দেব্যষ্টকম্ Lyrics in Bengali:
শ্রীগণেশায় নমঃ ।
মহাদেবীং মহাশক্তিং ভবানীং ভববল্লভাম্ ।
ভবার্তিভঞ্জনকরীং বন্দে ত্বাং লোকমাতরম্ ॥ ১॥
ভক্তপ্রিয়াং ভক্তিগম্যাং ভক্তানাং কীর্তিবর্ধিকাম্ ।
ভবপ্রিয়াং সতীং দেবীং বন্দে ত্বাং ভক্তবত্সলাম্ ॥ ২॥
অন্নপূর্ণাং সদাপূর্ণাং পার্বতীং পর্বপূজিতাম্ ।
মহেশ্বরীং বৃষারূঢাং বন্দে ত্বাং পরমেশ্বরীম্ ॥ ৩॥
কালরাত্রিং মহারাত্রিং মোহরাত্রিং জনেশ্বরীম্ ।
শিবকান্তাং শম্ভুশক্তিং বন্দে ত্বাং জননীমুমাম্ ॥ ৪॥
জগত্কর্ত্রীং জগদ্ধাত্রীং জগত্সংহারকারিণীম্ ।
মুনিভিঃ সংস্তুতাং ভদ্রাং বন্দে ত্বাং মোক্ষদায়িনীম্ ॥ ৫॥
দেবদুঃখহরামম্বাং সদা দেবসহায়কাম্ ।
মুনিদেবৈঃ সদাসেব্যাং বন্দে ত্বাং দেবপূজিতাম্ ॥ ৬॥
ত্রিনেত্রাং শঙ্করীং গৌরীং ভোগমোক্ষপ্রদাং শিবাম্ ।
মহামায়াং জগদ্বীজাং বন্দে ত্বাং জগদীশ্বরীম্ ॥ ৭॥
শরণাগতজীবানাং সর্বদুঃখবিনাশিনীম্ ।
সুখসম্পত্করাং নিত্যাং বন্দে ত্বাং প্রকৃতিং পরাম্ ॥ ৮॥
শরণাগতজীবানাং সর্বদুঃখবিনাশিনীম্ ।
সুখসম্পত্করাং নিত্যাং বন্দে ত্বাং প্রকৃতিং পরাম্ ॥ ৯॥
দেব্যষ্টকমিদং পুণ্যং য়োগানন্দেন নির্মিতম্ ।
য়ঃ পঠেদ্ভক্তিভাবেন লভতে স পরং সুখম্ ॥ ১০॥
ইতি য়োগানন্দবিরচিতং শ্রীদেব্যষ্টকং সম্পূর্ণম্ ॥
