ଜନ୍ମଵୈଫଲ୍ୟନିରୂପଣାଷ୍ଟକମ୍ Lyrics in Oriya:
ନାଶ୍ରିତୋ ଵଲ୍ଲଭାଧୀଶୋ ନ ଚ ଦୃଷ୍ଟା ସୁବୋଧିନୀ ।
ନାରାଧି ରାଧିକାନାଥୋ ଵୃଥା ତଜ୍ଜନ୍ମ ଭୂତଲେ ॥ ୧॥
ନ ଗୃହୀତଂ ହରେର୍ନାମ ନାତ୍ମାଦ୍ୟଖିଲମର୍ପିତମ୍ ।
ନ କୃଷ୍ଣସେଵା ଵିହିତା ଵୃଥାତଜ୍ଜନ୍ମ ଭୂତଲେ ॥ ୨॥
ନ ଲୀଲାଚିନ୍ତନଂ ନୈଵ ଦୀନତା ଵିରହାତ୍ ହରେଃ ।
ଲ ଵା କୃଷ୍ଣାଶ୍ରୟଃ ପୂର୍ଣୋ ଵୃଥା ତଜ୍ଜନ୍ମ ଭୂତଲେ ॥ ୩॥
ନ ନୀତା ଵାର୍ତୟା ଘସ୍ରାଃ ସାଧଵୋ ନୈଵ ସେଵିତାଃ ।
ନ ଗୋଵିନ୍ଦଗୁଣା ଗୀତା ଵୃଥା ତଜ୍ଜନ୍ମ ଭୂତଲେ ॥ ୪॥
ନ କୃଷ୍ଣରୂପସୌନ୍ଦର୍ୟମନୋ ନୈଵ ଵିରାଗିତା ।
ନ ଦୁଃସଙ୍ଗପରିତ୍ୟାଗୋ ଵୃଥା ତଜ୍ଜନ୍ମ ଭୂତଲେ ॥ ୫॥
ନ ଭକ୍ତିଃ ପୁଷ୍ଟିମାର୍ଗୀୟା ନ ନିଃସାଧନତା ହୃଦି ।
ନ ଵିସ୍ମୃତିଃ ପ୍ରପଞ୍ଚସ୍ୟ ଵୃଥା ତଜ୍ଜନ୍ମ ଭୂତଲେ ॥ ୬॥
ନ ଧର୍ମପରତା ନୈଵ ଧର୍ମମାର୍ଗେ ମନୋଗତିଃ ।
ନ ଭକ୍ତିର୍ଜ୍ଞାନଵୈରାଗ୍ୟେ ଵୃଥା ତଜ୍ଜନ୍ମ ଭୂତଲେ ॥ ୭॥
ନ ନିଜସ୍ଵାମିଵିରହପରିତାପୋ ନ ଭାଵନା ।
ନ ଦୈନ୍ୟଂ ପରମଂ ୟସ୍ୟ ଵୃଥା ତଜ୍ଜନ୍ମ ଭୃତଲେ ॥ ୮॥
ଇତି ଶ୍ରୀହରିରାୟଵର୍ୟଵିରଚିତଂ ଜନ୍ମଵୈଫଲ୍ୟନିରୂପଣାଷ୍ଟକମ୍ ॥
Janmavaiphalyanirupanashtakam Lyrics in Oriya | ଜନ୍ମଵୈଫଲ୍ୟନିରୂପଣାଷ୍ଟକମ୍
