ಗಂಗಾಷ್ಟಕಮ್ 2 ಕಾಲಿದಾಸಕೃತಮ್ Lyrics in Kannada:
ಶ್ರೀಗಣೇಶಾಯ ನಮಃ ॥
ಕತ್ಯಕ್ಷೀಣಿ ಕರೋಟಯಃ ಕತಿ ಕತಿ ದ್ವೀಪಿದ್ವಿಪಾನಾಂ ತ್ವಚಃ
ಕಾಕೋಲಾಃ ಕತಿ ಪನ್ನಗಾಃ ಕತಿ ಸುಧಾಧಾಮ್ನಶ್ಚ ಖಂಡಾ ಕತಿ ।
ಕಿಂ ಚ ತ್ವಂ ಚ ಕತಿ ತ್ರಿಲೋಕಜನನಿತ್ವದ್ವಾರಿಪೂರೋದರೇ
ಮಜ್ಜಜ್ಜನ್ತುಕದಮ್ಬಕಂ ಸಮುದಯತ್ಯೇಕೈಕಮಾದಾಯ ಯತ್ ॥ 1॥
ದೇವಿ ತ್ವತ್ಪುಲಿನಾಂಗಣೇ ಸ್ಥಿತಿಜುಷಾಂ ನಿರ್ಮಾನಿನಾಂ ಜ್ಞಾನಿನಾಂ
ಸ್ವಲ್ಪಾಹಾರನಿಬದ್ಧಶುದ್ಧವಪುಷಾಂ ತಾರ್ಣಂ ಗೃಹಂ ಶ್ರೇಯಸೇ ।
ನಾನ್ಯತ್ರ ಕ್ಷಿತಿಮಂಡಲೇಶ್ವರಶತೈಃ ಸಂರಕ್ಷಿತೋ ಭೂಪತೇಃ
ಪ್ರಾಸಾದೋ ಲಲನಾಗಣೈರಧಿಗತೋ ಭೋಗೀನ್ದ್ರಭೋಗೋನ್ನತಃ ॥ 2॥
ತತ್ತತ್ತೀರ್ಥಗತೈಃ ಕದರ್ಥನಶತೈಃ ಕಿಂ ತೈರನರ್ಥಾಶ್ರಿತೈ-
ರ್ಜ್ಯೋತಿಷ್ಟೋಮಮುಖೈಃ ಕಿಮೀಶವಿಮುಖೈರ್ಯಜ್ಞೈರವಜ್ಞಾದ್ದತೈ ।
ಸೂತೇ ಕೇಶವವಾಸವಾದಿವಿಬುಧಾಗಾರಾಭಿರಾಮಾಂ ಶ್ರಿಯಂ ಗಂಗೇ
ದೇವಿ ಭವತ್ತಟೇ ಯದಿ ಕುಟೀವಾಸಃ ಪ್ರಯಾಸಂ ವಿನಾ ॥ 3॥
ಗಂಗಾತೀರಮುಪೇತ್ಯ ಶೀತಲಶಿಲಾಮಾಲಮ್ಬ್ಯ ಹೇಮಾಚಲೀಂ
ಯೈರಾಕರ್ಣಿ ಕುತೂಹಲಾಕುಲತಯಾ ಕಲ್ಲೋಲಕೋಲಾಹಲಃ ।
ತೇ ಶೃಣ್ವನ್ತಿ ಸುಪರ್ವಪರ್ವತಶಿಲಾಸಿಂಹಾಸನಾಧ್ಯಾಸನಾಃ
ಸಂಗೀತಾಗಮಶುದ್ಧಸಿದ್ಧರಮಣೀಮಂಜೀರಧೀರಧ್ವನಿಮ್ ॥ 4॥
ದೂರಂ ಗಚ್ಛ ಸಕಚ್ಛಗಂ ಚ ಭವತೋ ನಾಲೋಕಯಾಮೋ
ಮುಖಂ ರೇ ಪಾರಾಕ ವರಾಕ ಸಾಕಮಿತರೈರ್ನಾಕಪ್ರದೈರ್ಗಮ್ಯತಾಮ್ ।
ಸದ್ಯಃ ಪ್ರೋದ್ಯತಮನ್ದಮಾರುತರಜಃಪ್ರಾಪ್ತಾ ಕಪೋಲಸ್ಥಲೇ
ಗಂಗಾಮ್ಭಃಕಣಿಕಾ ವಿಮುಕ್ತಗಣಿಕಾಸಂಗಾಯ ಸಮ್ಭಾವ್ಯತೇ ॥ 5॥
ವಿಷ್ಣೋಃ ಸಂಗತಿಕಾರಿಣೀ ಹರಜಟಾಜೂಟಾಟವೀಚಾರಿಣೀ
ಪ್ರಾಯಶ್ಚಿತ್ತನಿವಾರಿಣೀ ಜಲಕಣೈಃ ಪುಣ್ಯೌಧವಿಸ್ತಾರಿಣೀ ।
ಭೂಭೃತ್ಕನ್ದರದಾರಿಣೀ ನಿಜಜಲೇ ಮಜ್ಜಜ್ಜನೋತ್ತಾರಿಣೀ
ಶ್ರೇಯಃ ಸ್ವರ್ಗವಿಹಾರಿಣೀ ವಿಜಯತೇ ಗಂಗಾ ಮನೋಹಾರಿಣೀ ॥ 6॥
ವಾಚಾಲಂ ವಿಕಲಂ ಖಲಂ ಶ್ರಿತಮಲಂ ಕಾಮಾಕುಲಂ ವ್ಯಾಕುಲಂ
ಚಾಂಡಾಲಂ ತರಲಂ ನಿಪೀತಗರಲಂ ದೋಷಾವಿಲಂ ಚಾಖಿಲಮ್ ।
ಕುಮ್ಭೀಪಾಕಗತಂ ತಮನ್ತಕಕರಾದಾಕೃಷ್ಯ ಕಸ್ತಾರಯೇನ್-
ಮಾತರ್ಜಹ್ನುನರೇನ್ದ್ರನನ್ದಿನಿ ತವ ಸ್ವಲ್ಪೋದಬಿನ್ದುಂ ವಿನಾ ॥ 7॥
ಶ್ಲೇಷಮಶ್ಲೇಷಣಯಾನಲೇಽಮೃತಬಿಲೇ ಶಾಕಾಕುಲೇ ವ್ಯಾಕುಲೇ
ಕಂಠೇ ಘರ್ಘರಘೋಷನಾದಮಲಿನೇ ಕಾಯೇ ಚ ಸಮ್ಮೀಲತಿ ।
ಯಾಂ ಧ್ಯಾಯನ್ನ್ಪಿ ಭಾರಭಂಗುರತರಾಂ ಪ್ರಾಪ್ನೋತಿ ಮುಕ್ತಿಂ ನರಃ
ಸ್ನಾತುಶ್ವೇತಸಿ ಜಾಹ್ನ್ವೀ ನಿವಸತಾಂ ಸಂಸಾರಸನ್ತಾಪಹೃತ್ ॥ 8॥
ಇತಿ ಶ್ರೀಮತ್ಕಾಲಿದಾಸವಿರಚಿತಂ ಗಂಗಾಷ್ಟಕಸ್ತೋತ್ರಂ ಸಮ್ಪೂರ್ಣಮ್ ॥
