Templesinindiainfo

Best Spiritual Website

Kamasikashtakam Lyrics in Malayalam | കാമാസികാഷ്ടകം

കാമാസികാഷ്ടകം Lyrics in Malayalam:

ശ്രീവേദാന്തദേശികൃതം ।
(കാഞ്ച്യാം)
ശ്രുതീനാമുത്തരം ഭാഗം വേഗവത്യാശ്ച ദക്ഷിണം ।
കാമാദധിവസന്‍ ജീയാത്കശ്ചിദദ്ഭുതകേസരീ ॥ 1॥

തപനേന്ദ്വഗ്നിനയനഃ താപാനപചിനോതു നഃ ।
താപനീയരഹസ്യാനാം സാരഃ കാമാസികാഹരിഃ ॥ 2॥

ആകണ്ഠമാദിപുരുഷം കണ്ഠീരവമുപരി കുണ്ഠിതാരാതിം ।
വേഗോപകണ്ഠസങ്ഗാദ്വിമുക്തവൈകുണ്ഠബഹുമതിമുപാസേ ॥ 3॥

ബന്ധുമഖിലസ്യ ജന്തോര്‍ബന്ധുരപര്യങ്കബന്ധരമണീയം ।
വിഷമവിലോചനമീഡേ വേഗവതീപുലിനകേലിനരസിംഹം ॥ 4॥

സ്വസ്ഥാനേഷു മരുദ്ഗണാന്‍ നിയമയന്‍ സ്വാധീനസര്‍വേന്ദ്രിയഃ
പര്യങ്കസ്ഥിരധാരണാപ്രകടിതപ്രത്യങ്മുഖാവസ്ഥിതിഃ ।
പ്രായേണ പ്രണിപേദുഷഃ പ്രഭുരസൌ യോഗം നിജം ശിക്ഷയന്‍
കാമാനാതനുതാദശേഷ ജഗതാം കാമാസികാ കേസരീ ॥ 5॥

വികസ്വരനഖസ്വരുക്ഷതഹിരണ്യവക്ഷഃസ്ഥലീ
നിരര്‍ഗലവിനിര്‍ഗലദ്രുധിരസിന്ധുസന്ധ്യായിതാഃ ।
അവന്തു മദനാസികാ മനുജപഞ്ചവക്ത്രസ്യ മാം
അഹമ്പ്രഥമികാ മിഥഃ പ്രകടിതാഹവാ ബാഹവഃ ॥ 6॥

സടാപടലഭീഷണേ സരഭസാട്ടഹാസോദ്ഭടേ
സ്ഫുരത്ക്രുധിപരിസ്ഫുടഭ്രുകുടികേഽപി വക്ത്രേ കൃതേ ।
കൃപാകപടകേസരിന്‍ ദനുജഡിംഭദത്തസ്തനാ
സരോജസദൃശാ ദൃശാ വ്യതിവിഷജ്യ തേ വ്യജ്യതേ ॥ 7॥

ത്വയി രക്ഷതി രക്ഷകൈഃ കിമന്യൈസ്ത്വയി ചാരക്ഷതി രക്ഷകൈഃ കിമന്യൈഃ ।
ഇതി നിശ്ചിതധീഃ ശ്രയാമി നിത്യം നൃഹരേ വേഗവതീതടാശ്രയം ത്വാം ॥ 8॥

ഇത്ഥം സ്തുതഃ സകൃദിഹാഷ്ടഭിരേഷ പദ്യൈഃ
ശ്രീവേങ്കടേശരചിതൈസ്ത്രിദശേന്ദ്രവന്ദ്യഃ ।
ദുര്‍ദാന്തഘോരദുരിതദ്വിരദേന്ദ്രഭേദീ
കാമാസികാനരഹരിര്‍വിതനോതു കാമാന്‍ ॥ 9॥

ഇതി ശ്രീവേദാന്തദേശികൃതം കാമാസികാഷ്ടകം സമ്പൂര്‍ണം ।

Kamasikashtakam Lyrics in Malayalam | കാമാസികാഷ്ടകം

Leave a Reply

Your email address will not be published. Required fields are marked *

Scroll to top