Shiva Stotram

Dakshinamurthy Varnamala Stotram Lyrics in Bengali

Dakshinamurti Varnamala Stotram in Bengali:

॥ দক্ষিণামূর্তিবর্ণমালাস্তোত্রম্ ॥
দক্ষিণামূর্তিচতুর্বিংশতিবর্ণমালাস্তোত্রম্ ।

ওঁমিত্যেতদ্যস্য বুধৈর্নাম গৃহীতং
যদ্ভাসেদং ভাতি সমস্তং বিয়দাদি ।
যস্যাজ্ঞাতঃ স্বস্বপদস্থা বিধিমুখ্যা-
স্তং প্রত্যঞ্চং দক্ষিণবক্ত্রং কলয়ামি ॥ ১ ॥

নম্রাঙ্গাণাং ভক্তিমতাং যঃ পুরুষার্থা-
ন্দৎবা ক্ষিপ্রং হন্তি চ তৎসর্ববিপত্তীঃ ।
পাদাম্ভোজাধস্তনিতাপস্মৃতিমীশং
তং প্রত্যঞ্চং দক্ষিণবক্ত্রং কলয়ামি ॥ ২ ॥

মোহধ্বস্ত্যৈ বৈণিকবৈয়াসিকিমুখ্যাঃ
সংবিন্মুদ্রাপুস্তকবীণাক্ষগুণান্যম্ ।
হস্তাম্ভোজৈর্বিভ্রতমারাধিতবন্ত-
স্তং প্রত্যঞ্চং দক্ষিণবক্ত্রং কলয়ামি ॥ ৩ ॥

ভদ্রারূঢং ভদ্রদমারাধয়িতৃণাং
ভক্তিশ্রদ্ধাপূর্বকমীশং প্রণমন্তি ।
আদিত্যা যং বাঞ্ছিতসিদ্ধ্যৈ করুণাব্ধিং
তং প্রত্যঞ্চং দক্ষিণবক্ত্রং কলয়ামি ॥ ৪ ॥

গর্ভান্তঃস্থাঃ প্রাণিন এতে ভবপাশ-
চ্ছেদে দক্ষং নিশ্চিতবন্তঃ শরণং যম্ ।
আরাধ্যাঙ্ঘ্রিপ্রস্ফুরদম্ভোরুহয়ুগ্মং
তং প্রত্যঞ্চং দক্ষিণবক্ত্রং কলয়ামি ॥ ৫ ॥

বক্ত্রং ধন্যাঃ সংসৃতিবার্ধেরতিমাত্রা-
দ্ভীতাঃ সন্তঃ পূর্ণশশাঙ্কদ্যুতি যস্য ।
সেবেন্তেঽধ্যাসীনমনন্তং বটমূলং
তং প্রত্যঞ্চং দক্ষিণবক্ত্রং কলয়ামি ॥ ৬ ॥

তেজঃস্তোমৈরঙ্গদসংঘট্টিতভাস্ব-
ন্মাণিক্যোত্থৈর্ভাসিতবিশ্বো রুচিরৈর্যঃ ।
তেজোমূর্তিং খানিলতেজঃপ্রমুখাব্ধিং
তং প্রত্যঞ্চং দক্ষিণবক্ত্রং কলয়ামি ॥ ৭ ॥

দধ্যাজ্যাদিদ্রব্যককর্মাণ্যখিলানি
ত্যক্ত্বা কাঙ্ক্ষা কর্মফলেষ্বত্র করোতি ।
যজ্জিজ্ঞাসাং রূপফলার্থী ক্ষিতিদেব-
স্তং প্রত্যঞ্চং দক্ষিণবক্ত্রং কলয়ামি ॥ ৮ ॥

ক্ষিপ্রং লোকে যং ভজমানঃ পৃথুপুণ্যঃ
প্রধ্বস্তাধিঃ প্রোজ্ঝিতসংসৃত্যখিলার্তিঃ ।
প্রত্যগ্ভূতং ব্রহ্ম পরং সন্রমতে য-
স্তং প্রত্যঞ্চং দক্ষিণবক্ত্রং কলয়ামি ॥ ৯ ॥

ণানেত্যেবং যন্মনুমধ্যস্থিতবর্ণা-
ন্ভক্তাঃ কালে বর্ণগৃহীত্যৈ প্রজপন্তঃ ।
মোদন্তে সংপ্রাপ্তসমস্তশ্রুতিতন্ত্রা-
স্তং প্রত্যঞ্চং দক্ষিণবক্ত্রং কলয়ামি ॥ ১০ ॥

মূর্তিশ্ছায়ানির্জিতমন্দাকিনিকুন্দ-
প্রালেয়াম্ভোরাশিসুধাভূতিসুরেভা ।
যস্যাভ্রাভা হাসবিধৌ দক্ষশিরোধি-
স্তং প্রত্যঞ্চং দক্ষিণবক্ত্রং কলয়ামি ॥ ১১ ॥

তপ্তস্বর্ণচ্ছায়জটাজূটকটাহ-
প্রোদ্যদ্বীচীবল্লিবিরাজৎসুরসিন্ধুম্ ।
নিত্যং সূক্ষ্মং নিত্যনিরস্তাখিলদোষং
তং প্রত্যঞ্চং দক্ষিণবক্ত্রং কলয়ামি ॥ ১২ ॥

যেন জ্ঞাতেনৈব সমস্তং বিদিতং স্যা-
দ্যস্মাদন্যদ্বস্তু জগত্যাং শশশৃঙ্গম্ ।
যং প্রাপ্তানাং নাস্তি পরং প্রাপ্যমনাদিং
তং প্রত্যঞ্চং দক্ষিণবক্ত্রং কলয়ামি ॥ ১৩ ॥

মত্তো মারো যস্য ললাটাক্ষিভবাগ্নি-
স্ফূর্জৎকীলপ্রোষিতভস্মীকৃতদেহঃ ।
তদ্ভস্মাসীদ্যস্য সুজাতঃ পটবাস-
স্তং প্রত্যঞ্চং দক্ষিণবক্ত্রং কলয়ামি ॥ ১৪ ॥

হ্যম্ভোরাশৌ সংসৃতিরূপে লুঠতাং ত-
ৎপারং গন্তুং যৎপদভক্তির্দৃঢনৌকা ।
সর্বারাধ্যং সর্বগমানন্দপয়োনিধিং
তং প্রত্যঞ্চং দক্ষিণবক্ত্রং কলয়ামি ॥ ১৫ ॥

মেধাবী স্যাদিন্দুবতংসং ধৃতবীণং
কর্পূরাভং পুস্তকহস্তং কমলাক্ষম্ ।
চিত্তে ধ্যায়ন্যস্য বপুর্দ্রাঙ্নিমিষার্ধং
তং প্রত্যঞ্চং দক্ষিণবক্ত্রং কলয়ামি ॥ ১৬ ॥

ধাম্নাং ধাম প্রৌঢরুচীনাং পরমং য-
ৎসূর্যাদীনাং যস্য স হেতুর্জগদাদেঃ ।
এতাবান্যো যস্য ন সর্বেশ্বরমীড্যং
তং প্রত্যঞ্চং দক্ষিণবক্ত্রং কলয়ামি ॥ ১৭ ॥

প্রত্যাহারপ্রাণনিরোধাদিসমর্থৈ-
র্ভক্তৈর্দান্তৈঃ সংয়তচিত্তৈর্যতমানৈঃ ।
স্বাত্মৎবেন জ্ঞায়ত এব ৎবরয়া য-
স্তং প্রত্যঞ্চং দক্ষিণবক্ত্রং কলয়ামি ॥ ১৮ ॥

জ্ঞাংশীভূতান্প্রাণিন এতান্ফলদাতা
চিত্তান্তঃস্থঃ প্রেরয়তি স্বে সকলেঽপি ।
কৃত্যে দেবঃ প্রাক্তনকর্মানুসরঃ সং-
স্তং প্রত্যঞ্চং দক্ষিণবক্ত্রং কলয়ামি ॥ ১৯ ॥

প্রজ্ঞামাত্রং প্রাপিতসংবিন্নিজভক্তং
প্রাণাক্ষাদেঃ প্রেরয়িতারং প্রণবার্থম্ ।
প্রাহুঃ প্রাজ্ঞা বিদিতানুশ্রবতত্ত্বা-
স্তং প্রত্যঞ্চং দক্ষিণবক্ত্রং কলয়ামি ॥ ২০ ॥

যস্যাংজ্ঞানাদেব নৃণাং সংসৃতিবোধো
যস্য জ্ঞানাদেব বিমোক্ষো ভবতীতি ।
স্পষ্টং ব্রূতে বেদশিরো দেশিকমাদ্যং
তং প্রত্যঞ্চং দক্ষিণবক্ত্রং কলয়ামি ॥ ২১ ॥

ছন্নেঽবিদ্যারূপপটেনৈব চ বিশ্বং
যত্রাধ্যস্তং জীবপরেশৎবমপীদম্ ।
ভানোর্ভানুষ্বম্বুবদস্তাখিলভেদং
তং প্রত্যঞ্চং দক্ষিণবক্ত্রং কলয়ামি ॥ ২২ ॥

স্বাপস্বপ্নৌ জাগ্রদবস্থাপি ন যত্র
প্রাণশ্বেতঃ সর্বগতো যঃ সকলাত্মা ।
কূটস্থো যঃ কেবলসচ্চিৎসুখরূপ-
স্তং প্রত্যঞ্চং দক্ষিণবক্ত্রং কলয়ামি ॥ ২৩ ॥

হা হেত্যেবং বিস্ময়মীয়ুর্মুনিমুখ্যা
জ্ঞাতে যস্মিন্স্বাত্মতয়ানাত্মবিমোহঃ ।
প্রত্যগ্ভূতে ব্রহ্মণি যাতঃ কথমিত্থং
তং প্রত্যঞ্চং দক্ষিণবক্ত্রং কলয়ামি ॥ ২৪ ॥

যৈষা রম্যৈর্মত্তময়ূরাভিধবৃত্তৈ-
রাদৌ ক্লৃপ্তা যন্মনুবর্ণৈর্মুনিভঙ্গী ।
তামেবৈতাং দক্ষিণবক্ত্রঃ কৃপয়াসা-
বূরীকুর্যাদ্দেশিকসম্রাট্ পরমাত্মা ॥ ২৫ ॥

ইতি শ্রীমৎপরমহংসপরিব্রজকাচার্যস্য
শ্রিগোবিন্দভগবৎপূজ্যপাদশিষ্যস্য
শ্রীমচ্ছংকরভগবতঃ কৃতৌ
শ্রীদক্ষিণামূর্তিবর্ণমালাস্তোত্রং সংপূর্ণম্ ॥

Also Read:

Dakshinamurthy Varnamala Stotram Lyrics in Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil

Add Comment

Click here to post a comment