Shri ShodashiSahasranamastotram Lyrics in Kannada:
॥ ಶ್ರೀಷೋಡಶೀಸಹಸ್ರನಾಮಸ್ತೋತ್ರಮ್ ॥
॥ ಶ್ರೀಮಹಾತ್ರಿಪುರಸುನ್ದರ್ಯೈ ನಮಃ ॥
॥ ಪೂರ್ವ ಪೀಠಿಕಾ ॥
ಕೈಲಾಸಶಿಖರೇ ರಮ್ಯೇ ನಾನಾರತ್ನೋಪಶೋಭಿತೇ।
ಕಲ್ಪಪಾದಪಮಧ್ಯಸ್ಥೇ ನಾನಾಪುಷ್ಪೋಪಶೋಭಿತೇ ॥ 1 ॥
ಮಣಿಮಂಡಪಮಧ್ಯಸ್ಥೇ ಮುನಿಗನ್ಧರ್ವಸೇವಿತೇ ।
ಕದಾಚಿತ್ಸುಖಮಾಸೀನಂ ಭಗವನ್ತಂ ಜಗದ್ಗುರುಮ್ ॥ 2 ॥
ಕಪಾಲಖಟ್ವಾಂಗಧರಂ ಚನ್ದ್ರಾರ್ಧಕೃತಶೇಖರಮ್ ।
ಹಸ್ತತ್ರಿಶೂಲಡಮರುಂ ಮಹಾವೃಷಭವಹನಮ್ ॥ 3 ॥
ಜಟಾಜೂಟಧರನ್ದೇವಂ ಕಂಠಭೂಷಣವಾಸುಕಿಮ್ ।
ವಿಭೂತಿಭೂಷಣನ್ದೇವಂ ನೀಲಕಂಠನ್ತ್ರಿಲೋಚನಮ್ ॥ 4 ॥
ದ್ವೀಪಿಚರ್ಮಪರೀಧಾನಂ ಶುದ್ಧಸ್ಫಟಿಕಸನ್ನಿಭಮ್ ।
ಸಹಸ್ರಾದಿತ್ಯಸಂಕಾಶಂ ಗಿರಿಜಾರ್ದ್ಧಾಂಗಭೂಷಣಮ್ ॥ 5 ॥
ಪ್ರಣಮ್ಯ ಶಿರಸಾ ನಾಥಂ ಕಾರಣಂ ವಿಶ್ವರೂಪಿಣಮ್ ।
ಕೃತಾಂಜಲಿ ಪುಟೋ ಭೂತ್ವಾ ಪ್ರಾಹೈನಂ ಶಿಖವಾಹನಃ ॥ 6 ॥
॥ ಕಾರ್ತಿಕೇಯ ಉವಾಚ ॥
ದೇವದೇವ ಜಗನ್ನಾಥ! ಸೃಷ್ಟಿಸ್ಥಿತಿಲಯಾತ್ಮಕ ।
ತ್ವಮೇವ ಪರಮಾತ್ಮಾ ಚ ತ್ವಂ ಗತಿಃ ಸರ್ವದೇಹಿನಾಮ್ ॥ 7 ॥
ತ್ವಂಗತಿಃ ಸರ್ವಲೋಕಾನಾಂ ದೀನಾನಾಂ ಚ ತ್ವಮೇವ ಹಿ ।
ತ್ವಮೇವ ಜಗದಾಧಾರಸ್ತ್ವಮೇವ ವಿಶ್ವಕಾರಣಮ್ ॥ 8 ॥
ತ್ವಮೇವ ಪೂಜ್ಯಃ ಸರ್ವೇಷಾಂ ತ್ವದನ್ಯೋ ನಾಸ್ತಿ ಮೇ ಗತಿಃ ।
ಕಿಂ ಗುಹ್ಯಮ್ಪರಮಂ ಲೋಕೇ ಕಿಮೇಕಂ ಸರ್ವಸಿದ್ಧಿದಮ್ ॥ 9 ॥
ಕಿಮೇಕಂ ಪರಮಂ ಶ್ರೇಷ್ಠಂ ಕೋ ಯೋಗ: ಸ್ವರ್ಗಮೋಕ್ಷದ: ।
ವಿನಾ ತೀರ್ಥೇನ ತಪಸಾ ವಿನಾ ದಾನೈರ್ವಿನಾ ಮಖೈ: ॥ 10 ॥
ವಿನಾ ಲಯೇನ ಧ್ಯಾನೇನ ನರಃ ಸಿದ್ಧಿಮವಾಪ್ನುಯಾತ್ ।
ಕಸ್ಮಾದುತ್ಪದ್ಯತೇ ಸೃಷ್ಟಿ: ಕಸ್ಮಿಂಶ್ಚ ಪ್ರಲಯೋ ಭವೇತ್ ॥ 11 ॥
ಕಸ್ಮಾದುತ್ತೀರ್ಯತೇ ದೇವ ! ಸಂಸಾರಾರ್ಣವಸಂಕಟಾತ್ ।
ತದಹಂ ಶ್ರೋತುಮಿಚ್ಛಾಮಿ ಕಥಯಸ್ವ ಮಹೇಶ್ವರ ! ॥ 12 ॥
॥ ಈಶ್ವರ ಉವಾಚ ॥
ಸಾಧು ಸಾಧು ತ್ವಯಾ ಪೃಷ್ಟಂ ಪಾರ್ವತೀಪ್ರಿಯನನ್ದನ ।
ಅಸ್ತಿ ಗುಹ್ಯತಮಮ್ಪುತ್ರ! ಕಥಯಿಷ್ಯಾಮ್ಯಸಂಶಯಮ್ ॥ 13 ॥
ಸತ್ವಂ ರಜಸ್ತಮಶ್ಚೈವ ಯೇ ಚಾನ್ಯೇ ಮಹದಾದಯಃ ।
ಯೇ ಚಾನ್ಯೇ ಬಹವೋ ಭೂತಾಃ ಸರ್ವೇ ಪ್ರಕೃತಿಸಮ್ಭವಾಃ ॥ 14 ॥
ಸೈವ ದೇವೀ ಪರಾಶಕ್ತಿಃ ಮಹಾತ್ರಿಪುರಸುನ್ದರೀ ।
ಸೈವ ಪ್ರಸೂಯತೇ ವಿಶ್ವಂ ವಿಶ್ವಂ ಸೈವ ಪ್ರಪಾಸ್ಯತಿ ॥ 15 ॥
ಸೈವ ಸಂಹರತೇ ವಿಶ್ವಂ ಜಗದೇತಚ್ಚರಾಚರಮ್ ।
ಆಧಾರಃ ಸರ್ವಭೂತಾನಾಂ ಸೈವ ರೋಗಾರ್ತಿಹಾರಿಣೀ ॥ 16 ॥
ಇಚ್ಛಾಜ್ಞಾನಕ್ರಿಯಾಶಕ್ತಿರಬ್ರಹ್ಮವಿಷ್ಣುಶಿವಾತ್ಮಿಕಾ ।
ತ್ರಿಧಾ ಶಕ್ತಿಸ್ವರೂಪೇಣ ಸೃಷ್ಟಿಸ್ಥಿತಿವಿನಾಶಿನೀ ॥ 17 ॥
ಸೃಜ್ಯತೇ ಬ್ರಹ್ಮರೂಪೇಣ ವಿಷ್ಣುರೂಪೇಣ ಪಾಲ್ಯತೇ ।
ಹ್ರಿಯತೇ ರುದ್ರರೂಪೇಣ ಜಗದೇತಚ್ಚರಾಚರಮ್ ॥ 18 ॥
ಯಸ್ಯಾ ಯೋನೌ ಜಗತ್ಸರ್ವಮದ್ಯಾಪಿ ಪರಿವರ್ತತೇ ।
ಯಸ್ಯಾಂ ಪ್ರಲೀಯತೇ ಚಾನ್ತೇ ಯಸ್ಯಾಂ ಚ ಜಾಯತೇ ಪುನಃ ॥ 19 ॥
ಯಾಂ ಸಮಾರಾಧ್ಯ ತ್ರೈಲೋಕ್ಯೇ ಸಮ್ಪ್ರಾಪ್ಯಂ ಪದಮುತ್ತಮಮ್ ।
ತಸ್ಯಾ ನಾಮಸಹಸ್ರಂ ತು ಕಥಯಾಮಿ ಶೃಣುಷ್ವ ತತ್ ॥ 20 ॥
॥ ವಿನಿಯೋಗಃ ॥
ಓಂ ಅಸ್ಯ ಶ್ರೀಮಹಾತ್ರಿಪುರಸುನ್ದರೀಸಹಸ್ರನಾಮಸ್ತೋತ್ರಮನ್ತ್ರಸ್ಯ
ಶ್ರೀಭಗವಾನ್ ದಕ್ಷಿಣಾಮೂರ್ತಿಃ ಋಷಿಃ । ಜಗತೀಛನ್ದಃ ।
ಸಮಸ್ತಪ್ರಕಟಗುಪ್ತಸಮ್ಪ್ರದಾಯ ಕುಲಕೌಲೋತ್ತೀರ್ಣನಿರ್ಗರ್ಭರಹಸ್ಯಾಚಿನ್ತ್ಯಪ್ರಭಾವತೀ
ದೇವತಾ । ಓಂ ಬೀಜಂ । ಹ್ರೀಂ ಶಕ್ತಿಃ । ಕ್ಲೀಂ ಕೀಲಕಂ ।
ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಃ ।pAThe
॥ ಋಷ್ಯಾದಿ ನ್ಯಾಸಃ ॥
ಓಂ ಶ್ರೀಮಹಾತ್ರಿಪುರಸುನ್ದರೀಸಹಸ್ರನಾಮಸ್ತೋತ್ರಮನ್ತ್ರಸ್ಯ
ಶ್ರೀಭಗವಾನ್ ದಕ್ಷಿಣಾಮೂರ್ತಿ ಋಷಯೇ ನಮಃ ಶಿರಸಿ ।
ಓಂ ಜಗತೀಚ್ಛನ್ದಸೇ ನಮಃ ಮುಖೇ।
ಓಂಸಮಸ್ತಪ್ರಕಟಗುಪ್ತಸಮ್ಪ್ರದಾಯಕುಲಕೌಲೋತ್ತೀರ್ಣನಿರ್ಗರ್ಭರಹಸ್ಯಾಚಿನ್ತ್ಯಪ್ರಭಾವತೀದೇವತಾಯೈ ನಮಃ ಹೃದಯೇ ।
ಓಂ ಓಂ ಬೀಜಾಯ ನಮಃ ನಾಭೌ ।var ವೀಜಾಯ
ಓಂ ಹ್ರೀಂ ಶಕ್ತ್ಯೇ ನಮಃ ಗುಹ್ಯೇ ।
ಓಂ ಕ್ಲೀಂ ಕೀಲಕಾಯ ನಮಃ ಪಾದಯೋಃ ।
ಓಂ ಧರ್ಮಾರ್ಥಕಾಮಮೋಕ್ಷಾರ್ಥೇ ಜಪೇ ವಿನಿಯೋಗಾಯ ನಮಃ ಸರ್ವಾಂಗೇ ।pAThe
॥ ಧ್ಯಾನಮ್ ॥
ಓಂ ಆಧಾರೇ ತರುಣಾರ್ಕಬಿಮ್ಬರುಚಿರಂ ಹೇಮಪ್ರಭಂ ವಾಗ್ಭವಮ್ ।
ಬೀಜಂ ಮನ್ಮಥಮಿನ್ದ್ರಗೋಪಸದೃಶಂ ಹೃತ್ಪಂಕಜೇ ಸಂಸ್ಥಿತಮ್ ॥
ವಿಷ್ಣುಬ್ರಹ್ಮಪದಸ್ಥಶಕ್ತಿಕಲಿತಂ ಸೋಮಪ್ರಭಾಭಾಸುರಮ್ ।
ಯೇ ಧ್ಯಾಯನ್ತಿ ಪದತ್ರಯಂ ತವ ಶಿವೇ ! ತೇ ಯಾನ್ತಿ ಸೌಖ್ಯಂ ಪದಮ್ ॥
॥ ಮಾನಸ ಪೂಜನಮ್ ॥
ಓಂ ಲಂ ಪೃಥಿವ್ಯಾತ್ಮಕಂ ಗನ್ಧಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ಸಮರ್ಪಯಾಮಿ ನಮಃ ।
ಓಂ ಹಂ ಆಕಾಶತತ್ತ್ವಾತ್ಮಕಂ ಪುಷ್ಪಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ಸಮರ್ಪಯಾಮಿ ನಮಃ ।
ಓಂ ಯಂ ವಾಯುತತ್ತ್ವಾತ್ಮಕಂ ಧೂಪಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ಘ್ರಾಪಯಾಮಿ ನಮಃ ।
ಓಂ ರಂ ಅಗ್ನಿತತ್ತ್ವಾತ್ಮಕಂ ದೀಪಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ದರ್ಶಯಾಮಿ ನಮಃ ।
ಓಂ ವಂ ಜಲತತ್ತ್ವಾತ್ಮಕಂ ನೈವೇದ್ಯಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ನಿವೇದಯಾಮಿ ನಮಃ ।
ಓಂ ಸಂ ಸರ್ವತತ್ತ್ವಾತ್ಮಕಂ ತಾಮ್ಬೂಲಂ
ಪರಬ್ರಹ್ಮಸ್ವರೂಪಿಣೀ ಶ್ರೀಷೋಡಶೀದೇವೀ ಪ್ರೀತಯೇ ಸಮರ್ಪಯಾಮಿ ನಮಃ ।
॥ ಮೂಲಪಾಠಃ ॥
ಕಲ್ಯಾಣೀ ಕಮಲಾ ಕಾಲೀ ಕರಾಲೀ ಕಾಮರೂಪಿಣಿ ।
ಕಾಮಾಖ್ಯಾ ಕಾಮದಾ ಕಾಮ್ಯಾ ಕಾಮನಾ ಕಾಮಚಾರಿಣೀ ॥ 1 ॥
ಕಾಲರಾತ್ರಿರ್ಮಹಾರಾತ್ರಿ ಕಪಾಲೀ ಕಾಮರೂಪಿಣೀ ।var ಕಾಲರಾತ್ರಿಃ ಮಹಾರಾತ್ರಿಃ
ಕೌಮಾರೀ ಕರುಣಾ ಮುಕ್ತಿಃ ಕಲಿಕಲ್ಮಷನಾಶಿನೀ ॥ 2 ॥
ಕಾತ್ಯಾಯನೀ ಕರಾಧಾರಾ ಕೌಮುದೀ ಕಮಲಪ್ರಿಯಾ ।
ಕಿರ್ತಿದಾ ಬುದ್ಧಿದಾ ಮೇಧಾ ನೀತಿಜ್ಞಾ ನೀತಿವತ್ಸಲಾ ॥ 3 ॥
ಮಾಹೇಶ್ವರೀ ಮಹಾಮಾಯಾ ಮಹಾತೇಜಾ ಮಹೇಶ್ವರೀ ।
ಮಹಾಜಿಹ್ವಾ ಮಹಾಘೋರಾ ಮಹಾದಂಷ್ಟ್ರಾ ಮಹಾಭುಜಾ ॥ 4 ॥
ಮಹಾಮೋಹಾನ್ಧಕಾರಘ್ನೀ ಮಹಾಮೋಕ್ಷಪ್ರದಾಯಿನೀ ।
ಮಹಾದಾರಿದ್ರ್ಯನಾಶಾ ಚ ಮಹಾಶತ್ರುವಿಮರ್ದಿನೀ ॥ 5 ॥
ಮಹಾಮಾಯಾ ಮಹಾವೀರ್ಯಾ ಮಹಾಪಾತಕನಾಶಿನೀ ।
ಮಹಾಮಖಾ ಮನ್ತ್ರಮಯೀ ಮಣಿಪೂರಕವಾಸಿನೀ ॥ 6 ॥
ಮಾನಸೀ ಮಾನದಾ ಮಾನ್ಯಾ ಮನಶ್ಚಕ್ಷೂರಣೇಚರಾ ।
ಗಣಮಾತಾ ಚ ಗಾಯತ್ರೀ ಗಣಗನ್ಧರ್ವಸೇವಿತಾ ॥ 7 ॥
ಗಿರಿಜಾ ಗಿರಿಶಾ ಸಾಧ್ವೀ ಗಿರಿಸ್ಥಾ ಗಿರಿವಲ್ಲಭಾ ।
ಚಂಡೇಶ್ವರೀ ಚಂಡರೂಪಾ ಪ್ರಚಂಡಾ ಚಂಡಮಾಲಿನೀ ॥ 8 ॥
ಚರ್ವಿಕಾ ಚರ್ಚಿಕಾಕಾರಾ ಚಂಡಿಕಾ ಚಾರುರೂಪಿಣೀ ।
ಯಜ್ಞೇಶ್ವರೀ ಯಜ್ಞರೂಪಾ ಜಪಯಜ್ಞಪರಾಯಣಾ ॥ 9 ॥
ಯಜ್ಞಮಾತಾ ಯಜ್ಞಭೋಕ್ತ್ರೀ ಯಜ್ಞೇಶೀ ಯಜ್ಞಸಮ್ಭವಾ ।
ಸಿದ್ಧಯಜ್ಞಾ ಕ್ರಿಯಾಸಿದ್ಧಿರ್ಯಜ್ಞಾಂಗೀ ಯಜ್ಞರಕ್ಷಿಕಾ ॥ 10 ॥
ಯಜ್ಞಕ್ರಿಯಾ ಚ ಯಜ್ಞಾ ಚ ಯಜ್ಞಾಯಜ್ಞಕ್ರಿಯಾಲಯಾ ।
ಜಾಲನ್ಧರೀ ಜಗನ್ಮಾತಾ ಜಾತವೇದಾ ಜಗತ್ಪ್ರಿಯಾ ॥ 11 ॥
ಜಿತೇನ್ದ್ರಿಯಾ ಜಿತಕ್ರೋಧಾ ಜನನೀ ಜನ್ಮದಾಯಿನೀ ।
ಗಂಗಾ ಗೋದಾವರೀ ಚೈವ ಗೋಮತೀ ಚ ಶತದ್ರುಕಾ ॥ 12 ॥
ಘರ್ಘರಾ ವೇದಗರ್ಭಾ ಚ ರೇಚಿಕಾ ಸಮವಾಸಿನೀ ।
ಸಿನ್ಧುರ್ಮನ್ದಾಕಿನೀ ಕ್ಷಿಪ್ರಾ ಯಮುನಾ ಚ ಸರಸ್ವತೀ ॥ 13 ॥
ಭದ್ರಾ ರಾಗಾ ವಿಪಾಶಾ ಚ ಗಂಡಕೀ ವಿನ್ಧಯವಾಸಿನೀ । var ಭದ್ರಾ 100
ನರ್ಮದಾ ತಾಪ್ತೀ ಕಾವೇರೀ ವೇತ್ರವತೀ ಸುಕೌಶಿಕೀ ॥ 14 ॥varವೇತ್ರವತ್ಯಾ
ಮಹೇನ್ದ್ರತನಯಾ ಚೈವ ಅಹಲ್ಯಾ ಚರ್ಮಕಾವತೀ ।
ಅಯೋಧ್ಯಾ ಮಥುರಾ ಮಾಯಾ ಕಾಶೀ ಕಾಂಚೀ ಅವನ್ತಿಕಾ ॥ 15 ॥
ಪುರೀ ದ್ವಾರಾವತೀ ತೀರ್ಥಾ ಮಹಾಕಿಲ್ವಿಷನಾಶಿನೀ ।
