ದಾನಲೀಲಾಷ್ಟಕಮ್ Lyrics in Kannada:
ಸದಾ ಚನ್ದ್ರಾವಲ್ಯಾ ಕುಸುಮಶಯನೀಯಾದಿ ರಚಿತುಂ
ಸಹಾಸಂ ಪ್ರೋಕ್ತಾಃ ಸ್ವಪ್ರಣಯಿಗ್ರಹಚರ್ಯಃ ಪ್ರಮುದಿತಾಃ ।
ನಿಕುಂಜೇಷ್ವನ್ಯೋನ್ಯಂ ಕೃತವಿವಧತಲ್ಪೇಷು ಸರಸಾಂ
ಕಥಾಸ್ವಸ್ವಾಮಿನ್ಯಾ ಸಪದಿ ಕಥಯನ್ತಿ ಪ್ರಿಯತಮಾಮ್ ॥ 1॥
ಅಶೇಷಸುಕೃತೋದಯೈರಖಿಲಮಂಗಲೈರ್ವೇಧಸಾ
ಮನೋರಥಶತೈಃ ಸದಾ ಮನಸಿ ಭಾವಿತೈರ್ನಿರ್ಮಿತೇ ।
ಅಹನ್ಯತಿಮನೋಹರೇ ನಿಜಗೃಹಾದ್ವಿಹಾರೇಚ್ಛಯಾ
ಸಖೀಶತವೃತಾಽಚಲದ್ವ್ರಜವನೇಷು ಚನ್ದ್ರಾವಲೀ ॥ 2॥
ಸಮುದ್ಗ್ರಥಿತಮಾಲತೀಕುರಬಕಾದಿಪುಷ್ಪಾವಲೀ-
ಗಲತ್ಪರಿಮಲೋನ್ಮದಭ್ರಮರಯೂಥಸನ್ನಾದಿತಮ್ ।
ಉದಾರಮತಿಚಿತ್ರಿತಂ ಮೃಗಮದಾದಿಭಿರ್ಬಿಭ್ರತೀ
ಮನೋಭವಮದಾಪಹಂ ಕಿಮಪಿ ಕೇಶಪಾಶಂ ಸಖೀ ॥ 3॥
ಶ್ಯಾಮೇನ್ದೋರನುರೂಪಾಂ ವಿಧಿರಚಿತಾಂ ತಾರಕಾಮಹಂ ಮನ್ಯೇ ।
ಯತ್ತತ್ಕರನಖಕಿರಣೋ ನ ಜಾತು ಸಖ್ಯಸ್ತ್ಯಜನ್ತೀಮಾಮ್ ॥ 4॥
ಕುಂಕುಮಮೃಗಮದಮಲಯಜಚಿತ್ರಿತಕುಸುಮಂ ತದೀಯಧಮ್ಮಿಲ್ಲಮ್ ।
ನೋ ಕಿನ್ತು ಕುಸುಮಧನುಷಸ್ತೂಣೀರಂ ಸರ್ಜಿತಂ ವಿಧಿನಾ ॥ 5॥
ನ ಧಮ್ಮಿಲ್ಲೋ ಮೌಗ್ಧ್ಯಾಮೃತಜಲಮುಚಾಮೇಷ ನಿಚಯೋ
ನ ಪುಷ್ಪಾಣೀಮಾನಿ ತ್ರಿದಶಪತಿಮೌರ್ವೀಪರಿಣತಿಃ ।
ನ ಮುಕ್ತಾಗುಚ್ಛಾನಿ ಪ್ರಕಟಸುಖಗಾತ್ರಃ ಕರತರೋ
ನ ಕಾಶ್ಮೀರೋದ್ಭೂತಾ ಸುಭಗತರರೇಖಾ ತಡಿದಿಯಮ್ ॥ 6॥
ನಿಸರ್ಗಸುನ್ದರೋಽಪ್ಯಾಲಿಸೂಕ್ಷ್ಮಚಿತ್ರಾಮ್ಬರಾನ್ತರೇ ।
ಗೂಢೋ ಭಾವ ಇವೈತಸ್ಯಾಃ ಸೋಽದೃಶ್ಯತ ವಿಲಕ್ಷಣಃ ॥ 7॥
ಮತ್ಸಮರ್ಪಿತಸಿನ್ದೂರರೇಖೋಪರಿ ಪರಿಸ್ಥಿತಾ ।
ಮುಕ್ತಾಫಲಾವಲೀಮಾಲಾ ಸೀಮಾನ್ತೇ ಬಿಭ್ರತೀ ಬಭೌ ॥ 8॥
ಇತಿ ಶ್ರೀವಿಠ್ಠಲೇಶ್ವರವಿರಚಿತಂ ದಾನಲೀಲಾಷ್ಟಕಂ ಸಮಾಪ್ತಮ್ ।
