ദാനലീലാഷ്ടകം Lyrics in Malayalam:
സദാ ചന്ദ്രാവല്യാ കുസുമശയനീയാദി രചിതും
സഹാസം പ്രോക്താഃ സ്വപ്രണയിഗ്രഹചര്യഃ പ്രമുദിതാഃ ।
നികുഞ്ജേഷ്വന്യോന്യം കൃതവിവധതല്‍പേഷു സരസാം
കഥാസ്വസ്വാമിന്യാ സപദി കഥയന്തി പ്രിയതമാം ॥ 1॥
അശേഷസുകൃതോദയൈരഖിലമങ്ഗലൈര്‍വേധസാ
മനോരഥശതൈഃ സദാ മനസി ഭാവിതൈര്‍നിര്‍മിതേ ।
അഹന്യതിമനോഹരേ നിജഗൃഹാദ്വിഹാരേച്ഛയാ
സഖീശതവൃതാഽചലദ്വ്രജവനേഷു ചന്ദ്രാവലീ ॥ 2॥
സമുദ്ഗ്രഥിതമാലതീകുരബകാദിപുഷ്പാവലീ-
ഗലത്പരിമലോന്‍മദഭ്രമരയൂഥസന്നാദിതം ।
ഉദാരമതിചിത്രിതം മൃഗമദാദിഭിര്‍ബിഭ്രതീ
മനോഭവമദാപഹം കിമപി കേശപാശം സഖീ ॥ 3॥
ശ്യാമേന്ദോരനുരൂപാം വിധിരചിതാം താരകാമഹം മന്യേ ।
യത്തത്കരനഖകിരണോ ന ജാതു സഖ്യസ്ത്യജന്തീമാം ॥ 4॥
കുങ്കുമമൃഗമദമലയജചിത്രിതകുസുമം തദീയധമ്മില്ലം ।
നോ കിന്തു കുസുമധനുഷസ്തൂണീരം സര്‍ജിതം വിധിനാ ॥ 5॥
ന ധമ്മില്ലോ മൌഗ്ധ്യാമൃതജലമുചാമേഷ നിചയോ
ന പുഷ്പാണീമാനി ത്രിദശപതിമൌര്‍വീപരിണതിഃ ।
ന മുക്താഗുച്ഛാനി പ്രകടസുഖഗാത്രഃ കരതരോ
ന കാശ്മീരോദ്ഭൂതാ സുഭഗതരരേഖാ തഡിദിയം ॥ 6॥
നിസര്‍ഗസുന്ദരോഽപ്യാലിസൂക്ഷ്മചിത്രാംബരാന്തരേ ।
ഗൂഢോ ഭാവ ഇവൈതസ്യാഃ സോഽദൃശ്യത വിലക്ഷണഃ ॥ 7॥
മത്സമര്‍പിതസിന്ദൂരരേഖോപരി പരിസ്ഥിതാ ।
മുക്താഫലാവലീമാലാ സീമാന്തേ ബിഭ്രതീ ബഭൌ ॥ 8॥
ഇതി ശ്രീവിഠ്ഠലേശ്വരവിരചിതം ദാനലീലാഷ്ടകം സമാപ്തം ।