Templesinindiainfo

Best Spiritual Website

Ashtabhujashtakam Lyrics in Telugu అష్టభుజాష్టకమ్

అష్టభుజాష్టకమ్ Lyrics in Telugu:

వేదాన్తదేశికకృతమ్ ।
(కాఞ్చ్యాం)
గజేన్ద్రరక్షాత్వరితం భవన్తం గ్రాహైరివాహం విషయైర్వికృష్టః ।
అపారవిజ్ఞానదయానుభావమాప్తం సతామష్టభుజం ప్రపద్యే ॥ ౧॥

త్వదేకశేషోఽహమనాత్మతన్త్రస్త్వత్పాదలిప్సాం దిశతా త్వయైవ ।
అసత్సమోఽప్యష్టభుజాస్పదేశ సత్తామిదానీముపలమ్భితోఽస్మి ॥ ౨॥

స్వరూపరూపాస్త్రవిభూషణాద్యైః పరత్వచిన్తాం త్వయి దుర్నివారామ్ ।
భోగే మృదూపక్రమతామభీప్సన్ శీలాదిభిర్వారయసీవ పుంసామ్ ॥ ౩॥

శక్తిం శరణ్యాన్తరశబ్దభాజాం సారం చ సన్తోల్య ఫలాన్తరాణామ్ ।
త్వద్దాస్యహేతోస్త్వయి నిర్విశఙ్కం న్యస్తాత్మనాం నాథ విభర్షి భారమ్ ॥ ౪॥

అభీతిహేతోరనువర్తనీయం నాథ త్వదన్యం న విభావయామి ।
భయం కుతః స్యాత్త్వయి సానుకమ్పే రక్షా కుతః స్యాత్త్వయి జాతరోషే ॥ ౫॥

త్వదేకతన్త్రం కమలాసహాయ స్వేనైవ మాం రక్షితుమర్హసి త్వమ్ ।
త్వయి ప్రవృత్తే మమ కిం ప్రయాసైస్త్వయ్యప్రవృత్తే మమ కిం ప్రయాసైః ॥ ౬॥

సమాధిభఙ్గేష్వపి సమ్పతత్సు శరణ్యభూతే త్వయి బద్ధకక్ష్యే ।
అపత్రపే సోఢుమకిఞ్చనోఽహం దూరాధిరోహం పతనం చ నాథ ॥ ౭॥

ప్రాప్తాభిలాషం త్వదనుగ్రహాన్మాం పద్మానిషేవ్యే తవ పాదపద్మే ।
ఆదేహపాతాదపరాధదూరమాత్మాన్తకైఙ్కర్యరసం విధేయాః ॥ ౮॥

ప్రపన్నజనపాథేయం ప్రపిత్సూనాం రసాయనమ్ ।
శ్రేయసే జగతామేతచ్ఛ్రీమదష్టభుజాష్టకమ్ ॥ ౯॥

శరణాగతసన్త్రాణత్వరా ద్విగుణబాహునా ।
హరిణా వేఙ్కటేశీయా స్తుతిః స్వీక్రియతామియమ్ ॥ ౧౦॥

ఇతి వేదాన్తదేశికకృతం అష్టభుజాష్టకం సమ్పూర్ణమ్ ।

Ashtabhujashtakam Lyrics in Telugu అష్టభుజాష్టకమ్

Leave a Reply

Your email address will not be published. Required fields are marked *

Scroll to top