ಪದ್ಮಿನೀ ಪದ್ಮಮಧ್ಯಸ್ಥಾ ಪದ್ಮಕಿಂಜಲ್ಕವಾಸಿನೀ ॥ 16 ॥
ಪದ್ಮವಕ್ತ್ರಾ ಚಕೋರಾಕ್ಷೀ ಪದ್ಮಸ್ಥಾ ಪದ್ಮಸಮ್ಭವಾ ।
ಹ್ರೀಂಕಾರೀ ಕುಂಡಲಾಧಾರಾ ಹೃತ್ಪದ್ಮಸ್ಥಾ ಸುಲೋಚನಾ ॥ 17 ॥
ಶ್ರೀಂಕಾರೀ ಭೂಷಣಾ ಲಕ್ಷ್ಮೀಃ ಕ್ಲೀಂಕಾರೀ ಕ್ಲೇಶನಾಶಿನೀ ।
ಹರಿವಕ್ತ್ರೋದ್ಭವಾ ಶಾನ್ತಾ ಹರಿವಕ್ತ್ರಕೃತಾಲಯಾ ॥ 18 ॥
ಹರಿವಕ್ತ್ರೋಪಮಾ ಹಾಲಾ ಹರಿವಕ್ಷ:ಸ್ಥಲಾಸ್ಥಿತಾ ।
ವೈಷ್ಣವೀ ವಿಷ್ಣುರೂಪಾ ಚ ವಿಷ್ಣುಮಾತೃಸ್ವರೂಪಿಣೀ ॥ 19 ॥
ವಿಷ್ಣುಮಾಯಾ ವಿಶಾಲಾಕ್ಷೀ ವಿಶಾಲನಯನೋಜ್ಜ್ವಲಾ ।
ವಿಂಶ್ವೇಶ್ವರೀ ಚ ವಿಶ್ವಾತ್ಮಾ ವಿಶ್ವೇಶೀ ವಿಶ್ವರೂಪಿಣೀ ॥ 20 ॥
ವಿಶ್ವನಾಥಾ ಶಿವಾರಾಧ್ಯಾ ಶಿವನಾಥಾ ಶಿವಪ್ರಿಯಾ ।
ಶಿವಮಾತಾ ಶಿವಾಖ್ಯಾ ಚ ಶಿವದಾ ಶಿವರೂಪಿಣೀ ॥ 21 ॥
ಭವೇಶ್ವರೀ ಭವಾರಾಧ್ಯಾ ಭವೇಶೀ ಭವನಾಯಿಕಾ ।
ಭವಮಾತಾ ಭವಗಮ್ಯಾ ಭವಕಂಟಕನಾಶಿನೀ ॥ 22 ॥
ಭವಪ್ರಿಯಾ ಭವಾನನ್ದಾ ಭವಾನೀ ಭವಮೋಹಿನೀ ।
ಗಾಯತ್ರೀ ಚೈವ ಸಾವಿತ್ರೀ ಬ್ರಹ್ಮಾಣೀ ಬ್ರಹ್ಮರೂಪಿಣೀ ॥ 23 ॥
ಬ್ರಹ್ಮೇಶೀ ಬ್ರಹ್ಮದಾ ಬ್ರಹ್ಮಾ ಬ್ರಹ್ಮಾಣೀ ಬ್ರಹ್ಮವಾದಿನೀ ।
ದುರ್ಗಸ್ಥಾ ದುರ್ಗರೂಪಾ ಚ ದುರ್ಗಾ ದುರ್ಗಾರ್ತಿನಾಶಿನೀ ॥ 24 ॥
ಸುಗಮಾ ದುರ್ಗಮಾ ದಾನ್ತಾ ದಯಾ ದೋಗ್ಧ್ರೀ ದುರಾಪಹಾ ।
ದುರಿತಘ್ನೀ ದುರಾಧ್ಯಕ್ಷಾ ದುರಾ ದುಷ್ಕೃತನಾಶಿನೀ ॥ 25 ॥
ಪಂಚಾಸ್ಯಾ ಪಂಚಮೀ ಪೂರ್ಣಾ ಪೂರ್ಣಪೀಠನಿವಾಸಿನೀ । var ಪೂರ್ಣಪೀಠನಿವಾಸಿನೀ 200
ಸತ್ತ್ವಸ್ಥಾ ಸತ್ತ್ವರೂಪಾ ಚ ಸತ್ತ್ವಗಾ ಸತ್ತ್ವಸಮ್ಭವಾ ॥ 26 ॥
ರಜಸ್ಥಾ ಚ ರಜೋರೂಪಾ ರಜೋಗುಣಸಮುದ್ಭವಾ ।
ತಮಸ್ಥಾ ಚ ತಮೋರೂಪಾ ತಾಮಸೀ ತಾಮಸಪ್ರಿಯಾ ॥ 27 ॥
ತಮೋಗುಣಸಮುದ್ಭೂತಾ ಸಾತ್ವಿಕೀ ರಾಜಸೀ ಕಲಾ ।
ಕಾಷ್ಠಾ ಮುಹೂರ್ತಾ ನಿಮಿಷಾ ಅನಿಮೇಷಾ ತತಃ ಪರಮ್ ॥ 28 ॥
ಅರ್ಧಮಾಸಾ ಚ ಮಾಸಾ ಚ ಸಂವತ್ಸರಸ್ವರೂಪಿಣೀ ।
ಯೋಗಸ್ಥಾ ಯೋಗರೂಪಾ ಚ ಕಲ್ಪಸ್ಥಾ ಕಲ್ಪರೂಪಿಣೀ ॥ 29 ॥
ನಾನಾರತ್ನವಿಚಿತ್ರಾಂಗೀ ನಾನಾಽಽಭರಣಮಂಡಿತಾ ।
ವಿಶ್ವಾತ್ಮಿಕಾ ವಿಶ್ವಮಾತಾ ವಿಶ್ವಪಾಶವಿನಾಶಿನೀ ॥ 30 ॥
ವಿಶ್ವಾಸಕಾರಿಣೀ ವಿಶ್ವಾ ವಿಶ್ವಶಕ್ತಿವಿಚಾರಣಾ ।
ಜಪಾಕುಸುಮಸಂಕಾಶಾ ದಾಡಿಮೀಕುಸುಮೋಪಮಾ ॥ 31 ॥
ಚತುರಂಗೀ ಚತುರ್ಬಾಹುಶ್ಚತುರಾಚಾರವಾಸಿನೀ ।
ಸರ್ವೇಶೀ ಸರ್ವದಾ ಸರ್ವಾ ಸರ್ವದಾಸರ್ವದಾಯಿನೀ ॥ 32 ॥
ಮಾಹೇಶ್ವರೀ ಚ ಸರ್ವಾದ್ಯಾ ಶರ್ವಾಣೀ ಸರ್ವಮಂಗಲಾ ।
ನಲಿನೀ ನನ್ದಿನೀ ನನ್ದಾ ಆನನ್ದಾನನ್ದವರ್ದ್ಧಿನೀ ॥ 33 ॥
ವ್ಯಾಪಿನೀ ಸರ್ವಭುತೇಷು ಭವಭಾರವಿನಾಶಿನೀ ।
ಸರ್ವಶೃಂಗಾರವೇಷಾಢ್ಯಾ ಪಾಶಾಂಕುಶಕರೋದ್ಯತಾ ॥ 34 ॥
ಸೂರ್ಯಕೋಟಿಸಹಸ್ರಾಭಾ ಚನ್ದ್ರಕೋಟಿನಿಭಾನನಾ ।
ಗಣೇಶಕೋಟಿಲಾವಣ್ಯಾ ವಿಷ್ಣುಕೋಟ್ಯರಿಮರ್ದಿನೀ ॥ 35 ॥
ದಾವಾಗ್ನಿಕೋಟಿದಲಿನೀ ರುದ್ರಕೋಟ್ಯುಗ್ರರೂಪಿಣೀ ।
ಸಮುದ್ರಕೋಟಿಗಮ್ಭೀರಾ ವಾಯುಕೋಟಿಮಹಾಬಲಾ ॥ 36 ॥
ಆಕಾಶಕೋಟಿವಿಸ್ತಾರಾ ಯಮಕೋಟಿಭಯಂಕರೀ ।
ಮೇರುಕೋಟಿಸಮುಛ್ರಾಯಾ ಗಣಕೋಟಿಸಮೃದ್ಧಿದಾ ॥ 37 ॥
ನಿಷ್ಕಸ್ತೋಕಾ ನಿರಾಧರಾ ನಿರ್ಗುಣಾ ಗುಣವರ್ಜಿತಾ ।
ಅಶೋಕಾ ಶೋಕರಹಿತಾ ತಾಪತ್ರಯವಿವರ್ಜಿತಾ ॥ 38 ॥
ವಸಿಷ್ಠಾ ವಿಶ್ವಜನನೀ ವಿಶ್ವಾಖ್ಯಾ ವಿಶ್ವವರ್ದ್ಧಿನೀ ।
ಚಿತ್ರಾ ವಿಚಿತ್ರಾ ಚಿತ್ರಾಂಗೀ ಹೇತುಗರ್ಭಾಕುಲೇಶ್ವರೀ ॥ 39 ॥var ವಿಚಿತ್ರ-ಚಿತ್ರಾಂಗೀ
ಇಚ್ಛಾಶಕ್ತಿಃ ಜ್ಞಾನಶಕ್ತಿಃ ಕ್ರಿಯಾಶಕ್ತಿಃ ಶುಚಿಸ್ಮಿತಾ ।
ಶುಚಿಃ ಸ್ಮೃತಿಮಯೀ ಸತ್ಯಾ ಶ್ರುತಿರೂಪಾ ಶ್ರುತಿಪ್ರಿಯಾ ॥ 40 ॥
ಮಹಾಸತ್ವಮಯೀ ಸತ್ವಾ ಪಂಚತತ್ತ್ವೋಪರಿಸ್ಥಿತಾ ।
ಪಾರ್ವತೀ ಹಿಮವತ್ಪುತ್ರೀ ಪಾರಸ್ಥಾ ಪಾರರೂಪಿಣೀ ॥ 41 ॥
ಜಯನ್ತೀ ಭದ್ರಕಾಲೀ ಚ ಅಹಲ್ಯಾ ಕುಲನಾಯಿಕಾ । varಜಯನ್ತೀ 300
ಭೂತಧಾತ್ರೀ ಚ ಭೂತೇಶೀ ಭೂತಸ್ಥಾ ಭೂತಭಾವಿನೀ ॥ 42 ॥
