ମହାପ୍ରଭୋରାଷ୍ଟକମ୍ Lyrics in Oriya:
ସ୍ଵରୂପ ଭଵତୋ ଭଵତ୍ଵୟମିତି ସ୍ମିତସ୍ନିଗ୍ଧୟା
ଗିରୈଵ ରଘୁନାଥମୁତ୍ପୁଲିକଗାତ୍ରମୁଲ୍ଲାସୟନ୍ ।
ରହସ୍ୟୁପଦିଶନ୍ ନିଜପ୍ରଣୟଗୂଢମୁଦ୍ରାଂ ସ୍ଵୟଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୧॥
ସ୍ଵରୂପ ମମ ହୃଦ୍ଵ୍ରଣଂ ବତ ଵିଵେଦ ରୂପଃ କଥଂ
ଲିଲେଖ ୟଦୟଂ ପଠ ତ୍ଵମପି ତାଲପତ୍ରେଽକ୍ଷରମ୍ ।
ଇତି ପ୍ରଣୟଵେଲ୍ଲିତଂ ଵିଦଧଦାଶୁ ରୂପାନ୍ତରଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୨॥
ସ୍ଵରୂପ ପରକୀୟସତ୍ପ୍ରଵରଵସ୍ତୁନାଶେଚ୍ଛତାଂ
ଦଧଜ୍ଜନ ଇହ ତ୍ଵୟା ପରିଚିତୋ ନ ଵେତୀକ୍ଷୟନ୍ ।
ସନାତନମୁଦିତ୍ୟ ଵିସ୍ମିତମୁଖଂ ମହାଵିସ୍ମିତଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୩॥
ସ୍ଵରୂପ ହରିନାମ ୟଜ୍ଜଗଦଘୋଷୟଂ ତେନ କିଂ
ନ ଵାଚୟିତୁମପ୍ୟଥାଶକମିମଂ ଶିଵାନନ୍ଦଜମ୍ ।
ଇତି ସ୍ଵପଦଲେହନୈଃ ଶିଶୁମଚୀକରଦ୍ ୟଃ କଵିଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୪॥
ସ୍ଵରୂପ ରସରୀତିରମ୍ବୁଜଦୃଶାମ୍ ଵ୍ରଜେ ଭଣ୍ୟତାଂ
ଘନପ୍ରଣୟମାନଜା ଶ୍ରୁତିୟୁଗଂ ମମୋତ୍କଣ୍ଠତେ ।
ରମା ୟଦିହ ମାନିନୀ ତଦପି ଲୋକୟେତି ବ୍ରୁଵନ୍
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୫॥
ସ୍ଵରୂପ ରସମନ୍ଦିରଂ ଭଵସି ମନ୍ମୁଦାମାସ୍ପଦଂ
ତ୍ଵମତ୍ର ପୁରୁଷୋତ୍ତମେ ଵ୍ରଜଭୁଵୀଵ ମେ ଵର୍ତସେ ।
ଇତି ସ୍ଵପରିରମ୍ଭଣୈଃ ପୁଲକିନଂ ଵ୍ୟଧାତ୍ ତଂ ଚ ୟୋ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୬॥
ସ୍ଵରୂପ କିମପୀକ୍ଷିତଂ କ୍ଵ ନୁ ଵିଭୋ ନିଶି ସ୍ଵପ୍ନତଃ
ପ୍ରଭୋ କଥୟ କିମ୍ ନୁ ତମ୍ ନଵୟୁଵା ଵରାମ୍ଭୋଧରଃ ।
ଵ୍ୟଧାତ୍ କିମୟମୀକ୍ଷ୍ୟତେ କିମୁ ନ ହୀତ୍ୟଗାତ୍ ତାଂ ଦଶାଂ
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୭॥
ସ୍ଵରୂପ ମମ ନେତ୍ରୟୋଃ ପୁରତ ଏଵ କୃଷ୍ଣୋ ହସନ୍ନ୍
ଅପୈତି ନ କରଗ୍ରହଂ ବତ ଦଦାତି ହା କିଂ ସଖେ ।
ଇତି ସ୍ଖଲତି ଧାଵତି ଶ୍ଵସିତି ଘୂର୍ଣତେ ୟଃ ସଦା
ଵିରାଜତୁ ଚିରାୟ ମେ ହୃଦି ସ ଗୌରଚନ୍ଦ୍ରଃ ପ୍ରଭୁଃ ॥ ୮॥
ସ୍ଵରୂପଚରିତାମୃତଂ କିଲ ମହାପ୍ରଭୋରଷ୍ଟକଂ
ରହସ୍ୟତମମଦ୍ଭୁତଂ ପଠତି ୟଃ କୃତୀ ପ୍ରତ୍ୟହମ୍ ।
ସ୍ଵରୂପପରିଵାରତାଂ ନୟତି ତଆ ଶଚୀନନ୍ଦନୋ
ଘନପ୍ରଣୟମାଧୁରୀଂ ସ୍ଵପଦୟୋଃ ସମାସ୍ଵାଦୟନ୍ ॥ ୯॥
ଇତି ଶ୍ରୀଵିଶ୍ଵନାଥଚକ୍ରଵର୍ତୀଠାକୁରଵିରଚିତଂ ମହାପ୍ରଭୋରାଷ୍ଟକଂ ସମ୍ପୂର୍ଣମ୍ ।
