির্ভগপ্রদা ।
ভগেশ্বরী ভগরূপা ভগগুহ্যা ভগাবহা ॥ ১৪৯ ॥

ভগোদরী ভগানন্দা ভগাঢ্যা ভগমালিনী ।
সর্বসঙ্ক্ষোভিণীশক্তিঃ সর্ববিদ্রাবিণী তথা ॥ ১৫০ ॥

মালিনী মাধবী মাধ্বী মদরূপা মদোত্কটা ।
ভেরুণ্ডা চণ্ডিকা জ্যোত্স্না বিশ্বচক্ষুস্তপোবহা ॥ ১৫১ ॥

সুপ্রসন্না মহাদূতী য়মদূতী ভয়ঙ্করী ।
উন্মাদিনী মহারূপা দিব্যরূপা সুরার্চিতা ॥ ১৫২ ॥

চৈতন্যরূপিণী নিত্যা নিত্যক্লিন্না মদোল্লসা ।
মদিরানন্দকৈবল্যা মদিরাক্ষী মদালসা ॥ ১৫৩ ॥

সিদ্ধেশ্বরী সিদ্ধবিদ্যা সিদ্ধাদ্যা সিদ্ধবন্দিতা ।
সিদ্ধার্চিতা সিদ্ধমাতা সিদ্ধসর্বার্থসাধিকা ॥ ১৫৪ ॥

মনোন্মনী গুণাতীতা পরঞ্জ্যোতিঃস্বরূপিণী ।
পরেশী পারগা পারা পারসিদ্ধিঃ পরা গতিঃ ॥ ১৫৫ ॥

বিমলা মোহিনীরূপা মধুপানপরায়ণা ।
বেদবেদাঙ্গজননী সর্বশাস্ত্রবিশারদা ॥ ১৫৬ ॥

সর্ববেদময়ী বিদ্যা সর্বশাস্ত্রময়ী তথা ।
সর্বজ্ঞানময়ী দেবী সর্বধর্মময়ীশ্বরী ॥ ১৫৭ ॥

সর্বয়জ্ঞময়ী য়জ্বা সর্বমন্ত্রাধিকারিণী ।
ত্রৈলোক্যাকর্ষিণী দেবী সর্বাদ্যানন্দরূপিণী ॥ ১৫৮ ॥

সর্বসম্পত্ত্যধিষ্ঠাত্রী সর্ববিদ্রাবিণী পরা ।
সর্বসঙ্ক্ষোভিণী দেবী সর্বমঙ্গলকারিণী ॥ ১৫৯ ॥

ত্রৈলোক্যরঞ্জনী দেবী সর্বস্তম্ভনকারিণী ।
ত্রৈলোক্যজয়িনী দেবী সর্বোন্মাদস্বরূপিণী ॥ ১৬০ ॥

সর্বসম্মোহিনী দেবী সর্ববশ্যঙ্করী তথা ।
সর্বার্থসাধিনী দেবী সর্বসম্পত্তিদায়িনী ॥ ১৬১ ॥

সর্বকামপ্রদা দেবী সর্বমঙ্গলকারিণী ।
সর্বসিদ্ধিপ্রদা দেবী সর্বদুঃখবিমোচিনী ॥ ১৬২ ॥

সর্বমৃত্যুপ্রশমনী সর্ববিঘ্নবিনাশিনী ।
সর্বাঙ্গসুন্দরী মাতা সর্বসৌভাগ্যদায়িনী ॥ ১৬৩ ॥

সর্বদা সর্বশক্তিশ্চ সর্বৈশ্বর্যফলপ্রদা ।
সর্বজ্ঞানময়ী দেবী সর্বব্যাধিবিনাশিনী ॥ ১৬৪ ॥

সর্বাধারা সর্বরূপা সর্বপাপহরা তথা ।
সর্বানন্দময়ী দেবী সর্বরক্ষাস্বরূপিণী ॥ ১৬৫ ॥

সর্বলক্ষ্মীময়ী বিদ্যা সর্বেপ্সিতফলপ্রদা ।
সর্বদুঃখপ্রশমনী পরমানন্দদায়িনী ॥ ১৬৬ ॥

ত্রিকোণনিলয়া ত্রীষ্টা ত্রিমতা ত্রিতনুস্থিতা ।
ত্রৈবিদ্যা চৈব ত্রিস্মারা ত্রৈলোক্যত্রিপুরেশ্বরী ॥ ১৬৭ ॥

ত্রিকোদরস্থা ত্রিবিধা ত্রিপুরা ত্রিপুরাত্মিকা ।
ত্রিধাত্রী ত্রিদশা ত্র্যক্ষা ত্রিঘ্নী ত্রিপুরবাহিনী ॥ ১৬৮ ॥

ত্রিপুরাশ্রীঃ স্বজননী বালাত্রিপুরসুন্দরী ।
শ্রীমত্ত্রিপুরসুন্দর্যা মন্ত্রনামসহস্রকম্ ॥ ১৬৯ ॥

গুহ্যাদ্গুহ্যতরং পুত্র ! তব প্রীত্যা প্রকীর্তিতম্ ।
গোপনীয়ং প্রয়ত্নেনে পঠনীয়ং প্রয়ত্নতঃ ॥ ১৭০ ॥

