দানলীলাষ্টকম্ Lyrics in Bengali:
সদা চন্দ্রাবল্যা কুসুমশয়নীয়াদি রচিতুং
সহাসং প্রোক্তাঃ স্বপ্রণয়িগ্রহচর্যঃ প্রমুদিতাঃ ।
নিকুঞ্জেষ্বন্যোন্যং কৃতবিবধতল্পেষু সরসাং
কথাস্বস্বামিন্যা সপদি কথয়ন্তি প্রিয়তমাম্ ॥ ১॥
অশেষসুকৃতোদয়ৈরখিলমঙ্গলৈর্বেধসা
মনোরথশতৈঃ সদা মনসি ভাবিতৈর্নির্মিতে ।
অহন্যতিমনোহরে নিজগৃহাদ্বিহারেচ্ছয়া
সখীশতবৃতাঽচলদ্ব্রজবনেষু চন্দ্রাবলী ॥ ২॥
সমুদ্গ্রথিতমালতীকুরবকাদিপুষ্পাবলী-
গলত্পরিমলোন্মদভ্রমরয়ূথসন্নাদিতম্ ।
উদারমতিচিত্রিতং মৃগমদাদিভির্বিভ্রতী
মনোভবমদাপহং কিমপি কেশপাশং সখী ॥ ৩॥
শ্যামেন্দোরনুরূপাং বিধিরচিতাং তারকামহং মন্যে ।
য়ত্তত্করনখকিরণো ন জাতু সখ্যস্ত্যজন্তীমাম্ ॥ ৪॥
কুঙ্কুমমৃগমদমলয়জচিত্রিতকুসুমং তদীয়ধম্মিল্লম্ ।
নো কিন্তু কুসুমধনুষস্তূণীরং সর্জিতং বিধিনা ॥ ৫॥
ন ধম্মিল্লো মৌগ্ধ্যামৃতজলমুচামেষ নিচয়ো
ন পুষ্পাণীমানি ত্রিদশপতিমৌর্বীপরিণতিঃ ।
ন মুক্তাগুচ্ছানি প্রকটসুখগাত্রঃ করতরো
ন কাশ্মীরোদ্ভূতা সুভগতররেখা তডিদিয়ম্ ॥ ৬॥
নিসর্গসুন্দরোঽপ্যালিসূক্ষ্মচিত্রাম্বরান্তরে ।
গূঢো ভাব ইবৈতস্যাঃ সোঽদৃশ্যত বিলক্ষণঃ ॥ ৭॥
মত্সমর্পিতসিন্দূররেখোপরি পরিস্থিতা ।
মুক্তাফলাবলীমালা সীমান্তে বিভ্রতী বভৌ ॥ ৮॥
ইতি শ্রীবিঠ্ঠলেশ্বরবিরচিতং দানলীলাষ্টকং সমাপ্তম্ ।
