ଚମ୍ପକାପୁରୀଶ୍ରୀନିଵାସାଷ୍ଟକମ୍ Lyrics in Oriya:
ଶୌଭ୍ର-ରାଜ ରାଜ-ରାଜ କଞ୍ଜୟୋନି-ଵନ୍ଦିତଂ
ନିତ୍ୟ-ଭକ୍ତ-ପୂଜିତଂ ସୁଧନ୍ଵ-ପୂଜକାଞ୍ଚିତମ୍ ।
କଞ୍ଜ-ଚକ୍ର-କୌସ୍ତୁଭାସି-ରାଜିତଂ ଗଦାଧରଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୧॥
ପନ୍ନଗାରି-ୟାୟିନଂ ସୁପନ୍ନଗେଶ-ଶାୟିନଂ
ପଙ୍କଜାରି-ପଙ୍କଜେଷ୍ଟ-ଲୋଚନଂ ଚତୁର୍ଭୁଜମ୍ ।
ପଙ୍କଜାତ-ଶୋଷକଂ ଵିପଙ୍କଜାତ-ପୋଷକଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୨॥
ସର୍ଵଲୋକ-ନାୟକଂ ସୁଵାଞ୍ଛିତାର୍ଥ-ଦାୟକଂ
ଶର୍ଵଚାପ-ଭଞ୍ଜକଂ ସଗର୍ଵ-ରାଵଣାନ୍ତକମ୍ ।
ପୀତ-ଚେଲ-ଧାରକଂ କୁଚେଲ-ରିକ୍ତ-ଦାୟକଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୩॥
ନାରଦାଦି-ଵନ୍ଦିତଂ ନୄନାର-ଶୈଲ-ଭଞ୍ଜିତଂ
ନାର-ସଦ୍ମ-ଵାସ-ଜାତ-ନାର-ପୂର୍ଵକାୟନମ୍ ।
ନାର-ତଲ୍ଲଜାଲୟଂ କୁନାରକାନ୍ତକାଲୟଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୪॥
କାଲ-ମେଘ-ଵର୍ଣକଂ ପ୍ରକାମ-ମୁକ୍ତି-ଦାୟକଂ
କାଲ-କାଲ-କାରକଂ କୁକାଲ-ପାଶ-ଦୂରକମ୍ ।
ରତ୍ନ-ଵର୍ମ-ରାଜ-ଵର୍ଷ୍ମ-ଭାନୁ-ଵୃନ୍ଦ-ଭାସ୍କରଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୫॥
ଦକ୍ଷ-ଶିକ୍ଷକ-ଚ୍ଛିଦଂ କୁହାଟକାକ୍ଷ-ସମ୍ଭିଦଂ
ୟକ୍ଷ-ଗୀତ-ସେଵିତଂ ସୁରକ୍ଷଣୈକ-ଦୀକ୍ଷିତମ୍ ।
ଅକ୍ଷ-ଜାତ-ମାରକଂ କଟାକ୍ଷ-ଦୃଷ୍ଟି-ତାରକଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୬॥
ସ୍ଵର୍ଣ-ସୂତ୍ର-ଗୁମ୍ଫିତୋରୁ-ସାଲିକାଶ୍ମ-ମାଲିକଂ
ରତ୍ନ-ରତ୍ନ-ରଞ୍ଜିତଂ ଗଦାଞ୍ଚିତଂ କୃପାକରମ୍ ।
ପ୍ରଜ୍ଵଲତ୍କିରୀଟିନଂ ପ୍ରଵିସ୍ଫୁରତ୍-ତ୍ରିପୁଣ୍ଡ୍ରକଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୭॥
ଵକ୍ତ୍ର-କାନ୍ତି-ଵଞ୍ଚିତୋରୁ-ଶାରଦେନ୍ଦୁମଣ୍ଡଲଂ
କୁନ୍ଦ-ଦନ୍ତ-ମିନ୍ଦିରେଶମକ୍ଷରଂ ନିରାମୟମ୍ ।
ମନ୍ଦହାସ-ଶୁଭ୍ରିତାଶ-କିଙ୍କିଣୀ-ଲସତ୍-କଟଂ
ଚମ୍ପକାପୁରୀ-ନିଵାସ-ମାନିଵାସମାଶ୍ରୟେ ॥ ୮॥
ଶ୍ରୀନିଵାସମଷ୍ଟକମ୍ ଭଵାବ୍ଧି-ଶୋକ-ଶୋଷକଂ
ସର୍ଵପାପ-ନାଶକଂ ସୁପୁତ୍ର-ପୌତ୍ର-ଦାୟକମ୍ ।
ୟେ ପଠନ୍ତି ଭକ୍ତିତଃ ପ୍ରୟାନ୍ତି ତେ ତୁ ସର୍ଵଦା
ଚମ୍ପକାପୁରୀ-ନିଵାସ-ମାନିଵାସ-ସନ୍ନିଧିମ୍ ॥
ଇତି ଶ୍ରୀ କମ୍ଭମ୍-ଚୋକ୍କଣ୍ଣ-ଵିରଚିତଂ
ଚମ୍ପକାପୁରୀ-ଶ୍ରୀନିଵାସାଷ୍ଟକମ୍ ସମ୍ପୂର୍ଣମ୍ ।
