ଗାୟତ୍ର୍ୟଷ୍ଟକମ୍ Lyrics in Oriya:
॥ ଶଂକରାଚାର୍ୟଵିରଚିତମ୍ ॥
ଵିଶ୍ଵାମିତ୍ରପଃଫଲାଂ ପ୍ରିୟତରାଂ ଵିପ୍ରାଲିସଂସେଵିତାଂ
ନିତ୍ୟାନିତ୍ୟଵିଵେକଦାଂ ସ୍ମିତମୁଖୀଂ ଖଣ୍ଡେନ୍ଦୁଭୂଷୋଜ୍ଜ୍ଵଲାମ୍ ।
ତାମ୍ବୂଲାରୁଣଭାସମାନଵଦନାଂ ମାର୍ତାଣ୍ଡମଧ୍ୟସ୍ଥିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୧ ॥
ଜାତୀପଙ୍କଜକେତକୀକୁଵଲୟୈଃ ସଂପୂଜିତାଙ୍ଘ୍ରିଦ୍ଵୟାଂ
ତତ୍ତ୍ଵାର୍ଥାତ୍ମିକଵର୍ଣପଙ୍କ୍ତିସହିତାଂ ତତ୍ତ୍ଵାର୍ଥବୁଦ୍ଧିପ୍ରଦାମ୍ ।
ପ୍ରାଣାୟାମପରାୟଣୈର୍ବୁଧଜନୈଃ ସଂସେଵ୍ୟମାନାଂ ଶିଵାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୨ ॥
ମଞ୍ଜୀରଧ୍ଵନିଭିଃ ସମସ୍ତଜଗତାଂ ମଞ୍ଜୁତ୍ଵସଂଵର୍ଧନୀଂ
ଵିପ୍ରପ୍ରେଙ୍ଖିତଵାରିଵାରିତମହାରକ୍ଷୋଗଣାଂ ମୃଣ୍ମୟୀମ୍ ।
ଜପ୍ତୁଃ ପାପହରାଂ ଜପାସୁମନିଭାଂ ହଂସେନ ସଂଶୋଭିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୩ ॥
କାଞ୍ଚୀଚେଲଵିଭୂଷିତାଂ ଶିଵମୟୀଂ ମାଲାର୍ଧମାଲାଦିକାନ୍
ବିଭ୍ରାଣାଂ ପରମେଶ୍ଵରୀଂ ଶରଣଦାଂ ମୋହାନ୍ଧବୁଦ୍ଧିଚ୍ଛିଦାମ୍ ।
ଭୂରାଦିତ୍ରିପୁରାଂ ତ୍ରିଲୋକଜନନୀମଧ୍ୟାତ୍ମଶାଖାନୁତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୪ ॥
ଧ୍ୟାତୁର୍ଗର୍ଭକୃଶାନୁତାପହରଣାଂ ସାମାତ୍ମିକାଂ ସାମଗାଂ
ସାୟଂକାଲସୁସେଵିତାଂ ସ୍ଵରମୟୀଂ ଦୂର୍ଵାଦଲଶ୍ୟାମଲାମ୍ ।
ମାତୁର୍ଦାସ୍ୟଵିଲୋଚନୈକମତିମତ୍ଖେଟୀନ୍ଦ୍ରସଂରାଜିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୫ ॥
ସଂଧ୍ୟାରାଗଵିଚିତ୍ରଵସ୍ତ୍ରଵିଲସଦ୍ଵିପ୍ରୋତ୍ତମୈଃ ସେଵିତାଂ
ତାରାହୀରସୁମାଲିକାଂ ସୁଵିଲସଦ୍ରତ୍ନେନ୍ଦୁକୁମ୍ଭାନ୍ତରାମ୍ ।
ରାକାଚନ୍ଦ୍ରମୁଖୀଂ ରମାପତିନୁତାଂ ଶଙ୍ଖାଦିଭାସ୍ଵତ୍କରାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୬ ॥
ଵେଣୀଭୂଶିତମାଲକଧ୍ଵନିକରୈର୍ଭୃଙ୍ଗୈଃ ସଦା ଶୋଭିତାଂ
ତତ୍ତ୍ଵଜ୍ଞାନରସାୟନଜ୍ଞରସନାସୌଧଭ୍ରମଦ୍ଭ୍ରାମରୀମ୍ ।
ନାସାଲଂକୃତମୌକ୍ତିକେନ୍ଦୁକିରଣୈଃ ସାୟଂତମଶ୍ଛେଦିନୀଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୭ ॥
ପାଦାବ୍ଜାନ୍ତରରେଣୁକୁଙ୍କୁମଲସତ୍ଫାଲଦ୍ୟୁରାମାଵୃତାଂ
ରମ୍ଭାନାଟ୍ୟଵିଲୋକନୈକରସିକାଂ ଵେଦାନ୍ତବୁଦ୍ଧିପ୍ରଦାମ୍ ।
ଵୀଣାଵେଣୁମୃଦଙ୍ଗକାହଲରଵାନ୍ ଦେଵୈଃ କୃତାଞ୍ଛୃଣ୍ଵତୀଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଞ୍ଚାନନାମ୍ ॥ ୮ ॥
ହତ୍ୟାପାନସୁଵର୍ଣତସ୍କରମହାଗୁର୍ଵଙ୍ଗନାସଂଗମାନ୍
ଦୋଷାଞ୍ଛୈଲସମାନ୍ ପୁରଂଦରସମାଃ ସଂଚ୍ଛିଦ୍ୟ ସୂର୍ୟୋପମାଃ ।
ଗାୟତ୍ରୀଂ ଶ୍ରୁତିମାତୁରେକମନସା ସଂଧ୍ୟାସୁ ୟେ ଭୂସୁରା
ଜପ୍ତ୍ଵା ୟାନ୍ତି ପରାଂ ଗତିଂ ମନୁମିମଂ ଦେଵ୍ୟାଃ ପରଂ ଵୈଦିକାଃ ॥ ୯ ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟ
ଶ୍ରୀମଚ୍ଛଂକରାଚାର୍ୟଵିରଚିତଂ ଗାୟତ୍ର୍ୟଷ୍ଟକଂ ସଂପୂର୍ଣମ୍
