Shri Shivakama Sundari Sahasranamastotram Lyrics in Telugu:
॥ శ్రీశివకామసున్దరీసహస్రనామస్తోత్రమ్ ॥
॥ పూర్వపీఠికా ॥
యస్యాస్సర్వం సముత్పన్నం చరాచరమిదం జగత్ ।
ఇదం నమో నటేశాన్యై తస్యై కారుణ్యమూర్తయే ॥
కైలాసాద్రౌ సుఖాసీనం శివం వేదాన్తగోచరమ్ ।
సర్వవిద్యేశ్వరం భూతిరుద్రాక్షాలఙ్కృతం పరమ్ ॥ ౧ ॥
సర్వలక్షణసమ్పన్నం సనకాదిమునీడితమ్ ।
సంసారారణ్యదావాగ్నిం యోగిరాజం యతేన్ద్రియమ్ ॥ ౨ ॥
ముకుటేన్దుసుధాపూరలబ్ధజీవకశీర్షకమ్ ।
వ్యాఘ్రచర్మామ్బరధరం నీలకణ్ఠం కపర్దినమ్ ॥ ౩ ॥
సవ్యహస్తే వహ్నిధరం మన్దస్మితముఖామ్బుజమ్ ।
ఢక్కాం చ దక్షిణే హస్తే వహన్తం చ త్రిలోచనమ్ ॥ ౪ ॥
అభయం దక్షహస్తేన దర్శయన్తం మనోహరమ్ ।
డోలహస్తేన వామేన దర్శయన్తం పదామ్బుజమ్ ॥ ౫ ॥
కుచితం దక్షపాదేన తిష్ఠన్తం ముసలోపరి ।
బ్రహ్మవిష్ణ్వాదివినుతం వేదవేద్యం నటేశ్వరమ్ ॥ ౬ ॥
ప్రణమ్య పార్వతీ గౌరీ పప్రచ్ఛ ముదితాననా ।
సర్వలక్షణసమ్పన్నా సర్వదా సర్వదా నృణామ్ ॥ ౭ ॥
పార్వత్యువాచ –
శివ! శఙ్కర! విశ్వేశ! మహాదేవ! దయానిధే!
సర్వాసాం చైవ దేవీనాం నామసాహస్రముత్తమమ్ ॥ ౮ ॥
పురా ప్రోక్తం సదానన్ద ! మహ్యం శ్రీపతిపూజిత ! ।
శివకామసున్దరీనామ్నాం సహస్రం వద సున్దర! ॥ ౯ ॥
సద్యస్సమ్పత్కరం పుణ్యం సర్వపాపప్రణాశనమ్ ।
ఇత్యుక్త్వా పార్వతీ దేవీ తుష్టావ నటనేశ్వరమ్ ॥ ౧౦ ॥
సత్యప్రబోధసుఖసన్తతిరూప విశ్వ –
మాయేన్ద్రజాలికవరేణ్య సమస్తసాక్షిన్ ।
సృష్టిస్థితిప్రలయహేతుకవిష్ణురుద్ర
శ్రీమన్నటేశ మమ దేహి కరావలమ్బమ్ ॥ ౧౧ ॥
భూవారివహ్నిపవనామ్బరచన్ద్రసూర్య –
యజ్వాష్టమూర్తివిమలీకృతవిగ్రహేదశ ।
స్వాఙ్ఘ్ర్యమ్బుజద్వయనిషస్తహృదాం ప్రసన్న !
శ్రీమన్నటేశ మమ దేహి కరావలమ్బమ్ ॥ ౧౨ ॥
లిఙ్గాకృతే పశుపతే గిరిజాపతే త్వం
నారాయణేశ గిరివాస విధీశ శమ్భో
ఫాలాక్ష శఙ్కర! మహేశ్వర మన్మథారే
శ్రీమన్నటేశ మమ దేహి కరావలమ్బమ్ ॥ ౧౩ ॥
శ్రీనీలకణ్ఠ శమనాన్తక పఞ్చవక్త్ర
పఞ్చాక్షరప్రియ పరాత్పర! విశ్వవన్ద్య ।
శ్రీచన్ద్రచూడ గజవక్త్రపితః పరేశ
శ్రీమన్నటేశ మమ దేహి కరావలమ్బమ్ ॥ ౧౪ ॥
గఙ్గాధర ప్రమథనాథ సదాశివార్యా –
జానే! జలన్ధరరిపో జగతామధీశ ।
శర్వోగ్ర భర్గ మృడ శాశ్వత! శూలపాణే
శ్రీమన్నటేశ మమ దేహి కరావలమ్బమ్ ॥ ౧౫ ॥
స్థాణో త్రిణేత్ర శిపివిష్ట! మహేశ! తాత
నారాయణప్రియ కుమారగురో కపర్దిన్ ।
శమ్భో! గిరీశ! శివ లోకపతే! పినాకిన్
శ్రీమన్నటేశ మమ దేహి కరావలమ్బమ్ ॥ ౧౬ ॥
ఖఙ్గాఙ్గిన్ అన్ధకరిపో భవ భీమ రుద్ర
దేవేశ! ఖణ్డపరశో! కరుణామ్బురాశే ।
భస్మాఙ్గరాగ పరమేశ్వర! విశ్వమూర్తే
శ్రీమన్నటేశ దేహి కరావలమ్బమ్ ॥ ౧౭ ॥
విశ్వేశ్వరాత్మక వివేకసుఖాభిరామ
శ్రీవీరభద్ర! మఖహన్తరుమాసహాయ ।
వీరేశ్వరైణకర శుభ్రవృషాధిరూఢ
శ్రీమన్నటేశ మమ దేహి కరావలమ్బమ్ ॥ ౧౮ ॥
ఏవం స్తుత్వా మహాదేవీ పఞ్చాఙ్గం ప్రణనామ హ ।
తతస్తుష్టో నటేశశ్చ ప్రోవాచ వచనం శుభమ్ ॥ ౧౯ ॥
ఏవమేవ పురా దేవీ మహాలక్ష్మీః పతివ్రతా ।
శఙ్ఖచక్రగదాపాణిః సర్వలోకహితావహః ॥ ౨౦ ॥
ధర్మసంస్థాపనార్థాయావతారాన్యుగే యుగే ।
కరిష్యతి మహా విష్ణుః మమ భర్తా దశ శృణు ॥ ౨౧ ॥
మత్స్యః కూర్మో వరాహశ్చ నారసింహోఽథ వామనః ।
రామో దాశరథిశ్చైవ రామః పరశుధారకః ॥ ౨౨ ॥
హలభృత్ బలరామశ్చ కృష్ణః కల్కిః దశ స్మృతాః ।
అవతారేషు దశసు మద్భర్తుర్నాశశఙ్కయా ॥ ౨౩ ॥
ప్రాప్తా భవన్త శరణం భవానేవ పరా గతిః ।
ఇత్యుక్త్వా చ మహాలక్ష్మీర్భస్తానామిష్టదాయకమ్ ॥ ౨౪ ॥
వేదపాదస్తవం చారు మధురం మధురాక్షరమ్ ।
ఉక్త్వా తుష్టావ ముదితా నటేశానం మహేశ్వరమ్ ॥ ౨౫ ॥
విఘ్నేశ్వరం వీతవిరాగసేవితమ్
విధీన్ద్రవిష్ణ్వాదినతాఙ్ఘ్రిపఙ్కజమ్ ।
సభాసదామాశు సుఖార్థసిద్ధిదం
గణానాం త్వాం గణపతిం హవామహే ॥ ౨౬ ॥
నగేన్ద్రతనయారమ్యస్తన్యపానరతాననమ్ ।
మాణిక్యకుణ్డలధరం కుమారం పుష్కరస్రజమ్ ॥ ౨౭ ॥
నమః శివాయ సామ్బాయ సగణాయ ససూనవే ।
నమో జ్ఞానసభేశాయ దిశాం చ పతయేనమః ॥ ౨౮ ॥
నమో బ్రహ్మాదిదేవాయ విష్ణుకాన్తాయ శమ్భవే ।
పీతామ్బరాయ చ నమః పశునాం పతయే నమః ॥ ౨౯ ॥
సన్మార్గదాయ శిష్టానామాశ్రితానాం ద్విజన్మనామ్ ।
అభక్తానాం మోహదాత్రే పథీనాం పతయే నమః ॥ ౩౦ ॥
అపస్మారమధః కృత్య నృత్యన్తం తస్య పృష్ఠకే ।
సర్వాభరణరమ్యం తం పశ్యేమ శరదశ్శతమ్ ॥ ౩౧ ॥
సున్దరం స్మేరవదనం నటరాజముమాపతిమ్ ।
సమ్పూజ్య నృత్యపాదం తే జీవేమ శరదశ్శతమ్ ॥ ౩౨ ॥
కుభీన్ద్రదైత్యం హతవానితి శమ్భుర్జగత్పతిః ।
శ్రుత్వా తే కీర్తిమమలాం నన్దామ శరదశ్శతమ్ ॥ ౩౩ ॥
మన్మథాన్ధకసంహారకథాశ్రుతిమనోహరమ్ ।
శ్రుత్వా తే విక్రమయుతం మోదామ శరదశ్శతమ్ ॥ ౩౪ ॥
సర్వదుఃఖాన్విహాయాశు శివ తేఽఙ్ఘ్రియుగామ్బుజమ్ ।
అర్చయన్తః సదా ధన్యా భవామ శరదశ్శతమ్ ॥ ౩౫ ॥
త్వత్కీర్తనం సదా భక్త్యా సర్వకల్మషనాశనమ్ ।
శఙ్కరాఘహర స్వామిన్ శృణవామ శరదశ్శతమ్ ॥ ౩౬ ॥
