Templesinindiainfo

Best Spiritual Website

Gayatryashtakam Lyrics in Gujarati | ગાયત્ર્યષ્ટકમ્

ગાયત્ર્યષ્ટકમ્ Lyrics in Gujarati:

॥ શંકરાચાર્યવિરચિતમ્ ॥

વિશ્વામિત્રપઃફલાં પ્રિયતરાં વિપ્રાલિસંસેવિતાં
નિત્યાનિત્યવિવેકદાં સ્મિતમુખીં ખણ્ડેન્દુભૂષોજ્જ્વલામ્ ।
તામ્બૂલારુણભાસમાનવદનાં માર્તાણ્ડમધ્યસ્થિતાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૧ ॥

જાતીપઙ્કજકેતકીકુવલયૈઃ સંપૂજિતાઙ્ઘ્રિદ્વયાં
તત્ત્વાર્થાત્મિકવર્ણપઙ્ક્તિસહિતાં તત્ત્વાર્થબુદ્ધિપ્રદામ્ ।
પ્રાણાયામપરાયણૈર્બુધજનૈઃ સંસેવ્યમાનાં શિવાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૨ ॥

મઞ્જીરધ્વનિભિઃ સમસ્તજગતાં મઞ્જુત્વસંવર્ધનીં
વિપ્રપ્રેઙ્ખિતવારિવારિતમહારક્ષોગણાં મૃણ્મયીમ્ ।
જપ્તુઃ પાપહરાં જપાસુમનિભાં હંસેન સંશોભિતાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૩ ॥

કાઞ્ચીચેલવિભૂષિતાં શિવમયીં માલાર્ધમાલાદિકાન્
બિભ્રાણાં પરમેશ્વરીં શરણદાં મોહાન્ધબુદ્ધિચ્છિદામ્ ।
ભૂરાદિત્રિપુરાં ત્રિલોકજનનીમધ્યાત્મશાખાનુતાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૪ ॥

ધ્યાતુર્ગર્ભકૃશાનુતાપહરણાં સામાત્મિકાં સામગાં
સાયંકાલસુસેવિતાં સ્વરમયીં દૂર્વાદલશ્યામલામ્ ।
માતુર્દાસ્યવિલોચનૈકમતિમત્ખેટીન્દ્રસંરાજિતાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૫ ॥

સંધ્યારાગવિચિત્રવસ્ત્રવિલસદ્વિપ્રોત્તમૈઃ સેવિતાં
તારાહીરસુમાલિકાં સુવિલસદ્રત્નેન્દુકુમ્ભાન્તરામ્ ।
રાકાચન્દ્રમુખીં રમાપતિનુતાં શઙ્ખાદિભાસ્વત્કરાં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૬ ॥

વેણીભૂશિતમાલકધ્વનિકરૈર્ભૃઙ્ગૈઃ સદા શોભિતાં
તત્ત્વજ્ઞાનરસાયનજ્ઞરસનાસૌધભ્રમદ્ભ્રામરીમ્ ।
નાસાલંકૃતમૌક્તિકેન્દુકિરણૈઃ સાયંતમશ્છેદિનીં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૭ ॥

પાદાબ્જાન્તરરેણુકુઙ્કુમલસત્ફાલદ્યુરામાવૃતાં
રમ્ભાનાટ્યવિલોકનૈકરસિકાં વેદાન્તબુદ્ધિપ્રદામ્ ।
વીણાવેણુમૃદઙ્ગકાહલરવાન્ દેવૈઃ કૃતાઞ્છૃણ્વતીં
ગાયત્રીં હરિવલ્લભાં ત્રિણયનાં ધ્યાયામિ પઞ્ચાનનામ્ ॥ ૮ ॥

હત્યાપાનસુવર્ણતસ્કરમહાગુર્વઙ્ગનાસંગમાન્
દોષાઞ્છૈલસમાન્ પુરંદરસમાઃ સંચ્છિદ્ય સૂર્યોપમાઃ ।
ગાયત્રીં શ્રુતિમાતુરેકમનસા સંધ્યાસુ યે ભૂસુરા
જપ્ત્વા યાન્તિ પરાં ગતિં મનુમિમં દેવ્યાઃ પરં વૈદિકાઃ ॥ ૯ ॥

ઇતિ શ્રીમત્પરમહંસપરિવ્રાજકાચાર્ય
શ્રીમચ્છંકરાચાર્યવિરચિતં ગાયત્ર્યષ્ટકં સંપૂર્ણમ્

Gayatryashtakam Lyrics in Gujarati | ગાયત્ર્યષ્ટકમ્

Leave a Reply

Your email address will not be published. Required fields are marked *

Scroll to top