ആദിത്യാഷ്ടകം Lyrics in Malayalam:
ഉദയാദ്രിമസ്തകമഹാമണിം ലസത്-
കമലാകരൈകസുഹൃദം മഹൌജസം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 1॥
തിമിരാപഹാരനിരതം നിരാമയം
നിജരാഗരഞ്ജിതജഗത്ത്രയം വിഭും ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 2॥
ദിനരാത്രിഭേദകരമദ്ഭുതം പരം
സുരവൃന്ദസംസ്തുതചരിത്രമവ്യയം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 3॥
ശ്രുതിസാരപാരമജരാമയം പരം
രമണീയവിഗ്രഹമുദഗ്രരോചിഷം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 4॥
ശുകപക്ഷതുണ്ഡസദൃശാശ്വമണ്ഡലം
അചലാവരോഹപരിഗീതസാഹസം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 5॥
ശ്രുതിതത്ത്വഗംയമഖിലാക്ഷിഗോചരം
ജഗദേകദീപമുദയാസ്തരാഗിണം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 6॥
ശ്രിതഭക്തവത്സലമശേഷകല്‍മഷ-
ക്ഷയഹേതുമക്ഷയഫലപ്രദായിനം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 7॥
അഹമന്വഹം സതുരഗക്ഷതാടവീ
ശതകോടിഹാലകമഹാമഹീധനം ।
ഗദപങ്കശോഷണമഘൌഘനാശനം
ശരണം ഗതോഽസ്മി രവിമംശുമാലിനം ॥ 8॥
ഇതി സൌരമഷ്ടകമഹര്‍മുഖേ രവിം
പ്രണിപത്യ യഃ പഠതി ഭക്തിതോ നരഃ ।
സ വിമുച്യതേ സകലരോഗകല്‍മഷൈഃ
സവിതുസ്സമീപമപി സംയഗാപ്നുയാത് 9॥
ഇതി ആദിത്യാഷ്ടകം സമാപ്തം ॥