త్వచ్చరిత్రం పవిత్రం చ సర్వదారిద్ర్యనాశనమ్ ।
అస్మత్పుత్రప్రణప్తౄణాం ప్రబ్రవామ శరదశ్శతమ్ ॥ ౩౭ ॥
త్వద్భక్తకల్పకతరుమాశ్రయన్తస్సదా వయమ్ ।
ఇన్ద్రియాఘౌఘనిచయైరజీతాస్స్యామ శరదశ్శతమ్ ॥ ౩౮ ॥
ఏవం స్తుత్వా మహాదేవీ మహాలక్ష్మీర్మనోహరా ।
ప్రణమ్య చిత్సభానాథం తిష్ఠన్తీ ముదితాననా ॥ ౩౯ ॥
మన్మాఙ్గల్యస్య రక్షాయై మన్త్రమేకం మమాదిశ ।
తాం దృష్ట్వా చ మహాదేవః ప్రహసన్నిదమబ్రవీత్ ॥ ౪౦ ॥
త్వం శీఘ్రం గచ్ఛ దేవేశీం శివకామాం చ సున్దరీమ్ ।
తత్ర గత్వా మహేశానీం పూజయ త్వం విశేషతః ॥ ౪౧ ॥
సహస్రకుసుమైః పద్మైః నైవేద్యైశ్చ మనోహరైః ।
ఇత్యుక్త్వా పరమప్రీతో భగవాన్భక్తవత్సలః ॥ ౪౨ ॥
శివకామసున్దరీనామ్నాం సహస్రం ప్రజగాద హ ।
ఉపదిశ్య చ తాం దేవీం ప్రేషయామాస శఙ్కరః ॥ ౪౩ ॥
లక్ష్మీర్గత్వా మహేశానీం శివకామీం ముదాన్వితా ।
శివోక్తేన ప్రకారేణ సహస్రైః పఙ్కజైః క్రమాత్ ॥ ౪౪ ॥
నామభిశ్చ త్రితారైశ్చ యుక్త్వైశ్చ సుమహత్తరైః ।
పూజయామాస విధివత్ శివాచిన్తనతత్పరా ॥ ౪౫ ॥
తదా శివః శోధనాయ తస్యాః చిత్తం జగత్ప్రభుః ।
ఆనీతేషు చ పద్మేషు న్యూనమేకం చకార హి ॥ ౪౬ ॥
అతీవ దుఃఖితాలక్ష్మీః పూర్తికామేచ్ఛయా స్వయమ్ ।
అభావపుష్పసమ్పూర్త్యై నేత్రముత్పాట్య వామకమ్ ॥ ౪౭ ॥
అర్చయామాస లక్ష్మీశ్చ భక్త్యా పరమయా యుతా ।
దృష్టేవదం సున్దరీదేవీ శివకామమనోహరీ ॥ ౪౮ ॥
పూర్వస్మాదపి సౌన్దర్యం నేత్రం దత్వాఽతిహర్షతః ।
తుష్టాఽహమిష్టం వ్రియతాం వరమిత్యాహ శఙ్కరీ ॥ ౪౯ ॥
తదా వవ్రే మహాలక్ష్మీః సర్వలోకప్రియఙ్కరమ్ ।
సౌమఙ్గల్యం కురు మమ దీర్ఘం చ భవతు ధువమ్ ।
తథా భవతు భద్రం తే విష్ణుం గచ్ఛ యథాసుఖమ్ ॥ ౫౦ ॥
ఇత్యుక్త్వాఽన్తర్దధే దేవీ శివకామీ మహేశ్వరీ ।
లక్ష్మీశ్చ విష్ణుం గత్వాఽథ యథాపూర్వం స్థితోరసి ॥ ౫౧ ॥
తాదృశం నామసాహస్రం శివకామ్యాః మనోహరమ్ ।
వదామి శృణు హే దేవీనామసాహస్రముత్తమమ్ ॥ ౫౨ ॥
ఋషిః ఛన్దో దేవతా చ బీజం శక్తిశ్చ కీలకమ్ ।
కరాఙ్గన్యాసకౌ పూర్వం సురహస్యం మహేశ్వరి ॥ ౫౩ ॥
నామ్నాం త్రిపురసున్దర్యాః యత్ప్రోస్తం తద్వదేవ హి ।
శివకామసున్దరీప్రీత్యై వినియోగో జపే స్మృతః ॥ ౫౪ ॥
దిగ్బన్ధం తతో ధ్యాయేత్ శివకామీం మహేశ్వరీమ్ ।
తతశ్చ పఞ్చపూజా చ కర్తవ్యా మనుజాపినా ॥ ౫౫ ॥
తతః పరం స్తోత్రమేతజ్జప్తవ్యం భద్రకామినా ।
స్తోత్రాన్తే చ ప్రకర్తవ్యమఙ్గన్యాసం చ పూర్వవత్త్ ॥ ౫౬ ॥
కృత్వా చ దిగ్విమోకం చ తతోధ్యాయేచ్చ సున్దరీమ్ ।
లమిత్యాదిమమన్త్రైశ్చ పఞ్చపూజాం చ సంవదేత్ ॥ ౫౭ ॥
ఓం అస్య శ్రీ శివకామసున్దరీసహస్రనామస్తోత్రమహా
మన్త్రస్య । ఆనన్దభైరవదక్షిణామూర్తిః ఋషిః । దేవీ గాయత్రీ
ఛన్దః । శ్రీశివకామసున్దరీ దేవతా । బీజం శక్తిః కీలకం
కరాఙ్గన్యాసౌ చ శ్రీమహాత్రిపురసున్దరీమహామన్త్రవత్ ।
॥ ధ్యానమ్ ॥
పద్మస్థాం కనకప్రభాం పరిలసత్పద్మాక్షియుగ్మోత్పలామ్
అక్షస్రక్షుకశారికాకటిలసత్ కల్హార హస్తాబ్జినీమ్ ।
రక్తస్రక్సువిలేపనామ్బరధరాం రాజీవనేత్రార్చితాం
ధ్యాయేత్ శ్రీశివకామకోష్ఠనిలయాం నృత్తేశ్వరస్య ప్రియామ్ ॥
ముక్తాకున్దేన్దుగౌరాం మణిమయమకుటాం రత్నతాణ్టఙ్కయుక్తాం
అక్షస్రక్పుష్పహస్తా సశుకకటికరాం చన్ద్రచూడాం త్రినేత్రీమ్ ।
నానాలఙ్కారయుక్తాం సురమకుటమణిద్యోతిత స్వర్ణపీఠాం
యాసాపద్మాసనస్థాం శివపదసహితాం సున్దరీం చిన్తయామి ॥
రత్నతాటఙ్కసంయుక్తాం సువర్ణకవచాన్వితామ్ ।
దక్షిణోర్ధ్వకరాగ్రేణ స్వర్ణమాలాధరాం శుభామ్ ॥
దక్షాధః కరపద్మేన పుల్లకల్హార ధారిణీమ్ ।
వామేనోఏధ్వకరాబ్జేన శుకార్భకధరాం వరామ్ ।
కటిదేశే వామహస్తం న్యస్యన్తీం చ సుదర్శనామ్ ॥
శివకామసున్దరీం నౌమి ప్రసన్నవదనాం శివామ్ ।
లమిత్పాదిపఞ్చపూజా ॥
॥ శ్రీ శివకామసున్దరీసహస్రనామస్తోత్రమ్ ॥
ఓం ఐం హ్రీం శ్రీం అం – ౧ ॥
అగణ్యాఽగణ్యమహిమాఽసురప్రేతాసనస్థితా ।
అజరాఽమృత్యుజననాఽప్యకాలాన్తక భీకరా ॥ ౧ ॥
అజాఽజాంశసముద్భూతాఽమరాలీవృతగోపురా ।
అత్యుగ్రాజినటచ్ఛత్రుకబన్ధానేకకోటికా ॥ ౨ ॥
అద్రిదుర్గాఽణిమాసిద్ధిదాపితేష్టామరావలిః ।
అనన్తాఽనన్యసులభప్రియాఽద్భుతవిభూషణా ॥ ౩ ॥
అనూరుకరసఙ్కాశాఽఖణ్డానన్దస్వరూపిణీ ।
అన్ధీకృతద్విజారాతినేత్రాఽత్యుగ్రాట్టహాసినీ ॥ ౪ ॥
అన్నపూర్ణాఽపరాఽలక్ష్యాఽమ్బికాఽఘవినాశినీ ।
అపారకరుణాపూరనిభరేఖాం జనాక్షిణీ ॥ ౫ ॥
అమృతామ్భోధిమధ్యస్థాఽణిమాసిద్ధిముఖాశ్రితా ।
అరవిన్దాక్షమాలాలిపాత్రశూలధరాఽనఘా ॥ ౬ ॥
అశ్వమేధమఖావాప్తహవిఃపుజకృతాదరా ।
అశ్వసేనావృతాఽనేకపారూఢాఽప్యగజన్మభూః ॥ ౭ ॥
ఓం ఐం హ్రీం శ్రీం ఆం – ౨ ॥
ఆకాశవిగ్రహాఽఽనన్దదాత్రీ చాజ్ఞాబ్జభాసురా ।
ఆచారతత్పరస్వాన్తపద్మసంస్థాఽఽఢ్యపూజితా ॥ ౮ ॥
ఆత్మాయత్తజగచ్చక్రా చాత్మారామపరాయణా ।
ఆదిత్యమణ్డలాన్తస్థా చాదిమధ్యాన్తవర్జితా ॥ ౯ ॥
ఆద్యన్తరహితాఽచార్యా చాదిక్షాన్తార్ణరూపిణీ ।
