Shri Shanaishchara Sahasranamastotram Lyrics in Bengali:
॥ শ্রীশনৈশ্চরসহস্রনামস্তোত্রম্ ॥
অস্য শ্রীশনৈশ্চরসহস্রনামস্তোত্র মহামন্ত্রস্য ।
কাশ্যপ ঋষিঃ । অনুষ্টুপ্ ছন্দঃ ।
শনৈশ্চরো দেবতা । শম্ বীজম্ ।
নম্ শক্তিঃ । মম্ কীলকম্ ।
শনৈশ্চরপ্রসাদাসিদ্ধ্যর্থে জপে বিনিয়োগঃ ।
শনৈশ্চরায় অঙ্গুষ্ঠাভ্যাং নমঃ ।
মন্দগতয়ে তর্জনীভ্যাং নমঃ ।
অধোক্ষজায় মধ্যমাভ্যাং নমঃ ।
সৌরয়ে অনামিকাভ্যাং নমঃ ।
শুষ্কোদরায় কনিষ্ঠিকাভ্যাং নমঃ ।
ছায়াত্মজায় করতলকরপৃষ্ঠাভ্যাং নমঃ ।
শনৈশ্চরায় হৃদয়ায় নমঃ ।
মন্দগতয়ে শিরসে স্বাহা ।
অধোক্ষজায় শিখায়ৈ বষট্ ।
সৌরয়ে কবচায় হুম্ ।
শুষ্কোদরায় নেত্রত্রয়ায় বৌষট্ ।
ছায়াত্মজায় অস্ত্রায় ফট্ ।
ভূর্ভুবঃ সুবরোমিতি দিগ্বন্ধঃ ।
। ধ্যানম্ ।
চাপাসনো গৃধ্রধরস্তু নীলঃ
প্রত্যঙ্মুখঃ কাশ্যপ গোত্রজাতঃ ।
সশূলচাপেষু গদাধরোঽব্যাত্
সৌরাষ্ট্রদেশপ্রভবশ্চ শৌরিঃ ॥
নীলাম্বরো নীলবপুঃ কিরীটী
গৃধ্রাসনস্থো বিকৃতাননশ্চ ।
কেয়ূরহারাদিবিভূষিতাঙ্গঃ
সদাঽস্তু মে মন্দগতিঃ প্রসন্নঃ ॥
ওঁ ॥ অমিতাভাষ্যঘহরঃ অশেষদুরিতাপহঃ ।
অঘোররূপোঽতিদীর্ঘকায়োঽশেষভয়ানকঃ ॥ ১ ॥
অনন্তো অন্নদাতা চাশ্বত্থমূলজপপ্রিয়ঃ ।
অতিসম্পত্প্রদোঽমোঘঃ অন্যস্তুত্যা প্রকোপিতঃ ॥ ২ ॥
অপরাজিতো অদ্বিতীয়ঃ অতিতেজোঽভয়প্রদঃ ।
অষ্টমস্থোঽঞ্জননিভঃ অখিলাত্মার্কনন্দনঃ ॥ ৩ ॥
অতিদারুণ অক্ষোভ্যঃ অপ্সরোভিঃ প্রপূজিতঃ ।
অভীষ্টফলদোঽরিষ্টমথনোঽমরপূজিতঃ ॥ ৪ ॥
অনুগ্রাহ্যো অপ্রমেয় পরাক্রম বিভীষণঃ ।
অসাধ্যয়োগো অখিল দোষঘ্নঃ অপরাকৃতঃ ॥ ৫ ॥
অপ্রমেয়োঽতিসুখদঃ অমরাধিপপূজিতঃ ।
অবলোকাত্ সর্বনাশঃ অশ্বত্থাম দ্বিরায়ুধঃ ॥ ৬ ॥
অপরাধসহিষ্ণুশ্চ অশ্বত্থাম সুপূজিতঃ ।
অনন্তপুণ্যফলদো অতৃপ্তোঽতিবলোঽপি চ ॥ ৭ ॥
অবলোকাত্ সর্ববন্দ্যঃ অক্ষীণকরুণানিধিঃ ।
অবিদ্যামূলনাশশ্চ অক্ষয়্যফলদায়কঃ ॥ ৮ ॥
আনন্দপরিপূর্ণশ্চ আয়ুষ্কারক এব চ ।
আশ্রিতেষ্টার্থবরদঃ আধিব্যাধিহরোঽপি চ ॥ ৯ ॥
আনন্দময় আনন্দকরো আয়ুধধারকঃ ।
আত্মচক্রাধিকারী চ আত্মস্তুত্যপরায়ণঃ ॥ ১০ ॥
আয়ুষ্করো আনুপূর্ব্যঃ আত্মায়ত্তজগত্ত্রয়ঃ ।
আত্মনামজপপ্রীতঃ আত্মাধিকফলপ্রদঃ ॥ ১১ ॥
আদিত্যসংভবো আর্তিভঞ্জনো আত্মরক্ষকঃ ।
আপদ্বান্ধব আনন্দরূপো আয়ুঃপ্রদোঽপি চ ॥ ১২ ॥
আকর্ণপূর্ণচাপশ্চ আত্মোদ্দিষ্ট দ্বিজপ্রদঃ ।
আনুকূল্যো আত্মরূপ প্রতিমাদান সুপ্রিয়ঃ ॥ ১৩ ॥
আত্মারামো আদিদেবো আপন্নার্তি বিনাশনঃ ।
ইন্দিরার্চিতপাদশ্চ ইন্দ্রভোগফলপ্রদঃ ॥ ১৪ ॥
ইন্দ্রদেবস্বরূপশ্চ ইষ্টেষ্টবরদায়কঃ ।
ইষ্টাপূর্তিপ্রদ ইন্দুমতীষ্টবরদায়কঃ ॥ ১৫ ॥
ইন্দিরারমণপ্রীত ইন্দ্রবংশনৃপার্চিতঃ ।
ইহামুত্রেষ্টফলদ ইন্দিরারমণার্চিতঃ ॥ ১৬ ॥
ঈদ্রিয় ঈশ্বরপ্রীত ঈষণাত্রয়বর্জিতঃ ।
উমাস্বরূপ উদ্বোধ্য উশনা উত্সবপ্রিয়ঃ ॥ ১৭ ॥
উমাদেব্যর্চনপ্রীত উচ্চস্থোচ্চফলপ্রদঃ ।
উরুপ্রকাশ উচ্চস্থ য়োগদ উরুপরাক্রমঃ ॥ ১৮ ॥
ঊর্ধ্বলোকাদিসঞ্চারী ঊর্ধ্বলোকাদিনায়কঃ ।
ঊর্জস্বী ঊনপাদশ্চ ঋকারাক্ষরপূজিতঃ ॥ ১৯ ॥
ঋষিপ্রোক্ত পুরাণজ্ঞ ঋষিভিঃ পরিপূজিতঃ ।
ঋগ্বেদবন্দ্য ঋগ্রূপী ঋজুমার্গ প্রবর্তকঃ ॥ ২০ ॥
লুল়িতোদ্ধারকো লূত ভবপাশপ্রভঞ্জনঃ ।
লূকাররূপকো লব্ধধর্মমার্গপ্রবর্তকঃ ॥ ২১ ॥
একাধিপত্যসাম্রাজ্যপ্রদ এনৌঘনাশনঃ ।
একপাদ্যেক একোনবিংশতিমাসভুক্তিদঃ ॥ ২২ ॥
একোনবিংশতিবর্ষদশ এণাঙ্কপূজিতঃ ।
ঐশ্বর্যফলদ ঐন্দ্র ঐরাবতসুপূজিতঃ ॥ ২৩ ॥
ওংকার জপসুপ্রীত ওংকার পরিপূজিতঃ ।
ওংকারবীজ ঔদার্য হস্ত ঔন্নত্যদায়কঃ ॥ ২৪ ॥
ঔদার্যগুণ ঔদার্য শীল ঔষধকারকঃ ।
করপঙ্কজসন্নদ্ধধনুশ্চ করুণানিধিঃ ॥ ২৫ ॥
কালঃ কঠিনচিত্তশ্চ কালমেঘসমপ্রভঃ ।
কিরীটী কর্মকৃত্ কারয়িতা কালসহোদরঃ ॥ ২৬ ॥
কালাম্বরঃ কাকবাহঃ কর্মঠঃ কাশ্যপান্বয়ঃ ।
কালচক্রপ্রভেদী চ কালরূপী চ কারণঃ ॥ ২৭ ॥
কারিমূর্তিঃ কালভর্তা কিরীটমকুটোজ্বলঃ ।
কার্যকারণ কালজ্ঞঃ কাঞ্চনাভরথান্বিতঃ ॥ ২৮ ॥
কালদংষ্ট্রঃ ক্রোধরূপঃ করাল়ী কৃষ্ণকেতনঃ ।
কালাত্মা কালকর্তা চ কৃতান্তঃ কৃষ্ণগোপ্রিয়ঃ ॥ ২৯ ॥
কালাগ্নিরুদ্ররূপশ্চ কাশ্যপাত্মজসম্ভবঃ ।
কৃষ্ণবর্ণহয়শ্চৈব কৃষ্ণগোক্ষীরসুপ্রিয়ঃ ॥ ৩০ ॥
কৃষ্ণগোঘৃতসুপ্রীতঃ কৃষ্ণগোদধিষুপ্রিয়ঃ ।
কৃষ্ণগাবৈকচিত্তশ্চ কৃষ্ণগোদানসুপ্রিয়ঃ ॥ ৩১ ॥
কৃষ্ণগোদত্তহৃদয়ঃ কৃষ্ণগোরক্ষণপ্রিয়ঃ ।
কৃষ্ণগোগ্রাসচিত্তস্য সর্বপীডানিবারকঃ ॥ ৩২ ॥
কৃষ্ণগোদান শান্তস্য সর্বশান্তি ফলপ্রদঃ ।
কৃষ্ণগোস্নান কামস্য গঙ্গাস্নান ফলপ্রদঃ ॥ ৩৩ ॥
কৃষ্ণগোরক্ষণস্যাশু সর্বাভীষ্টফলপ্রদঃ ।
কৃষ্ণগাবপ্রিয়শ্চৈব কপিলাপশুষু প্রিয়ঃ ॥ ৩৪ ॥
কপিলাক্ষীরপানস্য সোমপানফলপ্রদঃ ।
কপিলাদানসুপ্রীতঃ কপিলাজ্যহুতপ্রিয়ঃ ॥ ৩৫ ॥
কৃষ্ণশ্চ কৃত্তিকান্তস্থঃ কৃষ্ণগোবত্সসুপ্রিয়ঃ ।
কৃষ্ণমাল্যাম্বরধরঃ কৃষ্ণবর্ণতনূরুহঃ ॥ ৩৬ ॥
কৃষ্ণকেতুঃ কৃশকৃষ্ণদেহঃ কৃষ্ণাম্বরপ্রিয়ঃ ।
ক্রূরচেষ্টঃ ক্রূরভাবঃ ক্রূরদংষ্ট্রঃ কুরূপি চ ॥ ৩৭ ॥
কমলাপতি সংসেব্যঃ কমলোদ্ভবপূজিতঃ ।
কামিতার্থপ্রদঃ কামধেনু পূজনসুপ্রিয়ঃ ॥ ৩৮ ॥
কামধেনুসমারাধ্যঃ কৃপায়ুষ বিবর্ধনঃ ।
কামধেন্বৈকচিত্তশ্চ কৃপরাজ সুপূজিতঃ ॥ ৩৯ ॥
কামদোগ্ধা চ ক্রুদ্ধশ্চ কুরুবংশসুপূজিতঃ ।
কৃষ্ণাঙ্গমহিষীদোগ্ধা কৃষ্ণেন কৃতপূজনঃ ॥ ৪০ ॥
কৃষ্ণাঙ্গমহিষীদানপ্রিয়ঃ কোণস্থ এব চ ।
কৃষ্ণাঙ্গমহিষীদানলোলুপঃ কামপূজিতঃ ॥ ৪১ ॥
ক্রূরাবলোকনাত্সর্বনাশঃ কৃষ্ণাঙ্গদপ্রিয়ঃ ।
খদ্যোতঃ খণ্ডনঃ খড্গধরঃ খেচরপূজিতঃ ॥ ৪২ ॥
খরাংশুতনয়শ্চৈব খগানাং পতিবাহনঃ ।
গোসবাসক্তহৃদয়ো গোচরস্থানদোষহৃত্ ॥ ৪৩ ॥
গৃহরাশ্যাধিপশ্চৈব গৃহরাজ মহাবলঃ ।
গৃধ্রবাহো গৃহপতির্গোচরো গানলোলুপঃ ॥ ৪৪ ॥
ঘোরো ঘর্মো ঘনতমা ঘর্মী ঘনকৃপান্বিতঃ ।
ঘননীলাম্বরধরো ঙাদিবর্ণ সুসংজ্ঞিতঃ ॥ ৪৫ ॥
চক্রবর্তিসমারাধ্যশ্চন্দ্রমত্যা সমর্চিতঃ ।
চন্দ্রমত্যার্তিহারী চ চরাচর সুখপ্রদঃ ॥ ৪৬ ॥
চতুর্ভুজশ্চাপহস্তশ্চরাচরহিতপ্রদঃ ।
ছায়াপুত্রশ্ছত্রধরশ্ছায়াদেবীসুতস্তথা ॥ ৪৭ ॥
জয়প্রদো জগন্নীলো জপতাং সর্বসিদ্ধিদঃ ।
জপবিধ্বস্তবিমুখো জম্ভারিপরিপূজিতঃ ॥ ৪৮ ॥
জম্ভারিবন্দ্যো জয়দো জগজ্জনমনোহরঃ ।
জগত্ত্রয়প্রকুপিতো জগত্ত্রাণপরায়ণঃ ॥ ৪৯ ॥
জয়ো জয়প্রদশ্চৈব জগদানন্দকারকঃ ।
জ্যোতিশ্চ জ্যোতিষাং শ্রেষ্ঠো জ্যোতিঃশাস্ত্র প্রবর্তকঃ ॥ ৫০ ॥
ঝর্ঝরীকৃতদেহশ্চ ঝল্লরীবাদ্যসুপ্রিয়ঃ ।
জ্ঞানমূর্তির্জ্ঞানগম্যো জ্ঞানী জ্ঞানমহানিধিঃ ॥ ৫১ ॥
জ্ঞানপ্রবোধকশ্চৈব জ্ঞানদৃষ্ট্যাবলোকিতঃ ।
টঙ্কিতাখিললোকশ্চ টঙ্কিতৈনস্তমোরবিঃ ॥ ৫২ ॥
টঙ্কারকারকশ্চৈব টঙ্কৃতো টাম্ভদপ্রিয়ঃ ।
ঠকারময় সর্বস্বষ্ঠকারকৃতপূজিতঃ ॥ ৫৩ ॥
ঢক্কাবাদ্যপ্রীতিকরো ডমড্ডমরুকপ্রিয়ঃ ।
ডম্বরপ্রভবো ডম্ভো ঢক্কানাদপ্রিয়ঙ্করঃ ॥ ৫৪ ॥
ডাকিনী শাকিনী ভূত সর্বোপদ্রবকারকঃ ।
ডাকিনী শাকিনী ভূত সর্বোপদ্রবনাশকঃ ॥ ৫৫ ॥
ঢকাররূপো ঢাম্ভীকো ণকারজপসুপ্রিয়ঃ ।
ণকারময়মন্ত্রার্থো ণকারৈকশিরোমণিঃ ॥ ৫৬ ॥
ণকারবচনানন্দো ণকারকরুণাময়ঃ ।
ণকারময় সর্বস্বো ণকারৈকপরায়ণঃ ॥ ৫৭ ॥
তর্জনীধৃতমুদ্রশ্চ তপসাং ফলদায়কঃ ।
ত্রিবিক্রমনুতশ্চৈব ত্রয়ীময়বপুর্ধরঃ ॥ ৫৮ ॥
তপস্বী তপসা দগ্ধদেহস্তাম্রাধরস্তথা ।
ত্রিকালবেদিতব্যশ্চ ত্রিকালমতিতোষিতঃ ॥ ৫৯ ॥
তুলোচ্চয়স্ত্রাসকরস্তিলতৈলপ্রিয়স্তথা ।
তিলান্ন সন্তুষ্টমনাস্তিলদানপ্রিয়স্তথা ॥ ৬০ ॥
তিলভক্ষ্যপ্রিয়শ্চৈব তিলচূর্ণপ্রিয়স্তথা ।
তিলখণ্ডপ্রিয়শ্চৈব তিলাপূপপ্রিয়স্তথা ॥ ৬১ ॥
তিলহোমপ্রিয়শ্চৈব তাপত্রয়নিবারকঃ ।
তিলতর্পণসন্তুষ্টস্তিলতৈলান্নতোষিতঃ ॥ ৬২ ॥
তিলৈকদত্তহৃদয়স্তেজস্বী তেজসান্নিধিঃ ।
তেজসাদিত্যসঙ্কাশস্তেজোময় বপুর্ধরঃ ॥ ৬৩ ॥
তত্ত্বজ্ঞস্তত্ত্বগস্তীব্রস্তপোরূপস্তপোময়ঃ ।
তুষ্টিদস্তুষ্টিকৃত্ তীক্ষ্ণস্ত্রিমূর্তিস্ত্রিগুণাত্মকঃ ॥ ৬৪ ॥
তিলদীপপ্রিয়শ্চৈব তস্য পীডানিবারকঃ ।
তিলোত্তমামেনকাদিনর্তনপ্রিয় এব চ ॥ ৬৫ ॥
ত্রিভাগমষ্টবর্গশ্চ স্থূলরোমা স্থিরস্তথা ।
স্থিতঃ স্থায়ী স্থাপকশ্চ স্থূলসূক্ষ্মপ্রদর্শকঃ ॥ ৬৬ ॥
দশরথার্চিতপাদশ্চ দশরথস্তোত্রতোষিতঃ ।
দশরথ প্রার্থনাকৢপ্ত দুর্ভিক্ষ বিনিবারকঃ ॥ ৬৭ ॥
দশরথ প্রার্থনাকৢপ্ত বরদ্বয় প্রদায়কঃ ।
দশরথস্বাত্মদর্শী চ দশরথাভীষ্টদায়কঃ ॥ ৬৮ ॥
দোর্ভির্ধনুর্ধরশ্চৈব দীর্ঘশ্মশ্রুজটাধরঃ ।
দশরথস্তোত্রবরদো দশরথাভীপ্সিতপ্রদঃ ॥ ৬৯ ॥
দশরথস্তোত্রসন্তুষ্টো দশরথেন সুপূজিতঃ ।
দ্বাদশাষ্টমজন্মস্থো দেবপুঙ্গবপূজিতঃ ॥ ৭০ ॥
দেবদানবদর্পঘ্নো দিনং প্রতিমুনিস্তুতঃ ।
দ্বাদশস্থো দ্বাদশাত্মা সুতো দ্বাদশ নামভৃত্ ॥ ৭১ ॥
দ্বিতীয়স্থো দ্বাদশার্কসূনুর্দৈবজ্ঞপূজিতঃ ।
দৈবজ্ঞচিত্তবাসী চ দময়ন্ত্যা সুপূজিতঃ ॥ ৭২ ॥
দ্বাদশাব্দংতু দুর্ভিক্ষকারী দুঃস্বপ্ননাশনঃ ।
দুরারাধ্যো দুরাধর্ষো দময়ন্তী বরপ্রদঃ ॥ ৭৩ ॥
দুষ্টদূরো দুরাচার শমনো দোষবর্জিতঃ ।
দুঃসহো দোষহন্তা চ দুর্লভো দুর্গমস্তথা ॥ ৭৪ ॥
দুঃখপ্রদো দুঃখহন্তা দীপ্তরঞ্জিত দিঙ্মুখঃ ।
দীপ্যমান মুখাম্ভোজো দময়ন্ত্যাঃ শিবপ্রদঃ ॥ ৭৫ ॥
দুর্নিরীক্ষ্যো দৃষ্টমাত্র দৈত্যমণ্ডলনাশকঃ ।
দ্বিজদানৈকনিরতো দ্বিজারাধনতত্পরঃ ॥ ৭৬ ॥
দ্বিজসর্বার্তিহারী চ দ্বিজরাজ সমর্চিতঃ ।
দ্বিজদানৈকচিত্তশ্চ দ্বিজরাজ প্রিয়ঙ্করঃ ॥ ৭৭ ॥
দ্বিজো দ্বিজপ্রিয়শ্চৈব দ্বিজরাজেষ্টদায়কঃ ।
দ্বিজরূপো দ্বিজশ্রেষ্ঠো দোষদো দুঃসহোঽপি চ ॥ ৭৮ ॥
দেবাদিদেবো দেবেশো দেবরাজ সুপূজিতঃ ।
দেবরাজেষ্ট বরদো দেবরাজ প্রিয়ঙ্করঃ ॥ ৭৯ ॥
দেবাদিবন্দিতো দিব্যতনুর্দেবশিখামণিঃ ।
দেবগানপ্রিয়শ্চৈব দেবদেশিকপুঙ্গবঃ ॥ ৮০ ॥
দ্বিজাত্মজাসমারাধ্যো ধ্যেয়ো ধর্মী ধনুর্ধরঃ ।
ধনুষ্মান্ ধনদাতা চ ধর্মাধর্মবিবর্জিতঃ ॥ ৮১ ॥
ধর্মরূপো ধনুর্দিব্যো ধর্মশাস্ত্রাত্মচেতনঃ ।
ধর্মরাজ প্রিয়করো ধর্মরাজ সুপূজিতঃ ॥ ৮২ ॥
ধর্মরাজেষ্টবরদো ধর্মাভীষ্টফলপ্রদঃ ।
নিত্যতৃপ্তস্বভাবশ্চ নিত্যকর্মরতস্তথা ॥ ৮৩ ॥
নিজপীডার্তিহারী চ নিজভক্তেষ্টদায়কঃ ।
নির্মাসদেহো নীলশ্চ নিজস্তোত্র বহুপ্রিয়ঃ ॥ ৮৪ ॥
নল়স্তোত্র প্রিয়শ্চৈব নল়রাজসুপূজিতঃ ।
নক্ষত্রমণ্ডলগতো নমতাং প্রিয়কারকঃ ॥ ৮৫ ॥
নিত্যার্চিতপদাম্ভোজো নিজাজ্ঞা পরিপালকঃ ।
নবগ্রহবরো নীলবপুর্নল়করার্চিতঃ ॥ ৮৬ ॥
নল়প্রিয়ানন্দিতশ্চ নল়ক্ষেত্রনিবাসকঃ ।
নল়পাক প্রিয়শ্চৈব নল়পদ্ভঞ্জনক্ষমঃ ॥ ৮৭ ॥
নল়সর্বার্তিহারী চ নল়েনাত্মার্থপূজিতঃ ।
নিপাটবীনিবাসশ্চ নল়াভীষ্টবরপ্রদঃ ॥ ৮৮ ॥
নল়তীর্থসকৃত্ স্নান সর্বপীডানিবারকঃ ।
নল়েশদর্শনস্যাশু সাম্রাজ্যপদবীপ্রদঃ ॥ ৮৯ ॥
নক্ষত্ররাশ্যধিপশ্চ নীলধ্বজবিরাজিতঃ ।
নিত্যয়োগরতশ্চৈব নবরত্নবিভূষিতঃ ॥ ৯০ ॥
নবধা ভজ্যদেহশ্চ নবীকৃতজগত্ত্রয়ঃ ।
নবগ্রহাধিপশ্চৈব নবাক্ষরজপপ্রিয়ঃ ॥ ৯১ ॥
নবাত্মা নবচক্রাত্মা নবতত্ত্বাধিপস্তথা ।
নবোদন প্রিয়শ্চৈব নবধান্যপ্রিয়স্তথা ॥ ৯২ ॥
নিষ্কণ্টকো নিস্পৃহশ্চ নিরপেক্ষো নিরাময়ঃ ।
নাগরাজার্চিতপদো নাগরাজপ্রিয়ঙ্করঃ ॥ ৯৩ ॥
নাগরাজেষ্টবরদো নাগাভরণ ভূষিতঃ ।
নাগেন্দ্রগান নিরতো নানাভরণভূষিতঃ ॥ ৯৪ ॥
নবমিত্র স্বরূপশ্চ নানাশ্চর্যবিধায়কঃ ।
নানাদ্বীপাধিকর্তা চ নানালিপিসমাবৃতঃ ॥ ৯৫ ॥
নানারূপ জগত্ স্রষ্টা নানারূপজনাশ্রয়ঃ ।
নানালোকাধিপশ্চৈব নানাভাষাপ্রিয়স্তথা ॥ ৯৬ ॥
নানারূপাধিকারী চ নবরত্নপ্রিয়স্তথা ।
নানাবিচিত্রবেষাঢ্যো নানাচিত্র বিধায়কঃ ॥ ৯৭ ॥
নীলজীমূতসঙ্কাশো নীলমেঘসমপ্রভঃ ।
নীলাঞ্জনচয়প্রখ্যো নীলবস্ত্রধরপ্রিয়ঃ ॥ ৯৮ ॥
নীচভাষা প্রচারজ্ঞো নীচে স্বল্পফলপ্রদঃ ।
নানাগম বিধানজ্ঞো নানানৃপসমাবৃতঃ ॥ ৯৯ ॥
নানাবর্ণাকৃতিশ্চৈব নানাবর্ণস্বরার্তবঃ ।
নাগলোকান্তবাসী চ নক্ষত্রত্রয়সংয়ুতঃ ॥ ১০০ ॥
নভাদিলোকসম্ভূতো নামস্তোত্রবহুপ্রিয়ঃ ।
নামপারায়ণপ্রীতো নামার্চনবরপ্রদঃ ॥ ১০১ ॥
নামস্তোত্রৈকচিত্তশ্চ নানারোগার্তিভঞ্জনঃ ।
নবগ্রহসমারাধ্যো নবগ্রহ ভয়াপহঃ ॥ ১০২ ॥
নবগ্রহসুসম্পূজ্যো নানাবেদ সুরক্ষকঃ ।
নবগ্রহাধিরাজশ্চ নবগ্রহজপপ্রিয়ঃ ॥ ১০৩ ॥
নবগ্রহময়জ্যোতির্নবগ্রহ বরপ্রদঃ ।
নবগ্রহাণামধিপো নবগ্রহ সুপীডিতঃ ॥ ১০৪ ॥
নবগ্রহাধীশ্বরশ্চ নবমাণিক্যশোভিতঃ ।
পরমাত্মা পরব্রহ্ম পরমৈশ্বর্যকারণঃ ॥ ১০৫ ॥
প্রপন্নভয়হারী চ প্রমত্তাসুরশিক্ষকঃ ।
প্রাসহস্তঃ পঙ্গুপাদঃ প্রকাশাত্মা প্রতাপবান্ ॥ ১০৬ ॥
পাবনঃ পরিশুদ্ধাত্মা পুত্রপৌত্র প্রবর্ধনঃ ।
প্রসন্নাত্সর্বসুখদঃ প্রসন্নেক্ষণ এব চ ॥ ১০৭ ॥
প্রজাপত্যঃ প্রিয়করঃ প্রণতেপ্সিতরাজ্যদঃ ।
প্রজানাং জীবহেতুশ্চ প্রাণিনাং পরিপালকঃ ॥ ১০৮ ॥
প্রাণরূপী প্রাণধারী প্রজানাং হিতকারকঃ ।
প্রাজ্ঞঃ প্রশান্তঃ প্রজ্ঞাবান্ প্রজারক্ষণদীক্ষিতঃ ॥ ১০৯ ॥
প্রাবৃষেণ্যঃ প্রাণকারী প্রসন্নোত্সববন্দিতঃ ।
প্রজ্ঞানিবাসহেতুশ্চ পুরুষার্থৈকসাধনঃ ॥ ১১০ ॥
প্রজাকরঃ প্রাতিকূল্যঃ পিঙ্গল়াক্ষঃ প্রসন্নধীঃ ।
প্রপঞ্চাত্মা প্রসবিতা পুরাণ পুরুষোত্তমঃ ॥ ১১১ ॥
পুরাণ পুরুষশ্চৈব পুরুহূতঃ প্রপঞ্চধৃত্ ।
প্রতিষ্ঠিতঃ প্রীতিকরঃ প্রিয়কারী প্রয়োজনঃ ॥ ১১২ ॥
প্রীতিমান্ প্রবরস্তুত্যঃ পুরূরবসমর্চিতঃ ।
প্রপঞ্চকারী পুণ্যশ্চ পুরুহূত সমর্চিতঃ ॥ ১১৩ ॥
পাণ্ডবাদি সুসংসেব্যঃ প্রণবঃ পুরুষার্থদঃ ।
পয়োদসমবর্ণশ্চ পাণ্ডুপুত্রার্তিভঞ্জনঃ ॥ ১১৪ ॥
পাণ্ডুপুত্রেষ্টদাতা চ পাণ্ডবানাং হিতঙ্করঃ ।
পঞ্চপাণ্ডবপুত্রাণাং সর্বাভীষ্টফলপ্রদঃ ॥ ১১৫ ॥
পঞ্চপাণ্ডবপুত্রাণাং সর্বারিষ্ট নিবারকঃ ।
পাণ্ডুপুত্রাদ্যর্চিতশ্চ পূর্বজশ্চ প্রপঞ্চভৃত্ ॥ ১১৬ ॥
পরচক্রপ্রভেদী চ পাণ্ডবেষু বরপ্রদঃ ।
পরব্রহ্ম স্বরূপশ্চ পরাজ্ঞা পরিবর্জিতঃ ॥ ১১৭ ॥
পরাত্পরঃ পাশহন্তা পরমাণুঃ প্রপঞ্চকৃত্ ।
পাতঙ্গী পুরুষাকারঃ পরশম্ভুসমুদ্ভবঃ ॥ ১১৮ ॥
প্রসন্নাত্সর্বসুখদঃ প্রপঞ্চোদ্ভবসম্ভবঃ ।
প্রসন্নঃ পরমোদারঃ পরাহঙ্কারভঞ্জনঃ ॥ ১১৯ ॥
পরঃ পরমকারুণ্যঃ পরব্রহ্মময়স্তথা ।
প্রপন্নভয়হারী চ প্রণতার্তিহরস্তথা ॥ ১২০ ॥
প্রসাদকৃত্ প্রপঞ্চশ্চ পরাশক্তি সমুদ্ভবঃ ।
প্রদানপাবনশ্চৈব প্রশান্তাত্মা প্রভাকরঃ ॥ ১২১ ॥
প্রপঞ্চাত্মা প্রপঞ্চোপশমনঃ পৃথিবীপতিঃ ।
পরশুরাম সমারাধ্যঃ পরশুরামবরপ্রদঃ ॥ ১২২ ॥
পরশুরাম চিরঞ্জীবিপ্রদঃ পরমপাবনঃ ।
পরমহংসস্বরূপশ্চ পরমহংসসুপূজিতঃ ॥ ১২৩ ॥
পঞ্চনক্ষত্রাধিপশ্চ পঞ্চনক্ষত্রসেবিতঃ ।
প্রপঞ্চ রক্ষিতশ্চৈব প্রপঞ্চস্য ভয়ঙ্করঃ ॥ ১২৪ ॥
ফলদানপ্রিয়শ্চৈব ফলহস্তঃ ফলপ্রদঃ ।
ফলাভিষেকপ্রিয়শ্চ ফল্গুনস্য বরপ্রদঃ ॥ ১২৫ ॥
ফুটচ্ছমিত পাপৌঘঃ ফল্গুনেন প্রপূজিতঃ ।
ফণিরাজপ্রিয়শ্চৈব ফুল্লাম্বুজ বিলোচনঃ ॥ ১২৬ ॥
বলিপ্রিয়ো বলী বভ্রুর্ব্রহ্মবিষ্ণ্বীশ ক্লেশকৃত্ ।
ব্রহ্মবিষ্ণ্বীশরূপশ্চ ব্রহ্মশক্রাদিদুর্লভঃ ॥ ১২৭ ॥
বাসদর্ষ্ট্যা প্রমেয়াঙ্গো বিভ্রত্কবচকুণ্ডলঃ ।
বহুশ্রুতো বহুমতির্ব্রহ্মণ্যো ব্রাহ্মণপ্রিয়ঃ ॥ ১২৮ ॥
বলপ্রমথনো ব্রহ্মা বহুরূপো বহুপ্রদঃ ।
বালার্কদ্যুতিমান্বালো বৃহদ্বক্ষা বৃহত্তনুঃ ॥ ১২৯ ॥
ব্রহ্মাণ্ডভেদকৃচ্চৈব ভক্তসর্বার্থসাধকঃ ।
ভব্যো ভোক্তা ভীতিকৃচ্চ ভক্তানুগ্রহকারকঃ ॥ ১৩০ ॥
ভীষণো ভৈক্ষকারী চ ভূসুরাদি সুপূজিতঃ ।
ভোগভাগ্যপ্রদশ্চৈব ভস্মীকৃত জগত্ত্রয়ঃ ॥ ১৩১ ॥
ভয়ানকো ভানুসূনুর্ভূতিভূষিত বিগ্রহঃ ।
ভাস্বদ্রতো ভক্তিমতাং সুলভো ভ্রুকুটীমুখঃ ॥ ১৩২ ॥
ভবভূত গণৈঃস্তুত্যো ভূতসংঘসমাবৃতঃ ।
ভ্রাজিষ্ণুর্ভগবান্ভীমো ভক্তাভীষ্টবরপ্রদঃ ॥ ১৩৩ ॥
ভবভক্তৈকচিত্তশ্চ ভক্তিগীতস্তবোন্মুখঃ ।
ভূতসন্তোষকারী চ ভক্তানাং চিত্তশোধনঃ ॥ ১৩৪ ॥
ভক্তিগম্যো ভয়হরো ভাবজ্ঞো ভক্তসুপ্রিয়ঃ ।
ভূতিদো ভূতিকৃদ্ ভোজ্যো ভূতাত্মা ভুবনেশ্বরঃ ॥ ১৩৫ ॥
মন্দো মন্দগতিশ্চৈব মাসমেব প্রপূজিতঃ ।
মুচুকুন্দ সমারাধ্যো মুচুকুন্দ বরপ্রদঃ ॥ ১৩৬ ॥
মুচুকুন্দার্চিতপদো মহারূপো মহায়শাঃ ।
মহাভোগী মহায়োগী মহাকায়ো মহাপ্রভুঃ ॥ ১৩৭ ॥
মহেশো মহদৈশ্বর্যো মন্দার কুসুমপ্রিয়ঃ ।
মহাক্রতুর্মহামানী মহাধীরো মহাজয়ঃ ॥ ১৩৮ ॥
মহাবীরো মহাশান্তো মণ্ডলস্থো মহাদ্যুতিঃ ।
মহাসুতো মহোদারো মহনীয়ো মহোদয়ঃ ॥ ১৩৯ ॥
মৈথিলীবরদায়ী চ মার্তাণ্ডস্য দ্বিতীয়জঃ ।
মৈথিলীপ্রার্থনাকৢপ্ত দশকণ্ঠ শিরোপহৃত্ ॥ ১৪০ ॥
মরামরহরারাধ্যো মহেন্দ্রাদি সুরার্চিতঃ ।
মহারথো মহাবেগো মণিরত্নবিভূষিতঃ ॥ ১৪১ ॥
মেষনীচো মহাঘোরো মহাসৌরির্মনুপ্রিয়ঃ ।
মহাদীর্ঘো মহাগ্রাসো মহদৈশ্বর্যদায়কঃ ॥ ১৪২ ॥
মহাশুষ্কো মহারৌদ্রো মুক্তিমার্গ প্রদর্শকঃ ।
মকরকুম্ভাধিপশ্চৈব মৃকণ্ডুতনয়ার্চিতঃ ॥ ১৪৩ ॥
মন্ত্রাধিষ্ঠানরূপশ্চ মল্লিকাকুসুমপ্রিয়ঃ ।
মহামন্ত্র স্বরূপশ্চ মহায়ন্ত্রস্থিতস্তথা ॥ ১৪৪ ॥
মহাপ্রকাশদিব্যাত্মা মহাদেবপ্রিয়স্তথা ।
মহাবলি সমারাধ্যো মহর্ষিগণপূজিতঃ ॥ ১৪৫ ॥
মন্দচারী মহামায়ী মাষদানপ্রিয়স্তথা ।
মাষোদন প্রীতচিত্তো মহাশক্তির্মহাগুণঃ ॥ ১৪৬ ॥
য়শস্করো য়োগদাতা য়জ্ঞাঙ্গোঽপি য়ুগন্ধরঃ ।
য়োগী য়োগ্যশ্চ য়াম্যশ্চ য়োগরূপী য়ুগাধিপঃ ॥ ১৪৭ ॥
য়জ্ঞভৃদ্ য়জমানশ্চ য়োগো য়োগবিদাং বরঃ ।
য়ক্ষরাক্ষসবেতাল় কূষ্মাণ্ডাদিপ্রপূজিতঃ ॥ ১৪৮ ॥
য়মপ্রত্যধিদেবশ্চ য়ুগপদ্ ভোগদায়কঃ ।
য়োগপ্রিয়ো য়োগয়ুক্তো য়জ্ঞরূপো য়ুগান্তকৃত্ ॥ ১৪৯ ॥
রঘুবংশ সমারাধ্যো রৌদ্রো রৌদ্রাকৃতিস্তথা ।
রঘুনন্দন সল্লাপো রঘুপ্রোক্ত জপপ্রিয়ঃ ॥ ১৫০ ॥
রৌদ্ররূপী রথারূঢো রাঘবেষ্ট বরপ্রদঃ ।
রথী রৌদ্রাধিকারী চ রাঘবেণ সমর্চিতঃ ॥ ১৫১ ॥
রোষাত্সর্বস্বহারী চ রাঘবেণ সুপূজিতঃ ।
রাশিদ্বয়াধিপশ্চৈব রঘুভিঃ পরিপূজিতঃ ॥ ১৫২ ॥
রাজ্যভূপাকরশ্চৈব রাজরাজেন্দ্র বন্দিতঃ ।
রত্নকেয়ূরভূষাঢ্যো রমানন্দনবন্দিতঃ ॥ ১৫৩ ॥
রঘুপৌরুষসন্তুষ্টো রঘুস্তোত্রবহুপ্রিয়ঃ ।
রঘুবংশনৃপৈঃপূজ্যো রণন্মঞ্জীরনূপুরঃ ॥ ১৫৪ ॥
রবিনন্দন রাজেন্দ্রো রঘুবংশপ্রিয়স্তথা ।
লোহজপ্রতিমাদানপ্রিয়ো লাবণ্যবিগ্রহঃ ॥ ১৫৫ ॥
লোকচূডামণিশ্চৈব লক্ষ্মীবাণীস্তুতিপ্রিয়ঃ ।
লোকরক্ষো লোকশিক্ষো লোকলোচনরঞ্জিতঃ ॥ ১৫৬ ॥
লোকাধ্যক্ষো লোকবন্দ্যো লক্ষ্মণাগ্রজপূজিতঃ ।
বেদবেদ্যো বজ্রদেহো বজ্রাঙ্কুশধরস্তথা ॥ ১৫৭ ॥
বিশ্ববন্দ্যো বিরূপাক্ষো বিমলাঙ্গবিরাজিতঃ ।
বিশ্বস্থো বায়সারূঢো বিশেষসুখকারকঃ ॥ ১৫৮ ॥
বিশ্বরূপী বিশ্বগোপ্তা বিভাবসু সুতস্তথা ।
বিপ্রপ্রিয়ো বিপ্ররূপো বিপ্রারাধন তত্পরঃ ॥ ১৫৯ ॥
বিশালনেত্রো বিশিখো বিপ্রদানবহুপ্রিয়ঃ ।
বিশ্বসৃষ্টি সমুদ্ভূতো বৈশ্বানরসমদ্যুতিঃ ॥ ১৬০ ॥
বিষ্ণুর্বিরিঞ্চির্বিশ্বেশো বিশ্বকর্তা বিশাম্পতিঃ ।
বিরাডাধারচক্রস্থো বিশ্বভুগ্বিশ্বভাবনঃ ॥ ১৬১ ॥
বিশ্বব্যাপারহেতুশ্চ বক্রক্রূরবিবর্জিতঃ ।
বিশ্বোদ্ভবো বিশ্বকর্মা বিশ্বসৃষ্টি বিনায়কঃ ॥ ১৬২ ॥
বিশ্বমূলনিবাসী চ বিশ্বচিত্রবিধায়কঃ ।
বিশ্বাধারবিলাসী চ ব্যাসেন কৃতপূজিতঃ ॥ ১৬৩ ॥
বিভীষণেষ্টবরদো বাঞ্ছিতার্থপ্রদায়কঃ ।
বিভীষণসমারাধ্যো বিশেষসুখদায়কঃ ॥ ১৬৪ ॥
বিষমব্যয়াষ্টজন্মস্থোঽপ্যেকাদশফলপ্রদঃ ।
বাসবাত্মজসুপ্রীতো বসুদো বাসবার্চিতঃ ॥ ১৬৫ ॥
বিশ্বত্রাণৈকনিরতো বাঙ্মনোতীতবিগ্রহঃ ।
বিরাণ্মন্দিরমূলস্থো বলীমুখসুখপ্রদঃ ॥ ১৬৬ ॥
বিপাশো বিগতাতঙ্কো বিকল্পপরিবর্জিতঃ ।
বরিষ্ঠো বরদো বন্দ্যো বিচিত্রাঙ্গো বিরোচনঃ ॥ ১৬৭ ॥
শুষ্কোদরঃ শুক্লবপুঃ শান্তরূপী শনৈশ্চরঃ ।
শূলী শরণ্যঃ শান্তশ্চ শিবায়ামপ্রিয়ঙ্করঃ ॥ ১৬৮ ॥
শিবভক্তিমতাং শ্রেষ্ঠঃ শূলপাণী শুচিপ্রিয়ঃ ।
শ্রুতিস্মৃতিপুরাণজ্ঞঃ শ্রুতিজালপ্রবোধকঃ ॥ ১৬৯ ॥
শ্রুতিপারগ সম্পূজ্যঃ শ্রুতিশ্রবণলোলুপঃ ।
শ্রুত্যন্তর্গতমর্মজ্ঞঃ শ্রুত্যেষ্টবরদায়কঃ ॥ ১৭০ ॥
শ্রুতিরূপঃ শ্রুতিপ্রীতঃ শ্রুতীপ্সিতফলপ্রদঃ ।
শুচিশ্রুতঃ শান্তমূর্তিঃ শ্রুতিশ্রবণকীর্তনঃ ॥ ১৭১ ॥
শমীমূলনিবাসী চ শমীকৃতফলপ্রদঃ ।
শমীকৃতমহাঘোরঃ শরণাগতবত্সলঃ ॥ ১৭২ ॥
শমীতরুস্বরূপশ্চ শিবমন্ত্রজ্ঞমুক্তিদঃ ।
শিবাগমৈকনিলয়ঃ শিবমন্ত্রজপপ্রিয়ঃ ॥ ১৭৩ ॥
শমীপত্রপ্রিয়শ্চৈব শমীপর্ণসমর্চিতঃ ।
শতোপনিষদস্তুত্যঃ শান্ত্যাদিগুণভূষিতঃ ॥ ১৭৪ ॥
শান্ত্যাদিষড্গুণোপেতঃ শঙ্খবাদ্যপ্রিয়স্তথা ।
শ্যামরক্তসিতজ্যোতিঃ শুদ্ধপঞ্চাক্ষরপ্রিয়ঃ ॥ ১৭৫ ॥
শ্রীহালাস্যক্ষেত্রবাসী শ্রীমান্ শক্তিধরস্তথা ।
ষোডশদ্বয়সম্পূর্ণলক্ষণঃ ষণ্মুখপ্রিয়ঃ ॥ ১৭৬ ॥
ষড্গুণৈশ্বর্যসংয়ুক্তঃ ষডঙ্গাবরণোজ্বলঃ ।
ষডক্ষরস্বরূপশ্চ ষট্চক্রোপরি সংস্থিতঃ ॥ ১৭৭ ॥
ষোডশী ষোডশান্তশ্চ ষট্শক্তিব্যক্তমূর্তিমান্ ।
ষড্ভাবরহিতশ্চৈব ষডঙ্গশ্রুতিপারগঃ ॥ ১৭৮ ॥
ষট্কোণমধ্যনিলয়ঃ ষট্শাস্ত্রস্মৃতিপারগঃ ।
স্বর্ণেন্দ্রনীলমকুটঃ সর্বাভীষ্টপ্রদায়কঃ ॥ ১৭৯ ॥
সর্বাত্মা সর্বদোষঘ্নঃ সর্বগর্বপ্রভঞ্জনঃ ।
সমস্তলোকাভয়দঃ সর্বদোষাঙ্গনাশকঃ ॥ ১৮০ ॥
সমস্তভক্তসুখদঃ সর্বদোষনিবর্তকঃ ।
সর্বনাশক্ষমঃ সৌম্যঃ সর্বক্লেশনিবারকঃ ॥ ১৮১ ॥
সর্বাত্মা সর্বদা তুষ্টঃ সর্বপীডানিবারকঃ ।
সর্বরূপী সর্বকর্মা সর্বজ্ঞঃ সর্বকারকঃ ॥ ১৮২ ॥
সুকৃতী সুলভশ্চৈব সর্বাভীষ্টফলপ্রদঃ ।
সূর্যাত্মজঃ সদাতুষ্টঃ সূর্যবংশপ্রদীপনঃ ॥ ১৮৩ ॥
সপ্তদ্বীপাধিপশ্চৈব সুরাসুরভয়ঙ্করঃ ।
সর্বসংক্ষোভহারী চ সর্বলোকহিতঙ্করঃ ॥ ১৮৪ ॥
সর্বৌদার্যস্বভাবশ্চ সন্তোষাত্সকলেষ্টদঃ ।
সমস্তঋষিভিঃস্তুত্যঃ সমস্তগণপাবৃতঃ ॥ ১৮৫ ॥
সমস্তগণসংসেব্যঃ সর্বারিষ্টবিনাশনঃ ।
সর্বসৌখ্যপ্রদাতা চ সর্বব্যাকুলনাশনঃ ॥ ১৮৬ ॥
সর্বসংক্ষোভহারী চ সর্বারিষ্ট ফলপ্রদঃ ।
সর্বব্যাধিপ্রশমনঃ সর্বমৃত্যুনিবারকঃ ॥ ১৮৭ ॥
সর্বানুকূলকারী চ সৌন্দর্যমৃদুভাষিতঃ ।
সৌরাষ্ট্রদেশোদ্ভবশ্চ স্বক্ষেত্রেষ্টবরপ্রদঃ ॥ ১৮৮ ॥
সোময়াজি সমারাধ্যঃ সীতাভীষ্ট বরপ্রদঃ ।
সুখাসনোপবিষ্টশ্চ সদ্যঃপীডানিবারকঃ ॥ ১৮৯ ॥
সৌদামনীসন্নিভশ্চ সর্বানুল্লঙ্ঘ্যশাসনঃ ।
সূর্যমণ্ডলসঞ্চারী সংহারাস্ত্রনিয়োজিতঃ ॥ ১৯০ ॥
সর্বলোকক্ষয়করঃ সর্বারিষ্টবিধায়কঃ ।
সর্বব্যাকুলকারী চ সহস্রজপসুপ্রিয়ঃ ॥ ১৯১ ॥
সুখাসনোপবিষ্টশ্চ সংহারাস্ত্রপ্রদর্শিতঃ ।
সর্বালঙ্কার সংয়ুক্তকৃষ্ণগোদানসুপ্রিয়ঃ ॥ ১৯২ ॥
সুপ্রসন্নঃ সুরশ্রেষ্ঠঃ সুঘোষঃ সুখদঃ সুহৃত্ ।
সিদ্ধার্থঃ সিদ্ধসঙ্কল্পঃ সর্বজ্ঞঃ সর্বদঃ সুখী ॥ ১৯৩ ॥
সুগ্রীবঃ সুধৃতিঃ সারঃ সুকুমারঃ সুলোচনঃ ।
সুব্যক্তঃ সচ্চিদানন্দঃ সুবীরঃ সুজনাশ্রয়ঃ ॥ ১৯৪ ॥
হরিশ্চন্দ্রসমারাধ্যো হেয়োপাদেয়বর্জিতঃ ।
হরিশ্চন্দ্রেষ্টবরদো হংসমন্ত্রাদি সংস্তুতঃ ॥ ১৯৫ ॥
হংসবাহ সমারাধ্যো হংসবাহবরপ্রদঃ ।
হৃদ্যো হৃষ্টো হরিসখো হংসো হংসগতির্হবিঃ ॥ ১৯৬ ॥
হিরণ্যবর্ণো হিতকৃদ্ধর্ষদো হেমভূষণঃ ।
হবির্হোতা হংসগতির্হংসমন্ত্রাদিসংস্তুতঃ ॥ ১৯৭ ॥
হনূমদর্চিতপদো হলধৃত্ পূজিতঃ সদা ।
ক্ষেমদঃ ক্ষেমকৃত্ক্ষেম্যঃ ক্ষেত্রজ্ঞঃ ক্ষামবর্জিতঃ ॥ ১৯৮ ॥
ক্ষুদ্রঘ্নঃ ক্ষান্তিদঃ ক্ষেমঃ ক্ষিতিভূষঃ ক্ষমাশ্রয়ঃ ।
ক্ষমাধরঃ ক্ষয়দ্বারো নাম্নামষ্টসহস্রকম্ ॥ ১৯৯ ॥
বাক্যেনৈকেন বক্ষ্যামি বাঞ্চিতার্থং প্রয়চ্ছতি ।
তস্মাত্সর্বপ্রয়ত্নেন নিয়মেন জপেত্সুধীঃ ॥ ২০০ ॥
॥ ইতি শনৈশ্চরসহস্রনামস্তোত্রং সম্পূর্ণম্ ॥
Also Read 1000 Names of Shanaishchara:
1000 Names of Shri Shanaishchara | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil