ଅଷ୍ଟମୂର୍ତିରକ୍ଷାସ୍ତୋତ୍ରମ୍ Lyrics in Oriya:
ହେ ଶର୍ଵ ଭୂରୂପ ପର୍ଵତସୁତେଶ
ହେ ଧର୍ମ ଵୃଷଵାହ କାଞ୍ଚୀପୁରୀଶ ।
ଦଵଵାସ ସୌଗନ୍ଧ୍ୟ ଭୁଜଗେନ୍ଦ୍ରଭୂଷ
ପୃଥ୍ଵୀଶ ମାଂ ପାହି ପ୍ରଥମାଷ୍ଟମୂର୍ତେ ॥ ୧॥
ହେ ଦୋଷମଲ ଜାଡ୍ୟହର ଶୈଲଜାପ
ହେ ଜମ୍ବୁକେଶେଶ ଭଵ ନୀରରୂପ ।
ଗଙ୍ଗାର୍ଦ୍ର କରୁଣାର୍ଦ୍ର ନିତ୍ୟାଭିଷିକ୍ତ
ଜଲଲିଙ୍ଗ ମାଂ ପାହି ଦ୍ଵିତୀୟାଷ୍ଟମୂର୍ତେ ॥ ୨॥
ହେ ରୁଦ୍ର କାଲାଗ୍ନିରୂପାଘନାଶିନ୍
ହେ ଭସ୍ମଦିଗ୍ଧାଙ୍ଗ ମଦନାନ୍ତକାରିନ୍ ।
ଅରୁଣାଦ୍ରିମୂର୍ତେର୍ବୁର୍ଦଶୈଲ ଵାସିନ୍
ଅନଲେଶ ମାଂ ପାହି ତୃତୀୟାଷ୍ଟମୂର୍ତେ ॥ ୩॥
ହେ ମାତରିଶ୍ଵନ୍ ମହାଵ୍ୟୋମଚାରିନ୍
ହେ କାଲହସ୍ତୀଶ ଶକ୍ତିପ୍ରଦାୟିନ୍ ।
ଉଗ୍ର ପ୍ରମଥନାଥ ୟୋଗୀନ୍ଦ୍ରିସେଵ୍ୟ
ପଵନେଶ ମାଂ ପାହି ତୁରିୟାଷ୍ଟମୂର୍ତେ ॥ ୪॥
ହେ ନିଷ୍କଲାକାଶ-ସଙ୍କାଶ ଦେହ
ହେ ଚିତ୍ସଭାନାଥ ଵିଶ୍ଵମ୍ଭରେଶ ।
ଶମ୍ଭୋ ଵିଭୋ ଭୀମଦହର ପ୍ରଵିଷ୍ଟ
ଵ୍ୟୋମେଶ ମାଂ ପାହି କୃପୟାଷ୍ଟମୂର୍ତେ ॥ ୫॥
ହେ ଭର୍ଗ ତରଣେଖିଲଲୋକସୂତ୍ର
ହେ ଦ୍ଵାଦଶାତ୍ମନ୍ ଶ୍ରୁତିମନ୍ତ୍ର ଗାତ୍ର ।
ଈଶାନ ଜ୍ୟୋତିର୍ମୟାଦିତ୍ୟନେତ୍ର
ରଵିରୂପ ମାଂ ପାହି ମହସାଷ୍ଟମୂର୍ତେ ॥ ୬॥
ହେ ସୋମ ସୋମାର୍ଦ୍ଧ ଷୋଡଷକଲାତ୍ମନ୍
ହେ ତାରକାନ୍ତସ୍ଥ ଶଶିଖଣ୍ଡମୌଲିନ୍ ।
ସ୍ଵାମିନ୍ମହାଦେଵ ମାନସଵିହାରିନ୍
ଶଶିରୂପ ମାଂ ପାହି ସୁଧୟାଷ୍ଟମୂର୍ତେ ॥ ୭॥
ହେ ଵିଶ୍ଵୟଜ୍ଞେଶ ୟଜମାନଵେଷ
ହେ ସର୍ଵଭୂତାତ୍ମଭୂତପ୍ରକାଶ ।
ପ୍ରଥିତଃ ପଶୂନାଂ ପତିରେକ ଈଡ୍ୟ
ଆତ୍ମେଶ ମାଂ ପାହି ପରମାଷ୍ଟମୂର୍ତେ ॥ ୮॥
ପରମାତ୍ମନଃ ଖଃ ପ୍ରଥମଃ ପ୍ରସୂତଃ
ଵ୍ୟୋମାଚ୍ଚ ଵାୟୁର୍ଜନିତସ୍ତତୋଗ୍ନିଃ
ଅନଲାଜ୍ଜଲୋଭୂତ୍ ଅଦ୍ଭ୍ୟସ୍ତୁ ଧରଣିଃ
ସୂର୍ୟେନ୍ଦୁକଲିତାନ୍ ସତତଂ ନମାମି ।
ଦିଵ୍ୟାଷ୍ଟମୂର୍ତୀନ୍ ସତତଂ ନମାମି
ସଂଵିନ୍ମୟାନ୍ ତାନ୍ ସତତଂ ନମାମି ॥ ୯॥
ଇତି ଶ୍ରୀଈଶ୍ଵରନନ୍ଦଗିରିଵିରଚିତଂ ଅଷ୍ଟମୂର୍ତିରକ୍ଷାସ୍ତୋତ୍ରଂ ସମ୍ପୂର୍ଣମ୍ ।