Shri Shivakama Sundari Sahasranamastotram Lyrics in Kannada:
॥ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ॥
॥ ಪೂರ್ವಪೀಠಿಕಾ ॥
ಯಸ್ಯಾಸ್ಸರ್ವಂ ಸಮುತ್ಪನ್ನಂ ಚರಾಚರಮಿದಂ ಜಗತ್ ।
ಇದಂ ನಮೋ ನಟೇಶಾನ್ಯೈ ತಸ್ಯೈ ಕಾರುಣ್ಯಮೂರ್ತಯೇ ॥
ಕೈಲಾಸಾದ್ರೌ ಸುಖಾಸೀನಂ ಶಿವಂ ವೇದಾನ್ತಗೋಚರಮ್ ।
ಸರ್ವವಿದ್ಯೇಶ್ವರಂ ಭೂತಿರುದ್ರಾಕ್ಷಾಲಂಕೃತಂ ಪರಮ್ ॥ 1 ॥
ಸರ್ವಲಕ್ಷಣಸಮ್ಪನ್ನಂ ಸನಕಾದಿಮುನೀಡಿತಮ್ ।
ಸಂಸಾರಾರಣ್ಯದಾವಾಗ್ನಿಂ ಯೋಗಿರಾಜಂ ಯತೇನ್ದ್ರಿಯಮ್ ॥ 2 ॥
ಮುಕುಟೇನ್ದುಸುಧಾಪೂರಲಬ್ಧಜೀವಕಶೀರ್ಷಕಮ್ ।
ವ್ಯಾಘ್ರಚರ್ಮಾಮ್ಬರಧರಂ ನೀಲಕಂಠಂ ಕಪರ್ದಿನಮ್ ॥ 3 ॥
ಸವ್ಯಹಸ್ತೇ ವಹ್ನಿಧರಂ ಮನ್ದಸ್ಮಿತಮುಖಾಮ್ಬುಜಮ್ ।
ಢಕ್ಕಾಂ ಚ ದಕ್ಷಿಣೇ ಹಸ್ತೇ ವಹನ್ತಂ ಚ ತ್ರಿಲೋಚನಮ್ ॥ 4 ॥
ಅಭಯಂ ದಕ್ಷಹಸ್ತೇನ ದರ್ಶಯನ್ತಂ ಮನೋಹರಮ್ ।
ಡೋಲಹಸ್ತೇನ ವಾಮೇನ ದರ್ಶಯನ್ತಂ ಪದಾಮ್ಬುಜಮ್ ॥ 5 ॥
ಕುಚಿತಂ ದಕ್ಷಪಾದೇನ ತಿಷ್ಠನ್ತಂ ಮುಸಲೋಪರಿ ।
ಬ್ರಹ್ಮವಿಷ್ಣ್ವಾದಿವಿನುತಂ ವೇದವೇದ್ಯಂ ನಟೇಶ್ವರಮ್ ॥ 6 ॥
ಪ್ರಣಮ್ಯ ಪಾರ್ವತೀ ಗೌರೀ ಪಪ್ರಚ್ಛ ಮುದಿತಾನನಾ ।
ಸರ್ವಲಕ್ಷಣಸಮ್ಪನ್ನಾ ಸರ್ವದಾ ಸರ್ವದಾ ನೃಣಾಮ್ ॥ 7 ॥
ಪಾರ್ವತ್ಯುವಾಚ –
ಶಿವ! ಶಂಕರ! ವಿಶ್ವೇಶ! ಮಹಾದೇವ! ದಯಾನಿಧೇ!
ಸರ್ವಾಸಾಂ ಚೈವ ದೇವೀನಾಂ ನಾಮಸಾಹಸ್ರಮುತ್ತಮಮ್ ॥ 8 ॥
ಪುರಾ ಪ್ರೋಕ್ತಂ ಸದಾನನ್ದ ! ಮಹ್ಯಂ ಶ್ರೀಪತಿಪೂಜಿತ ! ।
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ವದ ಸುನ್ದರ! ॥ 9 ॥
ಸದ್ಯಸ್ಸಮ್ಪತ್ಕರಂ ಪುಣ್ಯಂ ಸರ್ವಪಾಪಪ್ರಣಾಶನಮ್ ।
ಇತ್ಯುಕ್ತ್ವಾ ಪಾರ್ವತೀ ದೇವೀ ತುಷ್ಟಾವ ನಟನೇಶ್ವರಮ್ ॥ 10 ॥
ಸತ್ಯಪ್ರಬೋಧಸುಖಸನ್ತತಿರೂಪ ವಿಶ್ವ –
ಮಾಯೇನ್ದ್ರಜಾಲಿಕವರೇಣ್ಯ ಸಮಸ್ತಸಾಕ್ಷಿನ್ ।
ಸೃಷ್ಟಿಸ್ಥಿತಿಪ್ರಲಯಹೇತುಕವಿಷ್ಣುರುದ್ರ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 11 ॥
ಭೂವಾರಿವಹ್ನಿಪವನಾಮ್ಬರಚನ್ದ್ರಸೂರ್ಯ –
ಯಜ್ವಾಷ್ಟಮೂರ್ತಿವಿಮಲೀಕೃತವಿಗ್ರಹೇದಶ ।
ಸ್ವಾಂಘ್ರ್ಯಮ್ಬುಜದ್ವಯನಿಷಸ್ತಹೃದಾಂ ಪ್ರಸನ್ನ !
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 12 ॥
ಲಿಂಗಾಕೃತೇ ಪಶುಪತೇ ಗಿರಿಜಾಪತೇ ತ್ವಂ
ನಾರಾಯಣೇಶ ಗಿರಿವಾಸ ವಿಧೀಶ ಶಮ್ಭೋ
ಫಾಲಾಕ್ಷ ಶಂಕರ! ಮಹೇಶ್ವರ ಮನ್ಮಥಾರೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 13 ॥
ಶ್ರೀನೀಲಕಂಠ ಶಮನಾನ್ತಕ ಪಂಚವಕ್ತ್ರ
ಪಂಚಾಕ್ಷರಪ್ರಿಯ ಪರಾತ್ಪರ! ವಿಶ್ವವನ್ದ್ಯ ।
ಶ್ರೀಚನ್ದ್ರಚೂಡ ಗಜವಕ್ತ್ರಪಿತಃ ಪರೇಶ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 14 ॥
ಗಂಗಾಧರ ಪ್ರಮಥನಾಥ ಸದಾಶಿವಾರ್ಯಾ –
ಜಾನೇ! ಜಲನ್ಧರರಿಪೋ ಜಗತಾಮಧೀಶ ।
ಶರ್ವೋಗ್ರ ಭರ್ಗ ಮೃಡ ಶಾಶ್ವತ! ಶೂಲಪಾಣೇ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 15 ॥
ಸ್ಥಾಣೋ ತ್ರಿಣೇತ್ರ ಶಿಪಿವಿಷ್ಟ! ಮಹೇಶ! ತಾತ
ನಾರಾಯಣಪ್ರಿಯ ಕುಮಾರಗುರೋ ಕಪರ್ದಿನ್ ।
ಶಮ್ಭೋ! ಗಿರೀಶ! ಶಿವ ಲೋಕಪತೇ! ಪಿನಾಕಿನ್
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 16 ॥
ಖಂಗಾಂಗಿನ್ ಅನ್ಧಕರಿಪೋ ಭವ ಭೀಮ ರುದ್ರ
ದೇವೇಶ! ಖಂಡಪರಶೋ! ಕರುಣಾಮ್ಬುರಾಶೇ ।
ಭಸ್ಮಾಂಗರಾಗ ಪರಮೇಶ್ವರ! ವಿಶ್ವಮೂರ್ತೇ
ಶ್ರೀಮನ್ನಟೇಶ ದೇಹಿ ಕರಾವಲಮ್ಬಮ್ ॥ 17 ॥
ವಿಶ್ವೇಶ್ವರಾತ್ಮಕ ವಿವೇಕಸುಖಾಭಿರಾಮ
ಶ್ರೀವೀರಭದ್ರ! ಮಖಹನ್ತರುಮಾಸಹಾಯ ।
ವೀರೇಶ್ವರೈಣಕರ ಶುಭ್ರವೃಷಾಧಿರೂಢ
ಶ್ರೀಮನ್ನಟೇಶ ಮಮ ದೇಹಿ ಕರಾವಲಮ್ಬಮ್ ॥ 18 ॥
ಏವಂ ಸ್ತುತ್ವಾ ಮಹಾದೇವೀ ಪಂಚಾಂಗಂ ಪ್ರಣನಾಮ ಹ ।
ತತಸ್ತುಷ್ಟೋ ನಟೇಶಶ್ಚ ಪ್ರೋವಾಚ ವಚನಂ ಶುಭಮ್ ॥ 19 ॥
ಏವಮೇವ ಪುರಾ ದೇವೀ ಮಹಾಲಕ್ಷ್ಮೀಃ ಪತಿವ್ರತಾ ।
ಶಂಖಚಕ್ರಗದಾಪಾಣಿಃ ಸರ್ವಲೋಕಹಿತಾವಹಃ ॥ 20 ॥
ಧರ್ಮಸಂಸ್ಥಾಪನಾರ್ಥಾಯಾವತಾರಾನ್ಯುಗೇ ಯುಗೇ ।
ಕರಿಷ್ಯತಿ ಮಹಾ ವಿಷ್ಣುಃ ಮಮ ಭರ್ತಾ ದಶ ಶೃಣು ॥ 21 ॥
ಮತ್ಸ್ಯಃ ಕೂರ್ಮೋ ವರಾಹಶ್ಚ ನಾರಸಿಂಹೋಽಥ ವಾಮನಃ ।
ರಾಮೋ ದಾಶರಥಿಶ್ಚೈವ ರಾಮಃ ಪರಶುಧಾರಕಃ ॥ 22 ॥
ಹಲಭೃತ್ ಬಲರಾಮಶ್ಚ ಕೃಷ್ಣಃ ಕಲ್ಕಿಃ ದಶ ಸ್ಮೃತಾಃ ।
ಅವತಾರೇಷು ದಶಸು ಮದ್ಭರ್ತುರ್ನಾಶಶಂಕಯಾ ॥ 23 ॥
ಪ್ರಾಪ್ತಾ ಭವನ್ತ ಶರಣಂ ಭವಾನೇವ ಪರಾ ಗತಿಃ ।
ಇತ್ಯುಕ್ತ್ವಾ ಚ ಮಹಾಲಕ್ಷ್ಮೀರ್ಭಸ್ತಾನಾಮಿಷ್ಟದಾಯಕಮ್ ॥ 24 ॥
ವೇದಪಾದಸ್ತವಂ ಚಾರು ಮಧುರಂ ಮಧುರಾಕ್ಷರಮ್ ।
ಉಕ್ತ್ವಾ ತುಷ್ಟಾವ ಮುದಿತಾ ನಟೇಶಾನಂ ಮಹೇಶ್ವರಮ್ ॥ 25 ॥
ವಿಘ್ನೇಶ್ವರಂ ವೀತವಿರಾಗಸೇವಿತಮ್
ವಿಧೀನ್ದ್ರವಿಷ್ಣ್ವಾದಿನತಾಂಘ್ರಿಪಂಕಜಮ್ ।
ಸಭಾಸದಾಮಾಶು ಸುಖಾರ್ಥಸಿದ್ಧಿದಂ
ಗಣಾನಾಂ ತ್ವಾಂ ಗಣಪತಿಂ ಹವಾಮಹೇ ॥ 26 ॥
ನಗೇನ್ದ್ರತನಯಾರಮ್ಯಸ್ತನ್ಯಪಾನರತಾನನಮ್ ।
ಮಾಣಿಕ್ಯಕುಂಡಲಧರಂ ಕುಮಾರಂ ಪುಷ್ಕರಸ್ರಜಮ್ ॥ 27 ॥
ನಮಃ ಶಿವಾಯ ಸಾಮ್ಬಾಯ ಸಗಣಾಯ ಸಸೂನವೇ ।
ನಮೋ ಜ್ಞಾನಸಭೇಶಾಯ ದಿಶಾಂ ಚ ಪತಯೇನಮಃ ॥ 28 ॥
ನಮೋ ಬ್ರಹ್ಮಾದಿದೇವಾಯ ವಿಷ್ಣುಕಾನ್ತಾಯ ಶಮ್ಭವೇ ।
ಪೀತಾಮ್ಬರಾಯ ಚ ನಮಃ ಪಶುನಾಂ ಪತಯೇ ನಮಃ ॥ 29 ॥
ಸನ್ಮಾರ್ಗದಾಯ ಶಿಷ್ಟಾನಾಮಾಶ್ರಿತಾನಾಂ ದ್ವಿಜನ್ಮನಾಮ್ ।
ಅಭಕ್ತಾನಾಂ ಮೋಹದಾತ್ರೇ ಪಥೀನಾಂ ಪತಯೇ ನಮಃ ॥ 30 ॥
ಅಪಸ್ಮಾರಮಧಃ ಕೃತ್ಯ ನೃತ್ಯನ್ತಂ ತಸ್ಯ ಪೃಷ್ಠಕೇ ।
ಸರ್ವಾಭರಣರಮ್ಯಂ ತಂ ಪಶ್ಯೇಮ ಶರದಶ್ಶತಮ್ ॥ 31 ॥
ಸುನ್ದರಂ ಸ್ಮೇರವದನಂ ನಟರಾಜಮುಮಾಪತಿಮ್ ।
ಸಮ್ಪೂಜ್ಯ ನೃತ್ಯಪಾದಂ ತೇ ಜೀವೇಮ ಶರದಶ್ಶತಮ್ ॥ 32 ॥
ಕುಭೀನ್ದ್ರದೈತ್ಯಂ ಹತವಾನಿತಿ ಶಮ್ಭುರ್ಜಗತ್ಪತಿಃ ।
ಶ್ರುತ್ವಾ ತೇ ಕೀರ್ತಿಮಮಲಾಂ ನನ್ದಾಮ ಶರದಶ್ಶತಮ್ ॥ 33 ॥
ಮನ್ಮಥಾನ್ಧಕಸಂಹಾರಕಥಾಶ್ರುತಿಮನೋಹರಮ್ ।
ಶ್ರುತ್ವಾ ತೇ ವಿಕ್ರಮಯುತಂ ಮೋದಾಮ ಶರದಶ್ಶತಮ್ ॥ 34 ॥
ಸರ್ವದುಃಖಾನ್ವಿಹಾಯಾಶು ಶಿವ ತೇಽಂಘ್ರಿಯುಗಾಮ್ಬುಜಮ್ ।
ಅರ್ಚಯನ್ತಃ ಸದಾ ಧನ್ಯಾ ಭವಾಮ ಶರದಶ್ಶತಮ್ ॥ 35 ॥
ತ್ವತ್ಕೀರ್ತನಂ ಸದಾ ಭಕ್ತ್ಯಾ ಸರ್ವಕಲ್ಮಷನಾಶನಮ್ ।
ಶಂಕರಾಘಹರ ಸ್ವಾಮಿನ್ ಶೃಣವಾಮ ಶರದಶ್ಶತಮ್ ॥ 36 ॥
ತ್ವಚ್ಚರಿತ್ರಂ ಪವಿತ್ರಂ ಚ ಸರ್ವದಾರಿದ್ರ್ಯನಾಶನಮ್ ।
ಅಸ್ಮತ್ಪುತ್ರಪ್ರಣಪ್ತೄಣಾಂ ಪ್ರಬ್ರವಾಮ ಶರದಶ್ಶತಮ್ ॥ 37 ॥
ತ್ವದ್ಭಕ್ತಕಲ್ಪಕತರುಮಾಶ್ರಯನ್ತಸ್ಸದಾ ವಯಮ್ ।
ಇನ್ದ್ರಿಯಾಘೌಘನಿಚಯೈರಜೀತಾಸ್ಸ್ಯಾಮ ಶರದಶ್ಶತಮ್ ॥ 38 ॥
ಏವಂ ಸ್ತುತ್ವಾ ಮಹಾದೇವೀ ಮಹಾಲಕ್ಷ್ಮೀರ್ಮನೋಹರಾ ।
ಪ್ರಣಮ್ಯ ಚಿತ್ಸಭಾನಾಥಂ ತಿಷ್ಠನ್ತೀ ಮುದಿತಾನನಾ ॥ 39 ॥
ಮನ್ಮಾಂಗಲ್ಯಸ್ಯ ರಕ್ಷಾಯೈ ಮನ್ತ್ರಮೇಕಂ ಮಮಾದಿಶ ।
ತಾಂ ದೃಷ್ಟ್ವಾ ಚ ಮಹಾದೇವಃ ಪ್ರಹಸನ್ನಿದಮಬ್ರವೀತ್ ॥ 40 ॥
