Shri Shanaishchara Sahasranamastotram Lyrics in Kannada:
॥ ಶ್ರೀಶನೈಶ್ಚರಸಹಸ್ರನಾಮಸ್ತೋತ್ರಮ್ ॥
ಅಸ್ಯ ಶ್ರೀಶನೈಶ್ಚರಸಹಸ್ರನಾಮಸ್ತೋತ್ರ ಮಹಾಮನ್ತ್ರಸ್ಯ ।
ಕಾಶ್ಯಪ ಋಷಿಃ । ಅನುಷ್ಟುಪ್ ಛನ್ದಃ ।
ಶನೈಶ್ಚರೋ ದೇವತಾ । ಶಮ್ ಬೀಜಮ್ ।
ನಮ್ ಶಕ್ತಿಃ । ಮಮ್ ಕೀಲಕಮ್ ।
ಶನೈಶ್ಚರಪ್ರಸಾದಾಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಶನೈಶ್ಚರಾಯ ಅಂಗುಷ್ಠಾಭ್ಯಾಂ ನಮಃ ।
ಮನ್ದಗತಯೇ ತರ್ಜನೀಭ್ಯಾಂ ನಮಃ ।
ಅಧೋಕ್ಷಜಾಯ ಮಧ್ಯಮಾಭ್ಯಾಂ ನಮಃ ।
ಸೌರಯೇ ಅನಾಮಿಕಾಭ್ಯಾಂ ನಮಃ ।
ಶುಷ್ಕೋದರಾಯ ಕನಿಷ್ಠಿಕಾಭ್ಯಾಂ ನಮಃ ।
ಛಾಯಾತ್ಮಜಾಯ ಕರತಲಕರಪೃಷ್ಠಾಭ್ಯಾಂ ನಮಃ ।
ಶನೈಶ್ಚರಾಯ ಹೃದಯಾಯ ನಮಃ ।
ಮನ್ದಗತಯೇ ಶಿರಸೇ ಸ್ವಾಹಾ ।
ಅಧೋಕ್ಷಜಾಯ ಶಿಖಾಯೈ ವಷಟ್ ।
ಸೌರಯೇ ಕವಚಾಯ ಹುಮ್ ।
ಶುಷ್ಕೋದರಾಯ ನೇತ್ರತ್ರಯಾಯ ವೌಷಟ್ ।
ಛಾಯಾತ್ಮಜಾಯ ಅಸ್ತ್ರಾಯ ಫಟ್ ।
ಭೂರ್ಭುವಃ ಸುವರೋಮಿತಿ ದಿಗ್ಬನ್ಧಃ ।
। ಧ್ಯಾನಮ್ ।
ಚಾಪಾಸನೋ ಗೃಧ್ರಧರಸ್ತು ನೀಲಃ
ಪ್ರತ್ಯಙ್ಮುಖಃ ಕಾಶ್ಯಪ ಗೋತ್ರಜಾತಃ ।
ಸಶೂಲಚಾಪೇಷು ಗದಾಧರೋಽವ್ಯಾತ್
ಸೌರಾಷ್ಟ್ರದೇಶಪ್ರಭವಶ್ಚ ಶೌರಿಃ ॥
ನೀಲಾಮ್ಬರೋ ನೀಲವಪುಃ ಕಿರೀಟೀ
ಗೃಧ್ರಾಸನಸ್ಥೋ ವಿಕೃತಾನನಶ್ಚ ।
ಕೇಯೂರಹಾರಾದಿವಿಭೂಷಿತಾಂಗಃ
ಸದಾಽಸ್ತು ಮೇ ಮನ್ದಗತಿಃ ಪ್ರಸನ್ನಃ ॥
ಓಂ ॥ ಅಮಿತಾಭಾಷ್ಯಘಹರಃ ಅಶೇಷದುರಿತಾಪಹಃ ।
ಅಘೋರರೂಪೋಽತಿದೀರ್ಘಕಾಯೋಽಶೇಷಭಯಾನಕಃ ॥ 1 ॥
ಅನನ್ತೋ ಅನ್ನದಾತಾ ಚಾಶ್ವತ್ಥಮೂಲಜಪಪ್ರಿಯಃ ।
ಅತಿಸಮ್ಪತ್ಪ್ರದೋಽಮೋಘಃ ಅನ್ಯಸ್ತುತ್ಯಾ ಪ್ರಕೋಪಿತಃ ॥ 2 ॥
ಅಪರಾಜಿತೋ ಅದ್ವಿತೀಯಃ ಅತಿತೇಜೋಽಭಯಪ್ರದಃ ।
ಅಷ್ಟಮಸ್ಥೋಽಂಜನನಿಭಃ ಅಖಿಲಾತ್ಮಾರ್ಕನನ್ದನಃ ॥ 3 ॥
ಅತಿದಾರುಣ ಅಕ್ಷೋಭ್ಯಃ ಅಪ್ಸರೋಭಿಃ ಪ್ರಪೂಜಿತಃ ।
ಅಭೀಷ್ಟಫಲದೋಽರಿಷ್ಟಮಥನೋಽಮರಪೂಜಿತಃ ॥ 4 ॥
ಅನುಗ್ರಾಹ್ಯೋ ಅಪ್ರಮೇಯ ಪರಾಕ್ರಮ ವಿಭೀಷಣಃ ।
ಅಸಾಧ್ಯಯೋಗೋ ಅಖಿಲ ದೋಷಘ್ನಃ ಅಪರಾಕೃತಃ ॥ 5 ॥
ಅಪ್ರಮೇಯೋಽತಿಸುಖದಃ ಅಮರಾಧಿಪಪೂಜಿತಃ ।
ಅವಲೋಕಾತ್ ಸರ್ವನಾಶಃ ಅಶ್ವತ್ಥಾಮ ದ್ವಿರಾಯುಧಃ ॥ 6 ॥
ಅಪರಾಧಸಹಿಷ್ಣುಶ್ಚ ಅಶ್ವತ್ಥಾಮ ಸುಪೂಜಿತಃ ।
ಅನನ್ತಪುಣ್ಯಫಲದೋ ಅತೃಪ್ತೋಽತಿಬಲೋಽಪಿ ಚ ॥ 7 ॥
ಅವಲೋಕಾತ್ ಸರ್ವವನ್ದ್ಯಃ ಅಕ್ಷೀಣಕರುಣಾನಿಧಿಃ ।
ಅವಿದ್ಯಾಮೂಲನಾಶಶ್ಚ ಅಕ್ಷಯ್ಯಫಲದಾಯಕಃ ॥ 8 ॥
ಆನನ್ದಪರಿಪೂರ್ಣಶ್ಚ ಆಯುಷ್ಕಾರಕ ಏವ ಚ ।
ಆಶ್ರಿತೇಷ್ಟಾರ್ಥವರದಃ ಆಧಿವ್ಯಾಧಿಹರೋಽಪಿ ಚ ॥ 9 ॥
ಆನನ್ದಮಯ ಆನನ್ದಕರೋ ಆಯುಧಧಾರಕಃ ।
ಆತ್ಮಚಕ್ರಾಧಿಕಾರೀ ಚ ಆತ್ಮಸ್ತುತ್ಯಪರಾಯಣಃ ॥ 10 ॥
ಆಯುಷ್ಕರೋ ಆನುಪೂರ್ವ್ಯಃ ಆತ್ಮಾಯತ್ತಜಗತ್ತ್ರಯಃ ।
ಆತ್ಮನಾಮಜಪಪ್ರೀತಃ ಆತ್ಮಾಧಿಕಫಲಪ್ರದಃ ॥ 11 ॥
ಆದಿತ್ಯಸಂಭವೋ ಆರ್ತಿಭಂಜನೋ ಆತ್ಮರಕ್ಷಕಃ ।
ಆಪದ್ಬಾನ್ಧವ ಆನನ್ದರೂಪೋ ಆಯುಃಪ್ರದೋಽಪಿ ಚ ॥ 12 ॥
ಆಕರ್ಣಪೂರ್ಣಚಾಪಶ್ಚ ಆತ್ಮೋದ್ದಿಷ್ಟ ದ್ವಿಜಪ್ರದಃ ।
ಆನುಕೂಲ್ಯೋ ಆತ್ಮರೂಪ ಪ್ರತಿಮಾದಾನ ಸುಪ್ರಿಯಃ ॥ 13 ॥
ಆತ್ಮಾರಾಮೋ ಆದಿದೇವೋ ಆಪನ್ನಾರ್ತಿ ವಿನಾಶನಃ ।
ಇನ್ದಿರಾರ್ಚಿತಪಾದಶ್ಚ ಇನ್ದ್ರಭೋಗಫಲಪ್ರದಃ ॥ 14 ॥
ಇನ್ದ್ರದೇವಸ್ವರೂಪಶ್ಚ ಇಷ್ಟೇಷ್ಟವರದಾಯಕಃ ।
ಇಷ್ಟಾಪೂರ್ತಿಪ್ರದ ಇನ್ದುಮತೀಷ್ಟವರದಾಯಕಃ ॥ 15 ॥
ಇನ್ದಿರಾರಮಣಪ್ರೀತ ಇನ್ದ್ರವಂಶನೃಪಾರ್ಚಿತಃ ।
ಇಹಾಮುತ್ರೇಷ್ಟಫಲದ ಇನ್ದಿರಾರಮಣಾರ್ಚಿತಃ ॥ 16 ॥
ಈದ್ರಿಯ ಈಶ್ವರಪ್ರೀತ ಈಷಣಾತ್ರಯವರ್ಜಿತಃ ।
