॥ Kanti Nedu Ma Ramula Telugu Lyrics ॥
పల్లవి:
కంటినేడు మా రాములను కనుగొంటినేడు కం ॥
చరణము(లు):
కంటి నేడు భక్తగణముల బ్రోచు మా
ఇంటి వేలుపు భద్రగిరినున్నవాని కం ॥
చెలువొప్పుచున్నట్టి సీతాసమేతుడై
కొలువుతీరిన మా కోదండరాముని కం ॥
తరణికులతిలకుని ఘననీలగాత్రుని
కరుణా రసము గురియు కందోయి గలవాని కం ॥
హురు మంచి ముత్యాల సరములు మెరయగా
మురిపెంపు చిరునవ్వుమోము గలిగినవాని కం ॥
ఘల్లు ఘల్లుమని పైడి గజ్జెలందెలు మ్రోయగ
తళుకుబెళుకు పాదతలము గలిగినవాని కం ॥
కరకు బంగారుచేల కాంతి జగములు గప్ప
శరచాపములు కేల ధరియించు స్వామిని కం ॥
ధరణిపై శ్రీరామదాసునేలెడు వాని
పరమపురుషుడైన భద్రగిరిస్వామిని కం ॥
Also Read:
Sri Ramadasu Keerthanalu – Kanti Nedu Ma Ramula Kanugonti Lyrics in English | Telugu
Kanti Nedu Ma Ramula Lyrics in Telugu | Ramadasu Keerthana
