Edanunnaḍo na Paliramu Telugu Lyrics:
పల్లవి:
ఏడనున్నాడో నా పాలిరాము
డేడనున్నాడో నా పాలిదేవు డేడనున్నాడో ఏ ॥
చరణము(లు):
ఏడనున్నాడో గానిజాడ తెలియరాదు
నాడు గజేంద్రుని కీడుబాపినతండ్రి ఏ ॥
ద్రౌణిబాణజ్వాల దాకిన బాలునికి
ప్రాణమిచ్చిన జగత్ప్రాణరక్షకుడు ఏ ॥
పాంచాలి సభలోన భంగమొందిననాడు
వంచనలేకను వలువలిచ్చినతండ్రి ఏ ॥
దూర్వాసుడుగ్రమున ధర్మసుతునిజూడ
నిర్వహించిన నవనీత చోరకుడు ఏ ॥
అక్షయముగ భద్రాచలమందున
సాక్షాత్కరించిన జగదేకవీరుడు ఏ ॥
Edanunnaḍo na Paliramu Lyrics in Telugu | Ramadasu Keerthana