ಮಹಾಕುಂಡಲಿನೀಶಕ್ತಿರ್ಮಹಾವಿಭವರ್ದ್ಧಿನೀ । var ಮಹಾಕುಂಡಲಿನೀಶಕ್ತಿಃ ಮಹಾವಿಭವರ್ದ್ಧಿನೀ
ಹಂಸಾಕ್ಷೀ ಹಂಸರೂಪಾ ಚ ಹಂಸಸ್ಥಾ ಹಂಸರೂಪಿಣೀ ॥ 43 ॥
ಸೋಮಸೂರ್ಯಾಗ್ನಿಮಧ್ಯಸ್ಥಾ ಮಣಿಮಂಡಲವಾಸಿನೀ ।
ದ್ವಾದಶಾರಸರೋಜಸ್ಥಾ ಸೂರ್ಯಮಂಡಲವಾಸಿನೀ ॥ 44 ॥
ಅಕಲಂಕಾ ಶಶಾಂಕಾಭಾ ಷೋಡಶಾರನಿವಾಸಿನೀ ।
ಡಾಕಿನೀ ರಾಕಿನೀ ಚೈವ ಲಾಕಿನೀ ಕಾಕಿನೀ ತಥಾ ॥ 45 ॥
ಶಾಕಿನೀ ಹಾಕಿನೀ ಚೈವ ಷಟ್ ಚಕ್ರೇಷು ನಿವಾಸಿನೀ ।
ಸೃಷ್ಟಿ ಸ್ಥಿತಿವಿನಾಶಿನೀ ಸೃಷ್ಟ್ಯನ್ತಾ ಸೃಷ್ಟಿಕಾರಿಣೀ ॥ 46 ॥
ಶ್ರೀಕಂಠಪ್ರಿಯಾ ಹೃತಕಂಠಾ ನನ್ದಾಖ್ಯಾ ವಿನ್ದುಮಾಲಿನೀ ।
ಚತುಷ್ಷಷ್ಟಿ ಕಲಾಧಾರಾ ದೇಹದಂಡಸಮಾಶ್ರಿತಾ ॥ 47 ॥var ಚತುಷ್ಷಟಿ
ಮಾಯಾ ಕಾಲೀ ಧೃತಿರ್ಮೇಧಾ ಕ್ಷುಧಾ ತುಷ್ಟಿರ್ಮಹಾದ್ಯುತಿಃ ।
ಹಿಂಗುಲಾ ಮಂಗಲಾ ಸೀತಾ ಸುಷುಮ್ನಾಮಧ್ಯಗಾಮಿನೀ ॥ 48 ॥
ಪರಘೋರಾ ಕರಾಲಾಕ್ಷೀ ವಿಜಯಾ ಜಯದಾಯಿನೀ ।
ಹೃತಪದ್ಮನಿಲಯಾ ಭೀಮಾ ಮಹಾಭೈರವನಾದಿನೀ ॥ 49 ॥
ಆಕಾಶಲಿಂಗಸಮ್ಭೂತಾ ಭುವನೋದ್ಯಾನವಾಸಿನೀ ।
ಮಹತ್ಸೂಕ್ಷ್ಮಾ ಚ ಕಂಕಾಲೀ ಭೀಮರೂಪಾ ಮಹಾಬಲಾ ॥ 50 ॥
ಮೇನಕಾಗರ್ಭಸಮ್ಭೂತಾ ತಪ್ತಕಾಂಚನಸನ್ನಿಭಾ ।
ಅನ್ತರಸ್ಥಾ ಚ ಕೂಟಬೀಜಾ ಚಿತ್ರಕೂಟಾಚಲವಾಸಿನೀ ॥ 51 ॥
ವರ್ಣಾಖ್ಯಾ ವರ್ಣರಹಿತಾ ಪಂಚಾಶದ್ವರ್ಣಭೇದಿನೀ ।
ವಿದ್ಯಾಧರೀ ಲೋಕಧಾತ್ರೀ ಅಪ್ಸರಾ ಅಪ್ಸರಃ ಪ್ರಿಯಾ ॥ 52 ॥
ದೀಕ್ಷಾ ದಾಕ್ಷಾಯಣೀ ದಕ್ಷಾ ದಕ್ಷಯಜ್ಞವಿನಾಶಿನೀ ।
ಯಶಃಪೂರ್ಣಾ ಯಶೋದಾ ಚ ಯಶೋದಾಗರ್ಭಸಮ್ಭವಾ ॥ 53 ॥
ದೇವಕೀ ದೇವಮಾತಾ ಚ ರಾಧಿಕಾ ಕೃಷ್ಣವಲ್ಲಭಾ ।
ಅರುನ್ಧತೀ ಶಚೀನ್ದ್ರಾಣೀ ಗಾನ್ಧಾರೀ ಗನ್ಧಮಾಲಿನೀ ॥ 54 ॥
ಧ್ಯಾನಾತೀತಾ ಧ್ಯಾನಗಮ್ಯಾ ಧ್ಯಾನಜ್ಞಾ ಧ್ಯಾನಧಾರಿಣೀ ।
ಲಮ್ಬೋದರೀ ಚ ಲಮ್ಬೋಷ್ಠೀ ಜಾಮ್ಬವನ್ತೀ ಜಲೋದರೀ ॥ 55 ॥
ಮಹೋದರೀ ಮುಕ್ತಕೇಶೀ ಮುಕ್ತಕಾಮಾರ್ಥಸಿದ್ಧಿದಾ ।
ತಪಸ್ವಿನೀ ತಪೋನಿಷ್ಠಾ ಸುಪರ್ಣಾ ಧರ್ಮವಾಸಿನೀ ॥ 56 ॥ var ತಪೋನಿಷ್ಠಾ 400
ಬಾಣಚಾಪಧರಾ ಧೀರಾ ಪಾಂಚಾಲೀ ಪಂಚಮಪ್ರಿಯಾ ।
ಗುಹ್ಯಾಂಗೀ ಚ ಸುಭೀಮಾಂಗೀ ಗುಹ್ಯತತ್ತ್ವಾ ನಿರಂಜನಾ ॥ 57 ॥
ಅಶರೀರಾ ಶರೀರಸ್ಥಾ ಸಂಸಾರಾರ್ಣವತಾರಿಣೀ ।
ಅಮೃತಾ ನಿಷ್ಕಲಾ ಭದ್ರಾ ಸಕಲಾ ಕೃಷ್ಣಪಿಂಗಲಾ ॥ 58 ॥
ಚಕ್ರಪ್ರಿಯಾ ಚ ಚಕ್ರಾಹ್ವಾ ಪಂಚಚಕ್ರಾದಿದಿರಿಣೀ ।
ಪದ್ಮರಾಗಪ್ರತೀಕಾಶಾ ನಿರ್ಮಲಾಕಾಶ ಸನ್ನಿಭಾ ॥ 59 ॥
ಅಧಃಸ್ಥಾ ಊರ್ಧ್ವರೂಪಾ ಚ ಊರಧ್ವಪದ್ಮನಿವಾಸಿನೀ ।
ಕಾರ್ಯಕಾರಣಕರ್ತೃತ್ವೇ ಶಶ್ವದ್-ರೂಪೇಷು-ಸಂಸ್ಥಿತಾ ॥ 60 ॥var ಶಶ್ವದ್ರೂಪೇಷುಸಂಸ್ಥಿತಾ
ರಸಜ್ಞಾ ರಸಮಧ್ಯಸ್ಥಾ ಗನ್ಧಸ್ಥಾ ಗನ್ಧರೂಪಿಣೀ ।
ಪರಬ್ರಹ್ಮಸ್ವರೂಪಾ ಚ ಪರಬ್ರಹ್ಮನಿವಾಸಿನೀ ॥ 61 ॥
ಶಬ್ದಬ್ರಹ್ಮಸ್ವರೂಪಾ ಚ ಶಬ್ದಸ್ಥಾ ಶಬ್ದವರ್ಜಿತಾ ।
ಸಿದ್ಧಿರ್ಬುದ್ಧಿರ್ಪರಾಬುದ್ಧಿಃ ಸನ್ದೀಪ್ತಿರ್ಮಧ್ಯಸಂಸ್ಥಿತಾ ॥ 62 ॥var ಸಿದ್ಧಿಃ ಬುದ್ಧಿಃಪರಾಬುದ್ಧಿಃ
ಸ್ವಗುಹ್ಯಾ ಶಾಮ್ಭವೀಶಕ್ತಿಃ ತತ್ತ್ವಸ್ಥಾ ತತ್ತ್ವರೂಪಿಣೀ ।
ಶಾಶ್ವತೀ ಭೂತಮಾತಾ ಚ ಮಹಾಭೂತಾಧಿಪಪ್ರಿಯಾ ॥ 63 ॥
ಶುಚಿಪ್ರೇತಾ ಧರ್ಮಸಿದ್ಧಿಃ ಧರ್ಮವೃದ್ಧಿಃ ಪರಾಜಿತಾ ।
ಕಾಮಸನ್ದೀಪನೀ ಕಾಮಾ ಸದಾಕೌತೂಹಲಪ್ರಿಯಾ ॥ 64 ॥
ಜಟಾಜೂಟಧರಾ ಮುಕ್ತಾ ಸೂಕ್ಷ್ಮಾ ಶಕ್ತಿವಿಭೂಷಣಾ ।
ದ್ವೀಪಿಚರ್ಮಪರೀಧಾನಾ ಚೀರವಲ್ಕಲಧಾರಿಣೀ ॥ 65 ॥
ತ್ರಿಶೂಲಡಮರೂಧರಾ ನರಮಾಲಾವಿಭೂಷಣಾ ।
ಅತ್ಯುಗ್ರರೂಪಿಣೀ ಚೋಗ್ರಾ ಕಲ್ಪಾನ್ತದಹನೋಪಮಾ ॥ 66 ॥
ತ್ರೈಲೋಕ್ಯಸಾಧಿನೀ ಸಾಧ್ಯಾ ಸಿದ್ಧಿಸಾಧಕವತ್ಸಲಾ ।
ಸರ್ವವಿದ್ಯಾಮಯೀ ಸಾರಾ ಚಾಸುರಾಣಾಂ ವಿನಾಶಿನೀ ॥ 67 ॥
ದಮನೀ ದಾಮಿನೀ ದಾನ್ತಾ ದಯಾ ದೋಗ್ಘ್ರೀ ದುರಾಪಹಾ ।
ಅಗ್ನಿಜಿಹ್ವೋಪಮಾ ಘೋರಾಘೋರ ಘೋರ ತರಾನನಾ ॥ 68 ॥var ಘೋರಾಘೋರ-ಘೋರ-ತರಾನನಾ
ನಾರಾಯಣೀ ನಾರಸಿಂಹೀ ನೃಸಿಂಹಹೃದಯೇಸ್ಥಿತಾ ।
ಯೋಗೇಶ್ವರೀ ಯೋಗರೂಪಾ ಯೋಗಮಾತಾ ಚ ಯೋಗಿನೀ ॥ 69 ॥
ಖೇಚರೀ ಖಚರೀ ಖೇಲಾ ನಿರ್ವಾಣಪದಸಂಶ್ರಯಾ ।
ನಾಗಿನೀ ನಾಗಕನ್ಯಾ ಚ ಸುವೇಶಾ ನಾಗನಾಯಿಕಾ ॥ 70 ॥
ವಿಷಜ್ವಾಲಾವತೀ ದೀಪ್ತಾ ಕಲಾಶತವಿಭೂಷಣಾ ।
ತೀವ್ರವಕ್ತ್ರಾ ಮಹಾವಕ್ತ್ರಾ ನಾಗಕೋಟಿತ್ವಧಾರಿಣೀ ॥ 71 ॥ 500
ಮಹಾಸತ್ವಾ ಚ ಧರ್ಮಜ್ಞಾ ಧರ್ಮಾತಿಸುಖದಾಯಿನೀ ।
ಕೃಷ್ಣಮೂರ್ದ್ಧಾ ಮಹಾಮೂರ್ದ್ಧಾ ಘೋರಮೂರ್ದ್ಧಾ ವರಾನನಾ ॥ 72 ॥
ಸರ್ವೇನ್ದ್ರಿಯಮನೋನ್ಮತ್ತಾ ಸರ್ವೇನ್ದ್ರಿಯಮನೋಮಯೀ ।
ಸರ್ವಸಂಗ್ರಾಮಜಯದಾ ಸರ್ವಪ್ರಹರಣೋದ್ಯತಾ ॥ 73 ॥
ಸರ್ವಪೀಡೋಪಶಮನೀ ಸರ್ವಾರಿಷ್ಟನಿವಾರಿಣೀ ।
ಸರ್ವೈಶ್ವರ್ಯಸಮುತ್ಪನ್ನಾ ಸರ್ವಗ್ರಹವಿನಾಶಿನೀ ॥ 74 ॥
ಮಾತಂಗೀ ಮತ್ತಮಾತಂಗೀ ಮಾತಂಗೀಪ್ರಿಯಮಂಡಲಾ ।
ಅಮೃತೋದಧಿಮಧ್ಯಸ್ಥಾ ಕಟಿಸೂತ್ರೈರಲಂಕೃತಾ ॥ 75 ॥
ಅಮೃತೋದಧಿಮಧ್ಯಸ್ಥಾ ಪ್ರವಾಲವಸನಾಮ್ಬುಜಾ ।
ಮಣಿಮಂಡಲಮಧ್ಯಸ್ಥಾ ಈಷತ್ಪ್ರಹಸಿತಾನನಾ ॥ 76 ॥
ಕುಮುದಾ ಲಲಿತಾ ಲೋಲಾ ಲಾಕ್ಷಾಲೋಹಿತಲೋಚನಾ ।
ದಿಗ್ವಾಸಾ ದೇವದೂತೀ ಚ ದೇವದೇವಾಧಿದೇವತಾ ॥ 77 ॥
ಸಿಂಹೋಪರಿಸಮಾರೂಢಾ ಹಿಮಾಚಲನಿವಾಸಿನೀ ।
ಅಟ್ಟಾಟ್ಟಹಾಸಿನೀ ಘೋರಾ ಘೋರದೈತ್ಯವಿನಾಶಿನೀ ॥ 78 ॥
ಅತ್ಯಗ್ರರಕ್ತವಸ್ತ್ರಾಭಾ ನಾಗಕೇಯೂರಮಂಡಿತಾ ।
ಮುಕ್ತಾಹಾರಲತೋಪೇತಾ ತುಂಗಪೀನಪಯೋಧರಾ ॥ 79 ॥
ರಕ್ತೋತ್ಪಲದಲಾಕಾರಾ ಮದಾಘೂರ್ಣಿತಲೋಚನಾ ।
ಸಮಸ್ತದೇವತಾಮೂರ್ತಿಃ ಸುರಾರಿಕ್ಷಯಕಾರಿಣೀ ॥ 80 ॥
ಖಡ್ಗಿನೀ ಶೂಲಹಸ್ತಾ ಚ ಚಕ್ರಿಣೀ ಚಕ್ರಮಾಲಿನೀ । repeated ಖಡ್ಗಿನೀ
ಶಂಖಿನೀ ಚಾಪಿನೀ ಬಾಣಾ ವಜ್ರಣೀ ವಜ್ರದಂಡಿನೀ ॥ 81 ॥var ಚಾಪಿಣೀ ವಾಣಾ
ಆನ್ನದೋದಧತಿಮಧ್ಯಸ್ಥಾ ಕಟಿಸೂತ್ರಧಾರಾಪರಾ । var ಆನ್ನದೋದಧಿಮಧ್ಯಸ್ಥಾ
ನಾನಾಭರಣದೀಪ್ತಾಂಗಾ ನಾನಮಣಿವಿಭೂಷಿತಾ ॥ 82 ॥
ಜಗದಾನನ್ದಸಮ್ಭೂತಾ ಚಿನ್ತಾಮಣಿಗುಣಾನ್ವಿತಾ ।
ತ್ರೈಲೋಕ್ಯನಮಿತಾ ತುರ್ಯಾ ಚಿನ್ಮಯಾನನ್ದರೂಪಿಣೀ ॥ 83 ॥
ತ್ರೈಲೋಕ್ಯನನ್ದಿನೀದೇವೀ ದುಃಖ ದುಃಸ್ವಪ್ನನಾಶಿನೀ । var ದುಃಖ ದುಸ್ವಪ್ನನಾಶಿನೀ
ಘೋರಾಗ್ನಿದಾಹಶಮನೀ ರಾಜ್ಯದೇವಾರ್ಥಸಾಧಿನೀ ॥ 84 ॥
ಮಹಾಽಪರಾಧರಾಶಿಘ್ನೀ ಮಹಾಚೌರಭಯಾಪಹಾ ।
ರಾಗಾದಿ ದೋಷರಹಿತಾ ಜರಾಮರಣವರ್ಜಿತಾ ॥ 85 ॥
ಚನ್ದ್ರಮಂಡಲಮಧ್ಯಸ್ಥಾ ಪೀಯೂಷಾರ್ಣವಸಮ್ಭವಾ ।
ಸರ್ವದೇವೈಃಸ್ತುತಾದೇವೀ ಸರ್ವಸಿದ್ಧೈರ್ನಮಸ್ಕೃತಾ ॥ 86 ॥
ಅಚಿನ್ತ್ಯಶಕ್ತಿರೂಪಾ ಚ ಮಣಿಮನ್ತ್ರಮಹೌಷಧಿ ।
ಅಸ್ತಿಸ್ವಸ್ತಿಮಯೀಬಾಲಾ ಮಲಯಾಚಲವಾಸಿನೀ ॥ 87 ॥
ಧಾತ್ರೀ ವಿಧಾತ್ರೀ ಸಂಹಾರೀ ರತಿಜ್ಞಾ ರತಿದಾಯಿನೀ ।
ರುದ್ರಾಣೀ ರುದ್ರರೂಪಾ ಚ ರುದ್ರರೌದ್ರಾರ್ತಿನಾಶಿನೀ ॥ 88 ॥
ಸರ್ವಜ್ಞಾಚೈವಧರ್ಮಜ್ಞಾ ರಸಜ್ಞಾ ದೀನವತ್ಸಲಾ ।
ಅನಾಹತಾ ತ್ರಿನಯನಾ ನಿರ್ಭಾರಾ ನಿರ್ವೃತಿಃಪರಾ ॥ 89 ॥
ಪರಾಽಘೋರಾ ಕರಾಲಾಕ್ಷೀ ಸುಮತೀ ಶ್ರೇಷ್ಠದಾಯಿನೀ ।
ಮನ್ತ್ರಾಲಿಕಾ ಮನ್ತ್ರಗಮ್ಯಾ ಮನ್ತ್ರಮಾಲಾ ಸುಮನ್ತ್ರಿಣೀ ॥ 90 ॥ var ಮನ್ತ್ರಗಮ್ಯಾ 600
ಶ್ರದ್ಧಾನನ್ದಾ ಮಹಾಭದ್ರಾ ನಿರ್ದ್ವನ್ದ್ವಾ ನಿರ್ಗುಣಾತ್ಮಿಕಾ ।
ಧರಿಣೀ ಧಾರಿಣೀ ಪೃಥ್ವೀ ಧರಾ ಧಾತ್ರೀ ವಸುನ್ಧರಾ ॥ 91 ॥
ಮೇರೂಮನ್ದರಮಧ್ಯಸ್ಥಾ ಸ್ಥಿತಿಃ ಶಂಕರವಲ್ಲಭಾ ।
ಶ್ರೀಮತೀ ಶ್ರೀಮಯೀ ಶ್ರೇಷ್ಠಾ ಶ್ರೀಕರೀ ಭಾವಭಾವಿನೀ ॥ 92 ॥
ಶ್ರೀದಾ ಶ್ರೀಮಾ ಶ್ರೀನಿವಾಸಾ ಶ್ರೀವತೀ ಶ್ರೀಮತಾಂಗತಿಃ ।var ಶ್ರೀಶಾ
ಉಮಾ ಸಾರಂಗಿಣೀ ಕೃಷ್ಣಾ ಕುಟಿಲಾ ಕುಟಿಲಾಲಿಕಾ ॥ 93 ॥
ತ್ರಿಲೋಚನಾ ತ್ರಿಲೋಕಾತ್ಮಾ ಪುಣ್ಯಾಪುಣ್ಯಪ್ರಕೀರ್ತಿತಾ ಪುಣ್ಯಪುಣ್ಯಾಪ್ರಕೀರ್ತಿತಾ ।var ಪುಣ್ಯಪುಣ್ಯಾಪ್ರಕೀರ್ತಿತಾ
ಅಮೃತಾ ಸತ್ಯಸಂಕಲ್ಪಾ ಸಾ ಸತ್ಯಾ ಗ್ರನ್ಥಿಭೇದಿನೀ ॥ 94 ॥
ಪರೇಶೀ ಪರಮಾಸಾಧ್ಯಾ ಪರಾವಿದ್ಯಾ ಪರಾತ್ಪರಾ ।
ಸುನ್ದರಾಂಗೀ ಸುವರ್ಣಾಭಾ ಸುರಾಸುರನಮಸ್ಕೃತಾ ॥ 95 ॥
