Templesinindiainfo

Best Spiritual Website

Dhanya Ashtakam Lyrics in Oriya | ଧନ୍ୟାଷ୍ଟକଂ

ଧନ୍ୟାଷ୍ଟକଂ Lyrics in Oriya:

ତଜ୍ଜ୍ଞାନଂ ପ୍ରଶମକରଂ ୟଦିନ୍ଦ୍ରିୟାଣାଂ
ତଜ୍ଜ୍ଞେୟଂ ୟଦୁପନିଷତ୍ସୁ ନିଶ୍ଚିତାର୍ଥମ୍ ।
ତେ ଧନ୍ୟା ଭୁଵି ପରମାର୍ଥନିଶ୍ଚିତେହାଃ
ଶେଷାସ୍ତୁ ଭ୍ରମନିଲୟେ ପରିଭ୍ରମନ୍ତଃ ॥ ୧॥

ଆଦୌ ଵିଜିତ୍ୟ ଵିଷୟାନ୍ମଦମୋହରାଗ-
ଦ୍ଵେଷାଦିଶତ୍ରୁଗଣମାହୃତୟୋଗରାଜ୍ୟାଃ ।
ଜ୍ଞାତ୍ଵା ମତଂ ସମନୁଭୂୟପରାତ୍ମଵିଦ୍ୟା-
କାନ୍ତାସୁଖଂ ଵନଗୃହେ ଵିଚରନ୍ତି ଧନ୍ୟାଃ ॥ ୨॥

ତ୍ୟକ୍ତ୍ଵା ଗୃହେ ରତିମଧୋଗତିହେତୁଭୂତାମ୍
ଆତ୍ମେଚ୍ଛୟୋପନିଷଦର୍ଥରସଂ ପିବନ୍ତଃ ।
ଵୀତସ୍ପୃହା ଵିଷୟଭୋଗପଦେ ଵିରକ୍ତା
ଧନ୍ୟାଶ୍ଚରନ୍ତି ଵିଜନେଷୁ ଵିରକ୍ତସଙ୍ଗାଃ ॥ ୩॥

ତ୍ୟକ୍ତ୍ଵା ମମାହମିତି ବନ୍ଧକରେ ପଦେ ଦ୍ଵେ
ମାନାଵମାନସଦୃଶାଃ ସମଦର୍ଶିନଶ୍ଚ ।
କର୍ତାରମନ୍ୟମଵଗମ୍ୟ ତଦର୍ପିତାନି
କୁର୍ଵନ୍ତି କର୍ମପରିପାକଫଲାନି ଧନ୍ୟାଃ ॥ ୪॥

ତ୍ୟକ୍ତ୍ଵଈଷଣାତ୍ରୟମଵେକ୍ଷିତମୋକ୍ଷମର୍ଗା
ଭୈକ୍ଷାମୃତେନ ପରିକଲ୍ପିତଦେହୟାତ୍ରାଃ ।
ଜ୍ୟୋତିଃ ପରାତ୍ପରତରଂ ପରମାତ୍ମସଂଜ୍ଞଂ
ଧନ୍ୟା ଦ୍ଵିଜାରହସି ହୃଦ୍ୟଵଲୋକୟନ୍ତି ॥ ୫॥

ନାସନ୍ନ ସନ୍ନ ସଦସନ୍ନ ମହସନ୍ନଚାଣୁ
ନ ସ୍ତ୍ରୀ ପୁମାନ୍ନ ଚ ନପୁଂସକମେକବୀଜମ୍ ।
ୟୈର୍ବ୍ରହ୍ମ ତତ୍ସମମୁପାସିତମେକଚିତ୍ତୈଃ
ଧନ୍ୟା ଵିରେଜୁରିତ୍ତରେଭଵପାଶବଦ୍ଧାଃ ॥ ୬॥

ଅଜ୍ଞାନପଙ୍କପରିମଗ୍ନମପେତସାରଂ
ଦୁଃଖାଲୟଂ ମରଣଜନ୍ମଜରାଵସକ୍ତମ୍ ।
ସଂସାରବନ୍ଧନମନିତ୍ୟମଵେକ୍ଷ୍ୟ ଧନ୍ୟା
ଜ୍ଞାନାସିନା ତଦଵଶୀର୍ୟ ଵିନିଶ୍ଚୟନ୍ତି ॥ ୭॥

ଶାନ୍ତୈରନନ୍ୟମତିଭିର୍ମଧୁରସ୍ଵଭାଵୈଃ
ଏକତ୍ଵନିଶ୍ଚିତମନୋଭିରପେତମୋହୈଃ ।
ସାକଂ ଵନେଷୁ ଵିଜିତାତ୍ମପଦସ୍ଵରୁପଂ
ତଦ୍ଵସ୍ତୁ ସମ୍ୟଗନିଶଂ ଵିମୃଶନ୍ତି ଧନ୍ୟାଃ ॥ ୮॥

ଅହିମିଵ ଜନୟୋଗଂ ସର୍ଵଦା ଵର୍ଜୟେଦ୍ୟଃ
କୁଣପମିଵ ସୁନାରୀଂ ତ୍ୟକ୍ତୁକାମୋ ଵିରାଗୀ ।
ଵିଷମିଵ ଵିଷୟାନ୍ୟୋ ମନ୍ୟମାନୋ ଦୁରନ୍ତାନ୍
ଜୟତି ପରମହଂସୋ ମୁକ୍ତିଭାଵଂ ସମେତି ॥ ୯॥

ସମ୍ପୂର୍ଣଂ ଜଗଦେଵ ନନ୍ଦନଵନଂ ସର୍ଵେଽପି କଲ୍ପଦ୍ରୁମା
ଗାଙ୍ଗଂ ଵରି ସମସ୍ତଵାରିନିଵହଃ ପୁଣ୍ୟାଃ ସମସ୍ତାଃ କ୍ରିୟାଃ ।
ଵାଚଃ ପ୍ରାକୃତସଂସ୍କୃତାଃ ଶ୍ରୁତିଶିରୋଵାରାଣସୀ ମେଦିନୀ
ସର୍ଵାଵସ୍ଥିତିରସ୍ୟ ଵସ୍ତୁଵିଷୟା ଦୃଷ୍ଟେ ପରବ୍ରହ୍ମଣି ॥ ୧୦॥

॥ ଇତି ଶ୍ରୀମଦ୍ ଶଙ୍କରାଚାର୍ୟଵିରଚିତଂ ଧନ୍ୟାଷ୍ଟକଂ ସମାପ୍ତମ୍ ॥

Dhanya Ashtakam Lyrics in Oriya | ଧନ୍ୟାଷ୍ଟକଂ

Leave a Reply

Your email address will not be published. Required fields are marked *

Scroll to top