নাতঃ পরতরং পুণ্যং নাতঃ পরতরং শুভম্ ।
নাতঃ পরতরং স্তোত্রং নাতঃ পরতরা গতিঃ ॥ ১৭১ ॥

স্তোত্রং সহস্রনামাখ্যং মম বক্ত্রাদ্বিনিস্সৃতম্ ।
য়ঃ পঠেত্পরয়া ভক্ত্যা শৃণুয়াদ্বা সমাহিতঃ ॥ ১৭২ ॥

মোক্ষার্থী লভতে মোক্ষং সুখার্থী সুখমাপ্নুয়াত্ ।
ফলার্থী লভতে কামান্ ধনার্থী লভতে ধনম্ ॥ ১৭৩ ॥

বিদ্যার্থী লভতে বিদ্যাং য়শোঽর্থী লভতে য়শঃ ।
কন্যার্থী লভতে কন্যাং সুতার্থী লভতে সুতম্ ॥ ১৭৪ ॥

গুর্বিণী লভতে পুত্রং কন্যা বিন্দতি সত্পতিম্ ।
মূর্খেঽপি লভতে শাস্ত্রং চৌরোঽপি লভতে গতিম্ ॥ ১৭৫ ॥

সক্রাংন্তাবমাবাস্যায়ামষ্টম্যাং ভৌমবাসরে ।
পঠেদ্বা পাঠয়েদ্বাপি শৃণুয়াদ্বা সমাহিতঃ ॥ ১৭৬ ॥

পৌর্ণমাস্যাং চতুর্দশ্যাং নবম্যাং চ বিশেষতঃ ।
স মুক্তঃ সর্বপাপেভ্যঃ কামেশ্বরসমো ভবেত্ ॥ ১৭৭ ॥

লক্ষ্মীবান্ সুতবাংশ্চৈব বল্লভঃ সর্বয়োষিতাম্ ।
তস্যা বশ্যং ভবেদ্দাস্যে ত্রৈলোক্যং সচরাচরম্ ॥ ১৭৮ ॥

রুদ্রং দৃষ্ট্বা য়থা দেবা বিষ্ণুং দৃষ্ট্বা চ দানবাঃ ।
পন্নগা গরুডং দৃষ্ট্বা সিংহং দৃষ্ট্বা য়থা মৃগাঃ ॥ ১৭৯ ॥

মণ্ডূকা ভোগিনং দৃষ্ট্বা মার্জারং মূষকো য়থা ।
কীটবত্প্রপলায়ন্তে তস্য বক্ত্রাবলোকনাত্ ॥ ১৮০ ॥

অগ্নিচৌরভয়ং তস্য কদাচিন্নৈব সম্ভবেত্ ।
পাতকা বিবিধাঃ সন্তি মেরুমন্দরসন্নিভাঃ ॥ ১৮১ ॥

ভস্মসাত্তত্ক্ষণং কুর্যাত্ তৃণং বহ্নিয়ুতং য়থা ।
একধা পঠনাদেব সর্পপাপক্ষয়ো ভবেত্ ॥ ১৮২ ॥

দশধা পঠনাদেব বাঞ্ছাসিদ্ধিঃ প্রজায়তে ।
নশ্যন্তি সহসা রোগা দশধাঽঽবর্তনেন চ ॥ ১৮৩ ॥

সহস্রং বা পঠেদ্যস্তু খেচরো জায়তে নরঃ ।
সহস্রদশকং য়স্তু পঠেদ্ভক্তিপরায়ণঃ ॥ ১৮৪ ॥

সা তস্য জগতাং ধাত্রী প্রত্যক্ষা ভবতি ধ্রুবম্ ।
লক্ষং পূর্ণং য়দা পুত্র ! স্তবরাজং পঠেত্সুধীঃ ॥ ১৮৫ ॥

ভবপাশবিনির্মুক্তো মম তুল্যো ন সংশয়ঃ ।
সর্বতীর্থেষু য়ত্পুণ্যং সর্বয়জ্ঞেষু য়ত্ফলম্ ॥ ১৮৬ ॥

সর্বদেবেষু য়ত্পুণ্যং তত্ফলং পরিকির্তিতম্ ।
তত্ফলং কোটিগুণিতং সকৃজ্জপ্ত্বা লভেন্নরঃ ॥ ১৮৭ ॥

শ্রুত্বা মহাবলশ্চাশু পুত্রবান্ সর্বসম্পদঃ ।
দেহান্তে পরমং স্থানং য়ত্সুরৈরপি দুর্লভম্ ॥ ১৮৮ ॥

অদ্বৈতয়োগিভির্জ্ঞেয়ং মার্গগৈরপি দুর্লভম্ ।
স য়াস্যতি ন সন্দেহঃ স্তবরাজপ্রকীর্তনাত্ ॥ ১৮৯ ॥

য়ঃ সদা পঠতে ভক্তো মুক্তিস্তস্য ন সংশয়ঃ ॥ ১৯০ ॥

ইতি শ্রীবামকেশ্বরতন্ত্রান্তর্গতং শ্রীবালাসহস্রনামস্তোত্রং সম্পূর্ণম্ ।

Also Read 1000 Names of Sri Bala 3:

1000 Names of Sri Bala 3 | Sahasranamavali Stotram Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

1000 Names of Sri Bala | Sahasranamavali Stotram Lyrics in Bengali

Leave a Reply

Your email address will not be published. Required fields are marked *

Scroll to top