Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Mahamaya Ashtakam Lyrics in Oriya | ମହାମାୟାଷ୍ଟକମ୍

Mahamaya Ashtakam Lyrics in Oriya | ମହାମାୟାଷ୍ଟକମ୍

47 Views

ମହାମାୟାଷ୍ଟକମ୍ Lyrics in Oriya:

॥ (ପୈଙ୍ଗନାଡୁ) ଗଣପତିଶାସ୍ତ୍ରିକୃତମ୍ ॥

ସତ୍ସ୍ଵନ୍ୟେଷ୍ଵପି ଦୈଵତେଷୁ ବହୁଷୁ ପ୍ରାୟୋ ଜନା ଭୂତଲେ
ୟାମେକାଂ ଜନନୀତି ସନ୍ତତମମୀ ଜଲ୍ପନ୍ତି ତାଦୃଗ୍ଵିଧା ।
ଭକ୍ତସ୍ତୋମଭୟପ୍ରଣାଶନଚଣା ଭଵ୍ୟାୟ ଦୀଵ୍ୟତ୍ଵସୌ
ଦେଵୀ ସ୍ଫୋଟଵିପାଟନୈକଚତୁରା ମାତା ମହାମାୟିକା ॥ ୧॥

ମାତେତ୍ୟାହ୍ଵୟ ଏଵ ଜଲ୍ପତି ମହଦ୍ ଵାତ୍ସଲ୍ୟମସ୍ମାସୁ ତେ
କାରୁଣ୍ୟେ ତଵ ଶୀତଲେତି ୟଦିଦଂ ନାମୈଵ ସାକ୍ଷୀୟତେ ।
ଇତ୍ଥଂ ଵତ୍ସଲତାଦୟାନିଧିରିତି ଖ୍ୟାତା ତ୍ଵମସ୍ମାନିମାନ୍
ମାତଃ କାତରତାଂ ନିର୍ଵାୟ ନିତରାମାନନ୍ଦିତାନାତନୁ ॥ ୨॥

ପ୍ରତ୍ୟକ୍ଷେତରଵୈଭଵୈଃ କିମିତରୈର୍ଦେଵଵ୍ରଜୈସ୍ତାଦୃଶୈଃ
ନିନ୍ଦାୟାମପି ଚ ସ୍ତୁତାଵପି ଫଲଂ କିଂଚିନ୍ନ ୟେ ତନ୍ଵତେ ।
ୟା ନିନ୍ଦାସ୍ତଵୟୋଃ ଫଲଂ ଭଗଵତୀ ଦତ୍ସେଽନୁରୂପଂ କ୍ଷଣାନ୍
ନୂନଂ ତାଦୃଶଵୈଭଵା ଵିଜୟସେ ଦେଵି ତ୍ଵମେକା ଭୁଵି ॥ ୩॥

ଵୃତ୍ତାନ୍ତଂ ଵିଵିଧପ୍ରକାରମୟି ତେ ଜଲ୍ପନ୍ତି ଲୋକେ ଜନାଃ
ତତ୍ତ୍ଵଂ ନୋପଲଭେ ତଥୈଵ ନ ଵିଧିଂ ଜାନେ ତ୍ଵଦାରାଧନେ ।
ତସ୍ମାଦମ୍ବ କଥଂ ପୁନଃ କଲୟିତୁଂ ଶକ୍ତାସ୍ମି ତେ ପୂଜନଂ
ନୂନଂ ଵଚ୍ମି ଦୟାନିଧେଽଵତୁ ଜଡାନସ୍ମାନ୍ ଭଵତ୍ୟାଦରାତ୍ ॥ ୪॥

ରୋଦଂରୋଦମୁଦୀର୍ଣବାଷ୍ପଲହରୀକ୍ଲିନ୍ନାନନେ ତେ ଶିଶା-
ଵସ୍ମିନ୍ ତପ୍ୟତି କିଂଚିଦତ୍ର କରୁଣାଦୃଷ୍ଟିଂ ଵିଧତ୍ସେ ନ ଚେତ୍ ।
ପାତୁଂ ସ୍ଫୋଟଗଦାତ୍ ପଟୁତ୍ଵମିଵ ତେ କସ୍ୟାସ୍ତି ମାତର୍ଵଦ
କ୍କାୟଂ ଗଚ୍ଛତୁ କସ୍ୟ ପଶ୍ୟତୁ ମୁଖଂ କା ଵା ଗତିର୍ଲଭ୍ୟତାମ୍ ॥ ୫॥

ଧର୍ମ୍ୟାନୁଚ୍ଚରତାଂ ପଥଃ କଲୟତାଂ ଦୋଷାଂସ୍ତଥା ଚାତ୍ମନଃ
ସ୍ଵୈରଂ ନିନ୍ଦନମାତନୋତୁ ସତତଂ ଦ୍ଵେଷ୍ୟେଽପଥେ ତିଷ୍ଠତୁ ।
ଏତାଵତ୍ୟପି ଵତ୍ସକେ କିଲ ଶୁଚଂ ୟାତେ ମନାକ୍ ତତ୍କ୍ଷଣଂ
ତତ୍ତ୍ରାଣେ ଜନନୀ ପ୍ରୟାସ୍ୟତି ହି ତନ୍ମାତସ୍ତ୍ଵମସ୍ମାନଵ ॥ ୬॥

ଆବାଲସ୍ଥଵିରଂ ପ୍ରସିଦ୍ଧମୟି ତେ ମାତେତି ୟନ୍ନାମ ତଦ୍
ଗୋପ୍ତୁଂ ନୈଵ ହି ଶକ୍ୟମମ୍ବ ତଦସୌ ତାଦୃଗ୍ଵିଧା ତ୍ଵଂ ୟଦି ।
ଅସ୍ମିନ୍ ଖିଦ୍ୟତି ଵତ୍ସକେ ନ ତନୁଷେ ମାତୁର୍ଗୁଣଂ ଚେତ୍ତଦା
ନୂନଂ ସ୍ୟାଦପଵାଦପାତ୍ରମୟି ତନ୍ମାତସ୍ତ୍ଵମସ୍ମାନଵ ॥ ୭॥

ମୁକ୍ତାହାରମନୋହରଦ୍ୟୁତିୟୁତାଂ ମୂର୍ତିଂ ନରାସ୍ତାଵକୀଂ
ୟେ ଧ୍ୟାୟନ୍ତି ମୃଣାଲତନ୍ତୁସଦୃଶୀଂ ନାଭୀହୃଦୋରନ୍ତରେ ।
ତେ ଘୋରଜ୍ଵରଭାରଜାତଵିଷମସ୍ଫୋଟସ୍ଫୁଟଦ୍ଦୁଃସହ-
କ୍ଲେଦୋଦ୍ୟତ୍କଟୁପୂତିଗନ୍ଧମୟି ନୋ ଜାନନ୍ତ୍ୟମୀ ଜାତ୍ଵପି ॥ ୮॥

କାରୁଣ୍ୟାମ୍ବୁଧିଶୀତଲାପଦପୟୋଜାତଦ୍ଵୟୀଭାଵନା-
ଜାତସ୍ଫୀତହୃଦମ୍ବୁଜାମିତସୁଧାନିର୍ୟାସରୂପାମିମାମ୍ ।
ୟେ ମର୍ତ୍ୟା ସ୍ତୁତିମାଦରାଦ୍ ଗଣପତେର୍ଵକ୍ତ୍ରାମ୍ବୁଜାନ୍ନିଃସୃତାଂ
ଵିଶ୍ଵାସେନ ପଠନ୍ତି ତେ ନ ଦଧତେ ସ୍ଫୋଟଵ୍ୟଥାଂ ଜାତୁଚିତ୍ ॥ ୯॥

ଇତି ଶ୍ରୀମହାମାୟାଷ୍ଟକଂ ସଂପୂର୍ଣମ୍

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *