Shiva Ashtottara Namashtaka Stotram 2 in Malayalam:
॥ ശിവാഷ്ടോത്തരനാമശതകസ്തോത്രം 2 ॥
ശ്രീഗണേശായ നമഃ ।
ദേവാ ഊചുഃ ।
ജയ ശംഭോ വിഭോ രുദ്ര സ്വയംഭോ ജയ ശങ്കര ।
ജയേശ്വര ജയേശാന ജയ സര്‍വജ്ഞ കാമദ ॥ 1 ॥
നീലകണ്ഠ ജയ ശ്രീദ ശ്രീകണ്ഠ ജയ ധൂര്‍ജടേ ।
അഷ്ടമൂര്‍തേഽനന്തമൂര്‍തേ മഹാമൂര്‍തേ ജയാനഘ ॥ 2 ॥
ജയ പാപഹരാനങ്ഗനിഃസങ്ഗാഭങ്ഗനാശന ।
ജയ ത്വം ത്രിദശാധാര ത്രിലോകേശ ത്രിലോചന ॥ 3 ॥
ജയ ത്വം ത്രിപഥാധാര ത്രിമാര്‍ഗ ത്രിഭിരൂര്‍ജിത ।
ത്രിപുരാരേ ത്രിധാമൂര്‍തേ ജയൈകത്രിജടാത്മക ॥ 4 ॥
ശശിശേഖര ശൂലേശ പശുപാല ശിവാപ്രിയ ।
ശിവാത്മക ശിവ ശ്രീദ സുഹൃച്ഛ്രീശതനോ ജയ ॥ 5 ॥
സര്‍വ സര്‍വേശ ഭൂതേശ ഗിരിശ ത്വം ഗിരീശ്വര ।
ജയോഗ്രരൂപ മീമേശ ഭവ ഭര്‍ഗ ജയ പ്രഭോ ॥ 6 ॥
ജയ ദക്ഷാധ്വരധ്വംസിന്നന്ധകധ്വംസകാരക ।
രുണ്ഡമാലിന്‍ കപാലിംസ്ഥം ഭുജങ്ഗാജിനഭൂഷണ ॥ 7 ॥
ദിഗംബര ദിശാം നാഥ വ്യോമകശ ചിതാമ്പതേ ।
ജയാധാര നിരാധാര ഭസ്മാധാര ധരാധര ॥ 8 ॥
ദേവദേവ മഹാദേവ ദേവതേശാദിദൈവത ।
വഹ്നിവീര്യ ജയ സ്ഥാണോ ജയായോനിജസംഭവ ॥ 9 ॥
ഭവ ശര്‍വ മഹാകാല ഭസ്മാങ്ഗ സര്‍പഭൂഷണ ।
ത്ര്യംബക സ്ഥപതേ വാചാമ്പതേ ഭോ ജഗതാമ്പതേ ॥ 10 ॥
ശിപിവിഷ്ട വിരൂപാക്ഷ ജയ ലിങ്ഗ വൃഷധ്വജ ।
നീലലോഹിത പിങ്ഗാക്ഷ ജയ ഖട്വാങ്ഗമണ്ഡന ॥ 11 ॥
കൃത്തിവാസ അഹിര്‍ബുധ്ന്യ മൃഡാനീശ ജടാംബുഭൃത് ।
ജഗദ്ഭ്രാതര്‍ജഗന്‍മാതര്‍ജഗത്താത ജഗദ്ഗുരോ ॥ 12 ॥
പഞ്ചവക്ത്ര മഹാവക്ത്ര കാലവക്ത്ര ഗജാസ്യഭൃത് ।
ദശബാഹോ മഹാബാഹോ മഹാവീര്യ മഹാബല ॥ 13 ॥
അഘോരഘോരവക്ത്ര ത്വം സദ്യോജാത ഉമാപതേ ।
സദാനന്ദ മഹാനന്ദ നന്ദമൂര്‍തേ ജയേശ്വര ॥ 14 ॥
ഏവമഷ്ടോത്തരശതം നാംനാം ദേവകൃതം തു യേ ।
ശംഭോര്‍ഭക്ത്യാ സ്മരന്തീഹ ശൃണ്വന്തി ച പഠന്തി ച ॥ 15 ॥
ന താപാസ്ത്രിവിധാസ്തേഷാം ന ശോകോ ന രുജാദയഃ ।
ഗ്രഹഗോചരപീഡാ ച തേഷാം ക്വാപി ന വിദ്യതേ ॥ 16 ॥
ശ്രീഃ പ്രജ്ഞാഽഽരോഗ്യമായുഷ്യം സൌഭാഗ്യം ഭാഗ്യമുന്നതിം ।
വിദ്യാ ധര്‍മേ മതിഃ ശംഭോര്‍ഭക്തിസ്തേഷാം ന സംശയഃ ॥ 17 ॥
ഇതി ശ്രീസ്കന്ദപുരാണേ സഹ്യാദ്രിഖണ്ഡേ
ശിവാഷ്ടോത്തരനാമശതകസ്തോത്രം സമ്പൂര്‍ണം ॥
Also Read:
Lord Shiva Ashtottara Namashtaka Stotram 2 in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil