Templesinindiainfo

Best Spiritual Website

Keshavashtakam Lyrics in Bengali | কেশবাষ্টকম্

কেশবাষ্টকম্ Lyrics in Bengali:

নবপ্রিয়কমঞ্জরীরচিতকর্ণপূরশ্রিয়ং
বিনিদ্রতরমালতীকলিতশেখরেণোজ্জ্বলম্ ।
দরোচ্ছ্বসিতয়ূথিকাগ্রথিতবল্গুবৈকক্ষকৃত্
ব্রজে বিজয়িনং ভজে বিপিনদেশতঃ কেশবম্ ॥ ১॥

পিশঙ্গি মণিকস্তনি প্রণতশৃঙ্গি পিঙ্গেক্ষণে
মৃদঙ্গমুখি ধূমলে শবলি হংসি বংশীপ্রিয়ে ।
ইতি স্বসুরভিকুলং তরলমাহ্বয়ন্তং মুদা
ব্রজে বিজয়িনং ভজে বিপিনদেশতঃ কেশবম্ ॥ ২॥

ঘনপ্রণয়মেদুরান্ মধুরনর্মগোষ্ঠীকলা
বিলাসনিলয়ান্ মিলদ্বিবিধবেশবিদ্যোতিনঃ ।
সখীন্ অখিলসারয়া পথিষু হাসয়ন্তং গিরা
ব্রজে বিজয়িনং ভজে বিপিনদেশতঃ কেশবম্ ॥ ৩॥

শ্রমাম্বুকণিকাবলীদরবিলীঢগণ্ডান্তরং
সমূঢাগিরিধাতুভির্লিখিতচারুপত্রাঙ্কুরম্ ।
উদঞ্চদলিমণ্ডলীদ্যুতিবিডম্বিবক্রালকং
ব্রজে বিজয়িনং ভজে বিপিনদেশতঃ কেশবম্ ॥ ৪॥

নিবদ্ধনবতর্ণকাবলিবিলোকনোত্কণ্ঠয়া
নটত্খুরপুটাঞ্চলৈরলঘুভির্ভুবং ভিন্দতীম্ ।
কলেন ধবলাঘটাং লঘু নিবর্তয়ন্তং পুরো
ব্রজে বিজয়িনং ভজে বিপিনদেশতঃ কেশবম্ ॥ ৫॥

পদ্মাঙ্কততিভির্বরাং বিরচয়ন্তমধ্বশ্রিয়ং
চলত্তরলনৈচিকীনিচয়ধূলিধূম্রস্রজম্ ।
মরুল্লহরিচঞ্চলীকৃতদুকূলচূডাঞ্চলং
ব্রজে বিজয়িনং ভজে বিপিনদেশতঃ কেশবম্ ॥ ৬॥

বিলাসমুরলীকলধ্বনিভিরুল্লসন্মানসাঃ
ক্ষণাদখিলবল্লবীঃ পুলকয়ন্তমন্তর্গৃহে ।
মুহুর্বিদধতং হৃদি প্রমুদিতাং চ গোষ্ঠেশ্বরীং
ব্রজে বিজয়িনং ভজে বিপিনদেশতঃ কেশবম্ ॥ ৭॥

উপেত্য পথি সুন্দরীততিভিরাভিরভ্যর্চিতং
স্মিতাঙ্কুরকরম্বিতৈর্নটদপাঙ্গভঙ্গীশতৈঃ ।
স্তনস্তবকসঞ্চরন্নয়নচঞ্চরীকাঞ্চলং
ব্রজে বিজয়িনং ভজে বিপিনদেশতঃ কেশবম্ ॥ ৮॥

ইদং নিখিলবল্লবীকুলমহোত্সবোল্লাসনং
ক্রমেণ কিল য়ঃ পুমান্ পঠতি সুষ্ঠু পদ্যাষ্টকম্ ।
তমুজ্জ্বলধিয়ং সদা নিজপদারবিন্দদ্বয়ে
রতিং দদদচঞ্চলাং সুখয়তাদ্ বিশাখাসখঃ ॥ ৯॥

ইতি শ্রীরূপগোস্বামিবিরচিতস্তবমালায়াং শ্রীকেশবাষ্টকং সম্পূর্ণম্ ।

Keshavashtakam Lyrics in Bengali | কেশবাষ্টকম্

Leave a Reply

Your email address will not be published. Required fields are marked *

Scroll to top