ಉಮಾಸ್ವರೂಪ ಉದ್ಬೋಧ್ಯ ಉಶನಾ ಉತ್ಸವಪ್ರಿಯಃ ॥ 17 ॥
ಉಮಾದೇವ್ಯರ್ಚನಪ್ರೀತ ಉಚ್ಚಸ್ಥೋಚ್ಚಫಲಪ್ರದಃ ।
ಉರುಪ್ರಕಾಶ ಉಚ್ಚಸ್ಥ ಯೋಗದ ಉರುಪರಾಕ್ರಮಃ ॥ 18 ॥
ಊರ್ಧ್ವಲೋಕಾದಿಸಂಚಾರೀ ಊರ್ಧ್ವಲೋಕಾದಿನಾಯಕಃ ।
ಊರ್ಜಸ್ವೀ ಊನಪಾದಶ್ಚ ಋಕಾರಾಕ್ಷರಪೂಜಿತಃ ॥ 19 ॥
ಋಷಿಪ್ರೋಕ್ತ ಪುರಾಣಜ್ಞ ಋಷಿಭಿಃ ಪರಿಪೂಜಿತಃ ।
ಋಗ್ವೇದವನ್ದ್ಯ ಋಗ್ರೂಪೀ ಋಜುಮಾರ್ಗ ಪ್ರವರ್ತಕಃ ॥ 20 ॥
ಲುಳಿತೋದ್ಧಾರಕೋ ಲೂತ ಭವಪಾಶಪ್ರಭಂಜನಃ ।
ಲೂಕಾರರೂಪಕೋ ಲಬ್ಧಧರ್ಮಮಾರ್ಗಪ್ರವರ್ತಕಃ ॥ 21 ॥
ಏಕಾಧಿಪತ್ಯಸಾಮ್ರಾಜ್ಯಪ್ರದ ಏನೌಘನಾಶನಃ ।
ಏಕಪಾದ್ಯೇಕ ಏಕೋನವಿಂಶತಿಮಾಸಭುಕ್ತಿದಃ ॥ 22 ॥
ಏಕೋನವಿಂಶತಿವರ್ಷದಶ ಏಣಾಂಕಪೂಜಿತಃ ।
ಐಶ್ವರ್ಯಫಲದ ಐನ್ದ್ರ ಐರಾವತಸುಪೂಜಿತಃ ॥ 23 ॥
ಓಂಕಾರ ಜಪಸುಪ್ರೀತ ಓಂಕಾರ ಪರಿಪೂಜಿತಃ ।
ಓಂಕಾರಬೀಜ ಔದಾರ್ಯ ಹಸ್ತ ಔನ್ನತ್ಯದಾಯಕಃ ॥ 24 ॥
ಔದಾರ್ಯಗುಣ ಔದಾರ್ಯ ಶೀಲ ಔಷಧಕಾರಕಃ ।
ಕರಪಂಕಜಸನ್ನದ್ಧಧನುಶ್ಚ ಕರುಣಾನಿಧಿಃ ॥ 25 ॥
ಕಾಲಃ ಕಠಿನಚಿತ್ತಶ್ಚ ಕಾಲಮೇಘಸಮಪ್ರಭಃ ।
ಕಿರೀಟೀ ಕರ್ಮಕೃತ್ ಕಾರಯಿತಾ ಕಾಲಸಹೋದರಃ ॥ 26 ॥
ಕಾಲಾಮ್ಬರಃ ಕಾಕವಾಹಃ ಕರ್ಮಠಃ ಕಾಶ್ಯಪಾನ್ವಯಃ ।
ಕಾಲಚಕ್ರಪ್ರಭೇದೀ ಚ ಕಾಲರೂಪೀ ಚ ಕಾರಣಃ ॥ 27 ॥
ಕಾರಿಮೂರ್ತಿಃ ಕಾಲಭರ್ತಾ ಕಿರೀಟಮಕುಟೋಜ್ವಲಃ ।
ಕಾರ್ಯಕಾರಣ ಕಾಲಜ್ಞಃ ಕಾಂಚನಾಭರಥಾನ್ವಿತಃ ॥ 28 ॥
ಕಾಲದಂಷ್ಟ್ರಃ ಕ್ರೋಧರೂಪಃ ಕರಾಳೀ ಕೃಷ್ಣಕೇತನಃ ।
ಕಾಲಾತ್ಮಾ ಕಾಲಕರ್ತಾ ಚ ಕೃತಾನ್ತಃ ಕೃಷ್ಣಗೋಪ್ರಿಯಃ ॥ 29 ॥
ಕಾಲಾಗ್ನಿರುದ್ರರೂಪಶ್ಚ ಕಾಶ್ಯಪಾತ್ಮಜಸಮ್ಭವಃ ।
ಕೃಷ್ಣವರ್ಣಹಯಶ್ಚೈವ ಕೃಷ್ಣಗೋಕ್ಷೀರಸುಪ್ರಿಯಃ ॥ 30 ॥
ಕೃಷ್ಣಗೋಘೃತಸುಪ್ರೀತಃ ಕೃಷ್ಣಗೋದಧಿಷುಪ್ರಿಯಃ ।
ಕೃಷ್ಣಗಾವೈಕಚಿತ್ತಶ್ಚ ಕೃಷ್ಣಗೋದಾನಸುಪ್ರಿಯಃ ॥ 31 ॥
ಕೃಷ್ಣಗೋದತ್ತಹೃದಯಃ ಕೃಷ್ಣಗೋರಕ್ಷಣಪ್ರಿಯಃ ।
ಕೃಷ್ಣಗೋಗ್ರಾಸಚಿತ್ತಸ್ಯ ಸರ್ವಪೀಡಾನಿವಾರಕಃ ॥ 32 ॥
ಕೃಷ್ಣಗೋದಾನ ಶಾನ್ತಸ್ಯ ಸರ್ವಶಾನ್ತಿ ಫಲಪ್ರದಃ ।
ಕೃಷ್ಣಗೋಸ್ನಾನ ಕಾಮಸ್ಯ ಗಂಗಾಸ್ನಾನ ಫಲಪ್ರದಃ ॥ 33 ॥
ಕೃಷ್ಣಗೋರಕ್ಷಣಸ್ಯಾಶು ಸರ್ವಾಭೀಷ್ಟಫಲಪ್ರದಃ ।
ಕೃಷ್ಣಗಾವಪ್ರಿಯಶ್ಚೈವ ಕಪಿಲಾಪಶುಷು ಪ್ರಿಯಃ ॥ 34 ॥
ಕಪಿಲಾಕ್ಷೀರಪಾನಸ್ಯ ಸೋಮಪಾನಫಲಪ್ರದಃ ।
ಕಪಿಲಾದಾನಸುಪ್ರೀತಃ ಕಪಿಲಾಜ್ಯಹುತಪ್ರಿಯಃ ॥ 35 ॥
ಕೃಷ್ಣಶ್ಚ ಕೃತ್ತಿಕಾನ್ತಸ್ಥಃ ಕೃಷ್ಣಗೋವತ್ಸಸುಪ್ರಿಯಃ ।
ಕೃಷ್ಣಮಾಲ್ಯಾಮ್ಬರಧರಃ ಕೃಷ್ಣವರ್ಣತನೂರುಹಃ ॥ 36 ॥
ಕೃಷ್ಣಕೇತುಃ ಕೃಶಕೃಷ್ಣದೇಹಃ ಕೃಷ್ಣಾಮ್ಬರಪ್ರಿಯಃ ।
ಕ್ರೂರಚೇಷ್ಟಃ ಕ್ರೂರಭಾವಃ ಕ್ರೂರದಂಷ್ಟ್ರಃ ಕುರೂಪಿ ಚ ॥ 37 ॥
ಕಮಲಾಪತಿ ಸಂಸೇವ್ಯಃ ಕಮಲೋದ್ಭವಪೂಜಿತಃ ।
ಕಾಮಿತಾರ್ಥಪ್ರದಃ ಕಾಮಧೇನು ಪೂಜನಸುಪ್ರಿಯಃ ॥ 38 ॥
ಕಾಮಧೇನುಸಮಾರಾಧ್ಯಃ ಕೃಪಾಯುಷ ವಿವರ್ಧನಃ ।
ಕಾಮಧೇನ್ವೈಕಚಿತ್ತಶ್ಚ ಕೃಪರಾಜ ಸುಪೂಜಿತಃ ॥ 39 ॥
ಕಾಮದೋಗ್ಧಾ ಚ ಕ್ರುದ್ಧಶ್ಚ ಕುರುವಂಶಸುಪೂಜಿತಃ ।
ಕೃಷ್ಣಾಂಗಮಹಿಷೀದೋಗ್ಧಾ ಕೃಷ್ಣೇನ ಕೃತಪೂಜನಃ ॥ 40 ॥
ಕೃಷ್ಣಾಂಗಮಹಿಷೀದಾನಪ್ರಿಯಃ ಕೋಣಸ್ಥ ಏವ ಚ ।
ಕೃಷ್ಣಾಂಗಮಹಿಷೀದಾನಲೋಲುಪಃ ಕಾಮಪೂಜಿತಃ ॥ 41 ॥
ಕ್ರೂರಾವಲೋಕನಾತ್ಸರ್ವನಾಶಃ ಕೃಷ್ಣಾಂಗದಪ್ರಿಯಃ ।
ಖದ್ಯೋತಃ ಖಂಡನಃ ಖಡ್ಗಧರಃ ಖೇಚರಪೂಜಿತಃ ॥ 42 ॥
ಖರಾಂಶುತನಯಶ್ಚೈವ ಖಗಾನಾಂ ಪತಿವಾಹನಃ ।
ಗೋಸವಾಸಕ್ತಹೃದಯೋ ಗೋಚರಸ್ಥಾನದೋಷಹೃತ್ ॥ 43 ॥
ಗೃಹರಾಶ್ಯಾಧಿಪಶ್ಚೈವ ಗೃಹರಾಜ ಮಹಾಬಲಃ ।
ಗೃಧ್ರವಾಹೋ ಗೃಹಪತಿರ್ಗೋಚರೋ ಗಾನಲೋಲುಪಃ ॥ 44 ॥
