Templesinindiainfo

Best Spiritual Website

Mahaprabhora Ashtakam Lyrics in Kannada | ಮಹಾಪ್ರಭೋರಾಷ್ಟಕಮ್

ಮಹಾಪ್ರಭೋರಾಷ್ಟಕಮ್ Lyrics in Kannada:

ಸ್ವರೂಪ ಭವತೋ ಭವತ್ವಯಮಿತಿ ಸ್ಮಿತಸ್ನಿಗ್ಧಯಾ
ಗಿರೈವ ರಘುನಾಥಮುತ್ಪುಲಿಕಗಾತ್ರಮುಲ್ಲಾಸಯನ್ ।
ರಹಸ್ಯುಪದಿಶನ್ ನಿಜಪ್ರಣಯಗೂಢಮುದ್ರಾಂ ಸ್ವಯಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 1॥

ಸ್ವರೂಪ ಮಮ ಹೃದ್ವ್ರಣಂ ಬತ ವಿವೇದ ರೂಪಃ ಕಥಂ
ಲಿಲೇಖ ಯದಯಂ ಪಠ ತ್ವಮಪಿ ತಾಲಪತ್ರೇಽಕ್ಷರಮ್ ।
ಇತಿ ಪ್ರಣಯವೇಲ್ಲಿತಂ ವಿದಧದಾಶು ರೂಪಾನ್ತರಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 2॥

ಸ್ವರೂಪ ಪರಕೀಯಸತ್ಪ್ರವರವಸ್ತುನಾಶೇಚ್ಛತಾಂ
ದಧಜ್ಜನ ಇಹ ತ್ವಯಾ ಪರಿಚಿತೋ ನ ವೇತೀಕ್ಷಯನ್ ।
ಸನಾತನಮುದಿತ್ಯ ವಿಸ್ಮಿತಮುಖಂ ಮಹಾವಿಸ್ಮಿತಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 3॥

ಸ್ವರೂಪ ಹರಿನಾಮ ಯಜ್ಜಗದಘೋಷಯಂ ತೇನ ಕಿಂ
ನ ವಾಚಯಿತುಮಪ್ಯಥಾಶಕಮಿಮಂ ಶಿವಾನನ್ದಜಮ್ ।
ಇತಿ ಸ್ವಪದಲೇಹನೈಃ ಶಿಶುಮಚೀಕರದ್ ಯಃ ಕವಿಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 4॥

ಸ್ವರೂಪ ರಸರೀತಿರಮ್ಬುಜದೃಶಾಮ್ ವ್ರಜೇ ಭಣ್ಯತಾಂ
ಘನಪ್ರಣಯಮಾನಜಾ ಶ್ರುತಿಯುಗಂ ಮಮೋತ್ಕಂಠತೇ ।
ರಮಾ ಯದಿಹ ಮಾನಿನೀ ತದಪಿ ಲೋಕಯೇತಿ ಬ್ರುವನ್
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 5॥

ಸ್ವರೂಪ ರಸಮನ್ದಿರಂ ಭವಸಿ ಮನ್ಮುದಾಮಾಸ್ಪದಂ
ತ್ವಮತ್ರ ಪುರುಷೋತ್ತಮೇ ವ್ರಜಭುವೀವ ಮೇ ವರ್ತಸೇ ।
ಇತಿ ಸ್ವಪರಿರಮ್ಭಣೈಃ ಪುಲಕಿನಂ ವ್ಯಧಾತ್ ತಂ ಚ ಯೋ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 6॥

ಸ್ವರೂಪ ಕಿಮಪೀಕ್ಷಿತಂ ಕ್ವ ನು ವಿಭೋ ನಿಶಿ ಸ್ವಪ್ನತಃ
ಪ್ರಭೋ ಕಥಯ ಕಿಮ್ ನು ತಮ್ ನವಯುವಾ ವರಾಮ್ಭೋಧರಃ ।
ವ್ಯಧಾತ್ ಕಿಮಯಮೀಕ್ಷ್ಯತೇ ಕಿಮು ನ ಹೀತ್ಯಗಾತ್ ತಾಂ ದಶಾಂ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 7॥

ಸ್ವರೂಪ ಮಮ ನೇತ್ರಯೋಃ ಪುರತ ಏವ ಕೃಷ್ಣೋ ಹಸನ್ನ್
ಅಪೈತಿ ನ ಕರಗ್ರಹಂ ಬತ ದದಾತಿ ಹಾ ಕಿಂ ಸಖೇ ।
ಇತಿ ಸ್ಖಲತಿ ಧಾವತಿ ಶ್ವಸಿತಿ ಘೂರ್ಣತೇ ಯಃ ಸದಾ
ವಿರಾಜತು ಚಿರಾಯ ಮೇ ಹೃದಿ ಸ ಗೌರಚನ್ದ್ರಃ ಪ್ರಭುಃ ॥ 8॥

ಸ್ವರೂಪಚರಿತಾಮೃತಂ ಕಿಲ ಮಹಾಪ್ರಭೋರಷ್ಟಕಂ
ರಹಸ್ಯತಮಮದ್ಭುತಂ ಪಠತಿ ಯಃ ಕೃತೀ ಪ್ರತ್ಯಹಮ್ ।
ಸ್ವರೂಪಪರಿವಾರತಾಂ ನಯತಿ ತಆ ಶಚೀನನ್ದನೋ
ಘನಪ್ರಣಯಮಾಧುರೀಂ ಸ್ವಪದಯೋಃ ಸಮಾಸ್ವಾದಯನ್ ॥ 9॥

ಇತಿ ಶ್ರೀವಿಶ್ವನಾಥಚಕ್ರವರ್ತೀಠಾಕುರವಿರಚಿತಂ ಮಹಾಪ್ರಭೋರಾಷ್ಟಕಂ ಸಮ್ಪೂರ್ಣಮ್ ।

Mahaprabhora Ashtakam Lyrics in Kannada | ಮಹಾಪ್ರಭೋರಾಷ್ಟಕಮ್

Leave a Reply

Your email address will not be published. Required fields are marked *

Scroll to top