Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Chandrashekhara Ashtakam Lyrics in Bengali | চন্দ্রশেখরাষ্টকং

Chandrashekhara Ashtakam Lyrics in Bengali | চন্দ্রশেখরাষ্টকং

116 Views

চন্দ্রশেখরাষ্টকং Lyrics in Bengali:

চন্দ্রশেখর চন্দ্রশেখর চন্দ্রশেখর পাহি মাম্ ।
চন্দ্রশেখর চন্দ্রশেখর চন্দ্রশেখর রক্ষ মাম্ ॥ ১॥

রত্নসানুশরাসনং রজতাদিশৃঙ্গনিকেতনং
সিঞ্জিনীকৃতপন্নগেশ্বরমচ্যুতাননসায়কম্ ।
ক্ষিপ্রদগ্ধপুরত্রয়ং ত্রিদিবালয়ৈরভিবন্দিতং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ২॥

পঞ্চপাদপপুষ্পগন্ধপদাম্বুজদ্বয়শোভিতং
ভাললোচনজাতপাবকদগ্ধমন্মথবিগ্রহম্ ।
ভস্মদিগ্ধকলেবরং ভবনাশনং ভবমব্যয়ং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৩॥

মত্তবারণমুখ্যচর্মকৃতোত্তরীয়মনোহরং
পঙ্কজাসনপদ্মলোচনপূজিতাঙ্ঘ্রিসরোরুহম্ ।
দেবসিন্ধুতরঙ্গসীকরসিক্তশুভ্রজটাধরং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৪॥

য়ক্ষরাজসখং ভগাক্ষহরং ভুজঙ্গবিভূষণং
শৈলরাজসুতাপরিষ্কৃতচারুবামকলেবরম্ ।
ক্ষ্বেডনীলগলং পরশ্বধধারিণং মৃগধারিণং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৫॥

কুণ্ডলীকৃতকুণ্ডলেশ্বরকুণ্ডলং বৃষবাহনং
নারদাদিমুনীশ্বরস্তুতবৈভবং ভুবনেশ্বরম্ ।
অন্ধকান্ধকামাশ্রিতামরপাদপং শমনান্তকং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৬॥

ভেষজং ভবরোগিণামখিলাপদামপহারিণং
দক্ষয়জ্ঞবিনাশনং ত্রিগুণাত্মকং ত্রিবিলোচনম্ ।
ভুক্তিমুক্তিফলপ্রদং সকলাঘসঙ্ঘনিবর্হণং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৭॥

ভক্তবত্সলমর্চিতং নিধিমক্ষয়ং হরিদম্বরং
সর্বভূতপতিং পরাত্পরম্প্রমেয়মনুত্তমম্ ।
সোমবারিদভূহুতাশনসোমপানিলখাকৃতিং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৮॥

বিশ্বসৃষ্টিবিধায়িনং পুনরেব পালনতত্পরং
সংহরন্তমপি প্রপঞ্চমশেষলোকনিবাসিনম্ ।
ক্রীডয়ন্তমহর্নিশং গণনাথয়ূথসমন্বিতং
চন্দ্রশেখরমাশ্রয়ে মম কিং করিষ্যতি বৈ য়মঃ ॥ ৯॥

মৃত্যুভীতমৃকণ্ডসূনুকৃতস্তবং শিবসন্নিধৌ
য়ত্র কুত্র চ য়ঃ পঠেন্ন হি তস্য মৃত্যুভয়ং ভবেত্ ।
পূর্ণমায়ুররোগিতামখিলার্থসম্পদমাদরং
চন্দ্রশেখর এব তস্য দদাতি মুক্তিময়ত্নতঃ ॥ ১০॥

॥ ইতি শ্রীচন্দ্রশেখরাষ্টকং সম্পূর্ণম্ ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *