Devi Bhagavatam’s Shri Gayatri Sahasranama Stotram Lyrics in Oriya:
॥ ଶ୍ରୀଗାୟତ୍ରୀସହସ୍ରନାମସ୍ତୋତ୍ରମ୍ ଦେଵୀ ଭାଗଵତାଂତର୍ଗତ ॥
ନାରଦ ଉଵାଚ –
ଭଗଵନ୍ସର୍ଵଧର୍ମଜ୍ଞ ସର୍ଵଶାସ୍ତ୍ରଵିଶାରଦ ।
ଶ୍ରୁତିସ୍ମୃତିପୁରାଣାନାଂ ରହସ୍ୟଂ ତ୍ଵନ୍ମୁଖାଚ୍ଛ୍ରୁତମ୍ ॥ ୧ ॥
ସର୍ଵପାପହରଂ ଦେଵ ୟେନ ଵିଦ୍ୟା ପ୍ରଵର୍ତତେ ।
କେନ ଵା ବ୍ରହ୍ମଵିଜ୍ଞାନଂ କିଂ ନୁ ଵା ମୋକ୍ଷସାଧନମ୍ ॥ ୨ ॥
ବ୍ରାହ୍ମଣାନାଂ ଗତିଃ କେନ କେନ ଵା ମୃତ୍ୟୁ ନାଶନମ୍ ।
ଐହିକାମୁଷ୍ମିକଫଲଂ କେନ ଵା ପଦ୍ମଲୋଚନ ॥ ୩ ॥
ଵକ୍ତୁମର୍ହସ୍ୟଶେଷେଣ ସର୍ଵେ ନିଖିଲମାଦିତଃ ।
ଶ୍ରୀନାରାୟଣ ଉଵାଚ –
ସାଧୁ ସାଧୁ ମହାପ୍ରାଜ୍ଞ ସମ୍ୟକ୍ ପୃଷ୍ଟଂ ତ୍ଵୟାଽନଘ ॥ ୪ ॥
ଶୃଣୁ ଵକ୍ଷ୍ୟାମି ୟତ୍ନେନ ଗାୟତ୍ର୍ୟଷ୍ଟସହସ୍ରକମ୍ ।
ନାମ୍ନାଂ ଶୁଭାନାଂ ଦିଵ୍ୟାନାଂ ସର୍ଵପାପଵିନାଶନମ୍ ॥ ୫ ॥
ସୃଷ୍ଟ୍ୟାଦୌ ୟଦ୍ଭଗଵତା ପୂର୍ଵେ ପ୍ରୋକ୍ତଂ ବ୍ରଵୀମି ତେ ।
ଅଷ୍ଟୋତ୍ତରସହସ୍ରସ୍ୟ ଋଷିର୍ବ୍ରହ୍ମା ପ୍ରକୀର୍ତିତଃ ॥ ୬ ॥
ଛନ୍ଦୋଽନୁଷ୍ଟୁପ୍ତଥା ଦେଵୀ ଗାୟତ୍ରୀଂ ଦେଵତା ସ୍ମୃତା ।
ହଲୋବୀଜାନି ତସ୍ୟୈଵ ସ୍ଵରାଃ ଶକ୍ତୟ ଈରିତାଃ ॥ ୭ ॥
ଅଙ୍ଗନ୍ୟାସକରନ୍ୟାସାଵୁଚ୍ୟେତେ ମାତୃକାକ୍ଷରୈଃ ।
ଅଥ ଧ୍ୟାନଂ ପ୍ରଵକ୍ଷ୍ୟାମି ସାଧକାନାଂ ହିତାୟ ଵୈ ॥ ୮ ॥
ଧ୍ୟାନମ୍ –
ରକ୍ତଶ୍ଵେତହିରଣ୍ୟନୀଲଧଵଲୈର୍ୟୁକ୍ତା ତ୍ରିନୀତ୍ରୋଜ୍ଜ୍ଵଲାଂ ରକ୍ତାଂ
ରକ୍ତନଵସ୍ରଜଂ
ମଣିଗଣୈର୍ୟୁକ୍ତାଂ କୁମାରୀମିମାମ୍ ।
ଗାୟତ୍ରୀଂ କମଲାସନାଂ କରତଲଵ୍ୟାନଦ୍ଧକୁଣ୍ଡାମ୍ବୁଜାଂ ପଦ୍ମାକ୍ଷୀ
ଚ
ଵରସ୍ରଜଂ ଚ ଦଧତୀଂ ହଂସାଧିରୂଢାଂ ଭଜେ ॥ ୯ ॥
ଅଚିନ୍ତ୍ୟଲକ୍ଷଣାଵ୍ୟକ୍ତାପ୍ୟର୍ଥମାତୃମହେଶ୍ଵରୀ ।
ଅମୃତାର୍ଣଵମଧ୍ୟସ୍ଥାପ୍ୟଜିତା ଚାପରାଜିତା ॥ ୧୦ ॥
ଅଣିମାଦିଗୁଣାଧାରାପ୍ୟର୍କମଣ୍ଡଲସଂସ୍ଥିତା ।
ଅଜରାଜାପରାଧର୍ମା ଅକ୍ଷସୂତ୍ରଧରାଧରା ॥ ୧୧ ॥
ଅକାରାଦିକ୍ଷକାରାନ୍ତାପ୍ୟରିଷଡ୍ଵର୍ଗଭେଦିନୀ ।
ଅଞ୍ଜନାଦ୍ରିପ୍ରତୀକାଶାପ୍ୟଞ୍ଜନାଦ୍ରିନିଵାସିନୀ ॥ ୧୨ ॥
ଅଦିତିଶ୍ଚାଜପାଵିଦ୍ୟାପ୍ୟରଵିନ୍ଦନିଭେକ୍ଷଣା ।
ଅନ୍ତର୍ବହିଃସ୍ଥିତାଵିଦ୍ୟାଧ୍ଵଂସିନୀ ଚାନ୍ତରାତ୍ମିକା ॥ ୧୩ ॥
ଅଜା ଚାଜମୁଖାଵାସାପ୍ୟରଵିନ୍ଦନିଭାନନା ।
ଅର୍ଧମାତ୍ରାର୍ଥଦାନଜ୍ଞାପ୍ୟରିମଣ୍ଡଲମର୍ଦିନୀ ॥ ୧୪ ॥
ଅସୁରଘ୍ନୀ ହ୍ୟମାଵାସ୍ୟାପ୍ୟଲକ୍ଷ୍ମୀଘ୍ନ୍ୟନ୍ତ୍ୟଜାର୍ଚିତା ।
ଆଦିଲକ୍ଷ୍ମୀଶ୍ଚାଦିଶକ୍ତିରାକୃତିଶ୍ଚାୟତାନନା ॥ ୧୫ ॥
ଆଦିତ୍ୟପଦଵୀଚାରାପ୍ୟାଦିତ୍ୟପରିସେଵିତା ।
ଆଚାର୍ୟାଵର୍ତନାଚାରାପ୍ୟାଦିମୂର୍ତିନିଵାସିନୀ ॥ ୧୬ ॥
ଆଗ୍ନେୟୀ ଚାମରୀ ଚାଦ୍ୟା ଚାରାଧ୍ୟା ଚାସନସ୍ଥିତା ।
ଆଧାରନିଲୟାଧାରା ଚାକାଶାନ୍ତନିଵାସିନୀ ॥ ୧୭ ॥
ଆଦ୍ୟାକ୍ଷରସମାୟୁକ୍ତା ଚାନ୍ତରାକାଶରୂପିଣୀ ।
ଆଦିତ୍ୟମଣ୍ଡଲଗତା ଚାନ୍ତରଧ୍ଵାନ୍ତନାଶିନୀ ॥ ୧୮ ॥
ଇନ୍ଦିରା ଚେଷ୍ଟଦା ଚେଷ୍ଟା ଚେନ୍ଦୀଵରନିଭେକ୍ଷଣା ।
ଇରାଵତୀ ଚେନ୍ଦ୍ରପଦା ଚେନ୍ଦ୍ରାଣୀ ଚେନ୍ଦୁରୂପିଣୀ ॥ ୧୯ ॥
ଇକ୍ଷୁକୋଦଣ୍ଡସଂୟୁକ୍ତା ଚେଷୁସଂଧାନକାରିଣୀ ।
ଇନ୍ଦ୍ରନୀଲସମାକାରା ଚେଡାପିଙ୍ଗଲରୂପିଣୀ ॥ ୨୦ ॥
ଇନ୍ଦ୍ରାକ୍ଷୀଚେଶ୍ଵରୀ ଦେଵୀ ଚେହାତ୍ରୟଵିଵର୍ଜିତା ।
ଉମା ଚୋଷା ହ୍ୟୁଡୁନିଭା ଉର୍ଵାରୁକଫଲାନନା ॥ ୨୧ ॥
ଉଡୁପ୍ରଭା ଚୋଡୁମତୀ ହ୍ୟୁଡୁପା ହ୍ୟୁଡୁମଧ୍ୟଗା ।
ଊର୍ଧ୍ଵା ଚାପ୍ୟୂର୍ଧ୍ଵକେଶୀ ଚାପ୍ୟୂର୍ଧ୍ଵାଧୋଗତିଭେଦିନୀ ॥ ୨୨ ॥
ଊର୍ଧ୍ଵବାହୁପ୍ରିୟା ଚୋର୍ମିମାଲାଵାଗ୍ଗ୍ରନ୍ଥଦାୟିନୀ ।
ଋତଂ ଚର୍ଷିରୃତୁମତୀ ଋଷିଦେଵନମସ୍କୃତା ॥ ୨୩ ॥
ଋଗ୍ଵେଦା ଋଣହର୍ତ୍ରୀ ଚ ଋଷିମଣ୍ଡଲଚାରିଣୀ ।
ଋଦ୍ଧିଦା ଋଜୁମାର୍ଗସ୍ଥା ଋଜୁଧର୍ମା ଋତୁପ୍ରଦା ॥ ୨୪ ॥
ଋଗ୍ଵେଦନିଲୟା ଋଜ୍ଵୀ ଲୁପ୍ତଧର୍ମପ୍ରଵର୍ତିନୀ ।
ଲୂତାରିଵରସମ୍ଭୂତା ଲୂତାଦିଵିଷହାରିଣୀ ॥ ୨୫ ॥
ଏକାକ୍ଷରା ଚୈକମାତ୍ରା ଚୈକା ଚୈକୈକନିଷ୍ଠିତା ।
ଐନ୍ଦ୍ରୀ ହ୍ୟୈରାଵତାରୂଢା ଚୈହିକାମୁଷ୍ମିକପ୍ରଦା ॥ ୨୬ ॥
ଓଂକାରା ହ୍ୟୋଷଧୀ ଚୋତା ଚୋତପ୍ରୋତନିଵାସିନୀ ।
ଔର୍ଵା ହ୍ୟୌଷଧସମ୍ପନ୍ନା ଔପାସନଫଲପ୍ରଦା ॥ ୨୭ ॥
ଅଣ୍ଡମଧ୍ୟସ୍ଥିତା ଦେଵୀ ଚାଃକାରମନୁରୂପିଣୀ ।
କାତ୍ୟାୟନୀ କାଲରାତ୍ରିଃ କାମାକ୍ଷୀ କାମସୁନ୍ଦରୀ ॥ ୨୮ ॥
କମଲା କାମିନୀ କାନ୍ତା କାମଦା କାଲକଣ୍ଠିନୀ ।
କରିକୁମ୍ଭସ୍ତନଭରା କରଵୀରସୁଵାସିନୀ ॥ ୨୯ ॥
କଲ୍ୟାଣୀ କୁଣ୍ଡଲଵତୀ କୁରୁକ୍ଷେତ୍ରନିଵାସିନୀ ।
କୁରୁଵିନ୍ଦଦଲାକାରା କୁଣ୍ଡଲୀ କୁମୁଦାଲୟା ॥ ୩୦ ॥
କାଲଜିହ୍ଵା କରାଲାସ୍ୟା କାଲିକା କାଲରୂପିଣୀ ।
କମନୀୟଗୁଣା କାନ୍ତିଃ କଲାଧାରା କୁମୁଦ୍ଵତୀ ॥ ୩୧ ॥
କୌଶିକୀ କମଲାକାରା କାମଚାରପ୍ରଭଞ୍ଜିନୀ ।
କୌମାରୀ କରୁଣାପାଙ୍ଗୀ କକୁବନ୍ତା କରିପ୍ରିୟା ॥ ୩୨ ॥
କେସରୀ କେଶଵନୁତା କଦମ୍ବକୁସୁମପ୍ରିୟା ।
କାଲିନ୍ଦୀ କାଲିକା କାଞ୍ଚୀ କଲଶୋଦ୍ଭଵସଂସ୍ତୁତା ॥ ୩୩ ॥
କାମମାତା କ୍ରତୁମତୀ କାମରୂପା କୃପାଵତୀ ।
କୁମାରୀ କୁଣ୍ଡନିଲୟା କିରାତୀ କୀରଵାହନା ॥ ୩୪ ॥
କୈକେୟୀ କୋକିଲାଲାପା କେତକୀ କୁସୁମପ୍ରିୟା ।
କମଣ୍ଡଲୁଧରା କାଲୀ କର୍ମନିର୍ମୂଲକାରିଣୀ ॥ ୩୫ ॥
କଲହଂସଗତିଃ କକ୍ଷା କୃତକୌତୁକମଙ୍ଗଲା ।
କସ୍ତୂରୀତିଲକା କମ୍ପ୍ରା କରୀନ୍ଦ୍ରଗମନା କୁହୂଃ ॥ ୩୬ ॥
କର୍ପୂରଲେପନା କୃଷ୍ଣା କପିଲା କୁହରାଶ୍ରୟା ।
କୂଟସ୍ଥା କୁଧରା କମ୍ରା କୁକ୍ଷିସ୍ଥାଖିଲଵିଷ୍ଟପା ॥ ୩୭ ॥
ଖଡ୍ଗଖେଟକରା ଖର୍ଵା ଖେଚରୀ ଖଗଵାହନା ।
ଖଟ୍ଵାଙ୍ଗଧାରିଣୀ ଖ୍ୟାତା ଖଗରାଜୋପରିସ୍ଥିତା ॥ ୩୮ ॥
ଖଲଘ୍ନୀ ଖଣ୍ଡିତଜରା ଖଣ୍ଡାଖ୍ୟାନପ୍ରଦାୟିନୀ ।
ଖଣ୍ଡେନ୍ଦୁତିଲକା ଗଙ୍ଗା ଗଣେଶଗୁହପୂଜିତା ॥ ୩୯ ॥
ଗାୟତ୍ରୀ ଗୋମତୀ ଗୀତା ଗାନ୍ଧାରୀ ଗାନଲୋଲୁପା ।
ଗୌତମୀ ଗାମିନୀ ଗାଧା ଗନ୍ଧର୍ଵାପ୍ସରସେଵିତା ॥ ୪୦ ॥
ଗୋଵିନ୍ଦଚରଣାକ୍ରାନ୍ତା ଗୁଣତ୍ରୟଵିଭାଵିତା ।
ଗନ୍ଧର୍ଵୀ ଗହ୍ଵରୀ ଗୋତ୍ରା ଗିରୀଶା ଗହନା ଗମୀ ॥ ୪୧ ॥
ଗୁହାଵାସା ଗୁଣଵତୀ ଗୁରୁପାପପ୍ରଣାଶିନୀ ।
ଗୁର୍ଵୀ ଗୁଣଵତୀ ଗୁହ୍ୟା ଗୋପ୍ତଵ୍ୟା ଗୁଣଦାୟିନୀ ॥ ୪୨ ॥
ଗିରିଜା ଗୁହ୍ୟମାତଙ୍ଗୀ ଗରୁଡଧ୍ଵଜଵଲ୍ଲଭା ।
ଗର୍ଵାପହାରିଣୀ ଗୋଦା ଗୋକୁଲସ୍ଥା ଗଦାଧରା ॥ ୪୩ ॥
ଗୋକର୍ଣନିଲୟାସକ୍ତା ଗୁହ୍ୟମଣ୍ଡଲଵର୍ତିନୀ ।
ଘର୍ମଦା ଘନଦା ଘଣ୍ଟା ଘୋରଦାନଵମର୍ଦିନୀ ॥ ୪୪ ॥
ଘୃଣିମନ୍ତ୍ରମୟୀ ଘୋଷା ଘନସମ୍ପାତଦାୟିନୀ ।
ଘଣ୍ଟାରଵପ୍ରିୟା ଘ୍ରାଣା ଘୃଣିସଂତୁଷ୍ଟକାରିଣୀ ॥ ୪୫ ॥
ଘନାରିମଣ୍ଡଲା ଘୂର୍ଣା ଘୃତାଚୀ ଘନଵେଗିନୀ ।
ଜ୍ଞାନଧାତୁମୟୀ ଚର୍ଚା ଚର୍ଚିତା ଚାରୁହାସିନୀ ॥ ୪୬ ॥
ଚଟୁଲା ଚଣ୍ଡିକା ଚିତ୍ରା ଚିତ୍ରମାଲ୍ୟଵିଭୂଷିତା ।
ଚତୁର୍ଭୁଜା ଚାରୁଦନ୍ତା ଚାତୁରୀ ଚରିତପ୍ରଦା ॥ ୪୭ ॥
ଚୂଲିକା ଚିତ୍ରଵସ୍ତ୍ରାନ୍ତା ଚନ୍ଦ୍ରମଃକର୍ଣକୁଣ୍ଡଲା ।
ଚନ୍ଦ୍ରହାସା ଚାରୁଦାତ୍ରୀ ଚକୋରୀ ଚନ୍ଦ୍ରହାସିନୀ ॥ ୪୮ ॥
ଚନ୍ଦ୍ରିକା ଚନ୍ଦ୍ରଧାତ୍ରୀ ଚ ଚୌରୀ ଚୌରା ଚ ଚଣ୍ଡିକା ।
ଚଞ୍ଚଦ୍ଵାଗ୍ଵାଦିନୀ ଚନ୍ଦ୍ରଚୂଡା ଚୋରଵିନାଶିନୀ ॥ ୪୯ ॥
ଚାରୁଚନ୍ଦନଲିପ୍ତାଙ୍ଗୀ ଚଞ୍ଚଚ୍ଚାମରଵୀଜିତା ।
ଚାରୁମଧ୍ୟା ଚାରୁଗତିଶ୍ଚନ୍ଦିଲା ଚନ୍ଦ୍ରରୂପିଣୀ ॥ ୫୦ ॥
ଚାରୁହୋମପ୍ରିୟା ଚାର୍ଵାଚରିତା ଚକ୍ରବାହୁକା ।
ଚନ୍ଦ୍ରମଣ୍ଡଲମଧ୍ୟସ୍ଥା ଚନ୍ଦ୍ରମଣ୍ଡଲଦର୍ପଣା ॥ ୫୧ ॥
ଚକ୍ରଵାକସ୍ତନୀ ଚେଷ୍ଟା ଚିତ୍ରା ଚାରୁଵିଲାସିନୀ ।
ଚିତ୍ସ୍ଵରୂପା ଚନ୍ଦ୍ରଵତୀ ଚନ୍ଦ୍ରମାଶ୍ଚନ୍ଦନପ୍ରିୟା ॥ ୫୨ ॥
ଚୋଦୟିତ୍ରୀ ଚିରପ୍ରଜ୍ଞା ଚାତକା ଚାରୁହେତୁକୀ ।
ଛତ୍ରୟାତା ଛତ୍ରଧରା ଛାୟା ଛନ୍ଦଃପରିଚ୍ଛଦା ॥ ୫୩ ॥
ଛାୟାଦେଵୀ ଛିଦ୍ରନଖା ଛନ୍ନେନ୍ଦ୍ରିୟଵିସର୍ପିଣୀ ।
ଛନ୍ଦୋଽନୁଷ୍ଟୁପ୍ପ୍ରତିଷ୍ଠାନ୍ତା ଛିଦ୍ରୋପଦ୍ରଵଭେଦିନୀ ॥ ୫୪ ॥
ଛେଦା ଛତ୍ରେଶ୍ଵରୀ ଛିନ୍ନା ଛୁରିକା ଛେଦନପ୍ରିୟା ।
ଜନନୀ ଜନ୍ମରହିତା ଜାତଵେଦା ଜଗନ୍ମୟୀ ॥ ୫୫ ॥
ଜାହ୍ନଵୀ ଜଟିଲା ଜେତ୍ରୀ ଜରାମରଣଵର୍ଜିତା ।
ଜମ୍ବୂଦ୍ଵୀପଵତୀ ଜ୍ଵାଲା ଜୟନ୍ତୀ ଜଲଶାଲିନୀ ॥ ୫୬ ॥
ଜିତେନ୍ଦ୍ରିୟା ଜିତକ୍ରୋଧା ଜିତାମିତ୍ରା ଜଗତ୍ପ୍ରିୟା ।
ଜାତରୂପମୟୀ ଜିହ୍ଵା ଜାନକୀ ଜଗତୀ ଜରା ॥ ୫୭ ॥
ଜନିତ୍ରୀ ଜହ୍ନୁତନୟା ଜଗତ୍ତ୍ରୟହିତୈଷିଣୀ ।
ଜ୍ଵାଲାମୁଖୀ ଜପଵତୀ ଜ୍ଵରଘ୍ନୀ ଜିତଵିଷ୍ଟପା ॥ ୫୮ ॥
ଜିତାକ୍ରାନ୍ତମୟୀ ଜ୍ଵାଲା ଜାଗ୍ରତୀ ଜ୍ଵରଦେଵତା ।
ଜ୍ଵଲନ୍ତୀ ଜଲଦା ଜ୍ୟେଷ୍ଠା ଜ୍ୟାଘୋଷାସ୍ଫୋଟଦିଙ୍ମୁଖୀ ॥ ୫୯ ॥
ଜମ୍ଭିନୀ ଜୃମ୍ଭଣା ଜୃମ୍ଭା ଜ୍ଵଲନ୍ମାଣିକ୍ୟକୁଣ୍ଡଲା ।
ଝିଂଝିକା ଝଣନିର୍ଘୋଷା ଝଂଝାମାରୁତଵେଗିନୀ ॥ ୬୦ ॥
ଝଲ୍ଲରୀଵାଦ୍ୟକୁଶଲା ଞରୂପା ଞଭୁଜା ସ୍ମୃତା ।
ଟଙ୍କବାଣସମାୟୁକ୍ତା ଟଙ୍କିନୀ ଟଙ୍କଭେଦିନୀ ॥ ୬୧ ॥
ଟଙ୍କୀଗଣକୃତାଘୋଷା ଟଙ୍କନୀୟମହୋରସା ।
ଟଙ୍କାରକାରିଣୀ ଦେଵୀ ଠଠଶବ୍ଦନିନାଦିନୀ ॥ ୬୨ ॥
ଡାମରୀ ଡାକିନୀ ଡିମ୍ଭା ଡୁଣ୍ଡମାରୈକନିର୍ଜିତା ।
ଡାମରୀତନ୍ତ୍ରମାର୍ଗସ୍ଥା ଡମଡ୍ଡମରୁନାଦିନୀ ॥ ୬୩ ॥
ଡିଣ୍ଡୀରଵସହା ଡିମ୍ଭଲସତ୍କ୍ରୀଡାପରାୟଣା ।
ଢୁଣ୍ଢିଵିଘ୍ନେଶଜନନୀ ଢକ୍କାହସ୍ତା ଢିଲିଵ୍ରଜା ॥ ୬୪ ॥
ନିତ୍ୟଜ୍ଞାନା ନିରୁପମା ନିର୍ଗୁଣା ନର୍ମଦା ନଦୀ ।
ତ୍ରିଗୁଣା ତ୍ରିପଦା ତନ୍ତ୍ରୀ ତୁଲସୀ ତରୁଣା ତରୁଃ ॥ ୬୫ ॥
ତ୍ରିଵିକ୍ରମପଦାକ୍ରାନ୍ତା ତୁରୀୟପଦଗାମିନୀ ।
ତରୁଣାଦିତ୍ୟସଂକାଶା ତାମସୀ ତୁହିନା ତୁରା ॥ ୬୬ ॥
ତ୍ରିକାଲଜ୍ଞାନସମ୍ପନ୍ନା ତ୍ରିଵଲୀ ଚ ତ୍ରିଲୋଚନା ।
ତ୍ରିଶକ୍ତିସ୍ତ୍ରିପୁରା ତୁଙ୍ଗା ତୁରଙ୍ଗଵଦନା ତଥା ॥ ୬୭ ॥
ତିମିଙ୍ଗିଲଗିଲା ତୀଵ୍ରା ତ୍ରିସ୍ରୋତା ତାମସାଦିନୀ ।
ତନ୍ତ୍ରମନ୍ତ୍ରଵିଶେଷଜ୍ଞା ତନୁମଧ୍ୟା ତ୍ରିଵିଷ୍ଟପା ॥ ୬୮ ॥
ତ୍ରିସନ୍ଧ୍ୟା ତ୍ରିସ୍ତନୀ ତୋଷାସଂସ୍ଥା ତାଲପ୍ରତାପିନୀ ।
ତାଟଙ୍କିନୀ ତୁଷାରାଭା ତୁହିନାଚଲଵାସିନୀ ॥ ୬୯ ॥
ତନ୍ତୁଜାଲସମାୟୁକ୍ତା ତାରହାରାଵଲିପ୍ରିୟା ।
ତିଲହୋମପ୍ରିୟା ତୀର୍ଥା ତମାଲକୁସୁମାକୃତିଃ ॥ ୭୦ ॥
ତାରକା ତ୍ରିୟୁତା ତନ୍ଵୀ ତ୍ରିଶଙ୍କୁପରିଵାରିତା ।
ତଲୋଦରୀ ତିଲାଭୂଷା ତାଟଙ୍କପ୍ରିୟଵାଦିନୀ ॥ ୭୧ ॥
ତ୍ରିଜଟା ତିତ୍ତିରୀ ତୃଷ୍ଣା ତ୍ରିଵିଧା ତରୁଣାକୃତିଃ ।
ତପ୍ତକାଞ୍ଚନସଂକାଶା ତପ୍ତକାଞ୍ଚନଭୂଷଣା ॥ ୭୨ ॥
ତ୍ରୈୟମ୍ବକା ତ୍ରିଵର୍ଗା ଚ ତ୍ରିକାଲଜ୍ଞାନଦାୟିନୀ ।
ତର୍ପଣା ତୃପ୍ତିଦା ତୃପ୍ତା ତାମସୀ ତୁମ୍ବୁରୁସ୍ତୁତା ॥ ୭୩ ॥
ତାର୍କ୍ଷ୍ୟସ୍ଥା ତ୍ରିଗୁଣାକାରା ତ୍ରିଭଙ୍ଗୀ ତନୁଵଲ୍ଲରିଃ ।
ଥାତ୍କାରୀ ଥାରଵା ଥାନ୍ତା ଦୋହିନୀ ଦୀନଵତ୍ସଲା ॥ ୭୪ ॥
ଦାନଵାନ୍ତକରୀ ଦୁର୍ଗା ଦୁର୍ଗାସୁରନିବର୍ହିଣୀ ।
ଦେଵରୀତିର୍ଦିଵାରାତ୍ରିର୍ଦ୍ରୌପଦୀ ଦୁନ୍ଦୁଭିସ୍ଵନା ॥ ୭୫ ॥
ଦେଵୟାନୀ ଦୁରାଵାସା ଦାରିଦ୍ର୍ୟୋଦ୍ଭେଦିନୀ ଦିଵା ।
ଦାମୋଦରପ୍ରିୟା ଦୀପ୍ତା ଦିଗ୍ଵାସା ଦିଗ୍ଵିମୋହିନୀ ॥ ୭୬ ॥
ଦଣ୍ଡକାରଣ୍ୟନିଲୟା ଦଣ୍ଡିନୀ ଦେଵପୂଜିତା ।
ଦେଵଵନ୍ଦ୍ୟା ଦିଵିଷଦା ଦ୍ଵେଷିଣୀ ଦାନଵାକୃତିଃ ॥ ୭୭ ॥
ଦୀନାନାଥସ୍ତୁତା ଦୀକ୍ଷା ଦୈଵତାଦିସ୍ଵରୂପିଣୀ ।
ଧାତ୍ରୀ ଧନୁର୍ଧରା ଧେନୁର୍ଧାରିଣୀ ଧର୍ମଚାରିଣୀ ॥ ୭୮ ॥
ଧରନ୍ଧରା ଧରାଧାରା ଧନଦା ଧାନ୍ୟଦୋହିନୀ ।
ଧର୍ମଶୀଲା ଧନାଧ୍ୟକ୍ଷା ଧନୁର୍ଵେଦଵିଶାରଦା ॥ ୭୯ ॥
ଧୃତିର୍ଧନ୍ୟା ଧୃତପଦା ଧର୍ମରାଜପ୍ରିୟା ଧ୍ରୁଵା ।
ଧୂମାଵତୀ ଧୂମକେଶୀ ଧର୍ମଶାସ୍ତ୍ରପ୍ରକାଶିନୀ ॥ ୮୦ ॥
ନନ୍ଦା ନନ୍ଦପ୍ରିୟା ନିଦ୍ରା ନୃନୁତା ନନ୍ଦନାତ୍ମିକା ।
ନର୍ମଦା ନଲିନୀ ନୀଲା ନୀଲକଣ୍ଠସମାଶ୍ରୟା ॥ ୮୧ ॥
ନାରାୟଣପ୍ରିୟା ନିତ୍ୟା ନିର୍ମଲା ନିର୍ଗୁଣା ନିଧିଃ ।
ନିରାଧାରା ନିରୁପମା ନିତ୍ୟଶୁଦ୍ଧା ନିରଞ୍ଜନା ॥ ୮୨ ॥
ନାଦବିନ୍ଦୁକଲାତୀତା ନାଦବିନ୍ଦୁକଲାତ୍ମିକା ।
ନୃସିଂହିନୀ ନଗଧରା ନୃପନାଗଵିଭୂଷିତା ॥ ୮୩ ॥
ନରକକ୍ଲେଶଶମନୀ ନାରାୟଣପଦୋଦ୍ଭଵା ।
ନିରଵଦ୍ୟା ନିରାକାରା ନାରଦପ୍ରିୟକାରିଣୀ ॥ ୮୪ ॥
ନାନାଜ୍ୟୋତିଃ ସମାଖ୍ୟାତା ନିଧିଦା ନିର୍ମଲାତ୍ମିକା ।
ନଵସୂତ୍ରଧରା ନୀତିର୍ନିରୁପଦ୍ରଵକାରିଣୀ ॥ ୮୫ ॥
ନନ୍ଦଜା ନଵରତ୍ନାଢ୍ୟା ନୈମିଷାରଣ୍ୟଵାସିନୀ ।
ନଵନୀତପ୍ରିୟା ନାରୀ ନୀଲଜୀମୂତନିସ୍ଵନା ॥ ୮୬ ॥
ନିମେଷିଣୀ ନଦୀରୂପା ନୀଲଗ୍ରୀଵା ନିଶୀଶ୍ଵରୀ ।
ନାମାଵଲିର୍ନିଶୁମ୍ଭଘ୍ନୀ ନାଗଲୋକନିଵାସିନୀ ॥ ୮୭ ॥
ନଵଜାମ୍ବୂନଦପ୍ରଖ୍ୟା ନାଗଲୋକାଧିଦେଵତା ।
ନୂପୁରାକ୍ରାନ୍ତଚରଣା ନରଚିତ୍ତପ୍ରମୋଦିନୀ ॥ ୮୮ ॥
ନିମଗ୍ନାରକ୍ତନୟନା ନିର୍ଘାତସମନିସ୍ଵନା ।
ନନ୍ଦନୋଦ୍ୟାନନିଲୟା ନିର୍ଵ୍ୟୂହୋପରିଚାରିଣୀ ॥ ୮୯ ॥
ପାର୍ଵତୀ ପରମୋଦାରା ପରବ୍ରହ୍ମାତ୍ମିକା ପରା ।
ପଞ୍ଚକୋଶଵିନିର୍ମୁକ୍ତା ପଞ୍ଚପାତକନାଶିନୀ ॥ ୯୦ ॥
ପରଚିତ୍ତଵିଧାନଜ୍ଞା ପଞ୍ଚିକା ପଞ୍ଚରୂପିଣୀ ।
ପୂର୍ଣିମା ପରମା ପ୍ରୀତିଃ ପରତେଜଃ ପ୍ରକାଶିନୀ ॥ ୯୧ ॥
ପୁରାଣୀ ପୌରୁଷୀ ପୁଣ୍ୟା ପୁଣ୍ଡରୀକନିଭେକ୍ଷଣା ।
ପାତାଲତଲନିର୍ମଗ୍ନା ପ୍ରୀତା ପ୍ରୀତିଵିଵର୍ଧିନୀ ॥ ୯୨ ॥
ପାଵନୀ ପାଦସହିତା ପେଶଲା ପଵନାଶିନୀ ।
ପ୍ରଜାପତିଃ ପରିଶ୍ରାନ୍ତା ପର୍ଵତସ୍ତନମଣ୍ଡଲା ॥ ୯୩ ॥
ପଦ୍ମପ୍ରିୟା ପଦ୍ମସଂସ୍ଥା ପଦ୍ମାକ୍ଷୀ ପଦ୍ମସମ୍ଭଵା ।
ପଦ୍ମପତ୍ରା ପଦ୍ମପଦା ପଦ୍ମିନୀ ପ୍ରିୟଭାଷିଣୀ ॥ ୯୪ ॥
ପଶୁପାଶଵିନିର୍ମୁକ୍ତା ପୁରନ୍ଧ୍ରୀ ପୁରଵାସିନୀ ।
ପୁଷ୍କଲା ପୁରୁଷା ପର୍ଵା ପାରିଜାତସୁମପ୍ରିୟା ॥ ୯୫ ॥
ପତିଵ୍ରତା ପଵିତ୍ରାଙ୍ଗୀ ପୁଷ୍ପହାସପରାୟଣା ।
ପ୍ରଜ୍ଞାଵତୀସୁତା ପୌତ୍ରୀ ପୁତ୍ରପୂଜ୍ୟା ପୟସ୍ଵିନୀ ॥ ୯୬ ॥
ପଟ୍ଟିପାଶଧରା ପଙ୍କ୍ତିଃ ପିତୃଲୋକପ୍ରଦାୟିନୀ ।
ପୁରାଣୀ ପୁଣ୍ୟଶୀଲା ଚ ପ୍ରଣତାର୍ତିଵିନାଶିନୀ ॥ ୯୭ ॥
ପ୍ରଦ୍ୟୁମ୍ନଜନନୀ ପୁଷ୍ଟା ପିତାମହପରିଗ୍ରହା ।
ପୁଣ୍ଡରୀକପୁରାଵାସା ପୁଣ୍ଡରୀକସମାନନା ॥ ୯୮ ॥
ପୃଥୁଜଙ୍ଘା ପୃଥୁଭୁଜା ପୃଥୁପାଦା ପୃଥୂଦରୀ ।
ପ୍ରଵାଲଶୋଭା ପିଙ୍ଗାକ୍ଷୀ ପୀତଵାସାଃ ପ୍ରଚାପଲା ॥ ୯୯ ॥
ପ୍ରସଵା ପୁଷ୍ଟିଦା ପୁଣ୍ୟା ପ୍ରତିଷ୍ଠା ପ୍ରଣଵାଗତିଃ ।
ପଞ୍ଚଵର୍ଣା ପଞ୍ଚଵାଣୀ ପଞ୍ଚିକା ପଞ୍ଚରସ୍ଥିତା ॥ ୧୦୦ ॥
ପରମାୟା ପରଜ୍ୟୋତିଃ ପରପ୍ରୀତିଃ ପରାଗତିଃ ।
ପରାକାଷ୍ଠା ପରେଶାନୀ ପାଵିନୀ ପାଵକଦ୍ୟୁତିଃ ॥ ୧୦୧ ॥
ପୁଣ୍ୟଭଦ୍ରା ପରିଚ୍ଛେଦ୍ୟା ପୁଷ୍ପହାସା ପୃଥୂଦରୀ ।
ପୀତାଙ୍ଗୀ ପୀତଵସନା ପୀତଶୟ୍ୟା ପିଶାଚିନୀ ॥ ୧୦୨ ॥
ପୀତକ୍ରିୟା ପିଶାଚଘ୍ନୀ ପାଟଲାକ୍ଷୀ ପଟୁକ୍ରିୟା ।
ପଞ୍ଚଭକ୍ଷପ୍ରିୟାଚାରା ପୂତନାପ୍ରାଣଘାତିନୀ ॥ ୧୦୩ ॥
ପୁନ୍ନାଗଵନମଧ୍ୟସ୍ଥା ପୁଣ୍ୟତୀର୍ଥନିଷେଵିତା ।
ପଞ୍ଚାଙ୍ଗୀ ଚ ପରାଶକ୍ତିଃ ପରମାହ୍ଲାଦକାରିଣୀ ॥ ୧୦୪ ॥
ପୁଷ୍ପକାଣ୍ଡସ୍ଥିତା ପୂଷା ପୋଷିତାଖିଲଵିଷ୍ଟପା ।
ପାନପ୍ରିୟା ପଞ୍ଚଶିଖା ପନ୍ନଗୋପରିଶାୟିନୀ ॥ ୧୦୫ ॥
ପଞ୍ଚମାତ୍ରାତ୍ମିକା ପୃଥ୍ଵୀ ପଥିକା ପୃଥୁଦୋହିନୀ ।
ପୁରାଣନ୍ୟାୟମୀମାଂସା ପାଟଲୀ ପୁଷ୍ପଗନ୍ଧିନୀ ॥ ୧୦୬ ॥
ପୁଣ୍ୟପ୍ରଜା ପାରଦାତ୍ରୀ ପରମାର୍ଗୈକଗୋଚରା ।
ପ୍ରଵାଲଶୋଭା ପୂର୍ଣାଶା ପ୍ରଣଵା ପଲ୍ଲଵୋଦରୀ ॥ ୧୦୭ ॥
ଫଲିନୀ ଫଲଦା ଫଲ୍ଗୁଃ ଫୂତ୍କାରୀ ଫଲକାକୃତିଃ ।
ଫଣୀନ୍ଦ୍ରଭୋଗଶୟନା ଫଣିମଣ୍ଡଲମଣ୍ଡିତା ॥ ୧୦୮ ॥
ବାଲବାଲା ବହୁମତା ବାଲାତପନିଭାଂଶୁକା ।
ବଲଭଦ୍ରପ୍ରିୟା ଵନ୍ଦ୍ୟା ଵଡଵା ବୁଦ୍ଧିସଂସ୍ତୁତା ॥ ୧୦୯ ॥
ବନ୍ଦୀଦେଵୀ ବିଲଵତୀ ବଡିଶଘ୍ନୀ ବଲିପ୍ରିୟା ।
ବାନ୍ଧଵୀ ବୋଧିତା ବୁଦ୍ଧିର୍ବନ୍ଧୂକକୁସୁମପ୍ରିୟା ॥ ୧୧୦ ॥
ବାଲଭାନୁପ୍ରଭାକାରା ବ୍ରାହ୍ମୀ ବ୍ରାହ୍ମଣଦେଵତା ।
ବୃହସ୍ପତିସ୍ତୁତା ଵୃନ୍ଦା ଵୃନ୍ଦାଵନଵିହାରିଣୀ ॥ ୧୧୧ ॥
ବାଲାକିନୀ ବିଲାହାରା ବିଲଵାସା ବହୂଦକା ।
ବହୁନେତ୍ରା ବହୁପଦା ବହୁକର୍ଣାଵତଂସିକା ॥ ୧୧୨ ॥
ବହୁବାହୁୟୁତା ବୀଜରୂପିଣୀ ବହୁରୂପିଣୀ ।
ବିନ୍ଦୁନାଦକଲାତୀତା ବିନ୍ଦୁନାଦସ୍ଵରୂପିଣୀ ॥ ୧୧୩ ॥
ବଦ୍ଧଗୋଧାଙ୍ଗୁଲିତ୍ରାଣା ବଦର୍ୟାଶ୍ରମଵାସିନୀ ।
ବୃନ୍ଦାରକା ବୃହତ୍ସ୍କନ୍ଧା ବୃହତୀ ବାଣପାତିନୀ ॥ ୧୧୪ ॥
ଵୃନ୍ଦାଧ୍ୟକ୍ଷା ବହୁନୁତା ଵନିତା ବହୁଵିକ୍ରମା ।
ବଦ୍ଧପଦ୍ମାସନାସୀନା ବିଲ୍ଵପତ୍ରତଲସ୍ଥିତା ॥ ୧୧୫ ॥
ବୋଧିଦ୍ରୁମନିଜାଵାସା ବଡିସ୍ଥା ବିନ୍ଦୁଦର୍ପଣା ।
ବାଲା ବାଣାସନଵତୀ ଵଡଵାନଲଵେଗିନୀ ॥ ୧୧୬ ॥
ବ୍ରହ୍ମାଣ୍ଡବହିରନ୍ତଃସ୍ଥା ବ୍ରହ୍ମକଙ୍କଣସୂତ୍ରିଣୀ ।
ଭଵାନୀ ଭୀଷଣଵତୀ ଭାଵିନୀ ଭୟହାରିଣୀ ॥ ୧୧୭ ॥
ଭଦ୍ରକାଲୀ ଭୁଜଙ୍ଗାକ୍ଷୀ ଭାରତୀ ଭାରତାଶୟା ।
ଭୈରଵୀ ଭୀଷଣାକାରା ଭୂତିଦା ଭୂତିମାଲିନୀ ॥ ୧୧୮ ॥
ଭାମିନୀ ଭୋଗନିରତା ଭଦ୍ରଦା ଭୂରିଵିକ୍ରମା ।
ଭୂତଵାସା ଭୃଗୁଲତା ଭାର୍ଗଵୀ ଭୂସୁରାର୍ଚିତା ॥ ୧୧୯ ॥
ଭାଗୀରଥୀ ଭୋଗଵତୀ ଭଵନସ୍ଥା ଭିଷଗ୍ଵରା ।
ଭାମିନୀ ଭୋଗିନୀ ଭାଷା ଭଵାନୀ ଭୂରିଦକ୍ଷିଣା ॥ ୧୨୦ ॥
ଭର୍ଗାତ୍ମିକା ଭୀମଵତୀ ଭଵବନ୍ଧଵିମୋଚିନୀ ।
ଭଜନୀୟା ଭୂତଧାତ୍ରୀରଞ୍ଜିତା ଭୁଵନେଶ୍ଵରୀ ॥ ୧୨୧ ॥
ଭୁଜଙ୍ଗଵଲୟା ଭୀମା ଭେରୁଣ୍ଡା ଭାଗଧେୟିନୀ ।
ମାତା ମାୟା ମଧୁମତୀ ମଧୁଜିହ୍ଵା ମଧୁପ୍ରିୟା ॥ ୧୨୨ ॥
ମହାଦେଵୀ ମହାଭାଗା ମାଲିନୀ ମୀନଲୋଚନା ।
ମାୟାତୀତା ମଧୁମତୀ ମଧୁମାଂସା ମଧୁଦ୍ରଵା ॥ ୧୨୩ ॥
ମାନଵୀ ମଧୁସମ୍ଭୂତା ମିଥିଲାପୁରଵାସିନୀ ।
ମଧୁକୈଟଭସଂହର୍ତ୍ରୀ ମେଦିନୀ ମେଘମାଲିନୀ ॥ ୧୨୪ ॥
ମନ୍ଦୋଦରୀ ମହାମାୟା ମୈଥିଲୀ ମସୃଣପ୍ରିୟା ।
ମହାଲକ୍ଷ୍ମୀର୍ମହାକାଲୀ ମହାକନ୍ୟା ମହେଶ୍ଵରୀ ॥ ୧୨୫ ॥
ମାହେନ୍ଦ୍ରୀ ମେରୁତନୟା ମନ୍ଦାରକୁସୁମାର୍ଚିତା ।
