Templesinindiainfo

Best Spiritual Website

Bhavabandhamuktyashtakam Lyrics in Oriya | ଭଵବନ୍ଧମୁକ୍ତ୍ୟଷ୍ଟକମ୍

ଭଵବନ୍ଧମୁକ୍ତ୍ୟଷ୍ଟକମ୍ Lyrics in Oriya:

ଏକଂ ଦ୍ଵିତୀୟରହିତଂ ସଦବାଧିତଂ ଚ
ସଚ୍ଚିତ୍ସ୍ଵରୂପମିତି ୟଚ୍ଛ୍ରୁତିଶୀର୍ଷପୂଗୈଃ ।
ଜେଗୀୟତେ ସକଲଲୋକଵିଵର୍ତଭୂତଂ
ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୧॥

ଅନ୍ନାସୁମାନସମୁଖପ୍ରକୃତୀଞ୍ଜଗାଦ
କୋଶାନ୍ଛ୍ରୁତିର୍ୟଦଵବୋଧକୃତେଽତ୍ର ପଞ୍ଚ ।
ସର୍ଵାନ୍ତରଂ ଭୃଗୁମୁନିପ୍ରଵରେଣ ଦୃଷ୍ଟଂ
ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୨॥

ଆନାଶକେନ ତପସା ବହୁଦକ୍ଷିଣେନ
ୟଜ୍ଞେନ ଦାନନିଚୟାଚ୍ଛ୍ରୁତିପାଠତଶ୍ଚ ।
ଇଚ୍ଛନ୍ତି ଵେତ୍ତୁମିହ ୟଦ୍ଧରଣୀସୁରାଗ୍ର୍ୟା-
ସ୍ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୩॥

କଶ୍ଚିଦ୍ଵିପଶ୍ଚିଦିହ ସଂସୃତିସୌଖ୍ୟଵାଞ୍ଛାଂ
ସନ୍ତ୍ୟଜ୍ୟ ସଦ୍ଗୁରୁମୁପେତ୍ୟ କୃପାପୟୋଽବ୍ଧିମ୍ ।
ଵିଜ୍ଞାୟ ତଦ୍ଵଚନତଃ ଖଲୁ ମୋଦତେ ୟ-
ତ୍ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୪॥

ପ୍ରାଣାନ୍ନିୟମ୍ୟ ତୁ ମନୋ ହୃଦୟାରଵିନ୍ଦେ
ଭ୍ରୂଗହ୍ଵରେ ଶିରସି ଵା ପ୍ରଣିଧାୟ ସମ୍ୟକ୍ ।
ଧ୍ୟାୟନ୍ତି ୟତ୍ପରଗୁରୋର୍ଵଚନାନୁସାରା-
ତ୍ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୫॥

ୟଜ୍ଜାଗ୍ରଦାଦିସମୟେ ଧୃତଵିଶ୍ଵମୁଖ୍ୟ-
ନାମାତନୋତି ବହିରନ୍ତରଵସ୍ତୁସେଵାମ୍ ।
ସୁପ୍ତାଵବୋଧସହିତସ୍ୟ ସୁଖସ୍ୟ ଭୋକ୍ତୃ
ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୬॥

ଵାଗାଦୟଃସ୍ଵଵିଷୟେଷୁ ଚରନ୍ତି ୟେନ
ସଞ୍ଚୋଦିତାଃ ପ୍ରଭୁଵରେଣ ୟଥା ସୁଭୃତ୍ୟାଃ ।
ତତ୍ସର୍ଵକାର୍ୟକରଣଵ୍ୟଵହାରସାକ୍ଷି
ସଞ୍ଚିନ୍ତୟାମି ସତତଂ ଭଵବନ୍ଧମୁକ୍ତ୍ୟୈ ॥ ୭॥

ସଂନ୍ୟସ୍ୟ କର୍ମନିଚୟଂ ଚ ତଦଙ୍ଗଭୂତଂ
ସୂତ୍ରଂ ଶିଖାଂ ଚ ପୁନରପ୍ୟବଲାଦିରାଗମ୍ ।
ବୋଧାୟ ୟସ୍ୟ ୟତତେ ପରିଶୁଦ୍ଧଚିତ୍ତ-
ସ୍ତଦ୍ଭାଵୟାମି ସତତଂ ଭଵବନ୍ଧମୁକ୍ତ୍ୟୈ ॥ ୮॥

ପଦ୍ୟାଷ୍ଟକଂ ପଠତି ୟୋଽର୍ଥଵିବୋଧପୂର୍ଵଂ
ସଞ୍ଚିନ୍ତୟନ୍ନନୁଦିନଂ ପ୍ରତିପାଦ୍ୟଵସ୍ତୁମ୍ ।
ଭକ୍ତ୍ୟା ୟୁତଃ କଲୁଷଦୂରନିଜାନ୍ତରଙ୍ଗ-
ସ୍ତସ୍ୟାଚିରାଦ୍ଧି ଭଵିତା ଭଵବନ୍ଧମୁକ୍ତିଃ ॥ ୯॥

ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଭଵବନ୍ଧମୁକ୍ତ୍ୟଷ୍ଟକଂ ସମ୍ପୂର୍ଣମ୍ ।

Bhavabandhamuktyashtakam Lyrics in Oriya | ଭଵବନ୍ଧମୁକ୍ତ୍ୟଷ୍ଟକମ୍

Leave a Reply

Your email address will not be published. Required fields are marked *

Scroll to top