ಪ್ರಜಾ ಪ್ರಜಾವತೀ ಧಾನ್ಯಾ ಧನಧಾನ್ಯಸಮೃದ್ಧಿದಾ ।
ಈಶಾನೀ ಭುವನೇಶಾನೀ ಭವಾನೀ ಭುವನೇಶ್ವರೀ ॥ 96 ॥
ಅನನ್ತಾನನ್ತಮಹಿತಾ ಜಗತ್ಸಾರಾ ಜಗದ್ಭವಾ ।
ಅಚಿನ್ತ್ಯಾತ್ಮಾಚಿನ್ತ್ಯಶಕ್ತಿಃ ಚಿನ್ತ್ಯಾಚಿನ್ತ್ಯಸ್ವರೂಪಿಣೀ ॥ 97 ॥
ಜ್ಞಾನಗಮ್ಯಾ ಜ್ಞಾನಮೂರ್ತಿಃ ಜ್ಞಾನಿನೀ ಜ್ಞಾನಶಾಲಿನೀ ।
ಅಸಿತಾ ಘೋರರೂಪಾ ಚ ಸುಧಾಧಾರಾ ಸುಧಾವಹಾ ॥ 98 ॥
ಭಾಸ್ಕರೀ ಭಾಸ್ವರೀ ಭೀತಿರ್ಭಾಸ್ವದಕ್ಷಾನುಶಾಯಿನೀ ।
ಅನಸೂಯಾ ಕ್ಷಮಾ ಲಜ್ಜಾ ದುರ್ಲಭಾಭರಣಾತ್ಮಿಕಾ ॥ 99 ॥
ವಿಶ್ವಧ್ನೀ ವಿಶ್ವವೀರಾ ವ ವಿಶ್ವಾಶಾ ವಿಶ್ವಸಂಸ್ಥಿತಾ ।
ಶೀಲಸ್ಥಾ ಶೀಲರೂಪಾ ಚ ಶೀಲಾ ಶೀಲಪ್ರದಾಯಿನೀ ॥ 100 ॥
ಬೋಧಿನೀ ಬೋಧಕುಶಲಾ ರೋಧಿನೀಬೋಧಿನೀ ತಥಾ ।
ವಿದ್ಯೋತಿನೀ ವಿಚಿತ್ರಾತ್ಮಾ ವಿದ್ಯುತ್ಪಟಲಸನ್ನಿಭಾ ॥ 101 ॥
ವಿಶ್ವಯೋನಿರ್ಮಹಾಯೋನಿಃ ಕರ್ಮಯೋನಿಃ ಪ್ರಿಯಾತ್ಮಿಕಾ ।
var?ವಿಶ್ವಯೋನಿಃ ಮಹಾಯೋನಿಃ ಕರ್ಮಯೋನಿಃ ಪ್ರಿಯಾತ್ಮಿಕಾ
ರೋಹಿಣೀ ರೋಗಶಮನೀ ಮಹಾರೋಗಜ್ವರಾಪಹಾ ॥ 102 ॥
ರಸದಾ ಪುಷ್ಟಿದಾ ಪುಷ್ಟಿರ್ಮಾನದಾ ಮಾನವಪ್ರಿಯಾ । var ಪುಷ್ಟಿಃ ಮಾನದಾ
ಕೃಷ್ಣಾಂಗವಾಹಿನೀ ಕೃಷ್ಣಾಽಕಲಾ ಕೃಷ್ಣಸಹೋದರಾ ॥ 103 ॥ var ಕೃಷಣಾಽಕಲಾ 699 700
ಶಾಮ್ಭವೀ ಶಮ್ಭುರೂಪಾ ಚ ಶಮ್ಭುಸ್ಥಾ ಶಮ್ಭುಸಮ್ಭವಾ ।
ವಿಶ್ವೋದರೀ ಯೋಗಮಾತಾ ಯೋಗಮುದ್ರಾ ಸುಯೋಗಿನೀ ॥ 104 ॥
ವಾಗೀಶ್ವರೀ ಯೋಗನಿದ್ರಾ ಯೋಗಿನೀಕೋಟಿಸೇವಿತಾ ।
ಕೌಲಿಕಾ ನನ್ದಕನ್ಯಾ ಚ ಶೃಂಗಾರಪೀಠವಾಸಿನೀ ॥ 105 ॥
ಕ್ಷೇಮಂಕರೀ ಸರ್ವರೂಪಾ ದಿವ್ಯರೂಪಾ ದಿಗಮ್ಬರೀ ।
ಧೂಮ್ರವಕ್ತ್ರಾ ಧೂಮ್ರನೇತ್ರಾ ಧೂಮ್ರಕೇಶೀ ಚ ಧೂಸರಾ ॥ 106 ॥
ಪಿನಾಕೀ ರುದ್ರವೇತಾಲೀ ಮಹಾವೇತಾಲರೂಪಿಣೀ ।
ತಪಿನೀ ತಾಪಿನೀ ದೀಕ್ಷಾ ವಿಷ್ಣುವಿದ್ಯಾತ್ಮನಾಶ್ರಿತಾ ॥ 107 ॥
ಮನ್ಥರಾ ಜಠರಾ ತೀವ್ರಾಽಗ್ನಿಜಿಹ್ವಾ ಚ ಭಯಾಪಹಾ ।
ಪಶುಘ್ನೀ ಪಶುಪಾಲಾ ಚ ಪಶುಹಾ ಪಶುವಾಹಿನೀ ॥ 108 ॥
ಪಿತಾಮಾತಾ ಚ ಧೀರಾ ಚ ಪಶುಪಾಶವಿನಾಶಿನೀ ।
ಚನ್ದ್ರಪ್ರಭಾ ಚನ್ದ್ರರೇಖಾ ಚನ್ದ್ರಕಾನ್ತಿವಿಭೂಷಿಣೀ ॥ 109 ॥
ಕುಂಕಮಾಂಕಿತಸರ್ವಾಂಗೀ ಸುಧಾಸದ್ಗುರುಲೋಚನಾ ।
ಶುಕ್ಲಾಮ್ಬರಧರಾದೇವೀ ವೀಣಾಪುಸ್ತಕಧಾರಿಣೀ ॥ 110 ॥
ಐರಾವತಪದ್ಮಧರಾ ಶ್ವೇತಪದ್ಮಾಸನಸ್ಥಿತಾ ।
ರಕ್ತಾಮ್ಬರಧರಾದೇವೀ ರಕ್ತಪದ್ಮವಿಲೋಚನಾ ॥ 111 ॥
ದುಸ್ತರಾ ತಾರಿಣೀ ತಾರಾ ತರುಣೀ ತಾರರೂಪಿಣೀ ।
ಸುಧಾಧಾರಾ ಚ ಧರ್ಮಜ್ಞಾ ಧರ್ಮಸಂಘೋಪದೇಶಿನೀ ॥ 112 ॥
ಭಗೇಶ್ವರೀ ಭಗಾರಾಧ್ಯಾ ಭಗಿನೀ ಭಗನಾಯಿಕಾ ।
ಭಗಬಿಮ್ಬಾ ಭಗಕ್ಲಿನ್ನಾ ಭಗಯೋನಿರ್ಭಗಪ್ರದಾ ॥ 113 ॥var ಭಗಯೋನಿಃ ಭಗಪ್ರದಾ
ಭಗೇಶೀ ಭಗರೂಪಾ ಚ ಭಗಗುಹ್ಯಾ ಭಗಾವಹಾ ।
ಭಗೋದರೀ ಭಗಾನನ್ದಾ ಭಗಸ್ಥಾ ಭಗಶಾಲಿನೀ ॥ 114 ॥
ಸರ್ವಸಂಕ್ಷೋಭಿಣೀಶಕ್ತಿಃ ಸರ್ವವಿದ್ರಾವಿಣೀ ತಥಾ ।
ಮಾಲಿನೀ ಮಾಧವೀ ಮಾಧ್ವೀ ಮಧುರೂಪಾ ಮಹೋತ್ಕಟಾ ॥ 115 ॥
ಭೇರುಂಡಾ ಚನ್ದ್ರಿಕಾ ಜ್ಯೋತ್ಸ್ನಾ ವಿಶ್ವಚಕ್ಷುಸ್ತಮೋಽಪಹಾ ।var ವಿಶ್ವಚಕ್ಷುಸ್ತಮೋಪಹಾ
ಸುಪ್ರಸನ್ನಾ ಮಹಾದೂತೀ ಯಮದೂತೀ ಭಯಂಕರೀ ॥ 116 ॥
ಉನ್ಮಾದಿನೀ ಮಹಾರೂಪಾ ದಿವ್ಯರೂಪಾ ಸುರಾರ್ಚಿತಾ ।
ಚೈತನ್ಯರೂಪಿಣೀ ನಿತ್ಯಾ ಕ್ಲಿನ್ನಾ ಕಾಮಮದೋದ್ಧತಾ ॥ 117 ॥
ಮದಿರಾನನ್ದಕೈವಲ್ಯಾ ಮದಿರಾಕ್ಷೀ ಮದಾಲಸಾ । var ಮದಿರಾಕ್ಷೀ 800
ಸಿದ್ಧೇಶ್ವರೀ ಸಿದ್ಧವಿದ್ಯಾ ಸಿದ್ಧಾದ್ಯಾ ಸಿದ್ಧಸಮ್ಭವಾ ॥ 118 ॥
ಸಿದ್ಧರ್ದ್ಧಿಃ ಸಿದ್ಧಮಾತಾ ಚ ಸಿದ್ಧಃಸರ್ವಾರ್ಥಸಿದ್ಧಿದಾ ।
ಮನೋಮಯೀ ಗುಣಾತೀತಾ ಪರಂಜ್ಯೋತಿಃಸ್ವರೂಪಿಣೀ ॥ 119 ॥
ಪರೇಶೀ ಪರಗಾಪಾರಾ ಪರಾಸಿದ್ಧಿಃ ಪರಾಗತಿಃ ।
ವಿಮಲಾ ಮೋಹಿನೀ ಆದ್ಯಾ ಮಧುಪಾನಪರಾಯಣಾ ॥ 120 ॥
ವೇದವೇದಾಂಗಜನನೀ ಸರ್ವಶಾಸ್ತ್ರವಿಶಾರದಾ ।