ತ್ವಂ ಶೀಘ್ರಂ ಗಚ್ಛ ದೇವೇಶೀಂ ಶಿವಕಾಮಾಂ ಚ ಸುನ್ದರೀಮ್ ।
ತತ್ರ ಗತ್ವಾ ಮಹೇಶಾನೀಂ ಪೂಜಯ ತ್ವಂ ವಿಶೇಷತಃ ॥ 41 ॥
ಸಹಸ್ರಕುಸುಮೈಃ ಪದ್ಮೈಃ ನೈವೇದ್ಯೈಶ್ಚ ಮನೋಹರೈಃ ।
ಇತ್ಯುಕ್ತ್ವಾ ಪರಮಪ್ರೀತೋ ಭಗವಾನ್ಭಕ್ತವತ್ಸಲಃ ॥ 42 ॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರಜಗಾದ ಹ ।
ಉಪದಿಶ್ಯ ಚ ತಾಂ ದೇವೀಂ ಪ್ರೇಷಯಾಮಾಸ ಶಂಕರಃ ॥ 43 ॥
ಲಕ್ಷ್ಮೀರ್ಗತ್ವಾ ಮಹೇಶಾನೀಂ ಶಿವಕಾಮೀಂ ಮುದಾನ್ವಿತಾ ।
ಶಿವೋಕ್ತೇನ ಪ್ರಕಾರೇಣ ಸಹಸ್ರೈಃ ಪಂಕಜೈಃ ಕ್ರಮಾತ್ ॥ 44 ॥
ನಾಮಭಿಶ್ಚ ತ್ರಿತಾರೈಶ್ಚ ಯುಕ್ತ್ವೈಶ್ಚ ಸುಮಹತ್ತರೈಃ ।
ಪೂಜಯಾಮಾಸ ವಿಧಿವತ್ ಶಿವಾಚಿನ್ತನತತ್ಪರಾ ॥ 45 ॥
ತದಾ ಶಿವಃ ಶೋಧನಾಯ ತಸ್ಯಾಃ ಚಿತ್ತಂ ಜಗತ್ಪ್ರಭುಃ ।
ಆನೀತೇಷು ಚ ಪದ್ಮೇಷು ನ್ಯೂನಮೇಕಂ ಚಕಾರ ಹಿ ॥ 46 ॥
ಅತೀವ ದುಃಖಿತಾಲಕ್ಷ್ಮೀಃ ಪೂರ್ತಿಕಾಮೇಚ್ಛಯಾ ಸ್ವಯಮ್ ।
ಅಭಾವಪುಷ್ಪಸಮ್ಪೂರ್ತ್ಯೈ ನೇತ್ರಮುತ್ಪಾಟ್ಯ ವಾಮಕಮ್ ॥ 47 ॥
ಅರ್ಚಯಾಮಾಸ ಲಕ್ಷ್ಮೀಶ್ಚ ಭಕ್ತ್ಯಾ ಪರಮಯಾ ಯುತಾ ।
ದೃಷ್ಟೇವದಂ ಸುನ್ದರೀದೇವೀ ಶಿವಕಾಮಮನೋಹರೀ ॥ 48 ॥
ಪೂರ್ವಸ್ಮಾದಪಿ ಸೌನ್ದರ್ಯಂ ನೇತ್ರಂ ದತ್ವಾಽತಿಹರ್ಷತಃ ।
ತುಷ್ಟಾಽಹಮಿಷ್ಟಂ ವ್ರಿಯತಾಂ ವರಮಿತ್ಯಾಹ ಶಂಕರೀ ॥ 49 ॥
ತದಾ ವವ್ರೇ ಮಹಾಲಕ್ಷ್ಮೀಃ ಸರ್ವಲೋಕಪ್ರಿಯಂಕರಮ್ ।
ಸೌಮಂಗಲ್ಯಂ ಕುರು ಮಮ ದೀರ್ಘಂ ಚ ಭವತು ಧುವಮ್ ।
ತಥಾ ಭವತು ಭದ್ರಂ ತೇ ವಿಷ್ಣುಂ ಗಚ್ಛ ಯಥಾಸುಖಮ್ ॥ 50 ॥
ಇತ್ಯುಕ್ತ್ವಾಽನ್ತರ್ದಧೇ ದೇವೀ ಶಿವಕಾಮೀ ಮಹೇಶ್ವರೀ ।
ಲಕ್ಷ್ಮೀಶ್ಚ ವಿಷ್ಣುಂ ಗತ್ವಾಽಥ ಯಥಾಪೂರ್ವಂ ಸ್ಥಿತೋರಸಿ ॥ 51 ॥
ತಾದೃಶಂ ನಾಮಸಾಹಸ್ರಂ ಶಿವಕಾಮ್ಯಾಃ ಮನೋಹರಮ್ ।
ವದಾಮಿ ಶೃಣು ಹೇ ದೇವೀನಾಮಸಾಹಸ್ರಮುತ್ತಮಮ್ ॥ 52 ॥
ಋಷಿಃ ಛನ್ದೋ ದೇವತಾ ಚ ಬೀಜಂ ಶಕ್ತಿಶ್ಚ ಕೀಲಕಮ್ ।
ಕರಾಂಗನ್ಯಾಸಕೌ ಪೂರ್ವಂ ಸುರಹಸ್ಯಂ ಮಹೇಶ್ವರಿ ॥ 53 ॥
ನಾಮ್ನಾಂ ತ್ರಿಪುರಸುನ್ದರ್ಯಾಃ ಯತ್ಪ್ರೋಸ್ತಂ ತದ್ವದೇವ ಹಿ ।
ಶಿವಕಾಮಸುನ್ದರೀಪ್ರೀತ್ಯೈ ವಿನಿಯೋಗೋ ಜಪೇ ಸ್ಮೃತಃ ॥ 54 ॥
ದಿಗ್ಬನ್ಧಂ ತತೋ ಧ್ಯಾಯೇತ್ ಶಿವಕಾಮೀಂ ಮಹೇಶ್ವರೀಮ್ ।
ತತಶ್ಚ ಪಂಚಪೂಜಾ ಚ ಕರ್ತವ್ಯಾ ಮನುಜಾಪಿನಾ ॥ 55 ॥
ತತಃ ಪರಂ ಸ್ತೋತ್ರಮೇತಜ್ಜಪ್ತವ್ಯಂ ಭದ್ರಕಾಮಿನಾ ।
ಸ್ತೋತ್ರಾನ್ತೇ ಚ ಪ್ರಕರ್ತವ್ಯಮಂಗನ್ಯಾಸಂ ಚ ಪೂರ್ವವತ್ತ್ ॥ 56 ॥
ಕೃತ್ವಾ ಚ ದಿಗ್ವಿಮೋಕಂ ಚ ತತೋಧ್ಯಾಯೇಚ್ಚ ಸುನ್ದರೀಮ್ ।
ಲಮಿತ್ಯಾದಿಮಮನ್ತ್ರೈಶ್ಚ ಪಂಚಪೂಜಾಂ ಚ ಸಂವದೇತ್ ॥ 57 ॥
ಓಂ ಅಸ್ಯ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮಹಾ
ಮನ್ತ್ರಸ್ಯ । ಆನನ್ದಭೈರವದಕ್ಷಿಣಾಮೂರ್ತಿಃ ಋಷಿಃ । ದೇವೀ ಗಾಯತ್ರೀ
ಛನ್ದಃ । ಶ್ರೀಶಿವಕಾಮಸುನ್ದರೀ ದೇವತಾ । ಬೀಜಂ ಶಕ್ತಿಃ ಕೀಲಕಂ
ಕರಾಂಗನ್ಯಾಸೌ ಚ ಶ್ರೀಮಹಾತ್ರಿಪುರಸುನ್ದರೀಮಹಾಮನ್ತ್ರವತ್ ।
॥ ಧ್ಯಾನಮ್ ॥
ಪದ್ಮಸ್ಥಾಂ ಕನಕಪ್ರಭಾಂ ಪರಿಲಸತ್ಪದ್ಮಾಕ್ಷಿಯುಗ್ಮೋತ್ಪಲಾಮ್
ಅಕ್ಷಸ್ರಕ್ಷುಕಶಾರಿಕಾಕಟಿಲಸತ್ ಕಲ್ಹಾರ ಹಸ್ತಾಬ್ಜಿನೀಮ್ ।
ರಕ್ತಸ್ರಕ್ಸುವಿಲೇಪನಾಮ್ಬರಧರಾಂ ರಾಜೀವನೇತ್ರಾರ್ಚಿತಾಂ
ಧ್ಯಾಯೇತ್ ಶ್ರೀಶಿವಕಾಮಕೋಷ್ಠನಿಲಯಾಂ ನೃತ್ತೇಶ್ವರಸ್ಯ ಪ್ರಿಯಾಮ್ ॥
ಮುಕ್ತಾಕುನ್ದೇನ್ದುಗೌರಾಂ ಮಣಿಮಯಮಕುಟಾಂ ರತ್ನತಾಂಟಂಕಯುಕ್ತಾಂ
ಅಕ್ಷಸ್ರಕ್ಪುಷ್ಪಹಸ್ತಾ ಸಶುಕಕಟಿಕರಾಂ ಚನ್ದ್ರಚೂಡಾಂ ತ್ರಿನೇತ್ರೀಮ್ ।
ನಾನಾಲಂಕಾರಯುಕ್ತಾಂ ಸುರಮಕುಟಮಣಿದ್ಯೋತಿತ ಸ್ವರ್ಣಪೀಠಾಂ
ಯಾಸಾಪದ್ಮಾಸನಸ್ಥಾಂ ಶಿವಪದಸಹಿತಾಂ ಸುನ್ದರೀಂ ಚಿನ್ತಯಾಮಿ ॥
ರತ್ನತಾಟಂಕಸಂಯುಕ್ತಾಂ ಸುವರ್ಣಕವಚಾನ್ವಿತಾಮ್ ।
ದಕ್ಷಿಣೋರ್ಧ್ವಕರಾಗ್ರೇಣ ಸ್ವರ್ಣಮಾಲಾಧರಾಂ ಶುಭಾಮ್ ॥
ದಕ್ಷಾಧಃ ಕರಪದ್ಮೇನ ಪುಲ್ಲಕಲ್ಹಾರ ಧಾರಿಣೀಮ್ ।
ವಾಮೇನೋಏಧ್ವಕರಾಬ್ಜೇನ ಶುಕಾರ್ಭಕಧರಾಂ ವರಾಮ್ ।
ಕಟಿದೇಶೇ ವಾಮಹಸ್ತಂ ನ್ಯಸ್ಯನ್ತೀಂ ಚ ಸುದರ್ಶನಾಮ್ ॥
ಶಿವಕಾಮಸುನ್ದರೀಂ ನೌಮಿ ಪ್ರಸನ್ನವದನಾಂ ಶಿವಾಮ್ ।
ಲಮಿತ್ಪಾದಿಪಂಚಪೂಜಾ ॥
॥ ಶ್ರೀ ಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಮ್ ॥
ಓಂ ಐಂ ಹ್ರೀಂ ಶ್ರೀಂ ಅಂ – 1 ॥
ಅಗಣ್ಯಾಽಗಣ್ಯಮಹಿಮಾಽಸುರಪ್ರೇತಾಸನಸ್ಥಿತಾ ।
ಅಜರಾಽಮೃತ್ಯುಜನನಾಽಪ್ಯಕಾಲಾನ್ತಕ ಭೀಕರಾ ॥ 1 ॥
ಅಜಾಽಜಾಂಶಸಮುದ್ಭೂತಾಽಮರಾಲೀವೃತಗೋಪುರಾ ।
ಅತ್ಯುಗ್ರಾಜಿನಟಚ್ಛತ್ರುಕಬನ್ಧಾನೇಕಕೋಟಿಕಾ ॥ 2 ॥
ಅದ್ರಿದುರ್ಗಾಽಣಿಮಾಸಿದ್ಧಿದಾಪಿತೇಷ್ಟಾಮರಾವಲಿಃ ।
ಅನನ್ತಾಽನನ್ಯಸುಲಭಪ್ರಿಯಾಽದ್ಭುತವಿಭೂಷಣಾ ॥ 3 ॥
ಅನೂರುಕರಸಂಕಾಶಾಽಖಂಡಾನನ್ದಸ್ವರೂಪಿಣೀ ।
ಅನ್ಧೀಕೃತದ್ವಿಜಾರಾತಿನೇತ್ರಾಽತ್ಯುಗ್ರಾಟ್ಟಹಾಸಿನೀ ॥ 4 ॥
ಅನ್ನಪೂರ್ಣಾಽಪರಾಽಲಕ್ಷ್ಯಾಽಮ್ಬಿಕಾಽಘವಿನಾಶಿನೀ ।
ಅಪಾರಕರುಣಾಪೂರನಿಭರೇಖಾಂ ಜನಾಕ್ಷಿಣೀ ॥ 5 ॥
ಅಮೃತಾಮ್ಭೋಧಿಮಧ್ಯಸ್ಥಾಽಣಿಮಾಸಿದ್ಧಿಮುಖಾಶ್ರಿತಾ ।
ಅರವಿನ್ದಾಕ್ಷಮಾಲಾಲಿಪಾತ್ರಶೂಲಧರಾಽನಘಾ ॥ 6 ॥
ಅಶ್ವಮೇಧಮಖಾವಾಪ್ತಹವಿಃಪುಜಕೃತಾದರಾ ।
ಅಶ್ವಸೇನಾವೃತಾಽನೇಕಪಾರೂಢಾಽಪ್ಯಗಜನ್ಮಭೂಃ ॥ 7 ॥
ಓಂ ಐಂ ಹ್ರೀಂ ಶ್ರೀಂ ಆಂ – 2 ॥
ಆಕಾಶವಿಗ್ರಹಾಽಽನನ್ದದಾತ್ರೀ ಚಾಜ್ಞಾಬ್ಜಭಾಸುರಾ ।
ಆಚಾರತತ್ಪರಸ್ವಾನ್ತಪದ್ಮಸಂಸ್ಥಾಽಽಢ್ಯಪೂಜಿತಾ ॥ 8 ॥
ಆತ್ಮಾಯತ್ತಜಗಚ್ಚಕ್ರಾ ಚಾತ್ಮಾರಾಮಪರಾಯಣಾ ।
ಆದಿತ್ಯಮಂಡಲಾನ್ತಸ್ಥಾ ಚಾದಿಮಧ್ಯಾನ್ತವರ್ಜಿತಾ ॥ 9 ॥
ಆದ್ಯನ್ತರಹಿತಾಽಚಾರ್ಯಾ ಚಾದಿಕ್ಷಾನ್ತಾರ್ಣರೂಪಿಣೀ ।
ಆದ್ಯಾಽಮಾತ್ಯುನುತಾ ಚಾಜ್ಯಹೋಮಪ್ರೀತಾಽಽವೃತಾಂಗನಾ ॥ 10 ॥
ಆಧಾರಕಮಲಾರೂಢಾ ಚಾಧಾರಾಧೇಯವಿವರ್ಜಿತಾ ।
ಆಧಿಹೀನಾಽಽಸುರೀದುರ್ಗಾಽಽಜಿಸಂಕ್ಷೋಭಿತಾಸುರಾ ॥ 11 ॥
ಆಧೋರಣಾಜ್ಞಾಶುಂಡಾಗ್ರಾಕೃಷ್ಟಾಸುರಗಜಾವೃತಾ ।
ಆಶ್ಚರ್ಯವಿಯಹಾಽಽಚಾರ್ಯಸೇವಿತಾಽಽಗಮಸಂಸ್ತುತಾ ॥ 12 ॥
ಆಶ್ರಿತಾಖಿಲದೇವಾದಿವೃನ್ದರಕ್ಷಣತತ್ಪರಾ ।
ಓಂ ಐಂ ಹ್ರೀಂ ಶ್ರೀಂ ಇಂ – 3 ॥
ಇಚ್ಛಾಜ್ಞಾನಕ್ರಿಯಾಶಕ್ತಿರೂಪೇರಾವತಿಸಂಸ್ತುತಾ ॥ 13 ॥
ಇನ್ದ್ರಾಣೀರಚಿತಶ್ವೇತಚ್ಛತ್ರೇಡಾಭಕ್ಷಣಪ್ರಿಯಾ ।
ಇನ್ದ್ರಾಕ್ಷೀನ್ದ್ರಾರ್ಚಿತೇನ್ದ್ರಾಣೀ ಚೇನ್ದಿರಾಪತಿಸೋದರೀ ॥ 14 ॥
ಇನ್ದಿರೇನ್ದೀವರಶ್ಯಾಮಾ ಚೇರಮ್ಮದಸಮಪ್ರಭಾ ।
ಇಭಕುಮ್ಭಾಭವಕ್ಷೋಜದ್ವಯಾ ಚೇಕ್ಷುಧನುರ್ಧರಾ ॥ 15 ॥
ಇಭದನ್ತೋರುನಯನಾ ಚೇನ್ದ್ರಗೋಪಸಮಾಕೃತಿಃ ।
ಇಭಶುಂಡೋರುಯುಗಲಾಚೇನ್ದುಮಂಡಲಮಧ್ಯಗಾ ॥ 16 ॥
ಇಷ್ಟಾರ್ತಿಘ್ನೀಷ್ಟವರದಾ ಚೇಭವಕ್ತ್ರಪ್ರಿಯಂಕರೀ ।
ಓಂ ಐಂ ಹ್ರೀಂ ಶ್ರೀಂ ಈಂ – 4 ॥
ಈಶಿತ್ವಸಿದ್ಧಿಸಮ್ಪ್ರಾರ್ಥಿತಾಪಸೇಷತ್ಸ್ಮಿತಾನನಾ ॥ 17 ॥
ಈಶ್ವರೀಶಪ್ರಿಯಾ ಚೇಶತಾಂಡವಾಲೋಕನೋನ್ತುಕಾ ।
ಈಕ್ಷಣೋತ್ಪನ್ನಭುವನಕದಮ್ಬಾ ಚೇಡ್ಯವೈಭವಾ ॥ 18 ॥
ಓಂ ಐಂ ಹ್ರೀಂ ಶ್ರೀಂ ಉಂ – 5 ॥
ಉಚ್ಚನೀಚಾದಿರಹಿತಾಽಪ್ಯುರುಕಾನ್ತಾರವಾಸಿನೀ ।
ಉತ್ಸಾಹರಹಿತೇನ್ದ್ರಾರಿಶ್ಚೋರುಸನ್ತೋಷಿತಾಮರಾ ॥ 19 ॥
ಉದಾಸೀನೋಡುರಾವಕ್ತ್ರಾಽಪ್ಯುಗ್ರಕೃತ್ಯವಿದೂಷಣೀ ।
ಉಪಾಧಿರಹಿತೋಪಾದಾನಕಾರಣೋನ್ಮತ್ತನೃತ್ತಕೀ ॥ 20 ॥
ಉರುಸ್ಯನ್ದನಸಮ್ಬದ್ಧಕೋಟ್ಯಶ್ವೋರುಪರಾಕ್ರಮಾ ।
ಉಲ್ಕಾಮುಖೀ ಹ್ಯುಮಾದೇವೀ ಚೋನ್ಮತ್ತಕ್ರೋಧಭೈರವೀ ॥ 21 ॥
ಓಂ ಐಂ ಹ್ರೀಂ ಶ್ರೀಂ ಊಂ – 6 ॥
ಊರ್ಜಿತಜ್ಞೋಢಭುವನಕದಮ್ಬೋರ್ಧ್ವಮುಖಾವಲಿಃ ।
ಊರ್ಧ್ವಪ್ರಸಾರಿತಾಂಘ್ರೀಶದರ್ಶನೋದ್ವಿಗ್ರಮಾನಸಾ ॥ 22 ॥
ಊಹಾಪೋಹವಿಹೀನೋರುಜಿತರಮ್ಭಾಮನೋಹರಾ ।
ಓಂ ಐಂ ಹ್ರೀಂ ಶ್ರೀಂ ಋಂ – 7 ॥
ಋಗ್ವೇದಸಂಸ್ತುತಾ ಋದ್ಧಿದಾಯಿನೀ ಋಣಮೋಚಿನೀ ॥ 23 ॥
ಋಜುಮಾರ್ಗಪರಪ್ರೀತಾ ಋಷಭಧ್ವಜಭಾಸುರಾ ।
ಋದ್ಧಿಕಾಮಮುನಿವ್ರಾತಸತ್ರಯಾಗಸಮರ್ಚಿತಾ ॥ 24 ॥
ಓಂ ಐಂ ಹ್ರೀಂ ಶ್ರೀಂ ೠಂ – 8 ॥
ೠಕಾರವಾಚ್ಯಾ ೠಕ್ಷಾದಿವೃತಾ ೠಕಾರನಾಸಿಕಾ ।
ಓಂ ಐಂ ಹ್ರೀಂ ಶ್ರೀಂ ಲೃಂ – 9 ॥
ಲೃಕರಿಣೀ ಲೃಕಾರೋಷ್ಠಾ
ಓಂ ಐಂ ಹ್ರೀಂ ಶ್ರೀಂ ಲೄಂ – 10 ॥
ಲೄವರ್ಣಾಧರಪಲ್ಲವಾ ॥ 25 ॥
ಓಂ ಐಂ ಹ್ರೀಂ ಶ್ರೀಂ ಏಂ – 11 ॥
ಏಕಾಕಿನ್ಯೇಕಮನ್ತ್ರಾಕ್ಷರೈಧಿತೋತ್ಸಾಹವಲ್ಲಭಾ ।
ಓಂ ಐಂ ಹ್ರೀಂ ಶ್ರೀಂ ಐಂ – 12 ॥
ಐಶ್ವರ್ಯದಾತ್ರೀ
ಓಂ ಐಂ ಹ್ರೀಂ ಶ್ರೀಂ ಓಂ – 13 ॥
ಚೋಂಕಾರವಾದಿವಾಗೀಶಸಿದ್ಧಿದಾ ॥ 26 ॥
ಓಜಃಪುಂಜಘನೀಸಾನ್ದ್ರರೂಪಿಣ್ಯೋಂಕಾರಮಧ್ಯಗಾ ।
ಓಷಧೀಶಮನುಪ್ರೀತಾ
ಓಂ ಐಂ ಹ್ರೀಂ ಶ್ರೀಂ ಔಂ – 14 ॥
ಚೌದಾರ್ಯಗುಪಾವಾರಿಧಿಃ ॥ 27 ॥
ಔಪಮ್ಯರಹಿತಾಚೈವ
ಓಂ ಐಂ ಹ್ರೀಂ ಶ್ರೀಂ ಅಂ – 15 ॥
ಅಮ್ಬುಜಾಸನಸುನ್ದರೀ ।
ಅಮ್ಬರಾಧೀಶನಟನಸಾಕ್ಷಿಣೀ
ಓಂ ಐಂ ಹ್ರೀಂ ಶ್ರೀಂ ಅಃ – 16 ॥
ಅಃ ಪದದಾಯಿನೀ ॥ 28 ॥
ಓಂ ಐಂ ಹ್ರೀಂ ಶ್ರೀಂ ಕಂ – 17 ॥
ಕಬರೀಬನ್ಧಮುಖರೀಭಮರಭ್ರಮರಾಲಕಾ ।
ಕರವಾಲಲತಾಧಾರಾಭೀಷಣಾ ಕೌಮುದೀನಿಭಾ ॥ 29 ॥
ಕರ್ಪೂರಾಮ್ಬಾ ಕಾಲರಾತ್ರಿಃ ಕಾಲೀ ಕಲಿವಿನಾಶಿನೀ ।
ಕಾದಿವಿದ್ಯಾಮಯೀ ಕಾಮ್ಯಾ ಕಾಂಚನಾಭಾ ಕಲಾವತೀ ॥ 30 ॥
ಕಾಮೇಶ್ವರೀ ಕಾಮರಾಜಮನುಪ್ರೀತಾ ಕೃಪಾವತೀ ।
ಕಾರ್ತವೀರ್ಯದ್ವಿಸಾಹಸ್ರದೋರ್ದಂಡಪಟಹಧ್ವನಿಃ ॥ 31 ॥
ಕಿಟಿವಕ್ತ್ರಾಧಿಕಾರೋದ್ಯದ್ಗಣಪ್ರೋತ್ಸಾಹಿತಾಂಗನಾ ।
ಕೀರ್ತಿಪ್ರದಾ ಕೀರ್ತಿಮತೀ ಕುಮಾರೀ ಕುಲಸುನ್ದರೀ ॥ 32 ॥
ಕುನ್ತಾಯುಧಧರಾ ಕುಬ್ಜಿಕಾಮ್ಬಾ ಕುಧ್ರವಿಹಾರಿಣೀ ।
ಕುಲಾಗಮರಹಸ್ಯಜ್ಞವಾಂಛಾದಾನಪರಾಯಣಾ ॥ 33 ॥
ಕೂಟಸ್ಥಿತಿಜುಷೀ ಕೂರ್ಮಪೃಷ್ಠಜಿತ್ಪ್ರಪದಾನ್ವಿತಾ ।
ಕೇಕಾಶಬ್ದತಿರಸ್ಕಾರಿಬಾಣಾಸನಮಣೀರವಾ ॥ 34 ॥
ಕೇಶಾಕೇಶಿಚಣಾ ಕೇಶಿರಾಕ್ಷಸಾಧಿಪಮರ್ದಿನೀ ।
ಕೈತಕಚ್ಛದಸನ್ಧ್ಯಾಭಪಿಶಂಗಿತಕಚಾಮ್ಬುದಾ ॥ 35 ॥
ಕೈಲಾಸೋತ್ತುಂಗಶೃಂಗಾದ್ರವಿಲಾಸೇಶಪರಾಜಿತಾ ।
ಕೈಶಿಕ್ಯಾರಭಟೀರೀತಿಸ್ತುತರಕ್ತೇಶ್ವರೀಪ್ರಿಯಾ ॥ 36 ॥
ಕೋಕಾಹಿತಕರಸ್ಪರ್ಧಿನಖಾ ಕೋಕಿಲವಾದಿನೀ ।
ಕೋಪಹುಂಕಾರಸನ್ತ್ರಸ್ತಸಸೇನಾಸುರನಾಯಕಾ ॥ 37 ॥
ಕೋಲಾಹಲರವೋದ್ರೇಕರಿಂಖಜ್ಜಮ್ಬುಕಮಂಡಲಾ ।
ಕೌಣಿಡನ್ಯಾನ್ವಯಸಮ್ಭೂತಾ ಕರಿಚರ್ಮಾಮ್ಬರಪ್ರಿಯಾ ॥ 38 ॥
ಕೌಪೀನಶಿಷ್ಟವಿಪ್ರರ್ಷಿಸ್ತುತಾ ಕೌಲಿಕದೇಶಿಕಾ ।
ಕೌಸುಮ್ಭಾಸ್ತರಣಾ ಕೌಲಮಾರ್ಗನಿಷ್ಠಾನ್ತರಾಸ್ಥಿತಾ ॥ 39 ॥
ಕಂಕಣಾಹಿಗಣಕ್ಷೇಮವಚನೋದ್ವಿಗ್ನತಾರ್ಕ್ಷ್ಯಕಾ ।
ಕಂಜಾಕ್ಷೀ ಕಂಜವಿನುತಾ ಕಂಜಜಾತಿಪ್ರಿಯಂಕರೀ ॥ 40 ॥
ಓಂ ಐಂ ಹ್ರೀಂ ಶ್ರೀಂ ಖಂ – 18 ॥
ಖಡ್ಗಖೇಟಕದೋರ್ದಂಡಾ ಖಟ್ವಾಂಗೀ ಖಡ್ಗಸಿದ್ಧಿದಾ ।
ಖಂಡಿತಾಸುರಗರ್ವಾದ್ರಿಃ ಖಲಾದೃಷ್ಟಸ್ವರೂಪಿಣೀ ॥ 41 ॥
ಖಂಡೇನ್ದುಮೌಲಿಹೃದಯಾ ಖಂಡಿತಾರ್ಕೇನ್ದುಮಂಡಲಾ ।
ಖರಾಂಶುತಾಪಶಮನೀ ಖಸ್ಥಾ ಖೇಚರಸಂಸ್ತುತಾ ॥ 42 ॥
ಖೇಚರೀ ಖೇಚರೀಮುದ್ರಾ ಖೇಚರಾಧೀಶವಾಹನಾ ।
ಖೇಲಾಪಾರಾವತರತಿಪ್ರೀತಾ ಖಾದ್ಯಾಯಿತಾನ್ತಕಾ ॥ 43 ॥
ಓಂ ಐಂ ಹ್ರೀಂ ಶ್ರೀಂ ಗಂ – 19 ॥
ಗಗನಾ ಗಗನಾನ್ತಸ್ಥಾ ಗಗನಾಕಾರಮಧ್ಯಮಾ ।
ಗಜಾರೂಢಾ ಗಜಮುಖೀ ಗಾಥಾಗೀತಾಮರಾಂಗನಾ ॥ 44 ॥
ಗದಾಧರೀ ಗದಾಽಽಧಾತಮೂರ್ಛಿತಾನೇಕಪಾಸುರಾ ।
ಗರಿಮಾಲಘಿಮಾಸಿದ್ಧಿವೃತಾ ಗ್ರಾಮಾದಿಪಾಲಿನೀ ॥ 45 ॥
ಗರ್ವಿತಾ ಗನ್ಧವಸನಾ ಗನ್ಧವಾಹಸಮರ್ಚಿತಾ ।
ಗರ್ವಿತಾಸುರದಾರಾಶ್ರುಪಂಕಿತಾಜಿವಸುನ್ಧರಾ ॥ 46 ॥
ಗಾಯತ್ರೀ ಗಾನಸನ್ತುಷ್ಟಾ ಗನ್ಧರ್ವಾಧಿಪತೀಡಿತಾ ।
ಗಿರಿದುರ್ಗಾ ಗಿರೀಶಾನಸುತಾ ಗಿರಿವರಾಶ್ರಯಾ ॥ 47 ॥
ಗಿರೀನ್ದ್ರಕ್ರೂರಕಠಿನಕರ್ಷದ್ಧಲವರಾಯುಧಾ ।
ಗೀತಚಾರಿತ್ರಹರಿತಶುಕೈಕಗತಮಾನಸಾ ॥ 48 ॥
ಗೀತಿಶಾಸ್ತ್ರಗುರುಃ ಗೀತಿಹೃದಯಾ ಗೀರ್ಗಿರೀಶ್ವರೀ ।
ಗೀರ್ವಾಣದನುಜಾಚಾರ್ಯಪೂಜಿತಾ ಗೃಧ್ರವಾಹನಾ ॥ 49 ॥
ಗುಡಪಾಯಸಸನ್ತುಷ್ಟಹೃದ್ಯಪ್ತತರಯೋಗಿನೀ ।
ಗುಣಾತೀತಾ ಗುರುರ್ಗೌರೀ ಗೋಪ್ತ್ರೀ ಗೋವಿನ್ದಸೋದರೀ ॥ 50 ॥
ಗುರುಮೂತಿರ್ಗುಣಾಮ್ಭೋಧಿರ್ಗುಣಾಗುಣವಿವರ್ಜಿತಾ ।
ಗುಹೇಷ್ಟದಾ ಗುಹಾವಾಸಿಯೋಗಿಚಿನ್ತಿತರೂಪಿಣೀ ॥ 51 ॥
ಗುಹ್ಯಾಗಮರಹಸ್ಯಜ್ಞಾ ಗುಹ್ಯಕಾನನ್ದದಾಯಿನೀ ।
ಗುಹ್ಯಾ ಗುಹ್ಯಾರ್ಚಿತಾ ಗುಹ್ಯಸ್ಥಾನಬಿನ್ದುಸ್ವರೂಪಿಣೀ ॥ 52 ॥
ಗೋದಾವರೀನದೀತೀರವಾಸಿನೀ ಗುಣವರ್ಜಿತಾ ।
ಗೋಮೇದಕಮಣೀಕರ್ಣಕುಂಡಲಾ ಗೋಪಪಾಲಿನೀ ॥ 53 ॥
ಗೋಸವಾಸಕ್ತಹೃದಯಾ ಗೋಶೃಂಗಧ್ಯಾನಮೋದಿನೀ ।
ಗಂಗಾಗರ್ವಂಕಷೋದ್ಯುಕ್ತರುದ್ರಪ್ರೋತ್ಸಾಹವಾದಿನೀ ॥ 54 ॥
ಗನ್ಧರ್ವವನಿತಾಮಾಲಾಮೋದಿನೀ ಗರ್ವನಾಶಿನೀ ।
ಗುಂಜಾಮಣಿಗಣಪ್ರೋತಮಾಲಾಭಾಸುರಕನ್ಧರಾ ॥ 55 ॥
ಓಂ ಐಂ ಹ್ರೀಂ ಶ್ರೀಂ ಘಂ – 20 ॥
ಘಟವಾದ್ಯಪ್ರಿಯಾ ಘೋರಕೋಣಪಘ್ನೀ ಘಟಾರ್ಗಲಾ ।
ಘಟಿಕಾ ಘಟಿಕಾಮುಖ್ಯಷಟ್ಪಾರಾಯಣಮೋದಿನೀ ॥ 56 ॥
ಘಂಟಾಕರ್ಣಾದಿವಿನುತಾ ಘನಜ್ಯೋತಿರ್ಲತಾನಿಭಾ ।
ಘನಶ್ಯಾಮಾ ಘಟೋತ್ಭೂತತಾಪಸಾತ್ಮಾರ್ಥದೇವತಾ ॥ 57 ॥
ಘನಸಾರಾನುಲಿಪ್ತಾಂಗೀ ಘೋಣೋದ್ಧೃತವಸುನ್ಧರಾ ।
ಘನಸ್ಫಟಿಕಸಂಕ್ಲೃಪ್ತಸಾಲಾನ್ತರಕದಮ್ಬಕಾ ॥ 58 ॥
ಘನಾಲ್ಯುದ್ಭೇದಶಿಖರಗೋಪುರಾನೇಕಮನ್ದಿರಾ ।
ಘೂರ್ಣೀತಾಕ್ಷೀ ಘೃಣಾಸಿನ್ಧುಃ ಘೃಣಿವಿದ್ಯಾ ಘಟೇಶ್ವರೀ ॥ 59 ॥
ಘೃತಕಾತಿನ್ಯಹೃದ್ಧಂಟಾಮಣಿಮಾಲಾಪ್ರಸಾಧನಾ ।
ಘೋರಕೃತ್ಯಾ ಘೋರವಾದ್ಯಾ ಘೋರಾಘೌಘವಿನಾಶಿನೀ ॥ 60 ॥
ಘೋರಾಘನಕೃಪಾಯುಕ್ತಾ ಘನನೀಲಾಮ್ಬರಾನ್ವಿತಾ ।
ಘೋರಾಸ್ಯಾ ಘೋರಶೂಲಾಗ್ರಪ್ರೋತಾಸುರಕಲೇಬರಾ ॥ 61 ॥
ಘೋಷತ್ರಸ್ತಾನ್ತಕಭಟಾ ಘೋರಸಂಘೋಷಕೃದ್ಬಲಾ ।
ಓಂ ಐಂ ಹ್ರೀಂ ಶ್ರೀಂ ಙಂ – 21 ॥
ಙಾನ್ತಾರ್ಣಾದ್ಯಮನುಪ್ರೀತಾ ಙಾಕಾರಾಡೀಮ್ಪರಾಯಣಾ ॥ 62 ॥
ಙೀಕಾರಿಮಮಂಜುಮಂಜೀರಚರಣಾ ಙಾಂಕಿತ್ತಾಂಗುಲಿಃ ।
ಓಂ ಐ ಹ್ರೀಂ ಶ್ರೀಂ ಚಂ – 22 ॥
ಚಕ್ರವರ್ತಿಸಮಾರಾಧ್ಯಾ ಚಕ್ರನೇಮಿರವೋನ್ತುಕಾ ॥ 63 ॥
ಚಂಡಮಾರ್ಂಡಧಿಕ್ಕಾರಿಪ್ರಭಾ ಚಕ್ರಾಧಿನಾಯಿಕಾ ।
ಚಂಡಾಲಾಸ್ಯಪರಾಮೋದಾ ಚಂಡವಾದಪಟೀಯಸೀ ॥ 64 ॥
ಚಂಡಿಕಾ ಚಂಡಕೋದಂಡಾ ಚಂಡಘ್ನೀ ಚಂಡಭೈರವೀ ।
ಚತುರಾ ಚತುರಾಮ್ನಾಯಶಿರೋಲಕ್ಷಿತರೂಪಿಣೀ ॥ 65 ॥
ಚತುರಂಗಬಲೋಪೇತಾ ಚರಾಚರವಿನೋದಿನೀ ।
ಚತುರ್ವಕ್ತ್ರಾ ಚಕ್ರಹಸ್ತಾ ಚಕ್ರಪಾಣಿಸಮರ್ಚಿತಾ ॥ 66 ॥
ಚತುಷ್ಷಷ್ಟಿಕಲಾರೂಪಾ ಚತುಷ್ಷಷ್ಯಚರ್ಚನೋಸ್ತುಕಾ ।
ಚನ್ದ್ರಮಂಡಲನ್ಧ್ಯಯಸ್ಥಾ ಚತುರ್ವರ್ಗಫಲಪ್ರದಾ ॥ 67 ॥
ಚಮರೀಮೃಗಯೋದ್ಯುಕ್ತಾ ಚಿರಂಜೀವಿತ್ವದಾಯಿನೀ ।
ಚಮ್ಪಕಾಶೋಕಸ್ರದ್ಬದ್ಧಚಿಕುರಾ ಚರುಭಕ್ಷಿಣೀ ॥ 68 ॥
ಚರಾಚರಜಗದ್ಧಾತ್ರೀ ಚನ್ದ್ರಿಕಾಧವಲಸ್ಮಿತಾ ।
ಚರ್ಮಾಮ್ಬರಧರಾ ಚಂಡಕ್ರೋಧಹುಂಕಾರಭೀಕರಾ ॥ 69 ॥
ಚಾಟುವಾದಪ್ರಿಯಾ ಚಾಮೀಕರಪರ್ವತವಾಸಿನೀ ।
ಚಾಪಿನೀ ಚಾಪಮುಕ್ತೇಷುಚ್ಛನ್ನದಿಗ್ಭ್ರಾನ್ತಪನ್ನಗಾ ॥ 70 ॥
ಚಿತ್ರಭಾನುಮುಖೀ ಚಿತ್ರಸೇನಾ ಚಿತ್ರಾಂಗದೇಷ್ಟದಾ ।
ಚಿತ್ರಲೇಖಾ ಚಿದಾಕಾಶಮಧ್ಯಗಾ ಚಿನ್ತಿತಾರ್ಥದಾ ॥ 71 ॥
ಚಿನ್ತ್ಯಾ ಚಿರನ್ತನೀ ಚಿತ್ರಾ ಚಿತ್ರಾಮ್ಬಾ ಚಿತ್ತವಾಸಿನೀ ।
ಚೈತನ್ಯರೂಪಾ ಚಿಚ್ಛಕ್ತಿಶ್ಚಿದಮ್ಬರವಿಹಾರಿಣೀ ॥ 72 ॥
ಚೋರಘ್ನೀ ಚೀರ್ಯವಿಮುಖಾ ಚತುರ್ದಶಮನುಪ್ರಿಯಾ ।
ಓಂ ಐಂ ಹ್ರೀಂ ಶ್ರೀಂ ಛಂ – 23 ॥
ಛತ್ರಚಾಮರಭೃಲ್ಲಕ್ಷ್ಮೀವಾಗಿನ್ದ್ರಾಣೀರತೀವೃತಾ ॥ 73 ॥
ಛನ್ದಶ್ಶಾಸ್ತ್ರಮಯೀ ಛನ್ದೋಲಕ್ಷ್ಯಾಚ್ಛೇದವಿವರ್ಜಿತಾ ।
ಛನ್ದೋರೂಪಾಛನ್ದಗತಿಃ ಛನ್ದಶ್ಶಿರವಿಹಾರಿಣೀ ॥ 74 ॥
ಛದ್ಮಹೃತ್ಛವಿಸನ್ದೀಪ್ತಸೂರ್ಯಚನ್ದ್ರಾಗ್ನಿತಾರಕಾ ।
ಛರ್ದಿತಾಂಡಾವಲಿಶ್ಛಾದಿತಾಕಾರಾ ಛಿನ್ನಸಂಶಯಾ ॥ 75 ॥
ಛಾಯಾಪತಿಸಮಾರಾಧ್ಯಾ ಛಾಯಾಮ್ಬಾ ಛತ್ರಸೇವಿತಾ ।
ಛಿನ್ನಮಸ್ತಾಬಿಕಾ ಛಿನ್ನಶೀರ್ಷಶತ್ರುಶ್ಛಲಾನ್ತಕೀ ॥ 76 ॥
ಛೇದಿತಾಸುರಜಿಹ್ವಾಗ್ರಾ ಛತ್ರೀಕೃತಯಶಸ್ವಿನೀ ।
ಓಂ ಐಂ ಹ್ರೀಂ ಶ್ರೀಂ ಜಂ – 24 ॥
ಜಗನ್ಮಾತಾ ಜಗತ್ಸಾಕ್ಷೀ ಜಗದ್ಯೋನಿರ್ಜಗದ್ಗುರುಃ ॥ 77 ॥
ಜಗನ್ಮಾಯಾ ಜಗನ್ತ್ವೃನ್ದವನ್ದಿತಾ ಜಯಿನೀಜಯಾ ।
ಜನಜಾಡ್ಯಪ್ರತಾಪಘ್ನೀ ಜಿತಾಸುರಮಹಾವ್ರಜಾ ॥ 78 ॥
ಜನನೀ ಜಗದಾನನ್ದದಾತ್ರೀ ಜಹ್ನುಸಮರ್ಚಿತಾ ।
ಜಪಮಾಲಾವರಾಭೀತಿಮುದ್ರಾಪುಸ್ತಕಧಾರಿಣೀ ॥ 79 ॥
ಜಪಯಜ್ಞಪರಾಧೀನಹೃದಯಾ ಜಗದೀಶ್ವರೀ ।
ಜಪಾಕುಸುಮಸಂಕಾಶಾ ಜನ್ಮಾದಿಧ್ವಂಸಕಾರಣಾ ॥ 80 ॥
ಜಾಲಧ್ರಪೂರ್ಣಕಾಮೋಡ್ಯಾಣಚತುಷ್ಪೀಠರೂಪಿಣೀ ।
ಜೀವನಾರ್ಥಿದ್ವಿಜವ್ರಾತತ್ರಾಣನಾಬದ್ಧಕಂಕಣಾ ॥ 81 ॥
ಜೀವಬ್ರಹ್ಮೈಕತಾಕಾಂಕ್ಷಿ ಜನತಾಕೀರ್ಣಪಾರ್ವಭೂಃ ।
ಜಮ್ಭಿನೀ ಜಮ್ಭಭಿತ್ಪೂಲ್ಯಾ ಜಾಗ್ರದಾದಿತ್ರಯಾತಿಗಾ ॥ 82 ॥
ಜಲದಗ್ರಿಧರಾ ಜ್ವಾಲಾಪ್ರೋಚ್ಚಕೇಶೀ ಜ್ವರಾರ್ತಿಹೃತ್ ।
ಜ್ವಾಲಾಮಾಲಿನಿಕಾ ಜ್ವಾಲಾಮುಖೀ ಜೈಮಿನಿಸಂಸ್ತುತಾ ॥ 83 ॥
ಓಂ ಐಂ ಹ್ರೀಂ ಶ್ರೀಂ ಝಂ – 25 ॥
ಝಲಂಝಲಕೃತಸ್ವರ್ಣಮಂಜೀರಾ ಝಷಲೋಚನಾ ।
ಝಷಕುಂಡಲಿನೀ ಝಲ್ಲರೀವಾದ್ಯಮುದಿತಾನನಾ ॥ 84 ॥
ಝಷಕೇತುಸಮಾರಾಧ್ಯಾ ಝಷಮಾಂಸಾನ್ನಭಕ್ಷಿಣೀ ।
ಝಷೋಪದ್ರವಕೃದ್ಧನ್ತ್ರೀ ಝ್ಮ್ರೂಮ್ಮನ್ತ್ರಾಧಿದೇವತಾ ॥ 85 ॥
ಝಂಝಾನಿಲಾತಿಗಮನಾ ಝಷರಾಣ್ಣೀತಸಾಗರಾ ।
ಓಂ ಐಂ ಹ್ರೀಂ ಶ್ರೀಂ ಜ್ಞಂ – 26 ॥
ಜ್ಞಾನಮುದ್ರಾಧರಾ ಜ್ಞಾನಿಹೃತ್ಪದ್ಮಕುಹರಾಸ್ಥಿತಾ ॥ 86 ॥
ಜ್ಞಾನಮೂರ್ತಿಜ್ಞನಿಗಮ್ಯಾ ಜ್ಞಾನದಾ ಜ್ಞಾತಿವರ್ಜಿತಾ ।
ಜ್ಞೇಯಾ ಜ್ಞೇಯಾದಿರಹಿತಾ ಜ್ಞಾತ್ರೀ ಜ್ಞಾನಸ್ವರೂಪಿಣೀ ॥ 87 ॥
ಓಂ ಐಂ ಹ್ರೀಂ ಶ್ರೀಂ ಟಂ – 27 ॥
ಟಂಕಪುಷ್ಪಾಲಿಸ್ರಙ್ಮಂಜುಕನ್ಧರಾ ಟಂಕಿತಾಚಲಾ ।
ಟಂಕವೇತ್ರಾದಿಕಾನೇಕಶಸ್ತ್ರಭೃದ್ದೋರ್ಲತಾವಲಿಃ ॥ 88 ॥
ಓಂ ಐ ಹ್ರೀಂ ಶ್ರೀಂ ಠಂ – 28 ॥
ಠಕಾರನಿಭವಕ್ಷೋಜದ್ವಯಾಧೋವೃತ್ತಭಾಸುರಾ ।
ಠಕಾರಾಂಕಿತಜಾನ್ವಗ್ರಜಿತಕೋರಕಿತಾಮ್ಬುಜಾ ॥ 89 ॥
ಓಂ ಐಂ ಹ್ರೀಂ ಶ್ರೀಂ ಶಂ – 29 ॥
ಡಾಕಿನೀ ಡಾಮರೀತನ್ತ್ರರೂಪಾ ಡಾಡಿಮಪಾಟಲಾ ।
ಡಮ್ಬಘ್ನೀ ಡಮ್ಬರಾಽಽಡಮ್ಬರೋನ್ಮುಖೀ ಡಮರುಪ್ರಿಯಾ ॥ 90 ॥
ಡಿಮ್ಬದಾನಚಣಾ ಡೋಲಾಮುದಿತಾ ಡುಂಠಿಪೂಜಿತಾ ।
ಓಂ ಐಂ ಹ್ರೀಂ ಶ್ರೀಂ ಢಂ – 30 ॥
ಢಕಾನಿನದಸನ್ತುಷ್ಟಶಿಖಿನೃತ್ತಸಮುತ್ಸುಕಾ ॥ 91 ॥
ಓಂ ಐಂ ಹ್ರೀಂ ಶ್ರೀಂ ಣಂ – 31 ॥
ಣಕಾರಪಂಜರಶುಕೀ ಣಕಾರೋದ್ಯಾನಕೋಕಿಲಾ ।
ಓಂ ಐಂ ಹ್ರೀಂ ಶ್ರೀಂ ತಂ – 32 ॥
ತತ್ವಾತೀತಾ ತಪೋಲಕ್ಷ್ಯಾ ತಪ್ತಕಾಂಚನಸನ್ನಿಭಾ ॥ 92 ॥
ತನ್ತ್ರೀ ತತ್ವಮಸೀವಾಕ್ಯವಿಷಯಾ ತರುಣೀವೃತಾ ।
ತರ್ಜನ್ಯಂಗುಷ್ಠಸಂಯೋಗಜ್ಞಾನಬ್ರಹ್ಮಮುನೀಶ್ವರಾ ॥ 93 ॥
ತರ್ಜಿತಾನೇಕದನುಜಾ ತಕ್ಷಕೀ ತಡಿತಾಲಿಭಾ ।
ತಾಮ್ರಚೂಡಧ್ವಜೋತ್ಸಂಗಾ ತಾಪತ್ರಯವಿನಾಶಿನೀ ॥ 94 ॥
ತಾರಾಮ್ಬಾ ತಾರಕೀ ತಾರಾಪೂಜ್ಯಾ ತಾಂಡವಲೋಲುಪಾ ।
ತಿಲೋತ್ತಮಾದಿದೇವಸ್ತ್ರೀಶಾರೀರೋನ್ಸುಕಮಾನಸಾ ॥ 95 ॥
ತಿಲ್ವದ್ರುಸಂಕುಲಾಭೋಗಕಾನ್ತಾರಾನ್ತರವಾಸಿನೀ ।
ತ್ರಯೀದ್ವಿಡ್ರಸನಾರಕ್ತಪಾನಲೋಲಾಸಿಧಾರಿಣೀ ॥ 96 ॥
ತ್ರಯೀಮಯೀ ತ್ರಯೀವೇದ್ಯಾ ತ್ರ್ಯಯ್ಯನ್ತೋದ್ಗೀತವೈಭವಾ ।
ತ್ರಿಕೋಣಸ್ಥಾ ತ್ರಿಕಾಲಜ್ಞಾ ತ್ರಿಕೂಟಾ ತ್ರಿಪುರೇಶ್ವರೀ ॥ 97 ॥
ತ್ರಿಚತ್ವಾರಿಂಶದಶ್ರಾಂಕಚಕ್ರಾನ್ತರ್ಬಿನ್ದುಸಂಸ್ಥಿತಾ ।
ತ್ರಿತಾರಾ ತುಮ್ಬುರೂದ್ಗೀತಾ ತಾರ್ಕ್ಷ್ಯಾಕಾರಾ ತ್ರಿಕಾಗ್ನಿಜಾ ॥ 98 ॥
ತ್ರಿಪುರಾ ತ್ರಿಪುರಧ್ವಂಸಿಪ್ರಿಯಾ ತ್ರಿಪುರಸುನ್ದರೀ ।
ತ್ರಿಸ್ಥಾ ತ್ರಿಮೂರ್ತಿಸಹಜಶಕ್ತಿಸ್ತ್ರಿಪುರಭೈರವೀ ॥ 99 ॥
ಓಂ ಐಂ ಹ್ರೀಂ ಶ್ರೀಂ ಥಂ – 33 ॥
ಥಾಂ ಥೀಕರಮೃದಗಾದಿಭೃದ್ವಿಷ್ಣುಮುಖಸೇವಿತಾ ।
ಥಾಂ ಥೀಂ ತಕ್ತಕ ಥಿಂ ತೋಕೃತ್ತಾಲಧ್ವನಿಸಭಾಂಗಣಾ ॥ 100 ॥
ಓಂ ಐಂ ಹ್ರೀಂ ಶ್ರೀಂ ದಂ – 34 ॥
ದಕ್ಷಾ ದಾಕ್ಷಾಯಣೀ ದಕ್ಷಪ್ರಜಾಪತಿಮಖಾನ್ತಕೀ ।
ದಕ್ಷಿಣಾಚಾರರಸಿಕಾ ದಯಾಸಮ್ಪೂರ್ಣಮಾನಸಾ ॥ 101 ॥
ದಾರಿದ್ರಯೋನ್ಮೂಲಿನೀ ದಾನಶೀಲಾ ದೋಷವಿವರ್ಜಿತಾ ।
ದಾರುಕಾನ್ತಕರೀ ದಾರುಕಾರಣ್ಯಮುನಿಮೋಹಿನೀ ॥ 102 ॥
ದೀರ್ಘದಂಷ್ಟ್ರಾನನಾ ದೀರ್ಘರಸನಾಗೀರ್ಣದಾನವಾ ।
ದೀಕ್ಷಿತಾ ದೀಕ್ಷಿತಾರಾಧ್ಯಾ ದೀನಸಂರಕ್ಷಣೋದ್ಯತಾ ॥ 103 ॥
ದುಃಖಾಬ್ಧಿಬಡಬಾ ದುರ್ಗಾ ದುಮ್ಬೀಜಾ ದುರಿತಾಪಹಾ ।
ದುಷ್ಟದೂರಾ ದುರಾಚಾರಶಮನೀ ದ್ಯೂತವೇದಿನೀ ॥ 104 ॥
ದ್ವಿಜಾವಗೂರಣಸ್ವಾನ್ತಪಿಶಿತಾಮೋದಿತಾಂಡಜಾ ।
ಓಂ ಐಂ ಹ್ರೀಂ ಶ್ರೀಂ ಧಂ – 35 ॥
ಧನದಾ ಧನದಾರಾಧ್ಯಾ ಧನದಾಪ್ತಕುಟುಮ್ಬಿನೀ ॥ 105 ॥
ಧರಾಧರಾತ್ಮಜಾ ಧರ್ಮರೂಪಾ ಧರಣಿಧೂರ್ಧರಾ ।
ಧಾತ್ರೀ ಧಾತೃಶಿರಚ್ಛೇತ್ರೀ ಧೀಧ್ಯೇಯಾ ಧುವಪೂಜಿತಾ ॥ 106 ॥
ಧೂಮಾವತೀ ಧೂಮ್ರನೇತ್ರಗರ್ವಸಂಹಾರಿಣೀ ಧೃತಿಃ ।
ಓಂ ಐಂ ಹ್ರೀಂ ಶ್ರೀಂ ನಂ – 36 ॥
ನಖೋತ್ಪನ್ನದಶಾಕಾರಮಾಧವಾ ನಕುಲೀಶ್ವರೀ ॥ 107 ॥
ನರನಾರಾಯಣಸ್ತುತ್ಯಾ ನಲಿನಾಯತಲೋಚನಾ ।
ನರಾಸ್ಥಿಸ್ರಗ್ಧರಾ ನಾರೀ ನರಪ್ರೇತೋಪರಿಸ್ಥಿತಾ ॥ 108 ॥
ನವಾಕ್ಷರೀನಾಮಮನ್ತ್ರಜಪಪ್ರೀತಾ ನಟೇಶ್ವರೀ ।
ನಾದಚಾಮುಂಡಿಕಾ ನಾನಾರೂಪಕೃನ್ನಾಸ್ತಿಕಾನ್ತಕೀ ॥ 109 ॥
ನಾದಬ್ರಹ್ಮಮಯೀ ನಾಮರೂಪಹೀನಾ ನತಾನನಾ ।
ನಾರಾಯಣೀ ನನ್ದಿವಿದ್ಯಾ ನಾರದೋದ್ಗೀತವೈಭವಾ ॥ 110 ॥
ನಿಗಮಾಗಮಸಂವೇದ್ಯಾ ನೇತ್ರೀ ನೀತಿವಿಶಾರದಾ ।
ನಿರ್ಗುಣಾ ನಿತ್ಯಸನ್ತುಷ್ಟಾ ನಿತ್ಯಾಷೋಡಶಿಕಾವೃತಾ ॥ 111 ॥
ನೃಸಿಂಹದರ್ಪಶಮನೀ ನರೇನ್ದ್ರಗಣವನ್ದಿತಾ ।
ನೌಕಾರೂಢಾಸಮುತ್ತೀರ್ಣಭವಾಮ್ಭೋಧಿ ನಿಜಾಶ್ರಿತಾ ॥ 112 ॥
ಓಂ ಐಂ ಹ್ರೀಂ ಶ್ರೀಂ ಪಂ – 37 ॥
ಪರಮಾ ಪರಮಂ ಜ್ಯೋತಿಃ ಪರಬ್ರಹ್ಮಮಯೀ ಪರಾ ।
ಪರಾಪರಮಯೀ ಪಾಶಬಾಣಾಂಕುಶಧನುರ್ಧರಾ ॥ 113 ॥
ಪರಾಪ್ರಾಸಾದಮನ್ತ್ರಾರ್ಥಾ ಪತಂಜಲಿಸಮರ್ಚಿತಾ ।
ಪಾಪಘ್ನೀ ಪಾಶರಹಿತಾ ಪಾರ್ವತೀ ಪರಮೇಶ್ವರೀ ॥ 114 ॥
ಪುಣ್ಯಾ ಪುಲಿನ್ದಿನೀಪೂಜ್ಯಾ ಪ್ರಾಜ್ಞಾ ಪ್ರಜ್ಞಾನರೂಪಿಣೀ ।
ಪುರಾತನಾ ಪರಾಶಕ್ತಿಃ ಪಂಚವರ್ಣಸ್ವರೂಪಿಣೀ ॥ 115 ॥
ಪ್ರತ್ಯಂಗಿರಾಃ ಪಾನಪಾತ್ರಧರಾ ಪೀನೋನ್ನತಸ್ತನೀ ।
ಓಂ ಐಂ ಹ್ರೀಂ ಶ್ರೀಂ ಫಂ – 38 ॥
ಫಡರ್ಣಧ್ವಸ್ತಪಾಪೌಘದಾಸಾ ಫಣಿವರೇಡಿತಾ ॥ 116 ॥
ಫಣಿರತ್ನಾಸನಾಸೀನಕಾಮೇಶೋತ್ಸಂಗವಾಸಿನೀ ।
ಫಲದಾ ಫಲ್ಗುನಪ್ರೀತಾ ಫುಲ್ಲಾನನಸರೋರುಹಾ ॥ 117 ॥
ಫುಲ್ಲೋತ್ತಪ್ತಾಂಗಸಾಹಸ್ರದಲಪಂಕಜಭಾಸುರಾ ।
ಓಂ ಐಂ ಹ್ರೀಂ ಶ್ರೀಂ ಬಂ – 39 ॥
ಬನ್ಧೂಕಸುಮನೋರಾಗಾ ಬಾದರಾಯಣದೇಶಿಕಾ ॥ 118 ॥
ಬಾಲಾಮ್ಬಾ ಬಾಣಕುಸುಮಾ ಬಗಲಾಮುಖಿರೂಪಿಣೀ ।
ಬಿನ್ದುಚಕ್ರಸ್ಥಿತಾ ಬಿನ್ದುತರ್ಪಣಪ್ರೀತಮಾನಸಾ ॥ 119 ॥
ಬೃಹತ್ಸಾಮಸ್ತುತಾ ಬ್ರಹ್ಮಮಾಯಾ ಬ್ರಹ್ಮರ್ಷಿಪೂಜಿತಾ ।
ಬೃಹದೈಶ್ವರ್ಯದಾ ಬನ್ಧಹೀನಾ ಬುಧಸಮರ್ಚಿತಾ ॥ 120 ॥
ಬ್ರಹ್ಮಚಾಮುಂಡಿಕಾ ಬ್ರಹ್ಮಜನನೀ ಬ್ರಾಹ್ಮಣಪ್ರಿಯಾ ।
ಬ್ರಹ್ಮಜ್ಞಾನಪ್ರದಾ ಬ್ರಹ್ಮವಿದ್ಯಾ ಬ್ರಹ್ಮಾಂಡನಾಯಿಕಾ ॥ 121 ॥
ಬ್ರಹ್ಮತಾಲಪ್ರಿಯಾ ಬ್ರಹ್ಮಪಂಚಮಂಚಕಶಾಯಿನೀ । (??)
ಬ್ರಹ್ಮಾದಿವಿನುತಾ ಬ್ರಹ್ಮಪತ್ನೀ ಬ್ರಹ್ಮಪುರಸ್ಥಿತಾ ॥ 122 ॥
ಬ್ರಾಹ್ಮೀಮಾಹೇಶ್ವರೀಮುಖ್ಯಶಕ್ತಿವೃನ್ದಸಮಾವೃತಾ ।
ಓಂ ಐಂ ಹ್ರೀಂ ಶ್ರೀಂ ಭಂ – 40 ॥
ಭಗಾರಾಧ್ಯಾ ಭಗವತೀ ಭಾರ್ಗವೀ ಭಾರ್ಗವಾರ್ಚಿತಾ ॥ 123 ॥
ಭಂಡಾಸುರಶಿರಶ್ಛೇತ್ರೀ ಭಾಷಾಸರ್ವಸ್ವದರ್ಶಿನೀ ।
ಭದ್ರಾ ಭದ್ರಾರ್ಚಿತಾ ಭದ್ರಕಾಲೀ ಭರ್ಗಸ್ವರೂಪಿಣೀ ॥ 124 ॥
ಭವಾನೀ ಭಾಗ್ಯದಾ ಭೀಮಾ ಭಾಮತೀ ಭೀಮಸೈನಿಕಾ ।
ಭುಜಂಗನಟನೋದ್ಯುಕ್ತಾ ಭುಜನಿರ್ಜಿತದಾನವಾ ॥ 125 ॥
ಭ್ರುಕುಟೀಕ್ರೂರವದನಾ ಭ್ರೂಮಧ್ಯನಿಲಯಸ್ಥಿತಾ ।
ಭೇತಾಲನಟನಪ್ರೀತಾ ಭೋಗಿರಾಜಾಂಗುಲೀಯಕಾ ॥ 126 ॥
ಭೇರುಂಡಾ ಭೇದನಿರ್ಮುಕ್ತಾ ಭೈರವೀ ಭೈರವಾರ್ಚಿತಾ ।
ಓಂ ಐಂ ಹ್ರೀಂ ಶ್ರೀಂ ಮಂ – 41 ॥
ಮಣಿಮಂಡಪಮಧ್ಯಸ್ಥಾ ಮಾಣಿಕ್ಯಾಭರಣಾನ್ವಿತಾ ॥ 127 ॥
ಮನೋನ್ಮನೀ ಮನೋಗಮ್ಯಾ ಮಹಾದೇವಪತಿತ್ರತಾ ।
ಮನ್ತ್ರರೂಪಾ ಮಹಾರಾಜ್ಞೀ ಮಹಾಸಿದ್ಧಾಲಿಸಂವೃತಾ ॥ 128 ॥
ಮನ್ದರಾದಿಕೃತಾವಾಸಾ ಮಹಾದೇವೀ ಮಹೇಶ್ವರೀ ।
ಮಹಾಹಿಧಮೇಖಲಾ ಮಾರ್ಗದುರ್ಗಾ ಮಾಂಗಲ್ಯದಾಯಿನೀ ॥ 129 ॥
ಮಹಾವತಕ್ರತುಪ್ರೀತಾ ಮಾಣಿಭದ್ರಸಮರ್ಚಿತಾ । (??)
ಮಹಿಷಾಸುರಶಿರಶ್ಛೇದನರ್ತಕೀ ಮುಂಡಖಮಿಡನೀ ॥ 130 ॥
ಮಾತಾ ಮರಕಟಶ್ಯಾಮಾ ಮಾತಂಗೀ ಮತಿಸಾಕ್ಷಿಣೀ । (??)
ಮಾಧವೀ ಮಾಧವಾರಾಧ್ಯಾ ಮಧುಮಾಂಸಪ್ರಿಯಾ ಮಹೀ ॥ 131 ॥
ಮಾರೀ ಮಾರಾನ್ತಕ ಕ್ಷೋಭಕಾರಿಣೀ ಮೀನಲೋಚನಾ ।
ಮಾಲತೀಕುನ್ದಮಾಲಾಢ್ಯಾ ಮಾಷೌದನಸಮುನ್ಸುಕಾ ॥ 132 ॥
ಮಿಥುನಾಸಕ್ತಹೃದಯಾ ಮೋಹಿತಾಶೇಷವಿಷ್ಟಪಾ ।
ಮುದ್ರಾ ಮುದ್ರಾಪ್ರಿಯಾ ಮೂರ್ಖನಾಶಿನೀ ಮೇಷಭಕ್ಷಿಣೀ ॥ 133 ॥
ಮೂಕಾಮ್ಬಾ ಮುಖಜಾ ಮೋದಜನಕಾಲೋಕನಪ್ರಿಯಾ ।
ಮೌನವ್ಯಾಖ್ಯಾಪರಾ ಮೌನಸತ್ಯಚಿನ್ಮಾತ್ರಲಕ್ಷಣಾ ॥ 134 ॥
ಮೌಂಜೀಕಚ್ಛಧರಾ ಮೌರ್ವೀದ್ವಿರೇಫಮುಖರೋನ್ಮುಖಾ ।
ಓಂ ಐಂ ಹ್ರೀಂ ಶ್ರೀಂ ಯಂ – 42 ॥
ಯಜ್ಞವೃನ್ದಪ್ರಿಯಾ ಯಷ್ಟ್ರೀ ಯಾನ್ತವರ್ಣಸ್ವರೂಪಿಣೀ ॥ 135 ॥
ಯನ್ತ್ರರೂಪಾ ಯಶೋದಾತ್ಮಜಾತಸಜುತವೈಭವಾ ।
ಯಶಸ್ಕರೀ ಯಮಾರಾಧ್ಯಾ ಯಜಮಾನಾಕೃತಿರ್ಯತಿಃ ॥ 136 ॥
ಯಾಕಿನೀ ಯಕ್ಷರಕ್ಷಾದಿವೃತಾ ಯಜನತರ್ಪಣಾ ।
ಯಾಥಾರ್ಥ್ಯವಿಗ್ರಹಾ ಯೋಗ್ಯಾ ಯೋಗಿನೀ ಯೋಗನಾಯಿಕಾ ॥ 137 ॥
ಯಾಮಿನೀ ಯಜಮೋತ್ಸಾಹಾ ಯಾಮಿನೀಚರಭಕ್ಷಿಣೀ ।
ಯಾಯಜೂಕರ್ಚಿತಪದಾ ಯಜ್ಞೇಶೀ ಯಕ್ಷಿಣೀಶ್ವರೀ ॥ 138 ॥
ಯಾಸಾಪದ್ಮಧರಾ ಯಾಸಾಪದ್ಮಾನ್ತರಪರಿಷ್ಕೃತಾ ।
ಯೋಷಾಽಭಯಂಕರೀ ಯೋಷಿದ್ವೃನ್ದವನ್ದಿತಪಾದುಕಾ ॥ 139 ॥
ಓಂ ಐಂ ಹ್ರೀಂ ಶ್ರೀಂ ರಂ – 43 ॥
ರಕ್ತಚಾಮುಂಡಿಕಾ ರಾತ್ರಿದೇವತಾ ರಾಗಲೋಲುಪಾ ।
ರಕ್ತಬೀಜಪ್ರಶಮನೀ ರಜೋಗನ್ಧನಿವಾರಿಣೀ ॥ 140 ॥
ರಣರಗನಟೀರತ್ತ್ರಮಜ್ಜೀರಚರಣಾಮ್ಬುಜಾ ।
ರಜಧ್ವವಸ್ತಾಚಲಾ ರಾಗಹೀನಮಾನಸಹಂಸಿನೀ ॥ 141 ॥
ರಸನಾಲೇಪಿತಕ್ರೂರರಕ್ತಬೀಜಕಲೇಬರಾ ।
ರಕ್ಷಾಕರೀ ರಮಾ ರಮ್ಯಾ ರಂಜಿನೀ ರಸಿಕಾವೃತಾ ॥ 142 ॥
ರಾಕಿಣ್ಯಮ್ಬಾ ರಾಮನುತಾ ರಮಾವಾಣೀನಿಷೇವಿತಾ ।
ರಾಗಾಲಾಪಪರಬ್ರಹ್ಮ ಶಿರೋ ಮಾಲಾಪ್ರಸಾಧನಾ ॥ 143 ॥
ರಾಜರಾಜೇಶ್ವರೀ ರಾಜ್ಞೀ ರಾಜೀವನಯನಪ್ರಿಯಾ ।
ರಾಜವ್ರಾತಕಿರೀಟಾಂಶುನೀರಾಜಿತಪದಾಮ್ಬುಜಾ ॥ 144 ॥
ರುದ್ರಚಾಮುಂಡಿಕಾ ರುಕ್ಮಸದೃಶಾ ರುಧಿರಪ್ರಿಯಾ ।
ರುದ್ರತಾಂಡವಸಾಮರ್ಥ್ಯದರ್ಶನೋತ್ಸುಕಮಾನಸಾ ॥ 145 ॥
ರುದ್ರಾಟ್ಟಹಾಸಸಂಕ್ಷುಭ್ಯಜ್ಜಗನ್ತುಷ್ಟಿವಿಧಾಯಿನೀ ।
ರುದ್ರಾಣೀ ರುದ್ರವನಿತಾ ರುರುರಾಜಹಿತೈಷಿಣೀ ॥ 146 ॥
ರೇಣುಕಾ ರೇಣುಕಾಸೂನುಸ್ತುತ್ಯಾ ರೇವಾವಿಹಾರಿಣೀ ।
ರೋಗಘ್ನೀ ರೋಷನಿರ್ದಗ್ಧಶತ್ರುಸೇನಾನಿವೇಶಿನೀ ॥ 147 ॥
ರೋಹಿಣೀಶಾಂಶುಸಮ್ಭೂತಝರೀರತ್ನವಿತಾನಕಾ ।
ರೌದ್ರೀ ರೌದ್ರಾಸ್ತ್ರನಿರ್ದಗ್ಧರಾಕ್ಷಸಾ ರಾಹುಪೂಜಿತಾ ॥ 148 ॥
ಓಂ ಐಂ ಹ್ರೀಂ ಶ್ರೀಂ ಲಂ – 44 ॥
ಲಘೂಕ್ತಿವಲ್ಗುಸ್ತಿಮಿತವಾಣೀತ್ಯಕ್ತವಿಪಂಚಿಕಾ ।
ಲಜ್ಜಾವತೀ ಲಲತ್ಪ್ರೋಚ್ಚಕೇಶಾ ಲಮ್ಬಿಪಯೋಧರಾ ॥ 149 ॥
ಲಯಾದಿಕರ್ತ್ರೀ ಲೋಮಾಲಿಲತಾನಾಭೀಸರಃ ಕಟೀ ।
ಲಲದೋಷ್ಠದಲದ್ವನ್ದ್ವವದನಾ ಲಕ್ಷ್ಯದೂರಗಾ ॥ 150 ॥
ಲಲನ್ತಿಕಾಮಣೀಭಾಸ್ವನ್ನಿಟಿಲಶ್ರೀಮುಖಾಮ್ಬುಜಾ ।
ಲಲಾಟಾರ್ಧನಿಶಾನಾಥಕಲಂಕೋದ್ಭಾಸಿಲೋಚನಾ ॥ 151 ॥
ಲಲಿತಾ ಲೋಭಿನೀ ಲೋಭಹೀನಾ ಲೋಕೇಶ್ವರೀ ಲಘುಃ ।
ಲಕ್ಷ್ಮೀರ್ಲಕ್ಷ್ಮೀಶಸಹಜಾ ಲಕ್ಷ್ಮಣಾಗ್ರಜವನ್ದಿತಾ ॥ 152 ॥
ಲಾಕಿನೀ ಲಘಿತಾಪೃಭೋಧಿನಿವಹಾ ಲಲಿತಾಗ್ಬಿಕಾ ।
ಲಾಜಹೋಮಪ್ರಿಯಾ ಲಮ್ಬಮುಕ್ತಾಭಾಸುರನಾಸಿಕಾ ॥ 153 ॥
ಲಾಭಾಲಾಭಾದಿರಹಿತಾ ಲಾಸ್ಯದರ್ಶನಕೋವಿದಾ ।
ಲಾವಣ್ಯದರ್ಶನೋದ್ವಿಗ್ನರತೀಶಾ ಲಧುಭಾಷಿಣೀ ॥ 154 ॥
ಲಾಕ್ಷಾರಸಾಂಚಿತಪದಾ ಲಧುಶ್ಯಾಮಾ ಲತಾತನುಃ ।
ಲಾಕ್ಷಾಲಕ್ಷ್ಮೀತಿರಸ್ಕಾರಿಯುಗಲಾಧರಪಲ್ಲವಾ ॥ 155 ॥
ಲೀಲಾಗತಿಪರಾಭೂತಹಂಸಾ ಲೀಲಾವಿನೋದಿನೀ ।
ಲೀಲಾನನ್ದನಕಲ್ಪದ್ರುಮಲತಾಡೋಲಾವಿಹಾರಿಣೀ ॥ 156 ॥
ಲೀಲಾಪೀತಾಬ್ಧಿವಿನುತಾ ಲೀಲಾಸ್ವೀಕೃತವಿಯಹಾ ।
ಲೀಲಾಶುಕೋಸ್ತಿಮುದಿತಾ ಲೀಲಾಮೃಗವಿಹಾರಿಣೀ ॥ 157 ॥
ಲೋಕಮಾತಾ ಲೋಕಸೃಷ್ಟಿಸ್ಥಿತಿಸಂಹಾರಕಾರಿಣೀ ।
ಲೋಕಾತೀತಪದಾ ಲೋಕವನ್ದ್ಯಾ ಲೋಕೈಕಸಾಕ್ಷಿಣೀ ॥ 158 ॥
ಲೋಕಾತೀತಾಕೃತಿರ್ಲಬ್ಧಾ ಮಾರ್ಗತ್ಯಾಗಪರಾನ್ತಕೀ । (??)
ಲೋಕಾನುಲ್ಲಂಘಿತನಿಜಶಾಸನಾ ಲಬ್ಧವಿಯಹಾ ॥ 159 ॥
ಲೋಮಾವಲಿ ಲತಾ ಲಮ್ಬಿಸ್ತನಯುಗ್ಮನತಾನನಾ ।
ಲೋಲಚಿತ್ತವಿದೂರಸ್ಥಾ ಲೋಮಲಮ್ಬ್ಯಂಡಜಾಲಕಾ ॥ 160 ॥
ಲಬಿತಾರಿಶಿರೋಹಸ್ತಾ ಲೋಕರಕ್ಷಾಪರಾಯಣಾ ।
ಓಂ ಐಂ ಹ್ರೀಂ ಶ್ರೀಂ ವಂ – 45 ॥
ವನದುರ್ಗಾ ವಿನ್ಧ್ಯದಲವಾಸಿನೀ ವಾಮಕೇಶ್ವರೀ ॥ 161 ॥
ವಶಿನ್ಯಾದಿಸ್ತುತಾ ವಹ್ನಿಜ್ವಾಲೋದ್ಗಾರಿಮುಖೀ ವರಾ ।
ವಕ್ಷೋಜಯಯುಗ್ಮವಿರಹಾಸಹಿಷ್ಣುಕರಶಂಕರಾ ॥ 162 ॥
ವಾಙ್ಮನೋತೀತವಿಷಯಾ ವಾಮಾಚಾರಸಮುತ್ಸುಕಾ ।
ವಾಜಪೇಯಾಧ್ವರಾನನ್ದಾ ವಾಸುದೇವೇಷ್ಟದಾಯಿನೀ ॥ 163 ॥
ವಾದಿತ್ರಧ್ವನಿಸಮ್ಭ್ರಾನ್ತದಿಗ್ಗಜಾಲಿರ್ವಿಧೀಡಿತಾ ।
ವಾಮದೇವವಸಿಷ್ಠಾದಿಪೂಜಿತಾ ವಾರಿದಪ್ರಭಾ ॥ 164 ॥
ವಾಮಸ್ತನಾಶ್ಲಿಷ್ದ್ಧಸ್ತಪದ್ಮಶಮ್ಭುವಿಹಾರಿಣೀ ।
ವಾರಾಹೀ ವಾಸ್ತುಮಧ್ಯಸ್ಥಾ ವಾಸವಾನ್ತಃ ಪುರೇಷ್ಟದಾ ॥ 165 ॥
ವಾರಾಂಗನಾನೀತಪೂರ್ಣಕುಮ್ಭದೀಪಾಲಿಮಂಟಪಾ ।
ವಾರಿಜಾಸನಶೀರ್ಷಾಲಿಮಾಲಾ ವಾರ್ಧಿಸರೋವರಾ ॥ 166 ॥
ವಾರಿತಾಸುರದರ್ಪಶ್ರೀಃ ವಾರ್ಧಘ್ನೀಮನ್ತ್ರರೂಪಿಣೀ ।
ವಾರ್ತಾಲೀ ವಾರುಣೀ ವಿದ್ಯಾ ವರುಣಾರೋಗ್ಯದಾಯಿನೀ ॥ 167 ॥
ವಿಜಯಾ ವಿಜಯಾಸ್ತುತ್ಯಾ ವಿರೂಪಾ ವಿಶ್ವರೂಪಿಣೀ ।
ವಿಪ್ರಶತ್ರುಕದಮ್ಬಘ್ನೀ ವಿಪ್ರಪೂಜ್ಯಾ ವಿಷಾಪಹಾ ॥ 168 ॥
ವಿರಿಂಚಿಶಿಕ್ಷಣೋದ್ಯುಕ್ತಮಧುಕೈಟಭನಾಶಿನೀ ।
ವಿಶ್ವಮಾತಾ ವಿಶಾಲಾಕ್ಷೀ ವಿರಾಗಾ ವೀಶವಾಹನಾ ॥ 169 ॥
ವೀತರಾಗವೃತಾ ವ್ಯಾಘ್ರಪಾದ ನೃತ್ತಪ್ರದರ್ಶಿನೀ ।
ವೀರಭದ್ರಹತೋನ್ಮತ್ತದಕ್ಷಯಜ್ಞಾಶ್ರಿತಾಮರಾ ॥ 170 ॥
ವೇದವೇದ್ಯಾ ವೇದರೂಪಾ ವೇದಾನನಸರೋರುಹಾ ।
ವೇದಾನ್ತವಿಷಯಾ ವೇಣುನಾದಜ್ಞಾ ವೇದಪೂಜಿತಾ ॥ 171 ॥
ವೌಷಟ್ಮನ್ತ್ರಮಯಾಕಾರಾ ವ್ಯೋಮಕೇಶೀ ವಿಭಾವರೀ । ??
ವನ್ದ್ಯಾ ವಾಗ್ವಾದಿನೀ ವನ್ಯಮಾಂಸಾಹಾರಾ ವನೇಶ್ವರೀ ॥ 172 ॥
ವಾಂಛಾಕಲ್ಪಲತಾ ವಾಣೀ ವಾಕ್ಪ್ರದಾ ವಾಗಧೀಶ್ವರೀ ।
ಓಂ ಐಂ ಹ್ರೀಂ ಶ್ರೀಂ ಶಂ – 46 ॥
ಶಕ್ತಿವೃನ್ದಾವೃತಾ ಶಬ್ದಮಯೀ ಶ್ರೀಚಕ್ರರೂಪಿಣೀ ॥ 173 ॥
ಶಬರೀ ಶಬರೀದುರ್ಗಾ ಶರಭೇಶಚ್ಛದಾಕೃತಿಃ ।
ಶಬ್ದಜಾಲೋದ್ಭವಢ್ಢಕ್ಕಾರವಾಸನ್ದಿಗ್ಧತಾಪಸಾ ॥ 174 ॥
ಶರಣಾಗತಸನ್ತ್ರಾಣಪರಾಯಣಪಟೀಯಸೀ ।
ಶಶಾಂಕಶೇಖರಾ ಶಸ್ತ್ರಧರಾ ಶತಮುಖಾಮ್ಬುಜಾ ॥ 175 ॥
ಶಾತೋದರೀ ಶಾನ್ತಿಮತೀ ಶರಚ್ಚನ್ದ್ರನಿಭಾನನಾ ।
ಶಾಪಾಪನೋದನಚಣಾ ಶಂಕಾದೋಷಾದಿನಾಶಿನೀ ॥ 176 ॥
ಶಿವಕಾಮಸುನ್ದರೀ ಶ್ರೀದಾ ಶಿವವಾಮಾಂಗವಾಸಿನೀ ।
ಶಿವಾ ಶ್ರೀದಾನನಿಪುಣಲೋಚನಾ ಶ್ರೀಪತಿಪ್ರಿಯಾ ॥ 177 ॥
ಶುಕಾದಿದ್ವಿಜವೃನ್ದೋಕ್ತಿಸ್ತಬ್ಧಮಾನಸಗೀಷ್ಪತಿಃ ।
ಶುಕ್ರಮಂಡಲಸಂಕಾಶಮುಕ್ತಾಮಾಲಾ ಶುಚಿಸ್ಮಿತಾ ॥ 178 ॥
ಶುಕ್ಲದಂಷ್ಟ್ರಾಗ್ರಸನ್ದೀಪ್ತಪಾತಾಲಭ್ರಾನ್ತಪನ್ನಗಾ ।
ಶುಭ್ರಾಸನಾ ಶೂರಸೇನಾವೃತಾ ಶೂಲಾದಿನಾಶಿನೀ ॥ 179 ॥
ಶೂಕವೃಶ್ಚಿಕನಾಗಾಖುರ್ವೃಕಹ್ರಿಂಸ್ರಾಲಿಸಂವೃತಾ ।
ಶೂಲಿನೀ ಶೂಲಡ್ಗಾಹಿಶಂಖಚಕ್ರಗದಾಧರಾ ॥ 180 ॥
ಶೋಕಾಬ್ಧಿಶೋಷಣೋದ್ಯುಕ್ತಬಡವಾ ಶ್ರೋತ್ರಿಯಾವೃತಾ ।
ಶಂಕರಾಲಿಂಗನಾನನ್ದಮೇದುರಾ ಶೀತಲಾಮ್ಬಿಕಾ ॥ 181 ॥
ಶಂಕರೀ ಶಂಕರಾರ್ಧಾಂಗಹರಾ ಶಾಕ್ಕರವಾಹನಾ ।
ಶಮ್ಭುಕೋಪಾಗ್ನಿನಿರ್ದಗ್ಧಮದನೋತ್ಪಾದಕೇಕ್ಷಣಾ ॥ 182 ॥
ಶಾಮ್ಭವೀ ಶಮ್ಭುಹಸ್ತಾಬ್ಜಲೀಲಾರುಣಕರಾವಲಿಃ ।
ಶ್ರೀವಿದ್ಯಾ ಶುಭದಾ ಶುಭವಸ್ತ್ರಾ ಶುಮ್ಭಾಸುರಾನ್ತಕೀ ॥ 183 ॥
ಓಂ ಐಂ ಹ್ರೀಂ ಶ್ರೀಂ ಷಂ – 47 ॥
ಷಡಾಧಾರಾಬ್ಜನಿಲಯಾ ಷಾಡ್ಗುಣ್ಯಶ್ರೀಪ್ರದಾಯಿನೀ ।
ಷಡೂರ್ಮಿಘ್ನಿ ಷಡಧ್ವಾನ್ತಪದಾರೂಢಸ್ವರೂಪಿಣೀ ॥ 184 ॥
ಷಟ್ಕೋಣಮಧ್ಯನಿಲಯಾ ಷಡರ್ಣಾ ಷಾನ್ತರೂಪಿಣೀ ।
ಷಡ್ಜಾದಿಸ್ವರನಿರ್ಮಾತ್ರೀ ಷಡಂಗಯುವತೀಶ್ವರೀ ॥ 185 ॥
ಷಡ್ಭಾವರಹಿತಾ ಷಂಡಕಂಟಕೀ ಷಣ್ಮುಖಪ್ರಿಯಾ ।
ಷಡ್ಸಾಸ್ವಾದಮುದಿತಾ ಷಷ್ಠೀಶಾದಿಮದೇವತಾ ॥ 186 ॥
ಷೋಢಾನ್ಯಾಸಮಯಾಕಾರಾ ಷೋಡಶಾಕ್ಷರದೇವತಾ ।
ಓಂ ಐಂ ಹ್ರೀಂ ಶ್ರೀಂ ಸಂ – 48 ॥
ಸಕಲಾ ಸಚ್ಚಿದಾನನ್ದಲಕ್ಷಣಾ ಸೌಖ್ಯದಾಯಿನೀ ॥ 187 ॥
ಸನಕಾದಿಮುನಿಧ್ಯೇಯಾ ಸನ್ಧ್ಯಾನಾಟ್ಯವಿಶಾರದಾ ।
ಸಮಸ್ತಲೋಕಜನನೀ ಸಭಾನಟನರಂಜಿನೀ ॥ 188 ॥
ಸರಃ ಪುಲಿನಲೀಲಾರ್ಥಿಯುವತೀನಿವಹೋತ್ಸುಕಾ ।
ಸರಸ್ವತೀ ಸುರಾರಾಧ್ಯಾ ಸುರಾಪಾನಪ್ರಿಯಾಸುರಾ ॥ 189 ॥
ಸರೋಜಲವಿಹಾರೋದ್ಯತ್ಪ್ರಿಯಾಕೃಷ್ಟೋತ್ತರಾಂಶುಕಾ ।
ಸಾಧ್ಯಾ ಸಾಧ್ಯಾದಿರೀಹತಾ ಸ್ವತನ್ತ್ರಾ ಸ್ವಸ್ತಿರೂಪಿಣೀ ॥ 190 ॥
ಸಾಧ್ವೀ ಸಂಗೀತರಸಿಕಾ ಸರ್ವದಾ ಸರ್ವಮಂಗಲಾ ।
ಸಾಮೋದ್ಗೀತನಿಜಾನನ್ದಮಹಿಮಾಲಿಸ್ಸನಾತನಾ ॥ 191 ॥
ಸಾರಸ್ವತಪ್ರದಾ ಸಾಮಾ ಸಂಸಾರಾರ್ಣವತಾರಿಣೀಮ್ ।
ಸಾವಿತ್ರೀ ಸಂಗನಿರ್ಮುಕ್ತಾ ಸತೀಶೀ ಸರ್ವತೋಮುಖೀ ॥ 192 ॥
ಸಾಖ್ಯತತ್ವಜ್ಞನಿವಹವ್ಯಾಪಿಸಾಲಾ ಸುಖೇಶ್ವರೀ ।
ಸಿದ್ಧಸಂಘಾವೃತಾ ಸಾನ್ಧ್ಯವನ್ದಿತಾ ಸಾಧುಸತ್ಕೃತಾ ॥ 193 ॥
ಸಿಂಹಾಸನಗತಾ ಸರ್ವಶೃಂಗಾರರಸವಾರಿಧಿಃ ।
ಸುಧಾಬ್ಧಿಮಧ್ಯನಿಲಯಾ ಸ್ವರ್ಣದ್ವೀಪಾನ್ತರಸ್ಥಿತಾ ॥ 194 ॥
ಸುಧಾಸಿಕ್ತಾಲವಾಲೋದ್ಯತ್ಕಾಯಮಾನಲತಾಗೃಹಾ ।
ಸುಭಗಾ ಸುನ್ದರೀ ಸುಭ್ರೂಃ ಸಮುಪಾಸ್ಯತ್ವಲಕ್ಷಣಾ ॥ 195 ॥
ಸುರದುಸಂಕುಲಾಭೋಗತಟಾ ಸೌದಾಮಿನೀನಿಭಾ ।
ಸುರಭೀಕೇಶಸಮ್ಭ್ರಾನ್ತದ್ವಿರೇಫಮುಖರಾನ್ವಿತಾ ॥ 196 ॥
ಸೂರ್ಯಚನ್ದ್ರಾಂಶುಧಿಕ್ಕಾರಿಪ್ರಭಾರತ್ನಾಲಿಮಂಡಪಾ ।
ಸೋಮಪಾನೋದ್ಭವಾಮೋದವಿಪ್ರಗೀತಾಪದಾನಕಾ ॥ 197 ॥
ಸೋಮಯಾಗಪ್ರಿಯಾ ಸೋಮಸೂರ್ಯವಹ್ನಿವಿಲೋಚನಾ ।
ಸೌಗನ್ಧಿಕಮರುದ್ವೇಗಮೋದಿತಾ ಸದ್ವಿಲಾಸಿನೀ ॥ 198 ॥
ಸೌನ್ದರ್ಯಮೋಹಿತಾಧೀನವಲ್ಲಭಾ ಸನ್ತತಿಪ್ರದಾ ।
ಸೌಭಾಗ್ಯಮನ್ತ್ರಿಣೀ ಸತ್ಯವಾದಾ ಸಾಗರಮೇಖಲಾ ॥ 199 ॥
ಸ್ವಶ್ವಾಸೋಚ್ಛವಾಸಭುವನಮೋಚನೋನ್ಮೋಚನಾ ಸ್ವಧಾ ।
ಓಂ ಐಂ ಹ್ರೀಂ ಶ್ರೀಂ ಹಂ – 49 ॥
ಹಯಾರೂಢಾ ಹಯಗ್ರೀವವಿನುತಾ ಹತಕಿಲ್ಬಿಷಾ ॥ 200 ॥
ಹರಾಲಿಂಗನಶೀತಾಂಶೂನ್ಮಿಷನ್ನೇತ್ರಮುದ್ವತೀ ।
ಹರಿನಾಭಿಸಮುದ್ಭೂತವಿರಿಂಚಿವಿನುತಾ ಹರಾ ॥ 201 ॥
ಹಾದಿವಿದ್ಯಾ ಹಾನಿಹೀನಾ ಹಾಕಿನೀ ಹರಿಚಂಡಿಕಾ ।
ಹಾರಾವಲಿಪ್ರಭಾದೀಪ್ತ ಹರಿದನ್ತದಿಗಮ್ಬರಾ ॥ 202 ॥
ಹಾಲಾಹಲವಿಷೋದ್ವಿಗ್ರವಿಷ್ಟಾಪಾನೇಕರಕ್ಷಕೀ ।
ಹಾಹಾಕಾರರವೋದ್ಗೀತದನುಜಾ ಹಾರಮಂಜುಲಾ ॥ 203 ॥
ಹಿಮಾದ್ರಿತನಯಾ ಹೀರಮಕುಟಾ ಹಾರಪನ್ನಗಾ ।
ಹುತಾಶನಧರಾ ಹೋಮಪ್ರಿಯಾ ಹೋತ್ರೀ ಹಯೇಶ್ವರೀ ॥ 204 ॥
ಹೇಮಪದ್ಮಧರಾ ಹೇಮವರ್ಮರಾಜಸಮರ್ಚಿತಾ ।
ಹಂಸಿನೀ ಹಂಸಮನ್ತ್ರಾರ್ಥಾ ಹಂಸವಾಹಾ ಹರಾಂಗಭೃತ್ ॥ 205 ॥
ಹೃದ್ಯಾ ಹೃದ್ಯಮನೋನಿತ್ಯವಾಸಾ ಹರಕುಟುಮ್ಬಿನೀ । (??)
