Inakula Tilaka yemmayya Ramayya Telugu Lyrics:
పల్లవి:
ఇనకులతిలక ఏమయ్య రామయ్యా
శ్రీరామచంద్రా విని వినకున్నావు
వినరాదా నామొర శ్రీరామచంద్రా ఇ ॥
చరణము(లు):
కనకాంబరధర కపటమేలనయ్యా
శ్రీరామచంద్రా జనకాత్మజా రమణా
జాగుసేయకు శ్రీరామచంద్రా ఇ ॥
దశరథసుత నాదశ జూడవయ్యా
శ్రీరామచంద్రా పశుపతి నుతనామ
ప్రార్థించి మ్రొక్కెద శ్రీరామచంద్రా ఇ ॥
నీవేగతియని నెర నమ్మియున్నాను
శ్రీరామచంద్రా కావవే యీవేళ
కాకుత్స్థ కులతిలక శ్రీరామచంద్రా ఇ ॥
వైకుంఠవాసుడ విని బాధ మాన్పవే
శ్రీరామచంద్రా నీకంటె గతిలేరు
నిర్దయజూడకు శ్రీరామచంద్రా ఇ ॥
రామ భద్రశైలధామ శ్రీరామ
శ్రీరామచంద్రా వేమరు వేడెద
రామదాసుని బ్రోవ శ్రీరామచంద్రా ఇ ॥
Inakula Tilaka yemmayya Ramayya Lyrics in Telugu | Ramadasu Keerthana
