Kaveri Ashtakam Lyrics in Oriya | କାଵେର୍ୟଷ୍ଟକମ୍
କାଵେର୍ୟଷ୍ଟକମ୍ Lyrics in Oriya:
ମରୁଦ୍ଵୃଧେ ମାନ୍ୟଜଲପ୍ରଵାହେ
କଵେରକନ୍ୟେ ନମତାଂ ଶରଣ୍ୟେ ।
ମାନ୍ୟେ ଵିଧେର୍ମାନସପୁତ୍ରି ସୌମ୍ୟେ
କାଵେରି କାଵେରି ମମ ପ୍ରସୀଦ ॥ ୧॥
ଦେଵେଶଵନ୍ଦ୍ୟେ ଵିମଲେ ନଦୀଶି
ପରାତ୍ପରେ ପାଵନି ନିତ୍ୟପୂର୍ଣେ ।
ସମସ୍ତଲୋକୋତ୍ତମତୀର୍ଥପାଦେ
କାଵେରି କାଵେରି ମମ ପ୍ରସୀଦ ॥ ୨॥
ଵେଦାନୁଵେଦ୍ୟେ ଵିମଲପ୍ରଵାହେ
ଵିଶୁଦ୍ଧୟୋଗୀନ୍ଦ୍ରନିଵାସୟୋଗ୍ୟେ ।
ରଙ୍ଗେଶଭୋଗାୟତନାତ୍ତପାରେ
କାଵେରି କାଵେରି ମମ ପ୍ରସୀଦ ॥ ୩॥
ଭକ୍ତାନୁକମ୍ପେ ହ୍ୟତିଭାଗ୍ୟଲବ୍ଧେ
ନିତ୍ୟେ ଜଗନ୍ମଙ୍ଗଲଦାନଶୀଲେ ।
ନିରଞ୍ଜନେ ଦକ୍ଷିଣଦେଶଗଙ୍ଗେ
କାଵେରି କାଵେରି ମମ ପ୍ରସୀଦ ॥ ୪॥
କଲିପ୍ରମାଦାଖିଲଦୋଷନାଶେ
କାରୁଣ୍ୟପୂର୍ଣେ କମଲାୟତାକ୍ଷେ ।
କଦମ୍ବକଲ୍ହାରସୁଗନ୍ଧିପୂରେ
କାଵେରି କାଵେରି ମମ ପ୍ରସୀଦ ॥ ୫॥
ଅନନ୍ତଦିଵ୍ୟାମଲମୋକ୍ଷଦାତ୍ରି
ଦୁରନ୍ତସଂସାରଵିମୋଚନାଙ୍ଘ୍ର୍ୟେ
ସହ୍ୟାଚଲୋତ୍ପନ୍ନଵିଶ୍ଵସ୍ଵରୂପେ
କାଵେରି କାଵେରି ମମ ପ୍ରସୀଦ ॥ ୬॥
ଦେଵାଲୟାପୂରିତଦିଵ୍ୟତୀରେ
ସମସ୍ତଲୋକୋତ୍ତମତୀର୍ଥମୂର୍ଧେ
କାଶ୍ମୀରଭୂଃକଲ୍ପିତଚୋଲଦେଶେ
କାଵେରି କାଵେରି ମମ ପ୍ରସୀଦ ॥ ୭॥
ପ୍ରସୀଦ କଲ୍ୟାଣଗୁଣାଭିରାମେ
ପ୍ରସୀଦ କାଵେରି ମମ ପ୍ରସୀଦ
ପ୍ରସୀଦ କାମାଦିହରେ ପଵିତ୍ରେ
କାଵେରି କାଵେରି ମମ ପ୍ରସୀଦ ॥ ୮॥
କାକାରୋ କଲ୍ମଷଂ ହନ୍ତି
ଵେକାରୋ ଵାଞ୍ଛିତପ୍ରଦଃ
ରୀକାରୋ ମୋକ୍ଷଦୋ ନୄଣାଂ
କାଵେରୀତ୍ୟୁଚ୍ୟତେ ବୁଧୈଃ ॥ ୯॥
॥ ଇତି କାଵେର୍ୟଷ୍ଟକଂ ସମ୍ପୂର୍ଣମ୍ ॥