ఆద్యాఽమాత్యునుతా చాజ్యహోమప్రీతాఽఽవృతాఙ్గనా ॥ ౧౦ ॥
ఆధారకమలారూఢా చాధారాధేయవివర్జితా ।
ఆధిహీనాఽఽసురీదుర్గాఽఽజిసఙ్క్షోభితాసురా ॥ ౧౧ ॥
ఆధోరణాజ్ఞాశుణ్డాగ్రాకృష్టాసురగజావృతా ।
ఆశ్చర్యవియహాఽఽచార్యసేవితాఽఽగమసంస్తుతా ॥ ౧౨ ॥
ఆశ్రితాఖిలదేవాదివృన్దరక్షణతత్పరా ।
ఓం ఐం హ్రీం శ్రీం ఇం – ౩ ॥
ఇచ్ఛాజ్ఞానక్రియాశక్తిరూపేరావతిసంస్తుతా ॥ ౧౩ ॥
ఇన్ద్రాణీరచితశ్వేతచ్ఛత్రేడాభక్షణప్రియా ।
ఇన్ద్రాక్షీన్ద్రార్చితేన్ద్రాణీ చేన్దిరాపతిసోదరీ ॥ ౧౪ ॥
ఇన్దిరేన్దీవరశ్యామా చేరమ్మదసమప్రభా ।
ఇభకుమ్భాభవక్షోజద్వయా చేక్షుధనుర్ధరా ॥ ౧౫ ॥
ఇభదన్తోరునయనా చేన్ద్రగోపసమాకృతిః ।
ఇభశుణ్డోరుయుగలాచేన్దుమణ్డలమధ్యగా ॥ ౧౬ ॥
ఇష్టార్తిఘ్నీష్టవరదా చేభవక్త్రప్రియఙ్కరీ ।
ఓం ఐం హ్రీం శ్రీం ఈం – ౪ ॥
ఈశిత్వసిద్ధిసమ్ప్రార్థితాపసేషత్స్మితాననా ॥ ౧౭ ॥
ఈశ్వరీశప్రియా చేశతాణ్డవాలోకనోన్తుకా ।
ఈక్షణోత్పన్నభువనకదమ్బా చేడ్యవైభవా ॥ ౧౮ ॥
ఓం ఐం హ్రీం శ్రీం ఉం – ౫ ॥
ఉచ్చనీచాదిరహితాఽప్యురుకాన్తారవాసినీ ।
ఉత్సాహరహితేన్ద్రారిశ్చోరుసన్తోషితామరా ॥ ౧౯ ॥
ఉదాసీనోడురావక్త్రాఽప్యుగ్రకృత్యవిదూషణీ ।
ఉపాధిరహితోపాదానకారణోన్మత్తనృత్తకీ ॥ ౨౦ ॥
ఉరుస్యన్దనసమ్బద్ధకోట్యశ్వోరుపరాక్రమా ।
ఉల్కాముఖీ హ్యుమాదేవీ చోన్మత్తక్రోధభైరవీ ॥ ౨౧ ॥
ఓం ఐం హ్రీం శ్రీం ఊం – ౬ ॥
ఊర్జితజ్ఞోఢభువనకదమ్బోర్ధ్వముఖావలిః ।
ఊర్ధ్వప్రసారితాఙ్ఘ్రీశదర్శనోద్విగ్రమానసా ॥ ౨౨ ॥
ఊహాపోహవిహీనోరుజితరమ్భామనోహరా ।
ఓం ఐం హ్రీం శ్రీం ఋం – ౭ ॥
ఋగ్వేదసంస్తుతా ఋద్ధిదాయినీ ఋణమోచినీ ॥ ౨౩ ॥
ఋజుమార్గపరప్రీతా ఋషభధ్వజభాసురా ।
ఋద్ధికామమునివ్రాతసత్రయాగసమర్చితా ॥ ౨౪ ॥
ఓం ఐం హ్రీం శ్రీం ౠం – ౮ ॥
ౠకారవాచ్యా ౠక్షాదివృతా ౠకారనాసికా ।
ఓం ఐం హ్రీం శ్రీం లృం – ౯ ॥
లృకరిణీ లృకారోష్ఠా
ఓం ఐం హ్రీం శ్రీం లౄం – ౧౦ ॥
లౄవర్ణాధరపల్లవా ॥ ౨౫ ॥
ఓం ఐం హ్రీం శ్రీం ఏం – ౧౧ ॥
ఏకాకిన్యేకమన్త్రాక్షరైధితోత్సాహవల్లభా ।
ఓం ఐం హ్రీం శ్రీం ఐం – ౧౨ ॥
ఐశ్వర్యదాత్రీ
ఓం ఐం హ్రీం శ్రీం ఓం – ౧౩ ॥
చోఙ్కారవాదివాగీశసిద్ధిదా ॥ ౨౬ ॥
ఓజఃపుఞ్జఘనీసాన్ద్రరూపిణ్యోఙ్కారమధ్యగా ।
ఓషధీశమనుప్రీతా
ఓం ఐం హ్రీం శ్రీం ఔం – ౧౪ ॥
చౌదార్యగుపావారిధిః ॥ ౨౭ ॥
ఔపమ్యరహితాచైవ
ఓం ఐం హ్రీం శ్రీం అం – ౧౫ ॥
అమ్బుజాసనసున్దరీ ।
అమ్బరాధీశనటనసాక్షిణీ
ఓం ఐం హ్రీం శ్రీం అః – ౧౬ ॥
అః పదదాయినీ ॥ ౨౮ ॥
ఓం ఐం హ్రీం శ్రీం కం – ౧౭ ॥
కబరీబన్ధముఖరీభమరభ్రమరాలకా ।
కరవాలలతాధారాభీషణా కౌముదీనిభా ॥ ౨౯ ॥
కర్పూరామ్బా కాలరాత్రిః కాలీ కలివినాశినీ ।
కాదివిద్యామయీ కామ్యా కాఞ్చనాభా కలావతీ ॥ ౩౦ ॥
కామేశ్వరీ కామరాజమనుప్రీతా కృపావతీ ।
కార్తవీర్యద్విసాహస్రదోర్దణ్డపటహధ్వనిః ॥ ౩౧ ॥
కిటివక్త్రాధికారోద్యద్గణప్రోత్సాహితాఙ్గనా ।
కీర్తిప్రదా కీర్తిమతీ కుమారీ కులసున్దరీ ॥ ౩౨ ॥
కున్తాయుధధరా కుబ్జికామ్బా కుధ్రవిహారిణీ ।
కులాగమరహస్యజ్ఞవాఞ్ఛాదానపరాయణా ॥ ౩౩ ॥
కూటస్థితిజుషీ కూర్మపృష్ఠజిత్ప్రపదాన్వితా ।
కేకాశబ్దతిరస్కారిబాణాసనమణీరవా ॥ ౩౪ ॥
కేశాకేశిచణా కేశిరాక్షసాధిపమర్దినీ ।
కైతకచ్ఛదసన్ధ్యాభపిశఙ్గితకచామ్బుదా ॥ ౩౫ ॥
కైలాసోత్తుఙ్గశృఙ్గాద్రవిలాసేశపరాజితా ।
కైశిక్యారభటీరీతిస్తుతరక్తేశ్వరీప్రియా ॥ ౩౬ ॥
కోకాహితకరస్పర్ధినఖా కోకిలవాదినీ ।
కోపహుఙ్కారసన్త్రస్తససేనాసురనాయకా ॥ ౩౭ ॥
కోలాహలరవోద్రేకరిఙ్ఖజ్జమ్బుకమణ్డలా ।
కౌణిడన్యాన్వయసమ్భూతా కరిచర్మామ్బరప్రియా ॥ ౩౮ ॥
కౌపీనశిష్టవిప్రర్షిస్తుతా కౌలికదేశికా ।
కౌసుమ్భాస్తరణా కౌలమార్గనిష్ఠాన్తరాస్థితా ॥ ౩౯ ॥
కఙ్కణాహిగణక్షేమవచనోద్విగ్నతార్క్ష్యకా ।
కఞ్జాక్షీ కఞ్జవినుతా కఞ్జజాతిప్రియఙ్కరీ ॥ ౪౦ ॥
ఓం ఐం హ్రీం శ్రీం ఖం – ౧౮ ॥
ఖడ్గఖేటకదోర్దణ్డా ఖట్వాఙ్గీ ఖడ్గసిద్ధిదా ।
ఖణ్డితాసురగర్వాద్రిః ఖలాదృష్టస్వరూపిణీ ॥ ౪౧ ॥
ఖణ్డేన్దుమౌలిహృదయా ఖణ్డితార్కేన్దుమణ్డలా ।
ఖరాంశుతాపశమనీ ఖస్థా ఖేచరసంస్తుతా ॥ ౪౨ ॥
ఖేచరీ ఖేచరీముద్రా ఖేచరాధీశవాహనా ।
ఖేలాపారావతరతిప్రీతా ఖాద్యాయితాన్తకా ॥ ౪౩ ॥
ఓం ఐం హ్రీం శ్రీం గం – ౧౯ ॥
గగనా గగనాన్తస్థా గగనాకారమధ్యమా ।
గజారూఢా గజముఖీ గాథాగీతామరాఙ్గనా ॥ ౪౪ ॥
గదాధరీ గదాఽఽధాతమూర్ఛితానేకపాసురా ।
గరిమాలఘిమాసిద్ధివృతా గ్రామాదిపాలినీ ॥ ౪౫ ॥
గర్వితా గన్ధవసనా గన్ధవాహసమర్చితా ।
గర్వితాసురదారాశ్రుపఙ్కితాజివసున్ధరా ॥ ౪౬ ॥
గాయత్రీ గానసన్తుష్టా గన్ధర్వాధిపతీడితా ।
గిరిదుర్గా గిరీశానసుతా గిరివరాశ్రయా ॥ ౪౭ ॥
గిరీన్ద్రక్రూరకఠినకర్షద్ధలవరాయుధా ।
గీతచారిత్రహరితశుకైకగతమానసా ॥ ౪౮ ॥
గీతిశాస్త్రగురుః గీతిహృదయా గీర్గిరీశ్వరీ ।
గీర్వాణదనుజాచార్యపూజితా గృధ్రవాహనా ॥ ౪౯ ॥
గుడపాయససన్తుష్టహృద్యప్తతరయోగినీ ।
