গঙ্গাষ্টকং কালিদাসকৃতম্ Lyrics in Bengali:
শ্রীগণেশায় নমঃ ॥
নমস্তেঽস্তু গঙ্গে ত্বদঙ্গপ্রসঙ্গাদ্ভুজং গাস্তুরঙ্গাঃ কুরঙ্গাঃ প্লবঙ্গাঃ ।
অনঙ্গারিরঙ্গাঃ সসঙ্গাঃ শিবাঙ্গা ভুজঙ্গাধিপাঙ্গীকৃতাঙ্গা ভবন্তি ॥ ১॥
নমো জহ্নুকন্যে ন মন্যে ত্বদন্যৈর্নিসর্গেন্দুচিহ্নাদিভির্লোকভর্তুঃ ।
অতোঽহং নতোঽহং সতো গৌরতোয়ে বসিষ্ঠাদিভির্গীয়মানাভিধেয়ে ॥ ২॥
ত্বদামজ্জনাত্সজ্জনো দুর্জনো বা বিমানৈঃ সমানঃ সমানৈর্হি মানৈঃ ।
সমায়াতি তস্মিন্পুরারাতিলোকে পুরদ্বারসংরুদ্ধদিক্পাললোকে ॥ ৩॥
স্বরাবাসদম্ভোলিদম্ভোপি রম্ভাপরীরম্ভসম্ভাবনাধীরচেতাঃ ।
সমাকাঙ্ক্ষতে ত্বত্তটে বৃক্ষবাটীকুটীরে বসন্নেতুমায়ুর্দিনানি ॥ ৪॥
ত্রিলোকস্য ভর্তুর্জটাজূটবন্ধাত্স্বসীমান্তভাগে মনাক্প্রস্খলন্তঃ ।
ভবান্যা রুষা প্রোঢসাপন্তভাবাত্করেণাহতাস্তবত্তরঙ্গা জয়ন্তি ॥ ৫॥
জলোন্মজ্জদৈরাবতোদ্দানকুম্ভস্ফুরত্প্রস্খলত্সান্দ্রসিন্দূররাগে ।
ক্কচিত্পদ্মিনীরেণুভঙ্গে প্রসঙ্গে মনঃ খেলতাং জহ্নুকন্যাতরঙ্গে ॥ ৬॥
ভবত্তীরবানীরবাতোত্থধূলীলবস্পর্শতস্তত্ক্ষণং ক্ষীণপাপঃ ।
জনোঽয়ং জগত্পাবনে ত্বত্প্রসাদাত্পদে পৌরুহূতেঽপি ধত্তেঽবহেলাম্ ॥ ৭॥
ত্রিসন্ধ্যানমল্লেখকোটীরনানাবিধানেকরত্নাংশুবিম্বপ্রভাভিঃ ।
স্ফুরত্পাদপীঠে হঠেনাষ্টমূর্তের্জটাজূটবাসে নতাঃ স্মঃ পদং তে ॥ ৮॥
ইদং য়ঃ পঠেদষ্টকং জহ্নুপুত্র্যাস্রিকালং কৃতং কালিদাসেন রম্যম্ ।
সমায়াস্যতীন্দ্রাদিভির্গীয়মানং পদং কৈশবং শৈশবং নো লভেত্সঃ ॥ ৯॥
ইতি শ্রীকালিদাসকৃতং গঙ্গাষ্টকস্তোত্রং সম্পূর্ণম্ ॥
