Templesinindiainfo

Best Spiritual Website

Ashtabhujashtakam Lyrics in Oriya | ଅଷ୍ଟଭୁଜାଷ୍ଟକମ୍

ଅଷ୍ଟଭୁଜାଷ୍ଟକମ୍ Lyrics in Oriya:

ଵେଦାନ୍ତଦେଶିକକୃତମ୍ ।
(କାଞ୍ଚ୍ୟାଂ)
ଗଜେନ୍ଦ୍ରରକ୍ଷାତ୍ଵରିତଂ ଭଵନ୍ତଂ ଗ୍ରାହୈରିଵାହଂ ଵିଷୟୈର୍ଵିକୃଷ୍ଟଃ ।
ଅପାରଵିଜ୍ଞାନଦୟାନୁଭାଵମାପ୍ତଂ ସତାମଷ୍ଟଭୁଜଂ ପ୍ରପଦ୍ୟେ ॥ ୧॥

ତ୍ଵଦେକଶେଷୋଽହମନାତ୍ମତନ୍ତ୍ରସ୍ତ୍ଵତ୍ପାଦଲିପ୍ସାଂ ଦିଶତା ତ୍ଵୟୈଵ ।
ଅସତ୍ସମୋଽପ୍ୟଷ୍ଟଭୁଜାସ୍ପଦେଶ ସତ୍ତାମିଦାନୀମୁପଲମ୍ଭିତୋଽସ୍ମି ॥ ୨॥

ସ୍ଵରୂପରୂପାସ୍ତ୍ରଵିଭୂଷଣାଦ୍ୟୈଃ ପରତ୍ଵଚିନ୍ତାଂ ତ୍ଵୟି ଦୁର୍ନିଵାରାମ୍ ।
ଭୋଗେ ମୃଦୂପକ୍ରମତାମଭୀପ୍ସନ୍ ଶୀଲାଦିଭିର୍ଵାରୟସୀଵ ପୁଂସାମ୍ ॥ ୩॥

ଶକ୍ତିଂ ଶରଣ୍ୟାନ୍ତରଶବ୍ଦଭାଜାଂ ସାରଂ ଚ ସନ୍ତୋଲ୍ୟ ଫଲାନ୍ତରାଣାମ୍ ।
ତ୍ଵଦ୍ଦାସ୍ୟହେତୋସ୍ତ୍ଵୟି ନିର୍ଵିଶଙ୍କଂ ନ୍ୟସ୍ତାତ୍ମନାଂ ନାଥ ଵିଭର୍ଷି ଭାରମ୍ ॥ ୪॥

ଅଭୀତିହେତୋରନୁଵର୍ତନୀୟଂ ନାଥ ତ୍ଵଦନ୍ୟଂ ନ ଵିଭାଵୟାମି ।
ଭୟଂ କୁତଃ ସ୍ୟାତ୍ତ୍ଵୟି ସାନୁକମ୍ପେ ରକ୍ଷା କୁତଃ ସ୍ୟାତ୍ତ୍ଵୟି ଜାତରୋଷେ ॥ ୫॥

ତ୍ଵଦେକତନ୍ତ୍ରଂ କମଲାସହାୟ ସ୍ଵେନୈଵ ମାଂ ରକ୍ଷିତୁମର୍ହସି ତ୍ଵମ୍ ।
ତ୍ଵୟି ପ୍ରଵୃତ୍ତେ ମମ କିଂ ପ୍ରୟାସୈସ୍ତ୍ଵୟ୍ୟପ୍ରଵୃତ୍ତେ ମମ କିଂ ପ୍ରୟାସୈଃ ॥ ୬॥

ସମାଧିଭଙ୍ଗେଷ୍ଵପି ସମ୍ପତତ୍ସୁ ଶରଣ୍ୟଭୂତେ ତ୍ଵୟି ବଦ୍ଧକକ୍ଷ୍ୟେ ।
ଅପତ୍ରପେ ସୋଢୁମକିଞ୍ଚନୋଽହଂ ଦୂରାଧିରୋହଂ ପତନଂ ଚ ନାଥ ॥ ୭॥

ପ୍ରାପ୍ତାଭିଲାଷଂ ତ୍ଵଦନୁଗ୍ରହାନ୍ମାଂ ପଦ୍ମାନିଷେଵ୍ୟେ ତଵ ପାଦପଦ୍ମେ ।
ଆଦେହପାତାଦପରାଧଦୂରମାତ୍ମାନ୍ତକୈଙ୍କର୍ୟରସଂ ଵିଧେୟାଃ ॥ ୮॥

ପ୍ରପନ୍ନଜନପାଥେୟଂ ପ୍ରପିତ୍ସୂନାଂ ରସାୟନମ୍ ।
ଶ୍ରେୟସେ ଜଗତାମେତଚ୍ଛ୍ରୀମଦଷ୍ଟଭୁଜାଷ୍ଟକମ୍ ॥ ୯॥

ଶରଣାଗତସନ୍ତ୍ରାଣତ୍ଵରା ଦ୍ଵିଗୁଣବାହୁନା ।
ହରିଣା ଵେଙ୍କଟେଶୀୟା ସ୍ତୁତିଃ ସ୍ଵୀକ୍ରିୟତାମିୟମ୍ ॥ ୧୦॥

ଇତି ଵେଦାନ୍ତଦେଶିକକୃତଂ ଅଷ୍ଟଭୁଜାଷ୍ଟକଂ ସମ୍ପୂର୍ଣମ୍ ।

Ashtabhujashtakam Lyrics in Oriya | ଅଷ୍ଟଭୁଜାଷ୍ଟକମ୍

Leave a Reply

Your email address will not be published. Required fields are marked *

Scroll to top