ମଣିକର୍ଣିକାଷ୍ଟକମ୍ Lyrics in Oriya:
ତ୍ଵତ୍ତୀରେ ମଣିକର୍ଣିକେ ହରିହରୌ ସାୟୁଜ୍ୟମୁକ୍ତିପ୍ରଦୌ
ଵାଦନ୍ତୌ କୁରୁତଃ ପରସ୍ପରମୁଭୌ ଜନ୍ତୋଃ ପ୍ରୟାଣୋତ୍ସଵେ ।
ମଦ୍ରୂପୋ ମନୁଜୋଽୟମସ୍ତୁ ହରିଣା ପ୍ରୋକ୍ତଃ ଶିଵସ୍ତତ୍କ୍ଷଣାତ୍
ତନ୍ମଧ୍ୟାଦ୍ଭୃଗୁଲାଞ୍ଛନୋ ଗରୁଡଗଃ ପୀତାମ୍ବରୋ ନିର୍ଗତଃ ॥ ୧॥
ଇନ୍ଦ୍ରାଦ୍ୟାସ୍ତ୍ରିଦଶାଃ ପତନ୍ତି ନିୟତଂ ଭୋଗକ୍ଷୟେ ୟେ ପୁନ
ର୍ଜାୟନ୍ତେ ମନୁଜାସ୍ତତୋପି ପଶଵଃ କୀଟାଃ ପତଙ୍ଗାଦୟଃ ।
ୟେ ମାତର୍ମଣିକର୍ଣିକେ ତଵ ଜଲେ ମଜ୍ଜନ୍ତି ନିଷ୍କଲ୍ମଷାଃ
ସାୟୁଜ୍ୟେଽପି କିରୀଟକୌସ୍ତୁଭଧରା ନାରାୟଣାଃ ସ୍ୟୁର୍ନରାଃ ॥ ୨॥
କାଶୀ ଧନ୍ୟତମା ଵିମୁକ୍ତନଗରୀ ସାଲଂକୃତା ଗଙ୍ଗୟା
ତତ୍ରେୟଂ ମଣିକର୍ଣିକା ସୁଖକରୀ ମୁକ୍ତିର୍ହି ତତ୍କିଂକରୀ ।
ସ୍ଵର୍ଲୋକସ୍ତୁଲିତଃ ସହୈଵ ଵିବୁଧୈଃ କାଶ୍ୟା ସମଂ ବ୍ରହ୍ମଣା
କାଶୀ କ୍ଷୋଣିତଲେ ସ୍ଥିତା ଗୁରୁତରା ସ୍ଵର୍ଗୋ ଲଘୁତ୍ଵଂ ଗତଃ ॥ ୩॥
ଗଙ୍ଗାତୀରମନୁତ୍ତମଂ ହି ସକଲଂ ତତ୍ରାପି କାଶ୍ୟୁତ୍ତମା
ତସ୍ୟାଂ ସା ମଣିକର୍ଣିକୋତ୍ତମତମା ୟେତ୍ରେଶ୍ଵରୋ ମୁକ୍ତିଦଃ ।
ଦେଵାନାମପି ଦୁର୍ଲଭଂ ସ୍ଥଲମିଦଂ ପାପୌଘନାଶକ୍ଷମଂ
ପୂର୍ଵୋପାର୍ଜିତପୁଣ୍ୟପୁଞ୍ଜଗମକଂ ପୁଣ୍ୟୈର୍ଜନୈଃ ପ୍ରାପ୍ୟତେ ॥ ୪॥
ଦୁଃଖାମ୍ଭୋଧିଗତୋ ହି ଜନ୍ତୁନିଵହସ୍ତେଷାଂ କଥଂ ନିଷ୍କୃତିଃ
ଜ୍ଞାତ୍ଵା ତଦ୍ଵି ଵିରିଞ୍ଚିନା ଵିରଚିତା ଵାରାଣସୀ ଶର୍ମଦା ।
ଲୋକାଃସ୍ଵର୍ଗସୁଖାସ୍ତତୋଽପି ଲଘଵୋ ଭୋଗାନ୍ତପାତପ୍ରଦାଃ
କାଶୀ ମୁକ୍ତିପୁରୀ ସଦା ଶିଵକରୀ ଧର୍ମାର୍ଥମୋକ୍ଷପ୍ରଦା ॥ ୫॥
ଏକୋ ଵେଣୁଧରୋ ଧରାଧରଧରଃ ଶ୍ରୀଵତ୍ସଭୂଷାଧରଃ
ୟୋଽପ୍ୟେକଃ କିଲ ଶଂକରୋ ଵିଷଧରୋ ଗଙ୍ଗାଧରୋ ମାଧଵଃ ।
ୟେ ମାତର୍ମଣିକର୍ଣିକେ ତଵ ଜଲେ ମଜ୍ଜନ୍ତି ତେ ମାନଵାଃ
ରୁଦ୍ରା ଵା ହରୟୋ ଭଵନ୍ତି ବହଵସ୍ତେଷାଂ ବହୁତ୍ଵଂ କଥମ୍ ॥ ୬॥
ତ୍ଵତ୍ତୀରେ ମରଣଂ ତୁ ମଙ୍ଗଲକରଂ ଦେଵୈରପି ଶ୍ଲାଧ୍ୟତେ
ଶକ୍ରସ୍ତଂ ମନୁଜଂ ସହସ୍ରନୟନୈର୍ଦ୍ରଷ୍ଟୁଂ ସଦା ତତ୍ପରଃ ।
ଆୟାନ୍ତଂ ସଵିତା ସହସ୍ରକିରଣୈଃ ପ୍ରତ୍ୟୁଗ୍ଦତୋଽଭୂତ୍ସଦା
ପୁଣ୍ୟୋଽସୌ ଵୃଷଗୋଽଥଵା ଗରୁଡଗଃ କିଂ ମନ୍ଦିରଂ ୟାସ୍ୟତି ॥ ୭॥
ମଧ୍ୟାହ୍ନେ ମଣିକର୍ଣିକାସ୍ନପନଜଂ ପୁଣ୍ୟଂ ନ ଵକ୍ତୁଂ କ୍ଷମଃ
ସ୍ଵୀୟୈରବ୍ଧଶତୈଶ୍ଚତୁର୍ମୁଖଧରୋ ଵେଦାର୍ଥଦୀକ୍ଷାଗୁରୁଃ ।
ୟୋଗାଭ୍ୟାସବଲେନ ଚନ୍ଦ୍ରଶିଖରସ୍ତତ୍ପୁଣ୍ୟପାରଂଗତଃ
ତ୍ଵତ୍ତୀରେ ପ୍ରକରୋତି ସୁପ୍ତପୁରୁଷଂ ନାରାୟଣଂ ଵା ଶିଵମ୍ ॥ ୮॥
କୃଚ୍ଛୈର୍ଃ କୋଟିଶତୈଃ ସ୍ଵପାପନିଧନଂ ୟଚ୍ଚାଶ୍ଵମେଧୈଃ ଫଲଂ
ତତ୍ସର୍ଵେ ମଣିକର୍ଣିକାସ୍ନପନଜେ ପୁଣ୍ୟେ ପ୍ରଵିଷ୍ଟଂ ଭଵେତ୍ ।
ସ୍ନାତ୍ଵା ସ୍ତୋତ୍ରମିଦଂ ନରଃ ପଠତି ଚେତ୍ସଂସାରପାଥୋନିଧିଂ
ତୀର୍ତ୍ଵା ପଲ୍ଵଲଵତ୍ପ୍ରୟାତି ସଦନଂ ତେଜୋମୟଂ ବ୍ରହ୍ମଣଃ ॥ ୯॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗଵତଃ କୃତୌ
ମଣିକର୍ଣିକାଷ୍ଟକଂ ସମ୍ପୂର୍ଣମ୍ ॥
