ગઙ્ગાષ્ટકમ્ Lyrics in Gujarati:
ન શક્તાસ્ત્વાં સ્તોતું વિધિહરિહરા જહ્નતનયે
ગુણોત્કર્ષાખ્યાનં ત્વયિ ન ઘટતે નિર્ગુણપદે ।
અતસ્તે સંસ્તુત્યૈ કૃતમતિરહં દેવિ સુધિયાં
વિનિન્દ્યો યદ્વેદાશ્ચકિતમભિગાયન્તિ ભવતીમ્ ॥ ૧॥
તથાઽપિ ત્વાં પાપઃ પતિતજનતોદ્ધારનિપુણે
પ્રવૃત્તોઽહં સ્તોતું પ્રકૃતિચલયા બાલકધિયા ।
અતો દૃષ્ટોત્સાહે ભવતિ ભવભારૈકદહને
મયિ સ્તુત્યે ગઙ્ગે કુરુ પરકૃપાં પર્વતસુતે ॥ ૨॥
ન સંસારે તાવત્કલુષમિહ યાવત્તવ પયો
દહત્યાર્યે સદ્યો દહન ઇવ શુષ્કં તૃણચયમ્ ।
પલાયન્તે દૃષ્ટ્વા તવ પરિચરાનન્તકજના
યથા વન્યા વાઽન્યે વનપતિભયાદ્ વામનમૃગાઃ ॥ ૩॥
જના યે તે માતર્નિધનસમયે તોયકણિકાં
મુખે કૃત્વા પ્રાણાઞ્જહતિ સુરસઙ્ઘૈરનુવૃતા ।
વિમાને ક્રીડન્તોઽમરપતિપદં યાન્તિ નિયતં
કથા તેષાં કા વા જનનિ તવ તીરે નિવસતામ્ ॥ ૪॥
શિવઃ સર્વારાધ્યો જનનિ વિષતાપોપશમનં
ચરીકર્તું ગઙ્ગે કલિકલુષભઙ્ગે પશુપતિઃ ।
જટાયાં સન્ધત્ત લલિતલહરીં ત્વાં સુરનદી
ત્વદન્યા કા વન્દ્યા પરમમહિતા વા ત્રિભુવને ॥ ૫॥
જનસ્તાવન્માતર્દુરિતભયતો બિભ્યતિ સૃતૌ
ન યાવત્ત્વત્તીરં નયનપથમાયાતિ વિમલમ્ ।
યદાપ્તં ત્વત્તીરં તદનુ દુરિતાનાં ન ગણના
તતો ગઙ્ગે! વન્દ્યા મુનિસમુદયાસ્ત્વાં ન જહતિ ॥ ૬॥
નમામિ ત્વાં ગઙ્ગે શ્રુતિવનવિહારૈકનિપુણે
જગન્માતર્માતસ્ત્રિપુરહરસેવ્યે વિધિનુતે ।
ત્વમેવાદ્યા દુર્ગા જનહિતકૃતે ત્વં દ્રવમયી
સ્વયં જાતા દેવિ ત્વમસિ પરમં બ્રહ્મ વિદિતમ્ ॥ ૭॥
કદા ગઙ્ગે રમ્યે તટમધિવસસ્તે શિવનુતે
શિવે દુર્ગે માતઃ સકલફલદે દેવદયિતે ।
પરેશે સર્વેશે શ્રુતિશતનુતે દક્ષતનયે
સદાઽહં સઞ્જલ્પન્નિમિષમિવ નેષ્યામિ દિવસાન્ ॥ ૮॥
ગઙ્ગાષ્ટકમિદં પુણ્યં પ્રભાતે યઃ પઠેચ્છુચિઃ ।
સર્વાભીષ્ટં તતસ્તસ્મૈ દદાતિ સુરનિમ્નગા ॥ ૯॥
ઇતિ સ્વામિ-શ્રીમદનન્તાનન્દસરસ્વતીવિરચિતં ગઙ્ગાષ્ટકં સમ્પૂર્ણમ્ ।