ಸರ್ವದೇವಮಯೀವಿದ್ಯಾ ಸರ್ವಶಾಸ್ತ್ರಮಯೀ ತಥಾ ॥ 121 ॥
ಸರ್ವಜ್ಞಾನಮಯೀದೇವೀ ಸರ್ವಧರ್ಮಮಯೀಶ್ವರೀ ।
ಸರ್ವಯಜ್ಞಮಯೀ ಯಜ್ಞಾ ಸರ್ವಮನ್ತ್ರಾಧಿಕಾರಿಣೀ ॥ 122 ॥
ಸರ್ವಸಮ್ಪತಪ್ರತಿಷ್ಠಾತ್ರೀ ಸರ್ವವಿದ್ರಾವಿಣೀ ಪರಾ ।
ಸರ್ವಸಂಕ್ಷೋಭಿಣೀದೇವೀ ಸರ್ವಮಂಗಲಕಾರಿಣೀ ॥ 123 ॥
ತ್ರೈಲೋಕ್ಯಾಕರ್ಷಿಣೀ ದೇವೀ ಸರ್ವಾಹ್ಲಾದನಕಾರಿಣೀ ।
ಸರ್ವಸಮ್ಮೋಹಿನೀದೇವೀ ಸರ್ವಸ್ತಮ್ಭನಕಾರಿಣೀ ॥ 124 ॥
ತ್ರೈಲೋಕ್ಯಜೃಮ್ಭಿಣೀ ದೇವೀ ತಥಾ ಸರ್ವವಶಂಕರೀ ।
ತ್ರೈಲೋಕ್ಯರಂಜನೀದೇವೀ ಸರ್ವಸಮ್ಪತ್ತಿದಾಯಿನೀ ॥ 125 ॥
ಸರ್ವಮನ್ತ್ರಮಯಿದೇವೀ ಸರ್ವದ್ವನ್ದ್ವಕ್ಷಯಂಕರೀ ।
ಸರ್ವಸಿದ್ಧಿಪ್ರದಾದೇವೀ ಸರ್ವಸಮ್ಪತ್ಪ್ರದಾಯಿನೀ ॥ 126 ॥
ಸರ್ವಪ್ರಿಯಂಕರೀದೇವೀ ಸರ್ವಮಂಗಲಕಾರಿಣೀ ।
ಸರ್ವಕಾಮಪ್ರದಾದೇವೀ ಸರ್ವದುಃಖವಿಮೋಚಿನೀ ॥ 127 ॥
ಸರ್ವಮೃತ್ಯುಪ್ರಶಮನೀ ಸರ್ವವಿಘ್ನವಿನಾಶಿನೀ ।
ಸರ್ವಾಂಗಸುನ್ದರೀಮಾತಾ ಸರ್ವಸೌಭಾಗ್ಯದಾಯಿನೀ ॥ 128 ॥
ಸರ್ವಜ್ಞಾ ಸರ್ವಶಕ್ತಿಶ್ಚ ಸರ್ವೈಶ್ವರ್ಯಫಲಪ್ರದಾ ।
ಸರ್ವಜ್ಞಾನಮಯೀದೇವೀ ಸರ್ವವ್ಯಾಧಿವಿನಾಶಿನೀ ॥ 129 ॥
ಸರ್ವಾಧಾರಸ್ವರೂಪಾ ಚ ಸರ್ವಪಾಪಹರಾ ತಥಾ ।
ಸರ್ವಾನನ್ದಮಯೀದೇವೀ ಸರ್ವೇಚ್ಛಾಯಾ:ಸ್ವರೂಪಿಣೀ ॥ 130 ॥
ಸರ್ವಲಕ್ಷ್ಮೀಮಯೀವಿದ್ಯಾ ಸರ್ವೇಪ್ಸಿತಫಲಪ್ರದಾ ।
ಸರ್ವಾರಿಷ್ಟಪ್ರಶಮನೀ ಪರಮಾನನ್ದದಾಯಿನೀ ॥ 131 ॥
ತ್ರಿಕೋಣನಿಲಯಾ ತ್ರಿಸ್ಥಾ ತ್ರಿಮಾತಾ ತ್ರಿತನುಸ್ಥಿತಾ।
ತ್ರಿವೇಣೀ ತ್ರಿಪಥಾ ಗುಣ್ಯಾ ತ್ರಿಮೂರ್ತಿಃ ತ್ರಿಪುರೇಶ್ವರೀ ॥ 132 ॥
ತ್ರಿಧಾಮ್ನೀ ತ್ರಿದಶಾಧ್ಯಕ್ಷಾ ತ್ರಿವಿತ್ತ್ರಿಪುರವಾಸಿನೀ ।
ತ್ರಯೀವಿದ್ಯಾ ಚ ತ್ರಿಶಿರಾ ತ್ರೈಲೋಕ್ಯಾ ಚ ತ್ರಿಪುಷ್ಕರಾ ॥ 133 ॥
ತ್ರಿಕೋಟರಸ್ಥಾ ತ್ರಿವಿಧಾ ತ್ರಿಪುರಾ ತ್ರಿಪುರಾತ್ಮಿಕಾ ।
ತ್ರಿಪುರಾಶ್ರೀ ತ್ರಿಜನನೀ ತ್ರಿಪುರಾತ್ರಿಪುರಸುನ್ದರೀ ॥ 134 ॥
ಮಹಾಮಾಯಾ ಮಹಾಮೇಧಾ ಮಹಾಚಕ್ಷುಃ ಮಹೋಕ್ಷಜಾ ।
ಮಹಾವೇಧಾ ಪರಾಶಕ್ತಿಃ ಪರಾಪ್ರಜ್ಞಾ ಪರಮ್ಪರಾ ॥ 135 ॥
ಮಹಾಲಕ್ಷ್ಯಾ ಮಹಾಭಕ್ಷ್ಯಾ ಮಹಾಕಕ್ಷ್ಯಾಽಕಲೇಶ್ವರೀ । var ಮಹಾಕಕ್ಷ್ಯಾಽಕಲೇಶ್ವರೀ 900 901
ಕಲೇಶ್ವರೀ ಕಲಾನನ್ದಾ ಕಲೇಶೀ ಕಲಸುನ್ದರೀ ॥ 136 ॥
ಕಲಶಾ ಕಲಶೇಶೀ ಚ ಕುಮ್ಭಮುದ್ರಾ ಕೃಶೋದರೀ ।varಕೃಷೋದರೀ
ಕುಮ್ಭಪಾ ಕುಮ್ಭಮಧ್ಯೇಶೀ ಕುಮ್ಭಾನನ್ದಪ್ರದಾಯಿನೀ ॥ 137 ॥
ಕುಮ್ಭಜಾನನ್ದನಾಥಾ ವ ಕುಮ್ಭಜಾನನ್ದವರ್ದ್ಧಿನೀ ।
ಕುಮ್ಭಜಾನನ್ದಸನ್ತೋಷಾ ಕುಮ್ಭಜತರ್ಪಿಣೀಮುದಾ ॥ 138 ॥
ವೃತ್ತಿಃ ವೃತ್ತೀಶ್ವರೀಽಮೋಘಾ ವಿಶ್ವವೃತ್ತ್ಯನ್ತತರ್ಪಿಣೀ।
ವಿಶ್ವಶಾನ್ತಿ ವಿಶಾಲಾಕ್ಷೀ ಮೀನಾಕ್ಷೀ ಮೀನವರ್ಣದಾ ॥ 139 ॥
ವಿಶ್ವಾಕ್ಷೀ ದುರ್ಧರಾ ಧೂಮಾ ಇನ್ದ್ರಾಕ್ಷೀ ವಿಷ್ಣುಸೇವಿತಾ ।
ವಿರಂಚಿಸೇವಿತಾ ವಿಶ್ವಾ ಈಶಾನಾ ಈಶವನ್ದಿತಾ ॥ 140 ॥
ಮಹಾಶೋಭಾ ಮಹಾಲೋಭಾ ಮಹಾಮೋಹಾ ಮಹೇಶ್ವರೀ ।
ಮಹಾಭೀಮಾ ಮಹಾಕ್ರೋಧಾ ಮನ್ಮಥಾ ಮದನೇಶ್ವರೀ ॥ 141 ॥
ಮಹಾನಲಾ ಮಹಾಕ್ರೋಧಾ ವಿಶ್ವಸಂಹಾರತಾಂಡವಾ । repeated ಮಹಾಕ್ರೋಧಾ
ಸರ್ವಸಂಹಾರವರ್ಣೇಶೀ ಸರ್ವಪಾಲನತತ್ಪರಾ ॥ 142 ॥
ಸರ್ವಾದಿಃ ಸೃಷ್ಟಿಕರ್ತ್ರೀ ಚ ಶಿವಾದ್ಯಾ ಶಮ್ಭುಸ್ವಾಮಿನೀ ।
ಮಹಾನನ್ದೇಶ್ವರೀ ಮೃತ್ಯುರ್ಮಹಾಸ್ಪನ್ದೇಶ್ವರೀ ಸುಧಾ ॥ 143 ॥var ಮೃತ್ಯುಃ ಮಹಾಸ್ಪನ್ದೇಶ್ವರೀ
ಪರ್ಣಾಪರ್ಣ ಪರಾವರ್ಣಾಽಪರ್ಣೇಶೀ ಪರ್ಣಮಾನಸಾ ।
ವರಾಹೀ ತುಂಡದಾ ತುಂಡಾ ಗಣೇಶೀ ಗಣನಾಯಿಕಾ ॥ 144 ॥
ವಟುಕಾ ವಟುಕೇಶೀ ಚ ಕ್ರೌಚದಾರಣಜನ್ಮದಾ ।
ಕ ಏ ಇ ಲ ಮಹಾಮಾಯಾ ಹ ಸ ಕ ಹ ಲ ಮಾಯಯಾ ॥ 145 ॥
ದಿವಯಾನಾಮಾ ಸದಾಕಾಮಾ ಶ್ಯಾಮಾ ರಾಮಾ ರಮಾ ರಸಾ ।
ಸ ಕ ಲ ಹ್ರೀಂ ತತ್ಸ್ವರೂಪಾ ಚ।ಶ್ರೀಂ ಹ್ರೀಂ ನಾಮಾದಿ ರೂಪಿಣೀ ॥ 146 ॥
ಕಾಲಜ್ಞಾ ಕಾಲಹಾಮೂರ್ತಿಃ ಸರ್ವಸೌಭಾಗ್ಯದಾ ಮುದಾ ।
