ગણેશાષ્ટકમ્ Lyrics in Gujarati:
યતોઽનન્તશક્તેરનન્તાશ્ચ જીવા
યતો નિર્ગુણાદપ્રમેયા ગુણાસ્તે ।
યતો ભાતિ સર્વં ત્રિધા ભેદભિન્નં
સદા તં ગણેશં નમામો ભજામઃ ॥ ૧॥
યતશ્ચાવિરાસીજ્જગત્સર્વમેત-
ત્તથાબ્જાસનો વિશ્વગો વિશ્વગોપ્તા ।
તથેન્દ્રાદયો દેવસઙ્ઘા મનુષ્યાઃ
સદા તં ગણેશં નમામો ભજામઃ ॥ ૨॥
યતો વહ્નિભાનૂ ભવો ભૂર્જલં ચ
યતઃ સાગરાશ્ચન્દ્રમા વ્યોમ વાયુઃ ।
યતઃ સ્થાવરા જઙ્ગમા વૃક્ષસઙ્ઘા-
સ્સદા તં ગણેશં નમામો ભજામઃ ॥ ૩॥
યતો દાનવા કિન્નરા યક્ષસઙ્ઘા
યતશ્ચારણા વારણા શ્વાપદાશ્ચ ।
યતઃ પક્ષિકીટા યતો વીરુધશ્ચ
સદા તં ગણેશં નમામો ભજામઃ ॥ ૪॥
યતો બુદ્ધિરજ્ઞાનનાશો મુમુક્ષોઃ
યતઃ સમ્પદો ભક્તસન્તોષિકાઃ સ્યુઃ ।
યતો વિઘ્નનાશો યતઃ કાર્યસિદ્ધિઃ
સદા તં ગણેશં નમામો ભજામઃ ॥ ૫॥
યતઃ પુત્રસમ્પદ્યતો વાઞ્છિતાર્થો
યતોઽભક્તવિઘ્નાસ્તથાનેકરૂપાઃ ।
યતઃ શોકમોહૌ યતઃ કામ એવ
સદા તં ગણેશં નમામો ભજામઃ ॥ ૬॥
યતોઽનન્તશક્તિઃ સ શેષો બભૂવ
ધરાધારણેઽનેકરૂપે ચ શક્તઃ ।
યતોઽનેકધા સ્વર્ગલોકા હિ નાના
સદા તં ગણેશં નમામો ભજામઃ ॥ ૭॥
યતો વેદવાચો વિકુણ્ઠા મનોભિઃ
સદા નેતિ નેતીતિ યત્તા ગૃણન્તિ ।
પરબ્રહ્મરૂપં ચિદાનન્દભૂતં
સદા તં ગણેશં નમામો ભજામઃ ॥ ૮॥
ફલશ્રુતિઃ ।
પુનરૂચે ગણાધીશઃ સ્તોત્રમેતત્પઠેન્નરઃ ।
ત્રિસન્ધ્યં ત્રિદિનં તસ્ય સર્વકાર્યં ભવિષ્યતિ ॥ ૯॥
યો જપેદષ્ટદિવસં શ્લોકાષ્ટકમિદં શુભમ્ ।
અષ્ટવારં ચતુર્થ્યાં તુ સોઽષ્ટસિદ્ધીરવાપ્નુયાત્ ॥ ૧૦॥
યઃ પઠેન્માસમાત્રં તુ દશવારં દિને દિને ।
સ મોચયેદ્બન્ધગતં રાજવધ્યં ન સંશયઃ ॥ ૧૧॥
વિદ્યાકામો લભેદ્વિદ્યાં પુત્રાર્થી પુત્રમાપ્નુયાત્ ।
વાઞ્છિતાન્ લભતે સર્વાનેકવિંશતિવારતઃ ॥ ૧૨॥
યો જપેત્પરયા ભક્ત્યા ગજાનનપદો નરઃ ।
એવમુક્ત્વા તતો દેવશ્ચાન્તર્ધાનં ગતઃ પ્રભુઃ ॥ ૧૩॥
