കാവേര്യഷ്ടകം Lyrics in Malayalam:
മരുദ്വൃധേ മാന്യജലപ്രവാഹേ
കവേരകന്യേ നമതാം ശരണ്യേ ।
മാന്യേ വിധേര്‍മാനസപുത്രി സൌംയേ
കാവേരി കാവേരി മമ പ്രസീദ ॥ 1॥
ദേവേശവന്ദ്യേ വിമലേ നദീശി
പരാത്പരേ പാവനി നിത്യപൂര്‍ണേ ।
സമസ്തലോകോത്തമതീര്‍ഥപാദേ
കാവേരി കാവേരി മമ പ്രസീദ ॥ 2॥
വേദാനുവേദ്യേ വിമലപ്രവാഹേ
വിശുദ്ധയോഗീന്ദ്രനിവാസയോഗ്യേ ।
രങ്ഗേശഭോഗായതനാത്തപാരേ
കാവേരി കാവേരി മമ പ്രസീദ ॥ 3॥
ഭക്താനുകമ്പേ ഹ്യതിഭാഗ്യലബ്ധേ
നിത്യേ ജഗന്‍മങ്ഗലദാനശീലേ ।
നിരഞ്ജനേ ദക്ഷിണദേശഗങ്ഗേ
കാവേരി കാവേരി മമ പ്രസീദ ॥ 4॥
കലിപ്രമാദാഖിലദോഷനാശേ
കാരുണ്യപൂര്‍ണേ കമലായതാക്ഷേ ।
കദംബകല്‍ഹാരസുഗന്ധിപൂരേ
കാവേരി കാവേരി മമ പ്രസീദ ॥ 5॥
അനന്തദിവ്യാമലമോക്ഷദാത്രി
ദുരന്തസംസാരവിമോചനാങ്ഘ്ര്യേ
സഹ്യാചലോത്പന്നവിശ്വസ്വരൂപേ
കാവേരി കാവേരി മമ പ്രസീദ ॥ 6॥
ദേവാലയാപൂരിതദിവ്യതീരേ
സമസ്തലോകോത്തമതീര്‍ഥമൂര്‍ധേ
കാശ്മീരഭൂഃകല്‍പിതചോലദേശേ
കാവേരി കാവേരി മമ പ്രസീദ ॥ 7॥
പ്രസീദ കല്യാണഗുണാഭിരാമേ
പ്രസീദ കാവേരി മമ പ്രസീദ
പ്രസീദ കാമാദിഹരേ പവിത്രേ
കാവേരി കാവേരി മമ പ്രസീദ ॥ 8॥
കാകാരോ കല്‍മഷം ഹന്തി
വേകാരോ വാഞ്ഛിതപ്രദഃ
രീകാരോ മോക്ഷദോ നൄണാം
കാവേരീത്യുച്യതേ ബുധൈഃ ॥ 9॥
॥ ഇതി കാവേര്യഷ്ടകം സമ്പൂര്‍ണം ॥