મહાપ્રભોરાષ્ટકમ્ Lyrics in Gujarati:
સ્વરૂપ ભવતો ભવત્વયમિતિ સ્મિતસ્નિગ્ધયા
ગિરૈવ રઘુનાથમુત્પુલિકગાત્રમુલ્લાસયન્ ।
રહસ્યુપદિશન્ નિજપ્રણયગૂઢમુદ્રાં સ્વયં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૧॥
સ્વરૂપ મમ હૃદ્વ્રણં બત વિવેદ રૂપઃ કથં
લિલેખ યદયં પઠ ત્વમપિ તાલપત્રેઽક્ષરમ્ ।
ઇતિ પ્રણયવેલ્લિતં વિદધદાશુ રૂપાન્તરં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૨॥
સ્વરૂપ પરકીયસત્પ્રવરવસ્તુનાશેચ્છતાં
દધજ્જન ઇહ ત્વયા પરિચિતો ન વેતીક્ષયન્ ।
સનાતનમુદિત્ય વિસ્મિતમુખં મહાવિસ્મિતં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૩॥
સ્વરૂપ હરિનામ યજ્જગદઘોષયં તેન કિં
ન વાચયિતુમપ્યથાશકમિમં શિવાનન્દજમ્ ।
ઇતિ સ્વપદલેહનૈઃ શિશુમચીકરદ્ યઃ કવિં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૪॥
સ્વરૂપ રસરીતિરમ્બુજદૃશામ્ વ્રજે ભણ્યતાં
ઘનપ્રણયમાનજા શ્રુતિયુગં મમોત્કણ્ઠતે ।
રમા યદિહ માનિની તદપિ લોકયેતિ બ્રુવન્
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૫॥
સ્વરૂપ રસમન્દિરં ભવસિ મન્મુદામાસ્પદં
ત્વમત્ર પુરુષોત્તમે વ્રજભુવીવ મે વર્તસે ।
ઇતિ સ્વપરિરમ્ભણૈઃ પુલકિનં વ્યધાત્ તં ચ યો
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૬॥
સ્વરૂપ કિમપીક્ષિતં ક્વ નુ વિભો નિશિ સ્વપ્નતઃ
પ્રભો કથય કિમ્ નુ તમ્ નવયુવા વરામ્ભોધરઃ ।
વ્યધાત્ કિમયમીક્ષ્યતે કિમુ ન હીત્યગાત્ તાં દશાં
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૭॥
સ્વરૂપ મમ નેત્રયોઃ પુરત એવ કૃષ્ણો હસન્ન્
અપૈતિ ન કરગ્રહં બત દદાતિ હા કિં સખે ।
ઇતિ સ્ખલતિ ધાવતિ શ્વસિતિ ઘૂર્ણતે યઃ સદા
વિરાજતુ ચિરાય મે હૃદિ સ ગૌરચન્દ્રઃ પ્રભુઃ ॥ ૮॥
સ્વરૂપચરિતામૃતં કિલ મહાપ્રભોરષ્ટકં
રહસ્યતમમદ્ભુતં પઠતિ યઃ કૃતી પ્રત્યહમ્ ।
સ્વરૂપપરિવારતાં નયતિ તઆ શચીનન્દનો
ઘનપ્રણયમાધુરીં સ્વપદયોઃ સમાસ્વાદયન્ ॥ ૯॥
ઇતિ શ્રીવિશ્વનાથચક્રવર્તીઠાકુરવિરચિતં મહાપ્રભોરાષ્ટકં સમ્પૂર્ણમ્ ।
