Templesinindiainfo

Best Spiritual Website

Dhanya Ashtakam Lyrics in Gujarati | ધન્યાષ્ટકં

ધન્યાષ્ટકં Lyrics in Gujarati:

તજ્જ્ઞાનં પ્રશમકરં યદિન્દ્રિયાણાં
તજ્જ્ઞેયં યદુપનિષત્સુ નિશ્ચિતાર્થમ્ ।
તે ધન્યા ભુવિ પરમાર્થનિશ્ચિતેહાઃ
શેષાસ્તુ ભ્રમનિલયે પરિભ્રમન્તઃ ॥ ૧॥

આદૌ વિજિત્ય વિષયાન્મદમોહરાગ-
દ્વેષાદિશત્રુગણમાહૃતયોગરાજ્યાઃ ।
જ્ઞાત્વા મતં સમનુભૂયપરાત્મવિદ્યા-
કાન્તાસુખં વનગૃહે વિચરન્તિ ધન્યાઃ ॥ ૨॥

ત્યક્ત્વા ગૃહે રતિમધોગતિહેતુભૂતામ્
આત્મેચ્છયોપનિષદર્થરસં પિબન્તઃ ।
વીતસ્પૃહા વિષયભોગપદે વિરક્તા
ધન્યાશ્ચરન્તિ વિજનેષુ વિરક્તસઙ્ગાઃ ॥ ૩॥

ત્યક્ત્વા મમાહમિતિ બન્ધકરે પદે દ્વે
માનાવમાનસદૃશાઃ સમદર્શિનશ્ચ ।
કર્તારમન્યમવગમ્ય તદર્પિતાનિ
કુર્વન્તિ કર્મપરિપાકફલાનિ ધન્યાઃ ॥ ૪॥

ત્યક્ત્વઈષણાત્રયમવેક્ષિતમોક્ષમર્ગા
ભૈક્ષામૃતેન પરિકલ્પિતદેહયાત્રાઃ ।
જ્યોતિઃ પરાત્પરતરં પરમાત્મસંજ્ઞં
ધન્યા દ્વિજારહસિ હૃદ્યવલોકયન્તિ ॥ ૫॥

નાસન્ન સન્ન સદસન્ન મહસન્નચાણુ
ન સ્ત્રી પુમાન્ન ચ નપુંસકમેકબીજમ્ ।
યૈર્બ્રહ્મ તત્સમમુપાસિતમેકચિત્તૈઃ
ધન્યા વિરેજુરિત્તરેભવપાશબદ્ધાઃ ॥ ૬॥

અજ્ઞાનપઙ્કપરિમગ્નમપેતસારં
દુઃખાલયં મરણજન્મજરાવસક્તમ્ ।
સંસારબન્ધનમનિત્યમવેક્ષ્ય ધન્યા
જ્ઞાનાસિના તદવશીર્ય વિનિશ્ચયન્તિ ॥ ૭॥

શાન્તૈરનન્યમતિભિર્મધુરસ્વભાવૈઃ
એકત્વનિશ્ચિતમનોભિરપેતમોહૈઃ ।
સાકં વનેષુ વિજિતાત્મપદસ્વરુપં
તદ્વસ્તુ સમ્યગનિશં વિમૃશન્તિ ધન્યાઃ ॥ ૮॥

અહિમિવ જનયોગં સર્વદા વર્જયેદ્યઃ
કુણપમિવ સુનારીં ત્યક્તુકામો વિરાગી ।
વિષમિવ વિષયાન્યો મન્યમાનો દુરન્તાન્
જયતિ પરમહંસો મુક્તિભાવં સમેતિ ॥ ૯॥

સમ્પૂર્ણં જગદેવ નન્દનવનં સર્વેઽપિ કલ્પદ્રુમા
ગાઙ્ગં વરિ સમસ્તવારિનિવહઃ પુણ્યાઃ સમસ્તાઃ ક્રિયાઃ ।
વાચઃ પ્રાકૃતસંસ્કૃતાઃ શ્રુતિશિરોવારાણસી મેદિની
સર્વાવસ્થિતિરસ્ય વસ્તુવિષયા દૃષ્ટે પરબ્રહ્મણિ ॥ ૧૦॥

॥ ઇતિ શ્રીમદ્ શઙ્કરાચાર્યવિરચિતં ધન્યાષ્ટકં સમાપ્તમ્ ॥

Dhanya Ashtakam Lyrics in Gujarati | ધન્યાષ્ટકં

Leave a Reply

Your email address will not be published. Required fields are marked *

Scroll to top