ಉರ್ವಾ ಉರ್ವೇಶ್ವರೀ ಖರ್ವಾ ಖರ್ವಪರ್ವಾ ಖಗೇಶ್ವರೀ ॥ 147 ॥
ಗರುಡಾ ಗಾರುಡೀಮಾತಾ ಗರುಡೇಶ್ವರಪೂಜಿತಾ ।
ಅನ್ತರಿಕ್ಷಾನ್ತರಪದಾ ಪ್ರಜ್ಞಾ ಪ್ರಜ್ಞಾನದಾ ಪರಾ ॥ 148 ॥
ವಿಜ್ಞಾನಾ ವಿಶ್ವವಿಜ್ಞಾನಾ ಅನ್ತರಾಕ್ಷಾ ವಿಶಾರದಾ ।
ಅನ್ತರ್ಜ್ಞಾನಮಯೀ ಸೌಮ್ಯಾ ಮೋಕ್ಷಾನನ್ದವಿವರ್ದ್ಧಿನೀ ॥ 149 ॥
ಶಿವಶಕ್ತಿಮಯೀಶಕ್ತಿಃ ಏಕಾನನ್ದಪ್ರವರ್ತಿನೀ ।
ಶ್ರೀಮಾತಾ ಶ್ರೀಪರಾವಿದ್ಯಾ ಸಿದ್ಧಾಶ್ರೀ ಸಿದ್ಧಸಾಗರಾ ।
ಸಿದ್ಧಲಕ್ಷ್ಮೀ ಸಿದ್ಧವಿದ್ಯಾ ಸಿದ್ಧಾ ಸಿದ್ಧೇಶ್ವರೀ ಸುಧಾ ॥ 150 ॥ var ಸುಧಾ 1009
॥ ಫಲಶ್ರುತಿಃ ॥
ಇದಂ ತ್ರಿಪುರಾಸುನ್ದರ್ಯಾಃ ಸ್ತೋತ್ರನಾಮಸಹಸ್ರಕಮ್ ।
ಗುಹ್ಯಾದ್ಗುಹ್ಯತರಂ ಪುತ್ರ! ತವ ಪ್ರೀತ್ಯೈ ಪ್ರಕೀರ್ತಿತಮ್ ॥ 1 ॥
ಗೋಪನೀಯಂ ಪ್ರಯತ್ನೇನ ಪಠನೀಯಂ ಪ್ರಯತ್ನತಃ ।
ನಾತಃ ಪರತರಂ ಪುಣ್ಯಂ ನಾತಃಪರತರಂ ತಪಃ ॥ 2 ॥
ನಾತಃ ಪರತರಂ ಸ್ತೋತ್ರಂ ನಾತಃ ಪರತರಂ ಗತಿಃ ।
ಸ್ತೋತ್ರಂ ಸಹಸ್ರನಾಮಾಖ್ಯಂ ಮಮ ವಕ್ತ್ರಾದ್ವಿನಿರ್ಗತಮ್ ॥ 3 ॥
ಯಃ ಪಠೇತ್ಪ್ರಯತೋ ಭಕ್ತ್ಯಾ ಶೃಣುಯಾದ್ವಾ ಸಮಾಹಿತಃ ।
ಮೋಕ್ಷಾರ್ಥೀಂ ಲಭತೇ ಮೋಕ್ಷಂ ಸ್ವರ್ಗಾರ್ಥೀ ಸ್ವರ್ಗಮಾಪ್ನುಯಾತ್ ॥ 4 ॥
ಕಾಮಾಂಶ್ಚ ಪ್ರಾಪ್ನುಯಾತಕಾಮೀ ಧನಾರ್ಥೀ ಚ ಲಭೇದ್ಧನಮ್ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ಯಶೋಽರ್ಥೀ ಲಭತೇ ಯಶಃ ॥ 5 ॥
ಕನ್ಯಾರ್ಥೀ ಲಭತೇ ಕನ್ಯಾಂ ಸುತಾರ್ಥೀ ಲಭತೇ ಸುತಮ್ ।
ಗುರ್ವಿಣೀ ಜನಯೇತ್ಪುತ್ರಂ ಕನ್ಯಾ ವಿನ್ದತಿ ಸತ್ಪತಿಮ್ ॥ 6 ॥
ಮೂರ್ಖೋಽಪಿ ಲಭತೇ ಶಾಸ್ತ್ರಂ ಹೀನೋಽಪಿ ಲಭತೇ ಗತಿಮ್ ।
ಸಂಕ್ರಾನ್ತ್ಯಾಂ ವಾರ್ಕಾಮಾವಸ್ಯಾಂ ಅಷ್ಟಮ್ಯಾಂ ಚ ವಿಶೇಷತಃ ॥ 7 ॥
ಪೌರ್ಣಮಾಸ್ಯಾಂ ಚತುರ್ದಶ್ಯಾಂ ನವಮ್ಯಾಂ ಭೌಮವಾಸರೇ ।
ಪಠೇದ್ವಾ ಪಾಠಯೇದ್ವಾಪಿ ಶೃಣುಯಾದ್ವಾ ಸಮಾಹಿತಃ ॥ 8 ॥var ಶೃಣುಯಾದ್ ವಾ ಸಮಾಹಿತಃ
ಸ ಮುಕ್ತೋ ಸರ್ವಪಾಪೇಭ್ಯಃ ಕಾಮೇಶ್ವರಸಮೋ ಭವೇತ್ ।
ಲಕ್ಷ್ಮೀವಾನ್ ಧರ್ಮವಾಂಶ್ಚೈವ ವಲ್ಲಭಸ್ಸರ್ವಯೋಷಿತಾಮ್ ॥ 9 ॥
ತಸ್ಯ ವಶ್ಯಂ ಭವೇದಾಶು ತ್ರೈಲೋಕ್ಯಂ ಸಚರಾಚರಮ್ ।
ರುದ್ರಂ ದೃಷ್ಟವಾ ಯಥಾ ದೇವಾ ವಿಷ್ಣುಂ ದೃಷ್ಟ್ವಾ ಚ ದಾನವಾಃ ॥ 10 ॥varದೃಷ್ಟಾ
ಯಥಾಹಿರ್ಗರುಡಂ ದೃಷ್ಟ್ವಾ ಸಿಂಹ ದೃಷ್ಟ್ವಾ ಯಥಾ ಗಜಾಃ ।
ಕೀಟವತ್ಪ್ರಪಲಾಯನ್ತೇ ತಸ್ಯ ವಕ್ತ್ರಾವಲೋಕನಾತ್ ॥ 11 ॥
ಅಗ್ನಿಚೌರಭಯಂ ತಸ್ಯ ಕದಾಚಿನ್ನೈವ ಸಮ್ಭವೇತ್ ।
ಪಾತಕಾ ವಿವಿಧಾಃ ಶನ್ತಿರ್ಮೇರುಪರ್ವತಸನ್ನಿಭಾಃ ॥ 12 ॥
ಯಸ್ಮಾತ್ತಚ್ಛೃಣುಯಾದ್ವಿಘ್ನಾಂಸ್ತೃಣಂ ವಹ್ನಿಹುತಂ ಯಥಾ ।
ಏಕದಾ ಪಠನಾದೇವ ಸರ್ವಪಾಪಕ್ಷಯೋ ಭವೇತ್ ॥ 13 ॥
ದಶಧಾ ಪಠನಾದೇವ ವಾಚಾ ಸಿದ್ಧಃ ಪ್ರಜಾಯತೇ ।
ಶತಧಾ ಪಠನಾದ್ವಾಪಿ ಖೇಚರೋ ಜಾಯತೇ ನರಃ ॥ 14 ॥
ಸಹಸ್ರದಶಸಂಖ್ಯಾತಂ ಯಃ ಪಠೇದ್ಭಕ್ತಿಮಾನಸಃ ।
ಮಾತಾಽಸ್ಯ ಜಗತಾಂ ಧಾತ್ರೀ ಪ್ರತ್ಯಕ್ಷಾ ಭವತಿ ಧ್ರುವಮ್ ॥ 15 ॥
ಲಕ್ಷಪೂರ್ಣೇ ಯಥಾ ಪುತ್ರ! ಸ್ತೋತ್ರರಾಜಂ ಪಠೇತ್ಸುಧೀಃ ।
ಭವಪಾಶವಿನಿರ್ಮುಕ್ತೋ ಮಮ ತುಲ್ಯೋ ನ ಸಂಶಯಃ ॥ 16 ॥
ಸರ್ವತೀರ್ಥೇಷು ಯತ್ಪುಣ್ಯಂ ಸಕೃಜ್ಜಪ್ತ್ವಾ ಲಭೇನ್ನರಃ ।
ಸರ್ವವೇದೇಷು ಯತ್ಪ್ರೋಕ್ತಂ ತತ್ಫಲಂ ಪರಿಕೀರ್ತಿತಮ್ ॥ 17 ॥
ಭೂತ್ವಾ ಚ ಬಲವಾನ ಪುತ್ರ ಧನವಾನ್ಸರ್ವಸಮ್ಪದಃ ।
ದೇಹಾನ್ತೇ ಪರಮಂ ಸ್ಥಾನಂ ಯತ್ಸುರೈರಪಿ ದುರ್ಲಭಮ್ ॥ 18 ॥
ಸ ಯಾಸ್ಯತಿ ನ ಸನ್ದೇಹಃ ಸ್ತವರಾಜಸ್ಯ ಕಿರ್ತ್ತನಾತ್ ॥ 19 ॥
॥ ಇತಿ ಶ್ರೀವಾಮಕೇಶ್ವರತನ್ತ್ರೇ ಷೋಡಶ್ಯಾಃ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
Also Read 1000 Names of Sri Shodashi:
1000 Names of Sri Shodashi | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
