మహాప్రభోరాష్టకమ్ Lyrics in Telugu:
స్వరూప భవతో భవత్వయమితి స్మితస్నిగ్ధయా
గిరైవ రఘునాథముత్పులికగాత్రముల్లాసయన్ ।
రహస్యుపదిశన్ నిజప్రణయగూఢముద్రాం స్వయం
విరాజతు చిరాయ మే హృది స గౌరచన్ద్రః ప్రభుః ॥ ౧॥
స్వరూప మమ హృద్వ్రణం బత వివేద రూపః కథం
లిలేఖ యదయం పఠ త్వమపి తాలపత్రేఽక్షరమ్ ।
ఇతి ప్రణయవేల్లితం విదధదాశు రూపాన్తరం
విరాజతు చిరాయ మే హృది స గౌరచన్ద్రః ప్రభుః ॥ ౨॥
స్వరూప పరకీయసత్ప్రవరవస్తునాశేచ్ఛతాం
దధజ్జన ఇహ త్వయా పరిచితో న వేతీక్షయన్ ।
సనాతనముదిత్య విస్మితముఖం మహావిస్మితం
విరాజతు చిరాయ మే హృది స గౌరచన్ద్రః ప్రభుః ॥ ౩॥
స్వరూప హరినామ యజ్జగదఘోషయం తేన కిం
న వాచయితుమప్యథాశకమిమం శివానన్దజమ్ ।
ఇతి స్వపదలేహనైః శిశుమచీకరద్ యః కవిం
విరాజతు చిరాయ మే హృది స గౌరచన్ద్రః ప్రభుః ॥ ౪॥
స్వరూప రసరీతిరమ్బుజదృశామ్ వ్రజే భణ్యతాం
ఘనప్రణయమానజా శ్రుతియుగం మమోత్కణ్ఠతే ।
రమా యదిహ మానినీ తదపి లోకయేతి బ్రువన్
విరాజతు చిరాయ మే హృది స గౌరచన్ద్రః ప్రభుః ॥ ౫॥
స్వరూప రసమన్దిరం భవసి మన్ముదామాస్పదం
త్వమత్ర పురుషోత్తమే వ్రజభువీవ మే వర్తసే ।
ఇతి స్వపరిరమ్భణైః పులకినం వ్యధాత్ తం చ యో
విరాజతు చిరాయ మే హృది స గౌరచన్ద్రః ప్రభుః ॥ ౬॥
స్వరూప కిమపీక్షితం క్వ ను విభో నిశి స్వప్నతః
ప్రభో కథయ కిమ్ ను తమ్ నవయువా వరామ్భోధరః ।
వ్యధాత్ కిమయమీక్ష్యతే కిము న హీత్యగాత్ తాం దశాం
విరాజతు చిరాయ మే హృది స గౌరచన్ద్రః ప్రభుః ॥ ౭॥
స్వరూప మమ నేత్రయోః పురత ఏవ కృష్ణో హసన్న్
అపైతి న కరగ్రహం బత దదాతి హా కిం సఖే ।
ఇతి స్ఖలతి ధావతి శ్వసితి ఘూర్ణతే యః సదా
విరాజతు చిరాయ మే హృది స గౌరచన్ద్రః ప్రభుః ॥ ౮॥
స్వరూపచరితామృతం కిల మహాప్రభోరష్టకం
రహస్యతమమద్భుతం పఠతి యః కృతీ ప్రత్యహమ్ ।
స్వరూపపరివారతాం నయతి తఆ శచీనన్దనో
ఘనప్రణయమాధురీం స్వపదయోః సమాస్వాదయన్ ॥ ౯॥
ఇతి శ్రీవిశ్వనాథచక్రవర్తీఠాకురవిరచితం మహాప్రభోరాష్టకం సమ్పూర్ణమ్ ।