గుణాతీతా గురుర్గౌరీ గోప్త్రీ గోవిన్దసోదరీ ॥ ౫౦ ॥
గురుమూతిర్గుణామ్భోధిర్గుణాగుణవివర్జితా ।
గుహేష్టదా గుహావాసియోగిచిన్తితరూపిణీ ॥ ౫౧ ॥
గుహ్యాగమరహస్యజ్ఞా గుహ్యకానన్దదాయినీ ।
గుహ్యా గుహ్యార్చితా గుహ్యస్థానబిన్దుస్వరూపిణీ ॥ ౫౨ ॥
గోదావరీనదీతీరవాసినీ గుణవర్జితా ।
గోమేదకమణీకర్ణకుణ్డలా గోపపాలినీ ॥ ౫౩ ॥
గోసవాసక్తహృదయా గోశృఙ్గధ్యానమోదినీ ।
గఙ్గాగర్వఙ్కషోద్యుక్తరుద్రప్రోత్సాహవాదినీ ॥ ౫౪ ॥
గన్ధర్వవనితామాలామోదినీ గర్వనాశినీ ।
గుఞ్జామణిగణప్రోతమాలాభాసురకన్ధరా ॥ ౫౫ ॥
ఓం ఐం హ్రీం శ్రీం ఘం – ౨౦ ॥
ఘటవాద్యప్రియా ఘోరకోణపఘ్నీ ఘటార్గలా ।
ఘటికా ఘటికాముఖ్యషట్పారాయణమోదినీ ॥ ౫౬ ॥
ఘణ్టాకర్ణాదివినుతా ఘనజ్యోతిర్లతానిభా ।
ఘనశ్యామా ఘటోత్భూతతాపసాత్మార్థదేవతా ॥ ౫౭ ॥
ఘనసారానులిప్తాఙ్గీ ఘోణోద్ధృతవసున్ధరా ।
ఘనస్ఫటికసఙ్క్లృప్తసాలాన్తరకదమ్బకా ॥ ౫౮ ॥
ఘనాల్యుద్భేదశిఖరగోపురానేకమన్దిరా ।
ఘూర్ణీతాక్షీ ఘృణాసిన్ధుః ఘృణివిద్యా ఘటేశ్వరీ ॥ ౫౯ ॥
ఘృతకాతిన్యహృద్ధణ్టామణిమాలాప్రసాధనా ।
ఘోరకృత్యా ఘోరవాద్యా ఘోరాఘౌఘవినాశినీ ॥ ౬౦ ॥
ఘోరాఘనకృపాయుక్తా ఘననీలామ్బరాన్వితా ।
ఘోరాస్యా ఘోరశూలాగ్రప్రోతాసురకలేబరా ॥ ౬౧ ॥
ఘోషత్రస్తాన్తకభటా ఘోరసఙ్ఘోషకృద్బలా ।
ఓం ఐం హ్రీం శ్రీం ఙం – ౨౧ ॥
ఙాన్తార్ణాద్యమనుప్రీతా ఙాకారాడీమ్పరాయణా ॥ ౬౨ ॥
ఙీకారిమమఞ్జుమఞ్జీరచరణా ఙాఙ్కిత్తాఙ్గులిః ।
ఓం ఐ హ్రీం శ్రీం చం – ౨౨ ॥
చక్రవర్తిసమారాధ్యా చక్రనేమిరవోన్తుకా ॥ ౬౩ ॥
చణ్డమార్ణ్డధిక్కారిప్రభా చక్రాధినాయికా ।
చణ్డాలాస్యపరామోదా చణ్డవాదపటీయసీ ॥ ౬౪ ॥
చణ్డికా చణ్డకోదణ్డా చణ్డఘ్నీ చణ్డభైరవీ ।
చతురా చతురామ్నాయశిరోలక్షితరూపిణీ ॥ ౬౫ ॥
చతురఙ్గబలోపేతా చరాచరవినోదినీ ।
చతుర్వక్త్రా చక్రహస్తా చక్రపాణిసమర్చితా ॥ ౬౬ ॥
చతుష్షష్టికలారూపా చతుష్షష్యచర్చనోస్తుకా ।
చన్ద్రమణ్డలన్ధ్యయస్థా చతుర్వర్గఫలప్రదా ॥ ౬౭ ॥
చమరీమృగయోద్యుక్తా చిరఞ్జీవిత్వదాయినీ ।
చమ్పకాశోకస్రద్బద్ధచికురా చరుభక్షిణీ ॥ ౬౮ ॥
చరాచరజగద్ధాత్రీ చన్ద్రికాధవలస్మితా ।
చర్మామ్బరధరా చణ్డక్రోధహుఙ్కారభీకరా ॥ ౬౯ ॥
చాటువాదప్రియా చామీకరపర్వతవాసినీ ।
చాపినీ చాపముక్తేషుచ్ఛన్నదిగ్భ్రాన్తపన్నగా ॥ ౭౦ ॥
చిత్రభానుముఖీ చిత్రసేనా చిత్రాఙ్గదేష్టదా ।
చిత్రలేఖా చిదాకాశమధ్యగా చిన్తితార్థదా ॥ ౭౧ ॥
చిన్త్యా చిరన్తనీ చిత్రా చిత్రామ్బా చిత్తవాసినీ ।
చైతన్యరూపా చిచ్ఛక్తిశ్చిదమ్బరవిహారిణీ ॥ ౭౨ ॥
చోరఘ్నీ చీర్యవిముఖా చతుర్దశమనుప్రియా ।
ఓం ఐం హ్రీం శ్రీం ఛం – ౨౩ ॥
ఛత్రచామరభృల్లక్ష్మీవాగిన్ద్రాణీరతీవృతా ॥ ౭౩ ॥
ఛన్దశ్శాస్త్రమయీ ఛన్దోలక్ష్యాచ్ఛేదవివర్జితా ।
ఛన్దోరూపాఛన్దగతిః ఛన్దశ్శిరవిహారిణీ ॥ ౭౪ ॥
ఛద్మహృత్ఛవిసన్దీప్తసూర్యచన్ద్రాగ్నితారకా ।
ఛర్దితాణ్డావలిశ్ఛాదితాకారా ఛిన్నసంశయా ॥ ౭౫ ॥
ఛాయాపతిసమారాధ్యా ఛాయామ్బా ఛత్రసేవితా ।
ఛిన్నమస్తాబికా ఛిన్నశీర్షశత్రుశ్ఛలాన్తకీ ॥ ౭౬ ॥
ఛేదితాసురజిహ్వాగ్రా ఛత్రీకృతయశస్వినీ ।
ఓం ఐం హ్రీం శ్రీం జం – ౨౪ ॥
జగన్మాతా జగత్సాక్షీ జగద్యోనిర్జగద్గురుః ॥ ౭౭ ॥
జగన్మాయా జగన్త్వృన్దవన్దితా జయినీజయా ।
జనజాడ్యప్రతాపఘ్నీ జితాసురమహావ్రజా ॥ ౭౮ ॥
జననీ జగదానన్దదాత్రీ జహ్నుసమర్చితా ।
జపమాలావరాభీతిముద్రాపుస్తకధారిణీ ॥ ౭౯ ॥
జపయజ్ఞపరాధీనహృదయా జగదీశ్వరీ ।
జపాకుసుమసఙ్కాశా జన్మాదిధ్వంసకారణా ॥ ౮౦ ॥
జాలధ్రపూర్ణకామోడ్యాణచతుష్పీఠరూపిణీ ।
జీవనార్థిద్విజవ్రాతత్రాణనాబద్ధకఙ్కణా ॥ ౮౧ ॥
జీవబ్రహ్మైకతాకాఙ్క్షి జనతాకీర్ణపార్వభూః ।
జమ్భినీ జమ్భభిత్పూల్యా జాగ్రదాదిత్రయాతిగా ॥ ౮౨ ॥
జలదగ్రిధరా జ్వాలాప్రోచ్చకేశీ జ్వరార్తిహృత్ ।
జ్వాలామాలినికా జ్వాలాముఖీ జైమినిసంస్తుతా ॥ ౮౩ ॥
ఓం ఐం హ్రీం శ్రీం ఝం – ౨౫ ॥
ఝలఞ్ఝలకృతస్వర్ణమఞ్జీరా ఝషలోచనా ।
ఝషకుణ్డలినీ ఝల్లరీవాద్యముదితాననా ॥ ౮౪ ॥
ఝషకేతుసమారాధ్యా ఝషమాంసాన్నభక్షిణీ ।
ఝషోపద్రవకృద్ధన్త్రీ ఝ్మ్రూమ్మన్త్రాధిదేవతా ॥ ౮౫ ॥
ఝఞ్ఝానిలాతిగమనా ఝషరాణ్ణీతసాగరా ।
ఓం ఐం హ్రీం శ్రీం జ్ఞం – ౨౬ ॥
జ్ఞానముద్రాధరా జ్ఞానిహృత్పద్మకుహరాస్థితా ॥ ౮౬ ॥
జ్ఞానమూర్తిజ్ఞనిగమ్యా జ్ఞానదా జ్ఞాతివర్జితా ।
జ్ఞేయా జ్ఞేయాదిరహితా జ్ఞాత్రీ జ్ఞానస్వరూపిణీ ॥ ౮౭ ॥
ఓం ఐం హ్రీం శ్రీం టం – ౨౭ ॥
టఙ్కపుష్పాలిస్రఙ్మఞ్జుకన్ధరా టఙ్కితాచలా ।
టఙ్కవేత్రాదికానేకశస్త్రభృద్దోర్లతావలిః ॥ ౮౮ ॥
ఓం ఐ హ్రీం శ్రీం ఠం – ౨౮ ॥
ఠకారనిభవక్షోజద్వయాధోవృత్తభాసురా ।
ఠకారాఙ్కితజాన్వగ్రజితకోరకితామ్బుజా ॥ ౮౯ ॥
ఓం ఐం హ్రీం శ్రీం శం – ౨౯ ॥
డాకినీ డామరీతన్త్రరూపా డాడిమపాటలా ।
డమ్బఘ్నీ డమ్బరాఽఽడమ్బరోన్ముఖీ డమరుప్రియా ॥ ౯౦ ॥
డిమ్బదానచణా డోలాముదితా డుణ్ఠిపూజితా ।
ఓం ఐం హ్రీం శ్రీం ఢం – ౩౦ ॥
ఢకానినదసన్తుష్టశిఖినృత్తసముత్సుకా ॥ ౯౧ ॥
ఓం ఐం హ్రీం శ్రీం ణం – ౩౧ ॥
ణకారపఞ్జరశుకీ ణకారోద్యానకోకిలా ।
ఓం ఐం హ్రీం శ్రీం తం – ౩౨ ॥
తత్వాతీతా తపోలక్ష్యా తప్తకాఞ్చనసన్నిభా ॥ ౯౨ ॥
తన్త్రీ తత్వమసీవాక్యవిషయా తరుణీవృతా ।
తర్జన్యఙ్గుష్ఠసంయోగజ్ఞానబ్రహ్మమునీశ్వరా ॥ ౯౩ ॥
తర్జితానేకదనుజా తక్షకీ తడితాలిభా ।
తామ్రచూడధ్వజోత్సఙ్గా తాపత్రయవినాశినీ ॥ ౯౪ ॥
తారామ్బా తారకీ తారాపూజ్యా తాణ్డవలోలుపా ।
తిలోత్తమాదిదేవస్త్రీశారీరోన్సుకమానసా ॥ ౯౫ ॥
తిల్వద్రుసఙ్కులాభోగకాన్తారాన్తరవాసినీ ।
త్రయీద్విడ్రసనారక్తపానలోలాసిధారిణీ ॥ ౯౬ ॥
త్రయీమయీ త్రయీవేద్యా త్ర్యయ్యన్తోద్గీతవైభవా ।
త్రికోణస్థా త్రికాలజ్ఞా త్రికూటా త్రిపురేశ్వరీ ॥ ౯౭ ॥
త్రిచత్వారింశదశ్రాఙ్కచక్రాన్తర్బిన్దుసంస్థితా ।
త్రితారా తుమ్బురూద్గీతా తార్క్ష్యాకారా త్రికాగ్నిజా ॥ ౯౮ ॥
త్రిపురా త్రిపురధ్వంసిప్రియా త్రిపురసున్దరీ ।
త్రిస్థా త్రిమూర్తిసహజశక్తిస్త్రిపురభైరవీ ॥ ౯౯ ॥
ఓం ఐం హ్రీం శ్రీం థం – ౩౩ ॥
థాం థీకరమృదగాదిభృద్విష్ణుముఖసేవితా ।
థాం థీం తక్తక థిం తోకృత్తాలధ్వనిసభాఙ్గణా ॥ ౧౦౦ ॥
ఓం ఐం హ్రీం శ్రీం దం – ౩౪ ॥
దక్షా దాక్షాయణీ దక్షప్రజాపతిమఖాన్తకీ ।
దక్షిణాచారరసికా దయాసమ్పూర్ణమానసా ॥ ౧౦౧ ॥
దారిద్రయోన్మూలినీ దానశీలా దోషవివర్జితా ।
దారుకాన్తకరీ దారుకారణ్యమునిమోహినీ ॥ ౧౦౨ ॥
దీర్ఘదంష్ట్రాననా దీర్ఘరసనాగీర్ణదానవా ।
దీక్షితా దీక్షితారాధ్యా దీనసంరక్షణోద్యతా ॥ ౧౦౩ ॥
దుఃఖాబ్ధిబడబా దుర్గా దుమ్బీజా దురితాపహా ।
దుష్టదూరా దురాచారశమనీ ద్యూతవేదినీ ॥ ౧౦౪ ॥
ద్విజావగూరణస్వాన్తపిశితామోదితాణ్డజా ।
ఓం ఐం హ్రీం శ్రీం ధం – ౩౫ ॥
ధనదా ధనదారాధ్యా ధనదాప్తకుటుమ్బినీ ॥ ౧౦౫ ॥
ధరాధరాత్మజా ధర్మరూపా ధరణిధూర్ధరా ।
ధాత్రీ ధాతృశిరచ్ఛేత్రీ ధీధ్యేయా ధువపూజితా ॥ ౧౦౬ ॥
ధూమావతీ ధూమ్రనేత్రగర్వసంహారిణీ ధృతిః ।
ఓం ఐం హ్రీం శ్రీం నం – ౩౬ ॥
నఖోత్పన్నదశాకారమాధవా నకులీశ్వరీ ॥ ౧౦౭ ॥
నరనారాయణస్తుత్యా నలినాయతలోచనా ।
నరాస్థిస్రగ్ధరా నారీ నరప్రేతోపరిస్థితా ॥ ౧౦౮ ॥
నవాక్షరీనామమన్త్రజపప్రీతా నటేశ్వరీ ।
నాదచాముణ్డికా నానారూపకృన్నాస్తికాన్తకీ ॥ ౧౦౯ ॥
నాదబ్రహ్మమయీ నామరూపహీనా నతాననా ।
నారాయణీ నన్దివిద్యా నారదోద్గీతవైభవా ॥ ౧౧౦ ॥
నిగమాగమసంవేద్యా నేత్రీ నీతివిశారదా ।
నిర్గుణా నిత్యసన్తుష్టా నిత్యాషోడశికావృతా ॥ ౧౧౧ ॥
నృసింహదర్పశమనీ నరేన్ద్రగణవన్దితా ।
నౌకారూఢాసముత్తీర్ణభవామ్భోధి నిజాశ్రితా ॥ ౧౧౨ ॥
ఓం ఐం హ్రీం శ్రీం పం – ౩౭ ॥
పరమా పరమం జ్యోతిః పరబ్రహ్మమయీ పరా ।
పరాపరమయీ పాశబాణాఙ్కుశధనుర్ధరా ॥ ౧౧౩ ॥
పరాప్రాసాదమన్త్రార్థా పతఞ్జలిసమర్చితా ।
పాపఘ్నీ పాశరహితా పార్వతీ పరమేశ్వరీ ॥ ౧౧౪ ॥
పుణ్యా పులిన్దినీపూజ్యా ప్రాజ్ఞా ప్రజ్ఞానరూపిణీ ।
పురాతనా పరాశక్తిః పఞ్చవర్ణస్వరూపిణీ ॥ ౧౧౫ ॥
ప్రత్యఙ్గిరాః పానపాత్రధరా పీనోన్నతస్తనీ ।
ఓం ఐం హ్రీం శ్రీం ఫం – ౩౮ ॥
ఫడర్ణధ్వస్తపాపౌఘదాసా ఫణివరేడితా ॥ ౧౧౬ ॥
ఫణిరత్నాసనాసీనకామేశోత్సఙ్గవాసినీ ।
ఫలదా ఫల్గునప్రీతా ఫుల్లాననసరోరుహా ॥ ౧౧౭ ॥
ఫుల్లోత్తప్తాఙ్గసాహస్రదలపఙ్కజభాసురా ।
ఓం ఐం హ్రీం శ్రీం బం – ౩౯ ॥
బన్ధూకసుమనోరాగా బాదరాయణదేశికా ॥ ౧౧౮ ॥
బాలామ్బా బాణకుసుమా బగలాముఖిరూపిణీ ।
బిన్దుచక్రస్థితా బిన్దుతర్పణప్రీతమానసా ॥ ౧౧౯ ॥
బృహత్సామస్తుతా బ్రహ్మమాయా బ్రహ్మర్షిపూజితా ।
బృహదైశ్వర్యదా బన్ధహీనా బుధసమర్చితా ॥ ౧౨౦ ॥
బ్రహ్మచాముణ్డికా బ్రహ్మజననీ బ్రాహ్మణప్రియా ।
బ్రహ్మజ్ఞానప్రదా బ్రహ్మవిద్యా బ్రహ్మాణ్డనాయికా ॥ ౧౨౧ ॥
బ్రహ్మతాలప్రియా బ్రహ్మపఞ్చమఞ్చకశాయినీ । (??)
బ్రహ్మాదివినుతా బ్రహ్మపత్నీ బ్రహ్మపురస్థితా ॥ ౧౨౨ ॥
బ్రాహ్మీమాహేశ్వరీముఖ్యశక్తివృన్దసమావృతా ।
ఓం ఐం హ్రీం శ్రీం భం – ౪౦ ॥
భగారాధ్యా భగవతీ భార్గవీ భార్గవార్చితా ॥ ౧౨౩ ॥
భణ్డాసురశిరశ్ఛేత్రీ భాషాసర్వస్వదర్శినీ ।
భద్రా భద్రార్చితా భద్రకాలీ భర్గస్వరూపిణీ ॥ ౧౨౪ ॥
భవానీ భాగ్యదా భీమా భామతీ భీమసైనికా ।
భుజఙ్గనటనోద్యుక్తా భుజనిర్జితదానవా ॥ ౧౨౫ ॥
భ్రుకుటీక్రూరవదనా భ్రూమధ్యనిలయస్థితా ।
భేతాలనటనప్రీతా భోగిరాజాఙ్గులీయకా ॥ ౧౨౬ ॥
భేరుణ్డా భేదనిర్ముక్తా భైరవీ భైరవార్చితా ।
ఓం ఐం హ్రీం శ్రీం మం – ౪౧ ॥
మణిమణ్డపమధ్యస్థా మాణిక్యాభరణాన్వితా ॥ ౧౨౭ ॥
మనోన్మనీ మనోగమ్యా మహాదేవపతిత్రతా ।
మన్త్రరూపా మహారాజ్ఞీ మహాసిద్ధాలిసంవృతా ॥ ౧౨౮ ॥
మన్దరాదికృతావాసా మహాదేవీ మహేశ్వరీ ।
మహాహిధమేఖలా మార్గదుర్గా మాఙ్గల్యదాయినీ ॥ ౧౨౯ ॥
మహావతక్రతుప్రీతా మాణిభద్రసమర్చితా । (??)
మహిషాసురశిరశ్ఛేదనర్తకీ ముణ్డఖమిడనీ ॥ ౧౩౦ ॥
మాతా మరకటశ్యామా మాతఙ్గీ మతిసాక్షిణీ । (??)