ಘೋರೋ ಘರ್ಮೋ ಘನತಮಾ ಘರ್ಮೀ ಘನಕೃಪಾನ್ವಿತಃ ।
ಘನನೀಲಾಮ್ಬರಧರೋ ಙಾದಿವರ್ಣ ಸುಸಂಜ್ಞಿತಃ ॥ 45 ॥
ಚಕ್ರವರ್ತಿಸಮಾರಾಧ್ಯಶ್ಚನ್ದ್ರಮತ್ಯಾ ಸಮರ್ಚಿತಃ ।
ಚನ್ದ್ರಮತ್ಯಾರ್ತಿಹಾರೀ ಚ ಚರಾಚರ ಸುಖಪ್ರದಃ ॥ 46 ॥
ಚತುರ್ಭುಜಶ್ಚಾಪಹಸ್ತಶ್ಚರಾಚರಹಿತಪ್ರದಃ ।
ಛಾಯಾಪುತ್ರಶ್ಛತ್ರಧರಶ್ಛಾಯಾದೇವೀಸುತಸ್ತಥಾ ॥ 47 ॥
ಜಯಪ್ರದೋ ಜಗನ್ನೀಲೋ ಜಪತಾಂ ಸರ್ವಸಿದ್ಧಿದಃ ।
ಜಪವಿಧ್ವಸ್ತವಿಮುಖೋ ಜಮ್ಭಾರಿಪರಿಪೂಜಿತಃ ॥ 48 ॥
ಜಮ್ಭಾರಿವನ್ದ್ಯೋ ಜಯದೋ ಜಗಜ್ಜನಮನೋಹರಃ ।
ಜಗತ್ತ್ರಯಪ್ರಕುಪಿತೋ ಜಗತ್ತ್ರಾಣಪರಾಯಣಃ ॥ 49 ॥
ಜಯೋ ಜಯಪ್ರದಶ್ಚೈವ ಜಗದಾನನ್ದಕಾರಕಃ ।
ಜ್ಯೋತಿಶ್ಚ ಜ್ಯೋತಿಷಾಂ ಶ್ರೇಷ್ಠೋ ಜ್ಯೋತಿಃಶಾಸ್ತ್ರ ಪ್ರವರ್ತಕಃ ॥ 50 ॥
ಝರ್ಝರೀಕೃತದೇಹಶ್ಚ ಝಲ್ಲರೀವಾದ್ಯಸುಪ್ರಿಯಃ ।
ಜ್ಞಾನಮೂರ್ತಿರ್ಜ್ಞಾನಗಮ್ಯೋ ಜ್ಞಾನೀ ಜ್ಞಾನಮಹಾನಿಧಿಃ ॥ 51 ॥
ಜ್ಞಾನಪ್ರಬೋಧಕಶ್ಚೈವ ಜ್ಞಾನದೃಷ್ಟ್ಯಾವಲೋಕಿತಃ ।
ಟಂಕಿತಾಖಿಲಲೋಕಶ್ಚ ಟಂಕಿತೈನಸ್ತಮೋರವಿಃ ॥ 52 ॥
ಟಂಕಾರಕಾರಕಶ್ಚೈವ ಟಂಕೃತೋ ಟಾಮ್ಭದಪ್ರಿಯಃ ।
ಠಕಾರಮಯ ಸರ್ವಸ್ವಷ್ಠಕಾರಕೃತಪೂಜಿತಃ ॥ 53 ॥
ಢಕ್ಕಾವಾದ್ಯಪ್ರೀತಿಕರೋ ಡಮಡ್ಡಮರುಕಪ್ರಿಯಃ ।
ಡಮ್ಬರಪ್ರಭವೋ ಡಮ್ಭೋ ಢಕ್ಕಾನಾದಪ್ರಿಯಂಕರಃ ॥ 54 ॥
ಡಾಕಿನೀ ಶಾಕಿನೀ ಭೂತ ಸರ್ವೋಪದ್ರವಕಾರಕಃ ।
ಡಾಕಿನೀ ಶಾಕಿನೀ ಭೂತ ಸರ್ವೋಪದ್ರವನಾಶಕಃ ॥ 55 ॥
ಢಕಾರರೂಪೋ ಢಾಮ್ಭೀಕೋ ಣಕಾರಜಪಸುಪ್ರಿಯಃ ।
ಣಕಾರಮಯಮನ್ತ್ರಾರ್ಥೋ ಣಕಾರೈಕಶಿರೋಮಣಿಃ ॥ 56 ॥
ಣಕಾರವಚನಾನನ್ದೋ ಣಕಾರಕರುಣಾಮಯಃ ।
ಣಕಾರಮಯ ಸರ್ವಸ್ವೋ ಣಕಾರೈಕಪರಾಯಣಃ ॥ 57 ॥
ತರ್ಜನೀಧೃತಮುದ್ರಶ್ಚ ತಪಸಾಂ ಫಲದಾಯಕಃ ।
ತ್ರಿವಿಕ್ರಮನುತಶ್ಚೈವ ತ್ರಯೀಮಯವಪುರ್ಧರಃ ॥ 58 ॥
ತಪಸ್ವೀ ತಪಸಾ ದಗ್ಧದೇಹಸ್ತಾಮ್ರಾಧರಸ್ತಥಾ ।
ತ್ರಿಕಾಲವೇದಿತವ್ಯಶ್ಚ ತ್ರಿಕಾಲಮತಿತೋಷಿತಃ ॥ 59 ॥
ತುಲೋಚ್ಚಯಸ್ತ್ರಾಸಕರಸ್ತಿಲತೈಲಪ್ರಿಯಸ್ತಥಾ ।
ತಿಲಾನ್ನ ಸನ್ತುಷ್ಟಮನಾಸ್ತಿಲದಾನಪ್ರಿಯಸ್ತಥಾ ॥ 60 ॥
ತಿಲಭಕ್ಷ್ಯಪ್ರಿಯಶ್ಚೈವ ತಿಲಚೂರ್ಣಪ್ರಿಯಸ್ತಥಾ ।
ತಿಲಖಂಡಪ್ರಿಯಶ್ಚೈವ ತಿಲಾಪೂಪಪ್ರಿಯಸ್ತಥಾ ॥ 61 ॥
ತಿಲಹೋಮಪ್ರಿಯಶ್ಚೈವ ತಾಪತ್ರಯನಿವಾರಕಃ ।
ತಿಲತರ್ಪಣಸನ್ತುಷ್ಟಸ್ತಿಲತೈಲಾನ್ನತೋಷಿತಃ ॥ 62 ॥
ತಿಲೈಕದತ್ತಹೃದಯಸ್ತೇಜಸ್ವೀ ತೇಜಸಾನ್ನಿಧಿಃ ।
ತೇಜಸಾದಿತ್ಯಸಂಕಾಶಸ್ತೇಜೋಮಯ ವಪುರ್ಧರಃ ॥ 63 ॥
ತತ್ತ್ವಜ್ಞಸ್ತತ್ತ್ವಗಸ್ತೀವ್ರಸ್ತಪೋರೂಪಸ್ತಪೋಮಯಃ ।
ತುಷ್ಟಿದಸ್ತುಷ್ಟಿಕೃತ್ ತೀಕ್ಷ್ಣಸ್ತ್ರಿಮೂರ್ತಿಸ್ತ್ರಿಗುಣಾತ್ಮಕಃ ॥ 64 ॥
ತಿಲದೀಪಪ್ರಿಯಶ್ಚೈವ ತಸ್ಯ ಪೀಡಾನಿವಾರಕಃ ।
ತಿಲೋತ್ತಮಾಮೇನಕಾದಿನರ್ತನಪ್ರಿಯ ಏವ ಚ ॥ 65 ॥
ತ್ರಿಭಾಗಮಷ್ಟವರ್ಗಶ್ಚ ಸ್ಥೂಲರೋಮಾ ಸ್ಥಿರಸ್ತಥಾ ।
ಸ್ಥಿತಃ ಸ್ಥಾಯೀ ಸ್ಥಾಪಕಶ್ಚ ಸ್ಥೂಲಸೂಕ್ಷ್ಮಪ್ರದರ್ಶಕಃ ॥ 66 ॥
ದಶರಥಾರ್ಚಿತಪಾದಶ್ಚ ದಶರಥಸ್ತೋತ್ರತೋಷಿತಃ ।
ದಶರಥ ಪ್ರಾರ್ಥನಾಕೢಪ್ತ ದುರ್ಭಿಕ್ಷ ವಿನಿವಾರಕಃ ॥ 67 ॥
ದಶರಥ ಪ್ರಾರ್ಥನಾಕೢಪ್ತ ವರದ್ವಯ ಪ್ರದಾಯಕಃ ।
ದಶರಥಸ್ವಾತ್ಮದರ್ಶೀ ಚ ದಶರಥಾಭೀಷ್ಟದಾಯಕಃ ॥ 68 ॥
ದೋರ್ಭಿರ್ಧನುರ್ಧರಶ್ಚೈವ ದೀರ್ಘಶ್ಮಶ್ರುಜಟಾಧರಃ ।
ದಶರಥಸ್ತೋತ್ರವರದೋ ದಶರಥಾಭೀಪ್ಸಿತಪ್ರದಃ ॥ 69 ॥
ದಶರಥಸ್ತೋತ್ರಸನ್ತುಷ್ಟೋ ದಶರಥೇನ ಸುಪೂಜಿತಃ ।
ದ್ವಾದಶಾಷ್ಟಮಜನ್ಮಸ್ಥೋ ದೇವಪುಂಗವಪೂಜಿತಃ ॥ 70 ॥
ದೇವದಾನವದರ್ಪಘ್ನೋ ದಿನಂ ಪ್ರತಿಮುನಿಸ್ತುತಃ ।
ದ್ವಾದಶಸ್ಥೋ ದ್ವಾದಶಾತ್ಮಾ ಸುತೋ ದ್ವಾದಶ ನಾಮಭೃತ್ ॥ 71 ॥
ದ್ವಿತೀಯಸ್ಥೋ ದ್ವಾದಶಾರ್ಕಸೂನುರ್ದೈವಜ್ಞಪೂಜಿತಃ ।
ದೈವಜ್ಞಚಿತ್ತವಾಸೀ ಚ ದಮಯನ್ತ್ಯಾ ಸುಪೂಜಿತಃ ॥ 72 ॥
ದ್ವಾದಶಾಬ್ದಂತು ದುರ್ಭಿಕ್ಷಕಾರೀ ದುಃಸ್ವಪ್ನನಾಶನಃ ।
ದುರಾರಾಧ್ಯೋ ದುರಾಧರ್ಷೋ ದಮಯನ್ತೀ ವರಪ್ರದಃ ॥ 73 ॥
ದುಷ್ಟದೂರೋ ದುರಾಚಾರ ಶಮನೋ ದೋಷವರ್ಜಿತಃ ।
ದುಃಸಹೋ ದೋಷಹನ್ತಾ ಚ ದುರ್ಲಭೋ ದುರ್ಗಮಸ್ತಥಾ ॥ 74 ॥
ದುಃಖಪ್ರದೋ ದುಃಖಹನ್ತಾ ದೀಪ್ತರಂಜಿತ ದಿಙ್ಮುಖಃ ।
ದೀಪ್ಯಮಾನ ಮುಖಾಮ್ಭೋಜೋ ದಮಯನ್ತ್ಯಾಃ ಶಿವಪ್ರದಃ ॥ 75 ॥
ದುರ್ನಿರೀಕ್ಷ್ಯೋ ದೃಷ್ಟಮಾತ್ರ ದೈತ್ಯಮಂಡಲನಾಶಕಃ ।
ದ್ವಿಜದಾನೈಕನಿರತೋ ದ್ವಿಜಾರಾಧನತತ್ಪರಃ ॥ 76 ॥
ದ್ವಿಜಸರ್ವಾರ್ತಿಹಾರೀ ಚ ದ್ವಿಜರಾಜ ಸಮರ್ಚಿತಃ ।
ದ್ವಿಜದಾನೈಕಚಿತ್ತಶ್ಚ ದ್ವಿಜರಾಜ ಪ್ರಿಯಂಕರಃ ॥ 77 ॥
ದ್ವಿಜೋ ದ್ವಿಜಪ್ರಿಯಶ್ಚೈವ ದ್ವಿಜರಾಜೇಷ್ಟದಾಯಕಃ ।
ದ್ವಿಜರೂಪೋ ದ್ವಿಜಶ್ರೇಷ್ಠೋ ದೋಷದೋ ದುಃಸಹೋಽಪಿ ಚ ॥ 78 ॥
ದೇವಾದಿದೇವೋ ದೇವೇಶೋ ದೇವರಾಜ ಸುಪೂಜಿತಃ ।
ದೇವರಾಜೇಷ್ಟ ವರದೋ ದೇವರಾಜ ಪ್ರಿಯಂಕರಃ ॥ 79 ॥
ದೇವಾದಿವನ್ದಿತೋ ದಿವ್ಯತನುರ್ದೇವಶಿಖಾಮಣಿಃ ।
ದೇವಗಾನಪ್ರಿಯಶ್ಚೈವ ದೇವದೇಶಿಕಪುಂಗವಃ ॥ 80 ॥
ದ್ವಿಜಾತ್ಮಜಾಸಮಾರಾಧ್ಯೋ ಧ್ಯೇಯೋ ಧರ್ಮೀ ಧನುರ್ಧರಃ ।
ಧನುಷ್ಮಾನ್ ಧನದಾತಾ ಚ ಧರ್ಮಾಧರ್ಮವಿವರ್ಜಿತಃ ॥ 81 ॥
ಧರ್ಮರೂಪೋ ಧನುರ್ದಿವ್ಯೋ ಧರ್ಮಶಾಸ್ತ್ರಾತ್ಮಚೇತನಃ ।
ಧರ್ಮರಾಜ ಪ್ರಿಯಕರೋ ಧರ್ಮರಾಜ ಸುಪೂಜಿತಃ ॥ 82 ॥
ಧರ್ಮರಾಜೇಷ್ಟವರದೋ ಧರ್ಮಾಭೀಷ್ಟಫಲಪ್ರದಃ ।
ನಿತ್ಯತೃಪ್ತಸ್ವಭಾವಶ್ಚ ನಿತ್ಯಕರ್ಮರತಸ್ತಥಾ ॥ 83 ॥
ನಿಜಪೀಡಾರ್ತಿಹಾರೀ ಚ ನಿಜಭಕ್ತೇಷ್ಟದಾಯಕಃ ।
ನಿರ್ಮಾಸದೇಹೋ ನೀಲಶ್ಚ ನಿಜಸ್ತೋತ್ರ ಬಹುಪ್ರಿಯಃ ॥ 84 ॥
ನಳಸ್ತೋತ್ರ ಪ್ರಿಯಶ್ಚೈವ ನಳರಾಜಸುಪೂಜಿತಃ ।
ನಕ್ಷತ್ರಮಂಡಲಗತೋ ನಮತಾಂ ಪ್ರಿಯಕಾರಕಃ ॥ 85 ॥
ನಿತ್ಯಾರ್ಚಿತಪದಾಮ್ಭೋಜೋ ನಿಜಾಜ್ಞಾ ಪರಿಪಾಲಕಃ ।
ನವಗ್ರಹವರೋ ನೀಲವಪುರ್ನಳಕರಾರ್ಚಿತಃ ॥ 86 ॥
ನಳಪ್ರಿಯಾನನ್ದಿತಶ್ಚ ನಳಕ್ಷೇತ್ರನಿವಾಸಕಃ ।
ನಳಪಾಕ ಪ್ರಿಯಶ್ಚೈವ ನಳಪದ್ಭಂಜನಕ್ಷಮಃ ॥ 87 ॥
ನಳಸರ್ವಾರ್ತಿಹಾರೀ ಚ ನಳೇನಾತ್ಮಾರ್ಥಪೂಜಿತಃ ।
ನಿಪಾಟವೀನಿವಾಸಶ್ಚ ನಳಾಭೀಷ್ಟವರಪ್ರದಃ ॥ 88 ॥
ನಳತೀರ್ಥಸಕೃತ್ ಸ್ನಾನ ಸರ್ವಪೀಡಾನಿವಾರಕಃ ।
ನಳೇಶದರ್ಶನಸ್ಯಾಶು ಸಾಮ್ರಾಜ್ಯಪದವೀಪ್ರದಃ ॥ 89 ॥
ನಕ್ಷತ್ರರಾಶ್ಯಧಿಪಶ್ಚ ನೀಲಧ್ವಜವಿರಾಜಿತಃ ।
ನಿತ್ಯಯೋಗರತಶ್ಚೈವ ನವರತ್ನವಿಭೂಷಿತಃ ॥ 90 ॥
ನವಧಾ ಭಜ್ಯದೇಹಶ್ಚ ನವೀಕೃತಜಗತ್ತ್ರಯಃ ।
ನವಗ್ರಹಾಧಿಪಶ್ಚೈವ ನವಾಕ್ಷರಜಪಪ್ರಿಯಃ ॥ 91 ॥
ನವಾತ್ಮಾ ನವಚಕ್ರಾತ್ಮಾ ನವತತ್ತ್ವಾಧಿಪಸ್ತಥಾ ।
ನವೋದನ ಪ್ರಿಯಶ್ಚೈವ ನವಧಾನ್ಯಪ್ರಿಯಸ್ತಥಾ ॥ 92 ॥
ನಿಷ್ಕಂಟಕೋ ನಿಸ್ಪೃಹಶ್ಚ ನಿರಪೇಕ್ಷೋ ನಿರಾಮಯಃ ।
ನಾಗರಾಜಾರ್ಚಿತಪದೋ ನಾಗರಾಜಪ್ರಿಯಂಕರಃ ॥ 93 ॥
ನಾಗರಾಜೇಷ್ಟವರದೋ ನಾಗಾಭರಣ ಭೂಷಿತಃ ।
ನಾಗೇನ್ದ್ರಗಾನ ನಿರತೋ ನಾನಾಭರಣಭೂಷಿತಃ ॥ 94 ॥
ನವಮಿತ್ರ ಸ್ವರೂಪಶ್ಚ ನಾನಾಶ್ಚರ್ಯವಿಧಾಯಕಃ ।
ನಾನಾದ್ವೀಪಾಧಿಕರ್ತಾ ಚ ನಾನಾಲಿಪಿಸಮಾವೃತಃ ॥ 95 ॥
ನಾನಾರೂಪ ಜಗತ್ ಸ್ರಷ್ಟಾ ನಾನಾರೂಪಜನಾಶ್ರಯಃ ।
ನಾನಾಲೋಕಾಧಿಪಶ್ಚೈವ ನಾನಾಭಾಷಾಪ್ರಿಯಸ್ತಥಾ ॥ 96 ॥
ನಾನಾರೂಪಾಧಿಕಾರೀ ಚ ನವರತ್ನಪ್ರಿಯಸ್ತಥಾ ।
ನಾನಾವಿಚಿತ್ರವೇಷಾಢ್ಯೋ ನಾನಾಚಿತ್ರ ವಿಧಾಯಕಃ ॥ 97 ॥
ನೀಲಜೀಮೂತಸಂಕಾಶೋ ನೀಲಮೇಘಸಮಪ್ರಭಃ ।
ನೀಲಾಂಜನಚಯಪ್ರಖ್ಯೋ ನೀಲವಸ್ತ್ರಧರಪ್ರಿಯಃ ॥ 98 ॥
ನೀಚಭಾಷಾ ಪ್ರಚಾರಜ್ಞೋ ನೀಚೇ ಸ್ವಲ್ಪಫಲಪ್ರದಃ ।
