ଆଶ୍ରୟାଷ୍ଟକମ୍ Lyrics in Oriya:
ଗିରିଚରଂ କରୁଣାମୃତ ସାଗରଂ
ପରିଚରଂ ପରମଂ ମୃଗୟାପରମ୍ ।
ସୁରୁଚିରଂ ସୁଚରାଚରଗୋଚରଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୧
ପ୍ରଣତସଞ୍ଚୟଚିନ୍ତିତ କଲ୍ପକଂ
ପ୍ରଣତମାଦିଗୁରୁଂ ସୁରଶିଲ୍ପକମ୍ ।
ପ୍ରଣଵରଞ୍ଜିତ ମଞ୍ଜୁଳତଲ୍ପକଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୨
ଅରିସରୋରୁହଶଂଖଗଦାଧରଂ
ପରିଘମୁଦ୍ଗରବାଣଧନୁର୍ଧରମ୍ ।
କ୍ଷୁରିକ ତୋମର ଶକ୍ତିଲସତ୍କରଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୩
ଵିମଲମାନସ ସାରସଭାସ୍କରଂ
ଵିପୁଲଵେତ୍ରଧରଂ ପ୍ରୟଶସ୍କରମ୍ ।
ଵିମତଖଣ୍ଡନ ଚଣ୍ଡଧନୁଷ୍କରଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୪
ସକଲଲୋକ ନମସ୍କୃତ ପାଦୁକଂ
ସକୃଦୁପାସକ ସଜ୍ଜନମୋଦକମ୍ ।
ସୁକୃତଭକ୍ତଜନାଵନ ଦୀକ୍ଷକଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୫
ଶରଣକୀର୍ତନ ଭକ୍ତପରାୟଣଂ
ଚରଣଵାରିଧରାତ୍ମରସାୟନମ୍ ।
ଵରକରାତ୍ତଵିଭୂତି ଵିଭୂଷଣଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୬
ମୃଗମଦାଙ୍ଗିତ ସତ୍ତିଲକୋଜ୍ଵଲଂ
ମୃଗଗଣାକଲିତଂ ମୃଗୟାକୁଲମ୍ ।
ମୃଗଵରାସନମଦ୍ଭୁତ ଦର୍ଶନଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୭
ଗୁରୁଵରଂ କରୁଣାମୃତ ଲୋଚନଂ
ନିରୁପମଂ ନିଖିଲାମୟମୋଚନମ୍ ।
ପୁରୁସୁଖପ୍ରଦମାତ୍ମନିଦର୍ଶନଂ
ହରିହରାତ୍ମଜମୀଶ୍ଵରମାଶ୍ରୟେ ॥ ୮
ଆଶ୍ରୟାଷ୍ଟକଂ ସମ୍ପୂର୍ଣମ୍ ॥