మాధవీ మాధవారాధ్యా మధుమాంసప్రియా మహీ ॥ ౧౩౧ ॥
మారీ మారాన్తక క్షోభకారిణీ మీనలోచనా ।
మాలతీకున్దమాలాఢ్యా మాషౌదనసమున్సుకా ॥ ౧౩౨ ॥
మిథునాసక్తహృదయా మోహితాశేషవిష్టపా ।
ముద్రా ముద్రాప్రియా మూర్ఖనాశినీ మేషభక్షిణీ ॥ ౧౩౩ ॥
మూకామ్బా ముఖజా మోదజనకాలోకనప్రియా ।
మౌనవ్యాఖ్యాపరా మౌనసత్యచిన్మాత్రలక్షణా ॥ ౧౩౪ ॥
మౌఞ్జీకచ్ఛధరా మౌర్వీద్విరేఫముఖరోన్ముఖా ।
ఓం ఐం హ్రీం శ్రీం యం – ౪౨ ॥
యజ్ఞవృన్దప్రియా యష్ట్రీ యాన్తవర్ణస్వరూపిణీ ॥ ౧౩౫ ॥
యన్త్రరూపా యశోదాత్మజాతసజుతవైభవా ।
యశస్కరీ యమారాధ్యా యజమానాకృతిర్యతిః ॥ ౧౩౬ ॥
యాకినీ యక్షరక్షాదివృతా యజనతర్పణా ।
యాథార్థ్యవిగ్రహా యోగ్యా యోగినీ యోగనాయికా ॥ ౧౩౭ ॥
యామినీ యజమోత్సాహా యామినీచరభక్షిణీ ।
యాయజూకర్చితపదా యజ్ఞేశీ యక్షిణీశ్వరీ ॥ ౧౩౮ ॥
యాసాపద్మధరా యాసాపద్మాన్తరపరిష్కృతా ।
యోషాఽభయఙ్కరీ యోషిద్వృన్దవన్దితపాదుకా ॥ ౧౩౯ ॥
ఓం ఐం హ్రీం శ్రీం రం – ౪౩ ॥
రక్తచాముణ్డికా రాత్రిదేవతా రాగలోలుపా ।
రక్తబీజప్రశమనీ రజోగన్ధనివారిణీ ॥ ౧౪౦ ॥
రణరగనటీరత్త్రమజ్జీరచరణామ్బుజా ।
రజధ్వవస్తాచలా రాగహీనమానసహంసినీ ॥ ౧౪౧ ॥
రసనాలేపితక్రూరరక్తబీజకలేబరా ।
రక్షాకరీ రమా రమ్యా రఞ్జినీ రసికావృతా ॥ ౧౪౨ ॥
రాకిణ్యమ్బా రామనుతా రమావాణీనిషేవితా ।
రాగాలాపపరబ్రహ్మ శిరో మాలాప్రసాధనా ॥ ౧౪౩ ॥
రాజరాజేశ్వరీ రాజ్ఞీ రాజీవనయనప్రియా ।
రాజవ్రాతకిరీటాంశునీరాజితపదామ్బుజా ॥ ౧౪౪ ॥
రుద్రచాముణ్డికా రుక్మసదృశా రుధిరప్రియా ।
రుద్రతాణ్డవసామర్థ్యదర్శనోత్సుకమానసా ॥ ౧౪౫ ॥
రుద్రాట్టహాససఙ్క్షుభ్యజ్జగన్తుష్టివిధాయినీ ।
రుద్రాణీ రుద్రవనితా రురురాజహితైషిణీ ॥ ౧౪౬ ॥
రేణుకా రేణుకాసూనుస్తుత్యా రేవావిహారిణీ ।
రోగఘ్నీ రోషనిర్దగ్ధశత్రుసేనానివేశినీ ॥ ౧౪౭ ॥
రోహిణీశాంశుసమ్భూతఝరీరత్నవితానకా ।
రౌద్రీ రౌద్రాస్త్రనిర్దగ్ధరాక్షసా రాహుపూజితా ॥ ౧౪౮ ॥
ఓం ఐం హ్రీం శ్రీం లం – ౪౪ ॥
లఘూక్తివల్గుస్తిమితవాణీత్యక్తవిపఞ్చికా ।
లజ్జావతీ లలత్ప్రోచ్చకేశా లమ్బిపయోధరా ॥ ౧౪౯ ॥
లయాదికర్త్రీ లోమాలిలతానాభీసరః కటీ ।
లలదోష్ఠదలద్వన్ద్వవదనా లక్ష్యదూరగా ॥ ౧౫౦ ॥
లలన్తికామణీభాస్వన్నిటిలశ్రీముఖామ్బుజా ।
లలాటార్ధనిశానాథకలఙ్కోద్భాసిలోచనా ॥ ౧౫౧ ॥
లలితా లోభినీ లోభహీనా లోకేశ్వరీ లఘుః ।
లక్ష్మీర్లక్ష్మీశసహజా లక్ష్మణాగ్రజవన్దితా ॥ ౧౫౨ ॥
లాకినీ లఘితాపృభోధినివహా లలితాగ్బికా ।
లాజహోమప్రియా లమ్బముక్తాభాసురనాసికా ॥ ౧౫౩ ॥
లాభాలాభాదిరహితా లాస్యదర్శనకోవిదా ।
లావణ్యదర్శనోద్విగ్నరతీశా లధుభాషిణీ ॥ ౧౫౪ ॥
లాక్షారసాఞ్చితపదా లధుశ్యామా లతాతనుః ।
లాక్షాలక్ష్మీతిరస్కారియుగలాధరపల్లవా ॥ ౧౫౫ ॥
లీలాగతిపరాభూతహంసా లీలావినోదినీ ।
లీలానన్దనకల్పద్రుమలతాడోలావిహారిణీ ॥ ౧౫౬ ॥
లీలాపీతాబ్ధివినుతా లీలాస్వీకృతవియహా ।
లీలాశుకోస్తిముదితా లీలామృగవిహారిణీ ॥ ౧౫౭ ॥
లోకమాతా లోకసృష్టిస్థితిసంహారకారిణీ ।
లోకాతీతపదా లోకవన్ద్యా లోకైకసాక్షిణీ ॥ ౧౫౮ ॥
లోకాతీతాకృతిర్లబ్ధా మార్గత్యాగపరాన్తకీ । (??)
లోకానుల్లఙ్ఘితనిజశాసనా లబ్ధవియహా ॥ ౧౫౯ ॥
లోమావలి లతా లమ్బిస్తనయుగ్మనతాననా ।
లోలచిత్తవిదూరస్థా లోమలమ్బ్యణ్డజాలకా ॥ ౧౬౦ ॥
లబితారిశిరోహస్తా లోకరక్షాపరాయణా ।
ఓం ఐం హ్రీం శ్రీం వం – ౪౫ ॥
వనదుర్గా విన్ధ్యదలవాసినీ వామకేశ్వరీ ॥ ౧౬౧ ॥
వశిన్యాదిస్తుతా వహ్నిజ్వాలోద్గారిముఖీ వరా ।
వక్షోజయయుగ్మవిరహాసహిష్ణుకరశఙ్కరా ॥ ౧౬౨ ॥
వాఙ్మనోతీతవిషయా వామాచారసముత్సుకా ।
వాజపేయాధ్వరానన్దా వాసుదేవేష్టదాయినీ ॥ ౧౬౩ ॥
వాదిత్రధ్వనిసమ్భ్రాన్తదిగ్గజాలిర్విధీడితా ।
వామదేవవసిష్ఠాదిపూజితా వారిదప్రభా ॥ ౧౬౪ ॥
వామస్తనాశ్లిష్ద్ధస్తపద్మశమ్భువిహారిణీ ।
వారాహీ వాస్తుమధ్యస్థా వాసవాన్తః పురేష్టదా ॥ ౧౬౫ ॥
వారాఙ్గనానీతపూర్ణకుమ్భదీపాలిమణ్టపా ।
వారిజాసనశీర్షాలిమాలా వార్ధిసరోవరా ॥ ౧౬౬ ॥
వారితాసురదర్పశ్రీః వార్ధఘ్నీమన్త్రరూపిణీ ।
వార్తాలీ వారుణీ విద్యా వరుణారోగ్యదాయినీ ॥ ౧౬౭ ॥
విజయా విజయాస్తుత్యా విరూపా విశ్వరూపిణీ ।
విప్రశత్రుకదమ్బఘ్నీ విప్రపూజ్యా విషాపహా ॥ ౧౬౮ ॥
విరిఞ్చిశిక్షణోద్యుక్తమధుకైటభనాశినీ ।
విశ్వమాతా విశాలాక్షీ విరాగా వీశవాహనా ॥ ౧౬౯ ॥
వీతరాగవృతా వ్యాఘ్రపాద నృత్తప్రదర్శినీ ।
వీరభద్రహతోన్మత్తదక్షయజ్ఞాశ్రితామరా ॥ ౧౭౦ ॥
వేదవేద్యా వేదరూపా వేదాననసరోరుహా ।
వేదాన్తవిషయా వేణునాదజ్ఞా వేదపూజితా ॥ ౧౭౧ ॥
వౌషట్మన్త్రమయాకారా వ్యోమకేశీ విభావరీ । ??
వన్ద్యా వాగ్వాదినీ వన్యమాంసాహారా వనేశ్వరీ ॥ ౧౭౨ ॥
వాఞ్ఛాకల్పలతా వాణీ వాక్ప్రదా వాగధీశ్వరీ ।
ఓం ఐం హ్రీం శ్రీం శం – ౪౬ ॥
శక్తివృన్దావృతా శబ్దమయీ శ్రీచక్రరూపిణీ ॥ ౧౭౩ ॥
శబరీ శబరీదుర్గా శరభేశచ్ఛదాకృతిః ।
శబ్దజాలోద్భవఢ్ఢక్కారవాసన్దిగ్ధతాపసా ॥ ౧౭౪ ॥
శరణాగతసన్త్రాణపరాయణపటీయసీ ।
శశాఙ్కశేఖరా శస్త్రధరా శతముఖామ్బుజా ॥ ౧౭౫ ॥
శాతోదరీ శాన్తిమతీ శరచ్చన్ద్రనిభాననా ।
శాపాపనోదనచణా శఙ్కాదోషాదినాశినీ ॥ ౧౭౬ ॥
శివకామసున్దరీ శ్రీదా శివవామాఙ్గవాసినీ ।
శివా శ్రీదాననిపుణలోచనా శ్రీపతిప్రియా ॥ ౧౭౭ ॥
శుకాదిద్విజవృన్దోక్తిస్తబ్ధమానసగీష్పతిః ।
శుక్రమణ్డలసఙ్కాశముక్తామాలా శుచిస్మితా ॥ ౧౭౮ ॥
శుక్లదంష్ట్రాగ్రసన్దీప్తపాతాలభ్రాన్తపన్నగా ।
శుభ్రాసనా శూరసేనావృతా శూలాదినాశినీ ॥ ౧౭౯ ॥
శూకవృశ్చికనాగాఖుర్వృకహ్రింస్రాలిసంవృతా ।
శూలినీ శూలడ్గాహిశఙ్ఖచక్రగదాధరా ॥ ౧౮౦ ॥
శోకాబ్ధిశోషణోద్యుక్తబడవా శ్రోత్రియావృతా ।
శఙ్కరాలిఙ్గనానన్దమేదురా శీతలామ్బికా ॥ ౧౮౧ ॥
శఙ్కరీ శఙ్కరార్ధాఙ్గహరా శాక్కరవాహనా ।
శమ్భుకోపాగ్నినిర్దగ్ధమదనోత్పాదకేక్షణా ॥ ౧౮౨ ॥
శామ్భవీ శమ్భుహస్తాబ్జలీలారుణకరావలిః ।
శ్రీవిద్యా శుభదా శుభవస్త్రా శుమ్భాసురాన్తకీ ॥ ౧౮౩ ॥
ఓం ఐం హ్రీం శ్రీం షం – ౪౭ ॥
షడాధారాబ్జనిలయా షాడ్గుణ్యశ్రీప్రదాయినీ ।
షడూర్మిఘ్ని షడధ్వాన్తపదారూఢస్వరూపిణీ ॥ ౧౮౪ ॥
షట్కోణమధ్యనిలయా షడర్ణా షాన్తరూపిణీ ।
షడ్జాదిస్వరనిర్మాత్రీ షడఙ్గయువతీశ్వరీ ॥ ౧౮౫ ॥
షడ్భావరహితా షణ్డకణ్టకీ షణ్ముఖప్రియా ।
షడ్సాస్వాదముదితా షష్ఠీశాదిమదేవతా ॥ ౧౮౬ ॥
షోఢాన్యాసమయాకారా షోడశాక్షరదేవతా ।
ఓం ఐం హ్రీం శ్రీం సం – ౪౮ ॥
సకలా సచ్చిదానన్దలక్షణా సౌఖ్యదాయినీ ॥ ౧౮౭ ॥
సనకాదిమునిధ్యేయా సన్ధ్యానాట్యవిశారదా ।
సమస్తలోకజననీ సభానటనరఞ్జినీ ॥ ౧౮౮ ॥
సరః పులినలీలార్థియువతీనివహోత్సుకా ।
సరస్వతీ సురారాధ్యా సురాపానప్రియాసురా ॥ ౧౮౯ ॥
సరోజలవిహారోద్యత్ప్రియాకృష్టోత్తరాంశుకా ।
సాధ్యా సాధ్యాదిరీహతా స్వతన్త్రా స్వస్తిరూపిణీ ॥ ౧౯౦ ॥
సాధ్వీ సఙ్గీతరసికా సర్వదా సర్వమఙ్గలా ।
సామోద్గీతనిజానన్దమహిమాలిస్సనాతనా ॥ ౧౯౧ ॥
సారస్వతప్రదా సామా సంసారార్ణవతారిణీమ్ ।
సావిత్రీ సఙ్గనిర్ముక్తా సతీశీ సర్వతోముఖీ ॥ ౧౯౨ ॥
సాఖ్యతత్వజ్ఞనివహవ్యాపిసాలా సుఖేశ్వరీ ।
సిద్ధసఙ్ఘావృతా సాన్ధ్యవన్దితా సాధుసత్కృతా ॥ ౧౯౩ ॥
సింహాసనగతా సర్వశృఙ్గారరసవారిధిః ।
సుధాబ్ధిమధ్యనిలయా స్వర్ణద్వీపాన్తరస్థితా ॥ ౧౯౪ ॥
సుధాసిక్తాలవాలోద్యత్కాయమానలతాగృహా ।
సుభగా సున్దరీ సుభ్రూః సముపాస్యత్వలక్షణా ॥ ౧౯౫ ॥
సురదుసఙ్కులాభోగతటా సౌదామినీనిభా ।
సురభీకేశసమ్భ్రాన్తద్విరేఫముఖరాన్వితా ॥ ౧౯౬ ॥
సూర్యచన్ద్రాంశుధిక్కారిప్రభారత్నాలిమణ్డపా ।
సోమపానోద్భవామోదవిప్రగీతాపదానకా ॥ ౧౯౭ ॥
సోమయాగప్రియా సోమసూర్యవహ్నివిలోచనా ।
సౌగన్ధికమరుద్వేగమోదితా సద్విలాసినీ ॥ ౧౯౮ ॥
సౌన్దర్యమోహితాధీనవల్లభా సన్తతిప్రదా ।
సౌభాగ్యమన్త్రిణీ సత్యవాదా సాగరమేఖలా ॥ ౧౯౯ ॥
స్వశ్వాసోచ్ఛవాసభువనమోచనోన్మోచనా స్వధా ।
ఓం ఐం హ్రీం శ్రీం హం – ౪౯ ॥
హయారూఢా హయగ్రీవవినుతా హతకిల్బిషా ॥ ౨౦౦ ॥
హరాలిఙ్గనశీతాంశూన్మిషన్నేత్రముద్వతీ ।
హరినాభిసముద్భూతవిరిఞ్చివినుతా హరా ॥ ౨౦౧ ॥
హాదివిద్యా హానిహీనా హాకినీ హరిచణ్డికా ।
హారావలిప్రభాదీప్త హరిదన్తదిగమ్బరా ॥ ౨౦౨ ॥
హాలాహలవిషోద్విగ్రవిష్టాపానేకరక్షకీ ।
హాహాకారరవోద్గీతదనుజా హారమఞ్జులా ॥ ౨౦౩ ॥
హిమాద్రితనయా హీరమకుటా హారపన్నగా ।
హుతాశనధరా హోమప్రియా హోత్రీ హయేశ్వరీ ॥ ౨౦౪ ॥
హేమపద్మధరా హేమవర్మరాజసమర్చితా ।
హంసినీ హంసమన్త్రార్థా హంసవాహా హరాఙ్గభృత్ ॥ ౨౦౫ ॥
హృద్యా హృద్యమనోనిత్యవాసా హరకుటుమ్బినీ । (??)
హ్రీమతిః హృదయాకాశతరణిః హ్రిమ్పరాయణా ॥ ౨౦౬ ॥
ఓం ఐం హ్రీం శ్రీం క్షం – ౫౦ ॥
క్షణదాచరసంహారచతురా క్షుద్రదుర్ముఖా ।
క్షణదార్చ్యా క్షపానాథసుధార్ద్రకబరీ క్షితిః ॥ ౨౦౭ ॥
క్షమా క్షమాధరసుతా క్షామక్షోభవినాశినీ ।
క్షిప్రసిద్ధిమ్ప్రదా క్షిప్రగమనా క్షుణ్ణివారిణీ ॥ ౨౦౮ ॥
క్షీణపుణ్యాసుహృత్ క్షీరవర్ణా క్షయవివర్జితా ।
క్షీరాన్నాహారముదితా క్ష్మ్ర్యూమ్మన్త్రాప్తేష్టయోగిరాట్ ॥ ౨౦౯ ॥
క్షీరాబ్ధితనయా క్షీరఘృతమధ్వాసవార్చితా ।
క్షుధార్తిదీనసన్త్రాణా క్షితిసంరక్షణక్షమా ॥ ౨౧౦ ॥
క్షేమఙ్కరీ క్షేత్రపాలవన్దితా క్షేత్రరూపిణీ ।
క్షౌమామ్బరధరా క్షత్రసమ్ప్రార్థితజయోత్సవా ॥ ౨౧౧ ॥
క్ష్వేలభుగ్రసనాస్వాద జాత వాగ్రసవైభవా ।
ఇతి శ్రీభృఙ్గిరిటిసంహితాయాం శక్త్యుత్కర్షప్రకరణే
శివగౌరీసంవాదే శ్రీశివకామసున్దరీసహస్రనామస్తోత్రం సమ్పూర్ణమ్
॥ ఉత్తరపీతికా ॥
ఇత్యేతత్తే మయాఽఽఖ్యాతం నామ సాహస్రముత్తమమ్ ।
శివకామసున్దరీదేవ్యాః శివాయాః పరమేశ్వరి ॥ ౧ ॥
చతుర్వేదస్య తాత్పర్యసారభూతం సుఖప్రదమ్ ।
సహస్రనామక స్తోత్రరత్నాభిధమిదం ప్రియే ।
శ్రుత్యన్తవాక్యనిచయబద్ధం శీఘ్రప్రసిద్ధిదమ్ ॥ ౨ ॥
ఆయురారోగ్యదం పుణ్యవర్ధనం భుక్తిముక్తిదమ్ ।
విఘ్నవారణవిఘ్నేశం సంసారధ్వాన్తభాస్కరమ్ ॥ ౩ ॥
శోకకాన్తారదావాగ్నిమజ్ఞానాబ్ధిఘటోద్భవమ్ ।
రోగపర్వతదభ్భోలిం శత్రువర్గాహితార్క్ష్యకమ్ ॥ ౪ ॥
సర్వవిద్యాప్రదం నౄణాం తుష్టిదం పుష్టిదం ప్రియే ।
భూతాః ప్రేతాః పిశాచాశ్చ బ్రహ్మరక్షోగణోరగాః ॥ ౫ ॥
జటామునిగణాః క్షుద్రజ్వరకృద్గ్రహమణ్డలాః ।
కోటరారేవతీజ్యేష్ఠాపూతనామాతృకాదయః ॥ ౬ ॥
మహాజ్వరకరాశ్చాన్యే భేతాలాగ్నిధరాశ్శివే ।
అపస్మారాదిమాశ్చాన్యే దృష్టా హింసారారాశ్శివే ॥ ౭ ॥
రాక్షసా మనుజా యజ్ఞవిఘ్నభూతాశ్చ పన్నగాః ।
సాలువాః శరభాః సింహాః వ్యాఘ్రా ఋక్షా గజా వృషాః ।
శాక్కరా మహిషాచ్ఛగాః గవయావృకజమ్బుకాః ।
అన్యే వన్యా మృగా దేవి హింసకాశ్శూకవృశ్చికాః ॥ ౯ ॥
అణ్డజాస్స్వేదజా దేవి చోద్భిదాశ్చ జరాయుజాః ।
యే యే హింసాకరాస్సర్వే నామసాహస్రజాపినమ్ ॥ ౧౦ ॥
దృష్ట్వా భీత్యా పరిభ్రాన్తాః స్ఖలన్తశ్చ విదూరతః ।
పతన్తశ్చ పలాయన్తే ప్రాణత్రాణపరాయణాః ॥ ౧౧ ॥
అమ్బికానామసాహస్రజపశీలస్య యోగినః ।
ద్రవ్యాణి యోఽపహరతే తం భక్షయతి యోగినీ ॥ ౧౨ ॥
శివకామసున్దరీభస్తిశాలినం ద్వేష్టి యో నరః ।
తం నాశయతి సా దేవీ సపుత్రగణబాన్ధవమ్ ॥ ౧౩ ॥
శివకామసున్దరీభక్తే చాభిచారాదిదుష్కృతిమ్ ।
యః ప్రేరయతి మూఢాత్మా తం దేవీ శివసున్దరీ ॥ ౧౪ ॥
ముఖాగ్నిజ్వాలయా దేవీ దాహయత్యఞ్జసా ధువమ్ ।
అనేన సదృశం స్తోత్రం నాస్తి నాస్త్యద్రికన్యకే ॥ ౧౫ ॥
ఏతత్స్తోత్రజపేనైవ విష్ణుర్లక్ష్మీశ్వరోఽభవత్ ।
జగద్రక్షకకర్తృత్వం బ్రహ్మణో వేధసః ప్రియే ॥ ౧౬ ॥
సృష్టికర్తృత్వమప్యమ్బే వేదానాం చ విధాయకః ।
అభూదన్యేఽమరాశ్చైవ వహ్నీన్ద్రయమరాక్షసాః ॥ ౧౭ ॥
జలవాయ్వీశధనదాః యోగినశ్చ మహర్షయః ।
జపాదస్య స్వయం సిద్ధిం లేభిరే సతతం శివే ॥ ౧౮ ॥
మమ శక్తిమయీ త్వం హి దేవీ సా కామసున్దరీ ।