ನಾನಾಗಮ ವಿಧಾನಜ್ಞೋ ನಾನಾನೃಪಸಮಾವೃತಃ ॥ 99 ॥
ನಾನಾವರ್ಣಾಕೃತಿಶ್ಚೈವ ನಾನಾವರ್ಣಸ್ವರಾರ್ತವಃ ।
ನಾಗಲೋಕಾನ್ತವಾಸೀ ಚ ನಕ್ಷತ್ರತ್ರಯಸಂಯುತಃ ॥ 100 ॥
ನಭಾದಿಲೋಕಸಮ್ಭೂತೋ ನಾಮಸ್ತೋತ್ರಬಹುಪ್ರಿಯಃ ।
ನಾಮಪಾರಾಯಣಪ್ರೀತೋ ನಾಮಾರ್ಚನವರಪ್ರದಃ ॥ 101 ॥
ನಾಮಸ್ತೋತ್ರೈಕಚಿತ್ತಶ್ಚ ನಾನಾರೋಗಾರ್ತಿಭಂಜನಃ ।
ನವಗ್ರಹಸಮಾರಾಧ್ಯೋ ನವಗ್ರಹ ಭಯಾಪಹಃ ॥ 102 ॥
ನವಗ್ರಹಸುಸಮ್ಪೂಜ್ಯೋ ನಾನಾವೇದ ಸುರಕ್ಷಕಃ ।
ನವಗ್ರಹಾಧಿರಾಜಶ್ಚ ನವಗ್ರಹಜಪಪ್ರಿಯಃ ॥ 103 ॥
ನವಗ್ರಹಮಯಜ್ಯೋತಿರ್ನವಗ್ರಹ ವರಪ್ರದಃ ।
ನವಗ್ರಹಾಣಾಮಧಿಪೋ ನವಗ್ರಹ ಸುಪೀಡಿತಃ ॥ 104 ॥
ನವಗ್ರಹಾಧೀಶ್ವರಶ್ಚ ನವಮಾಣಿಕ್ಯಶೋಭಿತಃ ।
ಪರಮಾತ್ಮಾ ಪರಬ್ರಹ್ಮ ಪರಮೈಶ್ವರ್ಯಕಾರಣಃ ॥ 105 ॥
ಪ್ರಪನ್ನಭಯಹಾರೀ ಚ ಪ್ರಮತ್ತಾಸುರಶಿಕ್ಷಕಃ ।
ಪ್ರಾಸಹಸ್ತಃ ಪಂಗುಪಾದಃ ಪ್ರಕಾಶಾತ್ಮಾ ಪ್ರತಾಪವಾನ್ ॥ 106 ॥
ಪಾವನಃ ಪರಿಶುದ್ಧಾತ್ಮಾ ಪುತ್ರಪೌತ್ರ ಪ್ರವರ್ಧನಃ ।
ಪ್ರಸನ್ನಾತ್ಸರ್ವಸುಖದಃ ಪ್ರಸನ್ನೇಕ್ಷಣ ಏವ ಚ ॥ 107 ॥
ಪ್ರಜಾಪತ್ಯಃ ಪ್ರಿಯಕರಃ ಪ್ರಣತೇಪ್ಸಿತರಾಜ್ಯದಃ ।
ಪ್ರಜಾನಾಂ ಜೀವಹೇತುಶ್ಚ ಪ್ರಾಣಿನಾಂ ಪರಿಪಾಲಕಃ ॥ 108 ॥
ಪ್ರಾಣರೂಪೀ ಪ್ರಾಣಧಾರೀ ಪ್ರಜಾನಾಂ ಹಿತಕಾರಕಃ ।
ಪ್ರಾಜ್ಞಃ ಪ್ರಶಾನ್ತಃ ಪ್ರಜ್ಞಾವಾನ್ ಪ್ರಜಾರಕ್ಷಣದೀಕ್ಷಿತಃ ॥ 109 ॥
ಪ್ರಾವೃಷೇಣ್ಯಃ ಪ್ರಾಣಕಾರೀ ಪ್ರಸನ್ನೋತ್ಸವವನ್ದಿತಃ ।
ಪ್ರಜ್ಞಾನಿವಾಸಹೇತುಶ್ಚ ಪುರುಷಾರ್ಥೈಕಸಾಧನಃ ॥ 110 ॥
ಪ್ರಜಾಕರಃ ಪ್ರಾತಿಕೂಲ್ಯಃ ಪಿಂಗಳಾಕ್ಷಃ ಪ್ರಸನ್ನಧೀಃ ।
ಪ್ರಪಂಚಾತ್ಮಾ ಪ್ರಸವಿತಾ ಪುರಾಣ ಪುರುಷೋತ್ತಮಃ ॥ 111 ॥
ಪುರಾಣ ಪುರುಷಶ್ಚೈವ ಪುರುಹೂತಃ ಪ್ರಪಂಚಧೃತ್ ।
ಪ್ರತಿಷ್ಠಿತಃ ಪ್ರೀತಿಕರಃ ಪ್ರಿಯಕಾರೀ ಪ್ರಯೋಜನಃ ॥ 112 ॥
ಪ್ರೀತಿಮಾನ್ ಪ್ರವರಸ್ತುತ್ಯಃ ಪುರೂರವಸಮರ್ಚಿತಃ ।
ಪ್ರಪಂಚಕಾರೀ ಪುಣ್ಯಶ್ಚ ಪುರುಹೂತ ಸಮರ್ಚಿತಃ ॥ 113 ॥
ಪಾಂಡವಾದಿ ಸುಸಂಸೇವ್ಯಃ ಪ್ರಣವಃ ಪುರುಷಾರ್ಥದಃ ।
ಪಯೋದಸಮವರ್ಣಶ್ಚ ಪಾಂಡುಪುತ್ರಾರ್ತಿಭಂಜನಃ ॥ 114 ॥
ಪಾಂಡುಪುತ್ರೇಷ್ಟದಾತಾ ಚ ಪಾಂಡವಾನಾಂ ಹಿತಂಕರಃ ।
ಪಂಚಪಾಂಡವಪುತ್ರಾಣಾಂ ಸರ್ವಾಭೀಷ್ಟಫಲಪ್ರದಃ ॥ 115 ॥
ಪಂಚಪಾಂಡವಪುತ್ರಾಣಾಂ ಸರ್ವಾರಿಷ್ಟ ನಿವಾರಕಃ ।
ಪಾಂಡುಪುತ್ರಾದ್ಯರ್ಚಿತಶ್ಚ ಪೂರ್ವಜಶ್ಚ ಪ್ರಪಂಚಭೃತ್ ॥ 116 ॥
ಪರಚಕ್ರಪ್ರಭೇದೀ ಚ ಪಾಂಡವೇಷು ವರಪ್ರದಃ ।
ಪರಬ್ರಹ್ಮ ಸ್ವರೂಪಶ್ಚ ಪರಾಜ್ಞಾ ಪರಿವರ್ಜಿತಃ ॥ 117 ॥
ಪರಾತ್ಪರಃ ಪಾಶಹನ್ತಾ ಪರಮಾಣುಃ ಪ್ರಪಂಚಕೃತ್ ।
ಪಾತಂಗೀ ಪುರುಷಾಕಾರಃ ಪರಶಮ್ಭುಸಮುದ್ಭವಃ ॥ 118 ॥
ಪ್ರಸನ್ನಾತ್ಸರ್ವಸುಖದಃ ಪ್ರಪಂಚೋದ್ಭವಸಮ್ಭವಃ ।
ಪ್ರಸನ್ನಃ ಪರಮೋದಾರಃ ಪರಾಹಂಕಾರಭಂಜನಃ ॥ 119 ॥
ಪರಃ ಪರಮಕಾರುಣ್ಯಃ ಪರಬ್ರಹ್ಮಮಯಸ್ತಥಾ ।
ಪ್ರಪನ್ನಭಯಹಾರೀ ಚ ಪ್ರಣತಾರ್ತಿಹರಸ್ತಥಾ ॥ 120 ॥
ಪ್ರಸಾದಕೃತ್ ಪ್ರಪಂಚಶ್ಚ ಪರಾಶಕ್ತಿ ಸಮುದ್ಭವಃ ।
ಪ್ರದಾನಪಾವನಶ್ಚೈವ ಪ್ರಶಾನ್ತಾತ್ಮಾ ಪ್ರಭಾಕರಃ ॥ 121 ॥
ಪ್ರಪಂಚಾತ್ಮಾ ಪ್ರಪಂಚೋಪಶಮನಃ ಪೃಥಿವೀಪತಿಃ ।
ಪರಶುರಾಮ ಸಮಾರಾಧ್ಯಃ ಪರಶುರಾಮವರಪ್ರದಃ ॥ 122 ॥
ಪರಶುರಾಮ ಚಿರಂಜೀವಿಪ್ರದಃ ಪರಮಪಾವನಃ ।
ಪರಮಹಂಸಸ್ವರೂಪಶ್ಚ ಪರಮಹಂಸಸುಪೂಜಿತಃ ॥ 123 ॥
ಪಂಚನಕ್ಷತ್ರಾಧಿಪಶ್ಚ ಪಂಚನಕ್ಷತ್ರಸೇವಿತಃ ।
ಪ್ರಪಂಚ ರಕ್ಷಿತಶ್ಚೈವ ಪ್ರಪಂಚಸ್ಯ ಭಯಂಕರಃ ॥ 124 ॥
ಫಲದಾನಪ್ರಿಯಶ್ಚೈವ ಫಲಹಸ್ತಃ ಫಲಪ್ರದಃ ।
ಫಲಾಭಿಷೇಕಪ್ರಿಯಶ್ಚ ಫಲ್ಗುನಸ್ಯ ವರಪ್ರದಃ ॥ 125 ॥
