Bhali Vairagyambento Bagaiyunnadi Telugu Lyrics:
పల్లవి:
భళి వైరాగ్యంబెంతో బాగైయున్నది చం
చలమైన నామనసు నిశ్చలమైయున్నది భ ॥
చరణము(లు):
అరిషడ్వర్గములు నన్నంటకున్నవి శ్రీ
హరినామస్మరణ జిహ్వకు అనువైయున్నది భ ॥
గురుధ్యానమున మనసు కుదురైయున్నది చిత్త
మిరువది యారింటిమీద నిరవైయున్నది భ ॥
పరమశాంత మెన్నగను బాగైయున్నది మాకు
పరతత్త్వమందే మా బుద్ధిపట్టియున్నది భ ॥
విరసము పోరులేని విధమైయున్నది మాకు
ప్రకృతి యెడబాసి మోక్షమునకిరవై యున్నది భ ॥
గురి భద్రాద్రీశునందే గురువైయున్నది యిప్పుడు
అరమరలేక రామదాసు డనదగియున్నది భ ॥
Bhali Vairagyambento Bagaiyunnadi Lyrics in Telugu | Ramadasu Keerthana