ಹ್ರೀಮತಿಃ ಹೃದಯಾಕಾಶತರಣಿಃ ಹ್ರಿಮ್ಪರಾಯಣಾ ॥ 206 ॥
ಓಂ ಐಂ ಹ್ರೀಂ ಶ್ರೀಂ ಕ್ಷಂ – 50 ॥
ಕ್ಷಣದಾಚರಸಂಹಾರಚತುರಾ ಕ್ಷುದ್ರದುರ್ಮುಖಾ ।
ಕ್ಷಣದಾರ್ಚ್ಯಾ ಕ್ಷಪಾನಾಥಸುಧಾರ್ದ್ರಕಬರೀ ಕ್ಷಿತಿಃ ॥ 207 ॥
ಕ್ಷಮಾ ಕ್ಷಮಾಧರಸುತಾ ಕ್ಷಾಮಕ್ಷೋಭವಿನಾಶಿನೀ ।
ಕ್ಷಿಪ್ರಸಿದ್ಧಿಮ್ಪ್ರದಾ ಕ್ಷಿಪ್ರಗಮನಾ ಕ್ಷುಣ್ಣಿವಾರಿಣೀ ॥ 208 ॥
ಕ್ಷೀಣಪುಣ್ಯಾಸುಹೃತ್ ಕ್ಷೀರವರ್ಣಾ ಕ್ಷಯವಿವರ್ಜಿತಾ ।
ಕ್ಷೀರಾನ್ನಾಹಾರಮುದಿತಾ ಕ್ಷ್ಮ್ರ್ಯೂಮ್ಮನ್ತ್ರಾಪ್ತೇಷ್ಟಯೋಗಿರಾಟ್ ॥ 209 ॥
ಕ್ಷೀರಾಬ್ಧಿತನಯಾ ಕ್ಷೀರಘೃತಮಧ್ವಾಸವಾರ್ಚಿತಾ ।
ಕ್ಷುಧಾರ್ತಿದೀನಸನ್ತ್ರಾಣಾ ಕ್ಷಿತಿಸಂರಕ್ಷಣಕ್ಷಮಾ ॥ 210 ॥
ಕ್ಷೇಮಂಕರೀ ಕ್ಷೇತ್ರಪಾಲವನ್ದಿತಾ ಕ್ಷೇತ್ರರೂಪಿಣೀ ।
ಕ್ಷೌಮಾಮ್ಬರಧರಾ ಕ್ಷತ್ರಸಮ್ಪ್ರಾರ್ಥಿತಜಯೋತ್ಸವಾ ॥ 211 ॥
ಕ್ಷ್ವೇಲಭುಗ್ರಸನಾಸ್ವಾದ ಜಾತ ವಾಗ್ರಸವೈಭವಾ ।
ಇತಿ ಶ್ರೀಭೃಂಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ
ಶಿವಗೌರೀಸಂವಾದೇ ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್
॥ ಉತ್ತರಪೀತಿಕಾ ॥
ಇತ್ಯೇತತ್ತೇ ಮಯಾಽಽಖ್ಯಾತಂ ನಾಮ ಸಾಹಸ್ರಮುತ್ತಮಮ್ ।
ಶಿವಕಾಮಸುನ್ದರೀದೇವ್ಯಾಃ ಶಿವಾಯಾಃ ಪರಮೇಶ್ವರಿ ॥ 1 ॥
ಚತುರ್ವೇದಸ್ಯ ತಾತ್ಪರ್ಯಸಾರಭೂತಂ ಸುಖಪ್ರದಮ್ ।
ಸಹಸ್ರನಾಮಕ ಸ್ತೋತ್ರರತ್ನಾಭಿಧಮಿದಂ ಪ್ರಿಯೇ ।
ಶ್ರುತ್ಯನ್ತವಾಕ್ಯನಿಚಯಬದ್ಧಂ ಶೀಘ್ರಪ್ರಸಿದ್ಧಿದಮ್ ॥ 2 ॥
ಆಯುರಾರೋಗ್ಯದಂ ಪುಣ್ಯವರ್ಧನಂ ಭುಕ್ತಿಮುಕ್ತಿದಮ್ ।
ವಿಘ್ನವಾರಣವಿಘ್ನೇಶಂ ಸಂಸಾರಧ್ವಾನ್ತಭಾಸ್ಕರಮ್ ॥ 3 ॥
ಶೋಕಕಾನ್ತಾರದಾವಾಗ್ನಿಮಜ್ಞಾನಾಬ್ಧಿಘಟೋದ್ಭವಮ್ ।
ರೋಗಪರ್ವತದಭ್ಭೋಲಿಂ ಶತ್ರುವರ್ಗಾಹಿತಾರ್ಕ್ಷ್ಯಕಮ್ ॥ 4 ॥
ಸರ್ವವಿದ್ಯಾಪ್ರದಂ ನೄಣಾಂ ತುಷ್ಟಿದಂ ಪುಷ್ಟಿದಂ ಪ್ರಿಯೇ ।
ಭೂತಾಃ ಪ್ರೇತಾಃ ಪಿಶಾಚಾಶ್ಚ ಬ್ರಹ್ಮರಕ್ಷೋಗಣೋರಗಾಃ ॥ 5 ॥
ಜಟಾಮುನಿಗಣಾಃ ಕ್ಷುದ್ರಜ್ವರಕೃದ್ಗ್ರಹಮಂಡಲಾಃ ।
ಕೋಟರಾರೇವತೀಜ್ಯೇಷ್ಠಾಪೂತನಾಮಾತೃಕಾದಯಃ ॥ 6 ॥
ಮಹಾಜ್ವರಕರಾಶ್ಚಾನ್ಯೇ ಭೇತಾಲಾಗ್ನಿಧರಾಶ್ಶಿವೇ ।
ಅಪಸ್ಮಾರಾದಿಮಾಶ್ಚಾನ್ಯೇ ದೃಷ್ಟಾ ಹಿಂಸಾರಾರಾಶ್ಶಿವೇ ॥ 7 ॥
ರಾಕ್ಷಸಾ ಮನುಜಾ ಯಜ್ಞವಿಘ್ನಭೂತಾಶ್ಚ ಪನ್ನಗಾಃ ।
ಸಾಲುವಾಃ ಶರಭಾಃ ಸಿಂಹಾಃ ವ್ಯಾಘ್ರಾ ಋಕ್ಷಾ ಗಜಾ ವೃಷಾಃ ।
ಶಾಕ್ಕರಾ ಮಹಿಷಾಚ್ಛಗಾಃ ಗವಯಾವೃಕಜಮ್ಬುಕಾಃ ।
ಅನ್ಯೇ ವನ್ಯಾ ಮೃಗಾ ದೇವಿ ಹಿಂಸಕಾಶ್ಶೂಕವೃಶ್ಚಿಕಾಃ ॥ 9 ॥
ಅಂಡಜಾಸ್ಸ್ವೇದಜಾ ದೇವಿ ಚೋದ್ಭಿದಾಶ್ಚ ಜರಾಯುಜಾಃ ।
ಯೇ ಯೇ ಹಿಂಸಾಕರಾಸ್ಸರ್ವೇ ನಾಮಸಾಹಸ್ರಜಾಪಿನಮ್ ॥ 10 ॥
ದೃಷ್ಟ್ವಾ ಭೀತ್ಯಾ ಪರಿಭ್ರಾನ್ತಾಃ ಸ್ಖಲನ್ತಶ್ಚ ವಿದೂರತಃ ।
ಪತನ್ತಶ್ಚ ಪಲಾಯನ್ತೇ ಪ್ರಾಣತ್ರಾಣಪರಾಯಣಾಃ ॥ 11 ॥
ಅಮ್ಬಿಕಾನಾಮಸಾಹಸ್ರಜಪಶೀಲಸ್ಯ ಯೋಗಿನಃ ।
ದ್ರವ್ಯಾಣಿ ಯೋಽಪಹರತೇ ತಂ ಭಕ್ಷಯತಿ ಯೋಗಿನೀ ॥ 12 ॥
ಶಿವಕಾಮಸುನ್ದರೀಭಸ್ತಿಶಾಲಿನಂ ದ್ವೇಷ್ಟಿ ಯೋ ನರಃ ।
ತಂ ನಾಶಯತಿ ಸಾ ದೇವೀ ಸಪುತ್ರಗಣಬಾನ್ಧವಮ್ ॥ 13 ॥
ಶಿವಕಾಮಸುನ್ದರೀಭಕ್ತೇ ಚಾಭಿಚಾರಾದಿದುಷ್ಕೃತಿಮ್ ।
ಯಃ ಪ್ರೇರಯತಿ ಮೂಢಾತ್ಮಾ ತಂ ದೇವೀ ಶಿವಸುನ್ದರೀ ॥ 14 ॥
ಮುಖಾಗ್ನಿಜ್ವಾಲಯಾ ದೇವೀ ದಾಹಯತ್ಯಂಜಸಾ ಧುವಮ್ ।
ಅನೇನ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತ್ಯದ್ರಿಕನ್ಯಕೇ ॥ 15 ॥
ಏತತ್ಸ್ತೋತ್ರಜಪೇನೈವ ವಿಷ್ಣುರ್ಲಕ್ಷ್ಮೀಶ್ವರೋಽಭವತ್ ।
ಜಗದ್ರಕ್ಷಕಕರ್ತೃತ್ವಂ ಬ್ರಹ್ಮಣೋ ವೇಧಸಃ ಪ್ರಿಯೇ ॥ 16 ॥
ಸೃಷ್ಟಿಕರ್ತೃತ್ವಮಪ್ಯಮ್ಬೇ ವೇದಾನಾಂ ಚ ವಿಧಾಯಕಃ ।
ಅಭೂದನ್ಯೇಽಮರಾಶ್ಚೈವ ವಹ್ನೀನ್ದ್ರಯಮರಾಕ್ಷಸಾಃ ॥ 17 ॥
ಜಲವಾಯ್ವೀಶಧನದಾಃ ಯೋಗಿನಶ್ಚ ಮಹರ್ಷಯಃ ।
ಜಪಾದಸ್ಯ ಸ್ವಯಂ ಸಿದ್ಧಿಂ ಲೇಭಿರೇ ಸತತಂ ಶಿವೇ ॥ 18 ॥
ಮಮ ಶಕ್ತಿಮಯೀ ತ್ವಂ ಹಿ ದೇವೀ ಸಾ ಕಾಮಸುನ್ದರೀ ।
ತಸ್ಯಾಃ ಪ್ರಭಾವಂ ನಾನ್ಯೇನ ವಸ್ತುಂ ಶಕ್ಯಂ ಹಿ ಸುನ್ದರಿ! ॥ 19 ॥
ತ್ವಯೈವ ಚಿನ್ತನೀಯಂ ತತ್ ತ್ವತ್ತೋ ನಾನ್ಯಾಸ್ತಿ ಹಿ ಪ್ರಿಯಾ ।
ಏತನ್ನಾಮಸಹಸ್ರಸ್ಯ ಜಪೇ ತ್ರೈವರ್ಣಿಕಃ ಪ್ರಿಯೇ ॥ 20 ॥
ಮಯಾಧಿಕ್ರಿಯತೇಽನ್ಯೇಷಾಂ ಚ ಭವೇದಧಿಕಾರತಾ ।
ಅನ್ಯೇ ತು ಪಾಠಯೇದ್ವಿಪ್ರೈಃ ಲಭೇರನ್ದವೇಷ್ಟಕಾಮನಾಮ್ ॥ 21 ॥
ಯೋ ವಿಪ್ರಶ್ಶಾನ್ತಹೃದಯಃ ನಾಮಸಾಹಸ್ರಮುತ್ತಮಮ್ ।
ಜಪತಿ ಶ್ರದ್ಧಯಾ ಯುಕ್ತಃ ಸರ್ವಾನ್ಕಾಮಾನವಾಪ್ನುಯಾತ್ ॥ 22 ॥
ಶುಕ್ರವಾರೇ ಸೌಮವಾರೇ ಭೌಮವಾರೇ ಗುರೋರ್ದಿನೇ ।
ದರ್ಶೇ ಪರ್ವಣಿ ಪಂಚಮ್ಯಾಂ ನವಮ್ಯಾಂ ಕುಲಸುನ್ದರಿ ॥ 23 ॥
ಕೃಷ್ಣಾಂಗಾರಚತುರ್ದಶ್ಯಾಂ ಸಂಕ್ರಾನ್ತಾವಯನೇ ವಿಷೌ ।
ವೃಷೇ ಶುಕ್ಲನವಮ್ಯಾಂ ಚ ಶ್ರಾವಣ್ಯಾಂ ಮೂಲಭೇ ಶುಭೇ ॥ 24 ॥
ಆಷಾಢೇ ಚ ತುಲಾಯಾಂ ಚ ನಕ್ಷತ್ರೇ ಪೂರ್ವಫಲ್ಗುನೇ ।
ಜ್ಯೇಷ್ಠೇ ಚ ಫಾಲ್ಗುನೇ ಮಾಸಿ ಉತ್ತರೇ ಫಲ್ಗುನೇ ಶುಭೇ ॥ 25 ॥
ನಕ್ಷತ್ರೇ ಚ ಶುಭಾಂ ದೇವೀಂ ಗೌರೀನಾಮಭಿರಮ್ಬಿಕಾಮ್ ।
ಅರ್ಚಯೇತ್ಸತತಂ ಪ್ರೀತಾ ಸುನ್ದರೀ ಭವತಿ ಪ್ರಿಯೇ ॥ 26 ॥
ಪ್ರತಿಪನ್ಮುಖರಾಕಾನ್ತದಿನರಾತ್ರಿಷು ಚಾಮ್ಬಿಕಾಮ್ ।
ಅರ್ಚಯೇತ್ಕುಸುಮೈರ್ಬಿಲ್ವೈಃ ಹಾರಿದ್ರೈಃ ಕುಕುಮೈಃ ಶುಭೈಃ ॥ 27 ॥
ಹರಿದ್ರಾಚೂರ್ಣಸಮ್ಪೃಕ್ತೈರಕ್ಷತೈರ್ತುಲಸೀದಲೈಃ ।
ಕೇಸರೈಃ ಕೇತಕೈಶ್ಚೈವ ಮನ್ದಾರೈಶ್ಚಮ್ಪಕೈರಪಿ ॥ 28 ॥
ಪ್ರಥಮಂ ಗನ್ಧತೈಲೇನಾಭಿಷಿಚ್ಯ ತತಃ ಪರಮ್ ।
ಪಯಸಾ ಮಧುನಾ ದಘ್ನಾ ಘೃತೇನ ಲಿಕುಚೇನ ಚ ॥ 29 ॥
ನಾರಿಕೇಲಾಮ್ರಪನಸಕದಲೀನಾಂ ಫಲತ್ರಯಮ್ ।