తస్యాః ప్రభావం నాన్యేన వస్తుం శక్యం హి సున్దరి! ॥ ౧౯ ॥
త్వయైవ చిన్తనీయం తత్ త్వత్తో నాన్యాస్తి హి ప్రియా ।
ఏతన్నామసహస్రస్య జపే త్రైవర్ణికః ప్రియే ॥ ౨౦ ॥
మయాధిక్రియతేఽన్యేషాం చ భవేదధికారతా ।
అన్యే తు పాఠయేద్విప్రైః లభేరన్దవేష్టకామనామ్ ॥ ౨౧ ॥
యో విప్రశ్శాన్తహృదయః నామసాహస్రముత్తమమ్ ।
జపతి శ్రద్ధయా యుక్తః సర్వాన్కామానవాప్నుయాత్ ॥ ౨౨ ॥
శుక్రవారే సౌమవారే భౌమవారే గురోర్దినే ।
దర్శే పర్వణి పఞ్చమ్యాం నవమ్యాం కులసున్దరి ॥ ౨౩ ॥
కృష్ణాఙ్గారచతుర్దశ్యాం సఙ్క్రాన్తావయనే విషౌ ।
వృషే శుక్లనవమ్యాం చ శ్రావణ్యాం మూలభే శుభే ॥ ౨౪ ॥
ఆషాఢే చ తులాయాం చ నక్షత్రే పూర్వఫల్గునే ।
జ్యేష్ఠే చ ఫాల్గునే మాసి ఉత్తరే ఫల్గునే శుభే ॥ ౨౫ ॥
నక్షత్రే చ శుభాం దేవీం గౌరీనామభిరమ్బికామ్ ।
అర్చయేత్సతతం ప్రీతా సున్దరీ భవతి ప్రియే ॥ ౨౬ ॥
ప్రతిపన్ముఖరాకాన్తదినరాత్రిషు చామ్బికామ్ ।
అర్చయేత్కుసుమైర్బిల్వైః హారిద్రైః కుకుమైః శుభైః ॥ ౨౭ ॥
హరిద్రాచూర్ణసమ్పృక్తైరక్షతైర్తులసీదలైః ।
కేసరైః కేతకైశ్చైవ మన్దారైశ్చమ్పకైరపి ॥ ౨౮ ॥
ప్రథమం గన్ధతైలేనాభిషిచ్య తతః పరమ్ ।
పయసా మధునా దఘ్నా ఘృతేన లికుచేన చ ॥ ౨౯ ॥
నారికేలామ్రపనసకదలీనాం ఫలత్రయమ్ ।
శర్కరామధుసమ్పృక్తం పఞ్చ్జామృతమథామ్బికామ్ ॥ ౩౦ ॥
అభిషిచ్య తతః పశ్చాత్సగన్ధీశ్చన్దనైః శుభైః ।
అన్నైశ్చ కుఙ్కుమైశ్చైవ ఫలానాం చ రసైస్తథా ॥ ౩౧ ॥
గఙ్గామ్బుభిస్తతః కుర్యాత్వాసితైః సలిలైశ్శుభైః ।
సమ్యగున్మార్జ్య వస్త్రైశ్చ పీతామ్బరముఖైః శివైః ॥ ౩౨ ॥
ఆచ్ఛాద్య కఞ్చుకైశ్చైవాలఙ్కృత్యాభరణైస్సుమైః ।
శుద్ధాన్నైః పాయసాన్నైశ్చ రసఖణ్డాన్నైశ్చ భక్ష్యకైః ॥ ౩౩ ॥
గుడాన్నేః పాయసాపూపైర్మాషాపూపైశ్చ లేహ్యకైః ।
ఖాద్యైశ్చ వివిధైరన్నైః చిత్రాన్నైశ్చ విశేషతః ॥ ౩౪ ॥
లడ్డుకైర్మోదకైశ్చాపి కరమ్భైశ్చ శరావకైః ।
ఫలైశ్చ వివిధైశ్చాపి కుర్యాన్నైవేద్యమాదరాత్ ॥ ౩౫ ॥
షోడశైరుపచారైశ్చ పూజయేచ్ఛివసున్దరీమ్ ।
సువాసినీః కన్యకాశ్చ వస్త్రాన్నైశ్చ ప్రపూజయేత్ ॥ ౩౬ ॥
ఏభిర్నామభిరేవైతాం మూర్తే యన్త్రే ఘటేఽపి వా ।
ఆవాహ్యాభ్యర్చ్యయేద్దేవీం జపేద్వా సన్నిధౌ స్తుతిమ్ ॥ ౩౭ ॥
యం యం కామయతే శీఘ్రం తం తం ప్రాప్నోత్యసంశయః ।
విద్యార్థీ లభతే విద్యాం పుత్రార్థీ పుత్రమాప్నుయాత్ ॥ ౩౮ ॥
కన్యార్థీ లభతే కన్యాం అప్సరస్సదృశీం శివే ।
ధనార్థీ లభతే శీఘ్రం ధనం భూరి మహేశ్వరి ॥ ౩౯ ॥
శ్రీవిద్యోపాస్తిశీలానామాత్మరక్షార్థమాదరాత్ ।
శత్రునిర్ఘాతనార్థఞ్చ స్వదాసానుగ్రహాయ చ ॥ ౪౦ ॥
జప్తవ్యం సతతం భద్రే శ్రుతివద్వాగ్యతశ్శుచిః ।
సర్వమన్త్రాధికారత్వాత్ శ్రీవిద్యోపాసకస్య తు ॥ ౪౧ ॥
గురుం స్వయం జప్యం వినా సున్దర్యేవాస్య దేశికా ।
తేషామేవ విధిః ప్రోక్తో నాన్యేషాం మేనకాత్మన్తే ॥ ౪౨ ॥
ఉపదేశాదేవ చ గురోః జప్తవ్యం శివభాషితమ్ ।
శ్రీచక్రపురసమాజస్త్రిపురాతుష్టికారణమ్ ॥ ౪౩ ॥
తత్త్వమస్యాదివాక్యార్థపరబ్రహ్మపదప్రదమ్ ।
శివజ్ఞానప్రదం దేవి శీఘ్రసిద్ధికరం పరమ్ ॥ ౪౪ ॥
శ్రౌతస్మార్తాదికర్మాదౌ భక్త్యేదం యో జపేత్ప్రియే ।
అవిఘ్నేన చ తత్కర్మ సాఫల్యం చైతి నిశ్చయః ॥ ౪౫ ॥
యుద్ధే ప్రయాణే దుర్ద్ధర్షే స్వప్నే వాతే జలే భయే ।
జప్తవ్యం సతతం భద్రే తత్తచ్ఛాన్త్యై మహేశ్వరి ॥ ౪౬ ॥
తత్తన్మాతృకయా పుస్తం త్రితారేణ సమన్వితమ్ ।
స్తోత్రమేతజ్జపేద్దేవీమర్చయేచ్చ విశేషతః ॥ ౪౭ ॥
సదా తస్య హృదమ్భోజే సున్దరీ వసతి ధువమ్ ।
అణిమాదిమహాసిద్ధీః లభతే నాత్ర సంశయః ॥ ౪౮ ॥
అశ్వమేధాదిభిర్యజ్ఞైః యత్ఫలం తత్ సుదుర్లభమ్ ।
అణిమాదిమమహాసిద్ధీః లభతే నాత్ర సంశయః ॥ ౪౯ ॥
ఏభిర్నామభిరేవం యః కాలీం దుర్గాఞ్చ చణ్డికామ్ ।
అర్చయేత్సతతం భక్త్యా యే సర్వాన్కామాంల్లభేన్నరః ॥ ౫౦ ॥
సున్దరీమూర్తిభేదాశ్చ కాలీ దుర్గా చ చణ్డికా ॥ ౫౧ ॥
ఏకైవ శక్తిః పరమేశ్వరస్య
భిన్నా చతుర్ధా వినియోగకాలే ।
భోగే భవానీ పురుషేషు విష్ణుః
కోపేషు కాలీ సమరేషు దుర్గా ॥ ౫౨ ॥
ఏకా శక్తిశ్చ శమ్భోర్వినిమయనవిధౌ సా చతుర్ధా విభిన్నా
క్రోధే కాలీ విజాతాచ సమరసమయే సా చ చణ్డీ చ దుర్గా ।
భోగే సృష్టౌ నియోగే చ సకలజగతాం సా భవానీ చ జాతా
సర్వేషాం రక్షణానుగ్రహకరణవిధౌ తస్య విష్ణుర్భవేత్సా ॥ ౫౨ ॥
సమ్ప్రయచ్ఛతి తస్యేష్టమచిరాదేవ సున్దరీ ।
స్తోత్రరత్నమిదం భద్రే సదా నిష్కామనాయుతః ॥ ౫౩ ॥
యో జపేన్మామకం ధామ బ్రహ్మవిష్ణ్వాదిదుర్లభమ్ ।
సత్యజ్ఞానమనన్తాఖ్యం బ్రాహ్మం కైవల్యసఞ్జ్ఞకమ్ ॥ ౫౪ ॥
భవాబ్ధితారకం సోఽపి ప్రాప్నోతి మదనుగ్రహాత్ ।
చిత్సభాయాం నృత్యమాననటరాజస్య సాక్షిణీ ॥ ౫౫ ॥
తస్యైవ మహిషీ నామ్రా శివకామా చ సున్దరీ ।
సా పరబ్రహ్మమహిషీ సదానన్దా శుభప్రదా ॥ ౫౬ ॥
శివకామసున్దరీనామ్నాం సహస్రం ప్రోక్తమమ్బికే ।
ఏతస్య సదృశం స్తోత్రం నాస్తి నాస్తి జగత్త్రయే ॥ ౫౭ ॥
సత్యం సత్యం పునస్సత్యం త్వాం శపేఽహం వదామి తే ।
నాస్తికాయ కృతఘ్నాయ విప్రద్వేషపరాయ చ ॥ ౫౮ ॥
న దేయం వేదవిప్రర్షిభక్తియుక్తాయ శామ్భవి ।
దేయం త్రిపురవిద్యేశీత్యథర్వశ్రుతి చోదితమ్ ॥ ౫౯ ॥
విస్తృతేన కిమన్యచ్చ శ్రోతుకామాసి సున్దరి ।
ఇతి నిగదితవన్తం రాజతే పర్వతేఽస్మిన్
నవమణిగణపీఠే సంస్థితం దేవమీశమ్ ।
ముహురపి కృతనమ్రా భక్తినమ్రా భవానీ
కరయుగసరసిజేనాలిలిఙ్గాతిగాఢమ్ ॥ ౬౦ ॥
ఇతి శ్రీభృఙ్గిరిటిసంహితాయాం శక్త్యుత్కర్షప్రకరణే శివగౌరీసంవాదే
శ్రీశివకామసున్దరీసహస్రనామస్తోత్రోత్తరపీఠికా సమ్పూర్ణా ॥
॥ శివమస్తు ॥
Also Read 1000 Names of Sri Shivakamasundari:
1000 Names of Sri Shivakama Sundari | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