ಫುಟಚ್ಛಮಿತ ಪಾಪೌಘಃ ಫಲ್ಗುನೇನ ಪ್ರಪೂಜಿತಃ ।
ಫಣಿರಾಜಪ್ರಿಯಶ್ಚೈವ ಫುಲ್ಲಾಮ್ಬುಜ ವಿಲೋಚನಃ ॥ 126 ॥
ಬಲಿಪ್ರಿಯೋ ಬಲೀ ಬಭ್ರುರ್ಬ್ರಹ್ಮವಿಷ್ಣ್ವೀಶ ಕ್ಲೇಶಕೃತ್ ।
ಬ್ರಹ್ಮವಿಷ್ಣ್ವೀಶರೂಪಶ್ಚ ಬ್ರಹ್ಮಶಕ್ರಾದಿದುರ್ಲಭಃ ॥ 127 ॥
ಬಾಸದರ್ಷ್ಟ್ಯಾ ಪ್ರಮೇಯಾಂಗೋ ಬಿಭ್ರತ್ಕವಚಕುಂಡಲಃ ।
ಬಹುಶ್ರುತೋ ಬಹುಮತಿರ್ಬ್ರಹ್ಮಣ್ಯೋ ಬ್ರಾಹ್ಮಣಪ್ರಿಯಃ ॥ 128 ॥
ಬಲಪ್ರಮಥನೋ ಬ್ರಹ್ಮಾ ಬಹುರೂಪೋ ಬಹುಪ್ರದಃ ।
ಬಾಲಾರ್ಕದ್ಯುತಿಮಾನ್ಬಾಲೋ ಬೃಹದ್ವಕ್ಷಾ ಬೃಹತ್ತನುಃ ॥ 129 ॥
ಬ್ರಹ್ಮಾಂಡಭೇದಕೃಚ್ಚೈವ ಭಕ್ತಸರ್ವಾರ್ಥಸಾಧಕಃ ।
ಭವ್ಯೋ ಭೋಕ್ತಾ ಭೀತಿಕೃಚ್ಚ ಭಕ್ತಾನುಗ್ರಹಕಾರಕಃ ॥ 130 ॥
ಭೀಷಣೋ ಭೈಕ್ಷಕಾರೀ ಚ ಭೂಸುರಾದಿ ಸುಪೂಜಿತಃ ।
ಭೋಗಭಾಗ್ಯಪ್ರದಶ್ಚೈವ ಭಸ್ಮೀಕೃತ ಜಗತ್ತ್ರಯಃ ॥ 131 ॥
ಭಯಾನಕೋ ಭಾನುಸೂನುರ್ಭೂತಿಭೂಷಿತ ವಿಗ್ರಹಃ ।
ಭಾಸ್ವದ್ರತೋ ಭಕ್ತಿಮತಾಂ ಸುಲಭೋ ಭ್ರುಕುಟೀಮುಖಃ ॥ 132 ॥
ಭವಭೂತ ಗಣೈಃಸ್ತುತ್ಯೋ ಭೂತಸಂಘಸಮಾವೃತಃ ।
ಭ್ರಾಜಿಷ್ಣುರ್ಭಗವಾನ್ಭೀಮೋ ಭಕ್ತಾಭೀಷ್ಟವರಪ್ರದಃ ॥ 133 ॥
ಭವಭಕ್ತೈಕಚಿತ್ತಶ್ಚ ಭಕ್ತಿಗೀತಸ್ತವೋನ್ಮುಖಃ ।
ಭೂತಸನ್ತೋಷಕಾರೀ ಚ ಭಕ್ತಾನಾಂ ಚಿತ್ತಶೋಧನಃ ॥ 134 ॥
ಭಕ್ತಿಗಮ್ಯೋ ಭಯಹರೋ ಭಾವಜ್ಞೋ ಭಕ್ತಸುಪ್ರಿಯಃ ।
ಭೂತಿದೋ ಭೂತಿಕೃದ್ ಭೋಜ್ಯೋ ಭೂತಾತ್ಮಾ ಭುವನೇಶ್ವರಃ ॥ 135 ॥
ಮನ್ದೋ ಮನ್ದಗತಿಶ್ಚೈವ ಮಾಸಮೇವ ಪ್ರಪೂಜಿತಃ ।
ಮುಚುಕುನ್ದ ಸಮಾರಾಧ್ಯೋ ಮುಚುಕುನ್ದ ವರಪ್ರದಃ ॥ 136 ॥
ಮುಚುಕುನ್ದಾರ್ಚಿತಪದೋ ಮಹಾರೂಪೋ ಮಹಾಯಶಾಃ ।
ಮಹಾಭೋಗೀ ಮಹಾಯೋಗೀ ಮಹಾಕಾಯೋ ಮಹಾಪ್ರಭುಃ ॥ 137 ॥
ಮಹೇಶೋ ಮಹದೈಶ್ವರ್ಯೋ ಮನ್ದಾರ ಕುಸುಮಪ್ರಿಯಃ ।
ಮಹಾಕ್ರತುರ್ಮಹಾಮಾನೀ ಮಹಾಧೀರೋ ಮಹಾಜಯಃ ॥ 138 ॥
ಮಹಾವೀರೋ ಮಹಾಶಾನ್ತೋ ಮಂಡಲಸ್ಥೋ ಮಹಾದ್ಯುತಿಃ ।
ಮಹಾಸುತೋ ಮಹೋದಾರೋ ಮಹನೀಯೋ ಮಹೋದಯಃ ॥ 139 ॥
ಮೈಥಿಲೀವರದಾಯೀ ಚ ಮಾರ್ತಾಂಡಸ್ಯ ದ್ವಿತೀಯಜಃ ।
ಮೈಥಿಲೀಪ್ರಾರ್ಥನಾಕೢಪ್ತ ದಶಕಂಠ ಶಿರೋಪಹೃತ್ ॥ 140 ॥
ಮರಾಮರಹರಾರಾಧ್ಯೋ ಮಹೇನ್ದ್ರಾದಿ ಸುರಾರ್ಚಿತಃ ।
ಮಹಾರಥೋ ಮಹಾವೇಗೋ ಮಣಿರತ್ನವಿಭೂಷಿತಃ ॥ 141 ॥
ಮೇಷನೀಚೋ ಮಹಾಘೋರೋ ಮಹಾಸೌರಿರ್ಮನುಪ್ರಿಯಃ ।
ಮಹಾದೀರ್ಘೋ ಮಹಾಗ್ರಾಸೋ ಮಹದೈಶ್ವರ್ಯದಾಯಕಃ ॥ 142 ॥
ಮಹಾಶುಷ್ಕೋ ಮಹಾರೌದ್ರೋ ಮುಕ್ತಿಮಾರ್ಗ ಪ್ರದರ್ಶಕಃ ।
ಮಕರಕುಮ್ಭಾಧಿಪಶ್ಚೈವ ಮೃಕಂಡುತನಯಾರ್ಚಿತಃ ॥ 143 ॥
ಮನ್ತ್ರಾಧಿಷ್ಠಾನರೂಪಶ್ಚ ಮಲ್ಲಿಕಾಕುಸುಮಪ್ರಿಯಃ ।
ಮಹಾಮನ್ತ್ರ ಸ್ವರೂಪಶ್ಚ ಮಹಾಯನ್ತ್ರಸ್ಥಿತಸ್ತಥಾ ॥ 144 ॥
ಮಹಾಪ್ರಕಾಶದಿವ್ಯಾತ್ಮಾ ಮಹಾದೇವಪ್ರಿಯಸ್ತಥಾ ।
ಮಹಾಬಲಿ ಸಮಾರಾಧ್ಯೋ ಮಹರ್ಷಿಗಣಪೂಜಿತಃ ॥ 145 ॥
ಮನ್ದಚಾರೀ ಮಹಾಮಾಯೀ ಮಾಷದಾನಪ್ರಿಯಸ್ತಥಾ ।
ಮಾಷೋದನ ಪ್ರೀತಚಿತ್ತೋ ಮಹಾಶಕ್ತಿರ್ಮಹಾಗುಣಃ ॥ 146 ॥
ಯಶಸ್ಕರೋ ಯೋಗದಾತಾ ಯಜ್ಞಾಂಗೋಽಪಿ ಯುಗನ್ಧರಃ ।
ಯೋಗೀ ಯೋಗ್ಯಶ್ಚ ಯಾಮ್ಯಶ್ಚ ಯೋಗರೂಪೀ ಯುಗಾಧಿಪಃ ॥ 147 ॥
ಯಜ್ಞಭೃದ್ ಯಜಮಾನಶ್ಚ ಯೋಗೋ ಯೋಗವಿದಾಂ ವರಃ ।
ಯಕ್ಷರಾಕ್ಷಸವೇತಾಳ ಕೂಷ್ಮಾಂಡಾದಿಪ್ರಪೂಜಿತಃ ॥ 148 ॥
ಯಮಪ್ರತ್ಯಧಿದೇವಶ್ಚ ಯುಗಪದ್ ಭೋಗದಾಯಕಃ ।
ಯೋಗಪ್ರಿಯೋ ಯೋಗಯುಕ್ತೋ ಯಜ್ಞರೂಪೋ ಯುಗಾನ್ತಕೃತ್ ॥ 149 ॥
ರಘುವಂಶ ಸಮಾರಾಧ್ಯೋ ರೌದ್ರೋ ರೌದ್ರಾಕೃತಿಸ್ತಥಾ ।
ರಘುನನ್ದನ ಸಲ್ಲಾಪೋ ರಘುಪ್ರೋಕ್ತ ಜಪಪ್ರಿಯಃ ॥ 150 ॥
ರೌದ್ರರೂಪೀ ರಥಾರೂಢೋ ರಾಘವೇಷ್ಟ ವರಪ್ರದಃ ।
ರಥೀ ರೌದ್ರಾಧಿಕಾರೀ ಚ ರಾಘವೇಣ ಸಮರ್ಚಿತಃ ॥ 151 ॥
ರೋಷಾತ್ಸರ್ವಸ್ವಹಾರೀ ಚ ರಾಘವೇಣ ಸುಪೂಜಿತಃ ।
ರಾಶಿದ್ವಯಾಧಿಪಶ್ಚೈವ ರಘುಭಿಃ ಪರಿಪೂಜಿತಃ ॥ 152 ॥
ರಾಜ್ಯಭೂಪಾಕರಶ್ಚೈವ ರಾಜರಾಜೇನ್ದ್ರ ವನ್ದಿತಃ ।
ರತ್ನಕೇಯೂರಭೂಷಾಢ್ಯೋ ರಮಾನನ್ದನವನ್ದಿತಃ ॥ 153 ॥
ರಘುಪೌರುಷಸನ್ತುಷ್ಟೋ ರಘುಸ್ತೋತ್ರಬಹುಪ್ರಿಯಃ ।
ರಘುವಂಶನೃಪೈಃಪೂಜ್ಯೋ ರಣನ್ಮಂಜೀರನೂಪುರಃ ॥ 154 ॥
ರವಿನನ್ದನ ರಾಜೇನ್ದ್ರೋ ರಘುವಂಶಪ್ರಿಯಸ್ತಥಾ ।
ಲೋಹಜಪ್ರತಿಮಾದಾನಪ್ರಿಯೋ ಲಾವಣ್ಯವಿಗ್ರಹಃ ॥ 155 ॥
ಲೋಕಚೂಡಾಮಣಿಶ್ಚೈವ ಲಕ್ಷ್ಮೀವಾಣೀಸ್ತುತಿಪ್ರಿಯಃ ।
ಲೋಕರಕ್ಷೋ ಲೋಕಶಿಕ್ಷೋ ಲೋಕಲೋಚನರಂಜಿತಃ ॥ 156 ॥
ಲೋಕಾಧ್ಯಕ್ಷೋ ಲೋಕವನ್ದ್ಯೋ ಲಕ್ಷ್ಮಣಾಗ್ರಜಪೂಜಿತಃ ।
ವೇದವೇದ್ಯೋ ವಜ್ರದೇಹೋ ವಜ್ರಾಂಕುಶಧರಸ್ತಥಾ ॥ 157 ॥
ವಿಶ್ವವನ್ದ್ಯೋ ವಿರೂಪಾಕ್ಷೋ ವಿಮಲಾಂಗವಿರಾಜಿತಃ ।
ವಿಶ್ವಸ್ಥೋ ವಾಯಸಾರೂಢೋ ವಿಶೇಷಸುಖಕಾರಕಃ ॥ 158 ॥
ವಿಶ್ವರೂಪೀ ವಿಶ್ವಗೋಪ್ತಾ ವಿಭಾವಸು ಸುತಸ್ತಥಾ ।
ವಿಪ್ರಪ್ರಿಯೋ ವಿಪ್ರರೂಪೋ ವಿಪ್ರಾರಾಧನ ತತ್ಪರಃ ॥ 159 ॥
ವಿಶಾಲನೇತ್ರೋ ವಿಶಿಖೋ ವಿಪ್ರದಾನಬಹುಪ್ರಿಯಃ ।
ವಿಶ್ವಸೃಷ್ಟಿ ಸಮುದ್ಭೂತೋ ವೈಶ್ವಾನರಸಮದ್ಯುತಿಃ ॥ 160 ॥
ವಿಷ್ಣುರ್ವಿರಿಂಚಿರ್ವಿಶ್ವೇಶೋ ವಿಶ್ವಕರ್ತಾ ವಿಶಾಮ್ಪತಿಃ ।
ವಿರಾಡಾಧಾರಚಕ್ರಸ್ಥೋ ವಿಶ್ವಭುಗ್ವಿಶ್ವಭಾವನಃ ॥ 161 ॥
ವಿಶ್ವವ್ಯಾಪಾರಹೇತುಶ್ಚ ವಕ್ರಕ್ರೂರವಿವರ್ಜಿತಃ ।
ವಿಶ್ವೋದ್ಭವೋ ವಿಶ್ವಕರ್ಮಾ ವಿಶ್ವಸೃಷ್ಟಿ ವಿನಾಯಕಃ ॥ 162 ॥
ವಿಶ್ವಮೂಲನಿವಾಸೀ ಚ ವಿಶ್ವಚಿತ್ರವಿಧಾಯಕಃ ।
ವಿಶ್ವಾಧಾರವಿಲಾಸೀ ಚ ವ್ಯಾಸೇನ ಕೃತಪೂಜಿತಃ ॥ 163 ॥
ವಿಭೀಷಣೇಷ್ಟವರದೋ ವಾಂಛಿತಾರ್ಥಪ್ರದಾಯಕಃ ।
ವಿಭೀಷಣಸಮಾರಾಧ್ಯೋ ವಿಶೇಷಸುಖದಾಯಕಃ ॥ 164 ॥
ವಿಷಮವ್ಯಯಾಷ್ಟಜನ್ಮಸ್ಥೋಽಪ್ಯೇಕಾದಶಫಲಪ್ರದಃ ।
ವಾಸವಾತ್ಮಜಸುಪ್ರೀತೋ ವಸುದೋ ವಾಸವಾರ್ಚಿತಃ ॥ 165 ॥
ವಿಶ್ವತ್ರಾಣೈಕನಿರತೋ ವಾಙ್ಮನೋತೀತವಿಗ್ರಹಃ ।
ವಿರಾಣ್ಮನ್ದಿರಮೂಲಸ್ಥೋ ವಲೀಮುಖಸುಖಪ್ರದಃ ॥ 166 ॥
ವಿಪಾಶೋ ವಿಗತಾತಂಕೋ ವಿಕಲ್ಪಪರಿವರ್ಜಿತಃ ।
ವರಿಷ್ಠೋ ವರದೋ ವನ್ದ್ಯೋ ವಿಚಿತ್ರಾಂಗೋ ವಿರೋಚನಃ ॥ 167 ॥
ಶುಷ್ಕೋದರಃ ಶುಕ್ಲವಪುಃ ಶಾನ್ತರೂಪೀ ಶನೈಶ್ಚರಃ ।
ಶೂಲೀ ಶರಣ್ಯಃ ಶಾನ್ತಶ್ಚ ಶಿವಾಯಾಮಪ್ರಿಯಂಕರಃ ॥ 168 ॥
ಶಿವಭಕ್ತಿಮತಾಂ ಶ್ರೇಷ್ಠಃ ಶೂಲಪಾಣೀ ಶುಚಿಪ್ರಿಯಃ ।
ಶ್ರುತಿಸ್ಮೃತಿಪುರಾಣಜ್ಞಃ ಶ್ರುತಿಜಾಲಪ್ರಬೋಧಕಃ ॥ 169 ॥
ಶ್ರುತಿಪಾರಗ ಸಮ್ಪೂಜ್ಯಃ ಶ್ರುತಿಶ್ರವಣಲೋಲುಪಃ ।
ಶ್ರುತ್ಯನ್ತರ್ಗತಮರ್ಮಜ್ಞಃ ಶ್ರುತ್ಯೇಷ್ಟವರದಾಯಕಃ ॥ 170 ॥
ಶ್ರುತಿರೂಪಃ ಶ್ರುತಿಪ್ರೀತಃ ಶ್ರುತೀಪ್ಸಿತಫಲಪ್ರದಃ ।
ಶುಚಿಶ್ರುತಃ ಶಾನ್ತಮೂರ್ತಿಃ ಶ್ರುತಿಶ್ರವಣಕೀರ್ತನಃ ॥ 171 ॥
ಶಮೀಮೂಲನಿವಾಸೀ ಚ ಶಮೀಕೃತಫಲಪ್ರದಃ ।
ಶಮೀಕೃತಮಹಾಘೋರಃ ಶರಣಾಗತವತ್ಸಲಃ ॥ 172 ॥
ಶಮೀತರುಸ್ವರೂಪಶ್ಚ ಶಿವಮನ್ತ್ರಜ್ಞಮುಕ್ತಿದಃ ।
ಶಿವಾಗಮೈಕನಿಲಯಃ ಶಿವಮನ್ತ್ರಜಪಪ್ರಿಯಃ ॥ 173 ॥
ಶಮೀಪತ್ರಪ್ರಿಯಶ್ಚೈವ ಶಮೀಪರ್ಣಸಮರ್ಚಿತಃ ।
ಶತೋಪನಿಷದಸ್ತುತ್ಯಃ ಶಾನ್ತ್ಯಾದಿಗುಣಭೂಷಿತಃ ॥ 174 ॥
ಶಾನ್ತ್ಯಾದಿಷಡ್ಗುಣೋಪೇತಃ ಶಂಖವಾದ್ಯಪ್ರಿಯಸ್ತಥಾ ।
ಶ್ಯಾಮರಕ್ತಸಿತಜ್ಯೋತಿಃ ಶುದ್ಧಪಂಚಾಕ್ಷರಪ್ರಿಯಃ ॥ 175 ॥
ಶ್ರೀಹಾಲಾಸ್ಯಕ್ಷೇತ್ರವಾಸೀ ಶ್ರೀಮಾನ್ ಶಕ್ತಿಧರಸ್ತಥಾ ।
ಷೋಡಶದ್ವಯಸಮ್ಪೂರ್ಣಲಕ್ಷಣಃ ಷಣ್ಮುಖಪ್ರಿಯಃ ॥ 176 ॥
ಷಡ್ಗುಣೈಶ್ವರ್ಯಸಂಯುಕ್ತಃ ಷಡಂಗಾವರಣೋಜ್ವಲಃ ।
ಷಡಕ್ಷರಸ್ವರೂಪಶ್ಚ ಷಟ್ಚಕ್ರೋಪರಿ ಸಂಸ್ಥಿತಃ ॥ 177 ॥
ಷೋಡಶೀ ಷೋಡಶಾನ್ತಶ್ಚ ಷಟ್ಶಕ್ತಿವ್ಯಕ್ತಮೂರ್ತಿಮಾನ್ ।
ಷಡ್ಭಾವರಹಿತಶ್ಚೈವ ಷಡಂಗಶ್ರುತಿಪಾರಗಃ ॥ 178 ॥
ಷಟ್ಕೋಣಮಧ್ಯನಿಲಯಃ ಷಟ್ಶಾಸ್ತ್ರಸ್ಮೃತಿಪಾರಗಃ ।
ಸ್ವರ್ಣೇನ್ದ್ರನೀಲಮಕುಟಃ ಸರ್ವಾಭೀಷ್ಟಪ್ರದಾಯಕಃ ॥ 179 ॥
ಸರ್ವಾತ್ಮಾ ಸರ್ವದೋಷಘ್ನಃ ಸರ್ವಗರ್ವಪ್ರಭಂಜನಃ ।
ಸಮಸ್ತಲೋಕಾಭಯದಃ ಸರ್ವದೋಷಾಂಗನಾಶಕಃ ॥ 180 ॥
ಸಮಸ್ತಭಕ್ತಸುಖದಃ ಸರ್ವದೋಷನಿವರ್ತಕಃ ।
ಸರ್ವನಾಶಕ್ಷಮಃ ಸೌಮ್ಯಃ ಸರ್ವಕ್ಲೇಶನಿವಾರಕಃ ॥ 181 ॥
ಸರ್ವಾತ್ಮಾ ಸರ್ವದಾ ತುಷ್ಟಃ ಸರ್ವಪೀಡಾನಿವಾರಕಃ ।
ಸರ್ವರೂಪೀ ಸರ್ವಕರ್ಮಾ ಸರ್ವಜ್ಞಃ ಸರ್ವಕಾರಕಃ ॥ 182 ॥
ಸುಕೃತೀ ಸುಲಭಶ್ಚೈವ ಸರ್ವಾಭೀಷ್ಟಫಲಪ್ರದಃ ।
ಸೂರ್ಯಾತ್ಮಜಃ ಸದಾತುಷ್ಟಃ ಸೂರ್ಯವಂಶಪ್ರದೀಪನಃ ॥ 183 ॥
ಸಪ್ತದ್ವೀಪಾಧಿಪಶ್ಚೈವ ಸುರಾಸುರಭಯಂಕರಃ ।
ಸರ್ವಸಂಕ್ಷೋಭಹಾರೀ ಚ ಸರ್ವಲೋಕಹಿತಂಕರಃ ॥ 184 ॥
ಸರ್ವೌದಾರ್ಯಸ್ವಭಾವಶ್ಚ ಸನ್ತೋಷಾತ್ಸಕಲೇಷ್ಟದಃ ।
ಸಮಸ್ತಋಷಿಭಿಃಸ್ತುತ್ಯಃ ಸಮಸ್ತಗಣಪಾವೃತಃ ॥ 185 ॥
ಸಮಸ್ತಗಣಸಂಸೇವ್ಯಃ ಸರ್ವಾರಿಷ್ಟವಿನಾಶನಃ ।
ಸರ್ವಸೌಖ್ಯಪ್ರದಾತಾ ಚ ಸರ್ವವ್ಯಾಕುಲನಾಶನಃ ॥ 186 ॥
ಸರ್ವಸಂಕ್ಷೋಭಹಾರೀ ಚ ಸರ್ವಾರಿಷ್ಟ ಫಲಪ್ರದಃ ।
ಸರ್ವವ್ಯಾಧಿಪ್ರಶಮನಃ ಸರ್ವಮೃತ್ಯುನಿವಾರಕಃ ॥ 187 ॥
ಸರ್ವಾನುಕೂಲಕಾರೀ ಚ ಸೌನ್ದರ್ಯಮೃದುಭಾಷಿತಃ ।
ಸೌರಾಷ್ಟ್ರದೇಶೋದ್ಭವಶ್ಚ ಸ್ವಕ್ಷೇತ್ರೇಷ್ಟವರಪ್ರದಃ ॥ 188 ॥
ಸೋಮಯಾಜಿ ಸಮಾರಾಧ್ಯಃ ಸೀತಾಭೀಷ್ಟ ವರಪ್ರದಃ ।
ಸುಖಾಸನೋಪವಿಷ್ಟಶ್ಚ ಸದ್ಯಃಪೀಡಾನಿವಾರಕಃ ॥ 189 ॥
ಸೌದಾಮನೀಸನ್ನಿಭಶ್ಚ ಸರ್ವಾನುಲ್ಲಂಘ್ಯಶಾಸನಃ ।
ಸೂರ್ಯಮಂಡಲಸಂಚಾರೀ ಸಂಹಾರಾಸ್ತ್ರನಿಯೋಜಿತಃ ॥ 190 ॥
ಸರ್ವಲೋಕಕ್ಷಯಕರಃ ಸರ್ವಾರಿಷ್ಟವಿಧಾಯಕಃ ।
ಸರ್ವವ್ಯಾಕುಲಕಾರೀ ಚ ಸಹಸ್ರಜಪಸುಪ್ರಿಯಃ ॥ 191 ॥
ಸುಖಾಸನೋಪವಿಷ್ಟಶ್ಚ ಸಂಹಾರಾಸ್ತ್ರಪ್ರದರ್ಶಿತಃ ।
ಸರ್ವಾಲಂಕಾರ ಸಂಯುಕ್ತಕೃಷ್ಣಗೋದಾನಸುಪ್ರಿಯಃ ॥ 192 ॥
ಸುಪ್ರಸನ್ನಃ ಸುರಶ್ರೇಷ್ಠಃ ಸುಘೋಷಃ ಸುಖದಃ ಸುಹೃತ್ ।
ಸಿದ್ಧಾರ್ಥಃ ಸಿದ್ಧಸಂಕಲ್ಪಃ ಸರ್ವಜ್ಞಃ ಸರ್ವದಃ ಸುಖೀ ॥ 193 ॥
ಸುಗ್ರೀವಃ ಸುಧೃತಿಃ ಸಾರಃ ಸುಕುಮಾರಃ ಸುಲೋಚನಃ ।
ಸುವ್ಯಕ್ತಃ ಸಚ್ಚಿದಾನನ್ದಃ ಸುವೀರಃ ಸುಜನಾಶ್ರಯಃ ॥ 194 ॥
ಹರಿಶ್ಚನ್ದ್ರಸಮಾರಾಧ್ಯೋ ಹೇಯೋಪಾದೇಯವರ್ಜಿತಃ ।
ಹರಿಶ್ಚನ್ದ್ರೇಷ್ಟವರದೋ ಹಂಸಮನ್ತ್ರಾದಿ ಸಂಸ್ತುತಃ ॥ 195 ॥
ಹಂಸವಾಹ ಸಮಾರಾಧ್ಯೋ ಹಂಸವಾಹವರಪ್ರದಃ ।
ಹೃದ್ಯೋ ಹೃಷ್ಟೋ ಹರಿಸಖೋ ಹಂಸೋ ಹಂಸಗತಿರ್ಹವಿಃ ॥ 196 ॥
ಹಿರಣ್ಯವರ್ಣೋ ಹಿತಕೃದ್ಧರ್ಷದೋ ಹೇಮಭೂಷಣಃ ।
ಹವಿರ್ಹೋತಾ ಹಂಸಗತಿರ್ಹಂಸಮನ್ತ್ರಾದಿಸಂಸ್ತುತಃ ॥ 197 ॥
ಹನೂಮದರ್ಚಿತಪದೋ ಹಲಧೃತ್ ಪೂಜಿತಃ ಸದಾ ।
ಕ್ಷೇಮದಃ ಕ್ಷೇಮಕೃತ್ಕ್ಷೇಮ್ಯಃ ಕ್ಷೇತ್ರಜ್ಞಃ ಕ್ಷಾಮವರ್ಜಿತಃ ॥ 198 ॥
ಕ್ಷುದ್ರಘ್ನಃ ಕ್ಷಾನ್ತಿದಃ ಕ್ಷೇಮಃ ಕ್ಷಿತಿಭೂಷಃ ಕ್ಷಮಾಶ್ರಯಃ ।
ಕ್ಷಮಾಧರಃ ಕ್ಷಯದ್ವಾರೋ ನಾಮ್ನಾಮಷ್ಟಸಹಸ್ರಕಮ್ ॥ 199 ॥
ವಾಕ್ಯೇನೈಕೇನ ವಕ್ಷ್ಯಾಮಿ ವಾಂಚಿತಾರ್ಥಂ ಪ್ರಯಚ್ಛತಿ ।
ತಸ್ಮಾತ್ಸರ್ವಪ್ರಯತ್ನೇನ ನಿಯಮೇನ ಜಪೇತ್ಸುಧೀಃ ॥ 200 ॥
॥ ಇತಿ ಶನೈಶ್ಚರಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
Also Read 1000 Names of Shanaishchara:
1000 Names of Shri Shanaishchara | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
