ଚନ୍ଦ୍ରଶେଖରାଷ୍ଟକଂ Lyrics in Oriya:
ଚନ୍ଦ୍ରଶେଖର ଚନ୍ଦ୍ରଶେଖର ଚନ୍ଦ୍ରଶେଖର ପାହି ମାମ୍ ।
ଚନ୍ଦ୍ରଶେଖର ଚନ୍ଦ୍ରଶେଖର ଚନ୍ଦ୍ରଶେଖର ରକ୍ଷ ମାମ୍ ॥ ୧॥
ରତ୍ନସାନୁଶରାସନଂ ରଜତାଦିଶୃଙ୍ଗନିକେତନଂ
ସିଞ୍ଜିନୀକୃତପନ୍ନଗେଶ୍ଵରମଚ୍ୟୁତାନନସାୟକମ୍ ।
କ୍ଷିପ୍ରଦଗ୍ଧପୁରତ୍ରୟଂ ତ୍ରିଦିଵାଲୟୈରଭିଵନ୍ଦିତଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୨॥
ପଞ୍ଚପାଦପପୁଷ୍ପଗନ୍ଧପଦାମ୍ବୁଜଦ୍ଵୟଶୋଭିତଂ
ଭାଲଲୋଚନଜାତପାଵକଦଗ୍ଧମନ୍ମଥଵିଗ୍ରହମ୍ ।
ଭସ୍ମଦିଗ୍ଧକଲେଵରଂ ଭଵନାଶନଂ ଭଵମଵ୍ୟୟଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୩॥
ମତ୍ତଵାରଣମୁଖ୍ୟଚର୍ମକୃତୋତ୍ତରୀୟମନୋହରଂ
ପଙ୍କଜାସନପଦ୍ମଲୋଚନପୂଜିତାଙ୍ଘ୍ରିସରୋରୁହମ୍ ।
ଦେଵସିନ୍ଧୁତରଙ୍ଗସୀକରସିକ୍ତଶୁଭ୍ରଜଟାଧରଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୪॥
ୟକ୍ଷରାଜସଖଂ ଭଗାକ୍ଷହରଂ ଭୁଜଙ୍ଗଵିଭୂଷଣଂ
ଶୈଲରାଜସୁତାପରିଷ୍କୃତଚାରୁଵାମକଲେଵରମ୍ ।
କ୍ଷ୍ଵେଡନୀଲଗଲଂ ପରଶ୍ଵଧଧାରିଣଂ ମୃଗଧାରିଣଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୫॥
କୁଣ୍ଡଲୀକୃତକୁଣ୍ଡଲେଶ୍ଵରକୁଣ୍ଡଲଂ ଵୃଷଵାହନଂ
ନାରଦାଦିମୁନୀଶ୍ଵରସ୍ତୁତଵୈଭଵଂ ଭୁଵନେଶ୍ଵରମ୍ ।
ଅନ୍ଧକାନ୍ଧକାମାଶ୍ରିତାମରପାଦପଂ ଶମନାନ୍ତକଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୬॥
ଭେଷଜଂ ଭଵରୋଗିଣାମଖିଲାପଦାମପହାରିଣଂ
ଦକ୍ଷୟଜ୍ଞଵିନାଶନଂ ତ୍ରିଗୁଣାତ୍ମକଂ ତ୍ରିଵିଲୋଚନମ୍ ।
ଭୁକ୍ତିମୁକ୍ତିଫଲପ୍ରଦଂ ସକଲାଘସଙ୍ଘନିବର୍ହଣଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୭॥
ଭକ୍ତଵତ୍ସଲମର୍ଚିତଂ ନିଧିମକ୍ଷୟଂ ହରିଦମ୍ବରଂ
ସର୍ଵଭୂତପତିଂ ପରାତ୍ପରମ୍ପ୍ରମେୟମନୁତ୍ତମମ୍ ।
ସୋମଵାରିଦଭୂହୁତାଶନସୋମପାନିଲଖାକୃତିଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୮॥
ଵିଶ୍ଵସୃଷ୍ଟିଵିଧାୟିନଂ ପୁନରେଵ ପାଲନତତ୍ପରଂ
ସଂହରନ୍ତମପି ପ୍ରପଞ୍ଚମଶେଷଲୋକନିଵାସିନମ୍ ।
କ୍ରୀଡୟନ୍ତମହର୍ନିଶଂ ଗଣନାଥୟୂଥସମନ୍ଵିତଂ
ଚନ୍ଦ୍ରଶେଖରମାଶ୍ରୟେ ମମ କିଂ କରିଷ୍ୟତି ଵୈ ୟମଃ ॥ ୯॥
ମୃତ୍ୟୁଭୀତମୃକଣ୍ଡସୂନୁକୃତସ୍ତଵଂ ଶିଵସନ୍ନିଧୌ
ୟତ୍ର କୁତ୍ର ଚ ୟଃ ପଠେନ୍ନ ହି ତସ୍ୟ ମୃତ୍ୟୁଭୟଂ ଭଵେତ୍ ।
ପୂର୍ଣମାୟୁରରୋଗିତାମଖିଲାର୍ଥସମ୍ପଦମାଦରଂ
ଚନ୍ଦ୍ରଶେଖର ଏଵ ତସ୍ୟ ଦଦାତି ମୁକ୍ତିମୟତ୍ନତଃ ॥ ୧୦॥
॥ ଇତି ଶ୍ରୀଚନ୍ଦ୍ରଶେଖରାଷ୍ଟକଂ ସମ୍ପୂର୍ଣମ୍ ॥