ମଞ୍ଜୁମଞ୍ଜୀରଚରଣା ମୋକ୍ଷଦା ମଞ୍ଜୁଭାଷିଣୀ ॥ ୧୨୬ ॥
ମଧୁରଦ୍ରାଵିଣୀ ମୁଦ୍ରା ମଲୟା ମଲୟାନ୍ଵିତା ।
ମେଧା ମରକତଶ୍ୟାମା ମାଗଧୀ ମେନକାତ୍ମଜା ॥ ୧୨୭ ॥
ମହାମାରୀ ମହାଵୀରା ମହାଶ୍ୟାମା ମନୁସ୍ତୁତା ।
ମାତୃକା ମିହିରାଭାସା ମୁକୁନ୍ଦପଦଵିକ୍ରମା ॥ ୧୨୮ ॥
ମୂଲାଧାରସ୍ଥିତା ମୁଗ୍ଧା ମଣିପୂରକଵାସିନୀ ।
ମୃଗାକ୍ଷୀ ମହିଷାରୂଢା ମହିଷାସୁରମର୍ଦିନୀ ॥ ୧୨୯ ॥
ୟୋଗାସନା ୟୋଗଗମ୍ୟା ୟୋଗା ୟୌଵନକାଶ୍ରୟା ।
ୟୌଵନୀ ୟୁଦ୍ଧମଧ୍ୟସ୍ଥା ୟମୁନା ୟୁଗଧାରିଣୀ ॥ ୧୩୦ ॥
ୟକ୍ଷିଣୀ ୟୋଗୟୁକ୍ତା ଚ ୟକ୍ଷରାଜପ୍ରସୂତିନୀ ।
ୟାତ୍ରା ୟାନଵିଧାନଜ୍ଞା ୟଦୁଵଂଶସମୁଦ୍ଭଵା ॥ ୧୩୧ ॥
ୟକାରାଦିହକାରାନ୍ତା ୟାଜୁଷୀ ୟଜ୍ଞରୂପିଣୀ ।
ୟାମିନୀ ୟୋଗନିରତା ୟାତୁଧାନଭୟଙ୍କରୀ ॥ ୧୩୨ ॥
ରୁକ୍ମିଣୀ ରମଣୀ ରାମା ରେଵତୀ ରେଣୁକା ରତିଃ ।
ରୌଦ୍ରୀ ରୌଦ୍ରପ୍ରିୟାକାରା ରାମମାତା ରତିପ୍ରିୟା ॥ ୧୩୩ ॥
ରୋହିଣୀ ରାଜ୍ୟଦା ରେଵା ରମା ରାଜୀଵଲୋଚନା ।
ରାକେଶୀ ରୂପସମ୍ପନ୍ନା ରତ୍ନସିଂହାସନସ୍ଥିତା ॥ ୧୩୪ ॥
ରକ୍ତମାଲ୍ୟାମ୍ବରଧରା ରକ୍ତଗନ୍ଧାନୁଲେପନା ।
ରାଜହଂସସମାରୂଢା ରମ୍ଭା ରକ୍ତବଲିପ୍ରିୟା ॥ ୧୩୫ ॥
ରମଣୀୟୟୁଗାଧାରା ରାଜିତାଖିଲଭୂତଲା ।
ରୁରୁଚର୍ମପରୀଧାନା ରଥିନୀ ରତ୍ନମାଲିକା ॥ ୧୩୬ ॥
ରୋଗେଶୀ ରୋଗଶମନୀ ରାଵିଣୀ ରୋମହର୍ଷିଣୀ ।
ରାମଚନ୍ଦ୍ରପଦାକ୍ରାନ୍ତା ରାଵଣଚ୍ଛେଦକାରିଣୀ ॥ ୧୩୭ ॥
ରତ୍ନଵସ୍ତ୍ରପରିଚ୍ଛନ୍ନା ରଥସ୍ଥା ରୁକ୍ମଭୂଷଣା ।
ଲଜ୍ଜାଧିଦେଵତା ଲୋଲା ଲଲିତା ଲିଙ୍ଗଧାରିଣୀ ॥ ୧୩୮ ॥
ଲକ୍ଷ୍ମୀର୍ଲୋଲା ଲୁପ୍ତଵିଷା ଲୋକିନୀ ଲୋକଵିଶ୍ରୁତା ।
ଲଜ୍ଜା ଲମ୍ବୋଦରୀ ଦେଵୀ ଲଲନା ଲୋକଧାରିଣୀ ॥ ୧୩୯ ॥
ଵରଦା ଵନ୍ଦିତା ଵିଦ୍ୟା ଵୈଷ୍ଣଵୀ ଵିମଲାକୃତିଃ ।
ଵାରାହୀ ଵିରଜା ଵର୍ଷା ଵରଲକ୍ଷ୍ମୀର୍ଵିଲାସିନୀ ॥ ୧୪୦ ॥
ଵିନତା ଵ୍ୟୋମମଧ୍ୟସ୍ଥା ଵାରିଜାସନସଂସ୍ଥିତା ।
ଵାରୁଣୀ ଵେଣୁସମ୍ଭୂତା ଵୀତିହୋତ୍ରା ଵିରୂପିଣୀ ॥ ୧୪୧ ॥
ଵାୟୁମଣ୍ଡଲମଧ୍ୟସ୍ଥା ଵିଷ୍ଣୁରୂପା ଵିଧିପ୍ରିୟା ।
ଵିଷ୍ଣୁପତ୍ନୀ ଵିଷ୍ଣୁମତୀ ଵିଶାଲାକ୍ଷୀ ଵସୁନ୍ଧରା ॥ ୧୪୨ ॥
ଵାମଦେଵପ୍ରିୟା ଵେଲା ଵଜ୍ରିଣୀ ଵସୁଦୋହିନୀ ।
ଵେଦାକ୍ଷରପରୀତାଙ୍ଗୀ ଵାଜପେୟଫଲପ୍ରଦା ॥ ୧୪୩ ॥
ଵାସଵୀ ଵାମଜନନୀ ଵୈକୁଣ୍ଠନିଲୟା ଵରା ।
ଵ୍ୟାସପ୍ରିୟା ଵର୍ମଧରା ଵାଲ୍ମୀକିପରିସେଵିତା ॥ ୧୪୪ ॥
ଶାକମ୍ଭରୀ ଶିଵା ଶାନ୍ତା ଶରଦା ଶରଣାଗତିଃ ।
ଶାତୋଦରୀ ଶୁଭାଚାରା ଶୁମ୍ଭାସୁରଵିମର୍ଦିନୀ ॥ ୧୪୫ ॥
ଶୋଭାଵତୀ ଶିଵାକାରା ଶଂକରାର୍ଧଶରୀରିଣୀ ।
ଶୋଣା ଶୁଭାଶୟା ଶୁଭ୍ରା ଶିରଃସନ୍ଧାନକାରିଣୀ ॥ ୧୪୬ ॥
ଶରାଵତୀ ଶରାନନ୍ଦା ଶରଜ୍ଜ୍ୟୋତ୍ସ୍ନା ଶୁଭାନନା ।
ଶରଭା ଶୂଲିନୀ ଶୁଦ୍ଧା ଶବରୀ ଶୁକଵାହନା ॥ ୧୪୭ ॥
ଶ୍ରୀମତୀ ଶ୍ରୀଧରାନନ୍ଦା ଶ୍ରଵଣାନନ୍ଦଦାୟିନୀ ।
ଶର୍ଵାଣୀ ଶର୍ଵରୀଵନ୍ଦ୍ୟା ଷଡ୍ଭାଷା ଷଡୃତୁପ୍ରିୟା ॥ ୧୪୮ ॥
ଷଡାଧାରସ୍ଥିତା ଦେଵୀ ଷଣ୍ମୁଖପ୍ରିୟକାରିଣୀ ।
ଷଡଙ୍ଗରୂପସୁମତିସୁରାସୁରନମସ୍କୃତା ॥ ୧୪୯ ॥
ସରସ୍ଵତୀ ସଦାଧାରା ସର୍ଵମଙ୍ଗଲକାରିଣୀ ।
ସାମଗାନପ୍ରିୟା ସୂକ୍ଷ୍ମା ସାଵିତ୍ରୀ ସାମସମ୍ଭଵା ॥ ୧୫୦ ॥
ସର୍ଵାଵାସା ସଦାନନ୍ଦା ସୁସ୍ତନୀ ସାଗରାମ୍ବରା ।
ସର୍ଵୈଶ୍ଵର୍ୟପ୍ରିୟା ସିଦ୍ଧିଃ ସାଧୁବନ୍ଧୁପରାକ୍ରମା ॥ ୧୫୧ ॥
ସପ୍ତର୍ଷିମଣ୍ଡଲଗତା ସୋମମଣ୍ଡଲଵାସିନୀ ।
ସର୍ଵଜ୍ଞା ସାନ୍ଦ୍ରକରୁଣା ସମାନାଧିକଵର୍ଜିତା ॥ ୧୫୨ ॥
ସର୍ଵୋତ୍ତୁଙ୍ଗା ସଙ୍ଗହୀନା ସଦ୍ଗୁଣା ସକଲେଷ୍ଟଦା ।
ସରଧା ସୂର୍ୟତନୟା ସୁକେଶୀ ସୋମସଂହତିଃ ॥ ୧୫୩ ॥
ହିରଣ୍ୟଵର୍ଣା ହରିଣୀ ହ୍ରୀଂକାରୀ ହଂସଵାହିନୀ ।
କ୍ଷୌମଵସ୍ତ୍ରପରୀତାଙ୍ଗୀ କ୍ଷୀରାବ୍ଧିତନୟା କ୍ଷମା ॥ ୧୫୪ ॥
ଗାୟତ୍ରୀ ଚୈଵ ସାଵିତ୍ରୀ ପାର୍ଵତୀ ଚ ସରସ୍ଵତୀ ।
ଵେଦଗର୍ଭା ଵରାରୋହା ଶ୍ରୀଗାୟତ୍ରୀ ପରାମ୍ବିକା ॥ ୧୫୫ ॥
ଇତି ସାହସ୍ରକଂ ନାମ୍ନାଂ ଗାୟତ୍ର୍ୟାଶ୍ଚୈଵ ନାରଦ ।
ପୁଣ୍ୟଦଂ ସର୍ଵପାପଘ୍ନଂ ମହାସମ୍ପତ୍ତିଦାୟକମ୍ ॥ ୧୫୬ ॥
ଏଵଂ ନାମାନି ଗାୟତ୍ର୍ୟାସ୍ତୋଷୋତ୍ପତ୍ତିକରାଣି ହି ।
ଅଷ୍ଟମ୍ୟାଂ ଚ ଵିଶେଷେଣ ପଠିତଵ୍ୟଂ ଦ୍ଵିଜୈଃ ସହ ॥ ୧୫୭ ॥
ଜପଂ କୃତ୍ଵାହୂମ ପୂଜାଧ୍ୟାନଂ କୃତ୍ଵା ଵିଶେଷତଃ ।
ୟସ୍ମୈ କସ୍ମୈ ନ ଦାତଵ୍ୟଂ ଗାୟତ୍ର୍ୟାସ୍ତୁ ଵିଶେଷତଃ ॥ ୧୫୮ ॥
ସୁଭକ୍ତାୟ ସୁଶିଷ୍ୟାୟ ଵକ୍ତଵ୍ୟଂ ଭୂସୁ ରାୟ ଵୈ ।
ଭ୍ରଷ୍ଟେଭ୍ୟଃ ସାଧକେଭ୍ୟଶ୍ଚ ବାନ୍ଧଵେଭ୍ୟୋ ନ ଦର୍ଶୟେତ୍ ॥ ୧୫୯ ॥
ୟଦ୍ଗୃହେ ଲିଖିତଂ ଶାସ୍ତ୍ରଂ ଭୟଂ ତସ୍ୟ ନ କସ୍ୟଚିତ୍ ।
ଚଞ୍ଚଲାପିସ୍ଥିରା ଭୂତ୍ଵା କମଲା ତତ୍ର ତିଷ୍ଠତି ॥ ୧୬୦ ॥
ଇଦଂ ରହସ୍ୟଂ ପରମଂ ଗୁହ୍ୟାଦ୍ଗୁହ୍ୟତରଂ ମହତ୍ ।
ପୁଣ୍ୟପ୍ରଦଂ ମନୁଷ୍ୟାଣାଂ ଦରିଦ୍ରାଣାଂନିଧିପ୍ରଦମ୍ ॥ ୧୬୧ ॥
ମୋକ୍ଷପ୍ରଦଂ ମୁମୁକ୍ଷୂଣାଂ କାମିନାଂ ସର୍ଵକାମଦମ୍ ।
ରୋଗାଦ୍ଵୈ ମୁଚ୍ୟତେ ରୋଗୀ ବଦ୍ଧୋ ମୁଚ୍ୟେତ ବନ୍ଧନାତ୍ ॥ ୧୬୨ ॥
ବ୍ରହ୍ମହତ୍ୟା ସୁରାପାନଂ ସୁଵର୍ଣସ୍ତେୟିନୋ ନରାଃ ।
ଗୁରୁତଲ୍ପଗତୋ ଵାପି ପାତକାତନ୍ମୁଚ୍ୟତେ ସକୃତ୍ ॥ ୧୬୩ ॥
ଅସତ୍ପ୍ରତିଗ୍ରହାଚ୍ଚୈଵାଽଭକ୍ଷ୍ୟଭକ୍ଷାଦ୍ଵିଶେଷତଃ ।
ପାଖଣ୍ଡାନୃତ୍ୟମୁଖ୍ୟଭ୍ୟଃ ପାଠନାଦେଵ ମୁଚ୍ୟତେ ॥ ୧୬୪ ॥
ଇଦଂ ରହସ୍ୟମମଲଂ ମୟୋକ୍ତଂ ପଦ୍ମଜୋଦ୍ଭଵ ।
ବ୍ରହ୍ମସାୟୁଜ୍ୟଦଂ ନୄନାଂ ସତ୍ୟଂ ସନ୍ତ୍ୟ ନ ସଂଶୟ ॥ ୧୬୫ ॥
॥ ଇତି ଶ୍ରୀଦେଵୀଭାଗଵତେ ମହାପୁରାଣେ ଦ୍ଵାଦଶସ୍କନ୍ଧେ
ଗାୟତ୍ରୀସହସ୍ରନାମ ସ୍ତୋତ୍ରକଥନଂ ନାମ ଷଷ୍ଠୋଽଧ୍ୟାୟଃ ॥
Also Read 1000 Names of Sri Gayatri Devi Bhagavatam :
Devi Bhagavatam’s 1000 Names of Sri Gayatri | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