ಶರ್ಕರಾಮಧುಸಮ್ಪೃಕ್ತಂ ಪಂಚ್ಜಾಮೃತಮಥಾಮ್ಬಿಕಾಮ್ ॥ 30 ॥
ಅಭಿಷಿಚ್ಯ ತತಃ ಪಶ್ಚಾತ್ಸಗನ್ಧೀಶ್ಚನ್ದನೈಃ ಶುಭೈಃ ।
ಅನ್ನೈಶ್ಚ ಕುಂಕುಮೈಶ್ಚೈವ ಫಲಾನಾಂ ಚ ರಸೈಸ್ತಥಾ ॥ 31 ॥
ಗಂಗಾಮ್ಬುಭಿಸ್ತತಃ ಕುರ್ಯಾತ್ವಾಸಿತೈಃ ಸಲಿಲೈಶ್ಶುಭೈಃ ।
ಸಮ್ಯಗುನ್ಮಾರ್ಜ್ಯ ವಸ್ತ್ರೈಶ್ಚ ಪೀತಾಮ್ಬರಮುಖೈಃ ಶಿವೈಃ ॥ 32 ॥
ಆಚ್ಛಾದ್ಯ ಕಂಚುಕೈಶ್ಚೈವಾಲಂಕೃತ್ಯಾಭರಣೈಸ್ಸುಮೈಃ ।
ಶುದ್ಧಾನ್ನೈಃ ಪಾಯಸಾನ್ನೈಶ್ಚ ರಸಖಂಡಾನ್ನೈಶ್ಚ ಭಕ್ಷ್ಯಕೈಃ ॥ 33 ॥
ಗುಡಾನ್ನೇಃ ಪಾಯಸಾಪೂಪೈರ್ಮಾಷಾಪೂಪೈಶ್ಚ ಲೇಹ್ಯಕೈಃ ।
ಖಾದ್ಯೈಶ್ಚ ವಿವಿಧೈರನ್ನೈಃ ಚಿತ್ರಾನ್ನೈಶ್ಚ ವಿಶೇಷತಃ ॥ 34 ॥
ಲಡ್ಡುಕೈರ್ಮೋದಕೈಶ್ಚಾಪಿ ಕರಮ್ಭೈಶ್ಚ ಶರಾವಕೈಃ ।
ಫಲೈಶ್ಚ ವಿವಿಧೈಶ್ಚಾಪಿ ಕುರ್ಯಾನ್ನೈವೇದ್ಯಮಾದರಾತ್ ॥ 35 ॥
ಷೋಡಶೈರುಪಚಾರೈಶ್ಚ ಪೂಜಯೇಚ್ಛಿವಸುನ್ದರೀಮ್ ।
ಸುವಾಸಿನೀಃ ಕನ್ಯಕಾಶ್ಚ ವಸ್ತ್ರಾನ್ನೈಶ್ಚ ಪ್ರಪೂಜಯೇತ್ ॥ 36 ॥
ಏಭಿರ್ನಾಮಭಿರೇವೈತಾಂ ಮೂರ್ತೇ ಯನ್ತ್ರೇ ಘಟೇಽಪಿ ವಾ ।
ಆವಾಹ್ಯಾಭ್ಯರ್ಚ್ಯಯೇದ್ದೇವೀಂ ಜಪೇದ್ವಾ ಸನ್ನಿಧೌ ಸ್ತುತಿಮ್ ॥ 37 ॥
ಯಂ ಯಂ ಕಾಮಯತೇ ಶೀಘ್ರಂ ತಂ ತಂ ಪ್ರಾಪ್ನೋತ್ಯಸಂಶಯಃ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ಪುತ್ರಾರ್ಥೀ ಪುತ್ರಮಾಪ್ನುಯಾತ್ ॥ 38 ॥
ಕನ್ಯಾರ್ಥೀ ಲಭತೇ ಕನ್ಯಾಂ ಅಪ್ಸರಸ್ಸದೃಶೀಂ ಶಿವೇ ।
ಧನಾರ್ಥೀ ಲಭತೇ ಶೀಘ್ರಂ ಧನಂ ಭೂರಿ ಮಹೇಶ್ವರಿ ॥ 39 ॥
ಶ್ರೀವಿದ್ಯೋಪಾಸ್ತಿಶೀಲಾನಾಮಾತ್ಮರಕ್ಷಾರ್ಥಮಾದರಾತ್ ।
ಶತ್ರುನಿರ್ಘಾತನಾರ್ಥಂಚ ಸ್ವದಾಸಾನುಗ್ರಹಾಯ ಚ ॥ 40 ॥
ಜಪ್ತವ್ಯಂ ಸತತಂ ಭದ್ರೇ ಶ್ರುತಿವದ್ವಾಗ್ಯತಶ್ಶುಚಿಃ ।
ಸರ್ವಮನ್ತ್ರಾಧಿಕಾರತ್ವಾತ್ ಶ್ರೀವಿದ್ಯೋಪಾಸಕಸ್ಯ ತು ॥ 41 ॥
ಗುರುಂ ಸ್ವಯಂ ಜಪ್ಯಂ ವಿನಾ ಸುನ್ದರ್ಯೇವಾಸ್ಯ ದೇಶಿಕಾ ।
ತೇಷಾಮೇವ ವಿಧಿಃ ಪ್ರೋಕ್ತೋ ನಾನ್ಯೇಷಾಂ ಮೇನಕಾತ್ಮನ್ತೇ ॥ 42 ॥
ಉಪದೇಶಾದೇವ ಚ ಗುರೋಃ ಜಪ್ತವ್ಯಂ ಶಿವಭಾಷಿತಮ್ ।
ಶ್ರೀಚಕ್ರಪುರಸಮಾಜಸ್ತ್ರಿಪುರಾತುಷ್ಟಿಕಾರಣಮ್ ॥ 43 ॥
ತತ್ತ್ವಮಸ್ಯಾದಿವಾಕ್ಯಾರ್ಥಪರಬ್ರಹ್ಮಪದಪ್ರದಮ್ ।
ಶಿವಜ್ಞಾನಪ್ರದಂ ದೇವಿ ಶೀಘ್ರಸಿದ್ಧಿಕರಂ ಪರಮ್ ॥ 44 ॥
ಶ್ರೌತಸ್ಮಾರ್ತಾದಿಕರ್ಮಾದೌ ಭಕ್ತ್ಯೇದಂ ಯೋ ಜಪೇತ್ಪ್ರಿಯೇ ।
ಅವಿಘ್ನೇನ ಚ ತತ್ಕರ್ಮ ಸಾಫಲ್ಯಂ ಚೈತಿ ನಿಶ್ಚಯಃ ॥ 45 ॥
ಯುದ್ಧೇ ಪ್ರಯಾಣೇ ದುರ್ದ್ಧರ್ಷೇ ಸ್ವಪ್ನೇ ವಾತೇ ಜಲೇ ಭಯೇ ।
ಜಪ್ತವ್ಯಂ ಸತತಂ ಭದ್ರೇ ತತ್ತಚ್ಛಾನ್ತ್ಯೈ ಮಹೇಶ್ವರಿ ॥ 46 ॥
ತತ್ತನ್ಮಾತೃಕಯಾ ಪುಸ್ತಂ ತ್ರಿತಾರೇಣ ಸಮನ್ವಿತಮ್ ।
ಸ್ತೋತ್ರಮೇತಜ್ಜಪೇದ್ದೇವೀಮರ್ಚಯೇಚ್ಚ ವಿಶೇಷತಃ ॥ 47 ॥
ಸದಾ ತಸ್ಯ ಹೃದಮ್ಭೋಜೇ ಸುನ್ದರೀ ವಸತಿ ಧುವಮ್ ।
ಅಣಿಮಾದಿಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ 48 ॥
ಅಶ್ವಮೇಧಾದಿಭಿರ್ಯಜ್ಞೈಃ ಯತ್ಫಲಂ ತತ್ ಸುದುರ್ಲಭಮ್ ।
ಅಣಿಮಾದಿಮಮಹಾಸಿದ್ಧೀಃ ಲಭತೇ ನಾತ್ರ ಸಂಶಯಃ ॥ 49 ॥
ಏಭಿರ್ನಾಮಭಿರೇವಂ ಯಃ ಕಾಲೀಂ ದುರ್ಗಾಂಚ ಚಂಡಿಕಾಮ್ ।
ಅರ್ಚಯೇತ್ಸತತಂ ಭಕ್ತ್ಯಾ ಯೇ ಸರ್ವಾನ್ಕಾಮಾಂಲ್ಲಭೇನ್ನರಃ ॥ 50 ॥
ಸುನ್ದರೀಮೂರ್ತಿಭೇದಾಶ್ಚ ಕಾಲೀ ದುರ್ಗಾ ಚ ಚಂಡಿಕಾ ॥ 51 ॥
ಏಕೈವ ಶಕ್ತಿಃ ಪರಮೇಶ್ವರಸ್ಯ
ಭಿನ್ನಾ ಚತುರ್ಧಾ ವಿನಿಯೋಗಕಾಲೇ ।
ಭೋಗೇ ಭವಾನೀ ಪುರುಷೇಷು ವಿಷ್ಣುಃ
ಕೋಪೇಷು ಕಾಲೀ ಸಮರೇಷು ದುರ್ಗಾ ॥ 52 ॥
ಏಕಾ ಶಕ್ತಿಶ್ಚ ಶಮ್ಭೋರ್ವಿನಿಮಯನವಿಧೌ ಸಾ ಚತುರ್ಧಾ ವಿಭಿನ್ನಾ
ಕ್ರೋಧೇ ಕಾಲೀ ವಿಜಾತಾಚ ಸಮರಸಮಯೇ ಸಾ ಚ ಚಂಡೀ ಚ ದುರ್ಗಾ ।
ಭೋಗೇ ಸೃಷ್ಟೌ ನಿಯೋಗೇ ಚ ಸಕಲಜಗತಾಂ ಸಾ ಭವಾನೀ ಚ ಜಾತಾ
ಸರ್ವೇಷಾಂ ರಕ್ಷಣಾನುಗ್ರಹಕರಣವಿಧೌ ತಸ್ಯ ವಿಷ್ಣುರ್ಭವೇತ್ಸಾ ॥ 52 ॥
ಸಮ್ಪ್ರಯಚ್ಛತಿ ತಸ್ಯೇಷ್ಟಮಚಿರಾದೇವ ಸುನ್ದರೀ ।
ಸ್ತೋತ್ರರತ್ನಮಿದಂ ಭದ್ರೇ ಸದಾ ನಿಷ್ಕಾಮನಾಯುತಃ ॥ 53 ॥
ಯೋ ಜಪೇನ್ಮಾಮಕಂ ಧಾಮ ಬ್ರಹ್ಮವಿಷ್ಣ್ವಾದಿದುರ್ಲಭಮ್ ।
ಸತ್ಯಜ್ಞಾನಮನನ್ತಾಖ್ಯಂ ಬ್ರಾಹ್ಮಂ ಕೈವಲ್ಯಸಂಜ್ಞಕಮ್ ॥ 54 ॥
ಭವಾಬ್ಧಿತಾರಕಂ ಸೋಽಪಿ ಪ್ರಾಪ್ನೋತಿ ಮದನುಗ್ರಹಾತ್ ।
ಚಿತ್ಸಭಾಯಾಂ ನೃತ್ಯಮಾನನಟರಾಜಸ್ಯ ಸಾಕ್ಷಿಣೀ ॥ 55 ॥
ತಸ್ಯೈವ ಮಹಿಷೀ ನಾಮ್ರಾ ಶಿವಕಾಮಾ ಚ ಸುನ್ದರೀ ।
ಸಾ ಪರಬ್ರಹ್ಮಮಹಿಷೀ ಸದಾನನ್ದಾ ಶುಭಪ್ರದಾ ॥ 56 ॥
ಶಿವಕಾಮಸುನ್ದರೀನಾಮ್ನಾಂ ಸಹಸ್ರಂ ಪ್ರೋಕ್ತಮಮ್ಬಿಕೇ ।
ಏತಸ್ಯ ಸದೃಶಂ ಸ್ತೋತ್ರಂ ನಾಸ್ತಿ ನಾಸ್ತಿ ಜಗತ್ತ್ರಯೇ ॥ 57 ॥
ಸತ್ಯಂ ಸತ್ಯಂ ಪುನಸ್ಸತ್ಯಂ ತ್ವಾಂ ಶಪೇಽಹಂ ವದಾಮಿ ತೇ ।
ನಾಸ್ತಿಕಾಯ ಕೃತಘ್ನಾಯ ವಿಪ್ರದ್ವೇಷಪರಾಯ ಚ ॥ 58 ॥
ನ ದೇಯಂ ವೇದವಿಪ್ರರ್ಷಿಭಕ್ತಿಯುಕ್ತಾಯ ಶಾಮ್ಭವಿ ।
ದೇಯಂ ತ್ರಿಪುರವಿದ್ಯೇಶೀತ್ಯಥರ್ವಶ್ರುತಿ ಚೋದಿತಮ್ ॥ 59 ॥
ವಿಸ್ತೃತೇನ ಕಿಮನ್ಯಚ್ಚ ಶ್ರೋತುಕಾಮಾಸಿ ಸುನ್ದರಿ ।
ಇತಿ ನಿಗದಿತವನ್ತಂ ರಾಜತೇ ಪರ್ವತೇಽಸ್ಮಿನ್
ನವಮಣಿಗಣಪೀಠೇ ಸಂಸ್ಥಿತಂ ದೇವಮೀಶಮ್ ।
ಮುಹುರಪಿ ಕೃತನಮ್ರಾ ಭಕ್ತಿನಮ್ರಾ ಭವಾನೀ
ಕರಯುಗಸರಸಿಜೇನಾಲಿಲಿಂಗಾತಿಗಾಢಮ್ ॥ 60 ॥
ಇತಿ ಶ್ರೀಭೃಂಗಿರಿಟಿಸಂಹಿತಾಯಾಂ ಶಕ್ತ್ಯುತ್ಕರ್ಷಪ್ರಕರಣೇ ಶಿವಗೌರೀಸಂವಾದೇ
ಶ್ರೀಶಿವಕಾಮಸುನ್ದರೀಸಹಸ್ರನಾಮಸ್ತೋತ್ರೋತ್ತರಪೀಠಿಕಾ ಸಮ್ಪೂರ್ಣಾ ॥
॥ ಶಿವಮಸ್ತು ॥
Also Read 1000 Names of Sri Shivakamasundari:
1000 Names of Sri Shivakama Sundari | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
