Templesinindiainfo

Best Spiritual Website

Kamalapaty Ashtakam Lyrics in Kannada | ಕಮಲಾಪತ್ಯಷ್ಟಕಮ್

ಕಮಲಾಪತ್ಯಷ್ಟಕಮ್ Lyrics in Kannada:

ಭುಜಗತಲ್ಪಗತಂ ಘನಸುನ್ದರಂ ಗರುಡವಾಹನಮಮ್ಬುಜಲೋಚನಮ್ ।
ನಲಿನಚಕ್ರಗದಾಕರಮವ್ಯಯಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ 1॥

ಅಲಿಕುಲಾಸಿತಕೋಮಲಕುನ್ತಲಂ ವಿಮಲಪೀತದುಕೂಲಮನೋಹರಮ್ ।
ಜಲಧಿಜಾಶ್ರಿತವಾಮಕಲೇವರಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ 2॥

ಕಿಮು ಜಪೈಶ್ಚ ತಪೋಭಿರುತಾಧ್ವರೈರಪಿ ಕಿಮುತ್ತಮತೀರ್ಥನಿಷೇವಣೈಃ ।
ಕಿಮುತ ಶಾಸ್ತ್ರಕದಂಬವಿಲೋಕನೈಃ ಭಜತ ರೇ ಮನುಜಾಃ ಕಮಲಾಪತಿಮ್ ॥ 3॥

ಮನುಜದೇಹಮಿಮಂ ಭುವಿ ದುರ್ಲಭಂ ಸಮಧಿಗಮ್ಯ ಸುರೈರಪಿ ವಾಂಛಿತಮ್ ।
ವಿಷಯಲಂಪಟತಾಮಪಹಾಯ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ 4॥

ನ ವನಿತಾ ನ ಸುತೋ ನ ಸಹೋದರೋ ನ ಹಿ ಪಿತಾ ಜನನೀ ನ ಚ ಬಾನ್ಧವಾಃ ।
ವ್ರಜತಿ ಸಾಕಮನೇನ ಜನೇನ ವೈ ಭಜತ ರೇ ಮನುಜಾಃ ಕಮಲಾಪತಿಮ್ ॥ 5॥

ಸಕಲಮೇವ ಚಲಂ ಸಚರಾಚರಂ ಜಗದಿದಂ ಸುತರಾಂ ಧನಯೌವನಮ್ ।
ಸಮವಲೋಕ್ಯ ವಿವೇಕದೃಶಾ ದ್ರುತಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ 6॥

ವಿವಿಧರೋಗಯುತಂ ಕ್ಷಣಭಂಗುರಂ ಪರವಶಂ ನವಮಾರ್ಗಮಲಾಕುಲಮ್ ।
ಪರಿನಿರೀಕ್ಷ್ಯ ಶರೀರಮಿದಂ ಸ್ವಕಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ 7॥

ಮುನಿವರೈರನಿಶಂ ಹೃದಿ ಭಾವಿತಂ ಶಿವವಿರಿಂಚಿಮಹೇನ್ದ್ರನುತಂ ಸದಾ ।
ಮರಣಜನ್ಮಜರಾಭಯಮೋಚನಂ ಭಜತ ರೇ ಮನುಜಾಃ ಕಮಲಾಪತಿಮ್ ॥ 8॥

ಹರಿಪದಾಷ್ಟಕಮೇತದನುತ್ತಮಂ ಪರಮಹಂಸಜನೇನ ಸಮೀರಿತಮ್ ।
ಪಠತಿ ಯಸ್ತು ಸಮಾಹಿತಚೇತಸಾ ವ್ರಜತಿ ವಿಷ್ಣುಪದಂ ಸ ನರೋ ಧ್ರುವಂ ॥ 9॥

ಇತಿ ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಕಮಲಾಪತ್ಯಷ್ಟಕಂ ಸಮಾಪ್ತಂ॥

Kamalapaty Ashtakam Lyrics in Kannada | ಕಮಲಾಪತ್ಯಷ್ಟಕಮ್

Leave a Reply

Your email address will not be published. Required fields are marked *

Scroll to top